المساعد الشخصي الرقمي

مشاهدة النسخة كاملة : أمير وولي عهد الكويت يشهدان على عقد قران سعود السبيعي وفجر السعيد


الموضوعي
23-03-2010, 01:24 AM
http://img103.herosh.com/2010/03/22/439453435.jpg
المعرس يتوسط الأمير وولي العهد


شهد أمير الكويت الشيخ صباح الاحمد الجابر الصباح وسمو ولي عهده الشيخ نواف الاحمد الجابر الصباح مساء امس الاول عقد قران سعود السبيعي رئيس تحرير صحيفة الرؤية على الاعلامية والكاتبة فجر عثمان السعيد بحضور شيوخ ووزراء ونواب وفعاليات سياسية واعلامية واجتماعية.


وقد أقيم بهذه المناسبة حفل في ديوان السعيد في الجهراء احيته فرقة الجهراء للفنون الشعبية بانواع من الفنون الشعبية.



http://www.alwatan.com.kw/ArticleDetails.aspx?id=16018#
meme~qatar
23-03-2010, 01:33 AM
منه المال ومنها العيال
البدع
23-03-2010, 01:36 AM
أتسائل عن سبب حضورهما

واتمنى للعروسين الهداية والتوفيق والذرية الصالحة
وارث العز
23-03-2010, 01:38 AM
مبروك
تغلبية
23-03-2010, 01:40 AM
أتسائل عن سبب حضورهماواتمنى للعروسين الهداية والتوفيق والذرية الصالحة



شهود !! ولي العهد يوقع في الدفتر !!

الله يهني المعاريس
مضاد
23-03-2010, 02:04 AM
Too late
دكتورة روح
23-03-2010, 02:23 AM
شدخل حاضرين لهم ؟؟؟
عموما الله يوووفقهم
محمد افندي
23-03-2010, 02:46 AM
على فكرة هذا واحد مع احترامي " ما يستحي على وجه " , عجل رجال من قبيلة معروفة بالعادات و السلوم و مرته كاشفة ؟ ولا من بعد ؟ فجر السعيد :)

والله اني فرحت يوم دريت ان عمانه و عيال عمه و ابوه و شيبانة كلهم و جماعته ما حضروا العرس و تبروا منه ..
STAR
23-03-2010, 04:27 AM
حاطين عرس الرياييل في قناة سكوب ‏‏(قناة فجر السعيد‏)‏
وشفت فرقة بلال الشامي كانت تحيي الحفلة..
وحاطين شباب ويهال يرقصوون..هاي بصوب
واللي قاعد يرقص غربي بصوووب هههههه
السهم القطري
23-03-2010, 04:35 AM
السعـيد بالكويت ، هم خـوال صباح بن أحمد الحاكم الحالي.

ما أعلمه أن أسرة السعيد من "الـُـوهَـبَة".
العليا
23-03-2010, 05:13 AM
مبروك
الوجبه
23-03-2010, 06:13 AM
ماكنها فجر (اوت اوف اوردر)
كازانوفا
23-03-2010, 07:31 AM
لكل ساقط لاقط
الله يهديهم لما يحب ويرضى ان شالله
حدالكلمه
23-03-2010, 08:21 AM
هذي بعض الردود الطريفة من المصدر :

مبروكين ..... اتمنى ان الزواج يشغلها عن كتابة المسلسلات ...saleh ص 12:15 2010/03/23


ياسلام سلم رئيس تحرير ومديرة قناة اذا يتهم بنوتة بيمونها مجــــــلة جهراوي غيور ص 01:10 2010/03/23

كلللوووووووووششششش بعد اشتبين يا فجر معرس مزيون والشهود امير الدولة وولي عهده بس والله طلال حده مستانس شكلة يبي الفكة منج

مبروووووووك فجورة ... يالله توج بأول حياتج. عاد ودنا نعرف المعرس راضي تكملين دراستج ولا العرس بعد ما تخلصين الجامعة؟!!بين السطر ص 06:18 2010/03/23


والله مسحور حرام ولاواحد من اهله حضر عرسه ليه ؟؟ موغريبه والعرس عند العروس واللي بالحفل كلهم من تبع العروس ولا واحد من اهل المعرس اكييد مسحور وشكله بيصحى على كابوس مر كويتي ص 07:30 2010/03/23
عابر سبيل
23-03-2010, 08:47 AM
خير يا طير!

