كيوتل عذرا لا ولن ولم وسوف أثق بخصوصياتي لديكي؟؟؟

[KING OF FISH]

السلام عليكم جميعا
لقد كنت من الناس اللي تثق بكيوتل ولكن بعد أن اكتشفت ان بأستطاعة اناس كثيرون من خارج كيوتل يستطيعون معرفة كل خصوصياتك وخصوصياتج اختي من رقم شخصي واتصالات من كشف الصادر والوارد ولو جعدنا نكتب عن كيوتل ماراح انخلص الله المستعان كل من عنده مشكلة عن كيوتل يكتب عشان اينظفون اللي ماعندهم ضمير.

[الخفي]

(( شلون وضح كيف يعرف الشخص خصوصياتنا واتصالاتنا ومعلوماتنا ))

[لاجل QT]

من صجك:omg:

[بوخليفة3]

اللي اعرفه ان بامكان شركة الاتصالات الاطلاع على صور ال mms
اللي المشتركين يطرشونها حق بعض

والدليل لما التلفون المستقبل للصورة مايدعم خاصية ال mms تتحول الصورة الى موقع كيوتل عن طريق رابط

هذي الي اعرفه يعني

[ماريسا]

^
صح

[KING OF FISH]

(( شلون وضح كيف يعرف الشخص خصوصياتنا واتصالاتنا ومعلوماتنا ))

يعني برقم تلفونك يقدرون ايعرفون من انت وين ساكن وين تتصل من يتصلك وسمع هاي بعد ممكن ايسجلون مكالماتك الحين بتقول لالالالالا عاد مصختها باقولك آنه رافع أربع قضايا وحدة في مركز الريان وثلاث في العاصمة وكل مره تطلع ألأرقام بأسم هندي نيبالي سريلانكي واللي جاعد آجوله ولا شي عشان كذا انا قطعت كل خطوط كيوتل.

[KING OF FISH]

من صجك:omg:

عندي مايثبت صحة كلامي وأذا تبي تتأكد أكتبلي رقم تلفونك وبتشوف .

[KING OF FISH]

اللي اعرفه ان بامكان شركة الاتصالات الاطلاع على صور ال mms
اللي المشتركين يطرشونها حق بعض

والدليل لما التلفون المستقبل للصورة مايدعم خاصية ال mms تتحول الصورة الى موقع كيوتل عن طريق رابط

هذي الي اعرفه يعني

هذا اللي انت اتعرفه واللي انت ماتعرفه ان هم ممكن ايعرفون ادق اسرارك من المكالمات نصيحة للكل خلوا بالكم من هالجهاز (( جهاز الجوال )) فاضح ألأسرار وكل مايتعلق بحياتك .

[ريماس الغلا]

السلام عليكم جميعا
لقد كنت من الناس اللي تثق بكيوتل ولكن بعد أن اكتشفت ان بأستطاعة اناس كثيرون من خارج كيوتل يستطيعون معرفة كل خصوصياتك وخصوصياتج اختي من رقم شخصي واتصالات من كشف الصادر والوارد ولو جعدنا نكتب عن كيوتل ماراح انخلص الله المستعان كل من عنده مشكلة عن كيوتل يكتب عشان اينظفون اللي ماعندهم ضمير.



يعني برقم تلفونك يقدرون ايعرفون من انت وين ساكن وين تتصل من يتصلك وسمع هاي بعد ممكن ايسجلون مكالماتك الحين بتقول لالالالالا عاد مصختها باقولك آنه رافع أربع قضايا وحدة في مركز الريان وثلاث في العاصمة وكل مره تطلع ألأرقام بأسم هندي نيبالي سريلانكي واللي جاعد آجوله ولا شي عشان كذا انا قطعت كل خطوط كيوتل.




من مبطي كيوتل تعرف كل شئ

عيل اشلون شركه اتصالات ؟؟؟


اخوي :


انت من وين ؟؟؟؟

[رجل الجزيرة]

عندي مايثبت صحة كلامي وأذا تبي تتأكد أكتبلي رقم تلفونك وبتشوف .

يعني أنت واحد من إلي يكشفون خصوصيات الناس.

[رجل الجزيرة]

من مبطي كيوتل تعرف كل شئ

عيل اشلون شركه اتصالات ؟؟؟


اخوي :


انت من وين ؟؟؟؟


أي والله هو من وين؟

[كركم]

بالطبع خصوصيتك معدومة دامك تستخدم وسيلة اتصال تعتمد على شركة الاتصال مثلا اخوي تدري انك حتى في الأنترنت خصوصيتك معدومة وكل تحركاتك على الأنترنت ممكن كيوتل ترصدها بسهولة فما بالك في الصادر والوارد في الجوال... لكن من خلال موقف تعرضت له قبل 3 سنوات اللي عرفته ان كيوتل متشددين جدا بموضوع الصادر والوارد من المكالمات ولا يملك صلاحية الاطلاع على الفواتير المفصله الا فئة قليلة من الاشخاص ورغم هالشي تصير بعض التجاوزات لكن كيوتل لا تتهاون بهالنوع من الاختراق لخصوصيات العميل لانها بذلك تسئ لسمعتها اللي هي راس مالها...بس ياليت توضح لنا موضوع القضايا اللي رافعها وعلاقتها بموضوع الخصوصية!!!

[ساراام]

صج انزين شنوووو الدليل

وضح لناااااا

[هذلان]

سلام .. بطرش لك رقم تلفوني على الخاص
ابي كل الخصوصيات الي ممكن تجيبها
التلفون باسمي و انا استخدمه و شغال ١٠٠٪

[وطن]

سلام .. بطرش لك رقم تلفوني على الخاص
ابي كل الخصوصيات الي ممكن تجيبها
التلفون باسمي و انا استخدمه و شغال ١٠٠٪

:omen2:

[هدهد سليمان]

زين فرصه علمنا الشيخ نرفع وياك قضيه ابرد حرتي شوي ممكن !

[mlson]

(باجولك) ...... ترى انت غلطان ترى ممكن كيوتل تطّلع على كل معلوماتك الشخصية ولكن على حساب من يعني انت تشكك في نزاهة موظفين كيوتك ؟

انت تشكك في مصداقية عملها واسرارها يعني ؟

بالعكس انا اشوفها صارمة جدا ودليل ذلك روح انت وقول ابي مسجاتي الخاصة فيني ماراح يعطونك اعتقد الا بأوراق رسمية وموجههة لمن ولأي جهة انت طالبها مسألة معقدة ومش بسيطة

عموم اقول انت غلطان ويمكن انت موضوعك مشربك وفية شبهات الدليل على ذلك انت تقول تلفونات بأسماء اشخاص ثانين؟

حتى لو بدون اسم تعرف كيوتل تسحبهم بالراحة وقت الازمات او الخروج عن القانون

كيوتل جهة اتصالاات قوية جداً ولا تستهين في عملها ومصداقيتها


اذكر انة فية عيوب ولكن لاتشكك في الذمم ومصداقية اهل قطر لان موظفينها اكثريتهم قطريين .. انا اقصد الكادر الاداري

[هذلان]

:omen2:

وطن .. مادري ليش حاطه هالصوره ؟

مصيبه اذا جا في بالج انه مش تلفوني الي عطيته الرجال :(

ابي اعرف مدى صحه هذا الكلام لانه اذا مش صحيح فهي مصيبه حقيقيه في حق صاحب الموضوع .

[ماريسا]

سلام .. بطرش لك رقم تلفوني على الخاص
ابي كل الخصوصيات الي ممكن تجيبها
التلفون باسمي و انا استخدمه و شغال ١٠٠٪

update us please
.. and i mean PLEASE !!!!:(

[Sharshooooor]

يعني أنت واحد من إلي يكشفون خصوصيات الناس.

