تسمم غذائي ... وينكم يالبلديه ؟؟؟

[bus3od]

السلام عليكم ورحمة الله و بركاته

بدخل فالموضوع على طول :

في أقل من اسبوعين انا و واحد من ربعي صادنا تسمم و اليوم بعد في واحد صايده تسمم ومن الألم اغمى عليه ....
أنا ابي اعرف وين دور وزارة البلديه و حملاتهم التفتيشيه على المطاعم والا بس سكروا كم مطعم فايف ستار عبالهم خلاص حققوا السلامه الغذائيه انا ما انكر دورهم في حماية الناس من الأكل الملوث لكن نشوفهم اخثروا هالفتره ...
ياجماعة الخير مطاعم الفاست فود هارديز و كنتاكي بالذات لازم تكون عليهم رقابه شهريه والله اكلهم بايت و عندكم المطابخ و الناس اللي يسون المندي ( افهموا عاد ) هاذيلن مكانهم وصخ اشلون اكلهم و الا المطاعم الهنديه ياعيني على النظافه اللي فيها ياجماعة الخير هاذي اشياء واضحه يعني مافي شي مخشوش عشان ما تسكرونها يعني في ذمتكم مطعم طوفته سوده كلها زيت و اكل هاي اي نظافه اللي فيه المفروض اول ماتشوفون الطوفه تسكرونه...

الصراحه الاستهتار وااااضح من المطاعم في عدم تطبيقها لشروط النظافه و المفروض تشددون العقوبات على هالمطاعم بالذات المطاعم اللي تتسكر اكثر من مره و يفضل لو تتحول قضيه جنائيه لأنهم يستهترون بارواح الناس...

أتمنى زيادة الحملات التفتيشه خلال هذه الفتره بالذات .... وشكرا

[كازانوفا]

لا حولة ولا قوة الا بالله
ليش ما تذكر اسم المطعم اللى تسمم بسببه صديقك
عشان يكون عبره لغيره
حسبي الله ونعم الوكيل ارواح الناااس بالفعل صارت لعبه
اهم شي الفلووووووس وبسسسس

[الخير كله]

فساد البلديه ما تشله البعارين....

[الموضوعي]

البلدية مايشتغلون لأن الموظفين صايدهم احباط والمدراء اذن من طين واذن من عجين

[bus3od]

فساد والا تهاون والا كسل جعلها في ذمتهم
كل من يتساهل بارواح الناس يارب ياخذ جزاه

تدرون ياجماعه والله الشخص اللي اغمى عليه توه مكلمني يقول توه مطلعينه من المستشفى( قلبه وقف 10دقايق ) من قوة التسمم و استعملوا له جهاز الصعق عشان ينعشون قلبه الحين هاي اشذنبه وش ذنب هله ليش تحملونه ثمن تقصيركم ...
والله يوم قال لي هالشخص سالفته خلاص دارت فيني الدنيا الله يسامحكم يالبلديه

[هدهد سليمان]

للاسف المطاعم اللي مثل كنتاكي شوف منهوا الموظفين وعقبها بتعرف اذا كان نظيف ! وخصوصا هالفئه في الأكل غير نظيفه ووصاخه ما بعدها وصاخه ..واي مطعم عن نفسي احصل فيه هالفئه تحديدا .. على طول اطلع من دون كلام ادور مطعم ثاني مع اني ما احب الأكل في المطاعم الا في حالة الضروره !

[bus3od]

للاسف المطاعم اللي مثل كنتاكي شوف منهوا الموظفين وعقبها بتعرف اذا كان نظيف ! وخصوصا هالفئه في الأكل غير نظيفه ووصاخه ما بعدها وصاخه ..واي مطعم عن نفسي احصل فيه هالفئه تحديدا .. على طول اطلع من دون كلام ادور مطعم ثاني مع اني ما احب الأكل في المطاعم الا في حالة الضروره !

