ماهي عيوب الأي فون 3gs تكفون لاتردوني ..........؟؟؟

[الكاسر99]

السلام عليكم ورحمة الله وبركاته

تكفون يالأخوان اللي جرب الأي فون 3gs ماهي عيوبه ..........؟؟؟

لأني حاب أشتري واحد وقلت قبل لا أشترية أسأل عنه الأخوان اللي جربوه هم أدرى به


أخوي عنده واحد ويمدحه ويقول لي أنه أفضل جهاز أستعمله إلى الآن


اللي عنده معلومة لا يبخل علينا فيها

أنتظر ردودكم وبارك الله فيكم

[Gh2o]

ممتاز وافضل جهاز حاليا

[الكاسر99]

جزاك ربي الجنة أخوي على ردك

بس أخوي هل فيه عيوب مثلاً : يشير أو أي شي آخر

[al-sadd]

بخصوص انه يشير انسى !! حتى لو تبيه يشير ماراح يشير معاك =)
انا واحد شريت ايفون 2g اول مانزل ومن بعده 3g والحين 3gs يعني مجربهم كلهم
ولا مره شار علاي !! وصدقني تارس الجوال افلام والعاب وبرامج ع الاخر ولله الحمد مايشير
لاكن اذا تبي الامانه !!
فيه كم عيب
اولا مافيه بلوتوث لانه اصلاً مصمم لأوروبا "النت عندهم فـ كل مكان"
ثانياً مافيه فلاش للكيمرا بس فيه برامج تغنيك
امممممممم
بس =)
هـ العيوب الي مرت علاي لاأكثر ولا أقل
بتوفيق اخوي

[kit kat]

مرحبا اخوي
هو فعلا افضل جهاز موجود حاليا
وممتاز جدا جدا
ومافيه غير عيب واحد وهي البطاريه احسها تفضي نسبيا بسرعه
اما البلوتوث فيه برنامج تنزله ويصير فيه بلوتوث
وانصحك فيه يشده 

[alsenator]

البطارية

[م.قطري]

بشكل عام التلفون ممتاز وممتع :)

[FCB 82]

اشترلك واحد مع ضمان اهي شي

[Gh2o]

فيه بلوتوث بس مب مخصص للمغازل وتطريش ملفات وافلام هههههه انت فاهم قصدي
بخصوص البطاريه ممتااازه بس الثري جي ياكل من البطاريه اذا مب محتاج الثري جي افصله والبطاريه بتدبل معاك

[فــلان]

أنا كنت آستخدم 3g 16 و الحين عندي الـ3gs 32 صراحه الجهاز تفجير بكل ما تحمل الكلمه من معنى وهو الأقوى إلى الآن من حيث الإمكانيات و المرونه .. أتوقع معطي الأجهزة 20 سنه ضوئية على التكنولوجيا إلي فيه.

بالنسبه للشباب إلي يشتكون من البطاريه الله لا يهينهم يشيكون على سطوع الشاشه فالـSetting لأن لو السطوع 100% أكيد بيفظي الجهاز أسرع من المعدل الطبيعي حتى لو كان نوكيا! و أفضل شي يتم الجهاز شغال معاك ومايفضي بسرعه تقريبا ً درجة سطوع 75%و هذا بالنسبه للرؤية فوق الـ100%

والـ3g طول إستخدامه يقصر من عمر الشحن بعد و أفضل طريقة إنك إتنزل له برنامج SBSetting من سورس bigboss من الـcydia وعن طريقه تقدر تشبك وتفصل الـ3g بكل سهوله بكبسه من على الديسك توب بدون ماتدخل للضبط وتسوي كذا خطوه هذا غير الميزات الثانيه لأنهم يكونون كذا زر.