انا مو موظف في كيوتل

بس عطني رقمك اقدر اقولك انت من؟ :nice:

[BURBERRY]

اخوي الي اعرفه ان جهاز امن الدوله يسجل كل شي

المكالمات و المسجات و الصور

ولكن ما يسمعون المكالمات المسجله و مايقرون المسجات إلا في حاله ان الشخص عليه بلاغ او تهمه ..الخ

[المغروره]

تحريات مو كيوتل ............... صح سمعت يعطون معلومات وارقاام للي يبون يعرفونه
وين الرقابه وين الامن لازم يكون هنااك راادع

[saad1125]

للعلم معظم دول العالم لديها قوانين تلزم شركات الاتصال حفظ المكالامات والرسائل لفترة محددة لغرض امني مع العلم انها تكلف ملايين وفي اوربا يدرس الاتحاد الاوربي ان تكون المدة سنتين.

اما بخصوص الاطلاع على المعلومات فهناك فعلن نظام صارم لدا كيوتل فعلى سبيل المثال تكون صلاحيات خدمة العملاء الاطلاع على الفواتير والمعلومات الشخصية دون السماح لهم بالاطلاع على المكالامات او الرسائل وفقط الفنين المختصين من يملكون هذه الصلاحيات والتي لاتحوي بينات شخصية مجرد رقم التلفون حيث ان نظام الفواتير نظام متطور جداّ لكن ليس له علاقة بباقي الانظمة الخاصة بالمكالمات والرسائل وما يتم بينهم مجرد ارسال المبالغ المستحقة على كل رقم وهذه الطريقة تجعل من الصعب معرفة مكالامات شخص بعينه دون معرفة رقم هاتفه

[المبرمج صلاح]

للاسف في مشكلة اخرى وهيا الرقم الشخصي يعني انا لو عرفت الرقم الشخصي حقك استطيع الاتصال بكيوتل
وغير خدمة الانترنت لديك او الغيها تماما او اقوم بتغييير كلمة السر واليوزرنيم بالاتصال 111 وجربتها شخصيا ما اعرف كيف يثقون بان الشخص المتصل هو فعلا صاحب التلفون صحيح مرات بيطلبو تتكلم من نفس تلفون الرقم الشخصي بس مرات ما بيطلبو هذا تقصير كبييير في حق الموظفين والمفروض هالخدمة تكون الكترونية عن طريق موقع كيوتل مش بالاتصالات وكمان ممكن الغي بريدك الالكتروني تبع كيوتل كل دا برقمك الشخصي يعني انتا لو مدير شركة واعطيت نسخة من قيد المنشاة لاي حد اخد الرقم الشخصي والاسم كامل ويتصل بكيوتل ويعمل اللي هو عاوزه

[doha70999]

:victory:على فكره كل شركة اتصالات عندها هالخاصية لانها يمكن تحتاجها في امور امن الدولة مو بس كيوتل!!! ولا تنسون ان كيوتل شركة وطنية وعيال البلد اللي يشتغون فيها فيهم الخير .:nice:

ولا بس تيون تسبونها!:anger1:

[الحجاجي]

الحين الزبدة شنو ...

وين وصلتو .. في الموضوع اعلاه ..

[خفوق]

يعني المكالمات طقاق لو سمعوها مو مشكله لاتبوق ولا تخاف
بس المشكله الصور امبيــه مو من حقهم كلش @@

[هبوب الشمال]

ابعد عن الشر وغني له

بلا صور تطرشونها وبلا خرابيط ما تجي البلاوي والسوالف الا من هالسوالف الخربانه

[بن محمود]

يعني برقم تلفونك يقدرون ايعرفون من انت وين ساكن وين تتصل من يتصلك وسمع هاي بعد ممكن ايسجلون مكالماتك الحين بتقول لالالالالا عاد مصختها باقولك آنه رافع أربع قضايا وحدة في مركز الريان وثلاث في العاصمة وكل مره تطلع ألأرقام بأسم هندي نيبالي سريلانكي واللي جاعد آجوله ولا شي عشان كذا انا قطعت كل خطوط كيوتل.



اخوي كلامك فيه الغاز وايد
ياريت توضح شوي

ليش رفعت قضايا في مركز العاصمة ؟؟

وشنو سالفة الارقام اللي تقول انها حق ( هندي و نيبالي ) ؟؟


عطنا القصة من البداية علشان نفهم ..

[حقيقه]

مب اي حد يدورون وراه

الا اذا عليه قضيه

وشيء طبيعي اذا الشخص المشتكي توصله مكالمات مزعجه من ارقام ثانيه انه يفتشون وراه ويشوفون من المزعج وبعد بيطلعون كشف على تلفون المشتكي بتقريبا ست شهور قبل الشكوى عشان يعرفون كل شيء اذا كان يتبلى على حد او كان هو يتحرش فيهم

ليش لهالدرجه هم فاضين شغل يراقبون كل المشتركين في كيوتل

[سهيمان]

من المعروف ان المكالمات والرسائل محفوظة لدى الاتصالات في كل دول العالم

واذكر على سبيل المثال انني قبل فترة كنت في دولة عربية وكنت اتراسل مع شخص في قطر من خطي اللي اشتريته من هناك

وبعد رجوعي من هناك فاجأني شخص من تلك الدولة بقرائته للمسجات اللي ارسلتها كلها

وتبين لي انه طلعها من الاتصالات عندهم بالرشوة طبعا

على العموم .. ليس دفاعا عن كيوتل لكن الحق يقال

كيوتل أكبر من أن تتساهل في مسألة الاطلاع على خصوصيات عملائها

فنحن ولله الحمد في بلاد طيبه مثل طيبة أهلها

ولو صار اللي تقوله كان الأمر وصل للجهات المختصة وتم اتخاذ اللازم

واسأل الله ان يديم علينا نعمه وأن يحفظ قطر وحكومتها وشعبها من كل شر

على فكرة نار كيوتل ولاجنة فودافون:whistling:

[المولع22]

اولا يالربع الموضوع متلخبط فوق تحت

اول شي اصلا صحيح ان كل شي يظهر عند كيوتل ( للموظفين ) ومش كل حاجة بالكامل

يعني عندكم مثلا موظفين خدمة العملاء مش كل حاجة تظهر عندهم

مثلا موظفين الفواتير مش كل حاجة تظهر عندهم

كل واحد يظهر عنده شغلة اللي يسويه وبس

وبخصوص تسجيل المكالمات انا اقولك يالطيب غلطان واذا انت عندك مايثبت

انا اعطيك مايثبت كلامي من مصادر اقوى من مصادرك ايضاً

المكالمات مااااتتسجل في جهاز تعقب بالمكالمات في كلمات معينه ( سياسية ) وكذا

اذا قلتها يبتدي الجهاز يسجل فققققققط لاغير

والا اذا واحد راعي مشاكل طبعا امر من الداخلية وسااااالفة طويلة لين بعدين يوصل كتاب الى كيوتل

عشان يراقبون هذا الرقم على 24 ساعه مثلا ,, وهكذا

لكن بتقول لي كل المكالمات مسموعه ومتسجلة باقولك شخبااارك يالطيب

سكان قطر وصلو مليون و 600 الف تتوقع كيوتل حاطين مليون و600 الف موظف عشان يقعدون يسمعون كل واحد في قطر شيقول ؟؟

يعطيكم العافية ^_^

[كاتم الاسرار]

الله يستر

[mohd89]

لكن بتقول لي كل المكالمات مسموعه ومتسجلة باقولك شخبااارك يالطيب

سكان قطر وصلو مليون و 600 الف تتوقع كيوتل حاطين مليون و600 الف موظف عشان يقعدون يسمعون كل واحد في قطر شيقول ؟؟

