المساعد الشخصي الرقمي

مشاهدة النسخة كاملة : سألوها فيج السكر؟؟ قالت ليش مب قطريه؟؟


JN000N
26-03-2010, 06:14 PM
الشعب المدلل بين فيه الدلال بمرض السكري هاي اللي قاله احد الدكاتره الاجانب :)


تدرون شللي صاير؟ ان ثلاث ارباع دولة قطر يعانون من مرض السكري لدرجة صارت اللي ما فيها سكري يقولون لها ليحين ما خذتي الجواز :omen2:

وعلى قولة الثانيه علني ماخذته لو الجواز بالسكري :rolleyes2:

اعرف وحده راحت المستشفى تكشف عن السكري والكوليسترول والضغط وكل شي فيه بلوه طلع فيها الضغط والسكر والكوليسترول مرتفع :omg:

لا ويقول لها الدكتور ما شاء الله خذتي الجواز وبجداره :nice:

من اكثر من موقع قريت هاي المعلومات :)

غالبية سكان دولة قطر يعانون من مرض السكري

في استطلاع رأي اجري في قطر عن داء السكري، كان رد معظمهم (%52) بأنهم أو أحد أفراد عائلاتهم المباشرة أو أصدقائهم يعانون من داء السكري.
وفيما يلي النتائج التي توصل إليها موقع يوغوف سراج عبر استطلاع للرأي أجرته على الانترنت خلال شهر فبراير 2010، وقد شارك فيه165 مقيما في دولة قطر.
ُسئل سكان دولة قطر في استطلاع الرأي وحدد 9 % من الذين شملهم الاستطلاع أنهم مصابون بداء السكري، ويقول 11 % أن أزواجهم و%16 أن أصدقائهم يعانون من المرض. ويوضح 43 % أن آباءهم وبعض أفراد العائلة (%44) مصابون بمرض السكري.

... .... الخ الخ وما يحتاي نشوف التكلمه وصلت المعلومه

شنو اسباب المرض؟ وليش دام نعرف اسبابها ما نكافحها؟

اخرتها قالو من رفاهيه هذا الشعب << لاحظتو :discuss: صادهم المرض :omen2: لاحول ولا قوة الا بالله!! يعني الواحد ما يدلع نفسه؟؟ :eek5:

دلع نفسك.. كل اللي تبيه بس مارس الرياضه بعد :victory: خفف من السكريات لا تهببها

اعرف وحده بعد ما شاء الله عليها انا اللي احب السويت مايي ربعها يعني البنت تاكل سنكرز وتشرب بيبسي او كولا فنفس الوقت :eek5: وتقول طعمه سويييتيي :omg: << ابي اعرف شلون؟؟

اللي فيه السكر يقول لنا عن تجربته مع المرض وهل اكتسبه عقب والا من يوم كان صغير؟ واللي فيها السكر هل كان فيها من قبل؟ والا مع الحمال صادها والا عقب؟؟؟

منها ناخذ منهم معلومات نتفاداها وننصحهم :nice: ونشوف حلول تساعد الكل

والا شرايكم :telephone:


الله يشفي الجميع
حليتان*
26-03-2010, 06:31 PM
هاهاهاههاهاهاه انا ما عندي جواز ...

انتي عندج جواز ؟



يسلموو على المعلومة
روض
26-03-2010, 06:38 PM
انشالله ماخذا هالجواز<<<يارب

بس عندى حاله فى البيت والى اسمعه ان السكر وراثه
fatima88
26-03-2010, 06:52 PM
هو موب من الرفاهيه .. هو من قله الوعي الصحي و قله الثقافه الصحيه العامه.
يعني الأم والاب يسمحون لعيالهم كل يوم بتناول بالوجبات السريعه وماهي الا سموم ( البدانه والسكر والربو مرتفع عند الاطفال ) بهل سبب..
شخصيا اعرف عوائل ابدا ما ياكلون من اكل البيت دائما اكل مطاعم ..
وثاني شي الرياضه .. انا اعترف ان الجو احيانا مايسمح للمشي ولا يوجد حتى اماكن للمشي كالدول الاوروبيه
بس مايمنع ان الواحد يتمشى بالحوش ...
الصراحه ما اهتم واركز بالكبار لان لهم الخيار ان يستمروا بالغلط او يصححوا من عاداتهم.. انا خوفي على الاطفال اللي مالهم ذنب يوصل بالاعداديه ولا الثانويه ويطلع عنده السكر بسبب التربيه الخطأ ..

