$$ ابن 11 سنة والشنطة الترولي والثوب بو زرار$$

[ضوى]

الموقف الاول : ابن 11 سنة ، اللي صار كبير وريال وعيب يودي شنطة ترولي :-

الأخ (ع) بو 11 سنة كل يوم بعد ما يخلص دراسة يحط كتبه في شنطة المدرسة الترولي اللي

شريتها له من ماليزيا مخصوص بدون صور ولا هم يحزنون يعني للكبار اللي في سنه ،

المهم اني اشوف هالشئ بعيني وكل يوم على هالحال اشوفه يروح ويرد بهالشنطة .

المهم امس بالصدفة شفته وهو راد من المدرسة عادة ماشوفه الا بعد مايبدل ويخلص لاني

اكون مشغولة شوي ، بشنطة علاق ( اديداس ) الخاصة باخوه ، سألته وين الترولي يقولي

ها موجودة وين موجودة بالسيارة ، اثاري السوسة يخش الشنطة الخفيفة بالترولي ويغيرها

بالسيارة وهالمرة نسى يغير من التعب او من اللعب الله العالم بس الظاهر عشان ينكشف لي

طبعا الشنطة العلاق ثقيلة من كتبه وكتفه انخلع وهو شايلها بس العناد ومايسوي ، المهم

سكت عنه تغدينا وريحنا شوي ، قمت العصر وقعدت معاه ، قلت له ليش يا ولد الحلال ماتبي

الشنطة الترولي مع انها راقية وتبين انها لاكبر من سنك بعد ( هو بسادس ) ، تدرون وش رد

هالعفطي ؟؟ يمه انا ريال اشلون تبيني اودي شنطة ترولي ، قلت له اخوك العود فديته لين ثاني

اعدادي وهو يودي ترولي ، يقولي امبلى اودي ترولي لين طلعت من سادس ولا ابي

اشوفها بالبيت ، اثاري الولد يبي يطوف سنه بسرعة والترولي هي العائق بطريقه ، المشكلة

مب في الشنطة المشكلة انه كتبه ودفاتره كثيرة وطبعا الكتب دسمة حجماً وعلماً ، وهو لا يحب

شنطة الكتف ولا يحب الترولي طيب كتفك يابن الحلال بينخلع مافي فايدة لا وهو اللي يشتكي

من كتفه يعوره يوم يلعب كورة !

المهم قعدنا وياه انا وابوه وفهمناه فايدة الترولي واشلون تساعده عالمشي براحة بدون

ماتضايقه الشنطة المعلقة بكتفه وتجذبه للارض ولكن مافي فايدة ويهدد ترى اذا رحت اعدادي

ولا ممكن اشيل ترولي ابي ( سير ) بعد سير ياولد الحلال ، ان شاء الله لرحت الاعدادية يصير

خير .

الموقف الثاني : ابن 11 سنة ، اللي صار كبير وريال ولازم يلبس ثوب بو زرار :-

الاخ نفسه اللي فوق متخالف اربع مرات من بداية السنة ومخسرنا ازرة خاصة به وباخوه

والسبب انه مايبي يلبس ثوب هدد ، يهديك يرضيك ياولد الحلال مافي فايدة ابي اكشخ انا كبير

وريال وابي اكون رزه ، والله هالكلام الكبير مدري من وين يجيبه اذا اخوه وابوه مهب جذي

اخوه يلبس ازرة بس حق المدرسة هدد حسب القانون والاخ مب عاجبه ، المشكلة لما يطلع

الصبح يطلع بدري مع ولد جارنا وانا اكون لاهية ، المهم اخذت كل ثيابه اللي بأزرة وخشيتهم

عنه قام يخالف بشنو ؟؟ بقلم كشخة بمخباه الفوقي وطبعا تصادر منه . ماشاء الله عليهم جيل

هالوقت مافي فايدة منهم كثر الكلام والنصايح لازم يسوون اللي براسهم .


الخلاصة :

جيل هالوقت عنيد وفيهم جرأة غير طبيعية ، يعني يتخالف اكثر من مرة ويرد يسويها بعد شئ

غريب والله ماظن اخوه العود يسويها ، جيل عنيد بشكل والمشكلة يرد ويعصب ويصر على

رايه ، طيب اللي مثل هذا اشلون الواحد يتعامل معاه ؟؟ لا هواش نافع لا تحذير نافع ولا أي

شئ ثاني نافع انا حتى الضرب ضربته مافي فايدة ، هذا العفطي توه بسادس وجذي متمرد لو

راح اعدادي وش بيطلع ؟؟ شاق الارض شق ماشاء الله عليه .

الهدف من الموضوع هذا هو سرد تجربة لي مع تمرد ابني ، والاستماع لحلول ربما تساعدني

في التعامل معاه بشكل افضل ليصل لبر النجاة وتعدي هالمرحلة على خير ، الهدف معرفة

تجارب الغير في مثل هذه الحالات وكيف صار التعامل معاها ، هل بالطرق التقليدية اللي

عرفناها زمان ، او بطرق ووسائل تربوية مثل اللي نسمعها من الخبراء والاستشاريين ، وهل

هذه الطرق تؤدي بنا لحلول جيدة لمشاكلهم ام لا ؟؟

انتظر مشاركاتكم وارائكم لنفيد ونستفيد من خبرات الجميع

وصباحكم خير وسعادة

[المرحب]

يمه انا ريال اشلون تبيني اودي شنطة ترولي


:nice:

بصراحة أعجبني الرد

ههههههههههههههه

الله يصلح الذرية وتسلمين أختنا على الطرح الجميل

[بو خليفه 123]

لابد من إدراك أن معاملة الطفل العنيد ليست بالأمر السهل، فهي تتطلب الحكمة و الصبر، وعدم اليأس أو الإستسلام للأمر الواقع.

عدم وصفه بالعناد على مسمع منه، أو مقارنته بأطفال آخرين بقولنا "ترا ولد فلان مهب عنيد مثلك".

البعد عن إرغام الطفل على الطاعة، واللجوء إلى دفء المعاملة اللينه والمرونه في الموقف، فالعناد اليسير يمكن أن نغض الطرف عنه، ونستجيب لما يريد هذا الطفل، ما دام تحقيق رغبته لن يأتي بضرر، وما دامت هذه الرغبة في حدود المقبول.

معرفة من هم زملائه بالمدرسه شيء ضروري و مدى تأثيرهم على ابنك .. غالباً حب التقليد هو ما اتى بهذه النتيجه .

الله يخلي لك ابنك و يتربى بعزك ان شاء الله

[بـــــــنت النوخـّــــذه]

قوه ضوى 000اولا قواج الله والله يخلي لج اعيالج000:)

بالنسبه للشنطه: مادري احسه كبير على الشنطه الترولي واذا اهو قادر يشل الكتب كامله واتكون مرتبه خليه لاتقصبينه ترى كل مرحله ولها فنتك على قولتهم 00بس اهم شي الكتب اتكون مرتبه ونظيفه 00يعني جربيه اذا اهمل في تنظيمهم ردي الترولي اههه


بالنسبه للكبك 00هذا قانون المدرسه ولازم يتبع القوانين ان مايلبس ثوب بوكبك لان لمصلحه الطالب ولكن خارج المدرسه خليه يلبسهم على راحته 000الحين اهم بهذا السن خالف تعرف يعني الي يخالف هاي الزعيم من بينهم حركاتهم هالطلاب000
عيل انا ولد اخوي بمدرسه ثانويه وشارط عليهم المدير محد يلبس غتره حمره اهههه وبالعكس احس الغتره البيضه اطلع الشخص انظف وارتب 000

عموما الله يخليه لج واهم شي يقتنع ولدج ولا تدرين خليه يخالف عشان يخاذ لشطه عدله من المدير او لفت نظر اهنيه بحرم يخالف 0:nice:00

[بو خليفه 123]

قوه ضوى 000اولا قواج الله والله يخلي لج اعيالج000:)


بالنسبه للكبك 00هذا قانون المدرسه ولازم يتبع القوانين ان مايلبس ثوب بوكبك لان لمصلحه الطالب ولكن خارج المدرسه خليه يلبسهم على راحته 000الحين اهم بهذا السن خالف تعرف يعني الي يخالف هاي الزعيم من بينهم حركاتهم هالطلاب000
عيل انا ولد اخوي بمدرسه ثانويه وشارط عليهم المدير محد يلبس غتره حمره اهههه وبالعكس احس الغتره البيضه اطلع الشخص انظف وارتب 000
0:nice:00

أنا راح عن بالي موضوع قوانين المدرسه "على ايامنا كنا احنا مستحدثين القوانين لكن الوضع مختلف الآن"

ممكن تستغلين هالنقطه اذا فعلاً المدرسه ملتزمه بالقوانين و ممنوعه الأزرّه .. و بنفس الوقت ماتخلونها في خاطره و يلبسهم لما ابوه ياخذه للمجالس . و له من عندي طقم ازرار هديه اذا سمع الكلام :)

تحياتي

[غزلان]

الله يخليهم لج ياضوى

العناده صفه في اغلب الى بعمر ولدج

اختي نفس الشي ولدها بثاني اعدادي الى براسه غصب بيسويه السبب تقليد للي بعمرهم او انه سمع ان شنطه بترولي حق اليهال فحطها في باله

وبخصوص الزرار يختي خليهم يتمتعون بحياتهم:)

الله يهديهم

[بـــــــنت النوخـّــــذه]

. و له من عندي طقم ازرار هديه اذا سمع الكلام :)

تحياتي

واحنا مالنا هديه 00000؟؟؟؟


<<<الحين بتقوم علي ضوى طلعت بره الموضوع :shy: بس فكره الهديه حلوه

[سوق واقف]

أختي ضوى الله يحفظة لج يا رب وينجحه ي حياته العلمية

أختي خليه على راحته نصيحه ... الصراحه أنا أشوف انه على حق الصراحه

قبل أحنا في الإبتدائية كنا نودي كتبنا وحزام نربط فيه الكتب ولا كانو المدرسين فرحانين على الحزام لأنه كانو يضربونه فلقه فيها هههههههههههه

[ال عمدهـ]

الصراحه ردهـ اكبر منه ماشااء الله عليه

عسا الله يصلحه ويباركـ فيه ويجعله بار بوالديه

اختي ضوى فيه برنامج على اذاعة القرأن الكريم عن تربية الابناء ومشاكلهم

يقدمه الاخ عبدالرحمن الحرمي عسا الله يكتب اجرهـ

ياليت تطرحين مشكلتج عليه وان شاء الله يفيدج

وقته بعد صلاة المغرب بس في اي يوم والله ناسي

بس اتوقع الاحد >> يوم واحد في الاسبوع

وان شاء الله تكون شقاوة اطفال وتعدي وعسا الله يهديه إلى طرق الخير والصلاح

تقبلي مروري

[رنج سبورت]

:)

قريت بداية الموضوع وعرفت نهايته

بتسأليني ليش لان هالشي مب جديد :nice:

باختصار انصحج بالحوار ولازم توصلين معاه للاقناع عن طريق الحوار بدون عصبيه لان العصبيه بتولد العناد وحطي في بالج ان هالمرحله تعتبر اقرب المراحل لسن المراهقه اللي يحاول فيها الطفل او الابن اثبات رجولته عن طريق تصرفاته اللي مقتنع فيها واثبات حقه في اتخاذ الراي واهم شي تعرفين ولدج مع من يمشي في المدرسه وشلون افكارهم

وهالمرحله محتاجه للاب بشكل كبير والله يوفقكم في تربية العيال

[سوق واقف]

كيف نربي أولادنا ؟!!


