هل أنت مع او ضد تفنيش القطري او القطريه بسبب عدم الكفاءه ... ؟؟؟

[Bu Rashid]

ميرسك تفنش قطرية ووزراة العمل تتبرئ منها ولا تستطيع ان تفعل شيئ ... !!!

البارحه وانا اتابع برنامج " لكم القرار ... "

طرحت احدى الاخوات القطريات مشكلتها على الحضووور
المشكله هي ان شركة ميرسك فنشتها بقرار تعسفي وكان السبب عدم الكفاءه
مع ان الشركة هي التي طلبتها بالعمل معهم وبالاسم وبعد خمس شهور فنشوووها
يعني لا يرحمووون ولا يخلوووون رحمة الله تنزل على القطريين

والشيئ المحزن ان ممثل وزراة العمل يقول ان هذه الشركة
" لا تتبع قانووون العمل القطري .... !!! "
طالما الشركه في قطر اذن تتبع اي قانوووون ...الوقواق ام هاواي ؟؟؟ :anger1:

هل أنت مع او ضد تفنيش القطري او القطريه بسبب عدم الكفاءه ... ؟؟؟

[مستجدة]

انا مع القطري اللي مراعي الله في شغله ويعمل بضمير وخلاص
وضد المدير المتعسف اللي يبخس جهد الموظف سوا قطري ولا غير قطري

ترى كما تدين تدان والرب جلت عظمته قال في كتابه الكريم ( فَمَنْ يَعْمَلْ مِثْقَالَ ذَرَّةٍ خَيْرًا يَرَهُ وَمَنْ يَعْمَلْ مِثْقَالَ ذَرَّةٍ شَرًّا يَرَهُ )

هذا زبدة الكلام

[رجل الجزيرة]

أنا ضد تفنيش إيمان إلي فنشتها شركة ميرسك ونفس الوقت مع تنفيش إلي يضيع وقته في الجرايد والسوالف والنكت، مرة جيت أسلم على الشيخ / جاسم يوم كان ولي العهد كان في مكتبه في القيادة العامة الساعة 6 - حفظه الله تعالى - فويش رأيك للقطريين إلي يتحججون في التأخير عن دوامهم.

[شبعان]

ميرسك تفنش قطرية ووزراة العمل تتبرئ منها ولا تستطيع ان تفعل شيئ ... !!!

البارحه وانا اتابع برنامج " لكم القرار ... "

طرحت احدى الاخوات القطريات مشكلتها على الحضووور
المشكله هي ان شركة ميرسك فنشتها بقرار تعسفي وكان السبب عدم الكفاءه
مع ان الشركة هي التي طلبتها بالعمل معهم وبالاسم وبعد خمس شهور فنشوووها
يعني لا يرحمووون ولا يخلوووون رحمة الله تنزل على القطريين

والشيئ المحزن ان ممثل وزراة العمل يقول ان هذه الشركة
" لا تتبع قانووون العمل القطري .... !!! "
طالما الشركه في قطر اذن تتبع اي قانوووون ...الوقواق ام هاواي ؟؟؟ :anger1:

هل أنت مع او ضد تفنيش القطري او القطريه بسبب عدم الكفاءه ... ؟؟؟



اولا لازم نسمع الطرف الثاني.
ثانيا نبي شرح كامل وتعريف لمعني "عدم الكفاءه" مع بعض الامثله..

[بـــــــنت النوخـّــــذه]

قطع الاعناق ولا قطع الارزاق 00000000

صراحه قرار صعب

اعتقد لو مدير المؤسسه عنده ضمير حيّ وقلب يحس كان نزلها لوظيفه ثانيه تناسب كفاءتها وتناسب قدراتها مهب يفنشها 0000

اعتقد الحل الامثل والمفروض يصير اهو تفنيش المدير الي فنشها لمده اسبوع عشان يحس بمراره الاحساس الناس تدور وظيفه واهو يفنش 000من علامات المدير الناجح :

*تطوير الموظفين

*وضع كل موظف في المكان المناسب له

* ان لم يصلح في مكان اعتقد في مكان ثاني بنفس المؤسسه يصلح فيها 000

صراحه كنت اتمنى يحولها لقسم اخر في المؤسسه يناسب قدراتها


انا مع تطوير الموظف مافي حد طلع من بطن امه وهو عارف كل شي 00وضد التفنيش
000

[Bu Rashid]