يذكرنا
ببنات عبدالغني شربت..
يو تزوج منهم (حسينوه)
و راح لندن..و شلت قشتها
و ارموش عينها!


ولا..

ديانا و تشارلز..العرب!

ايش في الاخير
جا على اصحاب
(الشو) و المفوشر
في الزواج!

و ايش..اللي استفاده
من تابع و لاحق مثل هالاخبار!

لو تعرفون..
زواج احد العباسيين..
المأمون(ان لم اخطئ)
بابنة اكبر التجار في بغداد في يومه..

الهدايا اللي وزعت من قبل ابو العروس
كانت كالتالي:
1) مطويات/رقع..اومانسميه اليوم
(سندات ملكية)
لاراضي او مزارع..

نثرت...على الصف الاول المرافق للمعرس!

2) ربطات (صُرر) بها نقود ذهبية
نثرت على الصف الثاني المصاحب للمعرس..الخليفة!

3) ربطات ( صُرر) بها نقود فضية...نُثرت على الصف الثالث

و كل(ن) نصيبه ما سقط في يده!

و غيرها من مظاهر احتفالات مهيبة و بذخ..
مما لم يسجل التاريخ
زواجا مماثلا له..
ربما لا قبله و لا حتى بعده!


وينهم الحين...
ديانا..و تشارلز..
و لا المأمون و من تزوجها!

و اين ذهبت بهرجاتهم
و افراحهم التي تغنى ابها العالم
في زمانهم!

في مثل هالمواقف..
عِبَر..للحكيم..
ان يمسك على
ما آتاه الله من حكمة و عقل..

رجلا..كان اوامرأة

***

للعلم..الكثيرون و الكثيرات
في قطر..و ايران و باكستان
و الهند..

يحلمون بمثل هذه الترهات
و كانهم الخالدون و الخالدات
بارتكاب و اقتراف مثل
هالبهرجات
او ما يسمونه..
للزواج
حفلات!
اميرة
23-03-2010, 09:41 AM
الله يوقفهم يارب منه المال ومنها العيال
الخير كله
23-03-2010, 09:42 AM
اعوذ بالله منكم ومن حسدكم شنهو انتو...الله يارب يعطيكم على قد نيتكم
اشهالردود؟؟؟
(كبيره اوت اوف اوردر؟؟)ياللي تقولون هالكلام ترى عندكم بنات وخوات والله قادرانه يخليهم
يعنسون..وبعدين يوم خديجه (رض)تتزوج كم كان عمرها..:telephone:


(كاشفه)...شيخصكم بعدين لا توهموني انكم رموز للحجاب الشرعي بعدين ترى ربكم القادريهديها للحجاب:telephone:


(هله مهب راضيين)..ليش لا يكون هو دادا وصغير...الحين البنات يتزوجون من ورا اخشوم اهلهم وهذا لحيته تارسه وجهه..



اقول شوفو اشغالكم احسن وفكرو بشي يطوركم ودعو الخلق للخالق والرزاق في السما والحساااااااااااااااااد بقطر للاسف
بو خليفه 123
23-03-2010, 09:46 AM
منه المال و منها العيال

نتمنى لهم حياه سعيده بعيداً عن الحسد

و يكفيه شرف أمير الكويت و ولي عهده حضرا عقد القران
بوخالد2
23-03-2010, 09:49 AM
السعـيد بالكويت ، هم خـوال صباح بن أحمد الحاكم الحالي.

