انت مع اوضد سواقة شياب في شوارع الدوحة

[السهم الكلاسيكي]

انا ضد سواقة شياب في شوارع الدوحة

انا اشوف ان يمنعونهم من السواقة داخل شوارع الدوحة وذالك للااسباب

سوقتهم بطيئة ومايتعدى سرعة ستين واذا طلعت جدامة ازعجك بالهرن

واذا فتحت الاشارة ساعة لين يقوم السيارة واذا تطق لةهرن علشان يفتح

الطريق طنشك وسوى عمرة مايسمع ودايما يسببون الزحمة في الشوارع

ودايما تشوفهم يد على سكان ويد في المسواج


ولهذا ان ضد سواقة الشياب في الدوحة



فهل انت ضد ام مع//////

[cristal]

حراااااااااااااااااام

انا مب ضد / بس بعضهم يطلعون ويضيعون تدرى تغيرت عليهم الشوارع
عشان جي تلقاه يخفف السرعه يمكن ضايع

:weeping:

[ضوى]

سبحان الله

هديت طياشة الشباب وسواقتهم اللي كانهم داشين سباق وجيت لسواقة ابهاتنا وشيبانا ؟؟

[واحد ثقة]

انا ضد سواقة شياب في شوارع الدوحة

انا اشوف ان يمنعونهم من السواقة داخل شوارع الدوحة وذالك للااسباب

سوقتهم بطيئة ومايتعدى سرعة ستين واذا طلعت جدامة ازعجك بالهرن

واذا فتحت الاشارة ساعة لين يقوم السيارة واذا تطق لةهرن علشان يفتح

الطريق طنشك وسوى عمرة مايسمع ودايما يسببون الزحمة في الشوارع

ودايما تشوفهم يد على سكان ويد في المسواج


ولهذا ان ضد سواقة الشياب في الدوحة



فهل انت ضد ام مع//////


الله يصلحك قل آمين ،،

بيجي اليوم اللي تصير فيه شايب وقد لاتجد من يوصلك ، فهل ستتغير نظرتك ؟

[بـــــــنت النوخـّــــذه]

حرام عليك 0000000000000000

ليش يمنعونهم ترى بعضهم يوصلون بناتهم وماعندهم غير هالشايب ويرجون من الله طوله العمر له 000 والله لولا الحاجه ولو بيده كان رجع شباب 00

من اداب الطريق انك توسع الطريج لمسن او الشخص الكبير 0000

صراحه ضد هذا القرار لان ظلم في حق فئه معينه

انا اتمنى يمنعون سواقه البطابط والشباب المتهورين في الشوارع 00000000

اسمحلي انا ضد تفكيرك 0000 ترى العيله من الشيطان --والله يهديك

[بوعلي2]

انا مب ضد

انا مع سواقتهم


فديتهم وفديت رووووووحهم

[BIG-VEGA]

انا اقول الاولويه لهم

[رذاذ]

انا اقول نتعلم منهم ونسوق نفسهم ابرك من ما تدعم خلق الله ع الصبح وانت متاخر ومستعجل على الدوام ..

ليت سواقتي مثلهم بس اوقات اسرع ..

خليت سواقة الزول وكروه وجيت على الشياااب

مب قايل الحريم لجل محد يعصب علي :)

[الألماسي]

أنـا ضـد بـس بشـرط :

تـوفــر لـكل شـايب " سـائـق + مسـكن " خـاص فيـه . .

:)

[يحفظك ربي]

هههههههههه حررام والله يكسرون خاطري :(

صج كم مرة صارت لي هالحركة وعصبت وكنت بهرن و اسب :anger1:بس من اشوف اللي يسوق شايب اهدي اللعب :shy:

شكله يكسر الخاطر الغتره شطوول مهدوده ورى الظهر والعقال غايص في الراس :nice:

اللهم ارحم موتى المسلمين يارب .. تذكرت يدي رحمة الله عليه :( كان مايسوق فالليل

[aspirin]

ماعندك سالفة والمفروض موضوعك بسلة المهملات بس الله يهدي المراقب ماادري وين رايح :telephone:

[العذبي]

اكيد انا مع ... لن من اسباب تاخر الشيخوخه التركيز ... وخااااصه في السواقه لم القعده في البيت مملله وتخليه عاجر
واكثرهم لو بيقعد في البيخ بيخرف بسرعه خلهم يعشون وهم في صحتهم....
جدي الله يرحمه مات وعمره 70 وهو يسوووق وما جبنا له سايق ومخلينه يعتد على نفسه وهذا هو اللي طالبه ما يبي سايق او حد يوصله في مشاويره الخااصه
ومات الله يرحمه وهو في كامل قواه العقليه

[رذاذ]

السواقه ثلاث اشياء :

فـــن

ذوق

وأخلاق.