اي والله انك صادق بس بعد في جنسيات وايد مايهتمون بالنظافه و تلاقيهم شغالين فالمطاعم يجيك الواحد مصن و يده سوده ويسوي لك السندويش بيده صدقني بتحس بنكه عجيبه فالاكل

انا موقف اكل المطاعم من زمان بس في واحد قال لي جرب وجبه هارديز مالت الدايت ( امحق) جربتها و صادني تسمم

الصراحه حتى لو الواحد بيبتعد عن المطاعم بيجيه يوم بيضطر ياكل منها حتى لو مره و هالمره يتسمم فيها المسكين و البلديه يحسسونك انهم مايدرون ان في مطاعم مب بس وصخه الا يبيلها تعقيم استغفر الله مادري اشلون ساكتين عنهم البلديه

[هذلان]

السلام عليكم

انت ولا صديقه ولا الشخص الثالث الي تسمم ليش ما اشتكيتو و اثبتو التسمم الي صادكم من المطعم عن طريق المستشفى
ترى كلها مشوار واحد فقط

[bus3od]

السلام عليكم

انت ولا صديقه ولا الشخص الثالث الي تسمم ليش ما اشتكيتو و اثبتو التسمم الي صادكم من المطعم عن طريق المستشفى
ترى كلها مشوار واحد فقط

وعليكم السلام
كنت متوقع في حد بيسألني هالسؤال انا من عادتي اشتكي و ما اسكت بس مره جربت البلديه و ندمت وقلت توبه مب متصل لأن الموظف قاعد عالكرسي و عباله الناس مطنزه عنده

اما رفيجي فضل العلاج بالاعشاب و فالبيت

و الشخص الثالث اللي هو حالته اخطر حاله انا بحاول معاه و بخليه يشتكي لان توه طالع و اللي فيه مكفيه

وترى حتى لو اشتكينا عبالك بيسون شي واذا سوو كلها كم يوم بيتبطل المطعم و بيسمم العالم مره ثانيه ترى مب اول مره يسكرون هالمطاعم

[Toomy]

كنتاكي و هارديز عليهم x من آكل من عندهم على طول تتعب معدتي و أرجع الله يعزكم ولازم آخذ ابرة عن التسمم علشان جذي خلاص ما عاد آخذ منهم خاصه الفروع اللي فيها مصريين.

[الوعد2016]

البلديه اكثر المفتشين الذمه لا يعلم بها الا الله وبعض المسؤولين فيها كذالك وبعض المفتشين من جنسيات عربيه اذا نوى يروح لمطعم او احد من المفتشين اتصل على المطاعم الى هم ربعه وحذرهم
واذا جاك المفتش للموقع قال راح نحل الموضوع وبعد ساعه تحصل المطعم مازال مستمر في تقديم الوجبات

[هبوب الشمال]

انا صادني تسمم ومن كثر الالم ما كنت اقدر اتحرك خطوه واستخدمت كل الادويه الطبيعيه اللي اعرفها تسكن الالم وتوقفه ولما راح الالم ماكان فيه داعي للمستشفى

فالسؤال الحين شلون اثبت اذا لا سمح الله تكرر معاي او مع احد قريب بعيد الشر

يعني لما يخف الالم او يروح وبعدها نقدر نروح المستشفى يقدرون يعطونا تقرير ؟؟؟

[ask_and_get]

ياخوي اذكر اسم المطعم .. حدد كنتاكي الي تسممتو منه ولا هارديز

مع اني متأكد مليون في 100 من كنتاكي !!

[bus3od]

كنتاكي و هارديز عليهم x من آكل من عندهم على طول تتعب معدتي و أرجع الله يعزكم ولازم آخذ ابرة عن التسمم علشان جذي خلاص ما عاد آخذ منهم خاصه الفروع اللي فيها مصريين.

تدري مافي حد اعرفه ما عوره بطنه من كنتاكي انا قبل عبالي بطني فيه شي بس طلع اكلهم اللي فيه شي ...

