احسن وارخص مكان لترتيبات شهر العسل الى ماليزيا

[محمد11]

احسن وارخص مكان لترتيبات شعر العسل الى ماليزيا


انشاء الله مسافر ماليزيا شهر عسل بأذن الله تاريخ
2829-4-2010

ابي مكان يرتب لي الرحله هناك يكون ممتاز ..
وابي اروح اخر 4 ايام بانكوك للتسوق

مده الرحله 15 يوم ان شاءا لله


وكلكم معزومين على العرس ان شاء الله

[خشوف]

الله يوفقك اخوي محمد

ويزرقك الذرية الصالحة


تقرير سفرتي ماليزيا تايلند بالتفاصيل الكامله مع التكاليف

http://qatarshares.com/vb/showthread.php?t=284363


شوفي مخطط رحلتي بسيط ومايكلف تقدر تروح لنكاوي في ماليزيا 5 ايام جزيرة حلوه

[وحش قطر]

دليل ماليزيا بينفعك

اكتب في قوقل دليل ماليزيا وشوف الموقع

[كايد الوكره]

الف الف مبروك يالغالي

وماليزيا من افضل الدول لــ شهر العسل ,

انا ترتيبي كان 3 ايام كولالمبور 5 ايام لنكاوي 4 ايام كولالمبور

بس اكتشفت مؤخراً ( بينينق ) بس للأسف مارحت لها ,

انت وش تبي بالضبط وانا راح اجاوبك , من اسواق - رحلات - فنادق - سواق تاكسي

[احساس رابح]

بالمبارك اخوي مقدماً

ونصيحتي لك ماتروح مكان تحجز فيه لان بتحصل كل شي متوفر لك هناك وبكل سهوله والاماكن او المواقع اللي تحجز وترتب راح تضرب عليك مبالغ ضخمه عكس اذا رتبت اموك بنفسك ودخلت المواقع مثل دليل ماليزيا راح ينفعك بس لاتحجز عن طريقهم احسن لك لان الاسعار اغلى انا مجرب هالشي والله

انا كان ترتيبي بنفسي والمعلومات اللي خذيتها من هالمنتدى والمنتديات الاخرى وكان على النحو التالي

3 ايام في سيلانجور فتندق صن واي لايقون فندق رائع بمعنى الكلمه سعره في الليله 500 رنقت مع الافطار
4 ايام بينانق فندق هوليدي ان فندق جميل وعلى شاطي وبه كل الرياضات البحريه وسعره في الليله 400 رنقت
5 يام لنكاوي فندق اونا بس ما انصحك فيه وكان سعره 220 رنقت في الليله
6 يام في كولالمبور فندق مليا كولالمبور سعره 300 رنقت مع الافطار

ونصيحتي لك اخوي لا تتعامل مع فنادق وتحجز وانت هني روح هناك وشوف الغرف واحجز بنفسك

[محمد11]

مشكورين ياجماعة الخير

اخوي احساس متى كانت رحلتك ؟

[export]

الف الف مبرووك يابوجاسم وعقبال الذريه الصالحه

اخوي ماليزيا روعه وفيها الرخيص والغالي والمعقول يعتمد علي ميزانيتك طبعا

الاماكن الي تستحق انك تروحها : كوالالمبوور طبعا - بينانج - جينتنج - صن واي لاجون - افاموسا - كاميرون

طبعا لنجاوي مو ذاك الزود بس موغلط تمر عليها

قولي شنو المطلووب وشنو جوك وانا حاضر

اخر سفره لي ماليزيا قبل شهر والسنه الماضيه

وخل حجوزاتك عن طريق النت booking فقط لاغير ارخص الموجود بواقع تجرب
شنو تبي انا حااااضر من جميع الامور طال عمرك

وعقبال السفر مع اعيالك ان شاء الله

[محمد11]

الغالي ممكن تعطيني رقمك ..