يعطيكم العافية ^_^

؟؟؟

اخوي في دولة اوروبية سكانها اضعاف اضعاف سكان قطر كل المكالمات تتسجل وتم لمدة سنتين قبل ان يتم حذفها

والقصد هو تسجيل المكالمات والرجوع اليها اذا دعت الحاجه

مب موظفين قاعدين يتسمعون الناس شيقولون ؟؟


بالنسبه للموضوع والله كل شي جايز
قد تكون تجاوزات من بعض الموظفين يسربون المعلومات

والعلم عند الله

[لولوتي]

مره من زمان كنت اطرش مسج ويقول لي فشل في الارسال،،،
كررت الحركة اكثر من مره لأني ظنيت السبب من ضعف الارسال في الغرفه،،،
و قلت ليكون يروح الرصيد وانا اطرش كل اشوي وفشل :rolleyes2:
المهم يوم شفت ان الرصيد نقص،،، اتصلت على كيوتل استفسر،،،
وتفاجأت من التفاصيل اللي عطتني اياهم الموظفه وكم عدد الرسايل وانهم رساله وحده مكرره:omg:
فإذا كانت موظفة 180 عندها مثل هالصلاحية،،، فما استغرب موظف ثاني بصلاحيات مختلفة يقدر يعرف كل تفاصيل العميل.

[alqtri]

(باجولك) ...... ترى انت غلطان ترى ممكن كيوتل تطّلع على كل معلوماتك الشخصية ولكن على حساب من يعني انت تشكك في نزاهة موظفين كيوتك ؟

انت تشكك في مصداقية عملها واسرارها يعني ؟

بالعكس انا اشوفها صارمة جدا ودليل ذلك روح انت وقول ابي مسجاتي الخاصة فيني ماراح يعطونك اعتقد الا بأوراق رسمية وموجههة لمن ولأي جهة انت طالبها مسألة معقدة ومش بسيطة

عموم اقول انت غلطان ويمكن انت موضوعك مشربك وفية شبهات الدليل على ذلك انت تقول تلفونات بأسماء اشخاص ثانين؟

حتى لو بدون اسم تعرف كيوتل تسحبهم بالراحة وقت الازمات او الخروج عن القانون

كيوتل جهة اتصالاات قوية جداً ولا تستهين في عملها ومصداقيتها


اذكر انة فية عيوب ولكن لاتشكك في الذمم ومصداقية اهل قطر لان موظفينها اكثريتهم قطريين .. انا اقصد الكادر الاداري

يا اخوي فهمت الرجال غلط يمكن او ماعرف يوصل المعلومه

السالفه ومافيها يعني انه لو يعرف له اي شخص شغال في كيوتل يقدر يجيب له معلومات اي شخص ثاني يبيه

يعني انا لو اعرف شخص في كيوتل وابي اطلع انت من تكون ومن منه وفي اي فريج ساكن وكل تفاصيلك

اتصل حق الرجال اللي اعرفه في كيوتل واقوله شوف لي هالرقم بسم من وعطني تفاصيله

هذا اللي حاصل في كيوتل ولاتقولي مصداقيه مادري شنو في كيوتل هالشي معروف وقدامي صار هالكلام

واحد معانا في المجلس وقال لنا جبنا تفاصيل الرقم الفلاني وعرفنا كل شي عنه لان رفيجه في كيوتل

يعني شي معروف والكل عارف في هالشي والسبب هو ضعف النفوس والايمان عند موظفين كيوتل

الا من رحم ربي الا بعضهم فيه الخير والبركه وفي كل الاماكن حتى المرور المفروض في مثل هالامور

يخلونهم يحلفون انهم ماينشرون اي معلومات لاي شخص من الاشخاص حتى لو ابوهم يبي معلومات عن اي شخص مايعطونه شي

بس بعضهم مثل ماتقول ذمته وسيعه ماتفرق معاه حلف او ماحلف

والله يهدي الجميع بالتوفيق ان شاء الله :)

[ماريسا]

يا اخوي فهمت الرجال غلط يمكن او ماعرف يوصل المعلومه

السالفه ومافيها يعني انه لو يعرف له اي شخص شغال في كيوتل يقدر يجيب له معلومات اي شخص ثاني يبيه

يعني انا لو اعرف شخص في كيوتل وابي اطلع انت من تكون ومن منه وفي اي فريج ساكن وكل تفاصيلك

اتصل حق الرجال اللي اعرفه في كيوتل واقوله شوف لي هالرقم بسم من وعطني تفاصيله

هذا اللي حاصل في كيوتل ولاتقولي مصداقيه مادري شنو في كيوتل هالشي معروف وقدامي صار هالكلام

واحد معانا في المجلس وقال لنا جبنا تفاصيل الرقم الفلاني وعرفنا كل شي عنه لان رفيجه في كيوتل

يعني شي معروف والكل عارف في هالشي والسبب هو ضعف النفوس والايمان عند موظفين كيوتل

الا من رحم ربي الا بعضهم فيه الخير والبركه وفي كل الاماكن حتى المرور المفروض في مثل هالامور

يخلونهم يحلفون انهم ماينشرون اي معلومات لاي شخص من الاشخاص حتى لو ابوهم يبي معلومات عن اي شخص مايعطونه شي

بس بعضهم مثل ماتقول ذمته وسيعه ماتفرق معاه حلف او ماحلف

والله يهدي الجميع بالتوفيق ان شاء الله :)

صدقت و الله
حسبي الله و نعم الوكيل على كل من يخون الأمانة

[بوحارب]

صحيح كلامك اخوي

[PrivateHeart]

الله المستعان

[باراكودا]

سلام .. بطرش لك رقم تلفوني على الخاص
ابي كل الخصوصيات الي ممكن تجيبها
التلفون باسمي و انا استخدمه و شغال ١٠٠٪

أنت أسمك هذلان عضو فعال في منتديات شبكة الاسهم القطرية
وجوالك نوعه نوكيا وسيارتك كروزر وأذا تبي تفاصيل أكثر حط رقم
الكهرب والماي .
على فكره أنت مشترك في خدمة شهري كنترول 200 ريال وعليك فاتورة 240 ريال

[خالي مشاعر]

هالنوعية من المواضيع اللي مستحيل الجرايد اتبوقها من المنتدى لانهم اذا انقلوا هالكلام بيخسرون اعلانات كيوتل

بس فالحين ينقلون المواضيع العادية اما هالنوعية من المواضيع ولا في امل اتحصلونها في الجرايد

[MoHaMmEd114]

اذا متأكد أن في موظف في كيوتل يستغل منصب وصلاحياته ضد عملاءكيوتل

بلغ عنه اذا انت صادق واذاماستوى شي

ذيك الساعة تكلم واشتكي على راحتك

[ماريسا]

متابعة

[umm yousef]

فعلا هناك من يحابي أصدقائه ويعطيه كل المعلومات والأرقام الصادرة والواردة..والله أستغرب من تضييع الأمانة وكشف أسرار العملاء لأي من كان..
لكن في هذه الحالة.. ما هو وضعنا القانوني..وما قانون كيوتل في هذه الحالة والموظف!!..

شكرا على الموضوع الهام جدا..

[JN000N]

وينه صاحب الموضوع خل يجول لنا السالفه عدل؟

[قطرية فذة]

صح كلامه

شبيدنا يعني!

[KING OF FISH]

يعني أنت واحد من إلي يكشفون خصوصيات الناس.