و بغض النظرعن الجنسيه في مطاعم من الله وصخه ويشتغلون فيها اكثر من جنسيه المشكله كنتاكي معروف ان اكله يعور البطن اشلون البلديه ساكته والا الترخيص صعب ينسحب ؟؟؟

[bus3od]

البلديه اكثر المفتشين الذمه لا يعلم بها الا الله وبعض المسؤولين فيها كذالك وبعض المفتشين من جنسيات عربيه اذا نوى يروح لمطعم او احد من المفتشين اتصل على المطاعم الى هم ربعه وحذرهم
واذا جاك المفتش للموقع قال راح نحل الموضوع وبعد ساعه تحصل المطعم مازال مستمر في تقديم الوجبات

والله انا عبالي كل المفتشين قطرين بس دام السالفه جي عز الله راحت بطونا ...
أنا كنت كاتب الموضوع لأني اشوفهم اخثروا هالفتره والمطاعم مصختها بس الحين بديت اتنرفز من تصرفات مفتشينهم المشكله ماتعرف تشتكي عند من ؟؟

[bus3od]

انا صادني تسمم ومن كثر الالم ما كنت اقدر اتحرك خطوه واستخدمت كل الادويه الطبيعيه اللي اعرفها تسكن الالم وتوقفه ولما راح الالم ماكان فيه داعي للمستشفى

فالسؤال الحين شلون اثبت اذا لا سمح الله تكرر معاي او مع احد قريب بعيد الشر

يعني لما يخف الالم او يروح وبعدها نقدر نروح المستشفى يقدرون يعطونا تقرير ؟؟؟

أغلب الناس مايروحون المستشفى ... بس اذا رحت المستشفى في دكاتره يسوون لك تحليل و يكتب لك تقرير انه تسمم غذائي و عقب على ما اظن تروح البلديه ولو يصير روح الشرطه بعد

بس المشكله اذا انت كلت في اكثر من مطعم واليوم الثاني صادك التسمم اشلون بتعرف صادك من اي مطعم عشان جي انا اقول يزيدون حملاتهم التفتيشيه لأن ساعات الواحد مايعرف من اي مطعم صاده التسمم

[bus3od]

ياخوي اذكر اسم المطعم .. حدد كنتاكي الي تسممتو منه ولا هارديز

مع اني متأكد مليون في 100 من كنتاكي !!

هارديز واللي في طريق سلوى بعد انا مب خايف على سمعة المطعم من زود ماهي طيبه بس ابي البلديه يتحركون

[(الفيصل)]

دور المواطن (مكمل) لهم
وماأعرفه أن الاخوان جداً متعاونين ومخصصين ارقام ساخنة للبلاغات
ولايخشوا لومة لائم
هكذا نحسبهم والله حسيبهم

فاأتصور من المناسب أن تتصل بهم مباشرة ، لا أن نطرح مثل هذه المواضيع هنا
فهذه بها (قطع أرزاق) دون تثبت ودليل من أهل الأختصاص
مع أحترامي لك ولصدق قلمك بارك الله فيك
ألبسك الله ثوب العافيه والصحة

[bus3od]

دور المواطن (مكمل) لهم
وماأعرفه أن الاخوان جداً متعاونين ومخصصين ارقام ساخنة للبلاغات
ولايخشوا لومة لائم
هكذا نحسبهم والله حسيبهم

فاأتصور من المناسب أن تتصل بهم مباشرة ، لا أن نطرح مثل هذه المواضيع هنا
فهذه بها (قطع أرزاق) دون تثبت ودليل من أهل الأختصاص
مع أحترامي لك ولصدق قلمك بارك الله فيك
ألبسك الله ثوب العافيه والصحة

هلا اخوي الفيصل

وانا بعد اللي اخبره انهم متعاونين و لهذا السبب كتبت الموضوع لأنهم صاروا ( غير متعاونين ) و انا اقول هالكلام عن تجربه لأن مره صارت لنا سالفه في سوق واقف و الموظف يستعبط بذمتك هذا تعاون؟
وأعتقد ردود الأعضاء تبين لك مدى عدم رضى الناس عن دور مفتشين البلديه
قبل كانت حملاتهم مكثفه و كانوا شادين حيلهم بس الحين الظاهر في مشاكل فالوزاره على كلام الاخوان وانا بالعكس كنت من المعجبين بدور البلديه في تحقيق السلامه الغذائيه بس يوم توصل السالفه ان خلال اسبوعين فوق ال3 اشخاص من اللي اعرفهم يتسممون هذا يعني ان المسأله مصخت
و هالمواضيع المفروض تنطرح باستمرار حتى نذكر اخواننا فالبلديه اذا سهوا ( فإن الذكرى تنفع المؤمنين ) و خلنا مصفين النيه وانقول سهوا