ما أعلمه أن أسرة السعيد من "الـُـوهَـبَة".



صحيح يالغالي هم من بني تميم يالغالي



اعوذ بالله منكم ومن حسدكم شنهو انتو...الله يارب يعطيكم على قد نيتكم
اشهالردود؟؟؟
(كبيره اوت اوف اوردر؟؟)ياللي تقولون هالكلام ترى عندكم بنات وخوات والله قادرانه يخليهم
يعنسون..وبعدين يوم خديجه (رض)تتزوج كم كان عمرها..:telephone:


(كاشفه)...شيخصكم بعدين لا توهموني انكم رموز للحجاب الشرعي بعدين ترى ربكم القادريهديها للحجاب:telephone:


(هله مهب راضيين)..ليش لا يكون هو دادا وصغير...الحين البنات يتزوجون من ورا اخشوم اهلهم وهذا لحيته تارسه وجهه..



اقول شوفو اشغالكم احسن وفكرو بشي يطوركم ودعو الخلق للخالق والرزاق في السما والحساااااااااااااااااد بقطر للاسف

ردج جميل جدا على ناس ماهمها الا النقد وبس

لو الحين البنت هاذي او حدث هذا قطري

كان ماشفتي الردود هاذي

ارفع لج القبعه يابنت
محمد افندي
23-03-2010, 09:52 AM
حنا انتكلم عن هذا الرجل وعن هذه المراة مهوب علشانهم كويتين ولا قطريين ولا غيره !؟

لكن الخبر عمل ضجة و حبينا نبين الابعاد الي صارت بعد هالحركة الجرئية ؟؟


يعني واحد باع شيبانة و اهله علشان هالي اسمها فجر السعيد !!

واحد خالف دستور عائلته و سود وجيه عمانة و ابوة ؟ وش ترجين منه يا مبروكة :)
ولدالمنتدي
23-03-2010, 09:54 AM
منه المال ومنها العيال
ال عمدهـ
23-03-2010, 09:58 AM
الله يهنيهم ويباركـ لهم في زواجهم

ويعطيكـ العافيه اخوي ع النقل
بوجاسم 75
23-03-2010, 10:02 AM
الف مبروك للعروسين

الصراحة فى بعض الردود غير لائقة 0
نرجو بعض الأحترام
مرتبش
23-03-2010, 10:03 AM
عجيب
خوش شهود امير الكويت وولي العهد

الله يبارك لهم
النائب
23-03-2010, 10:15 AM
يستاهل المعرس وتستاهل الإستاذة / فجر السعيد

يكفيهم شرف حضور سمو أمير دولة الكويت وولي عهده . وأقول حق المعارضين كبار وصغار ليش هالحسد والغيرة وأنا متأكد إن أعراسكم يالحسده ماراح يحضرها مقهوي في الديوان . باركوا للعروسين ليبارك الله لكم في زواجكم وزواج أبنائكم .آسف على هالرد المغتضب بس سامحوني والله ماقطع عن قطر الأمطار إلا الحسد الموجود في البعض . ومثل مايقولون الخير يخص والشر يعم والحسده كثروا في البلد ولابد النصح لهم وإتقوا الله في بلدكم وأهلكم وإتركوا الحسد . نبي مطر نبي خير نبي الله يرضى علينا من كثر حسدكم حتى الدوله ماعاد تكرمت علينا كله تحنطمون ماجاتنا مكرمة ولاجانا مطر ولا جانا خير ولا في رواتبنا بركه كله من الحسد إبعدوا عن الحسد وشوفوا الخير .
ام الحلوين
23-03-2010, 10:23 AM
الله يبارك لهم وياليت نرتقي بالتعليق
~~ الدانـه ~~
23-03-2010, 10:29 AM
يستاهل المعرس وتستاهل الإستاذة / فجر السعيد