انا مع القطري اللي مراعي الله في شغله ويعمل بضمير وخلاص
وضد المدير المتعسف اللي يبخس جهد الموظف سوا قطري ولا غير قطري

ترى كما تدين تدان والرب جلت عظمته قال في كتابه الكريم ( فَمَنْ يَعْمَلْ مِثْقَالَ ذَرَّةٍ خَيْرًا يَرَهُ وَمَنْ يَعْمَلْ مِثْقَالَ ذَرَّةٍ شَرًّا يَرَهُ )

هذا زبدة الكلام



جزاك الله خير على الاية الكريمه والمداخله

[Bu Rashid]

أنا ضد تفنيش إيمان إلي فنشتها شركة ميرسك ونفس الوقت مع تنفيش إلي يضيع وقته في الجرايد والسوالف والنكت، مرة جيت أسلم على الشيخ / جاسم يوم كان ولي العهد كان في مكتبه في القيادة العامة الساعة 6 - حفظه الله تعالى - فويش رأيك للقطريين إلي يتحججون في التأخير عن دوامهم.



مشكووووور اخوي على الاضافه
نعم اسم الاخت ايمان

[غزلان]

غريبه عدم الكفاءه يعطونهم دورات تأهيل ليش كل الموجودين عندهم كفاءه فل اوبشن

[Bu Rashid]

غريبه عدم الكفاءه يعطونهم دورات تأهيل ليش كل الموجودين عندهم كفاءه فل اوبشن



صج .. هذى الغريب في الموضووووع
العاده يتم تاهيل القطري اذا كان ما عنده الكفاءه المطلوبه
ويعتبر متدرب الى ان يتم تأهيله
الله المستعان

[الـمـحـنـك]

انا صراحه سمعتها اليوم تتكلم في برنامج فضفض ...سوري اقصد وطني الحبيب صباح الخير

ضد او معا القرار اخوي في ذمتك

المسؤلين يدرون بكل شي ولا همهم شي غير مصلحتهم ياخوي لا تعور قلبي

اليوم اسمعها تتكلم وتشتكي ولا حياه لمن تناادي والله البنت جامعيه ودراسات ولغه

حسبي الله ونعم الوكيل على من كان اسبب

بقولها لك لا ضد اذ فنشو القطري وين بعيش شلون يصرف هاي ارضه ووطنه

المفروض يوقفون معهم والله المستعان....تحياتي لك اخوي

[ANONYMOUS]

طبعا ضد..

ولكن بالامكان ايجاد عمل بديل للشخص اذا ماكان كفؤ للمكان اللي شاغله

الاخت اللي تتكلم عنها.. سمعتها تشتكي عدة مرات

ويبدو لي انها مظلومه والله اعلم

والله اعلم

[الوعب]

انا مع التفنيش اذا أخذ القطري فرصته ولم يطور نفسه ولم يظهر اي مسؤؤليه

وخاصه اني مؤتمن على المكان اللي اديره

[دلوليانوز]

ردي معروف..
تحياتي بو راشد

[المبرمج صلاح]

قطع الاعناق ولا قطع الارزاق 00000000

صراحه قرار صعب

اعتقد لو مدير المؤسسه عنده ضمير حيّ وقلب يحس كان نزلها لوظيفه ثانيه تناسب كفاءتها وتناسب قدراتها مهب يفنشها 0000

اعتقد الحل الامثل والمفروض يصير اهو تفنيش المدير الي فنشها لمده اسبوع عشان يحس بمراره الاحساس الناس تدور وظيفه واهو يفنش 000من علامات المدير الناجح :

*تطوير الموظفين

*وضع كل موظف في المكان المناسب له

* ان لم يصلح في مكان اعتقد في مكان ثاني بنفس المؤسسه يصلح فيها 000

صراحه كنت اتمنى يحولها لقسم اخر في المؤسسه يناسب قدراتها


انا مع تطوير الموظف مافي حد طلع من بطن امه وهو عارف كل شي 00وضد التفنيش
000

جوابي سيم سيم

[ليــث قطر]

يجب أن يكون في نظام ..