محمد حسن يوسف


أخذت أتفكر في الطريقة التي نتعامل بها مع أطفالنا. فرغم كل التقدم الذي شهده عصرنا، ورغم كل وسائل الرفاهية التي لم تكن متاحة من قبل لآبائنا، ما زلنا نتعامل مع أطفالنا بنفس الأسلوب الذي كان آبائنا يعاملوننا به! فنحن نريد من الطفل أن يفعل ما نريده منه!! ونكون في غاية الضيق إذا صدرت له الأوامر ولم يطبق ما نمليه عليه!! فإذا تمادى في عدم سماع الكلام، يكون عقابه الضرب المبرح!!!

اعتقد أن الأسلوب الذي نتبعه في تربية أولادنا لا يتناسب مع سمات العصر الذي نحيا فيه الآن، تماما مثلما أنا على يقين من أن معظم ما نعاني منه من مشكلات الآن – من ارتفاع مطلق في عدد حالات الطلاق، وارتفاع معدلات الجرائم، وعدم احترام القوانين المطبقة ومحاولة الالتفاف عليها، ... الخ - هي نتيجة ما أفرزته الأساليب المختلفة للتربية التي اُتبعت لتربية الأجيال الحالية!!

إن أفضل ما يمكن أن يطلق على الأسلوب الذي نتبعه في تربية النشء هو أسلوب " تكميم الأفواه ". فالطفل " المتمرد " على قرارات الآباء في المنزل يكون مصيره الضرب والنبذ! فإذا ما ذهب الطفل إلى الكُتّاب أو المدرسة، فإن عدم التزامه بالمطلوب منه يكون عقابه هو الضرب والإهانة والتجريس بين الأقران! فإذا خرج إلى الحياة، وحاول الإدلاء برأيه في قضية ما، يكون مصيره هو الضرب والسحل والسجن من قبل جهاز الشرطة!!

أي أن الطريقة التي نتربى بها في مجتمعاتنا قائمة على وجوب تنفيذ الأوامر ممن هم أكبر سنا وأعلى شأنا، وإلا فإن المصير الذي ينتظرنا هو العقاب الأليم سواء كان ذلك ماديا أم معنويا. ولعل هذا يفسر لنا لماذا لا تتحرك الجماهير المطحونة رغم كثرة الضربات التي تتلقاها يوميا من التضييق عليها في لقمة عيشها. فبالرغم من كل هذه الضغوط، نجد الجميع راضيا ولا يحرك ساكنا، وذلك لأن " ثقافتنا " هي عدم التمرد، وإلا فالعقاب معروف ... !!

إننا حين نضرب الصغار، مهما كان الدافع على ذلك، فإننا نرسخ في نفسه تقبل الإهانة! فإذا ما ترسخت هذه القيمة في نفسه منذ نعومة أظفاره، فإنه يحاول التأقلم معها. فإذا ما كبر بعد ذلك، نجد أنه قد تعود على تلقي الإهانات المختلفة ممن حوله، دون أن يحرك ساكنا أو أدنى انفعال. بل على العكس، يأخذ في التماس المبررات التي تدفعه للتأقلم معها والعيش في ظلها!! وهكذا تنشأ أجيال من غير المبالين بما حولهم!!

إن التربية القسرية والتعليم القسري، المبنيين على الخوف وعلى المناهج الفوقية، لا ينتج عنها تنمية بالمرة. فإذا كان الإنسان هو محور التنمية وهدفها الأول، حيث لا تتم أية تنمية إلا بجهود الإنسان. فإذا ما تحققت هذه التنمية، فإنها تهدف لرفع مستوى معيشة الإنسان. إذا كان الأمر كذلك، فإننا نجد أن الأداة التي تستخدم للارتقاء بجهود التنمية في المجتمع، وهي التعليم القسري، تؤدي لضياع الإنسان نفسه، الذي هو محور تلك التنمية وهدفها!! وهكذا لا تتحقق التنمية المنشودة، بل تأتي أجيال ضائعة تائهة لا يُنتظر منها تحقيق أدنى رقي أو تقدم!!

ولعل من الخطورة بمكان التعامل مع الأطفال الصغار بمثل هذه الطريقة عند تحفيظهم القرآن!! ذلك أن معظم محفظي القرآن – جريا على عادة أسلافهم في الكتاتيب التي انتهى عهدها – يستخدمون وسائل غير تربوية، بل غير آدمية، عندما يريدون من هؤلاء الأطفال حفظ القرآن. وأبعاد المأساة في ذلك الأمر أننا نرسخ في " لا شعور " الأطفال أن القرآن – الذي يجب أن يكون مصدر عزة هذه الأمة وانطلاقتها – هو سبب قهرهم وذلهم!!

ويتفق علماء التربية مع هذه الآراء، حيث يرون أن: " آثار التسلط التربوي بالغة الخطورة في التربية، فالإكراه والتسلط في العمل التربوي يؤديان إلى توليد مشاعر البغض والضغينة، والجمود والكراهية والتصلب، والخجل والقلق والخوف والإثم، ومشاعر الدونية والنقص، وفقدان الثقة بالنفس، وعقدة الإحساس بالذنب والإهمال ... ".[1]

وليس من شك في أن العقاب البدني يتولد عنه ذل وخنوع في نفس من وقع عليهم هذا العقاب. بل " لقد أجمع المربون والمصلحون على إبطال العقاب البدني، والتحقير والإنذار والتوبيخ، وقد أثبت المراقبون لحوادث الطفل، أن مثل هذه الأمور توقف انحراف الطفل لوقت قصير ... هذا وإن العقاب يخلق جيلا خنوعا ذليلا، لا يستطيع الوقوف أمام الأحداث والصعاب والواقع ".[2]

إننا إذا أردنا لمجتمعاتنا أن تتحرر من ربقة الأغلال التي تكبلها، وننطلق نحو تحقيق التنمية المنشودة التي طالما حلمنا بها، فلابد من تغيير منظومة التربية التي نتبعها مع الأطفال الصغار حتى يشبوا في جو نقي يتنسمون فيه عبير الثقة بالنفس وحرية الرأي. ذلك أن التربية القائمة على " العلاقات التسلطية، تؤدي إلى منظومة من النتائج السلبية وهدم الشخصية، ... والأطفال – وحتى الراشدين – يصابون بالعطالة الفكرية، وعدم القدرة على التفكير أمام مدرسيهم أو آبائهم، الذين عرفوا بتسلطهم وقسوتهم ".[3]

" إن الطاعة الآلية، المستجيبة بالرهبة والخوف، والتسلط والقهر، هي صدى إرادة، وسراب طاعة، ظاهرها السلامة، وباطنها الخراب. فإذا غاب الآمر وغفل الرقيب، فلا طاعة ولا أمانة، ولا إنجاز ولا إبداع، وإنما " التخلف " الذي يكافئ التسلط، والتسلط يكافئ الجمود والعطالة "[4]

إن التربية القائمة على تدريب الأعضاء الظاهرة، هي تربية قِرديَّة، لأن: " التنشئة تنتمي إلى الإنسان، أما الترويض فإنه مصمم من أجل الحيوانات ". ولذا كانت التربية الحقيقية، تربية للإرادة، لأنها مصدر حركة السلوك، والقوة الضابطة له. فإذا كان يرادفها الحرية والاقتناع، أبدعت وأنجزت وسلمت، من كل علل النفاق والرياء والغش والأمانة. [5]

أرجو من الجميع أن يعيد النظر في منظومة التربية التي يتبعها مع أطفاله، وأن يبدأ المربين والمعلمين والمدرسين في سياسة جديدة تجاه الصغار، فمن هنا نبدأ التغيير الحقيقي لمجتمعاتنا على طريق التقدم والنمو.




منقوووول للفائدة

[هند88]

صح احسه كبير على الشنطة التورلي..
والله يعينج على تربيته انشالله ويحفظلج عيالج

[استغفرالله]

من واقع تجربة و من خلال قراءاتي لكتب التربية اللي فهالسن يحب تعاملونه كانه ريال
قوليله الاتي :

انت ريال وكبرت وشوف اللي فيه مصلحتك اذا تشوف ان افضل لصحتك ومصلحتك تشيل الشنطه فهاي راجع لك

انت دور مصلحتك وماعليك من حد ...(شو فو يمكن حد معلق على شنطتة بو تواير)

وخلوه لا تعصبونه على الشنطة

اما الثوب لا زم يحترم قوانين المدرسة

وواعدوه اذا هو مادب وشاطر في المدرسة برحلة او هدية

[بلوتنيوم]

حاليا محتاج تدخل الاب اكثر من الام
لانه اغلب المشاكل الى اشوفها في مدارس هالايام
كانت موجودة على ايامنا مع الاختلافات طبعا بتطور الحياة
يعني الاب يكون معاشر وعارف البلاوي الى بتقابل ولده في المدرسة
وعارف الطريقة المثلي واشلون قدر يتخلص منها:telephone:

المدرسة عبارة عن غابة بالنسبة للطالب
فعلشان يقدر يعيش فيها لازم ينحاز للسمك الكبير :secret:
حتى لو كان مش مقتنع من داخله بتصرفاتهم
بس على الاقل ينحاز لهم بالشكل الخارجي
هذا الشيء الى يمنحه الامان والاستقرار

بس عموما من الى اشوفه
الترولي ماله لزوم :secret:
اما الزرار
يستاهل العقاب لانه قاعد يخالف قانون المدرسة:anger1:

[هداف]

لازم يفتحون قسم في الموقع ويسمونه ( شؤون الاسره والمجتمع ) علشان الامهات في الموقع ياخذون راحتهم في سرد قصصهم الاسريه

[تحداني]

.. أسجل حضوري هنا ..
ومتابعه لتجاربكم أيها الأباء والأمهات
من أجل إكتساب الكثير من مهارات الحوار مع الأبناء



.
.
غاليتي ضوى


لا تشددي كثيرا أرجوكي
ودعي الأمور أبسط من كذا
.. عسكريه أنتي من الطراز الأول .. :)






الله يحفظهم يارب .. ويطرح فيهم البركه ..
ويجملهم واياكي لرضى الرحمن

[الرويـس]

مهما حاولتي في تثبيت أمر مخالف ( للرجولة المبكرة )
فسوف يُضرب به عرض الحائط ..

فالمكر والمقالب لا تنتهي بهذا السن ، وخصوصا من ينتمي
الى (البيئات الطلابية) ..

:p

[ضوى]

لازم يفتحون قسم في الموقع ويسمونه ( شؤون الاسره والمجتمع ) علشان الامهات في الموقع ياخذون راحتهم في سرد قصصهم الاسريه

ليعذرني الجميع لتجاوزي ردودهم

اخي هداف هذه ليس مواضيع اسريه بقدر ماهي تجارب حياتية في التربية والسلوكيات وكيفية التعامل معها ، ان كنت تراها غير مجدية فالمواضيع المجدية كثر لعلها تروقك خذ لفة عليهم

تقبل تحياتي

[جوال 11]

هذه مرحلة سن المراهقة ولابد من الأخوة مع الولد ، وأحساسه بالرجولة في هذه السن فيريد أن يُعامل وكأنه رجل والوضع كذلك للبنات أيضاً

[alrheeb2020]

الله يرحمنه برحمته حتى فالعيد البس هدد هه ..

