نخيتكم نخيتكم نخيتكم

[QTR-SOUL]

السلام عليكم


الله يسلمكم عندي عزيمه والعدد اللي باعزمه كبير والوهقه اني لازم اسوي العزيمه في الحوش والحوش يلللللللللللللللللللللوع الجبد :weeping::weeping:

ارجوكم علموني شلون ارقع الحوش بطريقه راقيه ومفتخره :victory:

هل احط سجاد على الارض ولا احط سناحات ولا في بديل عن السناحات احسها مال اول مافي سناحات مودرن :weeping::weeping:

مااعرف شاسوي

[فارس الكلمة]

حطي زل من النوع الجيد .. تجدينهم عند مكاتب تنظيم حفلات الزواج ..

سناحات شكلهم عجيب .. و تعبر عن التراث .. توكلي على الله

[الجووري]

الحوش اذا كان مو مبلط وفيه وقت افرشيه بالحشيش اللي على شكل رول يكون منظره ارقى

اما اذاكان مبلط مافيه الا تحطين عليه سجااااد وطاولات وكراسي طبعا الطاولات تكون مفروشه وهذا

عند مكاتب الحفلات

[مساهمة]

اممممم حبيبتي كل شي يعتمد على ميزانيتج..

اتوقع ارخص شي انج تحطين سجاد .. وغالبا يكون السجاد الاحمر المعروف وتحطين سنااح ..

اذا ميزانيتج اكبرر .. شووفي محلات تجهيزز الحفلات اللي ارقى شووي ... وطلبي منهم سجاد (موكيت)

يكون لوو وااحد بيظلع اكشخ .. وممكن يسوي لج مثل طريقة السناح بس موودرن وساده نفس لون الموكيت

والطاولات خليها سيمبل .. مفرش وباقة ورد صغييره ..

او مكن تاخذين المزهريات الصغييره مثل الانبوب (في عند ذا ون بـ 9 ريال) وتحطين فيها وردتين وتحطينهم بنص الطاوله..


اممممممممممم وووبس هذا اللي في بالي .. وبالتوووفيق

((لاتنسيين تعطينا الاخبار عقب ماتخلصين على خير :) ))

[tai]

كل شي على الميزانيه اختي اختاري اي مكان لتجميل الطاولات وهو ايرتب لج مع تحياتي لج بل التوفيق

[babyskin]

حطي زل من عند مكاتب تنظيم الحفلات اعتقد الوحدة اجارها 10 ريال او اكثر بس تاكدي من نظافتها

وتوكلي على الله وسوي بوفيه هم بيجيبون الطاولات والكراسي

موفقة

[شموع قطريه]

حطي موكيت لون واحد ويكون ساده وحطي سناحات بعد ساده ..

صج بغيت اسأل شنو ينحط بديل للسناحات لان احس ان السناحات شكلها قديم ولازم يطقون مسامير في الارضيه .. لو تعرفون حد عنده مثل البرفانات تكون بديله للسناحات ياريت تعلموني وين القاها

[شبح الصمت]

اخذي لج من مكاتب التأجير أجـري كم زوليـه وفكي نفسـج لا تشترين شيء والأمكان الي ما تبـين أحد يشوفها حطي عليها سنــاح وخليـهم يثبتونـه عـدل وتفــنني

لأنه حــرام تشترين شـي وعقب ما يكون له لازمــه ..

وعســاها عزيمـه مباركة وأن بقى أكل لا تنسين ( حفظ النعــمة ) ترى في ناس محتاجـه

والله يوفقـج وتبيضـن الوجـه قدام معازيـمج مع أنه البشر هالأيام ما يعجبها شيء

[QTR-SOUL]

جزاكم الله الف خير والله لايحرمني منكم
ومشكوره شبح الصمت
وياريت لو بارتشنات وايد احسن
بس ياريت اللي يعرفون محل تجهيز افراح يبيض الوجه يكون زلها نضيف ومرتب