The Master
21-03-2010, 09:04 PM
احم احم...ثم احم...
حيالله جماعة الربع...وش حال كلن بحاله...
اليوم...وبعد وقت طويل...نرجع لكم...بيوميات جديده...من سلسلة "يوميات عليان"
طبعا لازم نبذه تعريفيه لليوميات...للي ماحضرها من قبل...
يوميــــــات عليان في اوصطراليا!! احم (http://www.qatarshares.com/vb/showthread.php?t=284465&highlight=%ED%E6%E3%ED%C7%CA+%DA%E1%ED%C7%E4)
يوميات عليان في اوصطراليا "البحث عن انمي اخر الليل" احم (http://www.qatarshares.com/vb/showthread.php?t=285775&highlight=%ED%E6%E3%ED%C7%CA+%DA%E1%ED%C7%E4)
يوميات عليان في اوصطراليا "متفرقات ومواقف" (http://www.qatarshares.com/vb/showthread.php?t=289718&highlight=%ED%E6%E3%ED%C7%CA+%DA%E1%ED%C7%E4)
:::يوميات عليان في اوصطراليا:::يوم من رمضان::: (http://www.qatarshares.com/vb/showthread.php?t=299042&highlight=%ED%E6%E3%ED%C7%CA+%DA%E1%ED%C7%E4)
:::يوميات عليان في اوصطراليا:::يوم العيد:::صور:::فيديو:: (http://www.qatarshares.com/vb/showthread.php?t=302368&highlight=%ED%E6%E3%ED%C7%CA+%DA%E1%ED%C7%E4)
:::يوميات عليان:::متسند على سور الصين:::احم (http://www.qatarshares.com/vb/showthread.php?t=346223&highlight=%ED%E6%E3%ED%C7%CA+%DA%E1%ED%C7%E4)
:::يوميات عليان...في دبي...يقطر منه الدهن:::...احم (http://www.qatarshares.com/vb/showthread.php?t=346223&highlight=%ED%E6%E3%ED%C7%CA+%DA%E1%ED%C7%E4)
عقب هالمقدمه...
نرجع لموضوعنا اليوم...
بعد مايبيله...من العنوان مفهوم المحتوى...اهم شي اني متعلق...
ومتعلق في هالبرج...
http://ae7m.com/blog/wp-content/uploads/2010/03/tokyo-tower.jpg
احم...ها شفتوني..."اشفيييه بو دم خفيف..."
اليوم بحاول اتفنتق...
ولان الموضوع طويل...باقسمه لكم جزء...
السبب...
لاني رحت لليابان لمدة شهر...رحلة عمل...فا كانت لي علوم كثيره هناك...ولهالسبب يبغي لها اكثر من موضوع...
ماعلينا...
بسم الله نبتدي...
السفره كانت اخر شهر 3 سنة 2008
وحجزت على الاماراتيه "الحب"...مافي احسن منها طيران...ايميريتس وبس...
ويابالفيت اني مريش و9 ساعات طيران...قلت احجز بزنس...يعني خطير الاخ...وولد نعمه..."اجل لو حاجز اولى وش بتقول...احم"
فا طرت من الدوحه ووصلت مطار دبي...انصاف الليالي...وباقي كم ساعه على الطياره الى اوساكا"اليابان"...
قلت خلني احوس في مطار دبي...ومن كثر المشي...صارت تفاعلات...فا على اثرها...رحنا وانتوا بكرامه الحمام...
ولما طلعنا بالسلامه...شفت الساعه...باقي عن الطياره اقل من نص ساعه...فا ركض على البوابه...وكنت من اواخر اللي اوصلوا...
عطيت الرجال التذكره...رفع راسه وطالعني...والتفت للي وراه...
حط تذكرتي على الطاوله...قمت اتلفت...قلت بس...الحين بيقولون لي تعال بكره...الطياره طارت...
