اعزب (مطايه) (وغنم)...خذ روايح

[بوبندر]

ابغي البلديه ليش ساكته على هذا الوضع من زمان....خاصه المناطق
شمال معسكر دحيل!!!
تغريبن كل بيت تحصل عنده شبك (مطايه وغنم...وبعد فيه بقر)
....انا طالق على المكان محمية شمال دحيل ههههه شرايكم يالبلديه

[الدوحي7]

خلهم في حالهم يعني اش قصدهم يوم يحطون الزرايب القصد ياكلون شي طيب، لكن صج الى يقول اهل قطر مب لولييين كل واحد يضر الثاني والسبب القوانيين ، تبقي البلديه تشل اعزبهم الله يبارك فيك ،،

[الجزوع]

الله الحين صارت ريحة الابل والغنم خايسه ، الله يرحم ايامك ياقطر

[بوبندر]

خلهم في حالهم يعني اش قصدهم يوم يحطون الزرايب القصد ياكلون شي طيب، لكن صج الى يقول اهل قطر مب لولييين كل واحد يضر الثاني والسبب القوانيين ، تبقي البلديه تشل اعزبهم الله يبارك فيك ،،

على ماظن الحكومه ماقصرت عطتهم عزب خارج حدود العقارات....ليش اظيق على خلق الله ...بهذي الروايح انا عندي جاري عنده شبك وراى بيتي ...ماذيني بريحة الغنم
....وفوق ذالك ..الفيران كل فاركنه قطو من كبره....والله اني مستحي لاشتكي عليه بس هو مايحس...خلك مكاني ....شتسوي معاه

[شبح الصمت]

أسمــعني يابوبندر هذا حــلال طيـب أحسـن ما يجيب لك كــلاب ( الله يعـز الموجودين ) وتسـمع صوتـه هذه نعـمة من رب العالـمين وحاول أنك تروح تقوله يالغالي ولا عليـك أمر نظف الزريبه من الوصـاخه لأنه صـدق في فيران وهالسوالف تجينا وهالشيء لك لمصـلحتك ولمصـلحة حلالـك ..
والله يعيــنكم
وأنا عنده ديج ودياي قوله أذا يبيــع لي ديج وثلاث ديايات تراني شــراي أهم شيء يكونون كبار:nice:

[الدوحي7]

على ماظن الحكومه ماقصرت عطتهم عزب خارج حدود العقارات....ليش اظيق على خلق الله ...بهذي الروايح انا عندي جاري عنده شبك وراى بيتي ...ماذيني بريحة الغنم
....وفوق ذالك ..الفيران كل فاركنه قطو من كبره....والله اني مستحي لاشتكي عليه بس هو مايحس...خلك مكاني ....شتسوي معاه

اذا جارك قلت عنه جذيه الله يعن جارك عليك،، المهم روح اشتك عليه ولاتشتكي على الكل،،

[بوبندر]

اذا جارك قلت عنه جذيه الله يعن جارك عليك،، المهم روح اشتك عليه ولاتشتكي على الكل،،

اخاف ارد عليك يوجعك الرد....

[ودي أكون]

اخاف ارد عليك يوجعك الرد....

شدعوه بتغزه بابره :secret: ..


بصراحه اخوي بوبندر معاه حق والله :)


احنا يوم كنا صغار كان نفس الشي .. جارنا مربي خرفان ودياي ومادري شو .. بيته هو حر فيه .. لكن صج احيانا يوم يدف الهوا تعال شم الريحه ..:tease:

وغير الفيران كنا نتاذى منهم والله .. مافي شي ماقرضوه :anger1:

ويوم انتقلوا من بيتهم عشان يجددون بيتهم هذا .. والله شقول .. الفريج بكبره صار نظيف .. انا اسفه عالكلام بس الحق ينقال :)

يعني مو بس احنا تاذينا حتى اللي احذانا فيرانهم وصلوا لهم :omg:

وهلي ماكانوا يقولون شي واتحصلهم لين شروا خضره وسلطه وخبز واي شي ماتقطه امي عقب مايقصونه الباقي امي اطرشه حق خرفانهم وديايهم..

يعني ماكنا انقول شي بس الصج ان احنا كنا متأذيين منهم ..


واخوي بوبندر ماتكلم الا لان صج متأذي .. واللي مجرب راح يحس بمعاناته :)

[بو خليفه 123]

حل مؤقت :

ازرع مشموم في حوش بيتكم

[برق لمع]

جارنا نفس الشي عنده حلال في بيته من 8 سنين
صج تاذينا لكن مانقدر نمنعه وعيب نشتكي عليه
جارنا وصار حقه علينا كبير

لازم نصبر على جيرانا دامهم ما ضرونا بشي
والريحة مقدور عليها

[مساهم قديم]

للعلم الاخوة القراء ترى الاخ كاتب ( مطايه) يعني ( مطايا ) حبيت اوضح بس

[الدوحي7]

شدعوه بتغزه بابره :secret: ..