الله يعين
المبرمج صلاح
26-03-2010, 07:03 PM
هو موب من الرفاهيه .. هو من قله الوعي الصحي و قله الثقافه الصحيه العامه.
يعني الأم والاب يسمحون لعيالهم كل يوم بتناول بالوجبات السريعه وماهي الا سموم ( البدانه والسكر والربو مرتفع عند الاطفال ) بهل سبب..
شخصيا اعرف عوائل ابدا ما ياكلون من اكل البيت دائما اكل مطاعم ..
وثاني شي الرياضه .. انا اعترف ان الجو احيانا مايسمح للمشي ولا يوجد حتى اماكن للمشي كالدول الاوروبيه
بس مايمنع ان الواحد يتمشى بالحوش ...
الصراحه ما اهتم واركز بالكبار لان لهم الخيار ان يستمروا بالغلط او يصححوا من عاداتهم.. انا خوفي على الاطفال اللي مالهم ذنب يوصل بالاعداديه ولا الثانويه ويطلع عنده السكر بسبب التربيه الخطأ ..

الله يعين

معاك اخوي والله ما شفتها غير في دول الخليج طالب في الاعدادية او الثانوية ومعاه السكر
لا حول ولا قوة الا بالله تعرف عنا في مصر لمن تقول الواحد معاه عالطول تعرف ان عمره فوق الاربعين وان السبب يكون سوء في نظام التغذية وعدم الرياضة
غير البشر
26-03-2010, 07:06 PM
انا الحين الحين ماخذت الجواز
وان شاء الله ماخذه :(
ومابي حد يقولي يا سكر :tease::shy:
يسلمووووووووو جنون على الاحصائيات
JN000N
26-03-2010, 07:45 PM
هاهاهاههاهاهاه انا ما عندي جواز ...

انتي عندج جواز ؟



يسلموو على المعلومة

هههههههه لا ماعندي جواز :nice:

يسلمك :)
JN000N
26-03-2010, 07:48 PM
انشالله ماخذا هالجواز<<<يارب

بس عندى حاله فى البيت والى اسمعه ان السكر وراثه

انشالله امين :)

بعضهم وراثه وبعضهم فجأه يصيدهم :)
اسم العضو
26-03-2010, 07:53 PM
السلام عليكم و رحمة الله و بركاته

ليحين ما مرضت و إن شاء الله ما يصيدني هالمرض بعد ...

انا مهدد بالسكر يا اخوان و كل ما أتذكر هالمرض أتضايق

والدي الله يرحمه توفى و عمره 48 أو 49 و أحد الأسباب الرئيسيه هو مرض السكر ... فحاسبوا يا اخوان

الله يبعد هالمرض عنا و عنكم و يشفي كل شخص أُصيب بهالمرض
The Master
26-03-2010, 07:59 PM
احم...خلني اتفنتق عليكم شوي...

تصحيح للمعلومات الخاطئه...واللي لازالت متوارثه بين الناس...وحتى الدكاتره القليلين الاطلاع على تطور الطب...

المهم...

السكر يكون انواع...في النوع الاول وهو لازم ب الابر...
والثاني يا يكون رجيم وتخفيف الوزن...او احبوب...

ماعلينا من هذا كله...

لازم تعرفون...
ان الطب لحد يومنا هذا...ماعرف وش سبب مرض السكري...
والمشكله...ان مرض السكري منتشر في اسيا...خاصه الشرق الاوسط...وجنوب اسيا مثل الهند وباكستان...

ولحد يومك ما اعرفوا وش اسبابه...ناس قالت نوعية الاكل...ناس قالت وراثه...ولازال البحث مستمر لمعرفة سبب المرض...وسبب توقف اصدار جسم الانسان للاونسلين...

يعني عادي...تشوف شخص متين صح...واكله كله كافي وبيبسي..ودهون...لكن الانسلين عنده شغال...يمكن يصيدها اجهاد وتتعب البنكرياس...لكن عقب فتره لما يخف على عمره ترجع...وهذا يكون النوع الثاني...

وفي ناس ماتلقى اضعف منهم...واكلهم خفيف...وبسيط...لكن يصيدهم سكر...وتوقف البنكرياس عن اصدار الاونسلين...وهذا النوع الاول...لازم ابره...طول حياته...


