معقوله لكزس وارد السعوديه ........تجاري!

[لـبـيـه]

منقول من الأيميل







السلام عليكم ورحمة الله وبركاته

صراحة احترتت وين احط الموضوع لأهمية وأبغا اكبر عدد ممكن من المشاهدات فوجدت قسم الاند كروزر لكي يحذر الجميع من الجنوط التجارية

إحذر من لكزس عبداللطيف جميل
!!! الصّيني !!!



مرفق صور لحادث جيب لكزس جديد 2010 إشتراه صاحبه من تويوتا عبداللطيف جميل
وهو أعلى نوع في جيب اللكزس من ناحية الاكسسوارات والتقنية
ومكلف صاحبه حوالي 360 ألف ريال


*****


وصاحب هذي السياره من الأصدقاء ..يعني أعرفه عز المعرفه
والحادث صار عليه بطريق الليث وهو راجع من مزرعته متجه الى جدة أول هذا الشهر -شهر 3 -2010
وسبب الحادث غريب عجيب ...اترككم مع صور الحادث والسبب بعد ماتشوفون الصور



- صورة جيب اللكزس قبل الحادث -


http://dc06.arabsh.com/i/01314/16bw4jrb6oi2.jpg



************************************************** **



- صورة جيب اللكزس بعد الحادث -


http://dc06.arabsh.com/i/01314/ebqk4r36m8j9.jpg







وسبب الحادث.... هو


http://dc06.arabsh.com/i/01314/3s8ndlturkgi.jpg







الجنط الامامي الايسر (جهة السائق) قد انفصل الى نصفين !!!
ولم تنقلب السياره لله الحمد .. لانه لم يكن مسرع



وبعد فحص الجنط وبقية الجنوط تبين إنها صينية الصنع ومن أردى الانواع
وتمت مقارنتها بجنوط جيب لكزس 2009 مستورد من أمريكا


وتبين ان الجيب الامريكي يتميز بجنط متين جدا وأثقل من السعودي




يعني بالعربي الفصيح أخونا أبوجميل...لما يستلم السيارات يقوم بتغيير الاكسسوارات بأخرى صينية
ويستفيد من الاصليه بإعادة بيعها في نقاط بيع قطع الغيار أو تصديرها



حسبي الله وهو نعم الوكيل.... صاحب جيب اللكزس راح يرفع دعوى قضائية - أو قام برفع قضية فعلا-
على شركة عبداللطيف جميل ...بعد تأكده من رداءة نوع الجنوط المرفقة بسيارته
ويحتفظ بتقرير كامل عن سبب الحادث .. وتقرير رداءة معدن الجنوط وتأكيد مصدرها الصيني...



وعلى فكرة حادث مثل هذا ..
لو حصل في دولة غربية ... من دول العالم المتقدم ..
ستجد بأن كل وسائل الإعلام تتحدث عن هذا الحادث رغم أنه فردي ..
ويتم البحث والتقصى لكل السيارات من نفس النوعية ..
وبفتح باب طويل عريض له أول وليس له آخر ...
وتصير سمعة الشركة أو الوكالة .. بالتراب وأنتم بكرامه ..
طبعا الكلام بعيد عن التعويض (( لأن التعويض أمر مفروغ منه ))
لكن كل الكلام عن كيفية حدوث تلك النصبة أو المشكلة دون أن ينتبه لها أحد ..
ومن ثم التشنيع في المصنع او الوكالة ..


==========
لهذا تجد بأن الشركات المصنعه لكل شي (( سيارات وغيرها )) تحترم الشعب ..
ليس حبا بالشعب ولكن خوفاً من الإعلام .. ومن القضاء ومن المسؤلية ومن الخسائر.. ومن التبعات ..


====
وأقرب مثال هو ما حدث لرئيس تويوتا .... عندما بكى بعد مسائلة الكونجرس ... لشركة تويوتا ..
================
================
================
اما هنا فلن يتحدث الإعلام المدفوع ... مثل الصحف او التلفزيون عن هذا الحادث ..
والسبب هو العلاقات المتبادلة ... بين التاجر ورئيس التحرير ..
علاقة عمل مثل الإعلان عندهم ..أو .. علاقات إخرى ..
حتى لو ذهب مالك هذه السيارة ... ومعه كل المستندات التي تثبت عملية الغش .. فلن تنشر .




لاحوول ولا قوة الا بالله

[rayyani12]

لا حول ولاقوة الا بالله .. الله يعينه

[الخاطف]

يا ما عشنا وشفنا من عبد اللطيف جميل ، !!!

اللي يكافينا الشر بس ..

والمشكلة كل يوم يزيدون اللي يشترون من عنده ،،

[مستثمر 999]

لاحول ولا قوة الا بالله

[بوغازي]

اخواني مو شرط كل شي يجي ع الايميل صحيح
انا مجرب سيارات عبداللطيف
ما تفرق غير الاكسسوارات الخارجيه

[زمن الغدر]

اخواني مو شرط كل شي يجي ع الايميل صحيح
انا مجرب سيارات عبداللطيف
ما تفرق غير الاكسسوارات الخارجيه

:nice::nice:

كلام سليم

وسبحان الله من 2008 نازل الكزس توهم اكتشفوا هذا الخل !!!!!!

وماصار الا مع هذي السياره !!!!!!!!!!!!!

