عندي صداع قوي [الأرشيف] - منتديات شبكة الأسهم القطرية

حياة

22-03-2010, 03:14 PM

qatari911

22-03-2010, 03:21 PM

اختي فرغي راسج بالحلبه والمشاط
مثل الكوي بس اسهل منه
بقماشه تنقعينه في الوعاء الي فيه حلبه ومشاط ويكون ساخن

qatarairways2

22-03-2010, 03:30 PM

حياة

22-03-2010, 03:35 PM

اختي فرغي راسج بالحلبه والمشاط
مثل الكوي بس اسهل منه
بقماشه تنقعينه في الوعاء الي فيه حلبه ومشاط ويكون ساخن

سمعت عنه وبسويه اذا رجعت
توني مطرشه السايق بكرتي ياخذ لي رقم عند الدكتور عبدالعزيز الجفيري
والله يجزااااااااكم خير

FCB 82

22-03-2010, 03:38 PM

الصراحة انا كانت عندي نفس الاعراض وما خليت شي ما جربتة اخر شىء طلع عندي التهاب في عصب ضرس العقل وهو المسبب ها الالم وما اكتشفت الا من التصوير للاسنان

حياة

22-03-2010, 03:38 PM

أعتقد والله أعلم أن عندك التهاب بالجيوب الأنفيه

ونصيحة مني لا تتأخرين أكثر بمراجعة أي استشاري متخصص أنف وأذن وحنجرة

واطلبي يعمل لك أشعة للتأكد,,,

اسألي عن الدكتور عبدالعزيز الجفيري أو بهية الباكر

وما تشوفين شر...

ان شاء الله الحين بطلع خذت موعد من شوي عند الجفيري
وانا عندي حساسيه شديده في الجيوب واذا جاتني يعطوني مضاد على طول
والله يعين اهم شي اعرف السبب لاني والله كل فتره نفس الاعراض وكل شي يتحمله الانسان الا الصداع الله يكافيكم شره يارب
الله يجيركم من كل سوء

عضو مشاكس

22-03-2010, 04:01 PM

ولد اخوي عمرة 12 سنة وكان عندة صداع قوي يوميا تقريبا وياخذ بندول مايفيد
عمل فحوصات و طلع عندة صداع الشقيقة
ومنعو عنة بعض انواع الاكل والحين الحمد الله بخير
اجر وعافية ماعليك شر ان شاء الله صداع عادي ويروح

امرك صعب

22-03-2010, 04:09 PM

ماتشوفين شر اختي وانصحج ابفحص النظر يمكن له علاقه فى الصداع اللي يجيج واجر وعافيه يارب .

جوال 11

22-03-2010, 05:31 PM

أحتمال من الجيوب الأنفية مثل ما ذكر الأعضاء أو العدسات أيضا غن وجدت
وبالشفاء

ABM.R.E.I

22-03-2010, 05:37 PM

انا عندي لج حل وان شاء الله ينفع اختي
عليج بالصدقه وداوو مراضكم بالصدقات تصدقي ترا الله يشافيج ان شاء الله
عليج بالاستغفار استغفرو ربكم انهو كان غفارا
وعليج بالدعاء

وهذا ريح ان شاء الله بيروح
اجر وعافيه ماتشوفين شر اختي والمرض زين يخفف الذنووب

اسعاف

22-03-2010, 05:40 PM

شيكي الضغط

الحجامة تفيد يوم 17 و19 و21 عربي من اول ساعة شروق على الريق

مش اي وقت وتكون خلف الراس(هذه تفيد الشقيقة ( الصداع )

غزلان

22-03-2010, 05:50 PM

اما من الجيوب او النظر له دور

ماتشوفين شر

مزيون الدوحه

22-03-2010, 06:09 PM

ماتشوفين شر اختي
لكن انصحج راجعي المستشفى افضل
والله يبعد عنج الالم والمكروه

ماريسا

22-03-2010, 06:21 PM

لا حول ولا قوة الا بالله
الله يشافيج اختي ما تشوفين شر
ما اقدر افيدج اكثر من الطبيب اللي بيفحص حالتج بس اللي اقدر اقوله أن هذي الاشيا ابتعدي عنها وقت الصداع: تلفزيون .. كمبيوتر .. قهوة شاي و أي شي فيها كافيين .. الاكلات المالحة .. الحمضيات ك البرتقال و الليمون .. و أي أكلة خاطرج فيها أكلي منها
جربي حبيبتي و طمنينا .. و اذا ماتغير شي بسرعة افحصي