القصد...
يمكن "قلت يمكن"...السكريات والدهون تجهد البنكرياس وذلك لكثره اصدار الانسلين عشان يحرق السكريات في الجسم...لكن ماتموت...نفس ما يصير عند النوع الاول...
واحتمال كبير مايصيده اي شي...واحتمال بسيط ان يجيه النوع الثاني...وبالريجيم يرجع السكر طبيعي...وبالرياضه طبعا...


واعرفوا ان الحبوب...تجهد البنكرياس...وتخليه يفرز الاونسلين...
فا تجنبوا هالعناء...
وخفوا من السكريات...والدهون...
عشان بس تبتعدون عن الاحتمالات...وغير هذا الحياه الصحيه...الجسم السليم في العقل السليم...

واما اللي يجيهم النوع الاول...وهو ب عدم افراز الاونسلين...يكون بالابر...كل يوم...
هذول الله ياجرهم يارب...وان شاء الله اجرهم عند ربي...مع كل وخزة ابره...وكل شقى يواجهونه يارب...


والله يحفظكم جميعا...
واتركوا عنكم مواضيع الامراض...وركزوا في مواضيع الرياضه...والحركه...
اشرح لكم...واريح...وابعيد عن الغثى والشقى...

ومن يبغي يتاكد من الملعومات اللي انا ذكرتها خله يبحث...وبيجيه الجواب...
ولا تصدقون اي شي ينقال...الا عق ما تتاكدون...وان كان مني...

ولاهنتي اختي جنون على الموضوع المحاتي...احم
هدهد سليمان
26-03-2010, 08:00 PM
انا اللي اعرفه اذا مب مديون مب قطري اما سكري جديده !! الله يبعد عنا وعنكم جميع السكري والضغط
JN000N
26-03-2010, 08:37 PM
هو موب من الرفاهيه .. هو من قله الوعي الصحي و قله الثقافه الصحيه العامه.
يعني الأم والاب يسمحون لعيالهم كل يوم بتناول بالوجبات السريعه وماهي الا سموم ( البدانه والسكر والربو مرتفع عند الاطفال ) بهل سبب..
شخصيا اعرف عوائل ابدا ما ياكلون من اكل البيت دائما اكل مطاعم ..
وثاني شي الرياضه .. انا اعترف ان الجو احيانا مايسمح للمشي ولا يوجد حتى اماكن للمشي كالدول الاوروبيه
بس مايمنع ان الواحد يتمشى بالحوش ...
الصراحه ما اهتم واركز بالكبار لان لهم الخيار ان يستمروا بالغلط او يصححوا من عاداتهم.. انا خوفي على الاطفال اللي مالهم ذنب يوصل بالاعداديه ولا الثانويه ويطلع عنده السكر بسبب التربيه الخطأ ..

الله يعين

احد الاسباب هو الاكل وقلة ممارسه الرياضه بس بعد في اللي بالوراثه :(
وفي اطفال من وهم صغار فيهم سكر :weeping:
JN000N
26-03-2010, 08:40 PM
معاك اخوي والله ما شفتها غير في دول الخليج طالب في الاعدادية او الثانوية ومعاه السكر
لا حول ولا قوة الا بالله تعرف عنا في مصر لمن تقول الواحد معاه عالطول تعرف ان عمره فوق الاربعين وان السبب يكون سوء في نظام التغذية وعدم الرياضة

اسمها فاطمه شدخل اخوي :rolleyes2:

لانكم فمصر حرجين ما تيلسون كل ما تقرون احنا اللي عندنا كله يالسين وما يتحركون وكله عيزانين

بس هاي مب معناته ان ما عندكم بالوراثه :) لان يصيد الاطفال والمراهقين بعد
JN000N
26-03-2010, 08:42 PM
انا الحين الحين ماخذت الجواز
وان شاء الله ماخذه :(
ومابي حد يقولي يا سكر :tease::shy:
يسلمووووووووو جنون على الاحصائيات

انشالله ما تاخذه وتتم بدون :omg: ههههههههه

من قال لك انت سكر؟:telephone: متاكد قالوها؟ خخخ اتغشمر


والله يسلمك تسلم عالمرور
هند88
26-03-2010, 08:53 PM
شكرررررررررررررررررررررراااا مااااااااااابي هالجواز ويعلني ماخذته..

الله يكافينا شره ..
النهار
26-03-2010, 08:58 PM
انا ماعندي سكري عندي ضغط انا في اي فئه ههههههههههههههههههههه
بوعلي2
26-03-2010, 09:27 PM
انا ماعندي جواز ومابي الجواز والله يحفضنا جميعا من جميع الامراض

توني ماكل من هارديز لاتخلوني اوسوس :weeping:
JN000N
26-03-2010, 09:54 PM
السلام عليكم و رحمة الله و بركاته

ليحين ما مرضت و إن شاء الله ما يصيدني هالمرض بعد ...