وليش ماجلت واحد من آلاف الناس المظلومين وبدال ماتجولي انت واحد من اللي يكشفون خصوصيات الناس جولي الله يعينك وتعال وقف معاي لأن ات عارف انه بسهوله جدا ينعرف إذا الخط بأسمك ولا لاء تعال في صفي وأسألني شنهي أرقام القضايا وحلها لي آنه انسان عادي لاني شغال في كيوتل ولا هم يحزنون الله لايبليك في اللي بلاني فيه وحسبي الله ونعم الوكيل في ضعاف الضمائر بكيوتل.

[KING OF FISH]

(باجولك) ...... ترى انت غلطان ترى ممكن كيوتل تطّلع على كل معلوماتك الشخصية ولكن على حساب من يعني انت تشكك في نزاهة موظفين كيوتك ؟

انت تشكك في مصداقية عملها واسرارها يعني ؟

بالعكس انا اشوفها صارمة جدا ودليل ذلك روح انت وقول ابي مسجاتي الخاصة فيني ماراح يعطونك اعتقد الا بأوراق رسمية وموجههة لمن ولأي جهة انت طالبها مسألة معقدة ومش بسيطة

عموم اقول انت غلطان ويمكن انت موضوعك مشربك وفية شبهات الدليل على ذلك انت تقول تلفونات بأسماء اشخاص ثانين؟

حتى لو بدون اسم تعرف كيوتل تسحبهم بالراحة وقت الازمات او الخروج عن القانون

كيوتل جهة اتصالاات قوية جداً ولا تستهين في عملها ومصداقيتها


اذكر انة فية عيوب ولكن لاتشكك في الذمم ومصداقية اهل قطر لان موظفينها اكثريتهم قطريين .. انا اقصد الكادر الاداري

أنا ما أشك أنا متأكد من أن ((بعض)) ولاتعمم أخوي موظفين و ((موظفات)) كيوتل ممكن أيسربون ويزودون بالمعلومات كيوتل تحاول تسيطر على هالموضوع لكن بتشوف من ولا من اخوي غير ألأربع قضايا أنا كاتب رسالتين لأشخاص مهمين في كيوتل من سنة ونص ولا في أي رد آه يالقهر .

[KING OF FISH]

تحريات مو كيوتل ............... صح سمعت يعطون معلومات وارقاام للي يبون يعرفونه
وين الرقابه وين الامن لازم يكون هنااك راادع

أيش هو الرادع اللي بيكون لما تتفكك اسرة اختي الكريمة أنا أعرف زميلة معانا في العمل كانت أتجيها رسايل من (((مطراش))) لأبوها مكتوب فيها شوف بنتك راحت المكان الفلاني شوف بنتك الحين جاعدة مع من شوف بنتك سهرانة وين والخ الخ الخ .

[KING OF FISH]

للاسف في مشكلة اخرى وهيا الرقم الشخصي يعني انا لو عرفت الرقم الشخصي حقك استطيع الاتصال بكيوتل
وغير خدمة الانترنت لديك او الغيها تماما او اقوم بتغييير كلمة السر واليوزرنيم بالاتصال 111 وجربتها شخصيا ما اعرف كيف يثقون بان الشخص المتصل هو فعلا صاحب التلفون صحيح مرات بيطلبو تتكلم من نفس تلفون الرقم الشخصي بس مرات ما بيطلبو هذا تقصير كبييير في حق الموظفين والمفروض هالخدمة تكون الكترونية عن طريق موقع كيوتل مش بالاتصالات وكمان ممكن الغي بريدك الالكتروني تبع كيوتل كل دا برقمك الشخصي يعني انتا لو مدير شركة واعطيت نسخة من قيد المنشاة لاي حد اخد الرقم الشخصي والاسم كامل ويتصل بكيوتل ويعمل اللي هو عاوزه

ياعيني عليك ياعيني عليك ياعيني عليك يامحترف انت جبت السبب او اول الخيط الرئيسي وهو الرقم الشخصي وعلى ضوء الرقم الشخصي مو بس في كيوتل لا في كل ألأتجاهات وخصوصا الداخلية ومع الواسطة بيعرفون كل تحركاتك وطبعا عندنا مافي واسطة .

[عزتي سمو ذاتي]

أيش هو الرادع اللي بيكون لما تتفكك اسرة اختي الكريمة أنا أعرف زميلة معانا في العمل كانت أتجيها رسايل من (((مطراش))) لأبوها مكتوب فيها شوف بنتك راحت المكان الفلاني شوف بنتك الحين جاعدة مع من شوف بنتك سهرانة وين والخ الخ الخ .



هههههههههه رسايل بهالطريقة من مطراش عاد هاذي قويه


مطراش جهه حكومية ومو اي جهه حكومية بعد وزارة الداخلية مااعتقد بتسوي هالحركات السخيفة

[KING OF FISH]

اولا يالربع الموضوع متلخبط فوق تحت

اول شي اصلا صحيح ان كل شي يظهر عند كيوتل ( للموظفين ) ومش كل حاجة بالكامل

يعني عندكم مثلا موظفين خدمة العملاء مش كل حاجة تظهر عندهم

مثلا موظفين الفواتير مش كل حاجة تظهر عندهم

كل واحد يظهر عنده شغلة اللي يسويه وبس

وبخصوص تسجيل المكالمات انا اقولك يالطيب غلطان واذا انت عندك مايثبت

انا اعطيك مايثبت كلامي من مصادر اقوى من مصادرك ايضاً

المكالمات مااااتتسجل في جهاز تعقب بالمكالمات في كلمات معينه ( سياسية ) وكذا

اذا قلتها يبتدي الجهاز يسجل فققققققط لاغير

والا اذا واحد راعي مشاكل طبعا امر من الداخلية وسااااالفة طويلة لين بعدين يوصل كتاب الى كيوتل

عشان يراقبون هذا الرقم على 24 ساعه مثلا ,, وهكذا

لكن بتقول لي كل المكالمات مسموعه ومتسجلة باقولك شخبااارك يالطيب

سكان قطر وصلو مليون و 600 الف تتوقع كيوتل حاطين مليون و600 الف موظف عشان يقعدون يسمعون كل واحد في قطر شيقول ؟؟

يعطيكم العافية ^_^

أشكرك اولا عالرد وثانيا أنا أدري ان في كلمات معينة لو الواحد قالها يبدأ الجهاز في تسجيلها والحمد لله الواحد ماله في السياسة الله ايطولي عمرك أنا كنت في دولة خليجية من سنتين رايح لعلاج زوجتي ومعاي أعيالي وأحب أخبرك يالحبيب ان تم قطع تليفوني من ((وحدة )) متصلة آنه ماعرفها وهذي كانت القضية الكبيرة ألأولى ولم نصل لحل وكتبت كتاب شكوى رسمي في كيوتل وقالوا لي خلاص مافي حد يجدر الحين يدخل على خصوصياتك وبعد فترة رجعت تيتي لعادتها القديمة وقررت اقطع كل خطوط كيوتل مع العلم كنت من العملاء المميزين.

[KING OF FISH]

اذا متأكد أن في موظف في كيوتل يستغل منصب وصلاحياته ضد عملاءكيوتل

بلغ عنه اذا انت صادق واذاماستوى شي

ذيك الساعة تكلم واشتكي على راحتك

اعتقد اني ذكرت اني رافع اربع بلاغات وكتابين رسميين لكيوتل وأنا لو أعرف هالموظف أو الموظفة أقسم بالله ماأتأخر في اني ابلغ عنه وشكرا .

[KING OF FISH]

فعلا هناك من يحابي أصدقائه ويعطيه كل المعلومات والأرقام الصادرة والواردة..والله أستغرب من تضييع الأمانة وكشف أسرار العملاء لأي من كان..
لكن في هذه الحالة.. ما هو وضعنا القانوني..وما قانون كيوتل في هذه الحالة والموظف!!..

شكرا على الموضوع الهام جدا..