الله يهدي ولدج ويصلحه ان شاء الله ويكون من الذريه الصالحه ..

[ام السعف]

اختي ضوى الشنطة عيالنا من يدخلون الصف السادس يرفضونها
مع انهم هم اللي مختارينها و على ذوقهم قبل ما تنفتح المدرسة ،،

حاولي معاه انه يخفف من الكتب اللي مالها داعي ،، ويخصص دفتر واحد
يجمع فيه المواد ( ان كان نظام المدرسة يسمح بذلك ) ،،

اما بخصوص الثوب ،، حله سهل جدا ،،
بما انه ما يحترم قوانين المدرسة ويلبس الثياب المخالفة
عليج باتباع ما يلي :

1: تحذيره انه راح يتعرض للعقاب في المنزل ان ما احترم قوانين المدرسة
في حال استمراره
2: لا اتفصلون له ثياب يستطيع من خلالها لبس الأزرة ،، وبينوا له السبب ،،
ان تم يحن
3: قعدي معاه و فهميه من اول و يديد اهمية احترام القوانين
فهو له قوانين خاصة ما يرضى حد منكم انه يتجاوزها ،، وعليه انه يحترم
القوانين الخاصة في المدرسة ،،
رفض و عاند
4: يُــحرم من اشياء يحبها ( الجوال ،، طلعة نهاية الاسبوع ،، زيارة بيت جده )
، والسبب تماديه في العناد ،،
ان طاع
5: يكافأ على حسن استماعه و تعزيزه بذكر تجاوبه للمطلوب منه اما الآخرين ،،
اما اذا ما طاع
6: جوفيه بنظرة عتب و حب و حنية و قولي له ،، بدل الثوب
بفصل لك 10 بس ابيك تحترم القوانين ،، انت علشان ثوب تخالف عيل
باجر لكبرت امور اكبر من الثوب بتحتاج لها راح تخالف لأنك ما علمت نفسك الصبر ،،
7: ابتعدي عن الضرب في مثل هالحالات ،، خاصة لو لاحظت ان الضرب
من البداية ما منه فايدة ،،

واهم نقطة من غير ترقيم ،، ادعي له بالهداية ،، وحطي يدج على راسه وسمعيه
وقولي : " يارب العالمين ،، اهدي لي ولدي الغالي " اذكري اسمه " للي اتحبه و ترضاه
رب العالمين و يريح لي بال ولدي تراه اغلى الغاليين و اغلى المحبين ،،
وان شاءالله اتوفقين في حل مشكلته ،،

[كركم]

والله اختي من وحي التجربة << حلوة هذي
انصحج نصيحة مجرب أهم شي النقاش المنطقي والهادئ ولا تفرضين عليه اي قرار غير مقنع لان هالشي بيأثر على شخصيته بشكل سلبي .

[بوعمير]

في هذا السن يتأثر المراهق بأقرانه المراهقين وعاده ما يكون ديدنه التقليد من أجل التقليد وإثبات النفس، ولا أجد فيما يقوم به إبنك (حفظه الله) ما يدعو للقلق فلكل مرحلة سنية عالمها الخاص من التفكير والممارسات التي قد نوافقها او نعترض عليها.

شخصياً لا أحبذ سياسه الضرب والامر وفرض الرأي خصوصاً مع الاولاد، ولكي ان تناقشيه بهدوء لمعرفة أسبابه الخاصة والتي قد تكون تافه من وجهه نظرك ولكنها تعاني الكثير بالنسبة له.

دعيه يتحمل نتاج قراراته فلا أجد حرجاً فيما يفعل.

موفقه خير أختي ضوي.

[انسان]

اولا : اشكرك اخت ضوى على الموضوع المميز

ثانيا : يا ليت السالفه جات على شنطه وكبك .الولد حاليا يمر برحله بعد الطفوله وقبل المراهقه الحقيقيه .يعني هذي المرحله تكون بدايات المراهقه

- واضح ان الولد قاعد يسمع من ربعه بان الرجوله كشخة الثوب و الكبك و ان الواحد ما يكون كبير وهو يروح المدرسه بشنطه ترولي .
- ترى الولد كبر على شنطه ترولي .
- ليش ما تجلسين معاه جلست تفاهم وتقولين له خلاص ايش رايك اروح معاك محل الشنط و تشتري انت الشنطه الي تعجبك وعلى ذوقك انت على شرط انك تلبس ثوب هدد في المدرسه . على انك اذا حسيت ان الشنطه متعبتك ترجع للقديمه ويكون هذا اتفاق بينك و بينه. اتوقع هنيه انك حسستيه باهميته وانه اصبح له حريت الاختيار و في المقابل حليتي مسألت الثوب معاه
- ترى الضرب و الصراخ ما يجيبون فايده "العناد يولد العناد " حاولي تتفاهمين معاه وتقولين له ترى فيه ناس كثيره في البلد ثيابهم هدد لا وكباريه و مسؤلين


نصيحه عامه : الولد من هذا السن و طالع يبتدي يتأثر باصدقائه ويسمع كلامهم يمكن اكثر من امه و ابوه لانه يبتدي ينعجب بشخصيتهم وكلامهم و اذا صار هذا الشي يبتدي يصدق و يقتنع بالكلام حتى لو كان غلط . في هذه الحاله يجب تتدخل الوالد ويشوف اول شي ايش اللي يعجب ولده واللي يحبه وينزل لين مستواه يعني اذا كان يحب السيارات يبتدي الوالد يكلم ولده عن مواقف مرت عليه في السياره وعن بطولاته حتى لو كانت بسيطه الوالد يكبرها له ويبين انه كانت له اهميه كبيره . حتى لو انه في يوم طلعت البر او البحر يتعمد الوالد انه يغرس بالسياره في رمله بسيطه ويعلم اعياله شلون يطلع السياره من الرمل ويخلي اعياله يساعدونه في الحفار او التنسيم من باب المشاركه . مثل هذي المواقف تخلي الولد ينعجب بالأب اكثر واذا صار هذا الاعجاب يسهل بعد ذلك الاقتناع بالكلام

- و السموحه على الأطاله بس انا حسيت ان الموضوع اكبر من شنطه وكبك

[شاهيناز]

الله يخلي لك ولدك

كل هذا راجع لمفهوم الرجوله عندنا المرتبط بالشكل واللاسف تم يتوارث جيل بعد جيل
الشنطه لاعلاقه لها بالمرجله لكن الاطفال اصبح لهم قانون الكبار ويقيمون اقرانهم به

يجب يكون هناك توعيه في تغير مفهوم الاطفال عن المرجله لان بعض المفاهيم اضرت بهم
اصبح بعض الاطفال يربطون التدخين واخذ لسويكه بالمرجله
والبعض يربط السرعه والاستعراض بالسياره بالمرجله
حتى وصل بهم الامر ان الاستماع لكلام الوالدين يقلل من المرجله

ننتظر نشوف جيل لهم عقليه اكبر من جذيه
لكن مابنشوفهم الا اذا تغير تربيه الاهل لابنائهم
والله يبارك لك في عيالك يارب اختي ضوى

[ضوى]

:nice:

بصراحة أعجبني الرد

ههههههههههههههه

الله يصلح الذرية وتسلمين أختنا على الطرح الجميل

اللهم امييييييييييييييين اخوي الكريم ، جزاك الله خير


لابد من إدراك أن معاملة الطفل العنيد ليست بالأمر السهل، فهي تتطلب الحكمة و الصبر، وعدم اليأس أو الإستسلام للأمر الواقع.

عدم وصفه بالعناد على مسمع منه، أو مقارنته بأطفال آخرين بقولنا "ترا ولد فلان مهب عنيد مثلك".

البعد عن إرغام الطفل على الطاعة، واللجوء إلى دفء المعاملة اللينه والمرونه في الموقف، فالعناد اليسير يمكن أن نغض الطرف عنه، ونستجيب لما يريد هذا الطفل، ما دام تحقيق رغبته لن يأتي بضرر، وما دامت هذه الرغبة في حدود المقبول.

معرفة من هم زملائه بالمدرسه شيء ضروري و مدى تأثيرهم على ابنك .. غالباً حب التقليد هو ما اتى بهذه النتيجه .

الله يخلي لك ابنك و يتربى بعزك ان شاء الله

اللهم اميييييييييييييييين ، اخوي الكريم ، نقاطك المذكورة جدا مهمة وتعيين في التعامل مع هذه المرحلة السنية المقصودة ، العناد صفة سيئة قد تؤدي لنتائج سلبية واحيانا تؤدي لنتائج ايجابية عنيد وقائد ، او عنيد سلبي ، المشكلة في ولدي انه شايف نفسه بسن ماهي بسنه ، يبي يعيش دور مب دوره وتو الناس عليه ، مشكلته يبي يكون بكير على حساب اشياء كثيرة اهمها صحته وتأثير الشنطة الثقيلة على ظهره .
عموما اخوي كلامك جدا جميل ومفيد جزاك الله خير


قوه ضوى 000اولا قواج الله والله يخلي لج اعيالج000:)

بالنسبه للشنطه: مادري احسه كبير على الشنطه الترولي واذا اهو قادر يشل الكتب كامله واتكون مرتبه خليه لاتقصبينه ترى كل مرحله ولها فنتك على قولتهم 00بس اهم شي الكتب اتكون مرتبه ونظيفه 00يعني جربيه اذا اهمل في تنظيمهم ردي الترولي اههه


بالنسبه للكبك 00هذا قانون المدرسه ولازم يتبع القوانين ان مايلبس ثوب بوكبك لان لمصلحه الطالب ولكن خارج المدرسه خليه يلبسهم على راحته 000الحين اهم بهذا السن خالف تعرف يعني الي يخالف هاي الزعيم من بينهم حركاتهم هالطلاب000
عيل انا ولد اخوي بمدرسه ثانويه وشارط عليهم المدير محد يلبس غتره حمره اهههه وبالعكس احس الغتره البيضه اطلع الشخص انظف وارتب 000

عموما الله يخليه لج واهم شي يقتنع ولدج ولا تدرين خليه يخالف عشان يخاذ لشطه عدله من المدير او لفت نظر اهنيه بحرم يخالف 0:nice:00


اختي الكريمة

شاكرة لج مداخلتج بس تقولين هو كبري عالشنطة الترولي طيب والشنطة العلاق تقوس ظهره وتخلع كتفه ، كتبهم مب سهلة والله ثقيلة يوم انا اشيلها احس بكتفي يعورني اشلون هو ؟؟ مب مسألة ترتيب الكتب هو مرتب المسالة انه الكتب كثيرة وكبيرة بنفس الوقت يعني حرام ولد بسنه تكون الشنط بهالشكل ، يعني اختي بنت النوخذه بالمنطق ليش طلعت الشنط التروللي ؟؟ مب يوم صارت مشاكل في ظهور الطلاب من كثر حمل الكتب ؟؟

