+++ شبك بوهامور +++

[jajassim]

http://www.up.qatarw.com/get-3-2010-qeaznnl1.png (http://www.up.qatarw.com)


من لديه ملاحظة او ملاحظات :deal: عن اجراءات شبك بوهامور ،، فليتفضل :nice:

[GULFSUN]

الله يجير المسلمين منه :weeping:

[بــو فهــد]

ما شالله كل هالمواتر مقطوطه ف الشبك هههههه
ننتظر ملاحظات الشباب .. والله يجزاك خير يا جاسم على خدمة الاعضاء ..

[Night KNight]

دخلته مره وان شاء الله مادخله مره ثانيه

[bu-3bdulla]

الله يجير المسلمين منه :weeping:




اااامييييين

[الوعد2016]

ياليت يتم نقله لمكان اكبر وخارج مدينه الدوحه ويكون على طريق بو سمره ويكون محمي بجدار بارتفاع 6 متر على الاقل ومراقب بالكاميرات ويكون له اناره ويكون بالقرب منه محلات لتصليح السيارت موجر من قبل الوزاره وراح يكون استثمار ناجح بكل المقايس
وكل موقف له رقم يعني مش تاخذ يوم لين تحصل السياره
وياليت عند حجز اي سياره يراعى ان تكون الشبابيك مغلقه لسياره ويكون الحجز على حسب نوع السيارات يعني مقسم على الانواع

[Realistic]

الحمدلله .. انا ماشي فالسليم .. قانوني 100% .. فماحتاج اعرف شي عن الشبك

ماعندي اي فكره عن الي صاير في الشبك .. فماقدر اعطي ملاحظات ..
وانشالله اتم دوم مادري عن هالشبك :)

[مزيون الدوحه]

المفروض على الاقل تكون المواقف مرقمة ومظلله
الناس ماحصلت سياراتها ببلاش علشان تنقط في الشمس

[jajassim]

من ضمن مسيرة التطوير التي تنتهجها وزارة الداخلية ، حيث تقوم الوزارة بانشاء سلسلة من المشاريع الخدمات الأمنية ، تسعى من خلالها لخدمة المواطنين والمقيمين ومن هذه المشاريع مشروع ساحة حجز السيارات بالمنطقة الصناعية

الذي يعد بديل لحجز سيارات منطقة أبوهامور ويقام المشروع على مساحة 160 الف متر مربع ، وسوف تقوم الشركة المنفذة بتجهيز بكافة الإمكانات من الجراجات والحفظ والتخزين الأمن لسيارات وتركيب كاميرات مراقبة على كافة مداخل ومخارج الساحة ،،

وفضلا عن تسوير الساحة بصور ذو مواصفات خاصة وذلك بتكلفة 23 مليون و 850 ألف ريال قطري ،




منقول من مجلة الشرطة معك ،،

[الوعد2016]

من ضمن مسيرة التطوير التي تنتهجها وزارة الداخلية ، حيث تقوم الوزارة بانشاء سلسلة من المشاريع الخدمات الأمنية ، تسعى من خلالها لخدمة المواطنين والمقيمين ومن هذه المشاريع مشروع ساحة حجز السيارات بالمنطقة الصناعية

الذي يعد بديل لحجز سيارات منطقة أبوهامور ويقام المشروع على مساحة 160 الف متر مربع ، وسوف تقوم الشركة المنفذة بتجهيز بكافة الإمكانات من الجراجات والحفظ والتخزين الأمن لسيارات وتركيب كاميرات مراقبة على كافة مداخل ومخارج الساحة ،،

وفضلا عن تسوير الساحة بصور ذو مواصفات خاصة وذلك بتكلفة 23 مليون و 850 ألف ريال قطري ،




منقول من مجلة الشرطة معك ،،
مشكور على النقل ويعني المقتراحات موجوده كما ذكر الكاتب في المجله

[بوخالد911]

مووفقين

وعساكم ع القووة

[إينشتاين]

منقول من مشاركة في موضوع سابق:


والله سالفة الحجز سالفة !!!! وادري بكم بتملون من قراية الموضوع لأنه طويل مثل مامليت أنا من طول المراجعات فيه...

