+ ياجماعة الخير .. وين أفضل أخصائي للأطفال في قطر ؟

[الوسيط العقاري]

ياجماعة الخير ..

اريدكم اتساعدوني

ولدي عمري سنه و7 شهور

للحين مامشى

وديته على مستشفى حمد واخصائي العظام قالوا مافيه شي والحمد الله

ابغي احسن اخصائي أطفال في قطر .. عشان حالته

ولكم الشكر ..

[%حورية قطر%]

سويتوا له فحوصات ؟؟

وتحاااليل ؟؟

وبالاخص تحليل لفتامين د ؟؟

اخوي ليش ما تعرضه للشمس على الاقل يكتسب منها فيتامين د

شوف الوقت المنااسب اما الصبح على الساعه 7 ولمدة 10 دقايق

او الضحى بس لاتخليه اكثر من 5 دقايق

ولازم تلبسه شورت وتشرت كوم قصير

هاي اللي اقدر افيدك فيه

وان شاءالله الاعضاء ما يقصرون معاك ويفيدونك بأحسن دكتور عظام

وما عليه شر ان شاءالله

[البيان]

سوي له فحص كالسيوم - الله يحفظه لك وتشوفينه يركض بأمر الواحد الاحد

[MaRuKoO]

الله يحفظه لكم يارب
انا الي اعرفه انه فعلا اكحد اقصى سنه وست شهور ان عداها الطفل وتوه ما مشى معناتها لازم ينعرض على طبيب
اخوي بلغنا ان صار معاكم اي شي

[Mr.Hamad]

السلام عليكم ورحمة الله وبركاته

أخوي من واقع تجربة

أخوي يودي عياله لدكتور ممتاز يمدحه ومن زمان يتعامل معاه

الدكتور اسمه "راضي رضوان" عيادته بالسد

ان شاء الله أكون قدمت لك فايدة

وما يشوف شر وربي يحفظه لك بإذن الله

[سواح]

السلام عليكم ورحمه الله ..
انصحك بالدكتور اشرف عادل ..
استشاري اطفال عام في حمد ..
اذا ما فادك بيدلك عالطريق الصحيح انشالله ..
وانصحك بالابتعاد عن العيادات الخاصه الماديه وفتاوى الاعضاء الطبيه ..

الله يطمنك ع ولدك :) ..

[خالي مشاعر]

اخوي الولد يحبي ؟؟ يقعد بروحه؟

اذا مايقعد عدل يمكن يكون فيه ارتخاء في العضلات ولازم اتشوف دكتور اعصاب

[غير البشر]

اخوي ماعليه شر ولدك ان شاء الله
اخوي اذا عندك لج اشعه او تقارير ارسلها لي
وانا بعرضها هنا بألمانيا مجرد فحص صور واشعه بس
وان شاء الله مافيه الا العافيه
انا في مدينه المانيه وحولي كلها مستشفيات

[لطيف الروح]

ياجماعة الخير ..

اريدكم اتساعدوني

ولدي عمري سنه و7 شهور

للحين مامشى

وديته على مستشفى حمد واخصائي العظام قالوا مافيه شي والحمد الله

ابغي احسن اخصائي أطفال في قطر .. عشان حالته

ولكم الشكر ..

الله يحفظه و يخليه لك انشاء الله . اخوي ترى فيه اطفال يتاخرون في المشي و امور اخرى مثل الكلام وهذا شي عادي . لكن حاول انك تعرضه على اختصاصي اطفال خارج قطر افضل ليطمئن قلبك.

[عضو قديم]

عليج بالدكتور الكيالي كان استشاري اطفال في مستشفى حمد

[الحال مايساعد]

عليج بالدكتور الكيالي كان استشاري اطفال في مستشفى حمد

صحيح أنا سمعت عنه ، الدكتور الكيالي رائع جدا بس ماعرف إذا تم في حمد ولا عنده عيادة خاصة ، لكن أنا اعرف دكتور أطفال جيد في بن عمران - عيادة الدكتور مرسي بعد الشاهين مباشرةً

[بو خليفه 123]

اذا قصدك اخصائي عظام عندك الدكتور / بــت (Dr Butt) هو بريطاني من اصل هندي و حالياً هو في عيادة الدوحة .