شكرا ياأم يوسف على الرد لكن فيني قهر من كثر ماكنت أتابع في شرطة العاصمة كان البلاغ يتنقل من ضابط الى ضابط وخلوا بالكم من هالمعلومة لكن اللي ايده في النار .

[KING OF FISH]

وينه صاحب الموضوع خل يجول لنا السالفه عدل؟

مو سالفة سوالف لكن جولي ايش بتسوي لما تتصلك وحدة وتقول اسم زوجتك وعيالك وخواتك ووين تشتغل وكم رقم شغلك طبعا بطريقة أستفزازية ولما يرسلون لك رسالة ايجولون وين ولدك رايح وأيش لابس ولما يرسلون لك رسالة ايجولون نسيبك شغال في المكان الفلاني ولما يقطعون خطك وأنت برع البلاد مع زوجتك وعيالك وانت في امس الحاجة حج تلفونك وجاي اتجولي ايش السالفة واللي قلته هذا كله ولا شي انت اتعرف يعني شنو امسوي اربع بلاغات يعني ولا مذكرات ام كلثوم اتشيلها تحياتي وشكرا على الرد .

[ذيبه مزاجيه]

يا اخوي فهمت الرجال غلط يمكن او ماعرف يوصل المعلومه

السالفه ومافيها يعني انه لو يعرف له اي شخص شغال في كيوتل يقدر يجيب له معلومات اي شخص ثاني يبيه

يعني انا لو اعرف شخص في كيوتل وابي اطلع انت من تكون ومن منه وفي اي فريج ساكن وكل تفاصيلك

اتصل حق الرجال اللي اعرفه في كيوتل واقوله شوف لي هالرقم بسم من وعطني تفاصيله

هذا اللي حاصل في كيوتل ولاتقولي مصداقيه مادري شنو في كيوتل هالشي معروف وقدامي صار هالكلام

واحد معانا في المجلس وقال لنا جبنا تفاصيل الرقم الفلاني وعرفنا كل شي عنه لان رفيجه في كيوتل

يعني شي معروف والكل عارف في هالشي والسبب هو ضعف النفوس والايمان عند موظفين كيوتل

الا من رحم ربي الا بعضهم فيه الخير والبركه وفي كل الاماكن حتى المرور المفروض في مثل هالامور

يخلونهم يحلفون انهم ماينشرون اي معلومات لاي شخص من الاشخاص حتى لو ابوهم يبي معلومات عن اي شخص مايعطونه شي

بس بعضهم مثل ماتقول ذمته وسيعه ماتفرق معاه حلف او ماحلف

والله يهدي الجميع بالتوفيق ان شاء الله

صج ذمه وسيعه .. ورب العالمين يمهل ولا يهمل لان كما تدين تدان..

حسبي الله عليهم ..

والله يعين صاحب الموضوع وتنحل مشكلته ..

[عضو قديم]

يا خي بكل بساطة تلقاها وحدة معجبة فيك ومجمعة معلومات عنك بس انت مب حاس فيها

[ماريسا]

أيش هو الرادع اللي بيكون لما تتفكك اسرة اختي الكريمة أنا أعرف زميلة معانا في العمل كانت أتجيها رسايل من (((مطراش))) لأبوها مكتوب فيها شوف بنتك راحت المكان الفلاني شوف بنتك الحين جاعدة مع من شوف بنتك سهرانة وين والخ الخ الخ .

لا حول و لاقوة الا بالله
لا حول ولا قوة الا بالله
شنو هاااااي !!! رسايل من مطراش بهالطريقة اش هالمصخرة اذا عندهم مشكلة يطلعون كل شي ع الطاولة يروحون يتفاهمون بطريقة رسمية مو رسايل استفزازية من مطراش حسبي الله ونعم الوكيل اش هالمصخرة صج ناس ما تستحي و لا تخاف الله
و اخوي الله يعينك على ما بلاك الله يقويك و ان شالله تاخذ حقك و احنا متابعين معاك و حسبنا الله ونعم الوكيل

[CH Engineer]

أيش هو الرادع اللي بيكون لما تتفكك اسرة اختي الكريمة أنا أعرف زميلة معانا في العمل كانت أتجيها رسايل من (((مطراش))) لأبوها مكتوب فيها شوف بنتك راحت المكان الفلاني شوف بنتك الحين جاعدة مع من شوف بنتك سهرانة وين والخ الخ الخ .

هههههههههههههههههههههههههههههههههههههههههههههههههه ههههههه

دقيقه خلني اضحك وبعدها برجع اعلق على الموضوع :tease:

[هذلان]

السلام عليكم

الشيخ بعد رسالتك الي على الخاص ،، بترد علي بالمعلومات بعد اسبوع ؟ ماينفع ؟


اكتشفت ان بأستطاعة اناس كثيرون من خارج كيوتل يستطيعون معرفة كل خصوصياتك وخصوصياتج


يعني برقم تلفونك يقدرون ايعرفون من انت وين ساكن وين تتصل من يتصلك وسمع هاي بعد ممكن ايسجلون مكالماتك الحين بتقول

للعلم اي موظف يدخل على رقم معين لشخص و يستفسر عن فاتوزه او مكالمات .. السستم يحتفظ باسم الشخص و متى و ايش المعلومات الي اطلع عليها .

الي فهمته من كلامك ان المعلومات يطلعونها ناس من برى كيوتل يعني المسئله فيها اختراق للامن في كيوتل !!

بخصوص موضوع مطراش ،، هذي حركه بسيطه كنت اسويها في ربعي .

يكون رفيجي عنده رقمين .. اسوي رنه على جواله الاول من جواله الثاني و انا في البيت ؟

و اقدر احط اي رقم او اي اسم احب انه يطلع لك اذا طرشت لك رساله او اتصلت لك .

الشيخ تحرى الدقه اكثر .. صدقني اتوقع كيوتل مالها ذنب في موضوعك هذا من اوله لين اخره .
و ترى مهب حبا في كيوتل ولكن احقاقا للحق

[ماريسا]

متابعين

[جوال 11]

أيش هو الرادع اللي بيكون لما تتفكك اسرة اختي الكريمة أنا أعرف زميلة معانا في العمل كانت أتجيها رسايل من (((مطراش))) لأبوها مكتوب فيها شوف بنتك راحت المكان الفلاني شوف بنتك الحين جاعدة مع من شوف بنتك سهرانة وين والخ الخ الخ .

رسائل مطراش من جهة حكومية وليس من كيوتل ، وكل كلامك يدل بأنك مأجور ومصيرك النسيان من كلامك الذي لا دلالة فيه من الحقيقة .

[JN000N]

السلام عليكم

الشيخ بعد رسالتك الي على الخاص ،، بترد علي بالمعلومات بعد اسبوع ؟ ماينفع ؟





للعلم اي موظف يدخل على رقم معين لشخص و يستفسر عن فاتوزه او مكالمات .. السستم يحتفظ باسم الشخص و متى و ايش المعلومات الي اطلع عليها .

الي فهمته من كلامك ان المعلومات يطلعونها ناس من برى كيوتل يعني المسئله فيها اختراق للامن في كيوتل !!

بخصوص موضوع مطراش ،، هذي حركه بسيطه كنت اسويها في ربعي .

يكون رفيجي عنده رقمين .. اسوي رنه على جواله الاول من جواله الثاني و انا في البيت ؟

و اقدر احط اي رقم او اي اسم احب انه يطلع لك اذا طرشت لك رساله او اتصلت لك .