انا مهدد بالسكر يا اخوان و كل ما أتذكر هالمرض أتضايق

والدي الله يرحمه توفى و عمره 48 أو 49 و أحد الأسباب الرئيسيه هو مرض السكر ... فحاسبوا يا اخوان

الله يبعد هالمرض عنا و عنكم و يشفي كل شخص أُصيب بهالمرض

وعليكم السلام ورحمة الله وبركاته
الله يحفظك انشالله ماعليك شر وانتبه على صحتك :)
meme~qatar
26-03-2010, 09:58 PM
الحمدلله ماخذت الجواز لا انا ولا هلي
وانشالله ماناخذ هالجواز

بس احب السكر والحلويات
JN000N
26-03-2010, 10:04 PM
احم...خلني اتفنتق عليكم شوي...

تصحيح للمعلومات الخاطئه...واللي لازالت متوارثه بين الناس...وحتى الدكاتره القليلين الاطلاع على تطور الطب...

المهم...

السكر يكون انواع...في النوع الاول وهو لازم ب الابر...
والثاني يا يكون رجيم وتخفيف الوزن...او احبوب...

ماعلينا من هذا كله...

لازم تعرفون...
ان الطب لحد يومنا هذا...ماعرف وش سبب مرض السكري...
والمشكله...ان مرض السكري منتشر في اسيا...خاصه الشرق الاوسط...وجنوب اسيا مثل الهند وباكستان...

ولحد يومك ما اعرفوا وش اسبابه...ناس قالت نوعية الاكل...ناس قالت وراثه...ولازال البحث مستمر لمعرفة سبب المرض...وسبب توقف اصدار جسم الانسان للاونسلين...

يعني عادي...تشوف شخص متين صح...واكله كله كافي وبيبسي..ودهون...لكن الانسلين عنده شغال...يمكن يصيدها اجهاد وتتعب البنكرياس...لكن عقب فتره لما يخف على عمره ترجع...وهذا يكون النوع الثاني...

وفي ناس ماتلقى اضعف منهم...واكلهم خفيف...وبسيط...لكن يصيدهم سكر...وتوقف البنكرياس عن اصدار الاونسلين...وهذا النوع الاول...لازم ابره...طول حياته...


القصد...
يمكن "قلت يمكن"...السكريات والدهون تجهد البنكرياس وذلك لكثره اصدار الانسلين عشان يحرق السكريات في الجسم...لكن ماتموت...نفس ما يصير عند النوع الاول...
واحتمال كبير مايصيده اي شي...واحتمال بسيط ان يجيه النوع الثاني...وبالريجيم يرجع السكر طبيعي...وبالرياضه طبعا...


واعرفوا ان الحبوب...تجهد البنكرياس...وتخليه يفرز الاونسلين...
فا تجنبوا هالعناء...
وخفوا من السكريات...والدهون...
عشان بس تبتعدون عن الاحتمالات...وغير هذا الحياه الصحيه...الجسم السليم في العقل السليم...

واما اللي يجيهم النوع الاول...وهو ب عدم افراز الاونسلين...يكون بالابر...كل يوم...
هذول الله ياجرهم يارب...وان شاء الله اجرهم عند ربي...مع كل وخزة ابره...وكل شقى يواجهونه يارب...


والله يحفظكم جميعا...
واتركوا عنكم مواضيع الامراض...وركزوا في مواضيع الرياضه...والحركه...
اشرح لكم...واريح...وابعيد عن الغثى والشقى...

ومن يبغي يتاكد من الملعومات اللي انا ذكرتها خله يبحث...وبيجيه الجواب...
ولا تصدقون اي شي ينقال...الا عق ما تتاكدون...وان كان مني...

