ياالربع فيدوني في شركات التامين الحراميه

[الدينار الذهبي]

اندعمت من يومين في سيارتي من الخلف وسجل الخطأ كاملاً على الهندي صاحب السيارة الثانية وكانت سيارته مؤمنه تأمين شامل واعطتني شركة التأمين كتاب إلى أحدى الكاراجات
فخترت كراج في الوكره قريب مني ولكن المفاجئه التي لم أحسب حسابها أن صاحب الكراج قال سيارتك أقل من مديل 2006 لذى إذا تبي نبدل كل شئ جديد يجب أن تدفع النصف 50% من القيمه قلت يالربع أنا مش غلطان قال أدري ورقة الشرطه واضحة ولكن هذا قانون شركات التأمين قلت خلاص مابي جديد صلحو أي شئ قالوا ما نقدر لأن الصدام الخلفي ما يتصلح قلت طيب تأمين الي دعمني شامل قالوا حتى ولو أرجو من إخواني إفادتي عن هذا القانون المجحف بحيث أ المدعوم يدفع النصف

[@north_star@]

شركة التامين هي المسؤله عن التصليح بالكامل حتى لو القطع جديدة وانت ما عليك من راعي الكراج راجع التامين وقلهم اللى صار لانه راعي الكراج ماله شغل لانه بياخذ فلوسه من التامين وهذا اللى اعرفه بس ممكن انك لازم تدفع نسبة من قيمة القطع الجديدة على حسب قوانينهم والله يعينك

[ودي أكون]

خطاك الشر أخوي ..

[ANONYMOUS]

الله يعينك

يبي لك لسان عشان تاخذ حقك

[الدينار الذهبي]

نورث ستا
أنا رجعت لتأمين قالو نفس الكلام أنت سيارتك أقل من 2006 تتحمل النصف

[patrol]

الحمدالله على السلامه والله يكون في عونك
شركات التامين لاعبين وطاربين ولا حد محاسبهم

[Arab!an]

هذا قانون شركات التأمين ..

لكن تقدر تنزل النسبة من 50% الى أقل .. حتى من 25%

اقنعهم بس


وبعدين مب لازم قطع اصليه .. اخذ تجارية والا من السكراب


تدري المفروض شركات التأمين يعدلون قانونهم .. ويخلون اللي يدفع 50% هو الغلطان ..

[الـقـاسـي]

اخوي انا صارت لي نفس السالفه وقالوا لي تدفع 50% وانا مش غلطان ..
غريب عجيب هالقانون انا داعميني وادفع 50% ليش عسى ماشر ..

قلت لهم باخذ فلوس كاش وخذت من عندهم الفلوس وخذت الاغراض وصلحت موتري ..

[الـمـحـنـك]

خطاك الشر صحيح هاي قانونهم

وبعدين ماينعرف لهم كل يوم قانون اذ تقدر تاخذ الفلوس كاش وانت عقب تصلح موتر يكون افضل لك

مثل ماقال اخوي القاسي

والله يعينك

[BIG-VEGA]

سبحان الله

اذا سيارتك اقل من موديل 2006 واندعمت
تدفع جزئ من التصليح اذا تبي اتصلح :con2:
واذا تقليد ماتدفع ...مع ان الحكومه تحارب البضائع المقلده :omen2:
بس مع شركات التامين حلال :secret:

طبعا ماننسى ان المدعوم متظرر لانه ماعنده سياره ويمكن يستاجر:eek3:



بس اكثر الي فاقع مرارتي :anger1:
هم المرور .... اذا حد دعمك والغلط على الثاني 1000000% يدفعونك 10 ريال بالبطاقه...
ليش .... انا شليخص ....غلطتي اني اندعمت!!!!!

قمه الظلم والاستعباط

[رذاذ]

اذا القطع تجارية او سكراب ما يخدون منك ريال ..

لو اصليه تحمل 50% من القيمه

انا راي تاخذ سكراب

[Arab!an]

بس اكثر الي فاقع مرارتي :anger1:
هم المرور .... اذا حد دعمك والغلط على الثاني 1000000% يدفعونك 10 ريال بالبطاقه...
ليش .... انا شليخص ....غلطتي اني اندعمت!!!!!

قمه الظلم والاستعباط



هذي بدل الطابع اللي كنت تشتريه قبل .. الحين بس تدفع عشرة ريال على التقرير وعشرة ريال على ورقة التصليح

[هام السحاب]

شركات التأمين يبيلهم لسان
انا انقلبت بسيارتي و الشخص الثاني غلطان
بالاول قالوا حدك سبعين الف و مع الصراخ وصلت التعويض 100 الف
للعلم كانت الشركه الخليج للتأمين

[BIG-VEGA]

هذي بدل الطابع اللي كنت تشتريه قبل .. الحين بس تدفع عشرة ريال على التقرير وعشرة ريال على ورقة التصليح

يالغالي ادري
بس ليش

تخيل معاي :)

لو انا ماشي في الشارع في حالي ... وجا واحد ماعرفه وعطاني كف
ورحت العاصمه اشتكي ... يقولون لي ادفع الرسوم الاول بعدين نتفاهم
مايجوز ..مايصير..ماتركب



المقصد انا مب الغلطان ... انا في كنت في حالي!!
المتسبب هو الي يتحمل كل التكاليف

احنا مب حاسين فيها لانها 10 ريال ...بس لو كانت 500 شان العالم مظاهرات بالكورنيش

[بوعلي 78]

اقسم بالله انه شي ينرفز

قوانين ماشفتها في حياتي الا في قطر

بس الشرها مب على شركات التأمين، الشرها على البنك المركزي إلي سامح لشركات التامين يحطون قوانين على كيفهم بدون مااي احد يحاسبهم،،،

في البحرين عندنا اذا انت مب غلطان في الحادث، تدفع او شي 3 دنانير في المرور حق التقرير واول ماتروح شركة التأمين يرجعونهم لك، وبعدها ماتدفع اي شي للتصليح وغصبا عليهم اذا في تبديل لأي قطع تكون اصليه ومن الوكاله بعد،،،

الله يعينكم على الحراميه إلي عندكم