بصراحه اخوي بوبندر معاه حق والله :)


احنا يوم كنا صغار كان نفس الشي .. جارنا مربي خرفان ودياي ومادري شو .. بيته هو حر فيه .. لكن صج احيانا يوم يدف الهوا تعال شم الريحه ..:tease:

وغير الفيران كنا نتاذى منهم والله .. مافي شي ماقرضوه :anger1:

ويوم انتقلوا من بيتهم عشان يجددون بيتهم هذا .. والله شقول .. الفريج بكبره صار نظيف .. انا اسفه عالكلام بس الحق ينقال :)

يعني مو بس احنا تاذينا حتى اللي احذانا فيرانهم وصلوا لهم :omg:

وهلي ماكانوا يقولون شي واتحصلهم لين شروا خضره وسلطه وخبز واي شي ماتقطه امي عقب مايقصونه الباقي امي اطرشه حق خرفانهم وديايهم..

يعني ماكنا انقول شي بس الصج ان احنا كنا متأذيين منهم ..


واخوي بوبندر ماتكلم الا لان صج متأذي .. واللي مجرب راح يحس بمعاناته :)

كككككككككك ،،

[الدوحي7]

اخاف ارد عليك يوجعك الرد....

رد بارك الله فيك والله ماتضرني بشي ، كل حرف مسجل على يمينك ويسارك وفي يوم لحساب،، انطق قول تحكى قول الى في خاطرك اخوي ،،

[خليفة77]

ابغي البلديه ليش ساكته على هذا الوضع من زمان....خاصه المناطق
شمال معسكر دحيل!!!
تغريبن كل بيت تحصل عنده شبك (مطايه وغنم...وبعد فيه بقر)
....انا طالق على المكان محمية شمال دحيل ههههه شرايكم يالبلديه

اخوي مايجوز منك وانت من اهل قطر تكتب عن ربعك وجيرانك وتبغي البلدية تزيل شبك جارك او جيرانك الاخرين لان تلاقيه شبك صغير فيه قليل من الغنم واللي حاطه تلاقيه شايب مايبيها لتجارة حاطها لضيفه اذا لفاه او يبي منها حليب وانت تبيهم يشلون شبك جارك والله لو انهم جايين عند جاري ان اروح اتكلم له عند المسؤولين ولايشلون شبك جاري ..... افاااااا عليك يابوبندر لاتغرك وتغيرك امور الدنيا والرسول صلى الله عليه وسلم كان جاره يهودي وكان يأذيه وهو محتسب عند الله وانت جارك منك وفيك ويمكن بعد من اعيال عمك او تعرفه !!! بس وش يكون شعورك قدامه عندما يعرف انك كاتب عنه هالشي وانت دوم تقلط عنده او انه يعرفك ..؟؟

[هل الشمال]

صحيح بعض الناس ما تحس على دمها وتسوي زرايب وجواخير بين البيوت والريحه تبط الراس

الدولة ما قصرت وعطت الناس تصاريح يسوون عزب في اغلب المناطق

الحمد لله حنا حاطين عزبتنا صوب روضة راشد وجنبنا عزب كثيره ومتفرقه عن بعض والكل مرتاح صج المشوار بعيد عن البيت بس اللي يحب حلاله يداريه وما يخليه

[الزيبق]

يا الله ايهدكم كان على الريحه والله باستحمل بس تسكر الشارع ولا تقدر ادش بيتك من كثر سيارتهم لا وعينهم قويه ويوم شديت عليهم اشوي سيده طرشوا حريمهم مب ريايلهم المركز يبلفيت الشكوى بتكون اقوى مع العلم كنت ادوم في نفس المركز اسنين والظباط كلهم ابعرفون سالفتي ويقولون لي اشتك عليهم وافتح بلاغ وانا اقول عيب جيراني وكل ما مر على واحد من الدوام ايقولي اشتك وانا اقوله باكلمهم هاي نوعيت الجيران والا بلاش اتقولي ريحه بخر البيت وهناك عشرين الف حل كان على الريحه.

[هدهد سليمان]

يا زين ريحة الحلال :) .. لكن الافضل انك تكلم جارك الشيخ . . والجار للجار وعقب في حلول ثانيه الله يبارك فيك

[ودي أكون]

كككككككككك ،،

دوم ان شاءالله :)



الله يهدينا ان شاءالله :)

[cristal]

الله يعينك ويصبرك