[لـبـيـه]

الله العالم

وشكراً لمروركم

[بوبندر]

ماظن...يضحي بسمعت الشركه وحط اكسسوارات تجاريه وهو وكيل التويوتا في الشرق الاوسط...ماكل يسمع يوصدق ولا كل مايراى حقيقي ..مثل السراب

[قناص 787]

كلام فاضي

[بوطويشم]

السلام عليكم

أتوقع راعي الموتر مركب رنقات تقليد

مشكور على الموضوع

[سهيمان]

كانت عندي لكزس 2009 وارد الدوحة ولكزس 2008 وارد السعودية ( عبداللطيف جميل )

نفس الشي وطبق الاصل بالاكسسوارات الخارجية والداخلية والرنجات

[al-obaidly]

مش معقوله

[غير عنهم]

ليش مو معقوله الا معقوله ونص معرو ف عن وارد عبداللطيف جميل كل الاكسسوارت صينيه
(وارد الدوحه وبس)

[بوحارب]

:eek5::eek5:

[لـبـيـه]

مشكورين على المرور

بوحارب روح ارقد حق تروح المرور الصبح

[RaaaaKaN]

ياا اخووان ... لو فرضنا كلام اخونا صحيح
كم لكزس فووريل في السعوديه معقوله ماصارحادث الا على خوويك
بعدين شغلة الجنوط حساسه والناس
هاابين في الكزس والي يطلع عليه البر ويسافر.... ارجو التثبت

[عبدالله ح]

اخواني مو شرط كل شي يجي ع الايميل صحيح
انا مجرب سيارات عبداللطيف
ما تفرق غير الاكسسوارات الخارجيه



لا ياخوي عبداللطيف ياغش على الناس

انا اعرف واحد كان يعمل بشركة عبداللطيف جميل يقول انه اول ماتنزل السياره من الباخره يدخلها على الصيانه ثم يفكك فيه الاصليه ويركب صينى والاصليه يبيعه في القطع الغيار

[almoj]

لا ياخوي عبداللطيف ياغش على الناس

انا اعرف واحد كان يعمل بشركة عبداللطيف جميل يقول انه اول ماتنزل السياره من الباخره يدخلها على الصيانه ثم يفكك فيه الاصليه ويركب صينى والاصليه يبيعه في القطع الغيار

لا وانا اخوك ماهو بالدرجه هذي انه يفكها ويبيعها في قطع الغيار

السالفه ومافيها ان عبداللطيف جميل وكيل في الشرق الاوسط ويملك في مصنع تويوتا 26 في المائه يعني انسان متحكم في المواصفات, ويجيب بعض السيارات ناقصه مواصفاتها في الاكسسوارات فقط ويركبها عنده في المستودع الخاص الي في جده , يعني جناح مسجل حساسات انوار ضباب دواسات

وصارت في الاند موديل 2008 جابه كأنه استاندر بدون تخشيب والجناح صيني والمسجل صيني ولاكن عدل في المواصفات في موديل 2009 و 2010 خلاها بـتخشيبه والجناح اصلي والمسجل الاصلي , ولاكن باقي انوار الضباب والدواسات والحساسات الخلفيه والمرايات نفس لون السياره وبدور خطوط وهذا كله يوفر في سعر السياره من المصنع

وبالنسبه للكزس ما اختلفت ولا شي عن الخليجي وهذا حسب تجربتي الشخصيه

تحياتي للجميع واتمنى اني افدتكم

[فارس قطر333]

لاحوول ولا قوة الا بالله

[بو سالم]

لا وانا اخوك ماهو بالدرجه هذي انه يفكها ويبيعها في قطع الغيار

السالفه ومافيها ان عبداللطيف جميل وكيل في الشرق الاوسط ويملك في مصنع تويوتا 26 في المائه يعني انسان متحكم في المواصفات, ويجيب بعض السيارات ناقصه مواصفاتها في الاكسسوارات فقط ويركبها عنده في المستودع الخاص الي في جده , يعني جناح مسجل حساسات انوار ضباب دواسات

وصارت في الاند موديل 2008 جابه كأنه استاندر بدون تخشيب والجناح صيني والمسجل صيني ولاكن عدل في المواصفات في موديل 2009 و 2010 خلاها بـتخشيبه والجناح اصلي والمسجل الاصلي , ولاكن باقي انوار الضباب والدواسات والحساسات الخلفيه والمرايات نفس لون السياره وبدور خطوط وهذا كله يوفر في سعر السياره من المصنع

وبالنسبه للكزس ما اختلفت ولا شي عن الخليجي وهذا حسب تجربتي الشخصيه

تحياتي للجميع واتمنى اني افدتكم




هلا اخوي بس حبيت اصحح معلومه خاطئه عندك

وكيل التويوتا في الشرق الاوسط هو با زرعه وكل ما يباع في الخليج له نسبه فيه وهذا الشي معروف للكل بازرعه وكيل التويوتا في الشرق الاوسط

[Alpinestars]

لاحول ولا قوة الا بالله

[فتى قطر]

ماظن...يضحي بسمعت الشركه وحط اكسسوارات تجاريه وهو وكيل التويوتا في الشرق الاوسط...ماكل يسمع يوصدق ولا كل مايراى حقيقي ..مثل السراب


وكيل الشرق الاوسط هو الفطيم ومكتبهم في دبي

[قطرخصوصي]

الحمدالله على سلامه راعي السياره
والله يستر على اللي عنده وارد السعوديه
اذا هذا الشي صار بسبب الجنوط