بالنسبة للثوب بو زرار لاني ماعرف سالفة الكبك الا منكم يلبس دايما في الاوقات العادية ماصر عليه الا في ايام المدرسة يلبس هدد بس هو يبي يكشخ بكل الاوقات الله يهديه ، وبالنسبة للشطة المدير هي مديرة مش مدير :(

تحياتي اختي وشاكرة مداخلتج الجميلة

[ضوى]

أنا راح عن بالي موضوع قوانين المدرسه "على ايامنا كنا احنا مستحدثين القوانين لكن الوضع مختلف الآن"

ممكن تستغلين هالنقطه اذا فعلاً المدرسه ملتزمه بالقوانين و ممنوعه الأزرّه .. و بنفس الوقت ماتخلونها في خاطره و يلبسهم لما ابوه ياخذه للمجالس . و له من عندي طقم ازرار هديه اذا سمع الكلام :)

تحياتي

اخوي الكريم

بالنسبة للطقم شكرا لك ماتقصر

هذا هو يكشخ دايما بالزرار بس مشكلته يبي يرز روحه جدام ربعه فشخرة يعني



الله يخليهم لج ياضوى

العناده صفه في اغلب الى بعمر ولدج

اختي نفس الشي ولدها بثاني اعدادي الى براسه غصب بيسويه السبب تقليد للي بعمرهم او انه سمع ان شنطه بترولي حق اليهال فحطها في باله

وبخصوص الزرار يختي خليهم يتمتعون بحياتهم:)

الله يهديهم

امييين يارب ، والله ياغزلان هذا هو مكشخ روحه من قلب بس يبي في كل وقت لو يخالف قوانين المدرسة ماعنده مشكلة :(


أختي ضوى الله يحفظة لج يا رب وينجحه ي حياته العلمية

أختي خليه على راحته نصيحه ... الصراحه أنا أشوف انه على حق الصراحه

قبل أحنا في الإبتدائية كنا نودي كتبنا وحزام نربط فيه الكتب ولا كانو المدرسين فرحانين على الحزام لأنه كانو يضربونه فلقه فيها هههههههههههه

هلا اخوي الكريم

سوق واقف تعتقد كتبنا اول نفس الحين ؟؟ لا والله كتبه كثيرة ودفاتره اكثر ودسمة حجما وكما وهو يكسر خاطري لانه كم مرة يشتكي من كتفه الكورس اللي طاف وتعمدت اخذ له هالشنطة خلال سفرتي وشافها وعجبته مدري شلي تغير اتوقع تتطنزوا عليه في المدرسة ، انا ابي اعلمه شئ واحد انه مايهتم بكلام غير ويثق باللي هو يسويه حتى لو ماعجب غيره


الصراحه ردهـ اكبر منه ماشااء الله عليه

عسا الله يصلحه ويباركـ فيه ويجعله بار بوالديه

اختي ضوى فيه برنامج على اذاعة القرأن الكريم عن تربية الابناء ومشاكلهم

يقدمه الاخ عبدالرحمن الحرمي عسا الله يكتب اجرهـ

ياليت تطرحين مشكلتج عليه وان شاء الله يفيدج

وقته بعد صلاة المغرب بس في اي يوم والله ناسي

بس اتوقع الاحد >> يوم واحد في الاسبوع

وان شاء الله تكون شقاوة اطفال وتعدي وعسا الله يهديه إلى طرق الخير والصلاح

تقبلي مروري

هلا اخوي العمدة وشاكرة لك مداخلتك المفيدة

الحرمي كلمه ابوه وماشاء الله عليه عطانا نصايح وقعد معاه ولكن تم فترة وبعدها رجع ، وبرنامج الحرمي رائع وكذا مرة اتصلت عليه لمواقف لعيالي :)

[ضوى]

صح احسه كبير على الشنطة التورلي..
والله يعينج على تربيته انشالله ويحفظلج عيالج

اللهم اميييييييييييييييييين ، الترولي عشان احافظ على عموده الفقري وباحاول اشغل له فيلم عن هالاشياء حتى يغرف اني ادور مصلحته وان شاء الله بيرد لعقله ، شاكرة لج اختي هند


من واقع تجربة و من خلال قراءاتي لكتب التربية اللي فهالسن يحب تعاملونه كانه ريال
قوليله الاتي :

انت ريال وكبرت وشوف اللي فيه مصلحتك اذا تشوف ان افضل لصحتك ومصلحتك تشيل الشنطه فهاي راجع لك

انت دور مصلحتك وماعليك من حد ...(شو فو يمكن حد معلق على شنطتة بو تواير)

وخلوه لا تعصبونه على الشنطة

اما الثوب لا زم يحترم قوانين المدرسة

وواعدوه اذا هو مادب وشاطر في المدرسة برحلة او هدية

عجبني كلامك وهدؤك اخوي الكريم ، والنقاط اللي قلتها صحيح بسيطة بس مفيدة واعجبتني واحس انها راح تجيب نتيجة معاه

شاكرة لك اخي الفاضل


حاليا محتاج تدخل الاب اكثر من الام
لانه اغلب المشاكل الى اشوفها في مدارس هالايام
كانت موجودة على ايامنا مع الاختلافات طبعا بتطور الحياة
يعني الاب يكون معاشر وعارف البلاوي الى بتقابل ولده في المدرسة
وعارف الطريقة المثلي واشلون قدر يتخلص منها:telephone:

المدرسة عبارة عن غابة بالنسبة للطالب
فعلشان يقدر يعيش فيها لازم ينحاز للسمك الكبير :secret:
حتى لو كان مش مقتنع من داخله بتصرفاتهم
بس على الاقل ينحاز لهم بالشكل الخارجي
هذا الشيء الى يمنحه الامان والاستقرار

بس عموما من الى اشوفه
الترولي ماله لزوم :secret:
اما الزرار
يستاهل العقاب لانه قاعد يخالف قانون المدرسة:anger1:

والله ياخوي الكريم ابوه معاه ومب مقصر ، يمكن قبل ماخذه الشغل بس الحمد لله ارتحنا من هالسالفة وصار متفرغ لنا تماما
الترولي له لزوم لانه يحميه ويحمي ظهره من التقوس واالانحناء :)
الزرار رزة وكشخة :) وبيخليه يصير ريال:)

شاكرة لك مداخلتك

[ضوى]

.. أسجل حضوري هنا ..
ومتابعه لتجاربكم أيها الأباء والأمهات
من أجل إكتساب الكثير من مهارات الحوار مع الأبناء

.
.
غاليتي ضوى


لا تشددي كثيرا أرجوكي
ودعي الأمور أبسط من كذا
.. عسكريه أنتي من الطراز الأول .. :)


الله يحفظهم يارب .. ويطرح فيهم البركه ..
ويجملهم واياكي لرضى الرحمن


لاتعليق يليق عندما تكتب غاليتي تحداني :) لنا لقاء عبر الاثير ومناقشة طويلة بهذا الشأن لدي الكثير بس لما اشوفك وانا احكي لك على اللي جرى :)





مهما حاولتي في تثبيت أمر مخالف ( للرجولة المبكرة )
فسوف يُضرب به عرض الحائط ..

فالمكر والمقالب لا تنتهي بهذا السن ، وخصوصا من ينتمي
الى (البيئات الطلابية) ..

:p



الله يبشرك بالخير ماقصرت جزاك الله خير :(


هذه مرحلة سن المراهقة ولابد من الأخوة مع الولد ، وأحساسه بالرجولة في هذه السن فيريد أن يُعامل وكأنه رجل والوضع كذلك للبنات أيضاً

كلام سليم جدا ، شاكرة لك اخي الفاضل


الله يرحمنه برحمته حتى فالعيد البس هدد هه ..

الله يهدي ولدج ويصلحه ان شاء الله ويكون من الذريه الصالحه ..

اللهم امييييييييييييييييييييييييييين ، شاكرة لك مشاركتك الكريمة في الموضوع

[ضوى]

،،

نقاط رائعة بالفعل ولا تتخيلي الاستفادة التي حصلت عليها مما طرحتي ومما طرحه الاخوان بالفعل ارائكم سديدة وتنفع

تحياتي اختي الغالية وجزاك الله خير

[ضوى]

والله اختي من وحي التجربة << حلوة هذي
انصحج نصيحة مجرب أهم شي النقاش المنطقي والهادئ ولا تفرضين عليه اي قرار غير مقنع لان هالشي بيأثر على شخصيته بشكل سلبي .

كلام سليم العناد مايجيب الا الدمار

شكرا لك



في هذا السن يتأثر المراهق بأقرانه المراهقين وعاده ما يكون ديدنه التقليد من أجل التقليد وإثبات النفس، ولا أجد فيما يقوم به إبنك (حفظه الله) ما يدعو للقلق فلكل مرحلة سنية عالمها الخاص من التفكير والممارسات التي قد نوافقها او نعترض عليها.

شخصياً لا أحبذ سياسه الضرب والامر وفرض الرأي خصوصاً مع الاولاد، ولكي ان تناقشيه بهدوء لمعرفة أسبابه الخاصة والتي قد تكون تافه من وجهه نظرك ولكنها تعاني الكثير بالنسبة له.

دعيه يتحمل نتاج قراراته فلا أجد حرجاً فيما يفعل.

موفقه خير أختي ضوي.


شكرا لك اخي الكريم ، ولكن كيف لاترى اي حرج فيما يفعل ؟؟ مخالفة القوانين اليست حرجا ؟؟

الضرب يفيد احيانا ويضر اكثر في احيان اكثر

تحياتي لك اخي الفاضل

[حليتان*]

تبين الصج هو كبر على الشنطه السحاب
انا في الصف السادس كنت اودي الكتب بالحزام
ومحد يجي بشناط سحابي(ترولي) وشنطة ظهر غير المصاروه وبوفلص

وانتي اذا خايفه عليه رتبي كتبه على حسب جدول الحصص وان شاء الله ما يكونون الكتب وايد
انا حاليا في الثانوية واودي كتبي على حسب الجدول :)




وعن الزرار ..
تصدقين لو قلت لج ولد رظيعتي في الروضه وكل يوم ماخذ زرار وساعة وقلم ويصيح الا يلبسهم
وخرب لي اكثر من ساعة وزرار :(

وانا لما كنت في سنه تقريبا من 4 سنين كنت احب الكشخه وحتى دبله لبست :)

واذا عن الاشياء هذي ممكن ان الصبيان يعيبون عليه او شي ..