شاكر لك مرورك اخوي الفيصل

[(الفيصل)]

هلا اخوي الفيصل

وانا بعد اللي اخبره انهم متعاونين و لهذا السبب كتبت الموضوع لأنهم صاروا ( غير متعاونين ) و انا اقول هالكلام عن تجربه لأن مره صارت لنا سالفه في سوق واقف و الموظف يستعبط بذمتك هذا تعاون؟
وأعتقد ردود الأعضاء تبين لك مدى عدم رضى الناس عن دور مفتشين البلديه
قبل كانت حملاتهم مكثفه و كانوا شادين حيلهم بس الحين الظاهر في مشاكل فالوزاره على كلام الاخوان وانا بالعكس كنت من المعجبين بدور البلديه في تحقيق السلامه الغذائيه بس يوم توصل السالفه ان خلال اسبوعين فوق ال3 اشخاص من اللي اعرفهم يتسممون هذا يعني ان المسأله مصخت
و هالمواضيع المفروض تنطرح باستمرار حتى نذكر اخواننا فالبلديه اذا سهوا ( فإن الذكرى تنفع المؤمنين ) و خلنا مصفين النيه وانقول سهوا

شاكر لك مرورك اخوي الفيصل

هل أتصلت فيهم بارك الله فيك ؟؟

[bus3od]

لا اخوي الفيصل ..الحين بتمسك علي سالفة الاتصال انا قلت لي موقف سابق معاهم و هو اللي خلاني ما اتصل وترى وايد من اللي يتسممون مايتصلون لان اغلبهم مايروحون المستشفى عشان يثبتون التسمم و ساعات الواحد ما يكون متاكد من المطعم اللي تسمم منه يعني يتصل يقول لهم اي مطعم؟

والله لو البلديه قايمين بدورهم السالفه مب محتاجه لا اتصال و لا شي و ترى انا مب متبلي عليهم ولا بيني وبينهم شي يعني صادني تسمم و صادناس وايد في هالفتره اشمعناة هالكلام؟ أكيد الجهات المختصه عن السلامه الغذائيه مب قايمه بدورها بشكل مناسب و احنا نتمنا انهم يقومون بدورهم على اكمل وجه

ادري بتقول لي مالك حق تتكلم لأنك مااتصلت و انت طبعا تنظر للمسأله من ناحيه قانونيه بس اخوي الفيصل انت شخص قانوني وتفهم في القانون بس مب كل الناس فاهمين في القانون

[(الفيصل)]

لا اخوي الفيصل ..الحين بتمسك علي سالفة الاتصال انا قلت لي موقف سابق معاهم و هو اللي خلاني ما اتصل وترى وايد من اللي يتسممون مايتصلون لان اغلبهم مايروحون المستشفى عشان يثبتون التسمم و ساعات الواحد ما يكون متاكد من المطعم اللي تسمم منه يعني يتصل يقول لهم اي مطعم؟

والله لو البلديه قايمين بدورهم السالفه مب محتاجه لا اتصال و لا شي و ترى انا مب متبلي عليهم ولا بيني وبينهم شي يعني صادني تسمم و صادناس وايد في هالفتره اشمعناة هالكلام؟ أكيد الجهات المختصه عن السلامه الغذائيه مب قايمه بدورها بشكل مناسب و احنا نتمنا انهم يقومون بدورهم على اكمل وجه

ادري بتقول لي مالك حق تتكلم لأنك مااتصلت و انت طبعا تنظر للمسأله من ناحيه قانونيه بس اخوي الفيصل انت شخص قانوني وتفهم في القانون بس مب كل الناس فاهمين في القانون