من افضل الدكاترة اللي مروا علي في حياتي الدكتور المذكوره اعلاه .. عالج شيبانا و اطفال اهلنا و نص اهل قطر


خطاكم الشر ان شاء الله

[ولد شرق]

اخوي
مثل من انصحك احد الاخوان قبل
العيادات الخاصة لحالات خاصة جدا خصوصا الدكاتره اللي كانوا قبل في مستشفى حمد على الاقل مرت عليهم هالحالات قبل
انصحك اتشوف دكتور استشاري في مستشفى حمد
وعندك الدكتور اشرف عادل وانا ماعرفه شخصيا لكن شفت احد الاعضاء يمدحه
وعندك الدكتور هاني سويّد
وكلهم عندهم عيادات في المسا في مستشفى حمد وبامكانك بالتلفون تاخذ موعد...
وبالنسبه للعظام فعلا الدكتور بات ممتاز و عندك الدكتور حاتم الطائي (عراقي) في عيادة الشفاء

والله يرزقنا وياك الصحة...

[سعد81]

اخوي انا عندي 3 عيال ولله الحمد والمنه وكلهم مشو بعد ماكملو سنتين وهذا شي طبيعي وفيه بعض الاطفال يمشون بع سنه و 4 شهور حسب الطفل نفسه،
وفيه بعضهم اسنانهم تطلع بسرعه وبعضهم اتأخر وهذا بعد شي طبيعي
بس انت لا اتفكر واتوسوس ولا تروح لعيادات ودكاتره يلعبون في ولدك
انا اقولك هالكلام لأني مجرب واسأل مجرب ولا تسأل طبيب

[excited]

للرفع للرفع للرفع للرفع للرفع للرفع للرفع للرفع

[لولوتي]

الله يحفظه الصغير ويجعله واخوانه واخواته من الذرية الصالحة :)

ما شاء الله الاعضاء خبراء في كل المجالات :)

وانا اقول مثل ما قالوا البعض بأنه شي طبيعي تقدم او تأخر بعض نشاطات الاطفال أو نموهم،،،
و ما شاء الله كما لاحظت مع بعض اطفالنا نمو الاسنان لديهم قبل المشي وبشكل سريع،،، في حين يتأخرون في المشي،،، فلعل تكامل ونمو اجزاء من الجسم قبل الاخرى يكون هو المؤثر.

وطبعا لا غنى عن الفحص الطبي المطمئن ولو لمرة واحدة :)

[المعارضة]

الصبر زين لا تستعجل بس حطة في عربانة بتواير علشان يتعلم المشي

[فتك العديد]

عاااادي اخوي

مثال عندكم انا ما مشيت إلا بعد السنتين ومستشفى حمد قالت انا ما راح امشي


بس ابوي ما خلاني وداني الهند وسوولي فحوصات هناك قالوا عااادي في ناس

ويقوول ابوي كانوا كله يمشوووني اهناك لحد ما مشيت وبس

اصبر ع عيالك اشوي

[المحافظ]

يا أخي أغلب الأسماء اللي أذكروها الإخوان هي أسماء معروفة ، شخصيا ارتحت للدكتور الكيالي وعيادته في مدينة خليفة الجنوبية مشاهد مركز المنصور الطبي على الشارع الرئيسي ، استشيره واستشير أكثر من طبيب ، وتقدر تطرش التقارير للخارج ، وحسب معلوماتي المتواضعة أن فعلا في بعض الأطفال ياخذون وقت لين يمشون ، لكن طبعا لازم تتأكد من ناس متخصصين في الموضوع.

[الوسيط العقاري]

؟؟؟؟؟؟؟؟؟؟؟؟؟؟؟؟؟؟؟؟

[الوسيط العقاري]

رحت لأحد الدكاتره الاخصائيين وسوى له فحص كامل .. وقال مافيه شي ؟

بس الحين عمره سنتيين ومامشى ؟؟

بس يحبي ويقعد ؟

ياليت أحد الاخوان يدلنا على دكتور متخصص في هالمجال ؟

[PLATINUM]

اذا كل شي طبيعي لاتلعوز الياهل وتلعوز نفسك

في يهال مزاجيين

تلاقيه بصحه وعافيه ومافيه اي شي بس مايبي يمشي ( كيفه )

وفي يهال حذريين يخافون يجربون ( كيفه )

وفي يهال مستعيلين على الدنيا من يكمل سنه تلاقيه قام يركض ( كيفه )

دام ان عظامته سليمه ومافيه شي خلاص يبا خله على ( كيفه )

[كروشيه]

