حاس انك مظلوم في وظيفتك ؟؟اضغط هنا

[كركم]

مساكم الله بالخير ...أتوقع ان نسبة لا بأس فيها أجابت بنعم على السؤال اللي طرحته..وفي طريقة مادري ليش ما يتم تفعيلها الا وهي كتب التظلم الجماعية على الأقل من باب التجربة ومن منطلق الغرقان يتعلق بقشة..!!!!
انا شخصيا تعرضت لموقف في مكان عملي وانظلمت فيه ورفعت كتاب تظلم للمسؤؤل الأول في ادارتي وتم انصافي وظهر الحق وزهق الباطل.:victory:
وأسمع الكثير من الشكاوي من الموظفين سواء فيما يتعلق بالتقطير في اداراتهم او الرواتب الخيالية الي ياخذها الاشقر ابو عيون زرق ونظرة قتالة!!!
طيب ليش ما تتوحد الجهود في كتب تظلم ترفع للجهة العليه في المؤسسة او الهيئة او الوزارة بخصوص هذي المواضيع مثلا
مسؤؤلي محاسب حاصل على شهادة معينة خلنا نقول مثلا وانا اعرف واحد من الربع او زميل سابق او جار محاسب وعنده نفس الشهادة وخبرته توازي خبرة ابو عيون زرق ليش ما اقدم السي في ماله مرفق مع كتاب يبدء بالتالي : انطلاقا من حرصنا على المساعده في تقطير الوظائف القطرية ارفق مع كتابي هذا ...الخ الخ..واذا تم تجديد العقد مع ابو عيون زرق يرفع كتاب تظلم آخر للجهة المسؤؤلة او اللي اكبر منها كيف يتم تجاوز القطري لشخص آخر يوازيه في المؤهلات. :discuss:
يعني طبعا أغلبكم بيحس ان المسألة مب سهله..وانا اتفق معاكم لكن على الأقل في شي تسويه وفي حكمة تقول( ان تشعل شمعة افضل من انك تقضي عمرك تلعن الظلام)....ومن جانب آخر لان كتاب التظلم سلاح ذو حديين يعني ممكن تنقلب السالفه على راسك ويحس ابو عيون زرق انك ناوي عليه بس خلنا نشوف من اللي موقفه اقوى ومنهو صاحب الحق في هالجانب وانت قاعد تساعد في تطبيق سياسة الدولة لاتنسى :nice:
والمثال اللي ذكرته للتوضيح فقط وما احصر كتب التظلم في مسألة التزام المسؤؤلين بسياسة التقطير .:nop:
كتاب التظلم : وسيلة عشان يوصل صوتك للشخص المناسب اللي بياخذ حقك او اقل مافيها يرد عليك برد يشفي غليلك.:)
مجرد اقتراح ويسعدني اسمع أرائكم

[الخفي]

كلامك سليم ونيتك طيبه ان شاء الله

بس ماشوف ان التظلم الجماعي والكتب انفعتنا احنا موظفين كهرماء

وابشرك ( مضاهره صغيره خجوله ) كسرنا الحاجز ومع ذلك ماشفنا الرواتب

رجعت والنقص تعدل رغم وعود رئيس مجلس الوزراء انه سينظر في امر رواتب

القطريين اللي خفضت وماشفنا الا كل خير ماشفنا شي لذلك انا اعتقد ان الحل هو وجود

( محكمه اداريه ) تنصف الموظفين اما غيرها ماراح نشوف شي

مع الشكر الجزيل لك في اقتراحك

[كركم]

اخوي العزيز المخفي

موضوع الرواتب بشكل عام وكهرماء بشكل خاص امر مبتوت فيه وبقرار من مجلس الوزراء يعني خلنا نقول ان الحكم طلع وبالقانون سواء كان قرار عادل او لا ويسعدني انكم اتبعتوا الطريقة اللي اشوفها مثالية من خلال رفع كتب التظلم الي أدت في النهاية الى اعادة نظر في موضوعكم وتقديم وعود على لسان رئيس مجلس الوزراء الموقر وحتى ان تأخر الرد هذا أفضل من انك تشوف حقك يروح قدام عينك وانت حاط يدك على خدك..انتو سويتوا اللي عليكم والباقي على الله عز وجل..

[كازانوفا]

كلامك صحيح بس ما يمشي بكل الاماكن
لانه من واقع تجارب ناااس اعرفها

[كركم]

كلامك صحيح بس ما يمشي بكل الاماكن
لانه من واقع تجارب ناااس اعرفها


وليش ما يمشي بكل الأماكن؟!

[لاجئ عاطفي]

كلامك سليم ونيتك طيبه ان شاء الله

بس ماشوف ان التظلم الجماعي والكتب انفعتنا احنا موظفين كهرماء

وابشرك ( مضاهره صغيره خجوله ) كسرنا الحاجز ومع ذلك ماشفنا الرواتب

رجعت والنقص تعدل رغم وعود رئيس مجلس الوزراء انه سينظر في امر رواتب

القطريين اللي خفضت وماشفنا الا كل خير ماشفنا شي لذلك انا اعتقد ان الحل هو وجود

( محكمه اداريه ) تنصف الموظفين اما غيرها ماراح نشوف شي

مع الشكر الجزيل لك في اقتراحك


المحكمة الادارية موجوده وشغاله وتنظر دعاوي من هالنوع

[صلاتي]

المحكمة الادارية موجوده وشغاله وتنظر دعاوي من هالنوع


:nice: :nice: :nice:

[كركم]

يالله همتكم وياليت تكلومنا أكثر عن المحكمة الأدارية وماهو سقف صلاحياتها؟؟

[لــولــو]

اشلون اخوي المحكمة شغالة على الاقل نعرف اللي لنا و اللي علينا لان انا عند امتيازين و شهادة شكرا المفروض احصل عليها درجة و تكون من توصية المدير بس انا تسالي اذا القانون موجود على ذي الحالة لازم يكون تعديل الدرجة من عندهم او انا اطالب به و شكرا

[كركم]

اخت لولو الحين انتي عندج حق ومقتنعه فيه ...ممكن تعلمينا شلون طالبتي بحقج هذا وهل رفعتي كتاب للمسؤؤل ؟ وهل عندج الشجاعه انج ترفعين الكتاب للي فوقه اذا ماشفتي منه تجاوب؟؟