للحذر والتنبيه من اشاعة زيادة الارقام

[قناص 787]

انا اليوم مريت فرع من فروع فودافون اللي في اللولو وقالي ان ارقام فودافون راح تزيد الرقم 8 على اي رقم يعني اللي رقمه 70111xx راح يزيدون رقم 8 يعني بيكون 870111xx وهذا الكلام اللي صار معاي وان هذا اخر شي صار بالنسبه لارقام الفودافون وهذا اللي صار معاي وياريت اللي عنده معلومه يقولنا ولا يبخل علينا

[فــلان]

أنا أمس شاري رقم ستار و قالوا لي إنه راح يزيد رقم يعني إجمالي الأرقام راح تكون 8 ( مب رقم 8 ) و روتني إيميل مرسل من المبنى الرئيسي مثال 777xyzc راح يصير 7777xyzc

يعني زايدين 7 و هالإيميل شايفه بعيني و أظطرت ترويني لأني ماخذ رقم بمبلغ كبير ومن حقي آتأكد

أرجوا إن الإشاعات ماتزيد أكثر من هالشكل ويفعلون الـ7 الثامنه فأسرع وقت درءً للشائعات اللي تطلع بالجمله هالفتره.

[قناص 787]

والله العظيم ان هذا اللي صار معاي واذا انت مب مصدقني في واحد شغال في فودافون اللي في فرع اللولو وهو عماني وهو اللي قالي الكلام لاني انا اليوم كنت رايح اشتري رقم والرقم بعد بمبلغ مش 30 و50 الف وهذا الكلام اللي صار واتمنى ان الكلام يطلع غلط وانا بكره بعد بروح بس بروح الفرع الرئيسي وانشاالله يطلع كلامك صح

[فقط قطر]

والله اختربت الارقام.....و ارقام راح تضبط معاها السالفة

[مستر بن]

صدقت اخووي

[الدغناش]

لتوضيح

كل اللي قلتوا صح بس هناك سؤ فهم بسيط فودافون مابتزيد 8 في الرقم

بتفتح بدالة 8 مثل بدالة 7 واحتمال البدالة 8 بنصيفه بين فودافون وكيوتل

المصدر

موظف في العلاقات العامه بفودافون

ولازالت المفاوضات مستمره بين كيوتل وفودافون

ارجوا ان الموضوع وضح

[العضو الماسي]

لتوضيح

كل اللي قلتوا صح بس هناك سؤ فهم بسيط فودافون مابتزيد 8 في الرقم

بتفتح بدالة 8 مثل بدالة 7 واحتمال البدالة 8 بنصيفه بين فودافون وكيوتل

المصدر

موظف في العلاقات العامه بفودافون

ولازالت المفاوضات مستمره بين كيوتل وفودافون

ارجوا ان الموضوع وضح

يااخوان اتمنى من الجميع تحري المصداقيه - لن لوترجعون للمواضيع القديمه وتصريحات فودافون السابقه راح تلاقون ان البداله 8 للارقام الثابته وليست للجوال وشكرا

[النهار]

نعم 7 للجوال و8 للهاتف الارضي فودا فون بتضيف رقم 7 زياده

[الدغناش]

الشيخ موضوعي في شقين الشق الاول ان ما بزيدون رقم 8 على ارقامنا والشق الثاني ان المفاوضات مستمره بين كيوتل وفودافون بخصوص بدالة 8 هذا ما قاله موظف فودافون لا زيدنا ولا نقصنا ولا اللفنا ولا صرحنا وصح كلامكم ان بدالة 8 ارضي بس في مفاوضات على
التغيير

[Paydayyy]

السلام عليكم
لو سمحتم اوضح الموضوع بسلاسه للساده الافاضل.
الارقام بتصير 8 مو 7 ارقام والزياده بتكون من نفس الرقم
كيف؟؟؟
777000 ---> 7777000
ودا بالنسبه لفودافون
واتمنى اكون وضحت الموضوع

[mohd89]

كل الارقام في قطر بتصير 8 ارقام سواء فودافون او كيوتل وحتى التلفون الارضي
وبيكون الرقم الاول هو المتكرر يعني لو الرقم 55xxxxx بيصير 555xxxxx
وهذا الكلام نزل في الجرايد وانذاع على قناة قطر اكثر من مره
والسبب هو سد حاجة الدوله من الارقام حتى عام 2015

[ممنوع اللمس]

شنو هالظلم ورب الكعبه حرام
رقمي شاريه بملغ كبير اخرتها يخترب والله حرام وظلم

[مستثمر مبتدئ]

كل الارقام في قطر بتصير 8 ارقام سواء فودافون او كيوتل وحتى التلفون الارضي
وبيكون الرقم الاول هو المتكرر يعني لو الرقم 55xxxxx بيصير 555xxxxx
وهذا الكلام نزل في الجرايد وانذاع على قناة قطر اكثر من مره
والسبب هو سد حاجة الدوله من الارقام حتى عام 2015


يعني الحين عقب مايضيفون الرقم الثامن اكيد بتفتح بدالات جديدة يعني اللي اقصده مثلا

مثلا ***542 بيصير ***5542

والبدالة الجديدة ***5420

يعني بترجع البدالات من البداية مثل 51 و52 اللي صاروا بعد الاضافة 551 و552

[العنان]

والله العظيم ان هذا اللي صار معاي واذا انت مب مصدقني في واحد شغال في فودافون اللي في فرع اللولو وهو عماني وهو اللي قالي الكلام لاني انا اليوم كنت رايح اشتري رقم والرقم بعد بمبلغ مش 30 و50 الف وهذا الكلام اللي صار واتمنى ان الكلام يطلع غلط وانا بكره بعد بروح بس بروح الفرع الرئيسي وانشاالله يطلع كلامك صح

اخوي العماني موظف مسكين ، انا قبل لايطرحون الخدمه فودافون ( بلاك بيري ) قال لي فودافون راح تطرح خدمة البلاك بري ب 15 ريال شهريا:eek5:

[قناص 787]

تسلمون يالربع ومشكورين على التوضيح

[ولد الرياان]

الي عنده اي ستفسار يتصل على 111 وراااح يوضحون الصوره له مثل ماوضحولي الموضوع بسنا ياهل قطر اشاعات وزيادت حجي من عندنا قبل ماتقول او اتزيد راجع المصدر عشان توضحلك الرويه بس فديت ارقاامي واحد منه رااح يصير

777777xx
والثاني
66666xxx

[قلب شاعر]

امس واليوم كلمت فودافون راح يزيدوون 7 في البدايه في تاريخ 28 شهر سبعه الجاي