اخوي اشتري له جهاز يساعد على المشي وهو بالاساس لعبه في نفس الوقت يرتكز عليه الطفل وهو يمشي بس لازم تنتبه عليه واتابعه ويوميا شجعه على استخدامه وينباع في اكثر محلات الاطفال مثل جيكو وبيبي شوب انا لما ولدي تأخر بالمشي شريتها لها ويوميا امشيه عليه بس ما اجبره احاول احفزه ولما يتعب اخليه يرتاح وهو راح يستانس عليه بس انتبه عليه وامسك له الجهاز لانها بها عجلات وممكن من اول مره ما يعرف لها الياهل ويطيح على وجهه ، وان شاء الله ما عليه شر وعرضه للشمس في الفترة من الصباح حتى 9 ونصف تقريبا لانها الاشعه مفيده لعظامته بس بعدها مب زينه له وشمس العصر بعص مفيده جدا ومثل ما قالوا الاخوان عرض اكبر مساحه من جسمه للشمس عشان يستفيد اكثر والله يبارك لك فيه ويجعله من عباده الصالحين

[العداله]

ماعليه شر ان شاء الله
اخوي جرب تسوي له فحص الثلاسيميا ( انيميا البحر المتوسط )
لان معظم الاطفال المصابين بهذا المرض يتاخرون بالمشي بسبب ضعف الصحه العام
وان شاء الله مامن شر

[الرادار]

الله يبلغكم فيه معرس ان شآء الله ويبارك لكم فيه.

[ام الغالي]

انشاءالله ماعليه شر

وده مركز الشفاء وسو له تحاليل فيتامين دال وكلشي شامل العظام وومكن يكون منهره من شرط رجوله

ودكتور الاطفال مراح يعرف لازم اخصائي اعصاب او عظام وماعليه شر انشاءالله

[شهد]

انا اتعامل مع دكتور مامون في عياده كيالي وايد ممتاز

[الســـهم]

هلا اخوي السهم الطايح ..

ماعليه شر الصغير والله يبلغك فيه معرس ان شاء الله ..

نفس الحالة موجوده عند واحد من الجماعه وتقريبا تشخصيها كان ارتخاء العضلات ..

اعرضوا الحالة على اكثر من دكتور وكلهم قالوا انها محتاجه علاج طبيعي لشد العضلات ..

والحمدلله رب العالمين تحسنت الحالة بفضل من الله جل وعلا وبفضل اخصائية التدليك اللي قايمه على هالحالة ..

اخوي السهم الطايح حاولت اجيب رقم الاخصائية لكنها حاليا في اجازة خارج البلد , وان شاء الله بس ترجع راح احاول اجيبه لك بإذن الله ..

وماعليكم شر ولا مكروه ..

[برشلوني قطر]

اسأل الله العظيم رب العرش العظيم ان يشفيه

ماعليه شر ان شاءالله

بس سؤال اخوي..هل هو يوقف ؟؟ والا بعد مايوقف ؟؟

[qrt_trading]

أخوي جرب الدكتور بات في عيادة الدوحة يمدحونة وااااااااااااااااااااااااايد

والله يطمن قلبك على ولدك إن شاء الله

[حراير قطر]

ما عليه شر ان شاء الله

نفس حالة ولد اخوي سنه و5 شهور

وتوه بدء يمشي بروحه بدون مستشفيات وخرابيط

ولدي اخوي الله يحفظه سنن قبل وتأخر بالمشي

وناس تمشي واتأخر بالتسنين امور عاديه

دام انك سويت تحاليل وكل شيء سليم لا اتخاف عليه

امسكه بيد وحده وخله يمشي معاك كنا انسوي حق ولد اخوي جذيه

او اشتر له اللعبة اللي يمسكها ويمشي معاها ...

شوف ولد اخوي يحب يروح السيارة وامي كانت تمسكه

واتقوله انروح سيارة ويقوم من نفسه ويمسك يدها واشوي اشوي

وعقب صارت تمسكه على خفيف مسكه عشان يحس بالامان بس

وعقب صار يمسك الطاولة او الكرسي ويمشي يبي يروح السيارة

شوف شيء يحبه وقوله انروح لانه هو يحب هالشيء ويبي يروح له بسرعه

وهو عقب من نفسه بيتعلق بشيء يبي يروح له وعقب اشوي اشوي بيهد

الاشياء اللي يمسكها وبيروح من نفسه وبيمشي ان شاء الله

انت لا تحاتي ولا تفكر وبيمشي ...

كأني هذرت وايد :rolleyes2::secret:

[الملا]

اقترح اتوديه على عياده الدكتور الكيالي في مدينة خليفة