Ussop
24-03-2010, 07:47 AM
السلام عليكم ورحمة الله وبركاته...
هذا أول موضوع لي، وعسى الله يطرح فيه الفايدة... :nice:
القصة وما فيها يا أخوان... إني بالأمس رحت مع رفيجي لمحل في السوق، يوم دخلت شفت البياعين شخص فلبيني والثاني هندي، وأشكالهم ما توحي بأنهم يعرفون عربي، فاتجهت للفلبيني وبادرته بالكلام ووضحت له طلبي باللغة الإنجليزية، يوم خلصت وطلعت... جاني رفيجي يقولي... ليش تكلمه بالإنجليزي؟ هذي بلادنا ولغتنا العربية، مفروض هالأجانب هم الي يتعلمون عربي علشان يكلمونا ويفهمون علينا، لو كنا في بلادهم الوضع بيختلف، أما في بلادنا ونكلمهم لغة ماهي لغتنا ... ما يصير ...
أنا أتفق معاه، لكني من النوع الي أبغي أخلص أموري بسرعة، مب فاضي أدور واحد يتكلم بالعربي، وانتظرة لما يجيني ... مع إن هذا المفروض يحصل.
مثل ما قيل لي، في بعض الدول الأوروبية لو جيتهم كسائح وكلمتهم باللغة الإنجليزية ما يجيبونك حتى ولو كانوا يجيدون الإنجليزية... فهل هذا الكلام صحيح؟ إن كان كذلك، فهم ما يرضون يجاوبونك انت كسائح باللغة الإنجليزية فما بالنا بتعاملهم مع الموظفين الذين يأتون لبلدانهم من الخارج، أكيد راح يجبرونهم على تعلم لغة بلادهم.
سمعت بموقف أعجبني من فترة بأن واحد من أهل قطر، راح لمطعم أجنبي، يوم انتهى وطلب الفاتورة، كانت موضحة باللغة الإنجليزية... فرفض أن يدفع وقال أنا ما أعرف أقرى إنجليزي، وقال إلا تعملون لي فاتورة باللغة العربية، واعملوا له.
المصيبة إن فيه محلات تجارية ما تلقى فيها أي شخص يتكلم بالعربي خير شر... إحنا راح نمشي أمورنا، لكن شيابنا، والي ما يعرفون إنجليزي وشيسوون؟ خاصة إن كنت بحاجة لتوضيح طلباتك بشكل مفصل!
بانتظار مداخلاتكم بالنسبة للموضوع، وكيفية تصرفكم في هذي المواقف :)
هذا أول موضوع لي، وعسى الله يطرح فيه الفايدة... :nice:
القصة وما فيها يا أخوان... إني بالأمس رحت مع رفيجي لمحل في السوق، يوم دخلت شفت البياعين شخص فلبيني والثاني هندي، وأشكالهم ما توحي بأنهم يعرفون عربي، فاتجهت للفلبيني وبادرته بالكلام ووضحت له طلبي باللغة الإنجليزية، يوم خلصت وطلعت... جاني رفيجي يقولي... ليش تكلمه بالإنجليزي؟ هذي بلادنا ولغتنا العربية، مفروض هالأجانب هم الي يتعلمون عربي علشان يكلمونا ويفهمون علينا، لو كنا في بلادهم الوضع بيختلف، أما في بلادنا ونكلمهم لغة ماهي لغتنا ... ما يصير ...
أنا أتفق معاه، لكني من النوع الي أبغي أخلص أموري بسرعة، مب فاضي أدور واحد يتكلم بالعربي، وانتظرة لما يجيني ... مع إن هذا المفروض يحصل.
مثل ما قيل لي، في بعض الدول الأوروبية لو جيتهم كسائح وكلمتهم باللغة الإنجليزية ما يجيبونك حتى ولو كانوا يجيدون الإنجليزية... فهل هذا الكلام صحيح؟ إن كان كذلك، فهم ما يرضون يجاوبونك انت كسائح باللغة الإنجليزية فما بالنا بتعاملهم مع الموظفين الذين يأتون لبلدانهم من الخارج، أكيد راح يجبرونهم على تعلم لغة بلادهم.
سمعت بموقف أعجبني من فترة بأن واحد من أهل قطر، راح لمطعم أجنبي، يوم انتهى وطلب الفاتورة، كانت موضحة باللغة الإنجليزية... فرفض أن يدفع وقال أنا ما أعرف أقرى إنجليزي، وقال إلا تعملون لي فاتورة باللغة العربية، واعملوا له.
المصيبة إن فيه محلات تجارية ما تلقى فيها أي شخص يتكلم بالعربي خير شر... إحنا راح نمشي أمورنا، لكن شيابنا، والي ما يعرفون إنجليزي وشيسوون؟ خاصة إن كنت بحاجة لتوضيح طلباتك بشكل مفصل!
بانتظار مداخلاتكم بالنسبة للموضوع، وكيفية تصرفكم في هذي المواقف :)