جهاز الآي فون الجهاز الوحيد لحد الآن اللي محد إكتشف له حد من حيث الإمكانيات والبرامج وجهاز ( قوي قوي قوي )

كل دقيقه تستخدم فيها جهاز غير هالجهاز بتكون مضيعة للوقت من وجهة نظري و إذا تقدر تشتريه إخذه الحين قبل بكره وعلى ضماانتيييه على قولة أخوانا السودانيين :)


بالتوفيق أخوي إن شاء الله

[الكاسر99]

بخصوص انه يشير انسى !! حتى لو تبيه يشير ماراح يشير معاك =)
انا واحد شريت ايفون 2g اول مانزل ومن بعده 3g والحين 3gs يعني مجربهم كلهم
ولا مره شار علاي !! وصدقني تارس الجوال افلام والعاب وبرامج ع الاخر ولله الحمد مايشير
لاكن اذا تبي الامانه !!
فيه كم عيب
اولا مافيه بلوتوث لانه اصلاً مصمم لأوروبا "النت عندهم فـ كل مكان"
ثانياً مافيه فلاش للكيمرا بس فيه برامج تغنيك
امممممممم
بس =)
هـ العيوب الي مرت علاي لاأكثر ولا أقل
بتوفيق اخوي


جزاك الله كل خير أخوي على ردك

أخوي بخصوص أنه ما فيه بلتوث أنا أخوي عنده واحد ودايماً يقول لي أن عيبه الوحيد أنك ما تقدر ترسل أي مقطع بلوتوث إلا لجهاز الأيفون فقط

وكنت مره مع الشباب في العنه وسألت واحد وقال لي كلامك غلط وقال لي أفتح بلتوثك وفتحت البلتوث إلا ومرسل لي من الأيفون اللي عنده على جوالي صورة عن طريق البلتوث وقلت له أشلون أخوي يقول لي ما يصير قال لي ما في شي ما يصير كلها برنامج وتقدر ترسل بلوتوثات

[الكاسر99]

بس في ناس تقول أن الأيفون نوعين نوع مقفول ونوع مفتوح

ماهو الفرق بين المفتوح ...........؟؟

وماهو الفرق بين المقفول .........؟؟

وأيهما أفضل ...........؟؟؟


وكبف أعرف أنه مقفول أو مفتوح .................؟؟؟


وجزاك م الله كل خير على الرد

[بوطويشم]

السلام عليكم

اضن المقفول يكون جاي من برع من دبي او اي مكان ثاني

وسعر 32 عند فودافون 3500

و ستار لينك 3450 مادري 3452

وان شاء الله قريب بشتريه

بس بغيت اعرف وش الفرق بين فودافون وكيوتل

يعني عادي احط الكرت (كيوتل) ويشتغل على طول ولا نفس البلاك بيري يكون اشتراك

[الكاسر99]

جزاكم الله كل خير على المعلومات

وإذا ألحين بغيت أشتري آي فن 3gs 23 gb

حبيت أعرف من وين أشترية يعني أفضل محل ويكون فيه عربي من الشركة وآخر فيرجن


الصراحة أنا ما أعرف هذه السوالف بس من كلام الأخوان حسيت أني ما أعرف شي

ممكن حد يفيدني ما هو أخر فيرجن نزل

[طاش]

بالتوفيق ان شاء الله<انا ماجربت

[eXpert*]

عُيُوْبِه : أَنَّه مَافِيْه عُيُوْب

[ask_and_get]

جزاكم الله كل خير على المعلومات

وإذا ألحين بغيت أشتري آي فن 3gs 23 gb

حبيت أعرف من وين أشترية يعني أفضل محل ويكون فيه عربي من الشركة وآخر فيرجن


الصراحة أنا ما أعرف هذه السوالف بس من كلام الأخوان حسيت أني ما أعرف شي

ممكن حد يفيدني ما هو أخر فيرجن نزل

اخوي تقدر تاخذ الجوال .. من الستار لنك او من فودافون !!

وأبشرك .. لو خذت الجوال ماراح تتحسف

[airbus]

نصيحه ادا تحب البرامج ولك في الكمبيوتر يعني لك في التكنولوجيا و تحب تجرب كل شي جديد اشتريه وانت مغمض ولكن انتبه ادا شريته مستحيل تتخلي عنه و ادا حبيته وماقدرت تتخلي عنه اتوقع بنسبة ٧٥ في امية بتروح وبتشتري ماك


وادا بس تبي تشتري حتى تكشخ بيه ترا ماينفع


وبالتوفيق

[PIX]

اخوي انا اخذتة على 3500 ريال من فودافون مع خط وانترنت
وهذا من كثر حبي للاجهزة الحديثة والمتطوره
وبعته بعد اسبوعين بملغ 2000 ريال فقط