يعني خصم .. انذار اول .. انذار ثاني .. ألخ



لو استنفد جميع الانذارات والخصومات .. فالتفنيش هو الحل !!!


وللأسف في ناس وايد يعتقدون لأنهم قطريين مستحيل حد يفنشهم !!



ويجب أن تتغير هذي النظرة .. ترى الراتب اللي تاخذه مب منحة .. هذا مقابل !!



ناس وااااااايد يحسبون أن الراتب منحة أو هدية لأنك قطري !!! مب أن الراتب مقابل جهد وانتاجية !!


لو تغيرت هذي النظرة بتتغير اشيا وايد !

[مساهم فنان]

الرجل المناسب في المكان المناسب ... أنا مع تفنيش القطري غير الكفء...
لكن للأسف بعض المدراء ، يتوسمون في بعض الأشخاص الذين يتقدمون للوظيفة خيرا, والسبب في أغلب الأحيان ، قدرة المتقدم للوظيفة على الحوار والنقاش ... وأحيانا بسبب شهاداته ...
فيوضع هذا في مكان أكبر من قدراته الشخصية ، (بلا شهادات وتلطلط باللسان )الشهادات لا قيمة لها مع الشخصية المهزوزة أوالضعيفة ، أما أبو اللسان فيسقط وبامتيازفي عمله ، لأن لسانك حصانك .

أنا أرى من ظلم بوضعه في مكانة أكبر من قدراته .. أن يُنَزَّل في عمله إلى وظيفة تناسب قدراته في نفس الشركة أو الإدارة ، وإن لم ينفع في الموقع الجديد ،فآخر العلاج الكي ...(والكي هو التفنيش ).

[المتضرعه لله]

ويل قاضي الارض من قاضي السماء


المدير قطري؟

ان كان قطري ماراح يفصلها الا بعد عدة محاولات لتعديل الوضع

اما ان كان غير قطري بمزاجه يمكن بنت خالته جايه قطر ومن واجبه يهيئ لها مكان وهذا الواجب

واقول لها وعسى ان تكرهوا شئ وهو خير لكم

لكن المهمل والله ودك يعطى لفت نظر وانذار وبعدها الله يحفظه بعد الناس تبي انتاج مب لعبه

[بوعلي 78]

السؤال اشلون الشركه ماتتبع قانون العمل القطري؟؟؟!!!

[ساراام]

هي قالت انها كانت براس غاز سابقا

مادري ليش طلعت مع انها كانت مرتاحه على قولتها

عموما الله يسهل الامور

[صلاتي]

السؤال اشلون الشركه ماتتبع قانون العمل القطري؟؟؟!!!

كذاب يتبع قانون العمل غصب علية

[وحش قطر]

مع التفنيش اذا كانت غير كفائة

والسبب وضع الرجل المناسب في المكان المناسب

ولا راح نرجع للحلقة الاولى وهي البند المركزي

[bo_hamad]

ضد تفنيش أي قطري في الدولة

لو تفنش وين يروح ؟

[ماريسا]

لا حول ولا قوة الا بالله

[(الفيصل)]

مع وضد
فاانا مع تأهيل القطري وأعطائه الفرص المناسبة والحقيقية للتأهيل
فإن لم يفلح رغم كثرة المحاولات وأعطائه الفرصات لأكثر من وظيفة
يجلس في بيتهم يربي عياله أو يهتم في اسرته أبرك ، ولايكون عالة على الدولة

[moonبنتnight]

أنا ضد التفنيش الاسباب كثيرة 00
- مادام اجتاز المقابلة 00 معنها أقروا بصالحيتها العمل 0
- مادام اجتاز أختبار المقابلة سواء ( كتابية او شفهية ) 00 معناها أقروا بصالحيتها العمل 0
- فترة الاختبار حسب الادارة ( أكثرها دور في جميع الاقسام لفهم سير العمل ) 00 بعدها يرشحها في مكان يناسب أمكانياتها ( في مجال يستفيد من الموظف الاقصى حد ممكن ) 0
- فترة الاختبار حسب الادارة ( محدد صلاحيات الوظيفة ولم يتم تدريبها في جميع الاقسام ) ثبت كفاتها بعد فترة الاختبار وتجاوزته فكون مثبته في الوظيفة ( تشوف فترة الاختبار حسب الشركة ) في مجال من جهة عملها ينقلونه لي مكانه آخر يستفيدون من الموظف ( فترة الاختبار جاءت على كيف المسؤول 00 أشيلك ولا احطك 00 وكثرهم جاء ليسكت إدارة العمل ولما يشلونها لاتصلح للعمل بدون لجنة تحقيق ولا سين جيم 00 شطارة من أدارة العمل تقوم بأنشاء لجنة مختصة بموضوع أنهاء الخدمات حفظ حقوق الموظف ( بناء على قانون العمل ) 00