عندي سيارة دعم عليها الدريول وماكانت مأمنه قالوا لازم نحجزها لين ماتصلح للسيارة الثانية وبعدين بنطلعها ، قلت مافيه مشكلة ،، كلها اسبوع وبعد ماصلحت للسيارة الثانية رحت لحجز السيارات قالوا السيارة عليها مخالفات وعليها أرضية كل يوم 10 أو 15 ريال ماذكر،، قالوا لازم تسددها ،، قلت مافيه مشكلة سددتها ورجعت لهم بس كان في ليل والدنيا ظلام،، قالوا دور سيارتك وعلى رجولك يعني ممنوع تدخل بسيارتك !! قلت مافيه مشكلة ولفيت شبك الحجز على كبره 300 مرة أدور عالسيارة بس اكتشفت إن العثور على الكنز أسهل من العثور على سيارتي في الظلام الدامس ، سألتهم قلت السيارات مو مرقمة أو مرتبه في مواقف معروفة بحيث اني اقدر احصلها بسهولة قالوا وين قاعد إنت في مواقف فندق !!!،، هذا الكلام كان ليلة عيد الفطر وكان آخر يوم دوام قالوا مافيه إلا انك تجي بعد العيد وتدورها الصبح،، جيتهم بعد إجازة العيد ولله الحمد لقيت السيارة مدعوسة في داعوس مغبره وطاير لونها وكنه صاير لها سنين في الحجز مو اسبوعين ،، وارتحت وقلت في خاطري الحين انتهت مشكلة السيارة بس الله يعيني على فلوس التصليح يبي لها وقفة أقل شي اسبوعين في الكراج لعل وعسى يصلح ما افسده الحجز.
بس للأسف اكتشفت إني كنت متفائل أكثر من اللازم،، واجهت مشلكة اكبر من المشاكل السابقة ألا وهي إيجاد مفتاح السيارة،، قالوا لي دور مفتاح سيارتك !! ودخلوني غرفة مليانه كراتين انواع واشكال مليانه مفاتيح،، دورت المفتاح مايقارب الساعة وانا ادور لكن للأسف باءت كل المحاولات بالفشل،، سألت الموظف قلت له ياخي ليش ماترتبون المفاتيح والسيارات وتكون مربوطة بالكمبيوتر بحيث تدق رقم السيارة يطلع وين موقف السيارة ووين مفتاحها !! قالي داخل فندق حضرتك.. فالأخير رحت الصناعية وجبت فني مفاتيح وخليته يفتح لي السيارة لأن ماعندي اسبير....

الزبدة إنه عشان تطلع سيارتك من الحجز لازم تاخذ اجازة اسبوع من شغلك وتفرغ نفسك تفرغ تام لهالموضوع

[aspirin]

انا الي مم عاجبني الصراحة الاسم ياليت لو تقول لهم ملاحظتي الشيخ جاسم انهم يغيرون الاسم مدام هم ناويين على نقله من مسمير الى المنطقة الصناعية

[bittersweet]

انا سيارتي محجوزة من سنة وشوي .. ولا انا ولا الي حجزها يدري ليش هي محجوزة .. و حاطين رقم اموتر انه بيبيعونه خلال عشرة ايام برخص التراب ...

ويقولك راجعنا !!! في الادارة !! ما عرفنالكم اي ادارة و اي قانون .......

وكم بتدفعوني؟؟؟


هذي سالفة الموتر ... وسالفة الليسن ادهى وامر ...

على العموم حلال عليكم الموتر والليسن ..

[فارس قطر]

من ضمن مسيرة التطوير التي تنتهجها وزارة الداخلية ، حيث تقوم الوزارة بانشاء سلسلة من المشاريع الخدمات الأمنية ، تسعى من خلالها لخدمة المواطنين والمقيمين ومن هذه المشاريع مشروع ساحة حجز السيارات بالمنطقة الصناعية

الذي يعد بديل لحجز سيارات منطقة أبوهامور ويقام المشروع على مساحة 160 الف متر مربع ، وسوف تقوم الشركة المنفذة بتجهيز بكافة الإمكانات من الجراجات والحفظ والتخزين الأمن لسيارات وتركيب كاميرات مراقبة على كافة مداخل ومخارج الساحة ،،

وفضلا عن تسوير الساحة بصور ذو مواصفات خاصة وذلك بتكلفة 23 مليون و 850 ألف ريال قطري ،




منقول من مجلة الشرطة معك ،،

الله يحفظك اخوى جاسم
ياليتنا نشوف الافعال قبل الاقوال
متى يبتدى المشروع ترا احنا سكان بوهامور تاذينا منة
ومن المدرسة الهندية ومدرسة تعليم السواقة لاننا ساكنين في نفس الفريج

تحيااااتي

[ممنوع اللمس]

انا كل اللي اتمناه
يكون كل موقف مرقم وطبيلات عن الشمس حرام في سيارات جديده تنحجز وتضربها الشمس 6 شهور او اقل

انا الحمد لله ولا مره انحجز موتري بس هذا طلب بسيط واتمنى يكون هالشي ترقيم للحجز وطبيلات والحمد لله الدوله تقدر توفر هالشي وان شاء الله يسوونه

[الهـواوي]

ليش يتعبون نفسهم ويحجزون مواتر العالم على الصغيره قبل الكبيره

[مابدل العادات]

الحمدلله ماقد دخلته والله يبعدنا عنه

وتسلم يالغالي :)

[Sharshooooor]