والا اللي وراه تقدم...ومد يده على الطاوله...وخذ التذكره...وقال لي..."تفضل...سوينا لك upgrade الى الاولى"...قلت له اوش اوش...زين اللي مادقيته خشم بس...احم
عاد اول مادخلت الطياره...مريت على البزنس...وانا رافع خشمي فوق...ومخيس النفس...يبا اولى...خلكم انتوا "قال لي بزنس قال"...يعني مب جايتني بلاش...احم
المهم وصلت الاولى...يا ولد لا اكاد اصدق ام عيني...
http://blog.sleepinginairports.com/wp-content/uploads/2009/03/emirates-first-class.jpg
قدامك شاشه 21 بوصه...
يسارك...تكايه...وتحتها ثلاجه حاطين فيها بارد...عصير بيبسي وسفن...
وجهاز ريموت...للتلفزيون...والكرسي فيه مية الف وضعيه...على حسب راحتك...يعني غصب لازم ترتاح...
واهم شي المساج في الكرسي...اويلاه بس...كنك راكب داتسن...احم
وعلى اليمين باب سحاب...تسكره اذا بغيت خصوصيه..."اوش اوش"...
http://www.instablogsimages.com/images/2009/05/05/3_etihad_press_01_Spq2A_48.jpg
اول ماقعدت...الا بذيك المضيفه...تقول لي تفضل هذي سلة كوافي وشبس لك...حق الرحله...وان بغيت زود مايردك الا لسانك..."ماقالتها حرفيا...لكن انا فهمتها كذا...احم"
وبعد دقايق جابت شنطه بلقاري..."bvlgary" فيها عده الحلاقه وعطورات وكم شي ترتيب...
http://www.couturecentral.com/wp-content/uploads/2008/08/emirates-first-class-suite-1.jpg
طرنا...والطيار ضبط الارتفاع...والسرعه...وقال يالله عيشوا حياتكم...
عاد انا مافي...ماعندي واحد اثنين...كنت انتظر الريوق...ابغي بلعه...احم...اخاف انام ويفوتني...
جات المضيفه...قالت لي...تفضل هذا المينيو...متى مابغيت قول لنا...وبنجيب لك الاكل...
قلت لها مب شرط الحين يعني؟؟..."كنت مغتث...رقدت على الشبس والكوافي...احم"
قالت لي لا...براحتك...
قلت لها خلاص بنام...وبعدين باكرفكم...شنو دافع فلوس...مب اولى بلاش...احم
قالت لي طيب دقايق...راحت...وجابت كم كيس...عطتني واحد وقالت لي تفضل هذي بيجامتك...روح بدل في الحمام"وانتوا بكرامه"...وانا بارتب لك السرير...طبعا هنا انا بققت عيني...وفجيت حلجي...اخنقتني العبره صراحه...ماعرفت وش اعبر....او اقول...زين اللي مادمعت عيني...احم
وصلتني الحمام...ايييه اي حمام...خلكم يا بتاع السياحي...شوفوا هنا...
وقالت لي اذا بغيت تقدر تاخذ شاور...لا لا واللي يرحم والديكم...ماقدر استحمل هالدلع...احم
http://kevinvisser.com/wp-content/uploads/2008/07/plane-shower-on-emirates.jpg
جيت لكبينتي...عقب ما لبست البيجامه غصب..."لاسباب امنيه...احم"
شوفوني وانا منسدح...احم
http://biztravelguru.com/blogs/business-travel-news/Emirates-A380-First-Class-Suite-Full-Flat-Bed.jpg
خذ رقده لمده 6 ساعات...اوب اوب...
اشوف الرحله...والا باقي عليها ساعه ونص...قلت اوهو...لا يروح علي الاكل...شغل سريع سريع...وطلبت الاكل"عشان احلل الفلوس...احم"...كان شغل عدل...الاماراتيه دايما مبدعين في الاكل...
ولما قربنا...وصلت اوساكا...
وكان ترانزيت...ولازم اخذ طيران داخلي...لطوكيو...وكان انتظار 5 ساعات...
خلصت اموري...وغيرت التيرمنال"terminal"
وقعدت انتظر في صالة المغادرين...
اخوكم في الله...لعبته الالكترونيات...خاصه الكمبيوترات...
كان عندي لاب توب...نوعه "dell" موديله 20 بوصه...مافي منه الا كم حبه في العالم...وسعره غالي...
المهم من حجم البوصه اكيد حجمه كبير من قلب...لدرجه له شنطه خاصه من ديل...ماتنشال...وانما لها تواير وتنسحب...