يكفيهم شرف حضور سمو أمير دولة الكويت وولي عهده . وأقول حق المعارضين كبار وصغار ليش هالحسد والغيرة وأنا متأكد إن أعراسكم يالحسده ماراح يحضرها مقهوي في الديوان . باركوا للعروسين ليبارك الله لكم في زواجكم وزواج أبنائكم .آسف على هالرد المغتضب بس سامحوني والله ماقطع عن قطر الأمطار إلا الحسد الموجود في البعض . ومثل مايقولون الخير يخص والشر يعم والحسده كثروا في البلد ولابد النصح لهم وإتقوا الله في بلدكم وأهلكم وإتركوا الحسد . نبي مطر نبي خير نبي الله يرضى علينا من كثر حسدكم حتى الدوله ماعاد تكرمت علينا كله تحنطمون ماجاتنا مكرمة ولاجانا مطر ولا جانا خير ولا في رواتبنا بركه كله من الحسد إبعدوا عن الحسد وشوفوا الخير .


اي والله وايد شريرين

لايانا مطر ولا يانا ريل عنسنا من حسدهم

بسكم تحنطم
al3nabi79
23-03-2010, 10:42 AM
الله يوفق الجميع
بوخالد911
23-03-2010, 10:48 AM
الله يوفق
دامهم بالحلال
الله يهنييهم
بـــــــنت النوخـّــــذه
23-03-2010, 10:50 AM
بصرف النظر عن طبايعهم في زمن التطور ولكن000

ترى قبيله السعيد قبيله معروفه ويرجعون للسبيع0000 البعض يعني مطيحها من عينه :)

عموما الله يهنيها بس والله كل هذي المده احسبها متزوجه وعندها احفاد 00طلعت كتكوته لحين ماعرست:secret: بس اهي كاتبه اثبتت وجودها وبجداره

يلا الله يسهل عليها وعاد اهم يحبون الشو خلوهم 000ترى عندنا وعندهم خير لاتروحون بعيد^_*
فديت قطر
23-03-2010, 11:01 AM
الله يوفقهم انشالله
ماريسا
23-03-2010, 11:11 AM
ألف مبروك و الله يوفقهم
و أصحاب الردود الغير لائقة .. stop hating !!!
بوخالد911
23-03-2010, 11:32 AM
ألف مبروك و الله يوفقهم
و أصحاب الردود الغير لائقة .. stop hating !!!



ya

i fully agree with u

:victory:
تغلبية
23-03-2010, 11:46 AM
على فكرة هذا واحد مع احترامي " ما يستحي على وجه " , عجل رجال من قبيلة معروفة بالعادات و السلوم و مرته كاشفة ؟ ولا من بعد ؟ فجر السعيد :)

والله اني فرحت يوم دريت ان عمانه و عيال عمه و ابوه و شيبانة كلهم و جماعته ما حضروا العرس و تبروا منه ..

الله يهداك .. تفرح على القطاعة !!

هذي حريات شخصية ..

هذا غير ان السفور عند أهل الكويت بدو و حضر .. عادي عندهم .. موب جديد عليهم

الا عند البعض..

الله يستر علينا وعليهم
%حورية قطر%
23-03-2010, 11:46 AM
الله يهنيهم
السهم الكلاسيكي
23-03-2010, 11:50 AM
الله يهني سعيد بسعيده
Al-Kuwari
23-03-2010, 11:55 AM
بصرف النظر عن طبايعهم في زمن التطور ولكن000

ترى قبيله السعيد قبيله معروفه ويرجعون للسبيع0000 البعض يعني مطيحها من عينه :)

عموما الله يهنيها بس والله كل هذي المده احسبها متزوجه وعندها احفاد 00طلعت كتكوته لحين ماعرست:secret: بس اهي كاتبه اثبتت وجودها وبجداره

يلا الله يسهل عليها وعاد اهم يحبون الشو خلوهم 000ترى عندنا وعندهم خير لاتروحون بعيد^_*

حسب معلوماتي البسيطه هاي 3 مره تتزوج

وزوجها الثاني ان ماخاب ظني كان حسين المنصور
سداوي&مدريدي
23-03-2010, 12:30 PM
What's UP :eek5::telephone:

ألف مبــروك
كيفـي
23-03-2010, 12:57 PM
هذا عرس والا توقيع اتفاقية بين دولتين؟!!

