الماعز ----- عندي ماعز ----- عندي ماعز-----

[ابوصالح1]

اخواني واخواتي من لديه حل عندي 7 من الماعز في السعوديه وكل يومين احلب لبنهم واجيبه للشيبان والاطفال والطريق طويل السوال ( هل تربيتهم في البيت ممنوع اذا عندي مساحه كبيره خلف البيت من صوب الشارع لان العزب ممنوعه وحتي احصل على عزبه ماهو رايكم وشكرا للجميع

[CH Engineer]

انا الي اعرفه في انجليز مأجرين ارض بيتهم لواحد
ويربون نوق فحوشهم وكاسرين ليت جيرانهم
واشتكوا عليهم ولكن لاحياة لمن تنادي والنوق ليومك بالفريج وداخل حوش الانجليز..

جيبهم ذيله احسن منك بوشو ؟

[ابوصالح1]

شكرا على المشاركه هذه اللي ادورله لحياه لمن تنادي

[G0LD]

والله يوم الحلال في البيوت وخلفها كانت البركه في كل مكان

يارجال اذا عندك مكان جيبهم وحطهم وتوكل على الله وبعدين العدد قليل

وأهم شي جيرانك مايشتكون - بس عليك بهم عطهم من الحليب والدهن وهبة الريح :)

وعسى الله يبارك لك في حلالك :)

[ابوصالح1]

والله يوم الحلال في البيوت وخلفها كانت البركه في كل مكان

يارجال اذا عندك مكان جيبهم وحطهم وتوكل على الله وبعدين العدد قليل

وأهم شي جيرانك مايشتكون - بس عليك بهم عطهم من الحليب والدهن وهبة الريح :)

وعسى الله يبارك لك في حلالك :)
تسلم على المشاركه المميزه والله يوفقك

[N7eEeS]

السؤال هل السعوديه تسمح بخروج الماعز من اراضيها؟ تقدر اتاكاد من إدارة الثروة الحيوانية التابعة لوزارة البيئة.
في البيت عادي ماعندك مشكله دامه في الحوش بس اهم شي يكون مكانهم نظيف بشكل دائم حتى ماتطلع روائح ويشتكون عليك الجيران :)
واعرف ناس عندهم في بيوتهم ومحد قالهم شي.

[هدهد سليمان]

اللي اعرفه الحلال ممنوع يطلع من السعوديه !

[الخفي]

(( البلديه تمنع تربيه الحلال وتسمح بسكن العزاب واللي مايجي منهم الا الدمار والحرام))

[ابوصالح1]

شكرا لكم جميع اما الجمارك السعوديه تسمح للذكور فقط وعندي حلين الاول تنويم الماعز ووضعها في شنطة الجي 2 فيه سودانيين دروليه يجيبون خراف وكلمتهم قالو ندخلهم على دفعات مع الذكور وتمشي

[وهم قطر]

اخوي بوصالح ان شاء لله تقدر تجيبهم بأي طريقه من السعوديه الكل جابها بطريقته الخاصه

وتقدر تحطهم في البيت ولا عليك من احد بس لاتسوي مثل الي حاط الشبك على الشارع وواضح

داخل البيت وشبك صغير ابركلك من ذا المشوار الطويل

[أسد الجزيرة]

بيعهم و اشتري بقيمتهم غيرهم بلا يصيدونك مهرب عنز

[ابوصالح1]

اخوي بوصالح ان شاء لله تقدر تجيبهم بأي طريقه من السعوديه الكل جابها بطريقته الخاصه

وتقدر تحطهم في البيت ولا عليك من احد بس لاتسوي مثل الي حاط الشبك على الشارع وواضح

داخل البيت وشبك صغير ابركلك من ذا المشوار الطويل تسلم على النصيحه وجزاك الله خير اي والله طريق طويل

[ابوصالح1]

بيعهم و اشتري بقيمتهم غيرهم بلا يصيدونك مهرب عنز المشكله هذه معزا صعب احصل مثلهم

[بوعمير]

مسيك بالخير بوصالح، خروج إناث الحيوانات (عزك الله وسامعين) من المملكة ممنوع إلا تهريب وهذا الي العرب كلهم يسوونه، وبخصوص أنك تحط الحلال في البيت فهذا مسموح به من قبل البلدية بشرط أن العدد ما يكون كبير يعني 5 أو 6، وأن يكون الحلال للاستخدام الشخصي (يعني حليب ولحم) وليس للبيع والتجارة، وأنا حاط في بيتي 4 ثنيات عوارض و3 شوهات عرب حق الحليب واليقط،، بعد أن تأكدت من البلدية أن الامر ما فيه مخالقه للقانون، وعندنا واحد من الشيبان مقلط خلفتة في البيت وصبح ومسى لبن وقدوع.... والامور طيبة.
عسى الله يباركلك في حلالك وموفق خير.