هلا بك

[Al-Jawhara]

هلا بك .. گثر ما گنت ارتجيك .. وگنت بك مغــرور
هلا بك.. گثر ما صاب البَخــَتْ حـزني .. ولا صابك

هلا بك گثر تقليب المواجــع .. والسهر .. والجــور
گثر ما زارني وجــﮧ الفراق ..بوحشــﮧ غـــيابك

هلا بك.. گثر ما گنت المدائن .. والشُرف.. والدور
گثر ما ملّت ايدين انتظاري.. تطرق ابوابك

هلا بك. من ثلاث سنين .. أرددها بدون شعـــور
ليا حــلّ المسآ .. قلت المسا جــابك.. ولا جـابك

علامك ؟؟علّ ما قلبك حــزين .. وخــاطرك مگسور
عسى ما ضاق بك صدر الزمان.. وسهّر اهدابك؟

علامك؟؟ جـيت في بالك ..؟ صحيح تحــس بي ؟مشگوور
وربي ما هقيت ان الزمن يصحـى .. ويصحــى بك

ثلاث سنين.. ملّيت الوجـــيــﮧ ..وضحـگة المقهور
اقول اني سليت .. ولا سليت الا عن عـــتابك!!!

ثلاث سنين.. والاشواق في صدري عــليگ تفور
تهيضها الهدايا ..والقصيد.. وباقي اطيابك

ثلاث سنين.. وطيوفك گريمــﮧ بالوهم .. والزور
تصوّرك بعــيوني گل ما شوقي تغـنّا بك ؟!!!

ثلاث سنين.. اجي نفس المگان .. الموحــش المهجـــور
اثر حــتى الاماگن ما تزين .. الا مع احــبابك ؟!

واثر من حــبّ ما ينسى . واثر قاع الأماني بور؟!
واثر لو هابتك گل الرجــال.. الحــب ما هابك ؟!

حــبيبي وفّر اعـذارك .. قبل ما تعــتذر معــذور
ترى قلبٍ عــنا لك .. ما يضره لو تعــنّا بك

هلا بك خــل گل اللي مضى واقرب.. وشب النور
بقلبٍ يشعــل شموعك.. سنين .. ولا تهنّا بك

[بوحارب]

كلمات محزنة

تسلمين الجوهرة

[dr glp]

واثر من حــبّ ما ينسى . واثر قاع الأماني بور؟!
واثر لو هابتك گل الرجــال.. الحــب ما هابك ؟!

لاهنتي على الاختيار يــ Al-Jawhara ابدعتي

[Al-Jawhara]

الله يسلمك يا بو حارب
وسلامت قلبك من الحزن

[Al-Jawhara]

واثر من حــبّ ما ينسى . واثر قاع الأماني بور؟!
واثر لو هابتك گل الرجــال.. الحــب ما هابك ؟!

لاهنتي على الاختيار يــ al-jawhara ابدعتي


ولا هان مرورك يا الدكتور :)

[al3nabi79]

الله لا يهينج يالجوهره على الطرح المتميز

[Al-Jawhara]

لا هنت يا العنابي ولا هان مرورك:)

[الشمريه]

هلا بك .. گثر ما گنت ارتجيك .. وگنت بك مغــرور
هلا بك.. گثر ما صاب البَخــَتْ حـزني .. ولا صابك

هلا بك انتي مبدعه

[Al-Jawhara]

هلا بك .. گثر ما گنت ارتجيك .. وگنت بك مغــرور
هلا بك.. گثر ما صاب البَخــَتْ حـزني .. ولا صابك

هلا بك انتي مبدعه



يا مرحبا بك يا بنت العم

تو ما نور المكان :)