يا بنات حواء:نبغي توجدون حل عن تأخر نساؤنا من خروجهم من حفلات العرس(الى منصف الليل! )

[اسعاف]

http://i44.tinypic.com/5yxn4l.jpg



يا بنات حواء:

نبغي توجدون حل عن (مشكلة )

نحن نعاني منها معشر الرجال (حسّّوا فينه اشوي )

وهي مشكلة

تأخر نساؤنا من خروجهم من حفلات العرس(الى الواحدة منصف الليل! )

انا لما الأهل يقولون لي بنروح الليلة عرس يا اسعاف

انا اغتم وآعصّّب (قليلا )

ليش

طبعا :انا سواق الأهل ولا عيب

(لأني ارفض ان يدخل رجل اجنبي في بيتي او ان يختلي بأهلي ولو بوجود خادمة معهن )

اذن انا ازعم ان كل اب او زوج سوف

( يغتم ) لما يوصّّل اهله لحفلات الزواج

ليش؟؟

لأن الحريم سوف يذهبون للعرس( بعد التزين طبعا ) قرابة الساعة العاشرة

وهنا اتسائل للنساء ؟؟

إشمعنه تتأخرون في ذهابكم للعرس الى الساعة العاشرة تقريبا

( والبعض يذهب الساعة الحادي عشر ؟)

قالوا : اصلا العروس ما تخرج للناس إلا بعد العاشرة!!!

فليش احنا نروح قبل هذا الوقت!!!!!


http://i43.tinypic.com/15y6l5i.jpg


فأقول في خاطري : انزين

وليش كل مرة تتأخرون في الخروج من العرس الى بعد منصف الليل

قالوا:

اصلا المعرس ما يدخل إلا الساعة الحادية عشر


http://i44.tinypic.com/rvm7ao.jpg


و لما يدخل المعرس ويقعد اشوي ،تخرج معاه العروس للتصوير في حجرة داخلية

ثم لما يخرج المعرس يبدأ العرس الحقيقي للنسوان

ويطرحوا عبيهم

ثم بعد ذلك (يبدأ العشاء )!!!!!


http://i39.tinypic.com/16a44sw.jpg


قلت لها يعني الساعة كم هذا

قال تقريبا الساعة الحادية عشر وفوق ايضا!!

(وفي السعودية تقريبا قرب الفجر )

يعني باختصار

اذا تبغي اهلك يخرجون من العرس الساعة 10 ليلا

فلن يرى اهلك العروس !!!!

وطبعا لن يتعشوا (واهل العروس دافعين آلاف مؤلفة من اجل اكرم الضيوف في البوفيه !!

ولما تصر على خروج اهلك من العرس قبل الحادية عشر فإنك سوف

تضطر تقف عند اقرب معصرة او مطعم لشراء وجبة تسد جوع اهلك


http://i44.tinypic.com/nwwio2.jpg


(وهم اصلا جايين من عرس!!)

والأن اكيد الرجال يعانون مثل ما أعاني من تأخر خروج النسوان من حفلات العرس

ففكروا معانا في طريقة جديدة


---------------------------------------------------

طبعا في ناس يقولون لأهلهم :ادخلوا الفرح الساعة التاسعة واخرجوا العاشرة

(اوامر عسكرية )والويل لها اذا تأخرت في الخروج

واحيانا يمنع حضور اهله حفلات العرس ،(فيكسر خاطر اهله)

---------------------------------------------------

وطبعا النساء الي عندهم سواق اجنبي وبلا محرم معاهم وهم في كامل زينتهن والروائح

النفاثة ( تبط الراس )وفي ساعة متأخره ليلا هؤلاء وقعوا في محاذير شرعية كثيرة من خلوة

وروائح وتجميل ووو

-----------------------------

السؤال هنا


هل ممكن نغير من سلوك النساء في هذه المشكلة التي تؤرق الرجال (السواقين )


وذلك عن طريق ايجاد افكار جديدة وقدوات جديدة للناس حتى يغيروا هذه العادة السيئة




-------------------------------

طبعا اذا بدأ الحفل مبكرا وانتهى مبكرا فهو في صالح (الزوجين ) والأهالي ( والسواويق)


----------------------------

ففكروا معاي

كيف حريمنه يشوفون العروس

ويتعشون

ويخرجون من الحفل قبل العاشرة ليلا مثل كحد اقصى مقبول

لكي يناموا ويستعدوا للدوام وللمدارس

ولكي يدرك (سائقهم ) صلاة الفجر جماعة في المسجد

[رويس]

الحل عند رجال البيت ولابد ان يكون صاحب القرار بمايرضي الله ........... لاضرر ولا ضرار .

[بنت^البحرين1]

يسوون نفس ماسويت في عرس اختي

خليتهم يكتبون في البطاقات ، ان العرس بيبتدي سبع ونص وبينتهي عشر ونص وذيلتها بــ"نرجوا الالتزام بالوقت المحدد لعدم الاحراج" واللي نعطيهم البطاقات نرجع نأكد عليهم عن سالفة الوقت ان عشر ونص بنطلع خلاص عشان يلتزمون

وماصارت ثمان ونص والا القاعة صارت مليانة والله دخلت عالتسع وربع المهم كان وقت المغادرة مع العشر ونص وناس تمت لي 11 مب مشكلة ، المهم انها كانت في غرفتها بالضبط شفت الساعه 11,30 واحنا ماصارت وحده الا ربع الا احنا فالبيت وصلى الله وبارك على سيدنا محمد


لحد ماتنتشر هالسالفة والكل يقوم يسويها ويخف التأخير اللي من غير داعي .. اصلا ماله معنى التأخير كلش

[مساهم فنان]

أين قوامة الرجل ؟؟
الرجل تخلى عنها ـ فيستاهل ما يجيه .

[اسعاف]

يسوون نفس ماسويت في عرس اختي

خليتهم يكتبون في البطاقات ، ان العرس بيبتدي سبع ونص وبينتهي عشر ونص وذيلتها بــ"نرجوا الالتزام بالوقت المحدد لعدم الاحراج" واللي نعطيهم البطاقات نرجع نأكد عليهم عن سالفة الوقت ان عشر ونص بنطلع خلاص عشان يلتزمون

وماصارت ثمان ونص والا القاعة صارت مليانة والله دخلت عالتسع وربع المهم كان وقت المغادرة مع العشر ونص وناس تمت لي 11 مب مشكلة ، المهم انها كانت في غرفتها بالضبط شفت الساعه 11,30 واحنا ماصارت وحده الا ربع الا احنا فالبيت وصلى الله وبارك على سيدنا محمد


لحد ماتنتشر هالسالفة والكل يقوم يسويها ويخف التأخير اللي من غير داعي .. اصلا ماله معنى التأخير كلش
اشهد ان اهل البحرين سباقين للخير

وللحلول الواقعية

[اسعاف]

أين قوامة الرجل ؟؟
الرجل تخلى عنها ـ فيستاهل ما يجيه .

المسئلة تحتاج الى تغيير في مفاهيم مجاميع الناس وليس لأهلك فقط

شوف اقتراح بنت البحرين في عرس اختها فستجد ان الرجال ارتاحوا من افكار هذا العرس العجيب

[ابن الذيب]

مب لازم المره تقعد من أول العرس لين آخره ..
حضور العرس واجب .. مجرد ما تسلم على اهل العروس ويشوفونها شوي وخلاص ..
ساعه , ساعه ونص , وتكون أدت واجبها , وشافت العرس والعروس ..
وكان الله غفوراً رحيما

[بنت^البحرين1]

اشهد ان اهل البحرين سباقين للخير

وللحلول الواقعية



تدري اخوي اسعاف، ان بنات عمي انتقدوني وهاجموني في هالفكرة ، قالوا هذي كنها طردة حق الناس عشر ونص قوموا روحوا، بس والله انا اقنعت امي وقلت لها شفتي لين قلتي يالله وقلنالج ماوصلت العروس صبري بعد شوي؟؟ اهني الكل بيشوف وبيتعشى وبيروح .. ووافقت وعقبها انا نفذت الخطة ..

والله لو شوي شوي الكل يقوم يطبقها بيعتدل الوضع بس يد وحدة ماتصفق ومحد بيغير

[اسعاف]

مب لازم المره تقعد من أول العرس لين آخره ..
حضور العرس واجب .. مجرد ما تسلم على اهل العروس ويشوفونها شوي وخلاص ..
ساعه , ساعه ونص , وتكون أدت واجبها , وشافت العرس والعروس ..
وكان الله غفوراً رحيما


والعشه؟

[ابن الذيب]

العشا أن كثرّ 11 ..
ولو تطلع المره مع ريلها , ويتعشون مع بعض , أحسن و أبرك ..

[اسعاف]

تدري اخوي اسعاف، ان بنات عمي انتقدوني وهاجموني في هالفكرة ، قالوا هذي كنها طردة حق الناس عشر ونص قوموا روحوا، بس والله انا اقنعت امي وقلت لها شفتي لين قلتي يالله وقلنالج ماوصلت العروس صبري بعد شوي؟؟ اهني الكل بيشوف وبيتعشى وبيروح .. ووافقت وعقبها انا نفذت الخطة ..

والله لو شوي شوي الكل يقوم يطبقها بيعتدل الوضع بس يد وحدة ماتصفق ومحد بيغير

شوفي انت مبدعة

وانت لاقيتي معارضة شديدة صبرت

وفي الأخير نجحت خطتكم

وممكن غيركم يقتدي بكم

وهكذا بيتغير نمط ذلك السلوك السئ الى السلوك الحسن

ومعلوم ان الناس يكرهوا التغيير في العادات

ولكن لابد من التغيير نحو الصح والحق

والله احيانا نرى نسوان وفتيات بدون محارم واحيانا هم يسوقون السيارات بعد العرس والساعة متأخرة ليلا

الصراحة انا لا استطيع ان انام واهلي بعد ما جاو من العرس

ما تدري ايش يحصل لهم في الطريق والوقت متأخر

[تغلبية]

والعشه؟

موب لازم !


صديقتي زوجها حاكمها .. تبين توجبين .. لج تدشين العرس الساعة 10 .. تطلعين 10:15
تسلمين وتباركين لأهل العرس وتظهرين ..

المهم أدت الواجب وهو ما قصر جابها العرس وردها بدون خلوة مع سائق وبدون لاهي تظهر بنص الليل تسوق سيارتها بروحها !

وبس،

[اسعاف]

العشا أن كثرّ 11 ..
ولو تطلع المره مع ريلها , ويتعشون مع بعض , أحسن و أبرك ..

الحقيقة ان اهل العروس بيزلون لما كثير من المدعوات ما يتعشون في العرس

يعني هم امكلفين على نفسهم وخسروا افلوس كثيرة

وبعدين نصف الطعام يرمي بالقمامة ،والله هذا اسراف وتقصير

ومعلوم ان اجابة وليمة العرس واجبة

[اسعاف]

موب لازم !


صديقتي زوجها حاكمها .. تبين توجبين .. لج تدشين العرس الساعة 10 .. تطلعين 10:15
تسلمين وتباركين لأهل العرس وتظهرين ..

المهم أدت الواجب وهو ما قصر جابها العرس وردها بدون خلوة مع سائق وبدون لاهي تظهر بنص الليل تسوق سيارتها بروحها !

وبس،

ربع ساعة اشوي

وبيزعلون اهل العرس عليها خاصة اذا كانت من الأقارب

ليش ما تفكرون في ابتداء العرس مباشرة بعد المغرب(مثل الرجال )

وتتعشوا بعد العشاء الساعة ال9

وتنصرفوا في ال10 ليلا؟؟

[بوحارب]

مشكلة بعض الأعراس يتأخرون في العشا فذالك تلاقي الحريم مرتزين وما يبون يطلعون عشان يترسون الكرشة عدل

وبعض الأعراس العروس ما تدخل القاعة الا عقب ال 11 الليل ولا حول ولا قوة إلا بالله


بالنسبة لي لما الأهل يتأخرون في العرس وانه وراي شغل اجبرهم على الخروج ومب شغلي عاد سلموا ولا تعشوا

والله يعين ياخوي Hospital

[تغلبية]

ربع ساعة اشوي

وبيزعلون اهل العرس عليها خاصة اذا كانت من الأقارب

ليش ما تفكرون في ابتداء العرس مباشرة بعد المغرب(مثل الرجال )

وتتعشوا بعد العشاء الساعة ال9

وتنصرفوا في ال10 ليلا؟؟

كل وحدة تتصرف بظروف زوجها ...
وهذي مفهمة الناس اللي تعرفهم وكلن عرف طبعها إنها تجي جبران خاطر وتأدية واجب ..
وان زوجها ينتظرها برا ما تقدر تقعد وتنتظر وخاصة ان بيتهم بعيد .


عشان نغير هالعادات .. يببيلنا نسوي مثل ماسوت أختنا بنت البحرين ...
لكن موب كل الناس ترضى ..
الحين صارت العروس تدخل على الساعة 11.. والله ملل وزهق والعرس يصير ماله طعم ..
مجرد مجاملات × مجاملات ...!!
لا نتهنى بفستان ولا مكياج ولا شعر ولاتجهيز قاعة لأن كل شي بادي متأخر :(

[هذلان]

السلام عليكم

الموضوع هذا يعتبر موضوع خاص بالاسره (الرجل صاحب الاسره) هو المسؤول الاول و الاخير . فتجد من الرجال من تكون زوجته اجتماعيه الى اقصى حد و راعيه واجب و تحضر كل الاعراس المتاحه او اكثر من المتاحه :rolleyes2:

و من الرجال من يجعل لمثل هذه المناسبات حداً فـ يطلب من زوجته ان تحضر اعراس المقربون لها جدا سواء من الاقارب او الاصدقاء المقربون جدا جدا .

و من الرجال و النساء ايضا ( خصوصا الملتزمين دينيا) تجدهم لا يحضرون الا الاعراس الضروريه جدا جدا و لمده لا تتجاوز ١٠ او ١٥ دقيقه كاداء واجب ،، تجنباً للاغاني و خلافه .

-------------------

الحلول :
١- حل بنت البحرين ماسب جدا جدا و منطقي
٢- لايشترط ان يدخل المعرس للكوشه و يجلس مع العروس امام النســـــاء :secret:
تدخل العروس الكوشه الساعه ٩ و المعرس يدخل لغرفه التصوير (الكوشه الخاصه بالعائله) في حدود الساعه ١٠ و كان الله غفور رحيم .
في هذه الحاله بالكثير النسوان بيكونون تعشو الساعه ١٠ و كان الله غفور رحيم .

المره لو تخليها على هواها رحت طعام ... :)

[WIFE]

أهلين

طبعا اعراسنا تكون قسمين رجال و حريم....
طيب بالنسبة لكم يا ( رجال)....متى يخلص حفل الرجال؟؟ ..بعد العشا ...صح! و متى تحطون عشاكم اصلا ؟؟
ويمكن المعرس يبغي ياخذ راحته و يرزف وووو فبيتأخر اكثر
(( اذا عرس الحريم متعلق بعرس الرجال ايضا...))
و بعدها تمشي مسيرة المعرس الى مكان حفل الحريم ( بعد تاخذ وقت)
.و بدخول المعرس لقاعة الحريم يستانسون هله معاه و يتصورون و يطوووول العرس
و عادة بعد ما يدخل المعرس يتم تبليغ المعازيم ( تفضلوا على العشا)

ولكن البعض (يمصخها) و ينطر لين يروح المعرس وبعدين يفتحون بوفيه العشا...ليش؟؟
عشان اذا زفوا العروسين يكون المكان منظم و نظيف .

والحل لمشكلة التأخير:
1- اللي يبغي يودي زوجته عرس...(وتصادف انه يعرف المعرس) يشتغل عليه حنة و اقناع بضرورة عدم تأخره في الذهاب الى عرس الحريم ..فما يتأخر العرس.

2- ماتبي زوجتك تتأخر...خلها بس تسلم و تشوف العروس (مب لازم تشوف المعرس) تشوفك انت على طاولة حلوة في مطعم و تعشوا سوا .

3- اذا كان العرس ليس لأحد من المقربين أو الأهل أو من اقرب الاصدقاء ....فلا تعود زوجتك على روحة الاعراس و تصير (كل من طق طبلة قال انا قبله)

4- اذا كان العرس لأحد من اهل زوجتك و هي بتكون مشغولة و تجابل الناس والترتيبات فإعتبر هذا يوم واحد في السنة و تحمل عشان خاطر ام عيالك.

(السموحة طولت عليكم)

[STAR]

أين قوامة الرجل ؟؟
الرجل تخلى عنها ـ فيستاهل ما يجيه .

اموووووت واعرف اشدخل قوامة الرجل فالسالفة؟!!!!‏

اللحين اقتراح بنت البحرين احتاج الى قوامة الرجل؟!!‏

صاحب الموضوع يبي حل لجعل الاعراس تنتهي بوقت مبكر

وانت تتكلم عن قوامة الرجل..وكأنك تقووول يا ريال
افرض اوامرك بدون نقاااش وتفاهم..تذكرت موضوع
العضو العصامي ‏..‏(الرجل يبقى رجل..والمرأة تبقى مرأة‏) بمفهووم خاطئ..‏!!‏

[تلتوله]

اذا على سالفه للدريول انه حرام خلاص أخذ لكم ادريوليه حرمه والحين اكثر الناس يأخذوني حرمه دريول*

[ANONYMOUS]

يا ريال
افرض اوامرك بدون نقاااش وتفاهم

[امـ حمد]

الحل بيد الرجال

يقول لزوجته خلصي من العرس الساعه 11 خلاص هي لازم تسمع كلامه وتطلع له الساعة 11

وإذا ما سمعت كلامه ما يوديها العرس مره ثانيه


الحين الحريم بطقوني ههههه

[Mo0o0oM]

يا ريال
افرض اوامرك بدون نقاااش وتفاهم


احسن حل :)

[الوجبه]

مافيها شي .. خلهم ينبسطون .. يعني يااسعاف الحين الرجل كل يوم يطلع زوجته .. اعتقد هذي امور تحصل

مره في السنه .. مافي مانع تستمتع فيه .. ليه ما تبيها تفرح لعرس اختها او عمتها او خالتها او صديقتها ..

