قطر بعد 20 سنة

[المعارضة]

ما هي توقعاتكم لشكل قطر بعد 20 سنة في الامور التالية:
- تطور الديموقراطية.
- دور المرأه.
- تحسن الصحة والتعليم.
- الالتزام الديني.
واذا عندكم اشياء ثانية تبون تتوقعونها ما في مانع.
وشكرا

[الوعد2016]

يالغالي من اسمك لا احب اشارك في مواضيعك وتقبلها بصدر رحب وياليت اعرف معارضه لمن وعلى ماذا

[محمد افندي]

المستخدم هذا ينقصة الاحترام للاسف ؟؟ في كثير من المواضيع التي يكتبها الشباب هنا .. اجده يضع اول رد بكتابة

" وبعدين ؟ "

لذلك انا اقول لك في موضوعك هذا

وبعدين !؟

[قطرية فذة]

اتوقع بطاله وماتترتب عليه من سلبيات

اتوقع ناس تشتغل في بيوتها

اتوقع غلاء معيشي والمجتمع طبقتين

اتوقع رخص الأغذيه

اتوقع حريم يفتحون محلات يديرونها بنفسهم ( مو الخدامه )

اتوقع يفتحون في بيوتهم معارض

اتوقع البيوت تصير صغيره ومع الوقت مايصير فيه حوش

هذا اللي حضرني الآن

[تغلبية]

كنت أفكر اليوم في قطر بعد 100 سنة !

الملمح الرئيسي .. أراه مشرقاً ..:)

[لطآم]

نفس الشيء
حفر في حفر !

[بوطويشم]

السلام عليكم

اي ديموقراطية؟؟؟؟

ذي في 7 الأحلام

والدوحة بتصير نفس دبي 100% السكان بيبتعدون عن العاصمة بسبب الزحمة الي راح تصير وكثرة الأجانب

طبعاً حبايبنا يبعدونا بطرقهم تهديم البيوت وسوء التخطيط

وقلة نسبة حملة الشهادة الجامعية بفضل العقول الخربانه الي يبغيله صيانة وسكراب

[aspirin]

ما هي توقعاتكم لشكل قطر بعد 20 سنة في الامور التالية:
- تطور الديموقراطية.
- دور المرأه.
- تحسن الصحة والتعليم.
- الالتزام الديني.
واذا عندكم اشياء ثانية تبون تتوقعونها ما في مانع.
وشكرا



مالها المرأه ماخذه حقها وزيادة
وبلاش تشويش نبي نترس بطونا من فائض موازنه الدولة للعام الماضي

[mohd89]

انا اتوقع قطر تكون مزدهره اكثر واكثر
وانا كنت اتناقش مع واحد امريكي من فتره
يقولي الحين الكثير من الاجانب تتجه انظارهم الى قطر بدلا من دبي التي تعاني من اثار الازمه العالميه
والنهضه قايمه في قطر من حيث البناء والاستثمار والتعليم وكل المجالات
واللي يقول بطاله وكلام فاضي
اقول انه فرص العمل موجوده بس تبي خريجين وخبراء مب عقول مسكره

وانشالله قطر تزدهر وتتطور اكثر واكثر ((على يد ابناءها))

[فارس قطر]

انا اتوقع قطر تكون تايلند الخليج بعد الانفتاح على الديموقراطية الزائفة

والله اعلم

[(الفيصل)]

أتوقع أن تقوم الساعه قبل أن أضغط
أعتماد هذه المشاركه !!!

[الهـواوي]

اقسم بالله اني خايف على قطر واهل قطر

اقسم بالله ماسوو شي بالعكس كانو ووافين

انا خايف من التحضر اللي قاعدين نشوفه

اللي مصيره نار جهنم وبئس المصيرررر

تحريض الزوجات الخروج من بيت ازواجهم

قسم بالله من يريد هذا التحضر راح يندم اشد الندم

صدقوني لم ولن يسكت الشعب لان شعب اسلامي

نتمنى من اهل الفتن يالمعارضه انهم يركدون ويخفون ولاصدقوني مايلمون الا انفسهم

حنا في دوله مسلمه عربيه خليجيه محافظه قبل 10 سنين كان مافي قطريه تغطي وجها

الان مهب يغطون وجههم الان الأحجاب قامو يرفعونه ولولا الموضه مالبسووووووووووووووووه

[مطيع الله]

اعتقد سوف تكون الأمور اسوأ 1000 مرة من الوضع الحالي،
وسوف يبكي القطري على دينه وكرامته ورزقه ورزق عياله،