المهم...
وانا قاعد في حال سبيلي...العب "PSP"..."ridge racer"...لاحظت وحده تخزني من بعيد...واسوي نفسي ما اشوفها...خبركم انا شريف..."احم"
ولما قربت الرحله...وباقي عليها ساعتين...اشوف المكان ازدحم...
هنا شفت اللي كانت تخزني جاتني...وكانت لابسه لبس المضيفات...
جات عندي...واقعدت ترطن بالياباني...وانا اتلفت...شسالفه...فا قلت لها بالياباني اني ما اعرف ياباني...كلميني بالانجليزي...
فا عقب هي اللي قامت اتلفت...ماعندها لغه التفهي...نادت وحده ثانيه...
توقوعوا وش السالفه...
ان الطياره زحمه...واصغيره...فا مكان الشنط اليدويه هم اصغير...وشنطة لاب توبي بتسوي زحمه لانها كبيره...ويمكن ماتدخل اصلا...
قلت لها...اخبارك بس...ومب حولك...يا انا واللاب توب...ولا مب مسافر..."ها وش رايكم شديد ها...احم"
مني مناك...قلت لهم سيماسين...سيماسين..."يعني اسف اسف"...بالياباني...
فا قفلوا...واحس سبوني بالياباني...فا سبيتهم بالقطري...وحده بوحده...
والحمدلله صعدنا الطياره...ورحت اول واحد عشان ما انكب...وحطيت اللاب توب على طول...
والحمدلله...وصلنا طوكيو...
وعاد وش علوم وسوالف طوكيو...بانزلها بعدين...
على حسب تفاعلكم لهالموضوع...شفت نشاط وحيويه..ورغبه...بانزله...
لا ومصور فيديو وحركات...احم
فا هالله هالله في الردود الطيبه...وماتجي الا من ناس طيبين...احم
عشان اشتط وانزل الجزء الثاني...
واسمحوا لنا على الاطاله...
حبيت اعيشكم جو السفره...
وكذلك...اسجل اعجابي بطيران الامارات"الحب" وخدمتهم المتميزه دايما...
ويامرحبا بك...
حيالله جماعة الربع...وش حال كلن بحاله...
اليوم...وبعد وقت طويل...نرجع لكم...بيوميات جديده...من سلسلة "يوميات عليان"
طبعا لازم نبذه تعريفيه لليوميات...للي ماحضرها من قبل...
يوميــــــات عليان في اوصطراليا!! احم (http://www.qatarshares.com/vb/showthread.php?t=284465&highlight=%ED%E6%E3%ED%C7%CA+%DA%E1%ED%C7%E4)
يوميات عليان في اوصطراليا "البحث عن انمي اخر الليل" احم (http://www.qatarshares.com/vb/showthread.php?t=285775&highlight=%ED%E6%E3%ED%C7%CA+%DA%E1%ED%C7%E4)
يوميات عليان في اوصطراليا "متفرقات ومواقف" (http://www.qatarshares.com/vb/showthread.php?t=289718&highlight=%ED%E6%E3%ED%C7%CA+%DA%E1%ED%C7%E4)
:::يوميات عليان في اوصطراليا:::يوم من رمضان::: (http://www.qatarshares.com/vb/showthread.php?t=299042&highlight=%ED%E6%E3%ED%C7%CA+%DA%E1%ED%C7%E4)
:::يوميات عليان في اوصطراليا:::يوم العيد:::صور:::فيديو:: (http://www.qatarshares.com/vb/showthread.php?t=302368&highlight=%ED%E6%E3%ED%C7%CA+%DA%E1%ED%C7%E4)
:::يوميات عليان:::متسند على سور الصين:::احم (http://www.qatarshares.com/vb/showthread.php?t=346223&highlight=%ED%E6%E3%ED%C7%CA+%DA%E1%ED%C7%E4)
:::يوميات عليان...في دبي...يقطر منه الدهن:::...احم (http://www.qatarshares.com/vb/showthread.php?t=346223&highlight=%ED%E6%E3%ED%C7%CA+%DA%E1%ED%C7%E4)
عقب هالمقدمه...
نرجع لموضوعنا اليوم...