وايش المشكله اذا جلست لين الفجر .. المفروض تفرح لفرحها .. الله يهديك بس :)

[الجزوع]

التغيير يبدأ بيدكم انتوا يالرجاجيل بتقول كيف ؟ يقول لك لو كل رجال لزم على اهله انهم مايتعدون الساعه عشر او عشر ونص بالكثير ، صدقني ذيك الساعه كل شي بيتغير ، والا ليش القوامه بيدكم؟؟؟؟؟؟؟؟ :)

[ضوى]

شوف يااسعاف

الزوجة مهب كل يوم بترز ويهها بعرس ، اكيد بتروح عرس القراب من اهلها من ربعها من جيرانها ولا زوجها كل يوم بيطير فيها من عرس لعرس ، المرونة مطلوبة بعد ، يعني هذا واجب اجتماعي اشارك الناس افراحهم واتراحهم ، بس بما هو معقول يعني العرس يبدي عالتسع ويخلص على 11 حلو وان كانوا قراب وايد 12 بالكثير ، راح زمان اول اللي العرس فيه للفجر ، حماتي يوم تعرس خلص عرسها على 12 وكلن في بيته يعني هي حسب طبايع الناس وعوايدهم مانقدر نتحكم بهالشئ ، يعني هالزوج مايبي يتسخر لزوجته كلش؟
ماشاء الله عليها الزوجة هذا هي مجابلة هالعيال دايما واكيد ماتطلع من البيت الا معشيتهم ومنومتهم وتطلع براحتها مع بو العيال اللي بهالوقت يبي يتنصل من كل واجباته تجاه زوجته ، تساؤول اطرحه اذا الدريول بيودي المعزبة كل مكان الزوج شنهو دوره بالضبط ؟؟؟ والله لو شفنا رجال يتحملون مسؤولية مثل ابهاتنا اول اتوقع مابنشوف اي دريول الا بشكل بسيط وحسب الضرورة

[محمد2]

الحل الوحيد مثل ما كان قبل كم السنة .حيث كان هناك قانون يمنع اقامة حفلات ألأعراس بعد الساعة 12 بالليل
وصدر قانون باغلاق قاعات الأفراح والفنادق بعد الساعة12بعد منتصف الليل.
وكنا نحصل الحريم في بيوتهم قبل الساعة 12اي ان العرس كان يخلص قبل 12

والدولة عليها تفعيل هالقانون.باغلاق اي قاعة عرس بعد الساعة 12 بعد منتصف الليل

[اسعاف]

مشكلة بعض الأعراس يتأخرون في العشا فذالك تلاقي الحريم مرتزين وما يبون يطلعون عشان يترسون الكرشة عدل

وبعض الأعراس العروس ما تدخل القاعة الا عقب ال 11 الليل ولا حول ولا قوة إلا بالله


بالنسبة لي لما الأهل يتأخرون في العرس وانه وراي شغل اجبرهم على الخروج ومب شغلي عاد سلموا ولا تعشوا

والله يعين ياخوي hospital

جامد يا بوحارب

[ماريسا]

متابعة
و يعطيك العافية أخوي إسعاف على هذا الموضوع الهادف

[ROSE]

انا عارفة شتبي توصل له بطرح هالموضوع

الحلول اللازمه لتفادي هالمشكله مستقبلا

صح ولا غلطانه ؟


طبعا اللي ذكروا من الاخوان والاخوات ان الزوج يلزم زوجته انها ماتتاخر في العرس

او تقعد لوقت محدد او او ،، افترضوا ان العرس عرس اخ وبعد اخت وبعده ولد خال

وبعده ............ الخ

شيسوي الريال؟ هل يفرض على زوجته بعد انها تقعد نص ساعة وتطلع


اشوف الحل بايد المعاريس نفسهم وانا معاك في هالنقطه

المفروض ان الاعراس ماتتاخر لوقت متاخر مثل ما هو صاير الحين

قبل الساعة 12 والعرس مخلص والصالة فاضيه الحين

الكل قام يتنافس من يطول اكثر للفجر الله يهديهم

لو نقول

عشى المعرس سووه ع الساعة 8 وعلى طول راح الفندق

هذي لو بيدخل صالة الحريم

والعروس تدخل الساعة 7

والمعرس يدخل الصالة الساعة 8:30

لو حابين يصورون في غرفة خاصة

الساعة عشر ويرجعون

ويطلعون على الساعة 11 من الصالة

وبهالشكل بتكون المشكلة نحلت والعروس شافت عرسها وقعدت مع معرسها

والمعازيم قضوا وقتهم

فالوقت المناسب للخروج من العرس اشوف من 11 الى 12 مناسب جدا

ومثل ماقلت ان هالمشكله حلها بايد المعاريس واهلهم مش بايد

اي زوج او زوجه بيحضرون العرس

[المخباط]

أستاذ اسعاف أشفيك أتاجج العالم على الحريم في مواضيعك الهادفه:(
الحين بعد موضوعك الكل بيسير عنتر زمانه وبيطرد شوفاته من اعراس اهلهم
(يا بلفيت يبغي يلحق على صلاة الفجر)

خلوا الحريم يستانسون شوي ويحللون الفستان:)
اللي يسمعكم يقول الأعراس كل يوم

[بو خليفه 123]

انا عارفة شتبي توصل له بطرح هالموضوع

الحلول اللازمه لتفادي هالمشكله مستقبلا

صح ولا غلطانه ؟


طبعا اللي ذكروا من الاخوان والاخوات ان الزوج يلزم زوجته انها ماتتاخر في العرس

او تقعد لوقت محدد او او ،، افترضوا ان العرس عرس اخ وبعد اخت وبعده ولد خال

وبعده ............ الخ

شيسوي الريال؟ هل يفرض على زوجته بعد انها تقعد نص ساعة وتطلع


اشوف الحل بايد المعاريس نفسهم وانا معاك في هالنقطه

المفروض ان الاعراس ماتتاخر لوقت متاخر مثل ما هو صاير الحين

قبل الساعة 12 والعرس مخلص والصالة فاضيه الحين

الكل قام يتنافس من يطول اكثر للفجر الله يهديهم

لو نقول

عشى المعرس سووه ع الساعة 8 وعلى طول راح الفندق

هذي لو بيدخل صالة الحريم

والعروس تدخل الساعة 7

والمعرس يدخل الصالة الساعة 8:30

لو حابين يصورون في غرفة خاصة

الساعة عشر ويرجعون

ويطلعون على الساعة 11 من الصالة

وبهالشكل بتكون المشكلة نحلت والعروس شافت عرسها وقعدت مع معرسها

والمعازيم قضوا وقتهم

فالوقت المناسب للخروج من العرس اشوف من 11 الى 12 مناسب جدا

ومثل ماقلت ان هالمشكله حلها بايد المعاريس واهلهم مش بايد

اي زوج او زوجه بيحضرون العرس

عيل اذا بيروحون العرس الساعه 7 ولا 8 .. متى بيروحون الصالون .. متى يضبطون المكياج ؟ تسريحة الشعر ؟ لبس الفستان و الخ الخ .. من الساعه 8 الصبح ؟ يعني معناته انا ماخليتها تتأخر بالليل , و لكن همّلت عيالها و زوجها من الصبح الى العصر !

والمعرس ايضاً ملتزم بعرس الرجال اذا كان في نفس اليوم .


أنا اشوف اوقاتنا بالاعراس معقوله مقارنةً بالدول المجاوره اللي اعراسهم تستمر الى سطوع الشمس و يطلعون من القاعه لابسين نظارات شمسيه !

اهم شيء هو انك مثل ماوصلتهم تجيبهم بعد العرس و ذلك تفادياً لمضايقات الشباب بالطرق (لأنه بعضهم الله يهديهم ان شافوا وحده في سيارتها و حاطه مكياج الساعه 1 اسائوا الظن في شيء ثاني) فـ لذلك احرص على تواجدك .

هلك كم مره ينعزمون على عرس بالشهر ؟ من 3 الى 5 مرات اذا كان موسم اعراس !
يعني هي مش كل ليله عشان ننتقد و نعصب عليهم ..

[قطرية7]

مب لازم تروح العرس يكفيها عروس خواتها واهلها :anger1::anger1::anger1:

ياويلي من الحريم:secret::secret:

[ودي أكون]

اعتقد هذا الموضوع موجـــــه للي زوجاتهم يرحون اعرس وايده ..:)

وهالشي بيد الزوج وسلطته وكلمته .. يعني يسمح لها من صوب .. ويتشكى من صوب ماظنها تركب من الاصل .. :waiting:


لكن اللي هله فالسنه يرحون عرس والا عرسين او فالسنه كلها ماتتعدى 4 اعراس ان كثرت .. اشوف مافيها شي .. :)


هذا عرس .. ومو عشان الزوج والا الاخ موفاضي .. اقوم انا انكد عالبنت او المره ..:waiting:


يعني لو انت رايح عزيمه ومعزوم من الاهل والا الربع .. ترضاها ع عمرك تطلع فالوقت الفلاني عشان المدام قالت لك لا تتأخر !!:waiting:


كل زوج يشوف حرمته وعدد الاعراس اللي اتروحها .. وهو يحدد اذا له حق والا لا .. :)


اما اللي يخلي زوجته فالسنه تروح 20 عرس .. ويجي يتشكى !! :waiting:


هذا بصراحه ماعنده سالفه .. الحل بيده ويدور ع حل !! :rolleyes2:

[الوجبه]

:rolleyes2:
ما ادري ليش احس المساله شخصيه

[نور اعيوني]

والله انا اشوف السبب الاول والاخير للرجل يقدر يحدد لها وقت وبتلتزم فيه مب يخليها على راحتها انا اخواني الله يحفظهم يودوني اي مناسبه بحكم ما نأاايد ان يكون في سايق بالبيت بس لان انا ما احب اروح الاعراس وااااايد بس لما اروح انا احدد لهم الوقت اقول لهم بروح 9 بالضبط و10 ونص تكون عندي يقولون لي مسرع اقول لهم بس انا رايحه اوجب مب رايحه ابات واذا على العشاء كثر الله خير المطاعم امر على اي مطعم واخذ اللي ابيه او اكل شي خفيف لين رجعت البيت وانا استغرب على اللي يقولون ما نطلع الا لما يدش المعرس خير ليش عشان التعليقات اشكره وبعدين مصير اللي عزمتج بترويج الصور بعد ليش انطر واشوف خير فراغه بس اذا امي راحت معاي تخليني اطلع متاخر على 11 او 11 ونص لا وبعد مع حنتي بالزور ما احب اطول بس البعض يطول لان هم عودوهم ولا اخرتها ترجع مع السايق عادي عندهم..حلات الوحده اذا بتتاخر واااااااايد تتاخر على عرس حد من اهلها مب كل عرس..والله انا استغرب على المتزوجه خاصة اذا عندها عياااال وكل يوم في عرس وين احنا قاعدين ..

[اسعاف]

أستاذ اسعاف أشفيك أتاجج العالم على الحريم في مواضيعك الهادفه:(
الحين بعد موضوعك الكل بيسير عنتر زمانه وبيطرد شوفاته من اعراس اهلهم
(يا بلفيت يبغي يلحق على صلاة الفجر)

خلوا الحريم يستانسون شوي ويحللون الفستان:)
اللي يسمعكم يقول الأعراس كل يوم




يا مخباط

اهلنا معارفهم كثير

وهم اجتماعيين اكثر من الأزم

يعني كل اسبوع عرس او عرسين

وايام الموسم حدث ولا حرج

[اسعاف]

عيل اذا بيروحون العرس الساعه 7 ولا 8 .. متى بيروحون الصالون .. متى يضبطون المكياج ؟ تسريحة الشعر ؟ لبس الفستان و الخ الخ .. من الساعه 8 الصبح ؟ يعني معناته انا ماخليتها تتأخر بالليل , و لكن همّلت عيالها و زوجها من الصبح الى العصر !

والمعرس ايضاً ملتزم بعرس الرجال اذا كان في نفس اليوم .


أنا اشوف اوقاتنا بالاعراس معقوله مقارنةً بالدول المجاوره اللي اعراسهم تستمر الى سطوع الشمس و يطلعون من القاعه لابسين نظارات شمسيه !

اهم شيء هو انك مثل ماوصلتهم تجيبهم بعد العرس و ذلك تفادياً لمضايقات الشباب بالطرق (لأنه بعضهم الله يهديهم ان شافوا وحده في سيارتها و حاطه مكياج الساعه 1 اسائوا الظن في شيء ثاني) فـ لذلك احرص على تواجدك .

هلك كم مره ينعزمون على عرس بالشهر ؟ من 3 الى 5 مرات اذا كان موسم اعراس !
يعني هي مش كل ليله عشان ننتقد و نعصب عليهم ..

المياج في العصر

والدخول للمسرح بعد المغرب

والعشاء بعد صلاة العشا على طول

اشرايكم ؟

[اسعاف]

انا عارفة شتبي توصل له بطرح هالموضوع

الحلول اللازمه لتفادي هالمشكله مستقبلا

صح ولا غلطانه ؟


طبعا اللي ذكروا من الاخوان والاخوات ان الزوج يلزم زوجته انها ماتتاخر في العرس

او تقعد لوقت محدد او او ،، افترضوا ان العرس عرس اخ وبعد اخت وبعده ولد خال

وبعده ............ الخ

شيسوي الريال؟ هل يفرض على زوجته بعد انها تقعد نص ساعة وتطلع


اشوف الحل بايد المعاريس نفسهم وانا معاك في هالنقطه

المفروض ان الاعراس ماتتاخر لوقت متاخر مثل ما هو صاير الحين

قبل الساعة 12 والعرس مخلص والصالة فاضيه الحين

الكل قام يتنافس من يطول اكثر للفجر الله يهديهم

لو نقول

عشى المعرس سووه ع الساعة 8 وعلى طول راح الفندق

هذي لو بيدخل صالة الحريم

والعروس تدخل الساعة 7

والمعرس يدخل الصالة الساعة 8:30

لو حابين يصورون في غرفة خاصة

الساعة عشر ويرجعون

ويطلعون على الساعة 11 من الصالة

وبهالشكل بتكون المشكلة نحلت والعروس شافت عرسها وقعدت مع معرسها

والمعازيم قضوا وقتهم

فالوقت المناسب للخروج من العرس اشوف من 11 الى 12 مناسب جدا

ومثل ماقلت ان هالمشكله حلها بايد المعاريس واهلهم مش بايد

اي زوج او زوجه بيحضرون العرس

عين العقل

مشكورة ابلة

[المضعد]

مب شرط تشوف كل هذا
اهم شي انها تواصلت معاهم وباركت لهم
يعني اذا ماشافت العروس ولا المعرس بيصير شي
واذا ماتعشت بتجوع
انا عن نفسي اروح اقعد نص ساعه واطلع نادرا ماقعد ساعه
اهم شي وصلت لهم وباركت
الا اذا هم هلي بعد ماتاخر
معاك حق اذا عصبت
الله يهدينا جميعا

[بوخالد2]

والله هذه مشكله الصراحه

اذا كان عرس اختها او بنت عمها او بنت خالتها عادي تجلس وتنطر دخول العرووس

اما اذا عرس بنت صديقه وغريبه عن العائله حدهم لين 11 و نص فقط لاغير

ولاتنسى لازم الحريم ينطرون العروس علشان يعقروون شووي هههه شوفي مكياجها و شوفي كوشتها ومن الكلام هذا

والله يستر عليهم ان شاءالله

[ام السعف]

لو ما يسوون عروس احسن
والا اقول

لو يصبون بترول على الحريم و يحرقونهم يكون احسن و احسن
علشان الوحدة تتشوه و تستحي تطلع جدام الناس ،،:shy:

[بوحارب]

لو ما يسوون عروس احسن
والا اقول

لو يصبون بترول على الحريم و يحرقونهم يكون احسن و احسن
علشان الوحدة تتشوه و تستحي تطلع جدام الناس ،،:shy:

Good idea :secret:

[ودي أكون]

لو ما يسوون عروس احسن
والا اقول

لو يصبون بترول على الحريم و يحرقونهم يكون احسن و احسن
علشان الوحدة تتشوه و تستحي تطلع جدام الناس ،،:shy:

اذا البنات موغاليين عندج ..



تراهم غاليين عند اهاليهم :)

[ام السعف]

اذا البنات موغاليين عندج ..



تراهم غاليين عند اهاليهم :)

قلت الحريم ما قلت البنات يا ودج تكونين :(

[بوخالد2]

لو ما يسوون عروس احسن
والا اقول

لو يصبون بترول على الحريم و يحرقونهم يكون احسن و احسن
علشان الوحدة تتشوه و تستحي تطلع جدام الناس ،،:shy:

لا ام السعف هذا مب رد الله يحفظج

لهم ناس ينطرونهم في بيوتهم

وانا فاهم ردج هذا انهم مضيقين عليكم تبون الحريه

[عواااصف]

خلونا نستانس اشوي @@

[ودي أكون]

قلت الحريم ما قلت البنات يا ودج تكونين :(

الحريم او البنات او حتى الخدم :)


يالغاليه كلامج مافيه رحمه ..


ومافرقت كلمة بنات عن الحريم .. كلهم اهلنا .. الله يحفظهم يارب وين ماراحوا :)

[تحداني]

.. :) ..

الله يسعد المتزوجين والمقبلين على الزواج
اللهم آمين
.
.

:)
يازين أعراس البيت
.. وخاصه اذا كان الحوش كبير والحمد لله ..

والجو يكون عجيب .. يعني في الربيع ... وبراد ..
. والناس أقرب لبعض بدون قيود كثيره .. والبال مرتاح


.
.
سيكون هكذا يومي ان شاء الله


.
.


