رئيس جهاز قطر للاستثمار في أوروبا

[مبرمج QA]

جالس اشوف برنامج احداثيات اقصادية على شاشة القطرية


لفت انتباهي شي غريب وعجيب
مستضيفين شخص ما ادري ايش اسمه طبعا لبناني أكييد وعمره فوق 65 سنه ويالله يالله يتكلم ويعبر وكبير بالسن ... يا ترى هل تعلم ان هذا الشخص هو رئبيس جهاز قطر للاستثمار في اوروبا بكبرها .. اشدعوه ياجماعه ما حصلو شخص قطري مؤهل او على الاقل مب عمره فوق ال 65 سنه والله يا جماعه شكله اشوي ويعطيكم عمره والاعمار بيد الله سبحانه ...

ايش رأيكم ؟ ومنا إلى الجهات المختصه ...
معا" قطر المستقبل

[باراكودا]

الخبرة وما أدراك ماالخبرة الذي يستعين بالخبرة عمره مايندم
والذي يستعين بالشباب غالبا راح يندم لقراراتهم السريعة والمتهورة .

[Bu Rashid]

الله يهديك .. شدراك انه لبناني ؟ حبيب البي
يمكن عنده العنابي :nice:

[بطل الفريج]

no comment

[هدوء العاصفة]

اهل قطر يقطونهم على البند المركزي والله المستعان

[حبر سري]

هداك الله اخوي

لاتعرف اسم الشخص
ولا تعرف جنسيته
ولا تعرف منصبه

وشلون كتبت هالكلام؟
اي كلام وخلاص؟

[حبر سري]

وبعدين اخوي شلون رئيس قطر للاستثمار في اوروبا بكبرها؟؟؟؟؟؟؟؟؟ممكن تشرح لنا بس

هل جهاز قطر له مكاتب هناك , وله مكتب اوروبي؟؟ وضح لو سمحت

[تغلبية]

اشدعوه ياجماعه ما حصلو شخص قطري مؤهل ايش رأيكم ؟ ومنا إلى الجهات المختصه ...
معا" قطر المستقبل



لا ..


صعب يلقون قطري بخبرته !

فشيلة .. ماعندنا خبرات:shy:

[دكتورة روح]

ههههه شر البلية مايضحك

[rashid-1]

السلام عليكم

يمكن عنده قدرات عبقرية في التجاره مثل ( كارلوس سليم الحلو ) أغنى رجل في العالم

[مابدل العادات]

الله يسلمك هم دايما يفضلون الأجنبي على القطري

حتى لو القطري بيوفر عليهم الملايين بعد يفضلون الاجنبي

ويمكن لأنه عنده خبره كبيره بس اتوقع في قطريين اكفاء وعندهم خبره

والله يعطيك العافيه :)

[مبرمج QA]

أخوي ( حبر سري )
بالنسبة للاسم .. كان اسمه صعب الصراحه وما قبضت ..
بالنسبة للجنسية واللهجه .. لبناني 100 من 100
بالنسبة للمسمى الوظيفي بامكانك الرجوع للبرنامج وتشاهد المسمى بنفسك ..

ولك أرقى تحيه