والله يهنيهم ويوفقهم لما يحب ويرضى..!!
هداف
23-03-2010, 01:06 PM
خبر جميل للطماشه والتندر اللهم لا شماته


بعدين اللي يقولون حسد وماحسد !! حسد على ايش بالظبط من المحسود المعرس ولا العروس :) شايب وماخذ له عجوز وين الحسد في الموضوع ! الله يهنيهم والطيور على اشكالها تقع
بــوعــوف
23-03-2010, 01:11 PM
يستاهل المعرس وتستاهل الإستاذة / فجر السعيد

يكفيهم شرف حضور سمو أمير دولة الكويت وولي عهده . وأقول حق المعارضين كبار وصغار ليش هالحسد والغيرة وأنا متأكد إن أعراسكم يالحسده ماراح يحضرها مقهوي في الديوان . باركوا للعروسين ليبارك الله لكم في زواجكم وزواج أبنائكم .آسف على هالرد المغتضب بس سامحوني والله ماقطع عن قطر الأمطار إلا الحسد الموجود في البعض . ومثل مايقولون الخير يخص والشر يعم والحسده كثروا في البلد ولابد النصح لهم وإتقوا الله في بلدكم وأهلكم وإتركوا الحسد . نبي مطر نبي خير نبي الله يرضى علينا من كثر حسدكم حتى الدوله ماعاد تكرمت علينا كله تحنطمون ماجاتنا مكرمة ولاجانا مطر ولا جانا خير ولا في رواتبنا بركه كله من الحسد إبعدوا عن الحسد وشوفوا الخير .

أنت أعقل واحد في الدنيا .. كفيت ووفيت يالذيب..

الله يبارك لهم ويبارك لك بعد ..:nice:
غزلان
23-03-2010, 01:15 PM
شفت العرس بقناة سكوب

الله يسعدهم
G0LD
23-03-2010, 01:19 PM
عسى الله يبارك لهم ويسعدهم ويجمع مابينهم بالخير ويرزقهم الذريه الصالحه

ويوفق كل من عرسه قريب - وكل الي تزوجوا والي يفكرون يتزوجون

والجميع

تحياتي
مقطع حق
23-03-2010, 01:33 PM
ألله يسعدهم ويبارك لهم وللجميع.

وخلوا منكم ال:tease:
MoneyMaker
23-03-2010, 01:50 PM
لقد ضاع شعري على بابكم ***كما ضاع در على خالصه
" روح قطر "
23-03-2010, 01:55 PM
لاحول ولاقوة الا بالله

ياناس أحنا لاحضر أعراسنا شخصيه معروفه فرحنا ونزلنا صوره مع المعرس

وأنتو حسدتو شخصيات أثبتت وجودها في المجتمع

ومن شعب متواضع وشيوخ متواضعين

بدل ماتقولون مبروك والله يتمم عليهم قاعدين تخيطون وتميطون بكلام ماله داعي


الله يتمم عليهم ويرزقهم بالذريه الصالحه
حقيقه
23-03-2010, 02:00 PM
زين اذا حد يبي شخصيه كبيره يشهد له مثل ماصار في عقد قران سعود وفجر اشلووون ؟؟؟؟ :nice:


والله يهني سعيد بسعيده خلو العالم يستانسون اشتبون فيهم كله حسد في حسد
The End Qtr
23-03-2010, 02:06 PM
وافق شن طبقه
مضاد
23-03-2010, 02:30 PM
خبر جميل للطماشه والتندر اللهم لا شماته