بعد مايبيله...من العنوان مفهوم المحتوى...اهم شي اني متعلق...
ومتعلق في هالبرج...
http://ae7m.com/blog/wp-content/uploads/2010/03/tokyo-tower.jpg
احم...ها شفتوني..."اشفيييه بو دم خفيف..."
اليوم بحاول اتفنتق...
ولان الموضوع طويل...باقسمه لكم جزء...
السبب...
لاني رحت لليابان لمدة شهر...رحلة عمل...فا كانت لي علوم كثيره هناك...ولهالسبب يبغي لها اكثر من موضوع...
ماعلينا...
بسم الله نبتدي...
السفره كانت اخر شهر 3 سنة 2008
وحجزت على الاماراتيه "الحب"...مافي احسن منها طيران...ايميريتس وبس...
ويابالفيت اني مريش و9 ساعات طيران...قلت احجز بزنس...يعني خطير الاخ...وولد نعمه..."اجل لو حاجز اولى وش بتقول...احم"
فا طرت من الدوحه ووصلت مطار دبي...انصاف الليالي...وباقي كم ساعه على الطياره الى اوساكا"اليابان"...
قلت خلني احوس في مطار دبي...ومن كثر المشي...صارت تفاعلات...فا على اثرها...رحنا وانتوا بكرامه الحمام...
ولما طلعنا بالسلامه...شفت الساعه...باقي عن الطياره اقل من نص ساعه...فا ركض على البوابه...وكنت من اواخر اللي اوصلوا...
عطيت الرجال التذكره...رفع راسه وطالعني...والتفت للي وراه...
حط تذكرتي على الطاوله...قمت اتلفت...قلت بس...الحين بيقولون لي تعال بكره...الطياره طارت...
والا اللي وراه تقدم...ومد يده على الطاوله...وخذ التذكره...وقال لي..."تفضل...سوينا لك upgrade الى الاولى"...قلت له اوش اوش...زين اللي مادقيته خشم بس...احم
عاد اول مادخلت الطياره...مريت على البزنس...وانا رافع خشمي فوق...ومخيس النفس...يبا اولى...خلكم انتوا "قال لي بزنس قال"...يعني مب جايتني بلاش...احم
المهم وصلت الاولى...يا ولد لا اكاد اصدق ام عيني...
http://blog.sleepinginairports.com/wp-content/uploads/2009/03/emirates-first-class.jpg
قدامك شاشه 21 بوصه...
يسارك...تكايه...وتحتها ثلاجه حاطين فيها بارد...عصير بيبسي وسفن...
وجهاز ريموت...للتلفزيون...والكرسي فيه مية الف وضعيه...على حسب راحتك...يعني غصب لازم ترتاح...
واهم شي المساج في الكرسي...اويلاه بس...كنك راكب داتسن...احم
وعلى اليمين باب سحاب...تسكره اذا بغيت خصوصيه..."اوش اوش"...
http://www.instablogsimages.com/images/2009/05/05/3_etihad_press_01_Spq2A_48.jpg
اول ماقعدت...الا بذيك المضيفه...تقول لي تفضل هذي سلة كوافي وشبس لك...حق الرحله...وان بغيت زود مايردك الا لسانك..."ماقالتها حرفيا...لكن انا فهمتها كذا...احم"
وبعد دقايق جابت شنطه بلقاري..."bvlgary" فيها عده الحلاقه وعطورات وكم شي ترتيب...
http://www.couturecentral.com/wp-content/uploads/2008/08/emirates-first-class-suite-1.jpg
طرنا...والطيار ضبط الارتفاع...والسرعه...وقال يالله عيشوا حياتكم...
عاد انا مافي...ماعندي واحد اثنين...كنت انتظر الريوق...ابغي بلعه...احم...اخاف انام ويفوتني...
جات المضيفه...قالت لي...تفضل هذا المينيو...متى مابغيت قول لنا...وبنجيب لك الاكل...
قلت لها مب شرط الحين يعني؟؟..."كنت مغتث...رقدت على الشبس والكوافي...احم"
قالت لي لا...براحتك...