[كازانوفا]

لا حولة ولا قوة الا بالله

بس اهم شي يا صاحب الموضوع تنتبه من جملتك اللى هي لا يرحمون ولا يخلون رحمة الله تنزل
تأكد اخي ما في شي يمنع الله من التصرف وانزال رحمته على العباد وتأكد ان رزقتها بهذا المكان خلصت وان شالله لها بمكان ثاني احسن بكثيرررررر

[ودي أكون]

مع الفنش ..:secret:

اذا كان الموظف لا مبـــالي في شغله .. تغيب وتسيب واهمال ... الخ ..



ضد الفنش .. :rolleyes2:

اذا كان الموظف قابل للتطويــــر .. الخ ..

[bo_hamad]

ضد التفنيش نهائياً

حتى لو كان فاشل يتم احالته الى التقاعد أو البند المركزي

حتى حصوله على وظيفة اخرى

واتمنى لجميع كل الخير وهذه بلادكم لازم تطورونها يا شباب

[مرت محمد]

ليش القطري يتفنش وهو يعيش في ارض بلاده

والغريب يعزونه ويرزونه وكلها كم سنه اذا شبع ولملا جم بيزه وراح استقر في بلاده


اقرب مثل عندكم الكويت الي بيزور دوله الكويت بيلقى اغلب الوزارات المستشفيات اغلب

الوظائف ما سكينها اهل الكويت

وانا مع اخواني وخواتي اهل قطر وحتى لو ماعنده شهاده يكفي انه اقطري من كثرهم هل قطر

ترى كلنا عيال قريه ولمن يعرف خيه واغلبنا بينا صله قرابه وحنا ماندري بس لو تتركون الحسد

يالله هجوم انا متأكده ان الكل راح يتهجم وما يعجبه كلامي

[ريم المدينة]

مع الفنش ..:secret:

اذا كان الموظف لا مبـــالي في شغله .. تغيب وتسيب واهمال ... الخ ..



ضد الفنش .. :rolleyes2:

اذا كان الموظف قابل للتطويــــر .. الخ ..


:victory::victory::victory:

[ريم المدينة]

ليش القطري يتفنش وهو يعيش في ارض بلاده

والغريب يعزونه ويرزونه وكلها كم سنه اذا شبع ولملا جم بيزه وراح استقر في بلاده


اقرب مثل عندكم الكويت الي بيزور دوله الكويت بيلقى اغلب الوزارات المستشفيات اغلب

الوظائف ما سكينها اهل الكويت

وانا مع اخواني وخواتي اهل قطر وحتى لو ماعنده شهاده يكفي انه اقطري من كثرهم هل قطر

ترى كلنا عيال قريه ولمن يعرف خيه واغلبنا بينا صله قرابه وحنا ماندري بس لو تتركون الحسد

يالله هجوم انا متأكده ان الكل راح يتهجم وما يعجبه كلامي

:victory::victory::victory:

[tai]

بصراحه ما عندهم سالفه ايفنشونها والمفروض على قولتهم ما عندهاكفائه ليش وظفوها من اول والحين جاين ايقولون انها ماعندها كفائه الله واكبر عليهم بس

[patrol]

انا ضد تفنيش القطري لاي سبب من الاسباب طبعا الا الاخلاقية
المفروض الي ماعنده كفائه يا انهم يدربونه او يحولونه الى قسم يبدع فيه لكن تفنيش لا

[bnooq]

ميرسك تفنش قطرية ووزراة العمل تتبرئ منها ولا تستطيع ان تفعل شيئ ... !!!