احنا مومحتاجين مكان اكبر

احنا محتاجين تقنية حديثة للاستفاده من المساحات

يعني ينلغي مكان الحجز القديم والاستفاده منه لمشاريع ثانية خدمية وخصوصا ان المنطقة صارت سكنية

ثانيا يختارون مكان بعيد شوي عن الدوحة مثل خط الخور او الشمال

ثالثا يستخدمون تقنية الموقف الآلي اللي ممكن تبني برج مواقف يخدم عدد كبير من السيارات المحجوزة بمساحة بسيطة طبعا

ومنها لتجنب سالفة سرقات قطع الغيار او تلف السيارة ووقوفها بالشمس والاضرار الطبيعية

تقبلوا مروري

[jajassim]

الله يحفظك اخوى جاسم
ياليتنا نشوف الافعال قبل الاقوال
متى يبتدى المشروع ترا احنا سكان بوهامور تاذينا منة
ومن المدرسة الهندية ومدرسة تعليم السواقة لاننا ساكنين في نفس الفريج

تحيااااتي

المشروع على وشك الانتهاء بالمنطقة الصناعية ،، :nice:

[كازانوفا]

خبر مفرح يعني كل اللى راح يتخالفو ما عندهم مشكله لما يمر الدهر على سياراتهم ههههههه
مشكور يا جاسم على الخبر الله يوفقك ان شالله

[فارس قطر]

المشروع على وشك الانتهاء بالمنطقة الصناعية ،، :nice:

الله يبشرك بالخير وماقصرت

[كلاسيك قطر]

ياليت يتم نقله لمكان اكبر وخارج مدينه الدوحه ويكون على طريق بو سمره ويكون محمي بجدار بارتفاع 6 متر على الاقل ومراقب بالكاميرات ويكون له اناره ويكون بالقرب منه محلات لتصليح السيارت موجر من قبل الوزاره وراح يكون استثمار ناجح بكل المقايس
وكل موقف له رقم يعني مش تاخذ يوم لين تحصل السياره
وياليت عند حجز اي سياره يراعى ان تكون الشبابيك مغلقه لسياره ويكون الحجز على حسب نوع السيارات يعني مقسم على الانواع



مشكوووووووور يالغالي وانا اتفق مع الرجال وكلامه سليم 100%

[بو الجوري]

والله يا خوي جاسم :.. تقريباً مثل ما قال الوعد :.. :nice:
لازم المكان يترتب :.. والمواقف مخططه ومرقمه :.. :discuss:

ومثلا اللي اللي موعد فك الحجز عن موتره 6 شهور :.. وطافت 8 شهور ولا جا يستلم :..
خلاص يبيعونها فالمزاد :.. مب يخلون مواتر بالسنين عندهم :..

وفي شغله ثانيه :.. واللي هي المراجعات :.. :telephone:
يعني مب لازم الصبح بس يكون العطيه موجود :.. انا الصراحه تبهدلت يوم رحت :..
أنتظره بالساعات والله :.. على الأقل يخلون كذا يوم فالاسبوع للمراجعه المسائيه :..

وأهم شي لحد يخيس النفس علينا :..:anger1:

وننتظر الحجز اللي فالصناعيه :.. :omen2:
عشان نشوفه بس مب تنحجز مواترنا فيه :.. :secret:

[lord-qatar]

اشكرك على الطرح الحلو

صراحه الملاحضات كثيره بس من بطبق الشي هذا

بو هامور على فكره منبع السرقات وتشليح

مكان يبيله ترتيب مثل ما قالو الشباب تعمل باركنات وتترتب وتترقم مش سياره لها 3 سنين مش عارفين ليش محجوزه


اداره الحجز يبيلها ناس واعيه مش سيارات تنحجز يوم وسبوع دور من يفرج عنها

الله المستعان

[heavy duty q]

يا ريال بس فالحين يجمعون فلوس وكل واحد يحجز الموتر على كيفه الل ييقولك صوت وموترك مافيه شي ويسحبك وتقعد تراكض كم يوم وعقب يقولك الضابط اوك طلع موترك بدون ما تتم محاسبه الشخص اللي جرجرك وسحبك

المفروض مثل مايعطون الافراد صلاحيات تكون في محاسبه

ودايما مركزين على الشباب واهل قطر الجيات والنياسين يدورون عليك الزله وبنفس الوقت الاجانب او نقدر نقول الجنسيات الاخرى عادي لو يمر وسيارته عليها صوت يقولك هاي مسكين قسم بالله قهر

وسالفه الارضيه ترفع الضغط ارضيه على شنو لا مظلات ولا هم يحزنون

[eve ~]

والله السيايير ما انقطت جذي مني والدرب
وعلى قولتهم امشي سيدا يحتار عدوك فيك !!

[الجزوع]

ياريت يتم العمل بالمقترحات اللي اقترحوها الشباب عسى ربي يعطيهم العافيه

ومشكور جآجآسم على اهتمامك بآرآء الاعضاء الكرآم..