اخذه واحد من الشباب وسنعه بجل بريك ( كراك ) ... ولغمه ببرامج والعاب مالها حل والله

وكان المقلب انك ما تقدر تتصل منه مكالمة فيديو ولا حتى تستقبل منه مكالمة فيديو
ولا تقدر اترست الجهاز نهائي والجهاز يشير احيانا

والبلوتوث ما يشبك الا على كيفه مب على كيفك
وساحب على النوكيا من قلب سيييين لكن انوع بلوتوث النوكيا

ولا تقدر تغير البطارية وعلى طول البطاريه مفضيه بدون ما اتصل اي مكان
يعني من تعبي اشوي الا البطارية اتسلم عليك

اذا طفى عليك الجهاز انسى انك تعيد تشغيله بدون برنامج خاص اسمه بلاك رين
عن طريق الكمبيوتر يعني لو انت مب في البيت
او مسافر او في الدوام راحت عليك .... انواع الافلام من قلب

الجهاز ينشمخ بكل سهولة حتى لو من اشويه تراب على الطاولة
وحجمه كبير واكسسواراته الاصليه مكلفه جدا

[airbus]

اخوي انا اخذتة على 3500 ريال من فودافون مع خط وانترنت
وهذا من كثر حبي للاجهزة الحديثة والمتطوره
وبعته بعد اسبوعين بملغ 2000 ريال فقط

بل بعته ب٢٠٠٠ ريال انت متأكد لان اسمحلي بعته ببلاش

اخذه واحد من الشباب وسنعه بجل بريك ( كراك ) ... ولغمه ببرامج والعاب مالها حل والله

اكيد بعد البرامج ماله حل ادا نزلت البرامج من الايتونز او مكركه مب مشكلة ولكن ادا نزلته من السيديا فاستحمل شنوا يصيرلك لان البرامج مب معتمد من شركة ابل

وكان المقلب انك ما تقدر تتصل منه مكالمة فيديو ولا حتى تستقبل منه مكالمة فيديو
ولا تقدر اترست الجهاز نهائي والجهاز يشير احيانا

كلامك صحيح بنسبه للمكلامات الفديوا ولكن من يتكلم ب مكلامات الفديوا الحين يعني نسبة ٩٥ في المية ادا ماكانت اكتر مايستخدمونها

والبلوتوث ما يشبك الا على كيفه مب على كيفك
وساحب على النوكيا من قلب سيييين لكن انوع بلوتوث النوكيا

وبخصوص البلوتوث في برنامج جديد حل المشاكل

ولا تقدر تغير البطارية وعلى طول البطاريه مفضيه بدون ما اتصل اي مكان
يعني من تعبي اشوي الا البطارية اتسلم عليك

البطارية على حسب ادا قفلت النوتيفيكيشن في الاعدادات اطول معاك يومين
لان النوتيفيكيشن يخلي الجهاز مشبك على النت ٢٤ ساعه

اذا طفى عليك الجهاز انسى انك تعيد تشغيله بدون برنامج خاص اسمه بلاك رين
عن طريق الكمبيوتر يعني لو انت مب في البيت
او مسافر او في الدوام راحت عليك .... انواع الافلام من قلب

والله هدا مب مشكلة الجهاز لان ماحد ضربك على يدك وقالك سويله جيبريك
فاستحمل شنوا يصيرلك لانه كسرت حيمايته


الجهاز ينشمخ بكل سهولة حتى لو من اشويه تراب على الطاولة


اما شويت تراب يتشمخ
شوف امسك الايفون وخد مفتاح وشمخ الشاشة << ادا كنت خايف انه يتشمخ افتح اليوتيوب وشوف على كيفيك ماتتشمخ الشاشة بسهولة

اما من الخلف فيتمشخ متل اي جهاز


وحجمه كبير واكسسواراته الاصليه مكلفه جدا

الي يدفع ٣٥٠٠ على جهاز اكيد يقدر يدفع ١٥٠ على كفر ادا يبي يحميه


وبالتوفيق

[العرفـج]

عُيُوْبِه : أَنَّه مَافِيْه عُيُوْب



تعجبني :nice:
قلت المفيد
وخير الكلام ما قل ودل