البارحه وانا اتابع برنامج " لكم القرار ... "

طرحت احدى الاخوات القطريات مشكلتها على الحضووور
المشكله هي ان شركة ميرسك فنشتها بقرار تعسفي وكان السبب عدم الكفاءه
مع ان الشركة هي التي طلبتها بالعمل معهم وبالاسم وبعد خمس شهور فنشوووها
يعني لا يرحمووون ولا يخلوووون رحمة الله تنزل على القطريين

والشيئ المحزن ان ممثل وزراة العمل يقول ان هذه الشركة
" لا تتبع قانووون العمل القطري .... !!! "
طالما الشركه في قطر اذن تتبع اي قانوووون ...الوقواق ام هاواي ؟؟؟ :anger1:

هل أنت مع او ضد تفنيش القطري او القطريه بسبب عدم الكفاءه ... ؟؟؟



يرجى الرجوع الىقانون العمل رقم 14 لسنه 2004 الماده رقم (3)

[The End Qtr]

انا مع قرار تفنيش القطري

يعني اذا صار قطري يحق له بوظيفه وهو مب كفؤ وهو غير ملتزم بالوقت ولا العمل
لا طبعن مب معناته انه قطري يعني خلاص
وبعدين ياليت هالنظره اتغير
القطري يبي شغل بو ساعتين ويقرا جريده ويطلع
قطر الحين في وقت قاعده اتطور فيه والاجنبي ياخذ حصة الاسد من اموال الدوله
لانه وللاسف الشديد مافيه موظف كفؤ يشتغل مثل الاجنبي

[ماريسا]

مع الفنش ..:secret:

اذا كان الموظف لا مبـــالي في شغله .. تغيب وتسيب واهمال ... الخ ..




ضد الفنش .. :rolleyes2:

اذا كان الموظف قابل للتطويــــر .. الخ ..

this .

[قطرية فذة]

ضد التفنيش واحنا عيال البلد اولى من غيرنا

-

اذا ماأبدع بنفس الوظيفه في وظيفه ثانيه يبدع فيها

لكن التفنيش " لا "

بالنسبه حق الاخت اللي فصلوها وعملوا معها مقابله في لكم القرار

حقيقه الوضع اللي مرت فيه يعطينا احنا القطرين مؤشر ممثال اذا لم يتم التصرف لها

الله يفرج كربتها يارب

[الجني]

انا مع تفنيش القطري او القطرية اذا كانوا غير كفؤ

بشرط . . . .
-
-
-
-
-
-
-
-
اللي ينفنشهم يكون كفؤ

المشكلة ان غير الكفؤ يحس بالنقص اذا اللي تحته اكفاء
فيبدأ بالعمل على استبدالهم بأناس على شاكلته غير اكفاء

[امل الحب]

انا ماعرف موضوعها وماسمعت فيه ولا اقدر احكم..

بس حكم بشكل عام .. انا مع تفنيش القطري .. لان البعض مهمل ومتسيب ولا مبالاة واذا داوم خذها لفة عالمكاتب .. وين الشغل ؟ قالك ملل مب فاضي مادري شنو .. الخ من الاعذار

يقعد في بيته ابرك له ويوظفون واحد ثاني مكانه .. الوظيفة تبي جهد وانتاج مب راتب يمشي والبعض نايم فالعسل ..

مافي حد يتفنش جذي .. اكبر مثال موظفة معانا .. توظفت بالواسطة تداوم يوم واسبوع غياب بدون لاتبلغ حد .. الشغل واقف تحضر ساعة وباقي اليوم محد .. لما تفنشت قالت برجع حق واسطتي مديري هندي ظلمني .. واسطتها ماقدرت تسوي لها شي لان الاجنبي كان يبلغ الي اعلى منه بلي يصير عشان محد يقول ظلمني .. ومثال اخر موظف سنتين راتبه يمشي لاحضور ولاشغل .. شلون محد يدري!! لما اكتشفه الاجنبي عطاه انذار وبدل وظيفته .. وقاله الخيار لك اما التفنيش او الالتزام بالدوام .. والتزم .. وين المشكلة لو كان في شوية مسؤولية وضمير ..