ترى باجر بيجيج بيقولج ابي ثوب خصوصي <<<تفصيله جديده

وتحملي به وخاصة في صف سادس .. انا مريت في سنه من قريب وسويت العجب :(


بس الحمدلله

والله يخليه لج

[كروشيه]

اختي ضوى انا اشوف اذا الولد مواظب على دروسه ويسمع لج في امور ثانيه مثل الصلاه واحترام الكبير وغيرها من الاخلاقيات اللي لازم الشخص يتحلى بها ، مسألة الشنطه شغله بسيطه عطيه مساحه انه يعبر عن رايه واسمعي له وتناقشي معاه لانه اكيد الاولاد في المدرسه يعايرونه بهذا الشئ خليه على راحته لانه الموضوع ما فيها مشاكل اخلاقيه مجرد اختيار وهو في سن يجب ان يعطى مساحه يختار فيها بشكل ما يأثر على اخلاقه وتربيته ، عيل لو تشوفين ولدي في الصف الثالث ومعاناتي اليوميه معاه في الدراسه عشر دقائق على بعضها بالغصب ادرسه ومب بالساهل يسمع الكلام يستهلك الكثير من جهدي ووقتي ، وماسكه نفسي ما امد ايدي عليه الا نادرا وبشكل خفيف عشان ما اكسر شخصيته يمكن انا غلط ويمكن صح ، بس جيل هالوقت جدددددددددددددا صعب تربيته الله يعين الجميع

[قناص الخليج]

الله يحفظه ويطرح فيهم البركه

ما شاء الله عليه تعجبني هل النوعيه احس فيهم رجوله وهم صغار

لا تحاتين كنت اعند منه مستحيل اخذ شنطه معاي ومستحيل اقط الغتره وعنيد و لما كبرنا تغيرنا

[ضوى]

اولا : اشكرك اخت ضوى على الموضوع المميز

ثانيا : يا ليت السالفه جات على شنطه وكبك .الولد حاليا يمر برحله بعد الطفوله وقبل المراهقه الحقيقيه .يعني هذي المرحله تكون بدايات المراهقه

- واضح ان الولد قاعد يسمع من ربعه بان الرجوله كشخة الثوب و الكبك و ان الواحد ما يكون كبير وهو يروح المدرسه بشنطه ترولي .
- ترى الولد كبر على شنطه ترولي .
- ليش ما تجلسين معاه جلست تفاهم وتقولين له خلاص ايش رايك اروح معاك محل الشنط و تشتري انت الشنطه الي تعجبك وعلى ذوقك انت على شرط انك تلبس ثوب هدد في المدرسه . على انك اذا حسيت ان الشنطه متعبتك ترجع للقديمه ويكون هذا اتفاق بينك و بينه. اتوقع هنيه انك حسستيه باهميته وانه اصبح له حريت الاختيار و في المقابل حليتي مسألت الثوب معاه
- ترى الضرب و الصراخ ما يجيبون فايده "العناد يولد العناد " حاولي تتفاهمين معاه وتقولين له ترى فيه ناس كثيره في البلد ثيابهم هدد لا وكباريه و مسؤلين


نصيحه عامه : الولد من هذا السن و طالع يبتدي يتأثر باصدقائه ويسمع كلامهم يمكن اكثر من امه و ابوه لانه يبتدي ينعجب بشخصيتهم وكلامهم و اذا صار هذا الشي يبتدي يصدق و يقتنع بالكلام حتى لو كان غلط . في هذه الحاله يجب تتدخل الوالد ويشوف اول شي ايش اللي يعجب ولده واللي يحبه وينزل لين مستواه يعني اذا كان يحب السيارات يبتدي الوالد يكلم ولده عن مواقف مرت عليه في السياره وعن بطولاته حتى لو كانت بسيطه الوالد يكبرها له ويبين انه كانت له اهميه كبيره . حتى لو انه في يوم طلعت البر او البحر يتعمد الوالد انه يغرس بالسياره في رمله بسيطه ويعلم اعياله شلون يطلع السياره من الرمل ويخلي اعياله يساعدونه في الحفار او التنسيم من باب المشاركه . مثل هذي المواقف تخلي الولد ينعجب بالأب اكثر واذا صار هذا الاعجاب يسهل بعد ذلك الاقتناع بالكلام

- و السموحه على الأطاله بس انا حسيت ان الموضوع اكبر من شنطه وكبك


مرحبا اخوي انسان وماشاء الله اطالتك للتعليق مميزة ومفيدة ونقاطها جدا ممتازة
بالفعل اخوي انسان السالفة مهي سالفة زرار وشنطة تروللي ، الولد يشوف اخوه الكبير مستقل بذاته ويبي يعيش الدور مستعجل مايدري انه راح يكون تحت العين بشكل أكبر ، بدايات المراهقة صعبة بتكون لهذا الولد لانه متشبع بأفكار الله العالم من وين جايبها ، الصحبة ماشاء الله عليها ممتازة ومالهم الا بالكورة والمباريات والراحة هالشئ مهون علي باقي الامور اللي يتمرد فيها

الثوب الهدد يلبس اذا كانت ثيابه ام ازرار بالغسيل يلبس يعني مو دايما يخالف بس الفعل نفسه بحد ذاته مب حلو ، المخالفة لانظمة وقوانين المدرسة تعني انه متمرد ومب عاجبه القانون وهنا يجب انه ياخذ على راسه هذا قانون ولازم يلتزم فيه

الشنطة التروللي اللي الكل يقول كبر عليها ،والله الكورس اللي طاف يوميا يشتكي من كتفه وانا اشوف شنطته يكسر خاطري والله انا اتعب من شيلها ، وهو بنفسه قال خلاص ابي شنطة تروللي ومن هنا مالقيت له النوع اللي يبيه اللي بدون صور وتبين كوالتي ومالت كبار في السن شوي ، وحصلت المطلوب في ماليزيا واخذتها على طول وهو معاي بس الظاهر عايروه اليهال :) وقالوا له يالياهل :) ، مشكلة مدرستهم مب صف واحد وبيحط الشنطة وبيطلع الكتب لكل حصة ، لا نظام قاعات قاعة الرياضة قاعة الانجليزي قاعة العربي قاعة الرياضيات ... الخ وفي كل مرة يشيل الشنطة من قاعة لقاعة وهذا يشكل ارهاق عليه ولا هو يقدر يحط شنطته اي مكان ويطلع لانه القاعات مشغولة على طول وممنوع يحط كتبه ويطلع لو باقول بيخفف عنه ، بنتي شنطتها علاق وبعد كتبها كثيييييييرة ودسمة كما ونوعا ، ولكن الحلو ان عندها خزانة تحط فيها الشنطة وتطلع كتب الحصة اللي عندها في كل مرة يعني ماتضطر تلف المدرسة بالشنطة

اتمنى اني قدرت اوضح وجهة نظري ، وعلى العموم انا ناوية يوم السبت اوديه المكتبه ويشتري شنطة واعمل مثل ما قال احد الاخوان اعقد معاه اتفاق :)

واذا عالاعجاب بابوه فهو مش مقصر عنده ابوه مافي مثله ويفاخر به في كل مكان :)

شاكرة لك اخوي انسان نقاط مهمة ومفيدة بارك الله فيك

[ضوى]

الله يخلي لك ولدك

كل هذا راجع لمفهوم الرجوله عندنا المرتبط بالشكل واللاسف تم يتوارث جيل بعد جيل
الشنطه لاعلاقه لها بالمرجله لكن الاطفال اصبح لهم قانون الكبار ويقيمون اقرانهم به

يجب يكون هناك توعيه في تغير مفهوم الاطفال عن المرجله لان بعض المفاهيم اضرت بهم
اصبح بعض الاطفال يربطون التدخين واخذ لسويكه بالمرجله
والبعض يربط السرعه والاستعراض بالسياره بالمرجله
حتى وصل بهم الامر ان الاستماع لكلام الوالدين يقلل من المرجله

ننتظر نشوف جيل لهم عقليه اكبر من جذيه
لكن مابنشوفهم الا اذا تغير تربيه الاهل لابنائهم
والله يبارك لك في عيالك يارب اختي ضوى


اصبتي ياشاهي بالفعل مفهوم الرجولة لدى هؤلاء الصغار مركز على اللبس والكشخة والوجاهة الاجتماعية في كثير من الاحيان انا فلان ولد فلان يقولي جذي :( معذبتين هالسالفة
ان شاء الله بيكون الجيل الجاي احسن منهم بإذن الله ربما ننتظر جيل تحرير القدس ممن يفهمون الرجولة على حقيقتها وانها ليست ثوب بوز زرار وشنطة علاق او سير كتب :)

شاكرة لج دعوتج الطيبة اختي الغالية

[ضوى]

تبين الصج هو كبر على الشنطه السحاب
انا في الصف السادس كنت اودي الكتب بالحزام
ومحد يجي بشناط سحابي(ترولي) وشنطة ظهر غير المصاروه وبوفلص

وانتي اذا خايفه عليه رتبي كتبه على حسب جدول الحصص وان شاء الله ما يكونون الكتب وايد
انا حاليا في الثانوية واودي كتبي على حسب الجدول :)

وعن الزرار ..
تصدقين لو قلت لج ولد رظيعتي في الروضه وكل يوم ماخذ زرار وساعة وقلم ويصيح الا يلبسهم
وخرب لي اكثر من ساعة وزرار :(

وانا لما كنت في سنه تقريبا من 4 سنين كنت احب الكشخه وحتى دبله لبست :)

واذا عن الاشياء هذي ممكن ان الصبيان يعيبون عليه او شي ..

ترى باجر بيجيج بيقولج ابي ثوب خصوصي <<<تفصيله جديده

وتحملي به وخاصة في صف سادس .. انا مريت في سنه من قريب وسويت العجب :(


بس الحمدلله

والله يخليه لج

وشهد شاهد من اهلها :)

المشكلة اني معاه احط الجدول حتى اقتنع انه كل هالكتب مطلوبة والصراحة كلها مطلوبة اللي حتى قواعد اللغة الانجليزية لها كتاب ودفتر خاص بها يعني مادة الانجليزي بس اربع قطع والعربي ثلاث قطع والرياضيات 2 والعلوم 3 طيب هذي مواد يومية يعني شئ مجهد ومتعب التروللي مايكون لها لازم ؟؟

[ضوى]

اختي ضوى انا اشوف اذا الولد مواظب على دروسه ويسمع لج في امور ثانيه مثل الصلاه واحترام الكبير وغيرها من الاخلاقيات اللي لازم الشخص يتحلى بها ، مسألة الشنطه شغله بسيطه عطيه مساحه انه يعبر عن رايه واسمعي له وتناقشي معاه لانه اكيد الاولاد في المدرسه يعايرونه بهذا الشئ خليه على راحته لانه الموضوع ما فيها مشاكل اخلاقيه مجرد اختيار وهو في سن يجب ان يعطى مساحه يختار فيها بشكل ما يأثر على اخلاقه وتربيته ، عيل لو تشوفين ولدي في الصف الثالث ومعاناتي اليوميه معاه في الدراسه عشر دقائق على بعضها بالغصب ادرسه ومب بالساهل يسمع الكلام يستهلك الكثير من جهدي ووقتي ، وماسكه نفسي ما امد ايدي عليه الا نادرا وبشكل خفيف عشان ما اكسر شخصيته يمكن انا غلط ويمكن صح ، بس جيل هالوقت جدددددددددددددا صعب تربيته الله يعين الجميع

بيني وبينج جيل هالوقت عبقري كون كل شئ متوفر لهم كل شئ ممكن يساعدهم على الابتكار والتفكير والاستنباط وكل شئ ممكن نتخيله بس هم مايبون يشغلون هالكور اللي براسهم .