قلت لها خلاص بنام...وبعدين باكرفكم...شنو دافع فلوس...مب اولى بلاش...احم
قالت لي طيب دقايق...راحت...وجابت كم كيس...عطتني واحد وقالت لي تفضل هذي بيجامتك...روح بدل في الحمام"وانتوا بكرامه"...وانا بارتب لك السرير...طبعا هنا انا بققت عيني...وفجيت حلجي...اخنقتني العبره صراحه...ماعرفت وش اعبر....او اقول...زين اللي مادمعت عيني...احم
وصلتني الحمام...ايييه اي حمام...خلكم يا بتاع السياحي...شوفوا هنا...
وقالت لي اذا بغيت تقدر تاخذ شاور...لا لا واللي يرحم والديكم...ماقدر استحمل هالدلع...احم
http://kevinvisser.com/wp-content/uploads/2008/07/plane-shower-on-emirates.jpg
جيت لكبينتي...عقب ما لبست البيجامه غصب..."لاسباب امنيه...احم"
شوفوني وانا منسدح...احم
http://biztravelguru.com/blogs/business-travel-news/Emirates-A380-First-Class-Suite-Full-Flat-Bed.jpg
خذ رقده لمده 6 ساعات...اوب اوب...
اشوف الرحله...والا باقي عليها ساعه ونص...قلت اوهو...لا يروح علي الاكل...شغل سريع سريع...وطلبت الاكل"عشان احلل الفلوس...احم"...كان شغل عدل...الاماراتيه دايما مبدعين في الاكل...
ولما قربنا...وصلت اوساكا...
وكان ترانزيت...ولازم اخذ طيران داخلي...لطوكيو...وكان انتظار 5 ساعات...
خلصت اموري...وغيرت التيرمنال"terminal"
وقعدت انتظر في صالة المغادرين...
اخوكم في الله...لعبته الالكترونيات...خاصه الكمبيوترات...
كان عندي لاب توب...نوعه "dell" موديله 20 بوصه...مافي منه الا كم حبه في العالم...وسعره غالي...
المهم من حجم البوصه اكيد حجمه كبير من قلب...لدرجه له شنطه خاصه من ديل...ماتنشال...وانما لها تواير وتنسحب...
المهم...
وانا قاعد في حال سبيلي...العب "PSP"..."ridge racer"...لاحظت وحده تخزني من بعيد...واسوي نفسي ما اشوفها...خبركم انا شريف..."احم"
ولما قربت الرحله...وباقي عليها ساعتين...اشوف المكان ازدحم...
هنا شفت اللي كانت تخزني جاتني...وكانت لابسه لبس المضيفات...
جات عندي...واقعدت ترطن بالياباني...وانا اتلفت...شسالفه...فا قلت لها بالياباني اني ما اعرف ياباني...كلميني بالانجليزي...
فا عقب هي اللي قامت اتلفت...ماعندها لغه التفهي...نادت وحده ثانيه...
توقوعوا وش السالفه...
ان الطياره زحمه...واصغيره...فا مكان الشنط اليدويه هم اصغير...وشنطة لاب توبي بتسوي زحمه لانها كبيره...ويمكن ماتدخل اصلا...
قلت لها...اخبارك بس...ومب حولك...يا انا واللاب توب...ولا مب مسافر..."ها وش رايكم شديد ها...احم"
مني مناك...قلت لهم سيماسين...سيماسين..."يعني اسف اسف"...بالياباني...
فا قفلوا...واحس سبوني بالياباني...فا سبيتهم بالقطري...وحده بوحده...
والحمدلله صعدنا الطياره...ورحت اول واحد عشان ما انكب...وحطيت اللاب توب على طول...
والحمدلله...وصلنا طوكيو...
وعاد وش علوم وسوالف طوكيو...بانزلها بعدين...
على حسب تفاعلكم لهالموضوع...شفت نشاط وحيويه..ورغبه...بانزله...
لا ومصور فيديو وحركات...احم
فا هالله هالله في الردود الطيبه...وماتجي الا من ناس طيبين...احم
عشان اشتط وانزل الجزء الثاني...
واسمحوا لنا على الاطاله...
حبيت اعيشكم جو السفره...
وكذلك...اسجل اعجابي بطيران الامارات"الحب" وخدمتهم المتميزه دايما...
ويامرحبا بك...