جملكم الله برضى الرحمن

[المرحب]

الله يعين

المفروض ان الحريم يجون يباركون ويجلسون شوي ويمشون

يعطيك العافيه

الحمد لله على كل حال

[عواااصف]

حرام والله اشدخل اتشوه عشان ماتروح
والله يحفظ الكل راحت العرس ولا ماراحت

[ام السعف]

لا ام السعف هذا مب رد الله يحفظج

لهم ناس ينطرونهم في بيوتهم

وانا فاهم ردج هذا انهم مضيقين عليكم تبون الحريه

اخوي بو خالد 2 ،،

اتكلم عن الأهل نفسهم ،، مب يوم يحضرون العرس ،،

للأسف الشديد الرجل لا يقدر حاجة المرأة الى التغيير ،، و التنفيس و الخروج
بينما يعطي نفسه الحق في ذلك ليش ؟ لأنه رجل ،،

يحدد للمراة اشكثر تقعد في العرس ،، و ان عليها انها ما اتطول اكثر من نص ساعة
بينما لو قال لها تبرزوا بروح عرس فلان بسلم و برد اعشيكم مثلا
يتجهزون اللي في البيت كلهم و ينطرون ،، وهو وينه ؟
اوه ما رضوا يخلوني اطلع قبل ما اتعشى و احلفوا علي ،،

ويتأخر الوقت مع سوالفه مع اصدقاء الفريج او الصحبة المدرسية ،،

كلامي مب معمم لكل الرجال ،، بينما الرجل صار يتدخل في كل شي
حتى في لون الروج اللي زوجته ممكن اتحطه على اساس انه رجل و له كلمة عليها ،

بينما البعض الآخر فاهم ان من حرية المرأة انها تفعل ما تريد من دون قيود،،
فأصبحت المرأة تتقاذف ما بين التفريط و التشديد ،،

ومن هالمنطلق ،، اصبح الرجل لا يعي قوامته الا من خلال الضغط على المرأة
بينما دعاة حرية المرأة يدخلون و يزينون لها حريتها المسلوبة وان كانت مخالفة
للشرع و الدين ،،

وحجي اسعاف الله يهداه متفرغ لمثل هالمواضيع
بينام يدخل لك ليبرالي يتكلم عن جلسة شاعرية ما بين الزوجين ،،

عني لا ابحث عن الحرية في مثل هالعمر
بس خفوا على البنات و تقربوا لهم ،، اشفيها لو الرجل في الأسبوع مرة
اضطر انه يوصل هله العرس و يرد البيت و ينتظر حزة خروجها من عرس
اقرباءها او احدى بنات احدى صديقاتها او بنت الجيران او بنت صديق الزوج
او .... او ...... او ......

قول اجازة تقعد فيها مع الحريم يضحكون و يسولفون ترى الموضع مب
متعلق في العشا ،، ممكن الوحدة تتعشى قبل لا اتروح العرس ،،
بس المشكلة في التضييق على المرأة كأنها ملك للرجل يفصل لها
اللي هو يحب يجوفه عليها ،، من غير ما يعير المرأة احقيتها في الاستمتاع
بشخصيتها ،،

[ام السعف]

الحريم او البنات او حتى الخدم :)


يالغاليه كلامج مافيه رحمه ..


ومافرقت كلمة بنات عن الحريم .. كلهم اهلنا .. الله يحفظهم يارب وين ماراحوا :)

الله يحفظهم و يحفظج و يحفظني و يحفظ الجميع
براحة وسعادة ،،

[بوخالد2]

اخوي بو خالد 2 ،،

اتكلم عن الأهل نفسهم ،، مب يوم يحضرون العرس ،،

للأسف الشديد الرجل لا يقدر حاجة المرأة الى التغيير ،، و التنفيس و الخروج
بينما يعطي نفسه الحق في ذلك ليش ؟ لأنه رجل ،،

يحدد للمراة اشكثر تقعد في العرس ،، و ان عليها انها ما اتطول اكثر من نص ساعة
بينما لو قال لها تبرزوا بروح عرس فلان بسلم و برد اعشيكم مثلا
يتجهزون اللي في البيت كلهم و ينطرون ،، وهو وينه ؟
اوه ما رضوا يخلوني اطلع قبل ما اتعشى و احلفوا علي ،،

ويتأخر الوقت مع سوالفه مع اصدقاء الفريج او الصحبة المدرسية ،،

كلامي مب معمم لكل الرجال ،، بينما الرجل صار يتدخل في كل شي
حتى في لون الروج اللي زوجته ممكن اتحطه على اساس انه رجل و له كلمة عليها ،

بينما البعض الآخر فاهم ان من حرية المرأة انها تفعل ما تريد من دون قيود،،
فأصبحت المرأة تتقاذف ما بين التفريط و التشديد ،،

ومن هالمنطلق ،، اصبح الرجل لا يعي قوامته الا من خلال الضغط على المرأة
بينما دعاة حرية المرأة يدخلون و يزينون لها حريتها المسلوبة وان كانت مخالفة
للشرع و الدين ،،

وحجي اسعاف الله يهداه متفرغ لمثل هالمواضيع
بينام يدخل لك ليبرالي يتكلم عن جلسة شاعرية ما بين الزوجين ،،

عني لا ابحث عن الحرية في مثل هالعمر
بس خفوا على البنات و تقربوا لهم ،، اشفيها لو الرجل في الأسبوع مرة
اضطر انه يوصل هله العرس و يرد البيت و ينتظر حزة خروجها من عرس
اقرباءها او احدى بنات احدى صديقاتها او بنت الجيران او بنت صديق الزوج
او .... او ...... او ......

قول اجازة تقعد فيها مع الحريم يضحكون و يسولفون ترى الموضع مب
متعلق في العشا ،، ممكن الوحدة تتعشى قبل لا اتروح العرس ،،
بس المشكلة في التضييق على المرأة كأنها ملك للرجل يفصل لها
اللي هو يحب يجوفه عليه ،، من غير ما يعير المرأة احقيتها في الاستمتاع
بشخصيتها ،،

هلا اختى ام السعف

هذا الرجل اللى ذكرتيه وطريقة تحكمه تثبت انه مخبول او مب صاحي كلش !!

نص ساعه للعرس ليش (( كشخه المكياج والفستان اللى شرته كله لنصف ساعه )) حرام عليه هذا الرجل او انه يواعدهم بالطلعه ويلبسون وينساهم ؟؟

هذا ليس فيه نقص بل يملكه النقص

باالعكس تجلس من الساعه 8 لين 11 ونص اعتقد كفايه هذا الشي

الله يهدي الجميع

[ام السعف]

هلا اختى ام السعف

هذا الرجل اللى ذكرتيه وطريقة تحكمه تثبت انه مخبول او مب صاحي كلش !!

نص ساعه للعرس ليش (( كشخه المكياج والفستان اللى شرته كله لنصف ساعه )) حرام عليه هذا الرجل او انه يواعدهم بالطلعه ويلبسون وينساهم ؟؟

هذا ليس فيه نقص بل يملكه النقص

باالعكس تجلس من الساعه 8 لين 11 ونص اعتقد كفايه هذا الشي

الله يهدي الجميع


اخوي بو خالد ،، ليش تحديد الساعة 11 مثلا ؟

او الساعة 12 ؟

العرس عرس حريم ،، فيه الخالة و العمة و الحريم من الأهل
فليش تقييد المرأة بوقت معين عليها انها مجرد ما توصل عقارب الساعة
على الأرقام المحددة ،، تركض و اتشل نفسها و تطلع من العرس ؟

وخاصة مع ناس يسمعون اغاني و موسيقى و ما عندهم مانع
في الاستماع الى الطقاقات و اغانيهم ؟

[بوخالد2]

اخوي بو خالد ،، ليش تحديد الساعة 11 مثلا ؟

او الساعة 12 ؟

العرس عرس حريم ،، فيه الخالة و العمة و الحريم من الأهل
فليش تقييد المرأة بوقت معين عليها انها مجرد ما توصل عقارب الساعة
على الأرقام المحددة ،، تركض و اتشل نفسها و تطلع من العرس ؟

وخاصة مع ناس يسمعون اغاني و موسيقى و ما عندهم مانع
في الاستماع الى الطقاقات و اغانيهم ؟


عندنا اولويات اهم من العرس والطقاقه اختى عندها اعيال

حددنا الساعه اذا كان عرس رفيقتها ام اهلها غير لين الساعه 1 ماعند الرجل مشكله هي بين اهلها

[ام السعف]

عندنا اولويات اهم من العرس والطقاقه اختى عندها اعيال

حددنا الساعه اذا كان عرس رفيقتها ام اهلها غير لين الساعه 1 ماعند الرجل مشكله هي بين اهلها


مب كل يوم بتترك العيال
ولا كل يوم بتروح العرس ،، ولا كل يوم في مناسبة تجمعها بناس
من الفريج او صديقات الطفولة او صديقات المدرسة او اقارب
ابعدتهم ظروف الحياة ،،

مرات تلقاها من نفسها داقة و تقول ابي ارد ليش ؟
هل لأنها تذكرت عيالها ؟
لا طبعا تلقى ان العرس ادت ما هو واجب عليها و اطلعت ،،

طيب عرس صديقاتها ،، مبسوطة و مستانسة و نفسيتها مفتوحة
شلي يمنع انها تكمل وناستها ؟

شلي يمنع ان في هاليوم الزوج يشل عنها مسؤوليتها في البيت
يجوف اليهال يقعد معاهم و غيره وغيره ؟

هذي وجهة نظري طبعا مب ملزمة يا اخوي بو خالد
بينما أرى ان التقييد بشكل عام مضر و خاصة مع نساء هذه الأيام ،،

[ام السعف]

عندنا اولويات اهم من العرس والطقاقه اختى عندها اعيال

حددنا الساعه اذا كان عرس رفيقتها ام اهلها غير لين الساعه 1 ماعند الرجل مشكله هي بين اهلها

الموضوع يا اخوي خالد مب موضوع طقاقة ( لأن كل انسان حر في نفسه )

الموضوع عندما تطرقت للطقاقات ،، ان البعض يكون اساس رفضه
او تحديد الوقت هو عدم مسامحته لزوجته انها تحضر عرس فيه طقاقات
هذا يحق له ( لأنه ما يبي يتحمل وزر سماعها للموسيقى و الأغاني )
لذلك يحدد لها وقت تحضر اتسلم و تطلع ،،
بينما اللي ما عندهم مانع كان كلامي موجه لهم ،،

لذلك وجب التوضيح من خلال ردي هذا ،،

[eXpert*]

الْمَوْضُوْع ذُو شُجُوْن . لَدَي تَعْقِيْب بَسِيْط لـ رُبَّمَا يَخُص الْمَوْضُوْع وَلَكِن مِن مَنْظُوْر آَخَر : مَا الْحِكْمَة فِي دُخُوْل الْمُعَرَّس عَلَى الْعَرُوْس فِي قَاعَة الْنِّسَاء ؟؟

الْوَاجِب ان وَقْت الْعِشَاء سَوَاء لِلْمُعَرِّس او الْعَرُوس يَكُوْن بَعْد صَلَاة الْعِشَاء مُبَاشَرَة أَمَّا الْمُعَرَّس يَتَأَخَّر الَى أَن تُجَهِّز الْعَرُوس ،، وَالْعَرُوس تَتَأَخَّر الَى ان يَصِل الْمُعَرَّس ! بِدُوْن تَعْلِيْق

أَرْجُو مِنْكُم عَدَم تَفْسِيْر كَلَامِي خَطَأ ،، لِي مَغْزَى مِمَّا دُوْن أَعْلَاه .

ا

[ام السعف]

الْمَوْضُوْع ذُو شُجُوْن . لَدَي تَعْقِيْب بَسِيْط لـ رُبَّمَا يَخُص الْمَوْضُوْع وَلَكِن مِن مَنْظُوْر آَخَر : مَا الْحِكْمَة فِي دُخُوْل الْمُعَرَّس عَلَى الْعَرُوْس فِي قَاعَة الْنِّسَاء ؟؟

أَن كَان لـ رُؤْيَة الْمُعَرَّس !!

أَلَيْس مِن الْأُوْلَى أَن تَدْخُل الْعَرُوس قَاعَة الْرِّجَال لـ رؤيتها أيضاً ؟؟

أَرْجُو مِنْكُم عَدَم تَفْسِيْر كَلَامِي خَطَأ ،، لِي مَغْزَى مِمَّا دُوْن أَعْلَاه .

تبي العروس تدخل بكامل زينتها قاعة الرجل ( طبعا كلام له مغزى )

بينما المغزى من دخول الرجل وان كان هناك من يمانع
لن يلحق الرجل إثم وجرم شرعي من الكتاب و السنة ،،

[ثرية]

انا حدي لين الساعه 11 ونص او 12 بالكثيررررررررررررررررر

[بوخالد2]

مب كل يوم بتترك العيال
ولا كل يوم بتروح العرس ،، ولا كل يوم في مناسبة تجمعها بناس
من الفريج او صديقات الطفولة او صديقات المدرسة او اقارب
ابعدتهم ظروف الحياة ،،

مرات تلقاها من نفسها داقة و تقول ابي ارد ليش ؟
هل لأنها تذكرت عيالها ؟
لا طبعا تلقى ان العرس ادت ما هو واجب عليها و اطلعت ،،

طيب عرس صديقاتها ،، مبسوطة و مستانسة و نفسيتها مفتوحة
شلي يمنع انها تكمل وناستها ؟

شلي يمنع ان في هاليوم الزوج يشل عنها مسؤوليتها في البيت
يجوف اليهال يقعد معاهم و غيره وغيره ؟

هذي وجهة نظري طبعا مب ملزمة يا اخوي بو خالد
بينما أرى ان التقييد بشكل عام مضر و خاصة مع نساء هذه الأيام ،،
يعني مثلا انتي تبينها تقعد لين الساعه كم المره او البنت !!

انتي لين الساعه كم تجلسين ؟

الموضوع يا اخوي خالد مب موضوع طقاقة ( لأن كل انسان حر في نفسه )

الموضوع عندما تطرقت للطقاقات ،، ان البعض يكون اساس رفضه
او تحديد الوقت هو عدم مسامحته لزوجته انها تحضر عرس فيه طقاقات
هذا يحق له ( لأنه ما يبي يتحمل وزر سماعها للموسيقى و الأغاني )
لذلك يحدد لها وقت تحضر اتسلم و تطلع ،،
بينما اللي ما عندهم مانع كان كلامي موجه لهم ،،

لذلك وجب التوضيح من خلال ردي هذا ،،

وانا كذلك

[ام السعف]

يعني مثلا انتي تبينها تقعد لين الساعه كم المره او البنت !!

انتي لين الساعه كم تجلسين ؟


وانا كذلك

جوف يا بو خالد ،، مب انا لمتى ابيها تقعد ،، انا ابي المرأة تشعر من نفسها
انها المفروض اترد لأن الزوج انسان يستحق انها ما اتثقل عليه ،،

ما بي المرأة اترد علشان لو تأخرت أكثر بتنام على هوشة او نفسية
وصخة من زوجها ،،

اما اذا سألت عني ،، انا احترم رغبة بو العيال ،، لدرجة اني صرت اضبط نفسي
على وقت معين ،، ادخل أأدي الواجب و اطلع ،، فبرمجت نفسي على هالشي ،،
و مرات كثيرة اوضح اني ممكن اتأخر ( أخذ الأذن)
تأخرت اكون بريت ساحتي ،، ما تأخرت ما في شي بيتغير ،،

فالموضوع مب ان المرأة في كل عرس بتلقاها رادة البيت على الساعة 12
او الساعة 1 ،،،

بس لا اتقيدون المرأة وخاصة في زمننا هذا ،، كونوا متفاهمين معاها
زمان الأمهات اللي لو ارجعت لها البنت وهي معصبة على زوجها
و تقول لها هذا زوجج اصبري عليه و اسمعي كلامه وان كان الزوج خطأ
هذا زمان ولى وراح ،، اصبحنا في زمن دعاة حرية المرأة لهم
الكلمة الطولى ،، فالأنسب ان نحاول ان نشرك الرجل و المرأة في حياة
تفاهمية أكثر من ان نفرض على المرأة قييود لمجرد ان الرجل يريد ذلك ,,

[روض]

الحمدالله انا اطلع 10 سواء العرس كان عرس اختى او اخوى اوقريب اوبعيد مب لازم اقعد الى العشا او الين العروس تطلع ولا يدخل المعرس بصراحه انا وراى بزران هم اهم من العرس واهله اطلع بدرى عشانهم وهذا قرار منى مو زوجى فارضه على ابد^_^

[مرتبش]

المشكلة اذا كل كم يوم عرس
وكل كم يوم مناسبة اجتماعية ( مولود- زيارة مريضة - عزيمة --- الخ) ..الشهر كله كم يوم

واذا هي تعمل صباحا كالكثيرات ...فأين رعاية البيت اللي هي الاولوية نمبر ون.

[ANONYMOUS]

الحمدالله انا اطلع 10 سواء العرس كان عرس اختى او اخوى اوقريب اوبعيد مب لازم اقعد الى العشا او الين العروس تطلع ولا يدخل المعرس بصراحه انا وراى بزران هم اهم من العرس واهله اطلع بدرى عشانهم وهذا قرار منى مو زوجى فارضه على ابد^_^



بارك الله فيج

نعم المرأه ونعم التفكير والمنطق

[قطر501]

والله الحل الظاهر عند الرجل من حقه يمنع الزوجته الذهاب للعرس اذا مكان عرس مهم وكذلك يحدد لها الوقت المناسب للخروج ان شاء الله العروسه عمرها ماطلعت عليهم المهم ادت الواجب وسلمت وخلاص

[eXpert*]

تبي العروس تدخل بكامل زينتها قاعة الرجل ( طبعا كلام له مغزى )

بينما المغزى من دخول الرجل وان كان هناك من يمانع
لن يلحق الرجل إثم وجرم شرعي من الكتاب و السنة ،،


فِي هَذِه الْمَسْأَلَة مَا لَايَجُوْز لِلْمَرْاة الْمُفْتَرَض لَا يَجُوْز لِلْرَّجُل .

خُصُوْصَا أَن هُنَالِك مِن الْنِّسَاء مَن لَايِمِتُون بِصِلَة لِلْمُعَرِّس وهُو لَيْس مُحَرَّم لَهُن و مُحَرَّمٌ عَلَيْهِن !!