بخصوص الاخت اذا كنتي مظلومة الله يفرجها عليج .. لاتخلينها حفرة في طريقج شوفي لج مكان ثاني .. وابدي من جديد ..

[bnooq]

كذاب يتبع قانون العمل غصب علية

قانون العمل رقم 14 اسنه 2004 الماده رقم (3) يرجى الرجوع الى القانون

[Petroleum]

طرحت احدى الاخوات القطريات مشكلتها على الحضووور
المشكله هي ان شركة ميرسك فنشتها بقرار تعسفي وكان السبب عدم الكفاءه
مع ان الشركة هي التي طلبتها بالعمل معهم وبالاسم وبعد خمس شهور فنشوووها

خمسة أشهر

يكفي ليكون هذا القرار تعسفي

يعني حتى فرصة لتعديل الوضع ماعطوها

اعتقد المدير اجنبي لذلك حب يثبت تسلطه و جبروته


اما اني اكون مع او ضد تفنيش القطري فأن بالتأكيد اقول لا و الف لا لتفنيش القطري

يعني لو مافاد في على مسمى وظيفة معينه يمكن يجرب في الثانية و الثالثة و الرابعة و المليون لكن انهاء خدماته فهذا اسقاط لحق يجب ان يكون مضمون للقطري و محد يسلبه منه بأي شكل من الأشكال

هذا اللي ناقص البيت بيت ابونا و الغرب حاربونا

[ماريسا]

قانون العمل رقم 14 اسنه 2004 الماده رقم (3) يرجى الرجوع الى القانون

لو تكرمت حطيت لنا القانون ع العام أفضل حتى يسهل للجميع الاطلاع عليه
ألف شكر:)

[z373]

كذاب يتبع قانون العمل غصب علية

اخوي قبل لاتتهم الرجال بالكذب تاكد من نفسك هل انت فاهم الامور الاداريه والقانون ترى هالكلمة انت محاسبه عليها عند ربك والرجال ماكذب لان ميرسك مب خاضعه لقانون العمل ومثل ماتعرف القوانين تعتمد من الامير وتصدر من الجهات العلياء في البلد ام هالرجال فهو فقط مكلف بتنفيذ ماجاء بالقوانين
والبند الاول من المادة (3) من قانون العمل نص على الاتي :
(فيما عدا ماورد بشأنه نص خاص ,لاتسري أحكام هذا القانون على الفئات التالية :
1. الموظفين والعاملين في الوزارات والاجهزة الحكومية الاخرى والهيئات والمؤسسات العامة والشركات التي تؤسسها قطر للبترول بمفردها او بالاشتراك مع الغير ..........)

[لـبـيـه]

حسب ماشفت شكلها مظلومه وماتستاهل ماجاها

الله يسهل دربها

[دلوليانوز]

كذاب يتبع قانون العمل غصب علية

كيف حالك

[ريم المدينة]

انا ماعرف موضوعها وماسمعت فيه ولا اقدر احكم..

بس حكم بشكل عام .. انا مع تفنيش القطري .. لان البعض مهمل ومتسيب ولا مبالاة واذا داوم خذها لفة عالمكاتب .. وين الشغل ؟ قالك ملل مب فاضي مادري شنو .. الخ من الاعذار

يقعد في بيته ابرك له ويوظفون واحد ثاني مكانه .. الوظيفة تبي جهد وانتاج مب راتب يمشي والبعض نايم فالعسل ..

مافي حد يتفنش جذي .. اكبر مثال موظفة معانا .. توظفت بالواسطة تداوم يوم واسبوع غياب بدون لاتبلغ حد .. الشغل واقف تحضر ساعة وباقي اليوم محد .. لما تفنشت قالت برجع حق واسطتي مديري هندي ظلمني .. واسطتها ماقدرت تسوي لها شي لان الاجنبي كان يبلغ الي اعلى منه بلي يصير عشان محد يقول ظلمني .. ومثال اخر موظف سنتين راتبه يمشي لاحضور ولاشغل .. شلون محد يدري!! لما اكتشفه الاجنبي عطاه انذار وبدل وظيفته .. وقاله الخيار لك اما التفنيش او الالتزام بالدوام .. والتزم .. وين المشكلة لو كان في شوية مسؤولية وضمير ..