[الرويـس]

توني أمس افكر باقتراح يقضي بتشجيع الآباء كبار السن (المتقاعدين) على القيادة

لسبب ان الامر اسلم وآآمن من الاستعانه بالدريوليه

[Sharshooooor]

المفروض اننا نكل لهم كل احترام وتقدير وكل شيبة حطة بمقام ابوك وامش على هالاساس

وخلخ صبور ومافي داعي حق الاستعجال واذا واجهك مثل هالموقف حاول انك تواجها بابتسامة

ياما شياب وصلت فيهم انهم يغلطون فينا وهم مايدرون انهم غلطانين لكن ندعي لهم بالله يحفظهم ويهديهم ونكمل طريقنا

ترى هم الخير والبركة ومساكين اكثرهم يشتكون من الراتب التقاعدي وهو ماشالله شايل بيته
نحط علية التزام السايق ليش بعد :nice:

[BIG-VEGA]

ماعندك سالفة والمفروض موضوعك بسلة المهملات بس الله يهدي المراقب ماادري وين رايح :telephone:

روق المنغا يالطيب
ترى كلش ماله داعي الرد بهاي الطريقه

هو بس عطى وجهة نظره وسال :انتو مع او ضد

الله يصلحك :)

[ANONYMOUS]

الزمن دوار

[هام السحاب]

اهم الخير و البركه
خلهم يسوقون مثل مايبون
وياما شياب يلفلفون على خلق الله
بس في النهايه شايب ماتقدر تقوله شي

[aspirin]

روق المنغا يالطيب
ترى كلش ماله داعي الرد بهاي الطريقه

هو بس عطى وجهة نظره وسال :انتو مع او ضد

الله يصلحك :)




ويصلح راعي الموضوع ويصلح كافه المسلمين وانا قلت وجهه نظري وبكل احترام

[patrol]

ماردنا بنصير شيبانو مانرضا حد يحرمنا من شي نمارسه

[كازانوفا]

احسهم سبحان الله على نياتهم يسوقون

وما اجت على كم دقيقه راح نتاخرها عشان في شيبه ماشي على راحته :)
جعله الله لنا حسنه طيبه لصبرنا على الشيااااب

ومشكور يا صاحب الموضوع

[باراكودا]

أنا مع سواقة الشيبان بشوارع الدوحة .....كم مرة أنقذوني من الرادار الحرامي
في أخر لحظة خاصة من راعي الاكس تريل الكحلي أخر موقع شفته فيه مقابل دحل الحمام
قاعد ياكل حب في السيارة .

[الجزوع]

الله يسامحك ، لاتصير انت والزمن عليهم ، والله ان سواقتهم احسن بواجد من سواقة اكثرية الشباب واحسن من سواقة كل سواقين كروه، الله يخلي شيبانا هم ملح البيت والشوارع وكل شي بهالدنيا الفانيه

[أخت الغالي]

بالعكس معاهم موب ضدهم

ولكن ضد فحالة وحدة

ان بعضهم يكون مايشوف عدل اوسواقتة شوي مختلة يعني سبحان الله هاذي تصير فيها حوادث

[عز الفتى]

انا شاب

بس مع سواقة الشياب

لانها سواقة راكده احسن من الشباب

والله يعطيهم العافية

وطولت العمر

[ام السعف]

سبحان الله

هديت طياشة الشباب وسواقتهم اللي كانهم داشين سباق وجيت لسواقة ابهاتنا وشيبانا ؟؟

من يومين و احد من العيال يعلق على ان البلاك بيري وصل في يد العيايز
قلت له ليش هل البلاك بيري مكتوب انه للشباب و بس ؟

الا علق واحد ثاني وقال مب عدلة يكون في يد كبار السن
فاللي يشل في يده بلاك بيري من الشياب و العيايز
نفس الشيبة اللي يدور في الستي وفي يده
بي اس بي ،،

استغربت من منطق الشباب ،، مفتخرين بالبلاك بيري
ويعدونه مب لايق على الشياب ،،

والأخ يطالب منع الشياب من السواقة في الشارع لأنهم يحدون من سرعته،،

ان كان الشايب يمشي بطريقه وان كان مخفف سرعته فهالشي ما يضر حد
احسن من سواقة شاب متهور مستعيل يخم ناس بسرعته ،،

[طلعة الروح]

الله يحفظهم انشالله ويحفظنا وياهم

[لـبـيـه]

سبحان الله

هديت طياشة الشباب وسواقتهم اللي كانهم داشين سباق وجيت لسواقة ابهاتنا وشيبانا ؟؟

:nice:

[فراغ]

انا مب ضد

انا مع سواقتهم


فديتهم وفديت رووووووحهم
الصافيه في توقيعك سمينه والظاهر صيد غزل لأنها محززه
ذكرتني بصافيه صدها من سنين دبلسايز

[فراغ]