وَاللَّه مِن وَرَاء الْقَصْد

[اسعاف]

اخوي بو خالد 2 ،،

اتكلم عن الأهل نفسهم ،، مب يوم يحضرون العرس ،،

للأسف الشديد الرجل لا يقدر حاجة المرأة الى التغيير ،، و التنفيس و الخروج
بينما يعطي نفسه الحق في ذلك ليش ؟ لأنه رجل ،،

يحدد للمراة اشكثر تقعد في العرس ،، و ان عليها انها ما اتطول اكثر من نص ساعة
بينما لو قال لها تبرزوا بروح عرس فلان بسلم و برد اعشيكم مثلا
يتجهزون اللي في البيت كلهم و ينطرون ،، وهو وينه ؟
اوه ما رضوا يخلوني اطلع قبل ما اتعشى و احلفوا علي ،،

ويتأخر الوقت مع سوالفه مع اصدقاء الفريج او الصحبة المدرسية ،،

كلامي مب معمم لكل الرجال ،، بينما الرجل صار يتدخل في كل شي
حتى في لون الروج اللي زوجته ممكن اتحطه على اساس انه رجل و له كلمة عليها ،

بينما البعض الآخر فاهم ان من حرية المرأة انها تفعل ما تريد من دون قيود،،
فأصبحت المرأة تتقاذف ما بين التفريط و التشديد ،،

ومن هالمنطلق ،، اصبح الرجل لا يعي قوامته الا من خلال الضغط على المرأة
بينما دعاة حرية المرأة يدخلون و يزينون لها حريتها المسلوبة وان كانت مخالفة
للشرع و الدين ،،

وحجي اسعاف الله يهداه متفرغ لمثل هالمواضيع
بينام يدخل لك ليبرالي يتكلم عن جلسة شاعرية ما بين الزوجين ،،

عني لا ابحث عن الحرية في مثل هالعمر
بس خفوا على البنات و تقربوا لهم ،، اشفيها لو الرجل في الأسبوع مرة
اضطر انه يوصل هله العرس و يرد البيت و ينتظر حزة خروجها من عرس
اقرباءها او احدى بنات احدى صديقاتها او بنت الجيران او بنت صديق الزوج
او .... او ...... او ......

قول اجازة تقعد فيها مع الحريم يضحكون و يسولفون ترى الموضع مب
متعلق في العشا ،، ممكن الوحدة تتعشى قبل لا اتروح العرس ،،
بس المشكلة في التضييق على المرأة كأنها ملك للرجل يفصل لها
اللي هو يحب يجوفه عليها ،، من غير ما يعير المرأة احقيتها في الاستمتاع
بشخصيتها ،،

انت مب ام السعف

انت ام العقل:nice:

[واحد ثقة]

الحل بأيدي الرجال إن كانوا صالحين وغيورين ،،

[اسعاف]

لو ما يسوون عروس احسن
والا اقول

لو يصبون بترول على الحريم و يحرقونهم يكون احسن و احسن
علشان الوحدة تتشوه و تستحي تطلع جدام الناس ،،:shy:

:eek5::eek5:

بسم الله عليك يا ام السعف

عسى ما شر

ايش الي خلاك اتقولين هذا الكلام

وانت العاقلة؟؟

ليكون انتي من (الكويت)الضرة التي حرقت خيمة عرس ضرتها هناك

[Locale]

الحل بيد العروس والمعرس 9 ونص تدش العروس
والمعرس يدش 10 وربع ...
وربع ساعه ويللا العشا

اساسا متى مافتحوا البوفيه خلاص الناس تاكل وبتطلع ..

[اسعاف]

والله انا اشوف السبب الاول والاخير للرجل يقدر يحدد لها وقت وبتلتزم فيه مب يخليها على راحتها انا اخواني الله يحفظهم يودوني اي مناسبه بحكم ما نأاايد ان يكون في سايق بالبيت بس لان انا ما احب اروح الاعراس وااااايد بس لما اروح انا احدد لهم الوقت اقول لهم بروح 9 بالضبط و10 ونص تكون عندي يقولون لي مسرع اقول لهم بس انا رايحه اوجب مب رايحه ابات واذا على العشاء كثر الله خير المطاعم امر على اي مطعم واخذ اللي ابيه او اكل شي خفيف لين رجعت البيت وانا استغرب على اللي يقولون ما نطلع الا لما يدش المعرس خير ليش عشان التعليقات اشكره وبعدين مصير اللي عزمتج بترويج الصور بعد ليش انطر واشوف خير فراغه بس اذا امي راحت معاي تخليني اطلع متاخر على 11 او 11 ونص لا وبعد مع حنتي بالزور ما احب اطول بس البعض يطول لان هم عودوهم ولا اخرتها ترجع مع السايق عادي عندهم..حلات الوحده اذا بتتاخر واااااااايد تتاخر على عرس حد من اهلها مب كل عرس..والله انا استغرب على المتزوجه خاصة اذا عندها عياااال وكل يوم في عرس وين احنا قاعدين ..

في امرأة جات العرس مع ابتها ذات ال10 سنين

البنت مسكينة نامت في السيارة قبل ما يدخلون الصالة

تورطت الأمن في بنتها!!!

قالت حق السايق

يا خان :روح البيت ونزل بنتي في البيت وبعدين تعال

راح (خان )البيت واراد ان ينزل البنت(فرآها قمة في الجمال مع ظهور اشياء من مفاتنها

فلم يملك نفسه وثارت شهوته واغتصبها

ثم ندم

وسلم نفسه لصاحب البيت متحسرا نادما بعد ان اذهب عفت الطفلة

ولا تسألوني عن ردود فعل ابوها

وكيف حال امها لما علمت

ولكن السؤال :من المسؤول عن هذا الشئ؟

[اسعاف]

مب شرط تشوف كل هذا
اهم شي انها تواصلت معاهم وباركت لهم
يعني اذا ماشافت العروس ولا المعرس بيصير شي
واذا ماتعشت بتجوع
انا عن نفسي اروح اقعد نص ساعه واطلع نادرا ماقعد ساعه
اهم شي وصلت لهم وباركت
الا اذا هم هلي بعد ماتاخر
معاك حق اذا عصبت
الله يهدينا جميعا

اتصدقون يا حريم

ان احه الحريم احسن منكم

انصلي المغرب معاه في الصالة

واننسلم عليه وانتقهوة وانتطيب وانتوكل على الله قبل ما يؤذن العشا

كل ذلك مراعاة لكن يا بنات حواء

[باظلوف]

اعتقد ان حفلات الزواج مرة في شهر او أقل

يعني ليش نستخسر علي زوجاتنا وبناتنا وامهاتنا انهم يطلعون يوم ويستانسون فيه

ليش نكدر عليهم يعني

ماشوفها مشكله كبيرة ان اتنازل بالكثير 3 مرات في الشهر عشان خاطرهم :)

[اسعاف]

الحل بيد العروس والمعرس 9 ونص تدش العروس
والمعرس يدش 10 وربع ...
وربع ساعه ويللا العشا

اساسا متى مافتحوا البوفيه خلاص الناس تاكل وبتطلع ..

اهل المعرس من الرجال مساكين

يخلص عرس الرجال وينصرف الناس

والمعرس واهله قاعدين في الصالة
ليش ما اتروح يا عريس تدخل على زوجتك

قال وهو يتنهد الصعداء

ياريت الأن آروح الصالة

جاتني اوامر شديدة اللهجة من امي واخواتي واهل الزوجة

بعد الحضور قبل إلا بعد الساعة ال11 ليلا

(علشان يستانسون في العرس مع العروس )

والمعرس منهد حيلة

وينتظر فراغة الحريم

شفتوا كيف يالحريم انكم ماخذين حقوق الرجلّّّ

[اسعاف]

اعتقد ان حفلات الزواج مرة في شهر او أقل

يعني ليش نستخسر علي زوجاتنا وبناتنا وامهاتنا انهم يطلعون يوم ويستانسون فيه

ليش نكدر عليهم يعني

ماشوفها مشكله كبيرة ان اتنازل بالكثير 3 مرات في الشهر عشان خاطرهم :)

ياعيني على الحنية

[ANONYMOUS]

اعتقد ان حفلات الزواج مرة في شهر او أقل

يعني ليش نستخسر علي زوجاتنا وبناتنا وامهاتنا انهم يطلعون يوم ويستانسون فيه

ليش نكدر عليهم يعني

ماشوفها مشكله كبيرة ان اتنازل بالكثير 3 مرات في الشهر عشان خاطرهم :)

نوديهم ونص ..

و واجب علينا اذا حد دعانا لعرس.. نروح ونبارك له

بس نقطة الخلاف في الوقت

11 بالكثير اوكي ------ ويكند
10.. يوم عادي

[ورقــة أمــل]

عاد انا بقعد لين استانس واتعشى واشوف الاودام وارجع

مالي شغل في احد

على الاقل مرة او مرتين في الشهر لازم الرجل يراعي مرته او اهله

يعني لزقة عنزروت يبيها 24 ساعة عنده

خل يفارج شوية اففف

وشفيها لو وداها ويابها من كثر الاعراس الحين

اللي يسمعكم يقول كل يوم عرس ولا كل يومين

وبعض الرياييل لو رايح العزبة مع ربعه ولا رحلة قنص ولا صيد يرجع الفجر ولا حد يقوله شي

ولين جا يوصل مرته ولا خواته ولا يجيبها قال انا عيزان وفكونا وشوفو لنا حل

اهم شي راحتهم ووناستهم وراحة المره ووناستها حراام

[بوحارب]

في امرأة جات العرس مع ابتها ذات ال10 سنين

البنت مسكينة نامت في السيارة قبل ما يدخلون الصالة

تورطت الأمن في بنتها!!!

قالت حق السايق

يا خان :روح البيت ونزل بنتي في البيت وبعدين تعال

راح (خان )البيت واراد ان ينزل البنت(فرآها قمة في الجمال مع ظهور اشياء من مفاتنها

فلم يملك نفسه وثارت شهوته واغتصبها

ثم ندم

وسلم نفسه لصاحب البيت متحسرا نادما بعد ان اذهب عفت الطفلة

ولا تسألوني عن ردود فعل ابوها

وكيف حال امها لما علمت

ولكن السؤال :من المسؤول عن هذا الشئ؟


:weeping::(

[هتـان قطر]

المشكلة الحين وين بالضبط ؟؟

هل انتظار الزوج لزوجته خارج الصالة ..والا انتظاره لها في البيت..؟

انا عن نفسي مرتاحة اروح مع السايق ولابد نكون 2 او اكثر اما بناتي

او احد قريباتي نروح مع بعض ونرد مع بعض بشرط قبل 12 نكون في البيت

واحيانا من انفسنا نبارك ونقعد ساعة ونطلع...ولا فيه اي اشكالية

[المخباط]

في امرأة جات العرس مع ابتها ذات ال10 سنين

البنت مسكينة نامت في السيارة قبل ما يدخلون الصالة

تورطت الأمن في بنتها!!!

قالت حق السايق

يا خان :روح البيت ونزل بنتي في البيت وبعدين تعال

راح (خان )البيت واراد ان ينزل البنت(فرآها قمة في الجمال مع ظهور اشياء من مفاتنها

فلم يملك نفسه وثارت شهوته واغتصبها

ثم ندم

وسلم نفسه لصاحب البيت متحسرا نادما بعد ان اذهب عفت الطفلة

ولا تسألوني عن ردود فعل ابوها

وكيف حال امها لما علمت

ولكن السؤال :من المسؤول عن هذا الشئ؟
انت بتقلبها تراجيديا وافلام هندية :weeping:بعد
طيب الأب ليه ما وصل مرتة وبنته من الاساس:anger1:
يأخي احترم عقولنا :rolleyes2:

[حليتان*]

اسعاف ياخوك خل يستانسون

اول شي الحريم مب كل يوم عندهم عرس ..عروسهم بين وبين ومن 10 عروس مايرحون غير 2

وما اعتقد ان وحده معزومه على عرس ناس مب قراب منها بتروح وبتتاخر في العرس حدها لين 11 وهاي اصلا اذا راحت ..


اغلب العروس الي يتاخرون فيها اهالينا هم عروس ناس اقراب منا واايد


وبس ...

[جرح الزمان]

اخوي اسعاف اذا وصلت لنتيجه بلغني

[eXpert*]

يا جَمَاعِة الْسَّالِفَة لَيْسَت سَالِفْة تَأَخَّر وَقْت وَحَسْب .

أَنَّمَا عَوْدَة الْعَائِلَة الْكَرِيْمَة مَا بَعْد مُنْتَصَف الّلَيْل مَع الْسَّائِق ،، أَتَوَقَّع هَذَا أَهمّ الْمُحَاوِر الَّتِي طَرَحَهَا الْأَخ (اسْعَاف)

[ام السعف]

:eek5::eek5:

بسم الله عليك يا ام السعف

عسى ما شر

ايش الي خلاك اتقولين هذا الكلام

وانت العاقلة؟؟

ليكون انتي من (الكويت)الضرة التي حرقت خيمة عرس ضرتها هناك


اسم عليك و على الجميع
اتييني حالة ما ادري اشلون ما احس بنفسي يا حجي اسعاف
الا اني لازم احرق العالم ( نصيحة تجنبني في مثل هذه الحالة )

[ماريسا]

لو ما يسوون عروس احسن
والا اقول

لو يصبون بترول على الحريم و يحرقونهم يكون احسن و احسن
علشان الوحدة تتشوه و تستحي تطلع جدام الناس ،،:shy:


يا لهوي !!!:omg::omg::omg:

[ام السعف]

يا جَمَاعِة الْسَّالِفَة لَيْسَت سَالِفْة تَأَخَّر وَقْت وَحَسْب .

أَنَّمَا عَوْدَة الْعَائِلَة الْكَرِيْمَة مَا بَعْد مُنْتَصَف الّلَيْل مَع الْسَّائِق ،، أَتَوَقَّع هَذَا أَهمّ الْمُحَاوِر الَّتِي طَرَحَهَا الْأَخ (اسْعَاف)


حجي اسعاف جمع الأكل كله في جدر واحد ،،

يقول اولا : عرس الرجال ما فيه تأخير
ثانيا : الحريم لدشوا العرس ما يطلعون الا متعشيين،،
ثالثا : لو ما تعشوا بينجبر يعشيهم ( وهو بصراحة ما يبي يوقف عند المطاعم)
رابعا: عروسهم كثيرة و في الأسبوع يضطر للمعاناة مرتين
فهو يقترح ( اعتقد مستحي يكتبها ) يعشون الناس اول ما يدشون
واللي تبي تقعد خلها تقعد واللي ما تبي تقعد لا يكون عذرها
انها تأخرت علشان العشا :(

[ام السعف]

يا لهوي !!!:omg::omg::omg:

هو كان مجرد اقتراح في حالة مزاجية مب طيبة ،،
والسبب مواضيع الحجي اسعاف ،، فلا تخافين كلش تراني أليفة وما اسوي شي :shy:

[لاجل QT]

الحل يسون العرس الصبح ..:nice:

[حليتان*]

حجي اسعاف جمع الأكل كله في جدر واحد ،،

يقول اولا : عرس الرجال ما فيه تأخير
ثانيا : الحريم لدشوا العرس ما يطلعون الا متعشيين،،
ثالثا : لو ما تعشوا بينجبر يعشيهم ( وهو بصراحة ما يبي يوقف عند المطاعم)
ثالثا: عروسهم كثيرة و في الأسبوع يضطر للمعاناة مرتين فهو يقترح ( اعتقد مستحي يكتبها ) يعشون الناس اول ما يدشون
واللي تبي تقعد خلها تقعد واللي ما تبي تقعد لا يكون عذرها
انها تأخرت علشان العشا :(

امااااااااااا

ماشاء الله معارفهم واايد :nice:

انا الاهل عروسهم يمكن في شهرين عرسين او عرس واحد
لا وبعد يمكن ما يرحون ههههه


وليش ثالثا مرتين؟

[excited]

متابعة معاكم بصمت:nice:

[ام السعف]

امااااااااااا

ماشاء الله معارفهم واايد :nice:

انا الاهل عروسهم يمكن في شهرين عرسين او عرس واحد
لا وبعد يمكن ما يرحون ههههه


وليش ثالثا مرتين؟

انت لاحظت ان ثالثا مرتين ؟
اتصدق اني ماانتبهت ،، خلها عندك مرتين للذكرى
باروح اعدلها واخليها مرة،،:shy:

[Navigator 85]

هو كان مجرد اقتراح في حالة مزاجية مب طيبة ،،
والسبب مواضيع الحجي اسعاف ،، فلا تخافين كلش تراني أليفة وما اسوي شي :shy:

هههههه والله اني اخاف اتزوج

وتحرقني ام العياال خخخخخخ

احسن حل راح اصير نصير المرأة

[Navigator 85]

الحل يسون العرس الصبح ..:nice:

انا يوم شفت الرد

قعدت اسئل نفسي

شبابنا وبناتنا قاموا يقلدون الاجانب في الشين والزين

ليش مايقلدون الاجانب في العرس ويخلونه الصبح

صدقوني بتصير موضة السنة

[اسعاف]

انت بتقلبها تراجيديا وافلام هندية :weeping:بعد
طيب الأب ليه ما وصل مرتة وبنته من الاساس:anger1:
يأخي احترم عقولنا :rolleyes2:

حوادث الدوحة هذه قبل عشر سنوات ان كان لك عقل يتذكر

[اسعاف]

الحل يسون العرس الصبح ..:nice:

ذي فكرة عجيبة

بس اشلون نعملهه؟

[مساهمة]

بيييييه والله انكم مكبيريين السالفه:eek5:

يعني الوحده كم عرس بتحضره خلال السنه ؟!

ماادري يمكن النسبه تختلف من بيئة لين بيئة بس انا اتكلم عن الووضع عندناا ..

اعرااس الاهل المقربين هي اللي نقعد فيها لين 1 او 2 .. واذا بتحسبها مرتين في السنه بالكثير!

يعني شبيصييير اذا نطرت اهلك يومين من 360 يوم :omen2:

اما الاعراس اللي نكون معزومين عليها وبعد اكييد ماراح تكون كل يووم .. 11 ولا 11ونص بالكثير

وخلاص .. لان الهدف تأدية الواجب ((بس بما ان الوحده كشخت وتعبت على نفسها بتقعد اكثر شوي:shy: ))



يعني بااختصار مااشوف ان الموضووع معضله لهدرجه ..الا في حالة ان الوحده ماتصدق تجيها بطاقه .. وكل بطاقه بتروح وتبي تشووف كل تفاصيل العرس ..اهني نقوول الله يعيين اللي بياخذها من العرس :)


وبثثثث :)

[مساهمة]

انا يوم شفت الرد

قعدت اسئل نفسي

شبابنا وبناتنا قاموا يقلدون الاجانب في الشين والزين

ليش مايقلدون الاجانب في العرس ويخلونه الصبح

صدقوني بتصير موضة السنة

والداوامااات :rolleyes2:
والجمعه .. بتداركهم صلاة الجمعه ..
بيصيير بس السبت .. وعلى هالاساس بتصير الخيارات محدووده ..
فـ اللي يخطب سنـة 2010 .. مايجي دوره لحجز القاعه الا 2014 :eek5:

خلكم عملييين بليييز:eek2:

[وطن]

سؤال
المرأه كم عرس تحضر في الشهر !!!
يتهيأ لي كل شهر مره او كل كم شهر !!!