والله ياكروشيه انه هالولد 30 ثانية عالكرسي مايقعد يقول خلصت والشمكلة يعتمد على ذاكرته ومغتر فيها وصايبه غرور لانه يجيب فوق 90 وهو مايدرس عيل لو يدرس وش يجيب ، غريبة هالجيل مايبي يتعب حتى في الدراسة والتحصيل العلمي ، صرت ماعور راسي معاه وايد وانصحج ماتغلطني غلطتي خليه يدرس بروحه وحاسبيه على النتايج وساعتها عاقبيه بحرمانه من اي شئ يحبه ، هذا اللي اتبعه معاه مايهمني تدرس والا لا تهمني النتيجة اخر السنة اقل من التسعين ماسمح لك ، لكن وين 90 عندهم انجاز مابعده انجاز بدون دراسة والاعتماد عالذاكرة ، الله يهديهم ويصلحهم ويبلغج ويبلغني في عيالنا اللهم امييييييييييييييييييييييين

[The Master]

لنا عوده...في نقاط ودي اتكلم عنها..لكني في الكلاس الحين...
فا لرجعت باعقب...
فا احط مذكره هنا عشان اتذكر وارجع...احم

بخصوص الكبك؟؟؟ كلمه غريبه بالنسبه لي؟؟؟
اسمه ازرار...احم

[ضوى]

الله يحفظه ويطرح فيهم البركه

ما شاء الله عليه تعجبني هل النوعيه احس فيهم رجوله وهم صغار

لا تحاتين كنت اعند منه مستحيل اخذ شنطه معاي ومستحيل اقط الغتره وعنيد و لما كبرنا تغيرنا

اللهم اميييييييييييييييييييييييييين ، جزاك الله خير

مشكلة اذا الرجولة تظهر عليهم بشنطة علاق وثوب زرار :)

ادري اذا كبر بيتغير ، بس اشلون بيتغير اذا اللي حواليه يعايرونه بالثوب الهدد وانك تخاف من المديرة عشان جذي ماتخالف :rolleyes2:

الله يهيدهم ويصلحهم ويبلغنا فيهم اميييييييييييييييييييييين ونشوفهم رجال قول وفعل يارب

[£عبدالعزيز£]

اختي عادي كل اليهال جي

انتي الله يهداج مكبرة الموضوع

حتى الاجيال اللي قبل نفس الشي .. حتى انا لما كنت في صف سادس

او قبل حتى .. كنت البس ثوب بو زرار

اما بخصوص الشنطة .. شنو يعني ترولي ؟

اول مرة اسمع هالكلمة بصراحة

واسمحيلي على المداخلة

[الجزوع]

الله يعنيك، ويخلي لك عيالك ويهديهم ويحفظهم من عيال وبنات الحرآآآآآم ويستر على عيال المسلمين كلهم يارب ..

[قطرية عسل]

بيني وبينج جيل هالوقت عبقري كون كل شئ متوفر لهم كل شئ ممكن يساعدهم على الابتكار والتفكير والاستنباط وكل شئ ممكن نتخيله بس هم مايبون يشغلون هالكور اللي براسهم .

والله ياكروشيه انه هالولد 30 ثانية عالكرسي مايقعد يقول خلصت والشمكلة يعتمد على ذاكرته ومغتر فيها وصايبه غرور لانه يجيب فوق 90 وهو مايدرس عيل لو يدرس وش يجيب ، غريبة هالجيل مايبي يتعب حتى في الدراسة والتحصيل العلمي ، صرت ماعور راسي معاه وايد وانصحج ماتغلطني غلطتي خليه يدرس بروحه وحاسبيه على النتايج وساعتها عاقبيه بحرمانه من اي شئ يحبه ، هذا اللي اتبعه معاه مايهمني تدرس والا لا تهمني النتيجة اخر السنة اقل من التسعين ماسمح لك ، لكن وين 90 عندهم انجاز مابعده انجاز بدون دراسة والاعتماد عالذاكرة ، الله يهديهم ويصلحهم ويبلغج ويبلغني في عيالنا اللهم امييييييييييييييييييييييين



مساج الله بالخير حبيبتي
طريقتج مع عيالج نفس طريقتي مع عيالي بالضبط :victory:
بنتي كبر ولدج في سادس خذت لها ترولي تمت زعلانة فترة وتروح المدرسة بها وهي
متفشلة عاد انها كبيرة على الترولي ههههههههههه خذت لها شنطة تميت كم يوم وعقب
تعبت من كتفها الكتب والدفاتر مثل ما قلتي كثيرة وردت على الترولي :victory:

[ام السعف]

اما بخصوص الشنطة .. شنو يعني ترولي ؟

اول مرة اسمع هالكلمة بصراحة

واسمحيلي على المداخلة

بعد إذن صاحبة الموضوع
الشنطة ام تواير و اللي لها قاعدة اتشل الشنطة ،،

[£عبدالعزيز£]

بعد إذن صاحبة الموضوع
الشنطة ام تواير و اللي لها قاعدة اتشل الشنطة ،،

اهااا

اوكي وين المشكلة اختي في انه ما يبي يودي الشنطة ام تواير ؟

ما اعتقد انها مشكلة كبيرة

واسمحيلي على المداخلة مرة ثانية

وتسلمين اختي ام السعف على التوضيح

[المضعد]

الله يخليه لج ويخليج له
بس انا مع ولدج مش معاج
خليه يستانس بين ربعه
يمكن يقولون له شي يضايقه وهو يعرف كيف يتصرف
تراه هو كبير بعقله لا تهاوشينه
انا مارضى على لعيال ينقال لهم شي
الله يجمعكم على خير
ترى مافيه الا العافيه
لا تحاتين ولا تخافين
اختج ام ناصر

[ضوى]

لنا عوده...في نقاط ودي اتكلم عنها..لكني في الكلاس الحين...
فا لرجعت باعقب...
فا احط مذكره هنا عشان اتذكر وارجع...احم

بخصوص الكبك؟؟؟ كلمه غريبه بالنسبه لي؟؟؟
اسمه ازرار...احم



:):):)

انتظر عودتك اخي الكريم

[The Master]

:):):)

انتظر عودتك اخي الكريم

احم...ها قعد عدنا...

ماشاء الله تبارك الله...يعجبني الولد اللي له السان...في الحق...مب يتأتأ لي اذا حد كلمه...
بس ماشاء الله عليه...شنب...واحييه على ذلك...اكيد رياني؟؟؟...احم

نرجع بالنسبه للحالات بشكل عام...
من وجهة نظري...يمكن غيري طرحها او ذكرها...لكن شوفي اللي تشوفينه مناسب وطبقيه..."ان اقتنعتي"...

انتوا يا الامهات...وبعض الاباء...
لمتى تعاملون اعيالكم انهم بزران؟؟...ترا الحين الصف الثالث وتحس انه رجال...فما بالك في السادس...
ترا ايامكم افرقت عن ايامنا...وايامنا افرقت عن ايامهم...وايامهم بتفرق عن ايام اللي قدامهم...
انتوا مشكلتكم يا الوالدين"خاصه النسوان"...على بالكم الولد هو نفسه لما كان في الروضه...
تعاملونهم نفس المعامله...
نصيحه...
في هالجيل حاليا...مافي شي يمشي معاهم الا بالاقتناع...لحد يقول والله بزر...اقول لكم...مافي شي الحين يمشي بالقوه...لان القوه بتولد فيه العناد...والتمرد...وبيفرط من يدكم...

دائما خلكم منفتحين...وافهمين تفكيرهم...وايش الاشيا اللي تستهويهم...وتعجبهم...ومنها تعرفون شخصيتهم...

مثلا لولدك بو ترولي...يعني انتي واسمحي لي اقولها لك اختي ضوى...ماتوفقتي في اختيار ترولي...
الولد الحين شوي شوي يتطور...عقليا...ونضوج...يعني عامليه كنه رجال...
اخبر على ايامنا نشيل اشناط...لين الصف الرابع...وعقبها يا سير ولا ما يمشي...لان الواحد يحس ب انه كبر لما يغير من شي يسويه...وشي يقوده انه رجال...
نفس الحال الازرار...
مب شرط اي شي يسويه البزر يعني شاف حد...احيانا كذا هو عقليته..."اختي الولد كشييييييخ...الله يعينه من البنات...احم"

وعندج خيارات كثيره...عشان تلهينه عن اشيا مامنها فايده...

مثلا تشوفين لج اشيا هو احتمال تجذبه...مب اشيا تجذبك انتي...لان يفرق في "السن...احم"...
فا مثلا حاولي تثقفينه...تنمين مواهبه...تشاركينه في هواياته...لان لحد الحين يبقى يبغي يبرز...فا شوفي اشيا فيها منافسه...عشان يكون من الناس اللي تجتهد...

احس اني عفست الافكار نوعا ما...شاسوي جا وقت النوم...والواحد كان عنده امتحان وينود...احم...

فا اتمنى اوصلت وجهة نظري"نوعا ما"...

قصه عالسريع...احم

من 7 سنين...لما كان عمري 20 سنه...العصر...وكانت الوالده رافعه لي الغدى...فا قلت لهم يحطون الغدى...لما حطوه...كان عيش ولحم...فا انا جزء من اللحم ماحب اكله...فا كنت اعتب على الوالده ليه رفعتوا لي هالقطعه...ليه ماخليتوا ذيك القطعه...
فا فاجأني رد الوالده لما قالت لي..."والله كبرت يا علوي"...احم
قلت ليه يعني؟؟...قالت لي كنت اشوفك ياهل...وارفع لك اي شي...وتاكله...

فا هذا مثال بسيط...مع ان شوفي عمري 20 سنه...ولحد يومك هذا الوالده تعاملني بزر...سو كذا...لاتسوي كذا...شنسوي...حلوة اللبن...مانردها بشي...

والله يخلي لك عيالك...ويكونون ذخر لكم...وعسى ربي يجعلهم من البارين بكم...يارب...

واهم شي قولي لولدك...عليان يقول لك...خلك دوم شنب...ولا تخليه يرقل..."هو بيفهمها شفره بين الشنبات...احم"

[الجني]

الفاضلة ضوى,

بدايةً هذه معركة , و لن تكسبي المعركة بل اذا كسبتيها ستخسرين الولد.

واضح ان الولد لديه عقدة "انا رجل" . . . اعطيه اياها\

و يجب ان يشارك والده في هذا الموضوع ايضاً و هو العنصر الرئيس في الموضوع.

من سياق عرضك للمشكله جلستي معه انتِ و والده لتقنعوه !! و هو يعتبر هذه الجلسه انتقاص من رجولته فهو محور الجلسة

المشكلة ليست في التروللي و الأزرة انسيها

اولاً: يجب وضع برنامج "انا رجل" للولد
1. يذهب مع السائق لوحده الى السوق لشراء مشتروات البيت بقائمة مشتروات
2. يذهب مع والده الى البر او البحر او سفر و يعتمد عليه
3. اعطيه فلوس (هو يحدد الميزانية المعقوله) ليشتري لوحده سير للكتب و ازرار جديد
4. حسسيه انك غير راضيه عن تصرفه بطريقه سلبية بدون كلام
5. عامليه على اساس انه رجل يعني بدون "ليش ما كملت اكلك" , "حليت الواجب؟" , "وين رايح؟"
6. امحي بعض الكلمات مؤقتاً "حبيبي" , "فديتك" , الخ
7. لا تعرضي عليه شيء "احط لك غداء؟" , "اسوي لك؟" , "تحب هذا؟" . عاملوه على انه رجل
8. عندما يكون هناك احد يسمع اسأليه عن امور يفتخر هو بها بالرجولة "يوم اطرشك السوبر ماركت تشتري اغراض البيت لقيت بيض سعودي؟"
9. طرشيه يوصل مطاريش للغير نيابة عنك او عن ابوه
ثانياً:
يجب ان يعامله والده بحزم و انتِ كذلك (صعبه على الأم بس لازم الدوس على المشاعر و سيتذكركم بالخير), اذا اوكل له عمل و لم يكمله يجب محاسبته "انت تقول انك رياّل راوني مرايلك" .