الشيخ تحرى الدقه اكثر .. صدقني اتوقع كيوتل مالها ذنب في موضوعك هذا من اوله لين اخره .
و ترى مهب حبا في كيوتل ولكن احقاقا للحق

:victory:

يعني ناس برى يتحبلون لك مب كيوتل :nice:

[هذلان]

لهم :secret:

[Toomy]

السالفه كلها ماتدش المخ (حدث العاقل بما لا يعقل فأن صدق فلاعقل له!) و خاصه سالفة مطراش لو أقولها حق ياهل ما صدق ,أصلا شدخل مطراش في كيوتل!!!!!!!!!!

[G0LD]

كيوتل تعرف الحوه وعروقها لكن احنا نثق فيهم

ونعرف كل شي ويقدرون يعرفون انك انت نايم او صاحي ههههه

طالما الخدمه من عندهم لازم يعرفون كل شي -- والله يعين والله يرزقنا بالموظفين الي يسترون !!

ولاشك هناك موظفون في تلك الشركه فيهم الخير والبركه ويعطيهم ألف عافيه - ولاشك البعض يوجد به خلل :)

[MoTeC]

لا حول و لاقوة الا بالله
لا حول ولا قوة الا بالله
شنو هاااااي !!! رسايل من مطراش بهالطريقة اش هالمصخرة اذا عندهم مشكلة يطلعون كل شي ع الطاولة يروحون يتفاهمون بطريقة رسمية مو رسايل استفزازية من مطراش حسبي الله ونعم الوكيل اش هالمصخرة صج ناس ما تستحي و لا تخاف الله
و اخوي الله يعينك على ما بلاك الله يقويك و ان شالله تاخذ حقك و احنا متابعين معاك و حسبنا الله ونعم الوكيل
شوف انا موظف استعلامات يعني لاحد يفتلت علي بس
اول شي اختي قبل لاتردين اقري عدل ردود الاعضاء وانا بعد ااكد لج مطراش خدمه من كيوتل لاكن اللي يتحكم فيها من؟! وزاره الداخليه مش من كيوتل فـ كاتب الموضوع ماعنده دليل ورايح راد (جولولي واجول لكم))
اسمع شرايك اعطيك رقمي ابيك تطلع معلوماتي كلها طال عمرك و((تجولي)) انا من ومن هم اخواني على ((جولتك)) ولو بتجيب الرسايل تسوي خير خل نشوف شلون (بتجولي) و(بجولك) يابو (جول)
عندك دليل عطنا ادلتك ماعندك اكرمنا بسكوتك
وللعلم موظفين الداخليه عندهم ملفات جدان جدانك ليش ماتكلمت عنهم او امن الدوله؟!
صحيح المكالمات تتسجل لكن عند من ومن اللي يقدر يسمعهم؟ غير امن الدوله هذا اذا الشخص مشتبهين فيه ولا شي

اذا تبي رقمي ((جولي)) عشان (تجولي) انا وين ساكن ومن كلمني ههههه

انتهىى,,

[ماريسا]

سالفة أنهم يسجلون كلشي بالسيستم هاي شي أكيد
بس يا كثر اللي لهم معارف بكيوتل و ييجيب معلومات عن أي شخص عادي سهالات :s
حسبي الله و نعم الوكيل

[ماريسا]

شوف انا موظف استعلامات يعني لاحد يفتلت علي بس
اول شي اختي قبل لاتردين اقري عدل ردود الاعضاء وانا بعد ااكد لج مطراش خدمه من كيوتل لاكن اللي يتحكم فيها من؟! وزاره الداخليه مش من كيوتل فـ كاتب الموضوع ماعنده دليل ورايح راد (جولولي واجول لكم))
اسمع شرايك اعطيك رقمي ابيك تطلع معلوماتي كلها طال عمرك و((تجولي)) انا من ومن هم اخواني على ((جولتك)) ولو بتجيب الرسايل تسوي خير خل نشوف شلون (بتجولي) و(بجولك) يابو (جول)
عندك دليل عطنا ادلتك ماعندك اكرمنا بسكوتك
وللعلم موظفين الداخليه عندهم ملفات جدان جدانك ليش ماتكلمت عنهم او امن الدوله؟!
صحيح المكالمات تتسجل لكن عند من ومن اللي يقدر يسمعهم؟ غير امن الدوله هذا اذا الشخص مشتبهين فيه ولا شي

اذا تبي رقمي ((جولي)) عشان (تجولي) انا وين ساكن ومن كلمني ههههه

انتهىى,,

أخوي صح كلامك أمن الدولة هي الي بس يخول لها تشوف التسجيلات بس ما يمنع فئة من الموظفين ماتخاف الله ممكن (تفزع) لمعارفها و تعطيهم المعلومات اللي يبونها سواء هالمعارف من أمن الدولة او عامة الناس :rolleyes2::anger1:

[abo0o0od QtR]

السلام عليكم

يا اخــــــــــــــــوان خاطري اعرف التحامل على كيوتل هذا ليش

الحين كيوتل فيها 2000 موظف وزيادة اذا واحد منهم راعي الموضوع يعرفه وقاعد يتحدى فيه انه يطلع هالرقم باسم من ومادري ايش مب معناه كيوتل ما تهتم بسرية عملائها للتوضيح في كيوتل قبل لا توظف توقع ورقة السرية الخاصة بالشركة وعلائها وهالورقة تحكم عليك وايد اشياء

والي يخل بسرية العملاء كيوتل ما تحاسبه داخل الشركة بس لكن يستخدمون هالورقة ضده وتتحول قضية خيانة امانه واذا راعي الموضوع يعرف ناس في كيوتل ممكن يسالهم لانه في ناس انسجنوا بسبة هالموضوع

بالنسبة للملتيمديا يا اخوان كيوتل فيها 2 مليون عميل اتوقع ما وظفت للحين 100 الف موظف يشوفون رسايل هالمليونين عميل خلنا نتكلم بالمنظق الي يراقب اهوا الداخلية وازيدكم من الشعر بيت كيوتل نفسها ما تقدر تعرف من الي رقمه مراقب لانه الداخليه عندها الاكسس تراقب الي تبيه وبدون اذن كيوتل ولاغير كيوتل وهالشي ينطبق على الشركات الثانيه الي الهدف من هالموضوع اظهارها بصورة احسن من كيوتل

عموما باقلوكم شغله ياريت الي يحط موضوع يراعي ربه كيوتل فيها ناس تشتغل وهذا الموضوع انا اعتبره طعن في امانتهم كلهم

[The Watcher]

مش كأن هالشي عادي جداً؟؟

هالموضوع يتناقش حتى في امريكا واوروبا .. ان الحين ماصار في اي خصوصية للشخص .. ممكن اي شركة اتصال تطلع وين مكانك الحين بالضبط .. وكل معلوماتك

وتتوقع يعني ان امن الدولة مايسجلون كل مكالماتك؟؟
ولو انهم بيسجلون المكالمات .. تتوقع من مع بيتعاملون ؟؟ مع كروة مثلا؟؟ اكيد مع كيوتل

[MoHaMmEd114]

مش كأن هالشي عادي جداً؟؟

هالموضوع يتناقش حتى في امريكا واوروبا .. ان الحين ماصار في اي خصوصية للشخص .. ممكن اي شركة اتصال تطلع وين مكانك الحين بالضبط .. وكل معلوماتك

وتتوقع يعني ان امن الدولة مايسجلون كل مكالماتك؟؟
ولو انهم بيسجلون المكالمات .. تتوقع من مع بيتعاملون ؟؟ مع كروة مثلا؟؟ اكيد مع كيوتل

خلهم يسجلون المكالمات لغرض حماية البلد والمواطن والمقيم بشرط يحمون خصوصياتنا ويضمنون عدم نشرها

وكيوتل مالها يد في الموضوع

أهم شي الي عنده مشكلة خاصة يقدر يشتكي لكيوتل ويتابع معاهم

انا جربتهم


والصراحة بيض الله وجوهم حلو مشاكلي معاهم خلال يومين

بس طبعا اهل قطر الي حلوها الحمدالله

[لله الحمد]

:) يالربع في حد يقول أجولك (اقولك)!! في قطر !!