مو عادة اسبوعية عشان تتذمروون منها اخوي
واللي تروح كل اسبوع الصراحة الله يعينها .. تعب نفسي وجسدي

الله يعطيكم العافية وتوصلون حريمكم وتونسوونهم وتكسبون فيهم اجر

[قطريه ماركه]

الحل عند أهل العروس و اهل المعرس ...

اذا العروس انزلت وهل و المعرس نفس الشي ..

و حطوا عشاهم 9ونص 10 بالكثير ..

مايصير 10 ونص 11 إلا القاعة فاضية ...

و هاااي اللي قاعدين نطبقه في أعراس المقربين جدا ...

[سمو]

اخوي إسعاف يعطيك العافيه وأأأييييييدك وأبصم ع العشر في هالطرح

لأني من المتضررين من هالسالفه عن نفسي وين ووين لين رحت عرس وما اروح إلا الي مالي بد منهم وإن رحت ما أزيد عن 11والسبب ما احب اتأخر عن البيت والعيال وأبو العيال إلي بالطبع يوصلني ومن سابع المستحيلات أروح بسيارتي عرس ولين ييت ابغي أطلع تصيدني ام العروس او المعرس او حدا أهلهم وتحالف وتالف ما تطلعون بدون عشا طيب الساعه 11 لين كم بنقعد !!! وإذا قدرنا نزوغ لا بد من المرور على مكان ناخذ عشى يعني أأيدك وعايشين نفس الموضوع الي عديته

يا زين العروس لين انزلت ثمان ونص مثل قبل والمعرس إن كثر عشر والناس تتعشى عشر ونص الي يبي يتم يتم والي يبي يروح يروح بس آآخر عرس احضرته الوالده اتصلت فيها وحده إلا ربع وما حطوا العشى وعليه حالفه عليها ام العروس ما تطلع بدون عشى وهي استحت صراااااحه ,, أووووووفر

بارك الله فيك أخوي ,,وعساها تكون دعوة وسنه يتبعها الناس وتلقي أجرها إن شاءالله

[لاجل QT]

انا يوم شفت الرد

قعدت اسئل نفسي

شبابنا وبناتنا قاموا يقلدون الاجانب في الشين والزين

ليش مايقلدون الاجانب في العرس ويخلونه الصبح

صدقوني بتصير موضة السنة

ههههه انا اقول الصبح احسن على الاقل الوحدة تكون فرشش ..بس المشكلة انة يسونة يوم دوامات نطر نغيب يعنى ماسوينا شي .. ان سوة في الليل غبنا عن الريل ..والصبح غبنا عن الدوام..:rolleyes2:

[محمد2]

انا اقول مثل ما قلت قبل (ان الحل بيد الدولة والحل هو اغلاق قاعات ألأعراس بعد الساعة 12 منتصف الليل)

راجع الرابط

http://www.qatarshares.com/vb/showthread.php?t=352175&page=3

[الفوت]

كلام كبيرررررررررررر ولازم انشوف حل صاااااااارم

مع تحياتي

[المبرمج صلاح]

يسوون نفس ماسويت في عرس اختي

خليتهم يكتبون في البطاقات ، ان العرس بيبتدي سبع ونص وبينتهي عشر ونص وذيلتها بــ"نرجوا الالتزام بالوقت المحدد لعدم الاحراج" واللي نعطيهم البطاقات نرجع نأكد عليهم عن سالفة الوقت ان عشر ونص بنطلع خلاص عشان يلتزمون

وماصارت ثمان ونص والا القاعة صارت مليانة والله دخلت عالتسع وربع المهم كان وقت المغادرة مع العشر ونص وناس تمت لي 11 مب مشكلة ، المهم انها كانت في غرفتها بالضبط شفت الساعه 11,30 واحنا ماصارت وحده الا ربع الا احنا فالبيت وصلى الله وبارك على سيدنا محمد


لحد ماتنتشر هالسالفة والكل يقوم يسويها ويخف التأخير اللي من غير داعي .. اصلا ماله معنى التأخير كلش
ما شاء الله عليكي الحل الامثل لهذه المشكلة ربنا يحفظك ويبارك فيكي

[المبرمج صلاح]

طبعا :انا سواق الأهل ولا عيب

(لأني ارفض ان يدخل رجل اجنبي في بيتي او ان يختلي بأهلي ولو بوجود خادمة معهن )


ما شاء الله عليك اخوي بارك الله فيك ونعم الشباب والرجال ياريت الباقيين يسمعو هالكلام

[اسعاف]

الحل عند أهل العروس و اهل المعرس ...

اذا العروس انزلت وهل و المعرس نفس الشي ..

و حطوا عشاهم 9ونص 10 بالكثير ..

مايصير 10 ونص 11 إلا القاعة فاضية ...

و هاااي اللي قاعدين نطبقه في أعراس المقربين جدا ...

اشهد انك ماركة اصلية

[اسعاف]

اخوي إسعاف يعطيك العافيه وأأأييييييدك وأبصم ع العشر في هالطرح

لأني من المتضررين من هالسالفه عن نفسي وين ووين لين رحت عرس وما اروح إلا الي مالي بد منهم وإن رحت ما أزيد عن 11والسبب ما احب اتأخر عن البيت والعيال وأبو العيال إلي بالطبع يوصلني ومن سابع المستحيلات أروح بسيارتي عرس ولين ييت ابغي أطلع تصيدني ام العروس او المعرس او حدا أهلهم وتحالف وتالف ما تطلعون بدون عشا طيب الساعه 11 لين كم بنقعد !!! وإذا قدرنا نزوغ لا بد من المرور على مكان ناخذ عشى يعني أأيدك وعايشين نفس الموضوع الي عديته

يا زين العروس لين انزلت ثمان ونص مثل قبل والمعرس إن كثر عشر والناس تتعشى عشر ونص الي يبي يتم يتم والي يبي يروح يروح بس آآخر عرس احضرته الوالده اتصلت فيها وحده إلا ربع وما حطوا العشى وعليه حالفه عليها ام العروس ما تطلع بدون عشى وهي استحت صراااااحه ,, أووووووفر

بارك الله فيك أخوي ,,وعساها تكون دعوة وسنه يتبعها الناس وتلقي أجرها إن شاءالله

اكره شئ واحد يحلف على الأخر ان يعمل كذا (يتعشى)يعني يجبرك وانت مكره

[شاهيناز]

كلامك صحيح

الحمدلله انا قاطعت الاعراس
لانها صارت متعبه وممله

مكتوب في البطاقه الحضور 8 نروح 8
الشيخه العروس تجي 12
بعض الاحيان 1 صباحا

وبعد ال1 تجي المطربه ولا المطرب

قبل يحطون لنا دي جي ولا طباله ولا فرقه تصدعنا

يعني متى نرد البيت

مره رحت تمينا ننتظر عبد المجيد قالو شوي بيجي شوي بيجي

لين 1.30 جا عبد المجيد واحنا من المغرب ننتظر نص ساعه بس خلونا نسمعه ونروح
وبعدها قلت خلاص ماروح اعراس تعب ونتتظر ونرد البيت حدنا تعب

بعد مافي كوفي في الاعراس كله شاي وانا مدمنه كوفي

الحل يحددون نهايه العرس
مافي داعي لساعه 4 وبعض الناس 5 الفجر والموضه يقدمون الفطور
ناس ماعندها سالفه

[اسعاف]

بيييييه والله انكم مكبيريين السالفه:eek5:

يعني الوحده كم عرس بتحضره خلال السنه ؟!

ماادري يمكن النسبه تختلف من بيئة لين بيئة بس انا اتكلم عن الووضع عندناا ..

اعرااس الاهل المقربين هي اللي نقعد فيها لين 1 او 2 .. واذا بتحسبها مرتين في السنه بالكثير!

يعني شبيصييير اذا نطرت اهلك يومين من 360 يوم :omen2:

اما الاعراس اللي نكون معزومين عليها وبعد اكييد ماراح تكون كل يووم .. 11 ولا 11ونص بالكثير

وخلاص .. لان الهدف تأدية الواجب ((بس بما ان الوحده كشخت وتعبت على نفسها بتقعد اكثر شوي:shy: ))



يعني بااختصار مااشوف ان الموضووع معضله لهدرجه ..الا في حالة ان الوحده ماتصدق تجيها بطاقه .. وكل بطاقه بتروح وتبي تشووف كل تفاصيل العرس ..اهني نقوول الله يعيين اللي بياخذها من العرس :)


وبثثثث :)

ههههههههههههههههههههههه

[هبوب الشمال]

والله الموضوع ما يبلها ريال يحكم او يغصب المره على الرجوع بدري

الموضوع يبي له مره تفكر في بيتها وريلها وعيالها وتعرف الطريق العدل من الطريق العوي

مهب لازم تقعد لين العشا تروح تبارك من الساعه 9 لين 10 وما تجي 10:30 الا هي في بيتها

هذا واحنا في الشمال نكون رايحين للعرس في الدوحه وما تجي 10:30 ولا 11 الا احنا واصلين بيوتنا ومستعدين للنوم

شخانه المره وهي في الاعراس تهيهي لين اخر الليل والريل والعيال في البيت

هذا مب سنعنا ولا سنع اهالينا

[اسعاف]

والداوامااات :rolleyes2:
والجمعه .. بتداركهم صلاة الجمعه ..
بيصيير بس السبت .. وعلى هالاساس بتصير الخيارات محدووده ..
فـ اللي يخطب سنـة 2010 .. مايجي دوره لحجز القاعه الا 2014 :eek5:

خلكم عملييين بليييز:eek2:

بالعكس

اذا ناس عملوا عرسهم في الصبح وناس في الليل بترخص الصالات لوجود فراغ كبير في الحجز

[اسعاف]

والله الموضوع ما يبلها ريال يحكم او يغصب المره على الرجوع بدري

الموضوع يبي له مره تفكر في بيتها وريلها وعيالها وتعرف الطريق العدل من الطريق العوي

مهب لازم تقعد لين العشا تروح تبارك من الساعه 9 لين 10 وما تجي 10:30 الا هي في بيتها

هذا واحنا في الشمال نكون رايحين للعرس في الدوحه وما تجي 10:30 ولا 11 الا احنا واصلين بيوتنا ومستعدين للنوم

شخانه المره وهي في الاعراس تهيهي لين اخر الليل والريل والعيال في البيت

هذا مب سنعنا ولا سنع اهالينا

كلام درر

ومب عجيب انه صادر من وحدة من اقربانا (من بنات الشمال )

الله يبارك لكم في سنعكم وعاداتكم

والله لا يغير عليكم هذه العادات الطيبة الأصيلة

اخوك الشمالي

اسعاف

[شيزكيك]

الصراحه قبل العروس تدخل القاعه على ال9 والمعرس 11 وعلى طول العشا والناس تتعشى وتمشى

الحين العروس تنزل 10 ونص المعرس 12 والعشا يتاخر ويطيح في شبدهم

حلاته العشا يتقدم اول ما تكتمل القاعة بالناس مش اول ما يشرف المعرس

[اسعاف]

اخوي إسعاف يعطيك العافيه وأأأييييييدك وأبصم ع العشر في هالطرح

لأني من المتضررين من هالسالفه عن نفسي وين ووين لين رحت عرس وما اروح إلا الي مالي بد منهم وإن رحت ما أزيد عن 11والسبب ما احب اتأخر عن البيت والعيال وأبو العيال إلي بالطبع يوصلني ومن سابع المستحيلات أروح بسيارتي عرس ولين ييت ابغي أطلع تصيدني ام العروس او المعرس او حدا أهلهم وتحالف وتالف ما تطلعون بدون عشا طيب الساعه 11 لين كم بنقعد !!! وإذا قدرنا نزوغ لا بد من المرور على مكان ناخذ عشى يعني أأيدك وعايشين نفس الموضوع الي عديته

يا زين العروس لين انزلت ثمان ونص مثل قبل والمعرس إن كثر عشر والناس تتعشى عشر ونص الي يبي يتم يتم والي يبي يروح يروح بس آآخر عرس احضرته الوالده اتصلت فيها وحده إلا ربع وما حطوا العشى وعليه حالفه عليها ام العروس ما تطلع بدون عشى وهي استحت صراااااحه ,, أووووووفر

بارك الله فيك أخوي ,,وعساها تكون دعوة وسنه يتبعها الناس وتلقي أجرها إن شاءالله

قبل فترة صديقي عرس ولده

وجعل العرس الي للحريم في بيتهم

وجاب احسن مطعم بوفيه في الدوحة (فوشون )

واترست البيت ورد وطاولات كشخة

وقامت ام المعرس وطرشت دعوى الزواج للناس
وفيها

ان الحفل يبدأ الساعة 7

وتدخل العروس الساعة 8

ويدخل المعرس الساعة 9

والعشاء الساعة 9 ونصف

إلا كل مرة في بيتهه متعشية ومستانسة

اشرايكم في هذه الفكرة؟؟

[اسعاف]

الصراحه قبل العروس تدخل القاعه على ال9 والمعرس 11 وعلى طول العشا والناس تتعشى وتمشى

الحين العروس تنزل 10 ونص المعرس 12 والعشا يتاخر ويطيح في شبدهم

حلاته العشا يتقدم اول ما تكتمل القاعة بالناس مش اول ما يشرف المعرس

انا آقول

ليش ما يكون عرس الرجاجيل قبل يوم

علشان المعرس ما يتأخر في الدخل عن العروس

وهذا الي فعلناه في عرس ولدي لما عرس

[ع.م]

ولو تطلع المره مع ريلها , ويتعشون مع بعض , أحسن و أبرك ..

اقتراح عجيب الصراحة..

أنا ماتهمني الأعراس كلش.. عادي عندي أسلم وأشرد.. حتى بدون ماأشوف العروس..

أصلا نظام الأعراس عندنا نظام فاشل خساير كبيرة ومحد يشوفها.. أحس فالمستقبل بتصير هالحفلات الضخمة أبسط بكثير والفلوس راح يستفيد منها المعرس والعروس.. وبدت تصير من الحين كذا حد أعرفه يكتفون بحفلات صغيرة في نوادي أو شي.. وتكون الحفلات بعد شهر العسل.. أرقى وأهدى و رومانسية أكثر.. وماينعزم الفريج كامل.. بس الناس اللي صج يحبون لك الخير وبيفرحون لك من قلبهم.. حتى المشاعر تكون أصدق.. ومارح يطلعون من العرس يتطنزون أو ينقدون.. لأنهم الأحبة والمقربين..

[بوخالد911]

شي يحير فعلا

يا حبذا لو يبكروون اشوي

ورانا دواام

[اسعاف]

انا اقول مثل ما قلت قبل (ان الحل بيد الدولة والحل هو اغلاق قاعات ألأعراس بعد الساعة 12 منتصف الليل)

راجع الرابط

http://www.qatarshares.com/vb/showthread.php?t=352175&page=3

انتوا كل مشاكلكم تبغون الدولة اتحلهه

وانتوا مالكم دور او تغيير للأمر الواقع

[اسعاف]

شي يحير فعلا

يا حبذا لو يبكروون اشوي

ورانا دواام

البلوى

ان احيانا تبغي تتصل اتريد اتعرف متى سوف تخرج المرأة

ولكن الجوال (محبوس عند الأمن النسائي في الصالة)فتبقى عند الصالة وتنام في السيارة من شدة التعب

[اسعاف]

كلام كبيرررررررررررر ولازم انشوف حل صاااااااارم

مع تحياتي

وين اقتراحك؟

[خفوق]

الموضوع هذا بعد صديقك هو اللي طالب منك اقتراح أو حل للمشكله<< كلش مو نغزه :)


أولا العروس مب من كثرها في السنه حسنه اشفيها اذا الحريم راحوا واستانسوا مستخسر عليهم الوناسه يعني هذيلا الشباب في الربيع كل ويكند يباتون في سيليين شالمشكله يعني حق وناستكم ترضون والحريم كل شي على راسهم
ثانيا معور قلبك سالفه العشا او مستخسر تمر المطعم علشانهم لو ماتعشوا خل يتعشون عليهم بالف عافيه
وبعدين العروس في قطر ماطول حدها بالكثير 12 أو 1 في الدول الثانيه يقعدون لي الفجر وينطرون بوفيه الفطر :)

وبعدين شهالمواضيع اللي بالمنتدى كلها عن الحريم مره مناشبين المطلقات على الالفين اللي ياخذونها والحين عن العروس اللي يغيرون فيها جو ويلتمون مع اهلهم وربعهم في السنه حسنه

شتبون منهم خلهم يعيشون حياتهم ولا تبيهم يموتون بعد عشان ترتاح :)

[اسعاف]

اقتراح عجيب الصراحة..

أنا ماتهمني الأعراس كلش.. عادي عندي أسلم وأشرد.. حتى بدون ماأشوف العروس..

أصلا نظام الأعراس عندنا نظام فاشل خساير كبيرة ومحد يشوفها.. أحس فالمستقبل بتصير هالحفلات الضخمة أبسط بكثير والفلوس راح يستفيد منها المعرس والعروس.. وبدت تصير من الحين كذا حد أعرفه يكتفون بحفلات صغيرة في نوادي أو شي.. وتكون الحفلات بعد شهر العسل.. أرقى وأهدى و رومانسية أكثر.. وماينعزم الفريج كامل.. بس الناس اللي صج يحبون لك الخير وبيفرحون لك من قلبهم.. حتى المشاعر تكون أصدق.. ومارح يطلعون من العرس يتطنزون أو ينقدون.. لأنهم الأحبة والمقربين..