هد أعصابك طول الله عمرك:)(التسمم) عمل عمايله فيك الظاهر!!
ياعزيزي بوسعود أنا لما قلت لك أن دورنا مكمل معناه أننا نساعدهم وأقل شيء يكون بالاتصال ، وانا أتفق معاك أنهم يجب أن يقوموا بدورهم (دون أتصال أو شكوى) ولكن مثلك عارف كم عدد الموظفين أو (مأموري الضبط القضائي والمفتشين) وكم عدد المطاعم بقطر
فلابد أن نراعي هذه المسئلة ، ولانحمل الناس فوق طاقتهم

تعاون تعاون بارك الله فيك
(وربع تعاونوا ماذلوا ) :nice:

واذا على مسئلة (الجهل القانوني) هذا أنت ماشاء الله عليك صرت (ابو القوانين) :nice:

عليك بالاتصال حالاً :telephone:

[ودي أكون]

مافي احلى وأنظف من أكل البيت :)

[(الفيصل)]

مافي احلى وأنظف من أكل البيت :)

:nice:
من يسمع !!

[bus3od]

هد أعصابك طول الله عمرك:)(التسمم) عمل عمايله فيك الظاهر!!
ياعزيزي بوسعود أنا لما قلت لك أن دورنا مكمل معناه أننا نساعدهم وأقل شيء يكون بالاتصال ، وانا أتفق معاك أنهم يجب أن يقوموا بدورهم (دون أتصال أو شكوى) ولكن مثلك عارف كم عدد الموظفين أو (مأموري الضبط القضائي والمفتشين) وكم عدد المطاعم بقطر
فلابد أن نراعي هذه المسئلة ، ولانحمل الناس فوق طاقتهم

تعاون تعاون بارك الله فيك
(وربع تعاونوا ماذلوا ) :nice:

واذا على مسئلة (الجهل القانوني) هذا أنت ماشاء الله عليك صرت (ابو القوانين) :nice:

عليك بالاتصال حالاً :telephone:

ههههههه لا اخوي الفيصل مب معصب ولاشي بس اهل القانون دايما يحكرون حق الواحد يعرفون يجادلون ما شاء الله عليهم وتصدق و انا اكتب لك الحين بطني مبدع ههههه

و انا بالعكس احب اتعون معاهم بالذات المرور و البلديه مادري ليش هههه
وان شاء الله ابشر بتصل لهم وانت اللي معلمنا القانون اخوي الفيصل :shy:

اسمح لي اذا غلطت او قلت كلمه ازعجتك
تحياتي

[bus3od]

مافي احلى وأنظف من أكل البيت :)

اي والله يازينه بس ساعات الواحد يضطر او يحب ( يجرب )

[(الفيصل)]

ههههههه لا اخوي الفيصل مب معصب ولاشي بس اهل القانون دايما يحكرون حق الواحد يعرفون يجادلون ما شاء الله عليهم وتصدق و انا اكتب لك الحين بطني مبدع ههههه

و انا بالعكس احب اتعون معاهم بالذات المرور و البلديه مادري ليش هههه
وان شاء الله ابشر بتصل لهم وانت اللي معلمنا القانون اخوي الفيصل :shy:

اسمح لي اذا غلطت او قلت كلمه ازعجتك
تحياتي

:nice:
أضحك ، وأتصل ، وأبتسم
فالدنيا حلوة خضرة وإن الله مستخلفكم فيها فناظر كيف تعملون
ألبسك الله ثوب الصحة والعافية :)

[bus3od]

:nice:
أضحك ، وأتصل ، وأبتسم
فالدنيا حلوة خضرة وإن الله مستخلفكم فيها فناظر كيف تعملون
ألبسك الله ثوب الصحة والعافية :)

الله يعافيك اخوي الفيصل

[سارا.]

لا توقعون ان المطاعم نظافتها مطابقة لشروط النظافة بس مطعم عن مطعم يفرق