او حج (حق)

المهم الله يعينك على ما بلاك يا راعي الموضوع

شكلك مزيون .. وفي وحدة تحبك وتعرف عنك كل شي ..

من الاخر .. خذها مني

[KING OF FISH]

:) يالربع في حد يقول أجولك (اقولك)!! في قطر !!

او حج (حق)

المهم الله يعينك على ما بلاك يا راعي الموضوع

شكلك مزيون .. وفي وحدة تحبك وتعرف عنك كل شي ..

من الاخر .. خذها مني

what did you mean بالأنجليزي أيش تقصد بالعربي أنت عاوز ايه طبعا بالمصري شو بدك باللبناني يالحبيب وخذ هاي بس انت ترجمها وبالفلبيني Ano ba ang iyong lahi وهاي زيادة بالفرنسي بس حروف عربي عشان ماتطنز علينا آجولك وأقولك وقالولي وجالولي ((فولا فوميدا)) انت الله يرضى عليك ويسامحك تركت لب الموضوع وتكتب بالمنتدى عندنا هنا بقطر او آسف هي بالقاف ولابالجاف نكتب جالولي وقالولي جزاك الله خيرا .

[KING OF FISH]

رسائل مطراش من جهة حكومية وليس من كيوتل ، وكل كلامك يدل بأنك مأجور ومصيرك النسيان من كلامك الذي لا دلالة فيه من الحقيقة .

الله يسامحك.

[KING OF FISH]

شوف انا موظف استعلامات يعني لاحد يفتلت علي بس
اول شي اختي قبل لاتردين اقري عدل ردود الاعضاء وانا بعد ااكد لج مطراش خدمه من كيوتل لاكن اللي يتحكم فيها من؟! وزاره الداخليه مش من كيوتل فـ كاتب الموضوع ماعنده دليل ورايح راد (جولولي واجول لكم))
اسمع شرايك اعطيك رقمي ابيك تطلع معلوماتي كلها طال عمرك و((تجولي)) انا من ومن هم اخواني على ((جولتك)) ولو بتجيب الرسايل تسوي خير خل نشوف شلون (بتجولي) و(بجولك) يابو (جول)
عندك دليل عطنا ادلتك ماعندك اكرمنا بسكوتك
وللعلم موظفين الداخليه عندهم ملفات جدان جدانك ليش ماتكلمت عنهم او امن الدوله؟!
صحيح المكالمات تتسجل لكن عند من ومن اللي يقدر يسمعهم؟ غير امن الدوله هذا اذا الشخص مشتبهين فيه ولا شي

اذا تبي رقمي ((جولي)) عشان (تجولي) انا وين ساكن ومن كلمني ههههه

انتهىى,,
شفتو كيف ياجماعة الخير حتى انت يالي شغال بكيوتل بدال ماتكتب على العلن تعال اخوي وأحنا بنوجف صححلي لو غلط الكلمة معاك وعلى فكرة أنا مستعد بس يكون هالشي علني اني اجي عندكم يكيوتل وأعطيك رقمي وانت خبرني وخبر كل اللي في المنتدى منهو اللي يطلع على معلوماتي في شركتكم الموقرة ونحيل هالموظف أو الموظفة للقضاء أيش رايك على ((جولتك وجولتي))

[حنان الدنيا]

:)

ضحكت من الصبح اخوي وعلى ردود بعض الاعضاء وبعدين خير لو كيوتل تسجل خلها تسجل عادي

واسمح لي اخوي اقولك شغله مهمه اللى انته تقوله بخصوص مطراش مب كيوتل تطرشه واللي لهم

في قواعد البيانات بيعرفون هالشئ ونصيحه لاتقول شئ ماتعرفه احسن

وصحيح كيوتل فيها عيوب بس مو لهاذي الدرجه وصح في ناس ماتخاف الله بس من جهه ثانيه في ناس

تخاف الله وحط في بالك ان كيوتل لو عرفت اي تسريب او من اللى تقوله بتاخذ موقف والسالفه مب لعبه

ولا احنا صغار

كنت حابه اكون متابعه للموضوع بس ماقدرت ماارد

[mr_qtr]

مره من زمان كنت اطرش مسج ويقول لي فشل في الارسال،،،
كررت الحركة اكثر من مره لأني ظنيت السبب من ضعف الارسال في الغرفه،،،
و قلت ليكون يروح الرصيد وانا اطرش كل اشوي وفشل :rolleyes2:
المهم يوم شفت ان الرصيد نقص،،، اتصلت على كيوتل استفسر،،،
وتفاجأت من التفاصيل اللي عطتني اياهم الموظفه وكم عدد الرسايل وانهم رساله وحده مكرره:omg:
فإذا كانت موظفة 180 عندها مثل هالصلاحية،،، فما استغرب موظف ثاني بصلاحيات مختلفة يقدر يعرف كل تفاصيل العميل.

انا الحمدلله ماواجهت مثل هالمشاكل

بس اختي موظفين 180 مالهم خص في هالاشيا!!!

حتى لو كلمتيهم وقلتي لهم عن هالمشكله بيقولون لج اتصلي 111

يعطيج العافيه

[KING OF FISH]

:)

ضحكت من الصبح اخوي وعلى ردود بعض الاعضاء وبعدين خير لو كيوتل تسجل خلها تسجل عادي

واسمح لي اخوي اقولك شغله مهمه اللى انته تقوله بخصوص مطراش مب كيوتل تطرشه واللي لهم

في قواعد البيانات بيعرفون هالشئ ونصيحه لاتقول شئ ماتعرفه احسن

وصحيح كيوتل فيها عيوب بس مو لهاذي الدرجه وصح في ناس ماتخاف الله بس من جهه ثانيه في ناس

تخاف الله وحط في بالك ان كيوتل لو عرفت اي تسريب او من اللى تقوله بتاخذ موقف والسالفه مب لعبه

ولا احنا صغار

كنت حابه اكون متابعه للموضوع بس ماقدرت ماارد
شكرا جزيلا أنا ماقلت ان كل الموظفين او كل الموظفات كيوتل كمؤسسة اوشركة تحب تحافظ على عملائها لكن في ((بعض)) ضعاف النفوس الله يهديهم جزاكم الله خيرا .

[امل الحب]

مو سالفة سوالف لكن جولي ايش بتسوي لما تتصلك وحدة وتقول اسم زوجتك وعيالك وخواتك ووين تشتغل وكم رقم شغلك طبعا بطريقة أستفزازية ولما يرسلون لك رسالة ايجولون وين ولدك رايح وأيش لابس ولما يرسلون لك رسالة ايجولون نسيبك شغال في المكان الفلاني ولما يقطعون خطك وأنت برع البلاد مع زوجتك وعيالك وانت في امس الحاجة حج تلفونك وجاي اتجولي ايش السالفة واللي قلته هذا كله ولا شي انت اتعرف يعني شنو امسوي اربع بلاغات يعني ولا مذكرات ام كلثوم اتشيلها تحياتي وشكرا على الرد .

:rolleyes2:

يراقبون مكالماتك بلعناها .. بس شدخلهم يعرفون اسم هلك اذا الخط باسمك والا يقولون لك ولدك وين ليكونون حاطين موظف ورا كل واحد من هلك .. ياخي حدث العاقل بما يعقل ..