الله الحريم مشكلة

المعرس كاشخ وانتوا تطنز وانتقاد

صج ما يعجبكم العجب ولا الصيام في رجب

[اسعاف]

الموضوع هذا بعد صديقك هو اللي طالب منك اقتراح أو حل للمشكله<< كلش مو نغزه :)


أولا العروس مب من كثرها في السنه حسنه اشفيها اذا الحريم راحوا واستانسوا مستخسر عليهم الوناسه يعني هذيلا الشباب في الربيع كل ويكند يباتون في سيليين شالمشكله يعني حق وناستكم ترضون والحريم كل شي على راسهم
ثانيا معور قلبك سالفه العشا او مستخسر تمر المطعم علشانهم لو ماتعشوا خل يتعشون عليهم بالف عافيه
وبعدين العروس في قطر ماطول حدها بالكثير 12 أو 1 في الدول الثانيه يقعدون لي الفجر وينطرون بوفيه الفطر :)

وبعدين شهالمواضيع اللي بالمنتدى كلها عن الحريم مره مناشبين المطلقات على الالفين اللي ياخذونها والحين عن العروس اللي يغيرون فيها جو ويلتمون مع اهلهم وربعهم في السنه حسنه

شتبون منهم خلهم يعيشون حياتهم ولا تبيهم يموتون بعد عشان ترتاح :)

حشه

هذا كلام وحده امعصبه

الله يعين ابو اعيالك

[Ussop]

خلهم يتأخرون شنو المشكلة؟! راح نموت لو ما خلينا الحريم يتأخرون ولا راح تصير كارثة ولا شسالفة بالضبط؟!

الأعراس يا دوب كم مرة في السنة، واحنا مستسخرين على أهالينا ينبسطون ويتونسون في هالأيام المعدودة بس علشان راحتنا... الحياة أخذ وعطى، يوم أنت تتعب لأجل وناستها ويوم هي تتعب.

الي يتشكى من هالشيء الغالب لوجود خلل في كيفية تعاملة مع امرته، مثل ما المرة تتنازل لك، أنت تنازل لها هالكم يوم... منت بخسران شيء...
وبعدين المتعارف عليه الزوج ينبسط لكثرة الأعراس، أحسن حريمنا يتعدلون في هاليوم (احم)!

إذا سالفة ردتهم مع الدريول، عيل شنهي وظيفة الرجال.
إذا السالفة سالفة كثر الأعراس وكون أم العيال اجتماعية، فليس كل الناس اجتماعيين، حتى نطرح القضية بهذا الشكل، فهذي حالة شاذة، لا تستدعي تعميم القضية على الجميع!

شكراً.

[clouds]

والله اعرف ناس يسوون مثل اللي تقوله بنت البحرين وناس كباريه ومعروفين في البلد كل اعراسهم تبدا 7 ونص وتنتهي 10...وهالشي معروف وانلاس ملتزمه في الجيه بسرعه والروحه قبل ال10..
وكان الله غفورا رحيما...

[اسعاف]

خلهم يتأخرون شنو المشكلة؟! راح نموت لو ما خلينا الحريم يتأخرون ولا راح تصير كارثة ولا شسالفة بالضبط؟!

الأعراس يا دوب كم مرة في السنة، واحنا مستسخرين على أهالينا ينبسطون ويتونسون في هالأيام المعدودة بس علشان راحتنا... الحياة أخذ وعطى، يوم أنت تتعب لأجل وناستها ويوم هي تتعب.

الي يتشكى من هالشيء الغالب لوجود خلل في كيفية تعاملة مع امرته، مثل ما المرة تتنازل لك، أنت تنازل لها هالكم يوم... منت بخسران شيء...
وبعدين المتعارف عليه الزوج ينبسط لكثرة الأعراس، أحسن حريمنا يتعدلون في هاليوم (احم)!

إذا سالفة ردتهم مع الدريول، عيل شنهي وظيفة الرجال.
إذا السالفة سالفة كثر الأعراس وكون أم العيال اجتماعية، فليس كل الناس اجتماعيين، حتى نطرح القضية بهذا الشكل، فهذي حالة شاذة، لا تستدعي تعميم القضية على الجميع!

شكراً.

وياريتهه المرأة تتعدل لزوجهه من غير ذهاب لعرس

[Ussop]

خلهم يتأخرون شنو المشكلة؟! راح نموت لو ما خلينا الحريم يتأخرون ولا راح تصير كارثة ولا شسالفة بالضبط؟!

الأعراس يا دوب كم مرة في السنة، واحنا مستسخرين على أهالينا ينبسطون ويتونسون في هالأيام المعدودة بس علشان راحتنا... الحياة أخذ وعطى، يوم أنت تتعب لأجل وناستها ويوم هي تتعب.

الي يتشكى من هالشيء الغالب لوجود خلل في كيفية تعاملة مع امرته، مثل ما المرة تتنازل لك، أنت تنازل لها هالكم يوم... منت بخسران شيء...
وبعدين المتعارف عليه الزوج ينبسط لكثرة الأعراس، أحسن حريمنا يتعدلون في هاليوم (احم)!

إذا سالفة ردتهم مع الدريول، عيل شنهي وظيفة الرجال.
إذا السالفة سالفة كثر الأعراس وكون أم العيال اجتماعية، فليس كل الناس اجتماعيين، حتى نطرح القضية بهذا الشكل، فهذي حالة شاذة، لا تستدعي تعميم القضية على الجميع!

شكراً.



وياريتهه المرأة تتعدل لزوجهه من غير ذهاب لعرس


ليتك تعلق على الرد بالكامل، أو تتركه بالكامل، مب تيود منه جملة وتكتفي بالتعليق عليها دون باقي النقاط :)

شكراً.

[qtrose]

طلعت مو بس أنا الي أعاني من هالسالفة :nice:


بس احنا أرحم من الدول الثانية ، على الأقل العرس عندنا ينتهي

تقريبا على الساعة 12 ، أما الدول

المجاورة عروسهم تستمر لين الصبح ثاني يوم :omen2:

[روض]

الاشرايكم انخلى العرس يبدا الساعه 4 العصر وتدخل العروس بعد صلاه المغرب وانحط العشا على الساعه 8 احسن من التاخير الى ماله داااعى

[بوحارب]

الاشرايكم انخلى العرس يبدا الساعه 4 العصر وتدخل العروس بعد صلاه المغرب وانحط العشا على الساعه 8 احسن من التاخير الى ماله داااعى

والله فكرة حلوة:happy:

بس فيه شي نسيتية

والمعرس ياخذ زوجته الساعة 8.30 ويروحون في سبيلهم :D

[اسعاف]

الاشرايكم انخلى العرس يبدا الساعه 4 العصر وتدخل العروس بعد صلاه المغرب وانحط العشا على الساعه 8 احسن من التاخير الى ماله داااعى

عفيه عليك على هذا الأقتراح

[اسعاف]

والله فكرة حلوة:happy:

بس فيه شي نسيتية

والمعرس ياخذ زوجته الساعة 8.30 ويروحون في سبيلهم :d

والله جبتهه يابو الحوارب

[اسعاف]

طلعت مو بس أنا الي أعاني من هالسالفة :nice:


بس احنا أرحم من الدول الثانية ، على الأقل العرس عندنا ينتهي

تقريبا على الساعة 12 ، أما الدول

المجاورة عروسهم تستمر لين الصبح ثاني يوم :omen2:

في السعودية بدأ الناس يغيروا من هذا الوقت المتأخر

عرس قريب لي هناك العام الماضي

وما دقت الساعة عشر إلا العرس منتهي وسافروا بعد نفس الليلة

[ام السعف]

الاشرايكم انخلى العرس يبدا الساعه 4 العصر وتدخل العروس بعد صلاه المغرب وانحط العشا على الساعه 8 احسن من التاخير الى ماله داااعى


آية على أيام أول من عقب صلاة العصر الطقاقات يهيجون في الحوش
كنت صغيرونة واراقب قلاصات الفيمتو اللي تنحط على ستاند و تنصب من درامات
خاصة فيها فيمتو و ماي و مب متذكرة شي ثاني غيرهم ،،

يدقون ومع كل أذان يوقفون وآخر شي يصيرالعرس :shy:
عقب صلا العشا مخلصين كل شي ،،

[ام السعف]

في السعودية بدأ الناس يغيروا من هذا الوقت المتأخر

عرس قريب لي هناك العام الماضي

وما دقت الساعة عشر إلا العرس منتهي وسافروا بعد نفس الليلة


حجي اسعاف يمكن العروس كانت سندريلا تمشي مع دقات الساعة :shy:

يمكن احنا انجرينا خلف مظاهر ما انزل الله بها من سلطان
فنضطر مرات نجامل اصحاب العرس و نجلس معاهم لين آخر شي
بحكم صلة القرابة و اداء الواجب ،،

بس بشكل عام لو يحددون الساعة 12 تغلق بعدها القاعات يكون أفضل
نفس إمارة الشاقة ،،

[ام السعف]

البلوى

ان احيانا تبغي تتصل اتريد اتعرف متى سوف تخرج المرأة

ولكن الجوال (محبوس عند الأمن النسائي في الصالة)فتبقى عند الصالة وتنام في السيارة من شدة التعب

عاد هذي مشكلتكم يا حجي اسعاف ،،

خذ لهم تلفون من غير كيمرا ،، انتوا كل شي اتدققون عليه :omen2:

[ام السعف]

خلهم يتأخرون شنو المشكلة؟! راح نموت لو ما خلينا الحريم يتأخرون ولا راح تصير كارثة ولا شسالفة بالضبط؟!
الأعراس يا دوب كم مرة في السنة، واحنا مستسخرين على أهالينا ينبسطون ويتونسون في هالأيام المعدودة بس علشان راحتنا... الحياة أخذ وعطى، يوم أنت تتعب لأجل وناستها ويوم هي تتعب.

الي يتشكى من هالشيء الغالب لوجود خلل في كيفية تعاملة مع امرته، مثل ما المرة تتنازل لك، أنت تنازل لها هالكم يوم... منت بخسران شيء...
وبعدين المتعارف عليه الزوج ينبسط لكثرة الأعراس، أحسن حريمنا يتعدلون في هاليوم (احم)!

إذا سالفة ردتهم مع الدريول، عيل شنهي وظيفة الرجال.
إذا السالفة سالفة كثر الأعراس وكون أم العيال اجتماعية، فليس كل الناس اجتماعيين، حتى نطرح القضية بهذا الشكل، فهذي حالة شاذة، لا تستدعي تعميم القضية على الجميع!

شكراً.


اشدراني يا اخوك ،،

الريال معيش نفسه امبراطور في عصر الجواري ،،

يبيها أنثى لقلبه ،، يبيها أم لعياله ،، يبيها مربية ويبيها طباخة و يبيها خادمة
ويبيها تمشي على كيفه و مزاجه ،، و فوق كل هذا يبيها تلبس اللي هو يحبه
ويونس له قلبه بغض النظر ان كانت هالشي هي ما اتحبه او
اتحبه او تكرهه او يحسسها انها ولا شي ،،
وتطلع الساعة الفلانية و اترد الساعة الفلانية ،، و تتعشى الوقت الفلاني
وما يتعب و يضايق نفسه عند باب المطعم على الساعة 10 او 10 نص
لأنها طيبت له خاطره واطلعت من العرس وما تأخرت ( الحجي مب لك يا حجي اسعاف )

هناك خلل في مكان ما ،، ياليت يااااااااااااااااليت نضع يدنا عليه،،

لان المرأة كااااااااااااااااااائن متكامل مستقل ،، له روح و نفس ورغبات
واحاسيس ( وينهم اللي ممكن يستوعبون ؟) لنبحث عنهم هيا بنا ،،،

[ام السعف]

وياريتهه المرأة تتعدل لزوجهه من غير ذهاب لعرس

لو تعدلت كل يوم بتمل من تعدلها ( وبتقول ما عندها مهرة الا اتجابل المنظرة )
لأن التعدل اللييكون للعروس يحتاج نوعا ما لوقت مخصص ،،
خلها على طبيعتها وانظر للجمال المنشود في عيونك ما بين حين و حين ،،
لأن من سنة الحياة ان الروتين يكون ممل و التغيير هو اللي يدخل السرور على القلب ،،

فيا معشر الرجال تقبلوا نساءكم على طبيعتهن فما أجمل الطبيعة دون تزييف،،
رسالة الى من لا يعي قيمة الجمال الطبيعي ،،

[ام السعف]

كلش مب منبطة جبدي من الموضوع

[ع.م]

كلش مب منبطة جبدي من الموضوع


أم السعف تجننين :nice:


إيزي ياختج.. معليش دايماً العطاء والحب غير المشروط يجي من المرة.. وأنا متأكدة إن انتي بعد كذا.. مايهون عليج تخلينه ينطر.. بس ياما نطرتي..

[اسعاف]

آية على أيام أول من عقب صلاة العصر الطقاقات يهيجون في الحوش
كنت صغيرونة واراقب قلاصات الفيمتو اللي تنحط على ستاند و تنصب من درامات
خاصة فيها فيمتو و ماي و مب متذكرة شي ثاني غيرهم ،،

يدقون ومع كل أذان يوقفون وآخر شي يصيرالعرس :shy:
عقب صلا العشا مخلصين كل شي ،،

الظاهر انت بلغت من الكبر عتيا:secret:

[اسعاف]

عاد هذي مشكلتكم يا حجي اسعاف ،،

خذ لهم تلفون من غير كيمرا ،، انتوا كل شي اتدققون عليه :omen2:

لو نشتري لكم بدون كيمرة

بتمدون بوزكم متر(شيقولون عني اربيعاتي انا فقيرة )

احين لنسوان يبغون جوال بو كرتين،كرت واحد ما يترس عينهم بعد

[اسعاف]

اشدراني يا اخوك ،،

الريال معيش نفسه امبراطور في عصر الجواري ،،

يبيها أنثى لقلبه ،، يبيها أم لعياله ،، يبيها مربية ويبيها طباخة و يبيها خادمة
ويبيها تمشي على كيفه و مزاجه ،، و فوق كل هذا يبيها تلبس اللي هو يحبه
ويونس له قلبه بغض النظر ان كانت هالشي هي ما اتحبه او
اتحبه او تكرهه او يحسسها انها ولا شي ،،
وتطلع الساعة الفلانية و اترد الساعة الفلانية ،، و تتعشى الوقت الفلاني
وما يتعب و يضايق نفسه عند باب المطعم على الساعة 10 او 10 نص
لأنها طيبت له خاطره واطلعت من العرس وما تأخرت ( الحجي مب لك يا حجي اسعاف )

هناك خلل في مكان ما ،، ياليت يااااااااااااااااليت نضع يدنا عليه،،

لان المرأة كااااااااااااااااااائن متكامل مستقل ،، له روح و نفس ورغبات
واحاسيس ( وينهم اللي ممكن يستوعبون ؟) لنبحث عنهم هيا بنا ،،،

الرسول صلى الله عليه وسلم بين ان طاعة المرأة لزوجها من مرضاة الله تعالى

(00واطاعة زوجها 00دخلت جنة ربها )

ولا انت نسيتي حديث نبيك المعصوم

[اسعاف]

لو تعدلت كل يوم بتمل من تعدلها ( وبتقول ما عندها مهرة الا اتجابل المنظرة )
لأن التعدل اللييكون للعروس يحتاج نوعا ما لوقت مخصص ،،
خلها على طبيعتها وانظر للجمال المنشود في عيونك ما بين حين و حين ،،
لأن من سنة الحياة ان الروتين يكون ممل و التغيير هو اللي يدخل السرور على القلب ،،

فيا معشر الرجال تقبلوا نساءكم على طبيعتهن فما أجمل الطبيعة دون تزييف،،
رسالة الى من لا يعي قيمة الجمال الطبيعي ،،

كلام طيب

بس اشرايك في المرأة الي في البيت شعرهه كله كشيش

واثيابهه ريحتهم خمرة من القلاي

وما تتعدل إلا للشغل او للعرس

واذا جات البيت بسرعة غيرت ملابسها الحلوة ولبست الكحيانة

وكأن هذا الزوج ( ديكور) بس علشان الناس ما يعيبون عليهه انها عانس

[اسعاف]

كلش مب منبطة جبدي من الموضوع

:eek5:

ها

الظاهر جاءتهه الحالة

مسكينة ام السعف

[المخباط]

ام السعف
خلاص عرفنا الحل عشان يرتاح العنبلوصة
قدموا العشى بدري :nice:

[اسعاف]

ام السعف
خلاص عرفنا الحل عشان يرتاح العنبلوصة
قدموا العشى بدري :nice:

:anger1::anger1:

ويكون قبلها دخلت العروس والمعرس

والأنصراف الساعة 10

[وطن]

البلوى

ان احيانا تبغي تتصل اتريد اتعرف متى سوف تخرج المرأة

ولكن الجوال (محبوس عند الأمن النسائي في الصالة)فتبقى عند الصالة وتنام في السيارة من شدة التعب

احلى جوال بدون كاميرا بـ 300 ريال

اقل من اسعار المكياج والتسريحات هالأيام


ما يبي لها شي :secret:

[Ussop]

الرسول صلى الله عليه وسلم بين ان طاعة المرأة لزوجها من مرضاة الله تعالى

(00واطاعة زوجها 00دخلت جنة ربها )

ولا انت نسيتي حديث نبيك المعصوم

ليش هي قالت شيء يخالف ذلك؟
وبعدين الرسول صلى الله عليه وسلم الي تتكلم عنه، قال: استوصوا بالنساء خيراً... ولا انتم من الذين يؤمنون ببعض الكتاب ويكفرون ببعض؟ يعني بالعربي تاخذ من الدين الي يعجبك وتترك الي يعجبك؟

[MoHaMmEd114]

9 في العرس المعرس ياخذ حرمته وبعدها يطلعون على طول يعتمد على ولي الامر

[ANONYMOUS]

احلى جوال بدون كاميرا بـ 300 ريال

اقل من اسعار المكياج والتسريحات هالأيام


ما يبي لها شي :secret:

300وايد

في بو 100 نوكيا بوليت

منها من غير كاميرا.. ومنها يصلح ليطفى الليت في العنه :p

[اسعاف]

احلى جوال بدون كاميرا بـ 300 ريال

اقل من اسعار المكياج والتسريحات هالأيام


ما يبي لها شي :secret:

بس تدرين

كم مرة اتصل بالأهل ما يردون

تدرين ليش؟؟

سماعات الأغاني ما اتخلي حتى المرأة تسمع صوت رفيجتهه الي قاعدة معاها على الطاولة

فمافي فايدة للجوال داخل الصالة

[اسعاف]

300وايد

في بو 100 نوكيا بوليت

منها من غير كاميرا.. ومنها يصلح ليطفى الليت في العنه :p

:eek5::eek5:
وين يبيعون هالتلفون؟

[ANONYMOUS]

:eek5::eek5:
وين يبيعون هالتلفون؟


والعهده ع الراوي

في كارفور..