بخصوص الاخت اذا كنتي مظلومة الله يفرجها عليج .. لاتخلينها حفرة في طريقج شوفي لج مكان ثاني .. وابدي من جديد ..

:victory::victory::victory::victory:

ولا بعد تجيج عقب و تقول لج "انتي غاوية تعب قاعدة تشتغلين" >.<

[البيان]

المفروض طورها مب فنشونا
الله المستعان

[Bu Rashid]

أشكركم جميعاٌ على المداخلات
وبعضها صريح جداٌ ولا عنده مجاملات

على العموم .. الله يفرج عنها كربتها
وان شاء الله تتعلم من اخطائها

[Rayane]

ضد تفنيش القطري

[بوناصر2003]

السلام عليكم
انا ضد تفنيش القطري او القطريه بسبب عدم الكفاءه يعني لو فتشنا العالم اكيد بعد بنلاقي بعد مدير احسن من المدير الموجود ليش مانفنش بعد المدير ونوظف الاجنبي ليش مانفتش الكل وتوظيف اجانب اكيد في موظفين اكفاء منا إذا كان هذا منطقهم.
اين دور الوزارارت والإدارات المعنية هل صرف إعانات مالية هو الحل ام تدريبهم وتاهيلم وثم ادخالهم سوق العمل مرة ثانية؟
عدم الكفاء ليست بخطاء الموظف وإنما خطاء الإدارة او الشركة التي لم تهبئ الموظف لشغل الوظيفة بإعطاءة الدورات التدريبية الازمة وإعادة تاهيلة اواعادة تجربتة لشغل وظيفة اخرئ
واللة الموفق

[طلعة الروح]

^

كفيت ووفيت يا بوناصر واختصرت كلام وايد يبي ينقال بالموضوع....

عموما الله يوفج البنت هذي كلنا حاسين بشعورها اكيد ويرزقها من حيث لا تحتسب ويجعل ماحصل خيرا لها ويعوضها بالافضل منه بس بعد اذا عرف السبب بطل العجب يعني هي بجهة عمل مالها خص بوزارة العمل نفس ما انذكر بالخبر فلازم تتوقع مثل هذي التجاوزات من البدايه..

لازم يكون فيه امان وظيفي وقانون يحمي الموظف القطري المستهدف بالقطاع الخاص لانه قطاع خطر خطر وغير مأمون وعلى قولة فايز التوش :" مايندرى باجر شيصير" ...

ولحد يقول تظلم ما تظلم بوزارة العمل لانه غالبا الوزارة ما تقدر تسوي شي واذا كلش ارفعوها قضيه بالمحكمه الادارية اتوقع غالبا يطلع منها المتظلم يد ورا ويد قدام والعله حكم القوي على الضعيف..

[بوحارب]

ضد التفنيش

ليش يفنشون القطريين والقطريات عشان يحطون جون وحسام وساندرا ودينا بدالهم!!

اليوم هو مب كفؤ بكرة بيصير كفؤ

وصباح الكرك يابوراشد

[المعارضة]

ضد التفنيش

ليش يفنشون القطريين والقطريات عشان يحطون جون وحسام وساندرا ودينا بدالهم!!

اليوم هو مب كفؤ بكرة بيصير كفؤ

وصباح الكرك يابوراشد

بوحارب انت عندك دوام ليل؟، اشوف هجمت على المنتدى

[بوحارب]

لا الله لايبلانا على الشفتات

قول ما شاء الله !!

[المعارضة]

لا الله لايبلانا على الشفتات

قول ما شاء الله !!

ما شاء الله الله يعطيك العافية
لا تخاف عيني مش حارة

[Bu Rashid]

ضد التفنيش

ليش يفنشون القطريين والقطريات عشان يحطون جون وحسام وساندرا ودينا بدالهم!!

اليوم هو مب كفؤ بكرة بيصير كفؤ

وصباح الكرك يابوراشد



اخوي بوحارب مثل بن عيدان ما يظهر الا بالضربات

[MoneyMaker]

صراحه,,, من الرد اللي من الشركة على وطني الحبيب
لو منهم ارسل لها التفنيش على البريد المستعجل

[bu abdulla]

طبعاا تتبع قانون العمل بس لازم يغطون عليهم