ولاهنتي اختي جنون على الموضوع المحاتي...احم

هلاا احم احم

شكرا للمعلومات المفيده :) هاي المقصد انا بغيت النوع الثاني اللي علاجه سهل وهو الاحتمال الي قلته


وتسلم احم الموضوع المحاتي عشان الناس شوي ينتبهون احم :nice:
00soma00
26-03-2010, 10:05 PM
الله يشفى كل مرضى المسلمين اختى مافهت المقصود بالجواز هو جواز السفر القطرى وهل كل الاخوان اللى مشاركين مش قطريين ؟ اسفة سؤال خارج الموضوع
JN000N
26-03-2010, 10:05 PM
انا اللي اعرفه اذا مب مديون مب قطري اما سكري جديده !! الله يبعد عنا وعنكم جميع السكري والضغط

امين :)

لا الحين زادت وصارت اللي مافيه سكر مب قطري :(
JN000N
26-03-2010, 10:06 PM
شكرررررررررررررررررررررراااا مااااااااااابي هالجواز ويعلني ماخذته..

الله يكافينا شره ..

هههههههههههههههههههه امين ويبعده عن الكل
JN000N
26-03-2010, 10:06 PM
انا ماعندي سكري عندي ضغط انا في اي فئه ههههههههههههههههههههه

ههههههههههه انت فئه اللي ماعندهم بطايق شخصيه :secret:
غير البشر
26-03-2010, 10:14 PM
حبيت اعرض لكم جوازي :shy:



http://www.up.qatarw.com/get-3-2010-dfvw6cn7.jpg (http://www.up.qatarw.com)



الله يشفي كل مريض يارب واللهم احفضنا منه اللهم امين
JN000N
26-03-2010, 10:19 PM
انا ماعندي جواز ومابي الجواز والله يحفضنا جميعا من جميع الامراض

توني ماكل من هارديز لاتخلوني اوسوس :weeping:

ااامين انشالله كلنا ماعندنا هههههههه

لا لا لاتوسوس مافيها شي عادي :nice: كل بس لا تكثر
غير البشر
26-03-2010, 10:21 PM
ههههههههههه انت فئه اللي ماعندهم بطايق شخصيه :secret:


هههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههه :secret:
شاهيناز
26-03-2010, 10:22 PM
الله يبعد عنا وعنكم الشر

سكر الاطفال منتشر بكثره
بس الي يعور القلب تشوف الطفل قانع بامر الله وماخذ الامر ببساطه
الدوله وايد مهتمه بسكر الاطفال
الله يشافيهم

اما لكبار الله يشافيهم ماخذين الامر ببساطه واشوف الحريم لكبار كل وحده تقول لاتجيبون لي حلويات فيني سكر وترد الثاني ويه حتى انا

ويتمون يضحكون الله يشافيهم
بس السكر ناس تقول وراثه وناس تقول عن سكر الاطفال مثل الفايروس
ماعرفنا هل هو وراثه ولا فايروس
ولا اسلوب حياه خطئ يعتمد على الاكل بدون اي حركه
الله يشافي الجميع وتسلمين جنون
JN000N
26-03-2010, 10:22 PM
الحمدلله ماخذت الجواز لا انا ولا هلي
وانشالله ماناخذ هالجواز

بس احب السكر والحلويات

انتي نفسي بالضبط :nice:
JN000N
26-03-2010, 10:27 PM
الله يشفى كل مرضى المسلمين اختى مافهت المقصود بالجواز هو جواز السفر القطرى وهل كل الاخوان اللى مشاركين مش قطريين ؟ اسفة سؤال خارج الموضوع

امين

هههههههههههههههههههههههههههه

لا فديتج هو صورة تشبيهيه استعاره يعني ان هل قطر ثلاث ارباعهم فيهم السكر لدرجه ان صرنا نقول ان اللي ماعنده سكر مب قطري

مثل اللي قاله هدهد اللي مب مديون مب قطري
او البيت اللي مافيه بيك اب مب قطري ههههههههههه
JN000N
26-03-2010, 10:34 PM
حبيت اعرض لكم جوازي :shy:



http://www.up.qatarw.com/get-3-2010-dfvw6cn7.jpg (http://www.up.qatarw.com)



الله يشفي كل مريض يارب واللهم احفضنا منه اللهم امين


ليش انت كم جواز عندك؟؟ مب ذيك المره قلت لي ان جوازك هاي؟ :tease:

http://www.botschaft-sudan.de/printable/images/cae44717cols2.jpg

امين انشالله ويحفظ الكل يااارب
شجرة الدر
26-03-2010, 11:21 PM
الحمدلله الذي فضلنا على كثير من الخلق تفضيلا،،