بعدين اللي يقولون حسد وماحسد !! حسد على ايش بالظبط من المحسود المعرس ولا العروس :) شايب وماخذ له عجوز وين الحسد في الموضوع ! الله يهنيهم والطيور على اشكالها تقع


:happy:
الخير كله
23-03-2010, 02:55 PM
خبر جميل للطماشه والتندر اللهم لا شماته


بعدين اللي يقولون حسد وماحسد !! حسد على ايش بالظبط من المحسود المعرس ولا العروس :) شايب وماخذ له عجوز وين الحسد في الموضوع ! الله يهنيهم والطيور على اشكالها تقع
..
ردك شنيع وينم عن حسد...
شايب هههه مهب اي شايب رئيس تحرير جريده ورجال كفو
عجوز مهب اي عجوز قمة الدلال واشهر كاتبه ..يكفي اللي شاهد على عقدها امير وولي عهده
عاد دور لك امقهوي الديوان انت على قولة القايل...
hamoor4ever
23-03-2010, 03:23 PM
فيه ردود اتضحك ، باركو لهم احسن لكم بعدين هاذه زواج على سنه الله ورسوله عاد كبيره صغيره هاذه شي مايخص الا المعرس وهو اهم شي راضي وحضور الامير دليل على تواضعه واكيد فيه هناك صله قرب او معرفه سابقه بينهم ( العروس او المعرس ) وبصراحه شي حلو
غزلان
23-03-2010, 03:28 PM
..
ردك شنيع وينم عن حسد...
شايب هههه مهب اي شايب رئيس تحرير جريده ورجال كفو
عجوز مهب اي عجوز قمة الدلال واشهر كاتبه ..يكفي اللي شاهد على عقدها امير وولي عهده
عاد دور لك امقهوي الديوان انت على قولة القايل]...



ههههه:secret:
ملسونه
23-03-2010, 03:41 PM
هي كانت متزوجه قبله ؟؟


احس كبيرره
مسباح عاج
23-03-2010, 03:49 PM
السعـيد بالكويت ، هم خـوال صباح بن أحمد الحاكم الحالي.

ما أعلمه أن أسرة السعيد من "الـُـوهَـبَة".






على حد علمي المتواضع
أن خال سمو أمير دولة الكويت
هو المرحوم طلال العيار ، وليس طلال السعيد

وأسرة السعيد من الأسر التميمية المعروفة في جهراء الكويت
Engineer CA
23-03-2010, 03:59 PM
بصرف النظر عن طبايعهم في زمن التطور ولكن000

ترى قبيله السعيد قبيله معروفه ويرجعون للسبيع0000 البعض يعني مطيحها من عينه :)

عموما الله يهنيها بس والله كل هذي المده احسبها متزوجه وعندها احفاد 00طلعت كتكوته لحين ماعرست:secret: بس اهي كاتبه اثبتت وجودها وبجداره

يلا الله يسهل عليها وعاد اهم يحبون الشو خلوهم 000ترى عندنا وعندهم خير لاتروحون بعيد^_*

السعيد يرجعون لتميم وناس فيهم خير

والمعرس محامي وشاعرمعروف وولد شيخ من شيوخ سبيع الكويت اسمه مطلق الخيوط السبيعي

والله يوفقهم ويهدينا ويهدي الجميع
راعي البيرق
23-03-2010, 04:36 PM
too late

the emportant they arrived
ع.م
23-03-2010, 04:55 PM
الله يسعدهم ويهنيهم..