قدم بلاغ في كيوتل وهم بيطلعون لك اذا موظف داخل على بياناتك وفيها حساب عسير .. مو مثل ماتقول سهالات .. حتى لو حد طلع حق رفيجه والشخص الي طلعوا بياناته قدم شكوى بيطلعونه وبيتلونه لاتتوقع ان الامور بسيطة .. :rolleyes2:

انا اقول تعوذ من بليس ودور حولك لان هالشخص قريب منك ماتوقع كيوتل لها علاقة بالموضوع .. وسالفة الهندي والنيبالي الي مافهمناها ..!

[بومحمد]

أخوي موضوعك بصراحة من وجهة نظري غامض
الله يعينك

[سعد81]

أيش هو الرادع اللي بيكون لما تتفكك اسرة اختي الكريمة أنا أعرف زميلة معانا في العمل كانت أتجيها رسايل من (((مطراش))) لأبوها مكتوب فيها شوف بنتك راحت المكان الفلاني شوف بنتك الحين جاعدة مع من شوف بنتك سهرانة وين والخ الخ الخ .

اذا انت صادق ان مطراش مرسله لك هاذي الرسايل او حق صديقتك او اي شخص


جيب دليل على العام

او انت كذاب وتبالغ ولا تعرف وين الله حاطك


(( جاعده )) هههه

[ام السعف]

كلام صاحب الموضوع فيه الكثير من الصحة ،،

هل الخطأ يعود الى كيوتل كشركة ؟

طبعا لا

الخطأ كل الخطأ فيمن لم يقدر الأمانة ،، بعض الموظفين سهالات
عندهم انهم يخدمون ربعهم ،، لا ضمير يردعهم ولا خوف من الله يوقفهم عند حدهم ،،

ممكن جدا مثلا ابي اعرف تفاصيل فاتورة ولدي او بو العيال
سهل جدا لو عندي صديق في كيوتل ،، اعطيه الرقم يعطيني التفاصيل منسوخة ،،

سهل جدا عندي رقم و مب عارفة شسم صاحبه ،، اطلب من رفيجي
بياناته كاملة ،،

سهل جدا التنصت على مكالماتي لو سمح عامل الدعم الفني بهذا ،،

فهل المشكلة تعود لكيوتل ؟

ارجع اقول لا ،، كيوتل تضع ثقتها في موظفينها لكن هناك من لا
يقدر هذه الثقة و يتلاعب بخصوصيات الناس ،،

[almaf1a]

جولوا للغالي جولوله وشوله يبطي وشوله

[bluelion]

ممكن واحد يسجل في مواقع للرسائل القصيرة sms على الإنترنت ويدفع مبلغ قليل، ويرسل بأي إسم... مثل "metrash" وهذه أسماء عامة ولا علاقة لكيوتل أو قطر بها... يعني ممكن يرسل لك رسالة عن طريق موقع موزمبيقي أو هندي أو صيني ... بأي إسم بشرط انه يكون بحروف أجنبية/لاتينية .

[KING OF FISH]

اذا انت صادق ان مطراش مرسله لك هاذي الرسايل او حق صديقتك او اي شخص


جيب دليل على العام

او انت كذاب وتبالغ ولا تعرف وين الله حاطك


(( جاعده )) هههه

جزاك الله خيرا ---- الله يحفظك من أي شر .

[ماريسا]

ممكن واحد يسجل في مواقع للرسائل القصيرة sms على الإنترنت ويدفع مبلغ قليل، ويرسل بأي إسم... مثل "metrash" وهذه أسماء عامة ولا علاقة لكيوتل أو قطر بها... يعني ممكن يرسل لك رسالة عن طريق موقع موزمبيقي أو هندي أو صيني ... بأي إسم بشرط انه يكون بحروف أجنبية/لاتينية .


فكرت فيها ..
و الله تصير

[KING OF FISH]

ممكن واحد يسجل في مواقع للرسائل القصيرة sms على الإنترنت ويدفع مبلغ قليل، ويرسل بأي إسم... مثل "metrash" وهذه أسماء عامة ولا علاقة لكيوتل أو قطر بها... يعني ممكن يرسل لك رسالة عن طريق موقع موزمبيقي أو هندي أو صيني ... بأي إسم بشرط انه يكون بحروف أجنبية/لاتينية .

الحين عرفت كيف طرشوا عن طريق مطراش لكن أخوي أنا لما أجيني رسالة من مطراش وشلون أعرف الطريقة اللي شرحتلنا أياها شكرا الشيخ .

[مابدل العادات]

انزين وين المشكله ؟؟؟

هاي الشي معرووف ومن زمان

عجل اشلون بيعطونك رقم ؟ موب انت تعبي البيانات بنفسك ؟؟ اكيد بيعرفون كل شي عنك !

[MoTeC]

(اجول) ياصاحب الموضوع لايكثر بس
واختي لولوتي انا موظف 180 واتحداج ان 180 يعرفون من طرش مسج ومن ماطرش اساسن احنا دليل روحي اي فرع لكيوتل واطلبي الدليل هذا شغلنا لكن ببرنامج يسهل عميله البحث وبس
رجاءً اللي مايعرف لايألف من عنده واللي رفيجه طلع له رقم هذا خاين للامانه وبيجيه يوم بيصيدونه وبيلتهونه
برب بس اروح الدوام ابرك

[CH Engineer]

مو سالفة سوالف لكن جولي ايش بتسوي لما تتصلك وحدة وتقول اسم زوجتك وعيالك وخواتك ووين تشتغل وكم رقم شغلك طبعا بطريقة أستفزازية ولما يرسلون لك رسالة ايجولون وين ولدك رايح وأيش لابس ولما يرسلون لك رسالة ايجولون نسيبك شغال في المكان الفلاني ولما يقطعون خطك وأنت برع البلاد مع زوجتك وعيالك وانت في امس الحاجة حج تلفونك وجاي اتجولي ايش السالفة واللي قلته هذا كله ولا شي انت اتعرف يعني شنو امسوي اربع بلاغات يعني ولا مذكرات ام كلثوم اتشيلها تحياتي وشكرا على الرد .

قويه عاد شغل نسبيك شلون :tease:

يمكن حد يعرفك وحاقد عليك وشغال بنفس الوقت في كيوتل...

قطع التلفون يمكن انك تروح لكيوتل وتدخل على المدير وتسأل من الي قطع الخط علي بدون سبب السستم ولا موظف..
تقدر تعرف اسم الموظف بأقل من دقيقه وتروح تقعد معاه تشوف ايش سالفته او تشتكي عليه...

اهم شي اجولك طرشله مسج جوله مساء الخير تراني رايح الخيام اتحداك تعرف ايش بطلب :shy:
وطلع رقم فودافون جديد وجوله هذا رقمي حياك استقبل مسجاتك الحلوه بأي وقت
خله يحس انه كل الي سواه ماله اي معنى وتعبه راح ع الفاضي

[ماريسا]

الحين عرفت كيف طرشوا عن طريق مطراش لكن أخوي أنا لما أجيني رسالة من مطراش وشلون أعرف الطريقة اللي شرحتلنا أياها شكرا الشيخ .

كيف عرفت ؟ و شلون طرّش ؟

[حليتان*]

كيف عرفت ؟ و شلون طرّش ؟


ممكن واحد يسجل في مواقع للرسائل القصيرة sms على الإنترنت ويدفع مبلغ قليل، ويرسل بأي إسم... مثل "metrash" وهذه أسماء عامة ولا علاقة لكيوتل أو قطر بها... يعني ممكن يرسل لك رسالة عن طريق موقع موزمبيقي أو هندي أو صيني ... بأي إسم بشرط انه يكون بحروف أجنبية/لاتينية

الحين عرفت كيف طرشوا عن طريق مطراش لكن أخوي أنا لما أجيني رسالة من مطراش وشلون أعرف الطريقة اللي شرحتلنا أياها شكرا الشيخ .


.

_____


......................



الله يعينك