الله يكافينا شر هالمرض والله يشفي جميع المصابين فيه ،،

شكراً عزيزتي جنون ،،
ضوى
26-03-2010, 11:32 PM
الله يكفينا شر الامراض جميعها

بس اختي السكر مب سببه السكريات ، احنا اللذي ذابحنا النشويات اللي في العيوش والخبز وعيشنا ماشاء الله نادر اذا ناكل شيلاني مشخول ولو كان مشخول صبينا فوقه هالدهن العربي والزبدة .. الخ ، اما باقي عيوشنا حدث ولا حرج مجبوس برياني عيوش اشكال والوان ، نفس الشئ البطاطس ماشاء الله ناكل من قلب ، لازم يكون فيه وعي صحي عندنا الخربطة اللي قاعدة تصير بتأثر علي عيالنا عقب مهب الحين خاصة مع قلة الحركة والكسل ووجود الخدم اللي يشيلون عنا كل شئ

المطلوب

اكل معتدل + رياضة معتدلة = جسم خالي من الامراض ان شاء الله

الله يبعد المرض عن كل امة محمد اللهم اميييييييييييييييييين
JN000N
26-03-2010, 11:58 PM
الله يبعد عنا وعنكم الشر

سكر الاطفال منتشر بكثره
بس الي يعور القلب تشوف الطفل قانع بامر الله وماخذ الامر ببساطه
الدوله وايد مهتمه بسكر الاطفال
الله يشافيهم

اما لكبار الله يشافيهم ماخذين الامر ببساطه واشوف الحريم لكبار كل وحده تقول لاتجيبون لي حلويات فيني سكر وترد الثاني ويه حتى انا

ويتمون يضحكون الله يشافيهم
بس السكر ناس تقول وراثه وناس تقول عن سكر الاطفال مثل الفايروس
ماعرفنا هل هو وراثه ولا فايروس
ولا اسلوب حياه خطئ يعتمد على الاكل بدون اي حركه
الله يشافي الجميع وتسلمين جنون

هلا والله شاهيناز
تسلمين فديتج عالمرور وامين ان شاء الله الله يشفي الجميع ياارب

ومثل ما قلتي اليهال يكسرون الخاطر الي فيهم سكر احسهم متقيدين وايد خاصه فيما يخص الاكل وهم رويحه وخاطرهم فالدنيا :(
الله يشفيهم
والكبار بعد اي والله تقول لا تكثرين من الساقو فيني السكر ترد الثانيه ويييه كلش هذاني فيني السكر واكل ولا صادني شي هههههههه << تخربها هههه

الله يشفيهم كلهم انشالله ويبعده عنهم
JN000N
27-03-2010, 12:00 AM
الحمدلله الذي فضلنا على كثير من الخلق تفضيلا،،

الله يكافينا شر هالمرض والله يشفي جميع المصابين فيه ،،

شكراً عزيزتي جنون ،،


الحمدلله حمدا كما يليق لجلال وجهه وسلطانه

امين ان شاء الله
وعفوا فديتج لاهنتي عالمرور الطيب
JN000N
27-03-2010, 12:03 AM
الله يكفينا شر الامراض جميعها

بس اختي السكر مب سببه السكريات ، احنا اللذي ذابحنا النشويات اللي في العيوش والخبز وعيشنا ماشاء الله نادر اذا ناكل شيلاني مشخول ولو كان مشخول صبينا فوقه هالدهن العربي والزبدة .. الخ ، اما باقي عيوشنا حدث ولا حرج مجبوس برياني عيوش اشكال والوان ، نفس الشئ البطاطس ماشاء الله ناكل من قلب ، لازم يكون فيه وعي صحي عندنا الخربطة اللي قاعدة تصير بتأثر علي عيالنا عقب مهب الحين خاصة مع قلة الحركة والكسل ووجود الخدم اللي يشيلون عنا كل شئ

المطلوب

اكل معتدل + رياضة معتدلة = جسم خالي من الامراض ان شاء الله

الله يبعد المرض عن كل امة محمد اللهم اميييييييييييييييييين

امين ان شاء الله

وصاجه هي البلوه مب فالسكريات بس :( اللي مودينا في داهيه هالعيوش اللي لين ما سوينا عيش عالغدا قالو ما تغدينا :omen2:
وتعالو عقب تشكو من السكر والكوليسترول من هالدهون والضغط :(

الله يشفي الجميع ان شاء الله
وجربو مشي الفجر عجييييب << متى ما حصل لها تطلع فالحوش الفجر عقب الصلاه تتمشى بس شسوي بعد متقيدين حولنا جيران :(
(بوعوف)
27-03-2010, 12:15 AM
الله يكافينا شر هالمرض وجميع المسلمين
JN000N
27-03-2010, 01:09 AM
الله يكافينا شر هالمرض وجميع المسلمين