بليز بليــــــــــــــــــز.. هدوا أعصابكم شوي مافي داعي كل ماصار شي تشنجتوا علينا.. ياخي كفاية تحلطم واستهزاء بالناس واعراضهم ياخي عيييب والله.. انشغلوا بنفسكم أحسن.. سووا أي شي.. جيبوا مضرابة ذبان و دوروا ذبان اذبحوه.. مادري أي شي بس فكوا الناس من ألسنتكم ياخي سم..
السهم القطري
23-03-2010, 05:54 PM
على حد علمي المتواضع
أن خال سمو أمير دولة الكويت
هو المرحوم طلال العيار ، وليس طلال السعيد

وأسرة السعيد من الأسر التميمية المعروفة في جهراء الكويت





لا هنت يا مسباح عاج ..

العيـّار مجرّد لقب أطلق على جد "طلال العيّار". وهم أيضاً ينسبون أنفسهم لأسرة "السعـيد" والله أعلم.

ولكن للتصحيح ، ذكرت أن السعيد هم خوال أمير الكويت. وليس طلال السعيد شخصياً رغم كونه ابن خال "صُباح" الأمير ، حسب ما سمعت منه.

بالنسبة لـ"الـُـوهَـبَة" ، فهم من بطون تمـيم.
بوحارب
23-03-2010, 06:24 PM
حنا وش لنا فيهم !
مساهم عادي
23-03-2010, 06:50 PM
شكله المعرس بيعلق عقد الزواج في مجلسه ....
شبه الملاك
23-03-2010, 08:06 PM
الله يهنيهم ويسعدهم
البيان
23-03-2010, 09:24 PM
المسلسلات اللي كانت تكتبها كلها مشاكل في مشاكل - مايندرى كيف بتكون حياتها - الله يهديها
هداف
23-03-2010, 11:23 PM
..
ردك شنيع وينم عن حسد...
شايب هههه مهب اي شايب رئيس تحرير جريده ورجال كفو
عجوز مهب اي عجوز قمة الدلال واشهر كاتبه ..يكفي اللي شاهد على عقدها امير وولي عهده
عاد دور لك امقهوي الديوان انت على قولة القايل...

http://www.arrouiah.com/files/imagecache/node_photo/files/rbimages/1257359494217512200.jpg


http://www.aljarida.com/AlJarida/Resources/ArticlesPictures/2008/11/26/87412_%D9%81%D8%AC%D8%B1-%D8%A7%D9%84%D8%B3%D8%B9%D9%8A%D8%AF-1.jpg






حسدددددددددددد !!! مساكين بعض الناس والله والعرس هذا حديث المجالس والتندر وانا
تعوذت من الشماته في ردي وقلت الله يهنيهم

لعلمج يا لمطفوقه في عرسي ربعي وبني عمي وروس قبايل قطر اللي جوني وباركوالي عندي اطلق من اللي ذكرتيهم اشهد بالله اني عند ربي صادق ومقهوي الديوان كان موجود يصب قهوه في عرسي :)
قناص الخليج
23-03-2010, 11:38 PM
ندعي لهم بالتوفيق
محمد افندي
23-03-2010, 11:46 PM
فيه ناس اكبر همها ان " مقهوي الديوان " يجي عرسها ولا يكون شخصية مهمة يجي عرسها ؟؟


والله ثم والله رجال ما يحترم شيبانة ولا يقدر عاداته و تقاليده وش ترجون منه يا ناس ؟ يعني الحين ازعل ابوي و ازعل جدي و ازعل عمي و قبيلتي علشان امير ولا شيخ ولا كاتب فلان و علنتان يجي عرسي ؟!؟

مدري والله شلون تفكرون انتوا !! الله يعين ربعكم عليكم و بس اشهد انهم ماعينوا خير



قال ويش قال حسد !؟ لا تكفى يا توم كروز !!
almaha19999
23-03-2010, 11:49 PM
الله يوفقهم

وحسب ما قريت في المنتديات ان امير الكويت يصير ابن عمه فجر

وطليقها

وقد تزوجت بعده شخص من عايله الساير لكنها لم تنجب فطلقها

والله اعلم
البنت جميله ومثقفه صحيح ينقصها الحجاب الله يهديها ان شاء الله