ممكن مساعده عن الايلس

[أنت]

أخواني انا ابي اكمل دراسه وقالو لي جيب لنا الايلس بنوافق عليك
المهم في احد درس
كم المده الي تساعد على الاستوعاب
وين احسن معاهد او مدرسين يجون البيت
في شنو تنصحووني
وانا ماعرف انجليزي 10 من 1000 يعني
هههههههههههه

[Q_PG_S]

السلام عليكم و رحمة الله و بركاته
اولاً تاخذ كم دورة لغة انجليزية عامة في المجلس الثقافي البريطاني
ولما توصل لمستوى فوق المتوسط ثم تاخذ عندهم دورة تحضير الايلتس
و بالتوفيق

[أنت]

دورتين تكفي لان التسجيل ينتهي شهر 5
1-5 ينتهي

[سحـابة خيـر]

الايلس يبي سرعه وطلاقه

الامتحان 4 اقسام

اسمتاع= نص ساعه

قرائه= ساعه 60دقيقه

كتابه ينقسم لقسمين تاسك1 وتاسك2

اخر شي المحادثه بينك وبين الاستاذ الي يمتحنك...

قلتلك الاقسام حاول تشد حيلك وتكون سريع وتعرف الكلمات الاساسيه وطرق الكتابه

يعني بالاحرى يبيله تدريييييييب

[أنت]

ااااااااااااااااااااااه يعني ولله مادري اكمل ولله شسوي اخاف اخنبقها

[yousef545]

نفس ماقال اخوي Ice-Tea في الامتحان لازم اتكون سريع لان مافي وقت

شوف البرتش كانسل عندهم دورات ايلز

وتعلم شلون اتكون سريع وتكتب بسرعه والله يوفقك لاتخاف ترا الامتحان سهل

[تحداني]

.. إذا كان مستواك أخي الفاضل في اللغه الإنجليزيه
10 من 1000 فدورات الايلز .. لن تكون مجديه ..

.
.


عليك أن تقوي نفسك في اللغه الانجليزيه اولا ..
ومن ثم خوض اختبار الايلز ..




نظرا لارتفاع تكاليف الاختبار وهو 800 ريال ..
فلماذا نخوض اختبار نحن لسنا مؤهلين له ..


.
.


هذه وجه نظري والقرار يعود اليك



جملك الله برضى الرحمن

[BURBERRY]

اخوي دامك قلت ان مستواك 10 من 1000

فما انصحك تمتحن امتحان الايلز

فالبداية خذ لك دورات انجليزي قو لغتك و بعدين خذ امتحان ايلز

و الله يوفقك

[صقر بلادي]

خذها نصيحه مني السنة اللي بتضيعها دراسة انجليزي اهنيه تقدر تاخذها ب6 اشهر في بريطانيا اذا عندك امكانية روح على طول

[تحداني]

خذها نصيحه مني السنة اللي بتضيعها دراسة انجليزي اهنيه تقدر تاخذها ب6 اشهر في بريطانيا اذا عندك امكانية روح على طول







.. وأنا أتفق تماما مع هذا الإقتراح ..
واسكن مع عائله
.. وشرط بعد 6 شهور تفقد الذاكره باللغه العربيه :)

.
.

عندما تتواجد معهم تتعلم أسرع


هذا اذا كان الوضع المادي بالفعل جيد ..
وضع في عين الاعتبار ان التكاليف ليست بسيطه ..
وضع ايضا الجديه في الدراسه في عين الاعتبار ..

.

.
.

[جوال 11]

تحتاج لدورات لغة أنجليزية ثم قَدِم أختبار تجريبي للأيلز وبعد النتائج ممكن تقرر تكمل دورات أو أختبار نهائي
وبالتوفيق

[mohd89]

الايلس هو امتحان تحديد مستواك العام في اللغه الانجليزيه

يعني ما في منهج محدد تدرسه .. وكتب الايلس هي فقط تشرحلك اسلوب الامتحان
وبعض الاساليب اللي تساعدك في الحل

ولو انت مستواك ضغيف في اللغه يعني 10 من 1000 مثل ما تقول
ف الدورات ما بتنفعك ...

الايلس بشكل عام يعتمد على الكتابه والقراءه والتحدث والاستماع
اذا انت مستواك ضعيف اكيد يصعب عليك كتابة موضوع من 250 كلمه في 40 دقيقه
او تقرا موضوع كامل يتكون من صفحتين وحل اسألته خلال 20 دقيقه

والدورات بدربك شوي بس ما بتعطيك لغه

والامتحان يبيله سرعه عاليه

مثل ما قالوا الاخوان اذا عندك القدره تسافر بريطانيا او استراليا او كندا تدرس لغه
بيكون افضل و الله يعينك على مصاريف السفر

مع العلم انه واحد من الشباب مخلص ثانويه في 2008 وللحين في جامعة قطر
يحاول يجيب 5.5 في الايلس ولكن مستواه ضعيف اساسا في الانجليزي ف الدورات ما تنفع

ولا تنسى انه اللغه ممارسه مش دراسه

والله الموفق

[كايد الوكره]

الله يوفقك يالغالي

وشد حيلك اكثر واكثر في هالشهرين القادمين

عندك كا دوره في معهد ( اي ال اس ) في الفتره الصباحيه مكثفه من 8 إلى 1
والفتره المسائيه من 5 ونص إلى 8 ونص

[جغرافي قطر]

انا عندي لك نصيحه من نوع ثاني
هههههههههههههههههههههههه

سو نفسي انا كان مستواي في اللغه صفر من 100
وداري اني لو خذت دورات في الدوحه هنيه ما راح افلح
وما اقدر اسافر برا واخذ لغه لمده طويله
والحاله الماديه كانت تعبانه

انا شسويت؟؟؟؟؟؟؟؟؟

دخلت قطر للبترول في نظام اسمه efp
يعني برنامج اعداد المهندسين
لاني كنت علمي ونسبتي 86 %

والبرنامج مدته 9 شهور في راس بو عبود
كانوا يعطونا لغه بالدرجه الاولى لمدة 5 شهور
والباقي كان لغه + رياضيات + كيميا + كمبيوتر

وكان في نهاية الكورس لازم نجيب 5 ونص في الايلتس

والحمد لله بعد الكورس جبت 6

منها استفدت لغه ومنها راتب

عقب ما خلصت الكورس قالوا لنا لازم تدرسون هندسه برا
انا قلت لهم شكرا ما اقدر اسافر برا عشان التزاماتي مع هلي هنيه

قالوا ما تقدر تاخذ الشهاده وياك
قلت لهم مب مشكله
ورحت قدمته مره ثانيه وجبت بعد 6

والحمد لله دخلت جامعة قطر واخترت التخصص اللي ابيه وتخرج في 4 سنوات

ادري انه حل طويل
لكن احسن من انك تقعد في الجامعه سنتين تدرس تاسيسي وعقب ما تنجح في الاختبار
لانه مدرسين التاسيسي اللي في الجامعه الله بالخير
اغلبهم مب دكاتره لغه كلهم مجمعين من الشوارع وجايبينهم
والكل يعرف ويشهد على هالشي

ودمتم بود

[تحداني]

.. جغرافي قطر ..



ما شاء الله عليك ..
لا مانع من ان نستخدم الجهات والمؤسسات لمصلحتنا الخاصه ..
وفي النهايه سيترجم ذلك الى مصلحه وطنيه .

. فالتعليم والدراسه على نفقه الدوله ..
هذا حق من الحقوق المشروعه ..


.
.
الله ينور طريقك يارب .. ويجملك برضى الرحمن