امين ان شاء الله

لاهنت عالمرور الطيب :)
حليتان*
27-03-2010, 01:30 AM
الله يشفى كل مرضى المسلمين اختى مافهت المقصود بالجواز هو جواز السفر القطرى وهل كل الاخوان اللى مشاركين مش قطريين ؟ اسفة سؤال خارج الموضوع

هاههااهاهاهههاهاهاهاااااااااااااااااااااااهههههههه ههههههههههههههههههههههاهاههااهها

:weeping:
&بوشهد&
27-03-2010, 02:23 AM
الناس اللي يعانون من مرض السكري يتعرضون لفشل كلوي بعد فترة من الزمن
ومن اسباب مرض السكر: قلة الحركة - - السمنة -- الاعصاب -- والهم -- والكحول
الله يشفي مرضى المسلمين من هذا المرض
ظبي قطري
27-03-2010, 04:21 AM
هههههههه لاااااا ماعندي هالجواز ياكافي الشر
والحمدلله محد من هلي عنده بس تدرين حبوووووووبه سبب الهايبرجلاسيميا في قطر الرفاهية الزايده اللي قللت النشاط والحركه والشي الثاني اكلنا التعبان الوجبات السريعه والعيوش المجابيس والمعافيس لانه العيش يتحول الى سكر :rolleyes2:
وحبيت اوضحلج انه سبب الهايبرجلاسيميا معروف وبقولج اياه عالسريع السكري نوعين معتمد عالانسولين وغير معتمد الاول انه البنكرياس يفرز كميه قليلة من الانسولين وهاي وراثي والثاني انه اانسولين مب مغطي عالجلوكوز لانه الجلوكوز مرتفع اووووووفر
وبعدين السمنه له دور كبير ونسبة البدانه في قطر 72% شي يخوف الصراحه
كنت اشوف المرضى عندنا فالمستشفى وضعهم ماساوي وصلت فيهم لمرحلة الامبيوتيشن بتر الاطراف :omg:خبرج اذا صادهم جرح صغير في ريله ما يلتام كلش تتكاثر فيه البكتريا وتصيده غرغرينه يا كافي الشر ويقصونها هاي غير مضاعفاته وتاثيره عالقلب والعين الاعضاء الثانيه الله يحفظ الجميع
جلمود
27-03-2010, 05:38 AM
والله من الرفاهيه وحياة الترف والقعده

ولكن الله يحض المسلمين من داء
العصامي
27-03-2010, 06:21 AM
الله يحفظ الجميع من كل شر ومرض ..

هذا الرابط فيه معلومات جيده عن مرض السكري :
http://www.feedo.net/medicalEncyclopedia/HealthAndChronicDiseases/Diabetes/Diabetes.htm
بـــــــنت النوخـّــــذه
27-03-2010, 01:33 PM
الله يديم علينا الصحه والعافيه 0000

انا احتفظ بالاجابه لنفسي عشان العين 00خمسه وخميسه بعين العدو 0:omen2:000

بس عموما مرض السكر مهب ذاك المرض الي يقضي على الانسان ممكن التخلص منه وممكن التعايش معه باخذ الادويه المناسبه والانتظام باخذها000 انا اشوف المرض الي منتشر بالدوحه النميمه والاشاعات والمفوشر اهههههههه هذولي الي عندهم جوازات قطريه اههههههههههههه:nice:<<<اشدخل
اهو يجي للانسان من 3 حالات:

*الحاله النفسيه السيئه

* سوء التغذيه يعني الي يدقون بالمعده كل شي

*عوامل وراثيه
سداوي&مدريدي
27-03-2010, 01:56 PM
:eek5: :eek5:

I don't have :omen2:

ولله الحمد

والله يشفي جميع مرضى المسلمين

شكرا على الموضوع

JN000N

:nice:
JN000N
27-03-2010, 02:27 PM
الناس اللي يعانون من مرض السكري يتعرضون لفشل كلوي بعد فترة من الزمن
ومن اسباب مرض السكر: قلة الحركة - - السمنة -- الاعصاب -- والهم -- والكحول
الله يشفي مرضى المسلمين من هذا المرض

امين ان شاء الله ويبعده عنهم يارب

وتسلم لمشاركتك الطيبه .. الهم مب بس يسبب السكر يسبب ما هو اعظم منه بعد :weeping:

الله يحفظ الكل
JN000N
27-03-2010, 02:29 PM
هههههههه لاااااا ماعندي هالجواز ياكافي الشر
والحمدلله محد من هلي عنده بس تدرين حبوووووووبه سبب الهايبرجلاسيميا في قطر الرفاهية الزايده اللي قللت النشاط والحركه والشي الثاني اكلنا التعبان الوجبات السريعه والعيوش المجابيس والمعافيس لانه العيش يتحول الى سكر :rolleyes2:
وحبيت اوضحلج انه سبب الهايبرجلاسيميا معروف وبقولج اياه عالسريع السكري نوعين معتمد عالانسولين وغير معتمد الاول انه البنكرياس يفرز كميه قليلة من الانسولين وهاي وراثي والثاني انه اانسولين مب مغطي عالجلوكوز لانه الجلوكوز مرتفع اووووووفر
وبعدين السمنه له دور كبير ونسبة البدانه في قطر 72% شي يخوف الصراحه
كنت اشوف المرضى عندنا فالمستشفى وضعهم ماساوي وصلت فيهم لمرحلة الامبيوتيشن بتر الاطراف :omg:خبرج اذا صادهم جرح صغير في ريله ما يلتام كلش تتكاثر فيه البكتريا وتصيده غرغرينه يا كافي الشر ويقصونها هاي غير مضاعفاته وتاثيره عالقلب والعين الاعضاء الثانيه الله يحفظ الجميع

هههههههههههههه وان شاء الله ما تاخذينه
اسباب تؤدي الى ذلك منها الرفاهيه :)
لا حول ولا قوة الا بالله :( هذول اللي بترو لهم جزء من جسمهم الله يكون في عونهم لا جسم سليم ولا نفسيه عدله :weeping:

امين ان شاء الله يحفظ الكل
JN000N
27-03-2010, 02:30 PM
والله من الرفاهيه وحياة الترف والقعده

ولكن الله يحض المسلمين من داء

الرفاهيه احد الاسباب اللي قالها الدكتور شعب مدلل
يعني بالعربي اكل ومرعى وقلة صنعى :omen2:

امين ان شاء الله ويبعده عنهم جميع
JN000N
27-03-2010, 02:31 PM
الله يحفظ الجميع من كل شر ومرض ..

هذا الرابط فيه معلومات جيده عن مرض السكري :
http://www.feedo.net/medicalencyclopedia/healthandchronicdiseases/diabetes/diabetes.htm

امين ان شاء الله
ويعطيك الف عافيه لمشاركتنا الموقع
JN000N
27-03-2010, 02:33 PM
الله يديم علينا الصحه والعافيه 0000

انا احتفظ بالاجابه لنفسي عشان العين 00خمسه وخميسه بعين العدو 0:omen2:000

بس عموما مرض السكر مهب ذاك المرض الي يقضي على الانسان ممكن التخلص منه وممكن التعايش معه باخذ الادويه المناسبه والانتظام باخذها000 انا اشوف المرض الي منتشر بالدوحه النميمه والاشاعات والمفوشر اهههههههه هذولي الي عندهم جوازات قطريه اههههههههههههه:nice:<<<اشدخل
اهو يجي للانسان من 3 حالات:

*الحاله النفسيه السيئه

* سوء التغذيه يعني الي يدقون بالمعده كل شي

*عوامل وراثيه

هههههههههههههههههههههههههههههه
لا اذا فالنميمه والمفوشر ابشرج صرنا نصنع جوازات بعد ههههههههههههه
استغفر الله هههههه

الله يحفظج ان شاء الله ويحفظ الجميع ويبعده عنهم
JN000N
27-03-2010, 02:34 PM
:eek5: :eek5:

I don't have :omen2:

ولله الحمد

والله يشفي جميع مرضى المسلمين

شكرا على الموضوع

JN000N

:nice:

يعني انت بدون يالبطل :nice:
ان شاء الله دوم بدون هههه ولا يعطونك جواز كلش ملش

امين ان شاء الله ويسلموو عالمرور
pure
28-03-2010, 02:42 PM
الله يشفي مرضى السكري :(

مرض السكري ماخذينه الناس بسهاله مع انه صعب وله اثار كبيره تخرررع

اهمها انه الجروح ما تلتئم بسررعه ,,


والسبب معرووف : قلة الحركه + البدانه + نوعية االاكل ,,


والحل سهل


الحرررركه و الحرررركه و الحررركه

وقالوها : في الحركه بركه