حياة

22-03-2010, 06:29 PM

مشكوووووووووووووورين وماقصرتوا ككلم
انا رحت للدكتور وتوني راجعه
يقول فيه انحراف بالانف ولحميه في بدايه الانف مسكره مجرى التنفس وحساسيه بالاضافه لالتهاب الجيوب الانفيه
حاليا عطاني علاج ولابد من العمليه لاحقا وهالثلاث اشياء اللي لقاها الواحد منها يسوي صداع
والله يوفقكم ككلكم ماقصرتوا

FHN

22-03-2010, 06:35 PM

خطاك الشر اختي

حياة

22-03-2010, 06:40 PM

وخطاااااااااااااااكم كلكم والله لايراويكم مكروه

يحفظك ربي

22-03-2010, 06:42 PM

السلام عليكم

اختي انا نفس الشي عندي صداع الشقيقه اعاني منه من زماااان يمكن حول سنتين

وجربت انوااااع المسكنات ولا فادت وياي وصج يكون مأساه لين يجيني تقريبا يوميا

رحت دكتور اعصاب ودكتور اسنان ودكتور انف واذن وحنجرة

وكل واحد يألف كلام على كيفه وكل واحد كلامه غير عن الثاني

بس اخر دكتور رحت له تقريبا من شهر او شهرين هو مال الانف في مستشفى العمادي

وتدرين ان قال لي نفس الكلام اللي قاله لج

يقول فيه انحراف بالانف ولحميه في بدايه الانف مسكره مجرى التنفس وحساسيه بالاضافه لالتهاب الجيوب الانفيه
حاليا عطاني علاج ولابد من العمليه لاحقا وهالثلاث اشياء اللي لقاها الواحد منها يسوي صداع

وهو ألف هالكلام ليش ان قلت له بعض المرات احس بضيق تنفس ومثل شي يضغط على الانف من داخل :weeping:

بس انا ماخبرت فيني اللحميه من يوم ياهل الحمدلله !!

ومافي الا تقرين على نفسج ترى كلام الدكاترة وايد والله يكوون بعونج

وماتشوفين شر يارب

حياة

22-03-2010, 06:57 PM

والله مادري بهم
بس انا احس دكتور عبدالعزيز صادق لان احس بضيق تنفس واذا شيكت ع الاكسجين طلع تمام مع اني سويت عمليه لوز عند الدكتور عبدالجبار من 9 سنين وماقال لي شي عن انحراف الانف الله يهديه
بس دايم اعطس واتحسس من الغبار وهواء المكيف اذا فيه غبار والصوابين وادوات التنظيف
ومادري له علاقه والا لا
وزهقت من حبوب الحساسيه من كثر ماعطوني
بصلي الاستخاره وبشوف اللي الله بيخيرني اسويه
والله اذا الله شاء يمكن اسويها وارتاح بأذن الله

هدهد سليمان

22-03-2010, 06:57 PM

شيكي الضغط

الحجامة تفيد يوم 17 و19 و21 عربي من اول ساعة شروق على الريق

مش اي وقت وتكون خلف الراس(هذه تفيد الشقيقة ( الصداع )

تصحيحا لمعلومات اسعاف وللجميع .. اذا كان هناك مرض فيسمح بالحجامه في اي وقت اما ان كانت كسنه فقط عن الرسول صلى الله عليه وسلم كما ذكر اخونا اسعاف التواريخ اعلاه من الشهر العربي .. شافاك الله وعافاك اختي الفاضله والحجامه هي الحل الوحيد

حياة

22-03-2010, 07:02 PM

كلامك صحيح اخ هدهد سليمان اذا الواحد تعبان عادي يسويه في اي وقت ومش شرط ايكون صايم
اما اذا يطبق السنه فالافضل في الايام المذكوره ويكون ع الريق افضل ولو عمل الحجامه في اي وقت بعد تنفعه بأذن الله

هبة ريح

22-03-2010, 07:08 PM

ماتشوفين شر ان شاءالله

انا نفس الشيء من اسبوع بدا عندي صداع فضيع ومن طرف واحد وساعات في وسط راسي

ماقدر ارقد من سبته ,, حتى الصلاة ماقدر اصلي وانا واقفه خصوصا في السجود احس راسي بينفجر

وكله على البنادول ,, واول مره في حياتي يصيدني هالالم ,,

excited

22-03-2010, 07:10 PM

:omen2: اربط صبعك وكل بينعت لك دواء :omen2:

