الاكتتابات دمرت بورصة قطر ..

[الفهدي]

في ضل مانراه حاليا يجب على الحكومة وهيئة سوق المال ان تتدخل لوقف الاكتتابات في دولة قطر بمالا يقل عن عام وذلك لكون صغار المستثمرين دمروا السوق بكثرة عروضهم للأسهم التي حصلوا عليها عن طريق الاكتتابات المتتالية .

يا اخوان إذا استمر الوضع على ماهو عليه فسوف يصل مؤشر بورصة قطر إلى مستوى من الانحدار لم يصل له من قبل

الفهدي

[jajassim]

:looking: :looking: :looking:

:eek2: :eek2: :eek2:

[qnet]

ناس تقول الاكتتابات
وناس يقلون عدم الوعي

عيل تبونا هشكل بدون اكتتاب ولا شي تنفرج يعني على الدول المجاوره مشالله بين كل شهر وششهرين مطروحه شركة جديدة

والسوق يعني بخير بس على الناس توقف طلباتها الي يعرضونها على لمت دون المفروض انهم تعلموا من الشغله هذي والخسارة

مافيه حد كله كسبان ولا في حد كله خسران يعني الاثنين

ومحد قال حق الناس بعد تشتري اسهم من السوق على غااااااالي

[bo_hamad]

طيب سلام عليكم ياوطني ... كيفك ياوطني .... اخبارك ياوطني .... اكيد انك طيب ياوطني .... دام ندخل بكل مالدينا في سوقك ياوطني وانت تاخذ نصها وتعلقنا في الشركات ياوطني .... هذا وانا ابنك ياوطني ..... تدري ياوطني اني دخلت قبل ثلاث سنوات في سوق الاسهم وياليتني مادخلت ياوطني .... ليتني شريت ارضيه من اراضيك ياوطني وحطيت فيها غرفتين ياوطني وحمدت الله على راتبي ياوطني ... لكن قلنا لا لازم نشارك الناس في هالفلوس .... واكلونا ياوطني وانت ...!! تصدق ياوطني اني مادريت عن يومك الا بعد ماراح... طيب على الاقل علمني ياوطني ... افااا عليك ياوطني ... ما توقعتها منك ولاكني منك وانت مني ... عموما ياوطني شكلك نسيتني ... انا من؟؟ افا ياوطني ..!! انا ياوطني ابنك ... نسيت يوم اني تخرجت ولا لقيت وظيفه ... نسيت ياوطني يوم ان ابوي تعبان ياوطني وابي ادخل مستشفى وتقول مافي امكانيه واليوم الثاني اقرا بالجريده انك جبت أجانب للمستشفى ليه ياوطني ... تذكر يوم اني اجي اقول فاتورتي فيها غلط طلعت اكثر من راتبي وانا ياوطني ما اكلم الا ابوي وامي والقى الفاتوره فيها مكالمات خارجيه وماعندي صفر دولي اصلاً وتقول ياوطني غصب عنك تسددها او تحسب عليك مديونيه ... نسيت ياوطني ..؟ نسيت كل هذا ... وفوق هذا ياوطني حاط لنا ( هيئة سرقة المال ) عفواً!! ( هيئة سوق المال) تدير اموالنا طبعا بعد ماتاكل نصها ياوطني .... ياوطني تعبت ... لا عاد تقول لا للسفر وللهجره خلاص ياوطني .... استاذنك واشوفك على خير .. يعلم الله ياوطني اني اتمنى لك كل خير لكن ... جبرتني اتركك وارحل بعيد ... المرسل : ابنك