لا وهديه كرت هلا معاه

يعني حتى مايحتاي نقل الكرت من التلفون الرسمي لين تلفون بوليت

ينحط في درج الموتر

ولين نزل الريال الاهل.. يعطيهم اياه

[تحداني]

:shy:

أنا عندي تلفون أرخص من تلفوناتكم كلها
.. عندي أبــ 90 اريال .
وفي بعد ليت قوي .. ابيض ..




شريته من محلات فودافون :)




يبه إسعاف .. قول حق المدام اتحطه على الهزاز ..
مافي فايده على العام .. هالطقاقات صمخوا الناس ..

[نايف قطر]

الحل عندنا احنا الرجال
كل واحد يقول لهله اتروحون العرس بعد صلاة العشاء
وتطلعون الساعه 10 او 11 بالكثير

وبخصوص العروس ليش ماتدخل الساعه 7 تستقبل الضيوف وتسلم عليهم ويجيها المعرس الساعه 9 او 10
لو كل واحد بيتزوج يقول لزوجته ادخلي العرس وسلمي عالناس من الساعه 7 صدقوني كلشي بيتعدل
يعني المشكله من العروس

[اسعاف]

ليش هي قالت شيء يخالف ذلك؟
وبعدين الرسول صلى الله عليه وسلم الي تتكلم عنه، قال: استوصوا بالنساء خيراً... ولا انتم من الذين يؤمنون ببعض الكتاب ويكفرون ببعض؟ يعني بالعربي تاخذ من الدين الي يعجبك وتترك الي يعجبك؟

يكمل ايمان الرجل عندما ياخذ دينه كاملا من دون اي اختيار فيما يعجبه من الشرع

والوصية بالنساء كانت آخر وصية للنبي الكريم في حياته

وهذا يدل على مكانة المرأة في الأسلام

[اسعاف]

والعهده ع الراوي

في كارفور..

لا وهديه كرت هلا معاه

يعني حتى مايحتاي نقل الكرت من التلفون الرسمي لين تلفون بوليت

ينحط في درج الموتر

ولين نزل الريال الاهل.. يعطيهم اياه

خوش افكار عندك ياخوي

[اسعاف]

:shy:

أنا عندي تلفون أرخص من تلفوناتكم كلها
.. عندي أبــ 90 اريال .
وفي بعد ليت قوي .. ابيض ..




شريته من محلات فودافون :)




يبه إسعاف .. قول حق المدام اتحطه على الهزاز ..
مافي فايده على العام .. هالطقاقات صمخوا الناس ..


باخذ الفكرة بجد

شكرا لك

[اسعاف]

الحل عندنا احنا الرجال
كل واحد يقول لهله اتروحون العرس بعد صلاة العشاء
وتطلعون الساعه 10 او 11 بالكثير

وبخصوص العروس ليش ماتدخل الساعه 7 تستقبل الضيوف وتسلم عليهم ويجيها المعرس الساعه 9 او 10
لو كل واحد بيتزوج يقول لزوجته ادخلي العرس وسلمي عالناس من الساعه 7 صدقوني كلشي بيتعدل
يعني المشكله من العروس

العروس في هذا الوقت توهه يصبغون وجهه:nice:

[ظبي قطري]

الصراحه من بعد ماخذت الليسن خلاص قمت اروح الاعراس بروحي واخذ امي ووخواتي بس المشكله فالرده ارد البيت قريب 1ونص وهني بو الشباب مطنقر وماد البوز:anger1: ليش هالتاخير وهالهياته كلها مايدري انه اعراس الحريم هالشكل وكل ماتاخر العرس كان احلى واحلى عقب هونت وايد على لين 11 بالكثير:weeping:

[Just a Gurl]

خلوووونا نستانس.... رقص ودقده ووساعة صدر :shy:

تعالي الساعه الفلانيه... وروحي الساعه الفلانيه... حشى عسكريه!!!!!
شالفايده اسوي شعري بالسعر الفلاني واقعد 5 ساعات احط الميك اب وآخرتها اقعد نص ساعه واطلع!!!!! :(

[Arab!an]

خلوووونا نستانس.... رقص ودقده ووساعة صدر :shy:

تعالي الساعه الفلانيه... وروحي الساعه الفلانيه... حشى عسكريه!!!!!
شالفايده اسوي شعري بالسعر الفلاني واقعد 5 ساعات احط الميك اب وآخرتها اقعد نص ساعه واطلع!!!!! :(

:victory: :victory: :victory:

[ام السعف]

الظاهر انت بلغت من الكبر عتيا:secret:

عتيا عتيا بعيد عنك ،،
أهم شي انت وين وصلت ؟

هل بتسمح لهن بالاستمتاع في العرس والا بتشرط على وقت الدخول و الخروج ؟

[نجود]

ياحبيلكم والله ياهل قطر عروسكم اغلبها الى 1 و2 الليل
تصدقون احنا هنا بالرياض الى 3للناس الي مو قرايب
4ونص واحياننا 6 للي قرايب
ولاتلومنا العروس ماتطلع للناس الى على 2 الفجر وتجلس لها ساعه بالكوشه يسلمون عليها اهلها ويرقصون عندها ويصورون صديقاتها
ومن تطلع ينفتح باب البوفيه
تصدقون زوجات كثيره نطلع ماشفناعروسهم:shy:
وماتعشو حريمنا الكبار..:rolleyes2:
الله يهديهم والله

[بوحارب]

ياحبيلكم والله ياهل قطر عروسكم اغلبها الى 1 و2 الليل
تصدقون احنا هنا بالرياض الى 3للناس الي مو قرايب
4ونص واحياننا 6 للي قرايب
ولاتلومنا العروس ماتطلع للناس الى على 2 الفجر وتجلس لها ساعه بالكوشه يسلمون عليها اهلها ويرقصون عندها ويصورون صديقاتها
ومن تطلع ينفتح باب البوفيه
تصدقون زوجات كثيره نطلع ماشفناعروسهم:shy:
وماتعشو حريمنا الكبار..:rolleyes2:
الله يهديهم والله

الله يعين ازواجكم :)

[اسعاف]

الصراحه من بعد ماخذت الليسن خلاص قمت اروح الاعراس بروحي واخذ امي ووخواتي بس المشكله فالرده ارد البيت قريب 1ونص وهني بو الشباب مطنقر وماد البوز:anger1: ليش هالتاخير وهالهياته كلها مايدري انه اعراس الحريم هالشكل وكل ماتاخر العرس كان احلى واحلى عقب هونت وايد على لين 11 بالكثير:weeping:

من حقه يخاف عليك
انتوا شوفتنه

ما ادري كيف الرجال ينام واهله في الخارج والساعة بعد ال12 ليلا

[اسعاف]

خلوووونا نستانس.... رقص ودقده ووساعة صدر :shy:

تعالي الساعه الفلانيه... وروحي الساعه الفلانيه... حشى عسكريه!!!!!
شالفايده اسوي شعري بالسعر الفلاني واقعد 5 ساعات احط الميك اب وآخرتها اقعد نص ساعه واطلع!!!!! :(

لاحول ولا قوة إلا بالله

طاعة الزوج فيها اجر

وسلامة لك ولأهلك

وبعدين مش حرام عليكم هلخساير كلها حق ساعة زمان بس

والرابح الأكبر الصالونات

[اسعاف]

:victory: :victory: :victory:

اكيد انت اعزب

لما تتزوج بتحس فينه:anger1:

[اسعاف]

عتيا عتيا بعيد عنك ،،
أهم شي انت وين وصلت ؟

هل بتسمح لهن بالاستمتاع في العرس والا بتشرط على وقت الدخول و الخروج ؟

والله يا اختي

انا ساق المرة ولا عندي سواق اجنبي اخليه يختلي مع المدام

ونحاول نتصبر كم ساعة علشان وناسة ام العيال

(ترى الّي يونّّس زوجته = زوجته اتّّونسه ،والعكس )

[اسعاف]

ياحبيلكم والله ياهل قطر عروسكم اغلبها الى 1 و2 الليل
تصدقون احنا هنا بالرياض الى 3للناس الي مو قرايب
4ونص واحياننا 6 للي قرايب
ولاتلومنا العروس ماتطلع للناس الى على 2 الفجر وتجلس لها ساعه بالكوشه يسلمون عليها اهلها ويرقصون عندها ويصورون صديقاتها
ومن تطلع ينفتح باب البوفيه
تصدقون زوجات كثيره نطلع ماشفناعروسهم:shy:
وماتعشو حريمنا الكبار..:rolleyes2:
الله يهديهم والله

عجل متى ياخذ المعرس عروسته؟

ليكون ينامون وقت القيلولة!!!

[محمد2]

الصراحه من بعد ماخذت الليسن خلاص قمت اروح الاعراس بروحي واخذ امي ووخواتي بس المشكله فالرده ارد البيت قريب 1ونص وهني بو الشباب مطنقر وماد البوز:anger1: ليش هالتاخير وهالهياته كلها مايدري انه اعراس الحريم هالشكل وكل ماتاخر العرس كان احلى واحلى عقب هونت وايد على لين 11 بالكثير:weeping:


هاي ضريبة اللي يخلي هلة تسوق وحاط سويج الموتر في يدها .
المفروض :
بعد الساعة 10 السويج محطوط على التلفزيون اواي رف في البيت بدون اي حد يمسكة الا . بو الشباب بس.
وبو الشباب . ساعة ما وافق على انج تسوقين . وافق حتى تودين وتجيبين عيالج من المدرسة وانتي تروحين دوامج,
ما وافق انج تروحين ألأعراس الى الساعة 1.5 او2 نص الليل

[ام السعف]

والله يا اختي

انا ساق المرة ولا عندي سواق اجنبي اخليه يختلي مع المدام

ونحاول نتصبر كم ساعة علشان وناسة ام العيال

(ترى الّي يونّّس زوجته = زوجته اتّّونسه ،والعكس )

صدقني في عصر الرجال ،، اللي يونس زوجته يونس نفسه :omen2:
والا بذمتك يا حجي اسعاف ما اتحس ان الرجل عندما قيل له انت ولي المرأة
اعطى نفسه الحق في ان يتملكها ؟

[بوخالد2]

جوف يا بو خالد ،، مب انا لمتى ابيها تقعد ،، انا ابي المرأة تشعر من نفسها
انها المفروض اترد لأن الزوج انسان يستحق انها ما اتثقل عليه ،،

ما بي المرأة اترد علشان لو تأخرت أكثر بتنام على هوشة او نفسية
وصخة من زوجها ،،

اما اذا سألت عني ،، انا احترم رغبة بو العيال ،، لدرجة اني صرت اضبط نفسي
على وقت معين ،، ادخل أأدي الواجب و اطلع ،، فبرمجت نفسي على هالشي ،،
و مرات كثيرة اوضح اني ممكن اتأخر ( أخذ الأذن)
تأخرت اكون بريت ساحتي ،، ما تأخرت ما في شي بيتغير ،،

فالموضوع مب ان المرأة في كل عرس بتلقاها رادة البيت على الساعة 12
او الساعة 1 ،،،

بس لا اتقيدون المرأة وخاصة في زمننا هذا ،، كونوا متفاهمين معاها
زمان الأمهات اللي لو ارجعت لها البنت وهي معصبة على زوجها
و تقول لها هذا زوجج اصبري عليه و اسمعي كلامه وان كان الزوج خطأ
هذا زمان ولى وراح ،، اصبحنا في زمن دعاة حرية المرأة لهم
الكلمة الطولى ،، فالأنسب ان نحاول ان نشرك الرجل و المرأة في حياة
تفاهمية أكثر من ان نفرض على المرأة قييود لمجرد ان الرجل يريد ذلك ,,

لا اختى ام السعف هذول الحريم والعجايز عادهم موجودين الله يحفظهم ويحفظج

لاتقولين ولى وراح اللى ماسك على السنع و التربيه الصالحه والخوف من القيل والقال ومايبي بيته حد يمسه بكلمه هذول هم الاهل اللى يربون

اما اني بقول ولى وراح (( استقبل الدمار والمشاكل اللى تأتي خلف الامور هذه ))

الا اللى تشببت ونست نفسها ونست بناتا واركضت خلف الانفتاح بالغلط !!

[ام السعف]

لا اختى ام السعف هذول الحريم والعجايز عادهم موجودين الله يحفظهم ويحفظج

لاتقولين ولى وراح اللى ماسك على السنع و التربيه الصالحه والخوف من القيل والقال ومايبي بيته حد يمسه بكلمه هذول هم الاهل اللى يربون

اما اني بقول ولى وراح (( استقبل الدمار والمشاكل اللى تأتي خلف الامور هذه ))

الا اللى تشببت ونست نفسها ونست بناتا واركضت خلف الانفتاح بالغلط !!


جوف يا اخوي بو خالد ،،

على أيامنا من عشرين سنة يوم تزوجنا ،، امهاتنا كانت عندهم فكرة وحدة
يا بنت مالج الا بيتج وريلج ،، و كنا نجهل كثير من حقوقنا التي سلبها الرجل
بحكم انه رجل و ولي أمرنا ،،

شنقول اليوم للماضي الذي عشناه و نهلنا منه مثل هذه الثقافة في
طبيعة العلاقة بالرجل قبل الزواج و بعد الزواج ؟

اقول لك : إنها ثقافة مجتمع آمنت بها المرأة و اعتبرتها جزء لا يتجزأ
من فرضية تطبيقها و تصديرها للأجيال القادمة ،،

اليوم اجوف ان حالات الطلاق بتزايد كبييييييييييييييييييير ،،
ان استمروا في فترة الملجة تلقاهم عقب شهر من الزواج متراضخين

السبب يعود إلى أن :

1_ اصبحت الزوجة التي لم تعرف حقوقها من 20 سنة مطلعة على حقوقها
و ربت عيالها على فهم حقوقهم سواء الشباب او البنات ،، لذلك تجد
البنت نفسها أمام زوج لا ينطبق عليه ما فهمته عن الرجولة
وبالتالي تجد الكثير من الأمهات يحاولن الاصلاح او يدرن ظهورهن لمثل
هذا الرجل دون رغبة منهن في اعادة تربية هذا الرجل ،،

2- اصبحت الفتاة اليوم تعيش حياة غير عن الحياة التي رسخ الرجل
فكره و عقله وثقافته للعمل به عند الاقتران بالعروس المنتظرة ،،
فلم تعد الفتاة تلك الفتاة التي يفرض عليها الأمر فرضا لأنها فتاة
وصاحبة الحلقة الأضعف ،،

3- إن ما زلن العجائز و الامهات اللاتي يفرضن على فتياتهن العيش
مع زوج لا يقدرها كمرأة فهناك البيئة التي اصبحت أكثر وعيا في توجيه
المرأة بحقوقها ،، فيا إنها تتصبر و تسمع كلام اهلها ،، او انها
تثبت للمجتمع انها قوية وأخذت حقها و كانت قدوة للأخريات ،،

فكلمتي هذه اوجهها للرجل :
ليس من الإسلام ان تتحكم في المرأة ،، و ليس من المنطق الانساني
ان تعتبرها قطعة من ممتلكاتك الشخصية ،، لكل مرحلة من الحياة ظروفها الخاصة
عندما كانت حفلات الزواج تقام من العصر و تنتهي مع صلاة العشاء
كان الرجل يعد خروج زوجته أمرا عاديا ،،

والآن الحفلات تنتهي مع الساعة 12 و تبدأ الساعة 9 و النص ،،
فهناك الكثيريين يعتبرون
تواجد زواجتهم في مثل هذه الحفلات أمرا عاديا بل متوافقا مع
التغيير الحاصل في مثل هذه الأمور ،،

لذلك لا تجعلوا مثل هذا الأمر خطأ ترتكبه المرأة ،، وعارا يلحق بها
لأن الزوج في البيت وهي في حفلة العرس مع اخواته او صديقاتها ،،

فلكل مرحلة طبيعتها و خصوصياتها ،، وارحموا الحريم اشوي ،،

[اسعاف]

لا اختى ام السعف هذول الحريم والعجايز عادهم موجودين الله يحفظهم ويحفظج

لاتقولين ولى وراح اللى ماسك على السنع و التربيه الصالحه والخوف من القيل والقال ومايبي بيته حد يمسه بكلمه هذول هم الاهل اللى يربون

اما اني بقول ولى وراح (( استقبل الدمار والمشاكل اللى تأتي خلف الامور هذه ))

الا اللى تشببت ونست نفسها ونست بناتا واركضت خلف الانفتاح بالغلط !!