اختي روحي المستشفى مرة ثانية افضل

Mr.Hamad

22-03-2010, 07:18 PM

السلام عليكم ورحمه الله
سؤال لاخواني الاعضاء
انا صار لي فوق 10 ايام وانا معاي صداااااااااع عجيب من نص راسي ونازل على وجهي من قدام وحتى بالمسكنات مايخف...
تحجمت اليوم والاخت اللي حجمتني قالت الافضل مااحجم راسك لان حجامه الكتف واسفل الرقبه كفايه لسحب الالم والمشكله الالم موجود لين الحين ...
وقالوا لي ناس يمكن هواء وانا اعتقد صحيح كلامهم لان اي تيار هواء يزيد الصداع عندي
احد منكم عنده خبره كيف يطلع الهواء من الراس ... والله اني تعبانه واااااااجد والله لايراويكم مكروه ياااااااارب
اختكم
ام احمد

ما تشوفين شر ان شاء الله يا أختي

ترى يمدحون "الحجامة" حق الصداع أو عوار الراس

لأن واحد من الشباب كان يشتكي من الصداع

وبعدين سوا حجامه عند شيخ ممتاز في الحجامه

والله فك له

أختي اذا تبين رقم الشيخ الي يسوي الحجامه عطيني خبر

ومأجورة بإذن الله تعالى

رنج سبورت

22-03-2010, 07:18 PM

ماتشوف شر

شيك الضغط والسكر

واهم شي النوم بانتظام وعدم الجلوس فترات طويله عالنت وخاصه قبل النوم وعدم تاخير النوم

شيط ويط

22-03-2010, 09:29 PM

السلام عليكم ورحمه الله
سؤال لاخواني الاعضاء
انا صار لي فوق 10 ايام وانا معاي صداااااااااع عجيب من نص راسي ونازل على وجهي من قدام وحتى بالمسكنات مايخف...
تحجمت اليوم والاخت اللي حجمتني قالت الافضل مااحجم راسك لان حجامه الكتف واسفل الرقبه كفايه لسحب الالم والمشكله الالم موجود لين الحين ...
وقالوا لي ناس يمكن هواء وانا اعتقد صحيح كلامهم لان اي تيار هواء يزيد الصداع عندي
احد منكم عنده خبره كيف يطلع الهواء من الراس ... والله اني تعبانه واااااااجد والله لايراويكم مكروه ياااااااارب
اختكم
ام احمد

احلى علاج للصداع .. (شاكوش) ع (لصماخ) :secret:

اتغشمر وياج .. ماتشوفين شر .. بس الله يهداج تحسين بألم وصداع وجايه تدورين على علاج ؟؟؟؟

روحي المركز الصحي والا خل يحولونج عيادة خارجية .. والا عيادة خاصة .. وان شاء الله يشخصون حالتج .. ويعطونج العلاج :)

وماعليج شر

سارا.

22-03-2010, 10:41 PM

سلام عليكم
فية اكثر من علاج اذا كان هواء امسحي الجبهة كاملة من دون الشعر وبعدي من منقطة العين ابفكس وربطي على راسش شيلة بدون ماترصين جدا وجلسي في مكان مافية تيار هواء وشربي زعتر او نعناع او ميرمية
واذا كان شقيقة فية دكتور في مستشفى حمد -اسامة العلمي ممتاز-
وفية دكتور ايحجم في مستشفلى حمد -محمد رسلان ممتاز- واللة يشفي كل مسلم

حياة

22-03-2010, 11:09 PM

مشكورين وماقصرتوا
وان شاء الله باخذ بنصايحكم
والله يجزاكم خير ويبعد عنكم كل سوء

alwahesh

22-03-2010, 11:19 PM

اتمنى مراجعه الطبيب باسرع وقت لان الموضوع خطير للغايه اكبر من السكر والضغط

وكلما استعجلتي يكون العلاج اسهل بأذن الله

eXpert*

22-03-2010, 11:21 PM

تصحيحا لمعلومات اسعاف وللجميع .. اذا كان هناك مرض فيسمح بالحجامه في اي وقت اما ان كانت كسنه فقط عن الرسول صلى الله عليه وسلم كما ذكر اخونا اسعاف التواريخ اعلاه من الشهر العربي .. شافاك الله وعافاك اختي الفاضله والحجامه هي الحل الوحيد

جزاك الله خير كلامكـ سليم