+++اشلون ارجع خدامتي الاندونيسية بدون ما اتعامل مع مكاتب الخدم +++

[اوراق]

عندي خدامة اندونيسية رجعت بلادها من شهرين والغيت فيزتها

الحين هي تبي ترجع تشتغل


اشلون ارجعها بدون ما اتعامل مع مكاتب الخدم ؟

لانهم يبون اسعار عاليه ، حالها حال الخدامه اللي هم يجيبونها على مكاتبهم



هل في مكاتب ثقة في انونيسيا اعطيها الفيزا ويطرشونها مقابل اسعار مقبولة ؟

[المتألق]

ماتقدر ..

لاني نفس المشكله حصلت لي وجبتها عن طريق مكتب


لان ماتقدر تطلع من اندونسيا بدون عقد عمل

[La Bella]

تروحين السفاره الاندونسية وتسوين العقد

[المتضرعه لله]

هلا

نفس الشي صار معي لكن جبتها عن طريقها هي :)

كيف؟

ارسلت لها صورة الفيزه الجديده باسمها لما وصلتها راجعت السفاره وكل شي اوكي

:)

ثم ارسلت لها صوره من التذكره وبها رقم الرحله وكل شي اوكي لازم الاسم بالتذكره مطابق مع اسم الجواز مع الفيزه

بعدها شرفت وجات ولها الحين لها عندي ست شهور بعد ما كنسلتها وخلاص حسب رغبتها ولانها عشرة عمر خدمت عندي ست سنين حبت ترد ولله الحمد ردت


توكل على الله

[المعارضة]

ليش ما تشأل في الداخلية احسن؟

[اوراق]

كلمت السفارة وقالوا لااازم عن طريق مكتب

:anger1:

[شبح الصمت]

مب لازم اذا سفرتها اتم عالاقل سنـتين عشان ترجـع

[المعارضة]

اذا سفرتيها اعتقد تقدرين ترجعينها خلال سنتين

[Bently]

هل أنتي سفرتيها بسبب ولا بدون عشان أعطيك الحل أذا كان لجل انتهت عقدها وهو سنتين وهي زينه و حابه ترجع مافي مشاكل خليها ترجع وذا كان بسبب مشاكل انصحك تنسينها لان جيتا بتكون ناويه على شر هذا علىحسب خبرتي والله أعلم .

[ماريسا]

ان شالله يفيدونج

[Rayane]

قدمي على الجوازات طلب خادمه اندونيسيه وبعدين خذي صورة جوازها بعد الموافقه على الطلب طبعاً وقدميها على قسم التاشيرات وبعد يومين بتطلع التاشيره ( الفيزا ) وطرشيها لها وهي بموجبها بتجي للدوحه

وخلوا منكم مكاتب النصب والاحتيال اللي يقول 7000 واللي يقول 8000 ولا على سعر ثابتين

اعوذ بالله

[موضي قطر]

يعني يصير ولا ننذل للمكاتب ؟؟؟ واسعارهم المبالغ فيها

[Rayane]

^^^^^^^^^^^^^^^^^^^^^^^^^^^^^

يصير يصير اهم شئ تكون عندكم صورة من جواز الخادم او الخادمه

[مطيع الله]

الأمر متوقف على:
1- صورة جوازها
ثم بهذه الصورة يخرج لها تأشيرة دخول على نفس الكفيل،

ثم بعد ذلك يحجز لها تذكرة عن طريق طيران الاتحاد والتي بدورها تطلب صورة التأشيرة
ثم يبعث رقم الرحلة وتاريخها برسالة جوال للخادمة