لو خليت خربت

[اسعاف]

جوف يا اخوي بو خالد ،،

على أيامنا من عشرين سنة يوم تزوجنا ،،،،

20 سنة +20 = 40 سنة عمر ام السعف ( على الأقل):secret:

[ام السعف]

20 سنة +20 = 40 سنة عمر ام السعف ( على الأقل):secret:

من قال لك اني تزوجت و عمري 20
تزوجت و عمري 30 الا شهرين :shy:

[اسعاف]

صدقني في عصر الرجال ،، اللي يونس زوجته يونس نفسه :omen2:
والا بذمتك يا حجي اسعاف ما اتحس ان الرجل عندما قيل له انت ولي المرأة
اعطى نفسه الحق في ان يتملكها ؟

الولاية يا اختي مسؤولية امام الله مب سيارة غور ويل

الله يهديك انتي وايد حاطة على الرياييل

[اسعاف]

من قال لك اني تزوجت و عمري 20
تزوجت و عمري 30 الا شهرين :shy:

18 سنة + 20 سنة= 38 سنة

صغرناك ولا تزعلين

[بوخالد2]

جوف يا اخوي بو خالد ،،

على أيامنا من عشرين سنة يوم تزوجنا ،، امهاتنا كانت عندهم فكرة وحدة
يا بنت مالج الا بيتج وريلج ،، و كنا نجهل كثير من حقوقنا التي سلبها الرجل
بحكم انه رجل و ولي أمرنا ،،

شنقول اليوم للماضي الذي عشناه و نهلنا منه مثل هذه الثقافة في
طبيعة العلاقة بالرجل قبل الزواج و بعد الزواج ؟

اقول لك : إنها ثقافة مجتمع آمنت بها المرأة و اعتبرتها جزء لا يتجزأ
من فرضية تطبيقها و تصديرها للأجيال القادمة ،،

اليوم اجوف ان حالات الطلاق بتزايد كبييييييييييييييييييير ،،
ان استمروا في فترة الملجة تلقاهم عقب شهر من الزواج متراضخين

السبب يعود إلى أن :

1_ اصبحت الزوجة التي لم تعرف حقوقها من 20 سنة مطلعة على حقوقها
و ربت عيالها على فهم حقوقهم سواء الشباب او البنات ،، لذلك تجد
البنت نفسها أمام زوج لا ينطبق عليه ما فهمته عن الرجولة
وبالتالي تجد الكثير من الأمهات يحاولن الاصلاح او يدرن ظهورهن لمثل
هذا الرجل دون رغبة منهن في اعادة تربية هذا الرجل ،،

2- اصبحت الفتاة اليوم تعيش حياة غير عن الحياة التي رسخ الرجل
فكره و عقله وثقافته للعمل به عند الاقتران بالعروس المنتظرة ،،
فلم تعد الفتاة تلك الفتاة التي يفرض عليها الأمر فرضا لأنها فتاة
وصاحبة الحلقة الأضعف ،،

3- إن ما زلن العجائز و الامهات اللاتي يفرضن على فتياتهن العيش
مع زوج لا يقدرها كمرأة فهناك البيئة التي اصبحت أكثر وعيا في توجيه
المرأة بحقوقها ،، فيا إنها تتصبر و تسمع كلام اهلها ،، او انها
تثبت للمجتمع انها قوية وأخذت حقها و كانت قدوة للأخريات ،،

فكلمتي هذه اوجهها للرجل :
ليس من الإسلام ان تتحكم في المرأة ،، و ليس من المنطق الانساني
ان تعتبرها قطعة من ممتلكاتك الشخصية ،، لكل مرحلة من الحياة ظروفها الخاصة
عندما كانت حفلات الزواج تقام من العصر و تنتهي مع صلاة العشاء
كان الرجل يعد خروج زوجته أمرا عاديا ،،

والآن الحفلات تنتهي مع الساعة 12 و تبدأ الساعة 9 و النص ،،
فهناك الكثيريين يعتبرون
تواجد زواجتهم في مثل هذه الحفلات أمرا عاديا بل متوافقا مع
التغيير الحاصل في مثل هذه الأمور ،،

لذلك لا تجعلوا مثل هذا الأمر خطأ ترتكبه المرأة ،، وعارا يلحق بها
لأن الزوج في البيت وهي في حفلة العرس مع اخواته او صديقاتها ،،

فلكل مرحلة طبيعتها و خصوصياتها ،، وارحموا الحريم اشوي ،،

راحمينهم الله يحفظج

مب رابطينهم وضرب فيهم كل يوم ومسكرين عليها الغرفه بين اربع حيطان

لا اختى تروح وتجي وتقضي امورها ولكن بالمعقول مب كل يوم مثل الحريم اللى نفس الاشكال كل يوم في الكوفي نفسه صاروا شباب من كثر ماتشوف نفس الاشكال !!

مب جنس ناعم :rolleyes2:

ولكن كل بنت اتعرف نفسها وحقوقها واجباتها اتجاه بيتها او اسرتها او اعيالها

مب كل همها الخروج من البيت فقط و الهروب من الوحش ( الزوج ) اللى في نظر بعض البنات المنفتحاات

[almaf1a]

المشكلة الي صايره هل اليومين ان في حركة طاحوا فيها
ياخذون الصور في نفس يوم العرس
فصاروا مايطلعون الا متأخر
انا اول مره اشوف معازيم يطلعون بعد الطبالات

[ام السعف]

راحمينهم الله يحفظج

مب رابطينهم وضرب فيهم كل يوم ومسكرين عليها الغرفه بين اربع حيطان

لا اختى تروح وتجي وتقضي امورها ولكن بالمعقول مب كل يوم مثل الحريم اللى نفس الاشكال كل يوم في الكوفي نفسه صاروا شباب من كثر ماتشوف نفس الاشكال !!

مب جنس ناعم :rolleyes2:

ولكن كل بنت اتعرف نفسها وحقوقها واجباتها اتجاه بيتها او اسرتها او اعيالها

مب كل همها الخروج من البيت فقط و الهروب من الوحش ( الزوج ) اللى في نظر بعض البنات المنفتحاات

اخوي بو خالد ،،

لا تخلينا نخلط الأمور ،، و خلنا نتكلم عن روحة المرأة الى العرس
و تأخرها خلنا نقول في الشهر مرتين فوق الساعة 12 ،،

اللي احب اقوله ،، ان نظام الحفلات في وقتنا الحالي يستدعي ان الوحدة
تبقى لمثل هذا الوقت ،، و هناك كثيرااااااااااااااااات من متدينات
و متلزمات و ....و ............. و ............. ،، تجدهم في القاعة
فلا يعني أبدا وجود الحرمة مع بناتها او خواتها او امها الى هذا الوقت من اليوم
في قاعة الاحتفال ان هناك خلل في خروج المرأة ،، و أن ما تفعله يعد تعديا على
واجباتها تجاه زوجها ،،

هذا ما وددت توضيحه و تبسيطه في مداخلاتي كلها ،،

[ام السعف]

18 سنة + 20 سنة= 38 سنة

صغرناك ولا تزعلين

اسم الله عليك ،، اسم الله عليك ،، اسم الله عليك
ربنا يحفظك لعيالك و ام عيالك ،، حجي اسعاف عندك مشكلة في جمع الأرقام
30 إلا شهرين يعني 28
28 + 20 كم يساوي ؟

[ام السعف]

الولاية يا اختي مسؤولية امام الله مب سيارة غور ويل

الله يهديك انتي وايد حاطة على الرياييل


اللـــــــــــــــــه بديت اتحس اني حاطة على الرياييل ؟ ،،
من نتايج مواضيعك ،، حس باللي اتحسسنا فيه :shy:

[اسعاف]

المشكلة الي صايره هل اليومين ان في حركة طاحوا فيها
ياخذون الصور في نفس يوم العرس:nice:
فصاروا مايطلعون الا متأخر
انا اول مره اشوف معازيم يطلعون بعد الطبالات

الظاهر يبغون يحللون اجرة الطبالات عدل

[اسعاف]

اللـــــــــــــــــه بديت اتحس اني حاطة على الرياييل ؟ ،،
من نتايج مواضيعك ،، حس باللي اتحسسنا فيه :shy:

آنه توني حاس فيكم :secret:

روحي موضوعي عن تدليع الزوج لزوجته ستجدين ما يسرك:nice:

[ظبي قطري]

هاي ضريبة اللي يخلي هلة تسوق وحاط سويج الموتر في يدها .
المفروض :
بعد الساعة 10 السويج محطوط على التلفزيون اواي رف في البيت بدون اي حد يمسكة الا . بو الشباب بس.
وبو الشباب . ساعة ما وافق على انج تسوقين . وافق حتى تودين وتجيبين عيالج من المدرسة وانتي تروحين دوامج,
ما وافق انج تروحين ألأعراس الى الساعة 1.5 او2 نص الليل

صادق اخوي محمد يعطيك العافيه على الرد

[بدون]

بصراحة أنا أشوف أنه ما له داعي كل هالمناقشات
مب كل يوم المرة بتروح عرس و بتستانس مع أهلها و ربعها

فيعني لو أبو العيال شوي يتحملها ما فيها شي
و الله يسعد الجميع:)

[fa6ma]

عنبوه بروح العرس اربع ساعات بعد ماتبيهم يتاخروون

[بوحارب]

صباح الخير خالي اسعاف

امس كنت مبسط عند واحد من الربع في مجلسة

وأهل الرجال كانوا في عرس

وقلت له متى بتروح لهم

قالي بروح لهم بسرعة يعني على الساعة 12 او 12.15 هههههههههههه

ورديت عليه وقلت له انه احاول قد ماقدر اطلعهم من العرس على الساعة 12 بالكثيييييير

من خلال هالكلام تهقى احنا من النوع اللي مرته سكانه خخخخخخخخخخخخخ

وتحياتي قبل ان اذهب لفراشي

[fa6ma]

:ok:
صباح الخير خالي اسعاف

امس كنت مبسط عند واحد من الربع في مجلسة

وأهل الرجال كانوا في عرس

وقلت له متى بتروح لهم

قالي بروح لهم بسرعة يعني على الساعة 12 او 12.15 هههههههههههه

ورديت عليه وقلت له انه احاول قد ماقدر اطلعهم من العرس على الساعة 12 بالكثيييييير

من خلال هالكلام تهقى احنا من النوع اللي مرته سكانه خخخخخخخخخخخخخ

وتحياتي قبل ان اذهب لفراشي



لا اخوي الوضع طبيعي 100%:ok:
زين وقتهم واصلن معروفين اهل قطر مايتأخرون في الاعراس حدهم 11 ونص 12 الا ربع
لكن اذا كانوا من اهل العرس اختهم خالتهم عمتهم عادي لازم يتأخرون لين الناس يطلعون

[حنان الدنيا]

انا بصراحه اشوف انكم كبرتوا السالفه وايد ومايحتاج هذا كله

يعني الريايل يروحون المجلس ويتاخرون لين 11 و12 ومحد يقول شئ واذا ماكان اكثر

او تطلعون تتمشون مع ربعكم وتتاخرون وهم محد يقول شئ

ليه لين المره راحت العرس الساعه 9 وقعدت لين 12 صارت قضيه

منها احضر العرس واستانس واشوف العالم واسولف ومافيها شئ

[قطر دزاين]

الشرهه على رجال اللي يخلي اهله للمنتصف الليالي
تسلم المرة وتطلع والعشاء مو مهم مش جايه من مجاعة

[بوغانم995]

أنا اقترح على المعرس يأجر قناه فضائيه تنقل العرس للمدعوين فقط ....وخل الحرمه تكمل العرس في البيت عند زوجها ...وبسسس ...رحة في عينها على هل اقتراح من بنت النوخذه و المعرس يقول بزيد علينا المصاريف .

[الياقوت99]

الوحدة تدخل العرس وتسلم وتشوف العروس وتطلع ومب لازم عشاااااااااااااااااااااااا

[حياة]

اغلب اعراسنا تخلص ع 11
واذا رحنا للاعراس نؤدي الواجب ونسلم ونبارك ونرجع ع 10:30 ونتعشى في بيوتنا

[Toomy]

ما اعتقد اني ملزومة اقعد لين 12 أو حتى 11 ,بالنسبة لي أهم شي أوجب أهل العرس لو نص ساعه على الاقل قدرتهم و جيت عرسهم..مب لازم اشوف المعرس والا العروس..ولو كل ريال ألزم مرته و بناته بهالشي ما اعتقد بتكون في مشكلة إلا إذا كانوا من الأهل ممكن يكون الوضع غير..

[اسعاف]

اغلب اعراسنا تخلص ع 11
واذا رحنا للاعراس نؤدي الواجب ونسلم ونبارك ونرجع ع 10:30 ونتعشى في بيوتنا

كفو عليك

[اسعاف]

جاءت زوجتي دعوة من عائلة هاجرية جزاهم الله خيرا

وذلك لحضور عرس

مكتوب فيها

الأستقبال من الساعة 8 ليلا الى الساعة 9 ليلا فقط:nice:

ففرحت

وقلت لعل موضوعي اثر في عادات الناس

[روح الاطلس]

سؤال بصراحه انت زوجتك كم مرة تروح لعرس في السنة ؟؟

اظن بالكثير الكثير ماتتعدى مرتين او ثلاث مرات !! يعني زعلان عشان الطلعة الساعه 12 !!

اجل لو كنت في السعودية شنو بتقول ؟؟ الاعراس ماتبدأ الا الساعه 12 وتنتهي مع اذان الفجر !

احمد ربك اقصر عرس شفته في قطر

البحرين والسعودية والكويت اعراسهم لين الفجر

[Gh2o]

عادي خلهم يستانسون شوي شوراك

[qatari 111]

الصراحه انا اللي يرفع ضغطي ويش دخل المره تبي تشووووووف المعرس بتزوجه ولا بتخطفه منها
اما الحمدلله واشكر فضله انه عندي مره ما تحب الاعرااس
الله يعينكم على حرييمكم

[آخر العشاق]

لان الريال فقد هيبته وهليته في بيته

[بيتي بوب 23]

حتى بالاعراس حاسدينا وشلون يعني تبون عرس الحريم بعد المغرب صعبه مانقدر ع ما انخلص مكياج ولبس نطلع 9 اذا بدري والعرس حلااته بعد ماتطلع العروس والمعرس
وش فيها الساعه وحده بالليل بالعكس توقيت معقول جدا للخروج من العرس
اما سالفه الدريول والخلوه مهب بس بالاعراس بكل مكان اتروح له المراه
انا اشوف ان المراه ماتتاخر بالعرس اذا كان وراها بزرانها بس غيره اتوسع صدرها مهب كل يوم عرس وفله احجاج

[بيتي بوب 23]

جاءت زوجتي دعوة من عائلة هاجرية جزاهم الله خيرا

وذلك لحضور عرس

مكتوب فيها

الأستقبال من الساعة 8 ليلا الى الساعة 9 ليلا فقط:nice:

ففرحت

وقلت لعل موضوعي اثر في عادات الناس


وش دعوه بس ساعه وحده كان ماعزموا اصلن :eek5:

[بيتي بوب 23]

الشرهه على رجال اللي يخلي اهله للمنتصف الليالي
تسلم المرة وتطلع والعشاء مو مهم مش جايه من مجاعة


احنا مانروح الاعراس عشان العشا لازم انشاركهم افراحهم مهب بس انسلم ونطلع خير وش ذا
الوحده اتسلم وتقعد واتسولف ووووووووو

عجل ليش الناس يتكلفون ويرتبون بعدييين تخيل لو انك حاط عرس وجوك الرجاجيل وسلمو عليك واطلعو تقعد انت واهلك بس المقربين تراه عرس يعني فله ووناسه

[اسعاف]

سؤال بصراحه انت زوجتك كم مرة تروح لعرس في السنة ؟؟

اظن بالكثير الكثير ماتتعدى مرتين او ثلاث مرات !! يعني زعلان عشان الطلعة الساعه 12 !!

اجل لو كنت في السعودية شنو بتقول ؟؟ الاعراس ماتبدأ الا الساعه 12 وتنتهي مع اذان الفجر !

احمد ربك اقصر عرس شفته في قطر

البحرين والسعودية والكويت اعراسهم لين الفجر

لا البحرين الساعة 12 ما يطولون


التطويل في السعودية بس

[اسعاف]

الصراحه انا اللي يرفع ضغطي ويش دخل المره تبي تشووووووف المعرس بتزوجه ولا بتخطفه منها
اما الحمدلله واشكر فضله انه عندي مره ما تحب الاعرااس
الله يعينكم على حرييمكم

عض عليها بالنواجذ:nice:

[اسعاف]

لان الريال فقد هيبته وهليته في بيته

أفاااا

شالكلام هذا

[اسعاف]

حتى بالاعراس حاسدينا وشلون يعني تبون عرس الحريم بعد المغرب صعبه مانقدر ع ما انخلص مكياج ولبس نطلع 9 اذا بدري والعرس حلااته بعد ماتطلع العروس والمعرس
وش فيها الساعه وحده بالليل بالعكس توقيت معقول جدا للخروج من العرس
اما سالفه الدريول والخلوه مهب بس بالاعراس بكل مكان اتروح له المراه
انا اشوف ان المراه ماتتاخر بالعرس اذا كان وراها بزرانها بس غيره اتوسع صدرها مهب كل يوم عرس وفله احجاج

اذا العرس خلص 2

متى ياخذ المعرس عروسته؟

[اسعاف]

وش دعوه بس ساعه وحده كان ماعزموا اصلن :eek5:

لي يبغي يجي يحترم الوقت

[ام السعف]

وش دعوه بس ساعه وحده كان ماعزموا اصلن :eek5:

و اللي بتأخر في زحمة الشوارع ينقال لها
در للخلف شطبنا ما في حفلة :omen2:

على العموم الناس احرار في افعالهم ،، وليس بالضرورة ان يتقيد الناس بمطالب
السيد اسعاف ،، الأهم من كل هذا ان تذهب المرأة حفلات الزواج كي ترفه عن نفسها
وان يحترم الرجل رغبتها هذه ان كانت من باب الترفيه ،، و ما يصير عظم في بلعومها
كل يوم بحجة و شكل و آخر شي يقول ما اقدر اوقف عند باب المطعم :omen2:

[اسعاف]

و اللي بتأخر في زحمة الشوارع ينقال لها
در للخلف شطبنا ما في حفلة :omen2:

على العموم الناس احرار في افعالهم ،، وليس بالضرورة ان يتقيد الناس بمطالب
السيد اسعاف ،، الأهم من كل هذا ان تذهب المرأة حفلات الزواج كي ترفه عن نفسها
وان يحترم الرجل رغبتها هذه ان كانت من باب الترفيه ،، و ما يصير عظم في بلعومها
كل يوم بحجة و شكل و آخر شي يقول ما اقدر اوقف عند باب المطعم :omen2:

عندي صديق

يقول زوجته تدخل العرس وتسلم على اهل العرس وتخرج على طول

يعني تدخل 9 وتطلع بعد نصف ساعة

[التيما]

انا ولله الحمد والمنه ما واطن شي اسمه اعراس .. بس لو اضطريت ورحت اروح تسع وارجع 10 ونص او 11 .. ولو العرس حلوووو اطلع 12 .. بس اللي مايبي مرته تتأخر شاللي يمنعه ياخذها بدري ؟؟ والله عيب تشتكون من هالموضوع ؟ اعنبوا ماتقدرون على حريمكم ؟ هههههههههههههههه فشله .. قولها يا بنت الناس بوصلج 8 ونص وبمر اخذج 10 ونص .. اما يطلعون طريقه تعفيك من انك تتصرف كرجل مسؤول عن بيتك وتريحك من المواجهه مع الزوجه اسمح لي هاي ضعف من الرياييل .. ودام الرجل فقد هيبته في بيته ! خبز خبزه ياكله