قصة صارت معي:
عندما كان عمر ابني حوالي 8 سنوات اعطتني زوجتي قائمة المشتروات و كنت تعبان اذهب للسوبر ماركت فأعطيت الولد ابن ال 8 سنوات القائمة و الفلوس و قلت له روح اشتري اغراض البيت بروحك مع السائق, فدب الخلاف بيني و بين زوجتي انا اقول يروح بروحه و هي تقول ما يروح بروحه و هنا الولد وقف معي لأن الجدال حول مقدرته على التصرف فكأنني اثق به و امه لاتثق به , و تحفّز للذهاب لوحده . و بسم الله ذهب الى كارفور و احتدم الجدال بيني و بين زوجتي و الولد خارج البيت و بينما نحن نتناقش حول القضية و اذا به يتصل بالجوال "يبا مكتوب في الورقه زبيب و هنيه الزبيب لونين اصفر و احمر اي لون اشتري؟" ضحكت و قلت له اسأل امك و عطيتها الهاتف و اول ما كلمها "يمه اشتريت كل الي في الورقه بس باقي الزبيب اي لون اشتري؟" قالت له يشتري زبيب اصفر و من يومها انكسر حاجز الخوف على الولد و من امكانياته و اصبح يستمتع ان يصنع اي شيء من واجبات الكبار.

عندما يحس ان رجل و انكم اعطيتموته الثقة سيقوم بأفعال اخرى من اختراعاته هو الله يستر منها

انا عندي نظريتين في تربية اولادي "اذا ما شغلته بيشغلني" , و "ابكيه و لا ابكي عليه"

الله يحفظ جميع عيالنا و بناتنا

و الله اعلم

[ضوى]

اختي عادي كل اليهال جي

انتي الله يهداج مكبرة الموضوع

حتى الاجيال اللي قبل نفس الشي .. حتى انا لما كنت في صف سادس

او قبل حتى .. كنت البس ثوب بو زرار

اما بخصوص الشنطة .. شنو يعني ترولي ؟

اول مرة اسمع هالكلمة بصراحة

واسمحيلي على المداخلة

هلا اخوي عبدالعزيز :)

اكبر الموضوع لما يتعلق بصحته وعموده الفقري هاي كل القصة :)
تحياتي عالمشاركة


الله يعنيك، ويخلي لك عيالك ويهديهم ويحفظهم من عيال وبنات الحرآآآآآم ويستر على عيال المسلمين كلهم يارب ..


اللهم اميييييييييييييييييييييييين ، دعوة طيبة كريمة من شخص طيب وكريم :) جزاك الله خيرا



مساج الله بالخير حبيبتي
طريقتج مع عيالج نفس طريقتي مع عيالي بالضبط :victory:
بنتي كبر ولدج في سادس خذت لها ترولي تمت زعلانة فترة وتروح المدرسة بها وهي
متفشلة عاد انها كبيرة على الترولي ههههههههههه خذت لها شنطة تميت كم يوم وعقب
تعبت من كتفها الكتب والدفاتر مثل ما قلتي كثيرة وردت على الترولي :victory:

انتي تعجبيني تشبيهيني وايد :) متى الوعد :secret:


الله يخليه لج ويخليج له
بس انا مع ولدج مش معاج
خليه يستانس بين ربعه
يمكن يقولون له شي يضايقه وهو يعرف كيف يتصرف
تراه هو كبير بعقله لا تهاوشينه
انا مارضى على لعيال ينقال لهم شي
الله يجمعكم على خير
ترى مافيه الا العافيه
لا تحاتين ولا تخافين
اختج ام ناصر


شاكرة لك هالمشاركة الطيبة اختي ام ناصر :) الف تحية

[ضوى]

احم...ها قعد عدنا...

ماشاء الله تبارك الله...يعجبني الولد اللي له السان...في الحق...مب يتأتأ لي اذا حد كلمه...
بس ماشاء الله عليه...شنب...واحييه على ذلك...اكيد رياني؟؟؟...احم

نرجع بالنسبه للحالات بشكل عام...
من وجهة نظري...يمكن غيري طرحها او ذكرها...لكن شوفي اللي تشوفينه مناسب وطبقيه..."ان اقتنعتي"...

انتوا يا الامهات...وبعض الاباء...
لمتى تعاملون اعيالكم انهم بزران؟؟...ترا الحين الصف الثالث وتحس انه رجال...فما بالك في السادس...
ترا ايامكم افرقت عن ايامنا...وايامنا افرقت عن ايامهم...وايامهم بتفرق عن ايام اللي قدامهم...
انتوا مشكلتكم يا الوالدين"خاصه النسوان"...على بالكم الولد هو نفسه لما كان في الروضه...
تعاملونهم نفس المعامله...
نصيحه...
في هالجيل حاليا...مافي شي يمشي معاهم الا بالاقتناع...لحد يقول والله بزر...اقول لكم...مافي شي الحين يمشي بالقوه...لان القوه بتولد فيه العناد...والتمرد...وبيفرط من يدكم...

دائما خلكم منفتحين...وافهمين تفكيرهم...وايش الاشيا اللي تستهويهم...وتعجبهم...ومنها تعرفون شخصيتهم...

مثلا لولدك بو ترولي...يعني انتي واسمحي لي اقولها لك اختي ضوى...ماتوفقتي في اختيار ترولي...
الولد الحين شوي شوي يتطور...عقليا...ونضوج...يعني عامليه كنه رجال...
اخبر على ايامنا نشيل اشناط...لين الصف الرابع...وعقبها يا سير ولا ما يمشي...لان الواحد يحس ب انه كبر لما يغير من شي يسويه...وشي يقوده انه رجال...
نفس الحال الازرار...
مب شرط اي شي يسويه البزر يعني شاف حد...احيانا كذا هو عقليته..."اختي الولد كشييييييخ...الله يعينه من البنات...احم"

وعندج خيارات كثيره...عشان تلهينه عن اشيا مامنها فايده...

مثلا تشوفين لج اشيا هو احتمال تجذبه...مب اشيا تجذبك انتي...لان يفرق في "السن...احم"...
فا مثلا حاولي تثقفينه...تنمين مواهبه...تشاركينه في هواياته...لان لحد الحين يبقى يبغي يبرز...فا شوفي اشيا فيها منافسه...عشان يكون من الناس اللي تجتهد...

احس اني عفست الافكار نوعا ما...شاسوي جا وقت النوم...والواحد كان عنده امتحان وينود...احم...

فا اتمنى اوصلت وجهة نظري"نوعا ما"...

قصه عالسريع...احم

من 7 سنين...لما كان عمري 20 سنه...العصر...وكانت الوالده رافعه لي الغدى...فا قلت لهم يحطون الغدى...لما حطوه...كان عيش ولحم...فا انا جزء من اللحم ماحب اكله...فا كنت اعتب على الوالده ليه رفعتوا لي هالقطعه...ليه ماخليتوا ذيك القطعه...
فا فاجأني رد الوالده لما قالت لي..."والله كبرت يا علوي"...احم
قلت ليه يعني؟؟...قالت لي كنت اشوفك ياهل...وارفع لك اي شي...وتاكله...

فا هذا مثال بسيط...مع ان شوفي عمري 20 سنه...ولحد يومك هذا الوالده تعاملني بزر...سو كذا...لاتسوي كذا...شنسوي...حلوة اللبن...مانردها بشي...

والله يخلي لك عيالك...ويكونون ذخر لكم...وعسى ربي يجعلهم من البارين بكم...يارب...

واهم شي قولي لولدك...عليان يقول لك...خلك دوم شنب...ولا تخليه يرقل..."هو بيفهمها شفره بين الشنبات...احم"

اخوي الكريم

كلامك عالعين والراس بس مب شرط اكون موافقتك في بعض النقاط ، عندنا مشكلة في فهم الرجولة وللاسف ورثناها لعيالنا ، لو الرجولة تقاس بشنطة علاق والا ثوب بوزرار على جذي ضاعت الرجولة من عند ناس كثيرة ، ليش انا ماوصل له نقطة مهمة وهي ان الرجولة فعل اكثر من انها مظاهر شكلية

وجهة نظرك وصلت ياعليان :) وسلم لي على حلوة اللبن وترى الواحد مايكبر على امه وابوه :)

شكرا لك ولمداخلتك الطيبة

[لولوتي]

موضوع افكر فيه وايد،،،
لأن عندنا وعندكم خير :)

جميل طرحج للموضوع اختي ضوى،،، و طبعا ما قرأت غير الموضوع أما بقية الردود بإهتمام بتفرغ لها،،،

المطر يناديني :shy:

[ضوى]

ان قلت مداخلة قيمة ورائعة لن اوفيك حقك اخوي الجني

بارك الله فيما خطته اياديك ، من يستطيع مجاراتك في التربية اخوي الجني ، سبق لي دخلت معك في نقاشات عديدة في مواضيع تحمل نفس المضمون وابهرتني ردودك وطريقة تعاملك الرائعة مع ابنائك ، كل شخص له طريقة معينة واسلوب معين ، يعني مثلا موقف الكارفور مشابه لما حدث لابني في نفس سنوات عمره الا انني كنت انا من يحثه على الذهاب وابوه يرفض ذلك خوفا عليه :)

الاحتدام والجدال مع الشركاء سيطول لذلك نتمنى ان نصل بابنائنا لبر السلامة ان شاء الله

تحياتي لك اخوي الفاضل وشاكرة لك مداخلتك المثرية

[ضوى]

موضوع افكر فيه وايد،،،
لأن عندنا وعندكم خير :)

جميل طرحج للموضوع اختي ضوى،،، و طبعا ما قرأت غير الموضوع أما بقية الردود بإهتمام بتفرغ لها،،،

المطر يناديني :shy:


:):):)

الله يهديهم هالعيال والمشكلة انهم عفاطي :secret:

الله يصلح الحال يارب وتابعي الردود والتعليقات بتعجبج :)

[الأصيلة]

الله يصلح ذريتنا ويبارك فيهم...
المهم للولد في المعاملة وفي هذه الفترة العمرية...
أن يحس بالتقدير والإحترام وتقدير الذات حتى ينجح ويعتمد على نفسه..
انا لاحظت ان الولد بها السن بالذات يزيد بعناده إذا قارنتيه بولد بعمره أو بأخوه الكبير أو حسستيه ان اخوه الكبير أحسن منه بتنفيذالأوامر..
اما انا ولدي بصف سادس ومن كثر ماطاح كتفه رضى بالترولي بس
يبغي تيلفون بلاك بيري مثل ربعه...يعني الطلبات تزيد ماتقل...
رضينا بالهم والهم مارضى فينا...
مهما حاولنا وسوينا الا وأطفال اليوم شباب سريع بالتفكير والشكل والشخصية..
ويحتاج طولت بال وثقافة تربوية حتى ما نخسرهم...