إلا اذا استوت عنده القبيح والحسن والجيد والرديء والإسلام والكفر

[مابدل العادات]

- تطور الديموقراطية. وين الديموقارطيه يالغالي مانشوف منها شي الي يبغون يسونه يسونه

- دور المرأه. والله الصراحه مادري وش نهايه هاي الشي كل يوم طالعين لنا المرأه والمرأه يعني محسسيني ان المرأه مالها دور عندنا او مظلومه هم تدري اشلون دور المرأه عندهم لازم تطلع في التلفزيون كاشفه الوجه وشاله العبايه وتصافح الرجاجيل وتقعد وتضحك معهم وتوقع عقود هاي بالنسبه لهم دور المرأه والله يهدي الجميع ان شاء الله

- تحسن الصحة والتعليم. هههههههههههههههه واسمحلي على الضحكه يالغالي اي صحه يارجال إذا الوزير مايدري وش اللومي في الصحه عادي مايعرف شكل الإبره خخ والله مصخره

بالنسبه للتعليم فاقول الله يعنا والله على الجيل القادم والي بعده لأنه التعليم في نزووووول نزووووول والشباب يتخرجون موب فاهمين شي ابدا لا في المناهج ولا في الحياه الحين اشوف ناس متخريجن من 3 ثنوي وكنه توه طالع من الإعداديه بمستواه التفكيري يعني ماطور شي في التعليم

والسبب ؟؟؟ ..!!! لو يبون التعليم يتطور لازم يغيرون الي ماسك التعليم اصلا

- الالتزام الديني. إذا تم الحال على ماهو عليه فاعلى الدنيا السلام لأنه التدخلات الخارجيه كثيره والكثير من الأهالي الي الله يهديهم مادري ليه مستانسين على الحياه الغربيه ومنفتحين اكثر من الازم

والله يعطيك العافيه يالغالي والسموحه على الإطاله :)

[بـــــــنت النوخـّــــذه]

احتمال اتقوم القيامه قبل 20 سنه

بس اتوقع الالتزام الديني لان الحين وايد انفتحو فبيملون ويعرفون ان الالتزام الديني اهو اساس الرقي وخصوصا الحين صار فيه وعي0000000

واتوقع المدارس المستقله بتفشل وبترد الحكومي ^____^

والله يعطينا طوله العمر

[bo_hamad]

الدنيا ماشيه وما رايح يتغير منها شئ

ولكن الناس ونفسياتهم يتغيرون بشكل 80 درجة

الله المستعان

[همس العيون]

بغيرون اسمها من قطر الى قطر

وبيعدلون حدودها عشان تتماشى مع مد البحر وجزره

وبيسوون فيها شوارع بطابقين طابق بالليزر وطابق بالبخار

بفكر وبرجع لو حصلت شي

[علي الكبيسي]

:eek5:اتوقع بنكون اكثر بعد من تايلند
اصلاً ما اظن بيكون في تايلند
احنا بنكفي :rolleyes2:

[المعارضة]

أغلب التوقعات فيها تشائم

[المليونير الفقير]

تفائلو بالخير تجدوه اتوقع انشالله بعد عمر طويل ان قطر بتكون احلا بلاد فالعالم بالنسبه للازدهار والتطور العمراني والتمسك بالعادات والتقاليد والمحافظه على الدين وتكون الدولة الاولى للمعونات الخارجيه والداخليه وانشالله تكون وجهة للشرق والغرب لقوة اقتصادها وللامان الي فيها امين يارب

[لله الحمد]

ههههه بل خاطري اشوف واحد راضي باللي صاير

ياخي كفايه تشائم يا ناس

[بو الطيب]

هذا دليل على ان اهل قطر طفح بهم الكيل واصبحو لايطيقون كلمت بعد وبعد 20 سنه

لان فعلاً خايفين من المستقبل كيف لانخاف ونحن في زمن التسعينات كنا نسمع بالتطور والازدهار

في زمن الألفيه اتى 10% من التطور ولاكن !! اتى معه فساد ومنكر قد يحرم كثير من شبابنا من الجنه

[مساهم عادي]

20 سنة شوي ... ماتوقع انه بيصير تغيير ملموس .....
قول بعد 100 سنة .. يمكن

[عضو نشيط]

نفس الشيء
حفر في حفر !

صحيح !!!!!

[هند88]

في خير ونعمة وعز اكثر من العز والخير اللي الحين احنا عايشين فيها ..

فيدتها قطر اشفيها.. ناس في بلادين ثانية تتمنى تعيش في قطر .. واذا على السلبيات اتحدى تيبون دوله في العالم شعبها راضين عنها ..