[Navigator 85]

اخوي الكريم

كلامك عالعين والراس بس مب شرط اكون موافقتك في بعض النقاط ، عندنا مشكلة في فهم الرجولة وللاسف ورثناها لعيالنا ، لو الرجولة تقاس بشنطة علاق والا ثوب بوزرار على جذي ضاعت الرجولة من عند ناس كثيرة ، ليش انا ماوصل له نقطة مهمة وهي ان الرجولة فعل اكثر من انها مظاهر شكلية

وجهة نظرك وصلت ياعليان :) وسلم لي على حلوة اللبن وترى الواحد مايكبر على امه وابوه :)

شكرا لك ولمداخلتك الطيبة

اختي الفاضلة تفكيرج نفس الوالدة الله يحفظها

ونا اتفق مع The Master

حتى امي كانت تخاف علي ولازم شنطة

ومب شرط من الاولاد اللي معاه في المدرسة

انا يوم كنت في الصف الخامس لين الفصل الثاني طللعت لهم بموضوع السير

وقلت لهم اذا اجبرتوني ماراح اداوم خلوني على راحتي

وانا مب من الجيل الحالي انا مواليد 85

وفعلا سويت اللي في راسي لان ما كنت اشوف احد يجيب معاه شنطة غيري

وامي الله يحفظها كل شوي ارجع للشنطة مب زين راح تتعب وظهرك وما ادري شنو

وفي الاخير شافت ان الموضوع عادي وكنت اودي السير لين اول ثانوي

بعدها قمت بس اشيل الكتب والدفاتر لا سير ولا شنطة

والحين انا خلصت المدرسة ويوم شفت الموضوع فتحت السالفه مع امي وقمت اضحك

وانا فاهم ان الام تخاف على عيالها وحتى ابوي في البداية عارض بس بعدين قال لامي انا راح

اعلمة الرجولة

والحمد لله ان ابوي علمني معنى الرجولة

ودوم يقول انت رجال روح جيب اغراض الجمعية من السيارة او روح مع اهلك السوق

او ابغي اشوفك اول شخص في المسجد

يمكن تقولين ان هو صغير بس يوم يكبر راح يحب راس ابوة لانه فهمة معنى الرجولة

اتركوة على راحتة وهو اللي يقرر بالنسبة للشنطة

وصدقيني يمكن تقتعيتة ان يشوف له شنطة تناسبة ويشتريها بس بعد فترة

راح يرفض موضوع الشنطة

والله يعطيج طولة العمر ويكبر ولدج وتسمعين نفس الموقف اللي صار لج

شخص ثاني يشتكي من ولدة وتتذكرين موقف ولدج وتضحكين مثل ما خليت امي تضحك

[حياة]

انا بعد ولدي في الصف السادس رفض الشنطه التواير مع انه هو مختارها من ابن القيم وعلى النادي اللي يحبه
واستخدم السير كم يوم ومنعته المدرسه ماعندهم لعبه مدرسه عمر
وبعدين هو بروحه رجع عليها وامس قال لي يمه انا ابي شنطه عدله لا ابي تواير ولا ابي على الظهر ابي اللي تنحط على الكتف
وديته جرير وخليته هو بروحه يختار ..
ونفس الشي يحن يبي بلاك بيري نفس ربعه وعيال عمه...

[Arab!an]

طبعا اللي اقوله هو مجرد رأي ووجهة نظر .. واقوله عن تجربه
مطلوب الابتعاد عن كل ما يحسس الولد انه للحين صغير .. مثل القول "اذا صرت شاطر والتزمت بقوانين المدرسة بوديك رحلة او بشتريلك ..إلخ"

وياليت يكون للأب الحضور الاكبر في اي مناقشه معه .. وانا اشوف ان الولد من بعد ما يعدي الـ 10 سنوات .. يكون تعامله مع مدرسين رجال أفضل من التعامل مع مدرسات


# ابغي افهم شفيها الغتره الحمرا ؟! ليش مانعينها

[ضوى]

الله يصلح ذريتنا ويبارك فيهم...
المهم للولد في المعاملة وفي هذه الفترة العمرية...
أن يحس بالتقدير والإحترام وتقدير الذات حتى ينجح ويعتمد على نفسه..
انا لاحظت ان الولد بها السن بالذات يزيد بعناده إذا قارنتيه بولد بعمره أو بأخوه الكبير أو حسستيه ان اخوه الكبير أحسن منه بتنفيذالأوامر..
اما انا ولدي بصف سادس ومن كثر ماطاح كتفه رضى بالترولي بس
يبغي تيلفون بلاك بيري مثل ربعه...يعني الطلبات تزيد ماتقل...
رضينا بالهم والهم مارضى فينا...
مهما حاولنا وسوينا الا وأطفال اليوم شباب سريع بالتفكير والشكل والشخصية..
ويحتاج طولت بال وثقافة تربوية حتى ما نخسرهم...



اما بهاي صدقتي ياالاصيلة رضينا بالهم والهم مارضى فينا

اما البلاك بيري قوية شوي ، طلب مني هالعفطي بلاكبيري طنشه ولا كأني اسمعه ، وقبله طلبني اخوه الكبير وقلت له شنهي اعمالك المالية واشغالك اللي ماتخلص اللي معاها تحتاج البلاكبيري ؟؟ سكت طبعا لا من تمه ولا من كمه :) ونسى الموضوع
ان شاء الله مانخسرهم ويطلعون رجال يعتمد عليهم ومن غير دلع زايد او خوف زايد ان شاء الله

[ضوى]

اختي الفاضلة تفكيرج نفس الوالدة الله يحفظها

والله يعطيج طولة العمر ويكبر ولدج وتسمعين نفس الموقف اللي صار لج

شخص ثاني يشتكي من ولدة وتتذكرين موقف ولدج وتضحكين مثل ما خليت امي تضحك

الله يحفظ لك الوالدة ويبلغها فيك يارب وشتوف عيالك واحفادك ان شاء الله وعسى الابتسامة والضحكة ماتفارق شفاهها يارب

باتذكر هالكلام ان شاء الله لما يجي ولدي يشتكي من ولده نفس الشكوى ساعتها باعطيه بالعصا وباقوله تذكر وش سويت فيني :)

تحياتي الخالصة

[(الفيصل)]

أخشى أن أكتب نصيحة لوجه الله لكِ ولمن يعاني مثلك ، وتنزعجين من وجودي بموضوعك
فاأنا لم أنسى أنكِ قلتِ لي يوماً غير مرحب بك(يالفيصل) بمواضيعي!!:shy:

[ضوى]

انا بعد ولدي في الصف السادس رفض الشنطه التواير مع انه هو مختارها من ابن القيم وعلى النادي اللي يحبه
واستخدم السير كم يوم ومنعته المدرسه ماعندهم لعبه مدرسه عمر
وبعدين هو بروحه رجع عليها وامس قال لي يمه انا ابي شنطه عدله لا ابي تواير ولا ابي على الظهر ابي اللي تنحط على الكتف
وديته جرير وخليته هو بروحه يختار ..
ونفس الشي يحن يبي بلاك بيري نفس ربعه وعيال عمه...

انا ولدي بعمر وماشااء الله عليه مجننهم صار نجم المدرسة من كثر سوالفه ( بس تدرين سوالفه حلوة ومخليه كل المدرسات يحبونه ويدللونه :) )
بخصوص البلاك بيري ماتوقع له حاجة فيه الحين تو الناس مستعجلين على شنو ؟ وش ذابحنا غير التقليد ومن اقرب الناس !!

[ضوى]

طبعا اللي اقوله هو مجرد رأي ووجهة نظر .. واقوله عن تجربه
مطلوب الابتعاد عن كل ما يحسس الولد انه للحين صغير .. مثل القول "اذا صرت شاطر والتزمت بقوانين المدرسة بوديك رحلة او بشتريلك ..إلخ"

وياليت يكون للأب الحضور الاكبر في اي مناقشه معه .. وانا اشوف ان الولد من بعد ما يعدي الـ 10 سنوات .. يكون تعامله مع مدرسين رجال أفضل من التعامل مع مدرسات


# ابغي افهم شفيها الغتره الحمرا ؟! ليش مانعينها

ابوه دوم معاه ويمكن اكثر واحد بعد لدرجة انه البنت تغير منه ومن تعلقه في ابوه :secret:
وبخصوص التعامل مع رجال والله بودي هالشئ بس للاسف ماصار وان شاء الله السنة الجاية يسنعونه الرجال مع اني اشك احسهم وايد متساهلين ، الله يهديهم ويصلحهم

الغترة الحمرا مافيها شئ بس ممنوعة في المدارس الغترة البيضا اكشخ وارز عندهم :secret:

[ضوى]

أخشى أن أكتب نصيحة لوجه الله لكِ ولمن يعاني مثلك ، وتنزعجين من وجودي بموضوعك
فاأنا لم أنسى أنكِ قلتِ لي يوماً غير مرحب بك(يالفيصل) بمواضيعي!!:shy:

اخي الفيصل

ربما حدث في السابق سوء فهم من جانب وجانبك ، ربما كان يخونك الاسلوب الامثل في تقديم النصح وربما انا من الناس الذي يصعب عليهم التقليل من شانهم ولعلك تذكر ماذا كنت تعلق في مواضيعي ولا حاجة لك ولي بالتذكير بما فات

دعنا نبدأ من اليوم دون تجريح او تقليل من شأن احد ، نحن اخوان في الله ان شاء اله ولا نبتغي سوى الفائدة لوجه الله لعموم اعضاء المنتدى وهذا مايجمعنا هنا في هذا المنتدى

انتظر مشاركتك ورأيك الكريم في الموضوع

تقبل تحياتي

[همس العيون]

عساج بس توصلتي لحل لمشكلة ولدج

اشوفه صاير جون ترافولتا مسويته مافوقه فوق وماتحته تحت

وفي الاخير جايه تشتكين من تصرفه ومعذبج

ضوى نصيحه تقبلتيها تقبليها ماتقلتيها انتي حره انا قلتها وخلاص

ترى اعضاء المنتدى كبار وفاهمين ماينلعب على عقولهم بكم كلمه

جايه تكتبينها تتشكين من تصرف ولدج وانتي رازته رز هني وتصرفاته عاجبتج

عموما مشاكل الاسره والطفل في الطرف الثاني من الشبكات العنكبوتيه

خلونا نستفيد من المواضيع الثانيه لانج ضيعتي حبر المنتدى على موضوع تافه بصراحه

ومالنا خص فيه :omen2:

[ضوى]

عساج بس توصلتي لحل لمشكلة ولدج

اشوفه صاير جون ترافولتا مسويته مافوقه فوق وماتحته تحت

وفي الاخير جايه تشتكين من تصرفه ومعذبج

ضوى نصيحه تقبلتيها تقبليها ماتقلتيها انتي حره انا قلتها وخلاص

ترى اعضاء المنتدى كبار وفاهمين ماينلعب على عقولهم بكم كلمه

جايه تكتبينها تتشكين من تصرف ولدج وانتي رازته رز هني وتصرفاته عاجبتج

عموما مشاكل الاسره والطفل في الطرف الثاني من الشبكات العنكبوتيه

خلونا نستفيد من المواضيع الثانيه لانج ضيعتي حبر المنتدى على موضوع تافه بصراحه

ومالنا خص فيه :omen2:


شكرا لج لتخصيصج حبر المنتدى لكتابة تعليق لي

تحياتي