صج فيها سلبيات بس الحمدلله على كل حال..
عايشين احسن من غيرنا بمليون مرة ..

وايد اشوف اعضاء على طول وفي كل المواضيع ماعندها الا تعيب وتنتقد ..:omen2:
ترى مثل مافيه الشين فيه الزين اكثر ..

فديت قطر بعذاريبها والله ..:nice:
كل شي فيها حلو على قلبي :shy:

[BURBERRY]

قال تعالى: وَإِنْ مِنْ قَرْيَةٍ إِلَّا نَحْنُ مُهْلِكُوهَا قَبْلَ يَوْمِ الْقِيَامَةِ أَوْ مُعَذِّبُوهَا عَذَاباً شَدِيداً كَانَ ذَلِكَ فِي الْكِتَابِ مَسْطُوراً [الإسراء:58]

[الثاقب]

اتوقع ازدهار في جميع مرافق الحياة

[بو فهد]

ما هي توقعاتكم لشكل قطر بعد 20 سنة في الامور التالية:

- تطور الديموقراطية ///
سوف تتطور الديموقراطية شيلني وشيلك


- دور المرأه ///
كثرة البويات والمسترجلات


- تحسن الصحة والتعليم.///
ممكن تتحسن 50 %


- الالتزام الديني.///
سوف يكون التحدى بين الديانات عندنا بسبب فتح الديانات الاخرى عندنا


واذا عندكم اشياء ثانية تبون تتوقعونها ما في مانع.

مستقبل غامض في الطريق الينا بسبب الانفتاااح العشوائي

وشكرا ع الموضوع

[kitmat]

لما شفت الموضوع ضحكني اليوم امتحنا في هذا السؤال بس بالانجليزي

[kitmat]

قلة التعليم واحسافة ناس يابت فوق ال 90 قاعدة في بيوتها بسسبب التوفل حفر زياده لانه مافي فايدة لومرت السنوات بس اهوه العمر بيخلص مارح يتغير شي قطر ومارح نشوف شي عدل بس خسارة فلوس وانشالله الشوارع الجديدة عاجبتكم بواليعها الي كسرت سياراتنا خل يفكرون وين يحطون بواليعهم بعدين يصير خير هل الإمارات لين ياوا ضحكوة تدرون ليش يقولون اول مره نشوف بواليع في الشارع

[مقطع حق]

ألله يستر---

الي نشوفه في الأماكن العامة على الكورنيش وفي الكوفي شوب وسوق واقف والمراكز التجارية "المولات" وفي الشوارع والشاليهات والفنادق ومن بذخ وفضائيات وانترنت وبلاك بيري وكثرت الأجانب وووووووووووووووووووووووووووووووو....الخ.

ألله يستر ويصلح الحال والغيب مايعلمه الى ألله.

علينا بالدعاء أن الله يبارك للجميع وفي جميع الجهود---وعلينا رغم الغبن والتشائم مما نرى أن نتفائل بالخير،،،تفائلو بالخير تجدوه و:secret:

[فراغ]

أنا أتوقع أن تكون هنالك فقط نهضة عمرانيه
بعدها وبعد أنتهاء النفط والغاز
سيهاجر منها الأجانب والمجنسين وسيعودون لدولهم وسيلحق بهم الأغنياء
وبتصفي على عمارات خاليه مخيفه والفقراء من أهل قطر وسيعودون مرة ثانيه لأكل الصقوع والحويت والسمك لملح

[برق لمع]

انا اتوقع كل شي مب زين:
الاختلاط بين الجنسين بيكون 100% وما يترتب عليه من فتح مياتم للاطفال اللي تركتهم امهاتهم على قارعة الطريق.
غلاء الادوية وصعوبة الحصول عليها لشدة فقر بعض الاسر(مثل افلام ابيض واسود)
وقلة المتعلمين بسبب الشروط التعجيزية التي فرضتها قوانين الدراسة في جامعات قطر والمبالغ الطائلة للالتحاق بالجامعات الاخرى ..(مع ان عدد طلابنا اقل من اي دولة في العالم المفروض يعطونهم حوافز عشان يتعلمون )...
الدين ...قال رسول الله (ص) : (بدأ الاسلام غريباً, وسيعود كما بدأ غريباً,فطوبى للغرباء) رواه مسلم عن ابي هريرة رضي الله عنه.


نسأل الله العافية في الدنيا والاخرة

[المعارضة]

لما شفت الموضوع ضحكني اليوم امتحنا في هذا السؤال بس بالانجليزي

وأيش جاوبت في الامتحان؟