من يومين صار حادث وراي
كنت واقف عند التقاطع أنطر سيارة أطوف
وكان وراي عائلة يسوق بهم هندي والشيايب جالس قدام أشوفه في المنظرة
المهم
طافت السيارة تشان أتحرك والهندي ألي وراي ما نطر تحرك وراي تشان تصدمه سيارة في التاير الجدامي من الجنب
المهم صار الحادث
رجعت أشوفهم
تشان أسمع الشيبه يقوله
شفيق مستعجل ما تعرف تسوق لو أنا مكانك تشان تصرفت أحسن منك بغيت تذبحنا ول لا بارك الله فيك بغيت تكسرنا صحيح من قال يا من جابله من حلاله عله
المهم أني عرفت أن هذا الشايب كان يسوق أحسن من هنديه وأن الهندي في بلاده ما كان يسوق سيكل وهنيه كانت هذي قفزه في حياته وساق سيارة بعد تعليم مدته 3شهور
وهنا تكمن الخطوره
خبرة السياقه سنين أحسن من خبرة السياقه شهور فالخبرة هي الفرق

[لعديد]

حرام عليك



انا اتمنى يمنعون سواقه البطابط والشباب المتهورين في الشوارع 00000000

اسمحلي انا ضد تفكيرك 0000 ترى العيله من الشيطان --والله يهديك

انا مع منع سواقه الشباب المتهورين في الشوارع

[رجل الجزيرة]

انا ضد سواقة شياب في شوارع الدوحة

انا اشوف ان يمنعونهم من السواقة داخل شوارع الدوحة وذالك للااسباب

سوقتهم بطيئة ومايتعدى سرعة ستين واذا طلعت جدامة ازعجك بالهرن

واذا فتحت الاشارة ساعة لين يقوم السيارة واذا تطق لةهرن علشان يفتح

الطريق طنشك وسوى عمرة مايسمع ودايما يسببون الزحمة في الشوارع

ودايما تشوفهم يد على سكان ويد في المسواج


ولهذا ان ضد سواقة الشياب في الدوحة



فهل انت ضد ام مع//////

الشيبان إلي علموك السواقة هذا جزاهم، بس الله يصلحك.

[بوطويشم]

انا ضدهم اذا كانو مايشوفون عدل

وكلكم تقولون الشباب الشباب ادري انه في بعضهم يسرعون

لكن لا تنسون الحريم يام شفت حريم كله داعسين ولا يسابقون بعد

مشكور على الموضوع

[بويوسف]

سبحان الله .. هذيلا اللي البركة فيهم واللي مفروض نقدم لهم كل الاحترام والتقدير ونعاملهم معاملة تليق فيهم لانهم ببساطة ابائنا وأعمامنا واجدادنا نفكر ان احنا نحجر عليهم ونمنعهم من السواقة بسبب كونهم مزعجين ويعطون أهران ويسوقون اشوي اشوي ؟ هذا يا اخوي اسمه عقوق وماله مسمى آخر .

انه أقول اي شاب يسوق بسرعة ينسحب منه الليسن لمدة سنة عقابا على استهتاره وتسحب سيارته أيضا لمدة شهرين .

[ماريسا]

و الله غير مؤيدة بس في مساكين بعضهم مضطرين و عيالهم مشغولين عنهم و لا يقضون حاجاتهم لأبائهم الكبار في السن

[فارس قطر]

الشياب هم البركة وسواقتهم مب مثلنا لاكن سواقتهم على ركادة الله يحفظهم

[المثابر]

أنا مع سواقة الشيبان ترى في النهاية انت بتستوي شايب تحب حد يمنعك من السواقة

بعدين سواقتهم أحسن من سواقة الحريم :)

[المعارضة]

حرام مساكين ليش ما لهم رب

[حسين العنسي]

حراااااااااااااااااام

انا مب ضد / بس بعضهم يطلعون ويضيعون تدرى تغيرت عليهم الشوارع
عشان جي تلقاه يخفف السرعه يمكن ضايع

:weeping:

ههههههه:nice:

انا معهم وعيب انكون ضدهم مهما كان
ولهم حق التصرف في السواقه يسرعون
او على راحتهم...

وأعتقد بأنه لو رأيت شايب مسرع راح تقول
خرف الشايب :nice:

[بو فهد]

الله يحفظهم ان شالله ويحفظنا وياهم

[جوال 11]

الأولى يمنعون كل من تطأ رجله أرض الدولة ويحصل على الرخصة وتراه يتمخطر في وسط الشارع ويترك المسار الأيمن هل في مدارس السواقة يتعلمون السير في وسط الشارع فقط ؟

[unless]

انا اشوف دام مافيه اي خطر عليه وإمكانياته جيدة لابالله إلا
شوفتهم بركة واللي من المفروض ينمنع والله غيرهم اللي
بالي بالك....... لحد يفهمني غلط..

[النائب]

انا ضد سواقة شياب في شوارع الدوحة

انا اشوف ان يمنعونهم من السواقة داخل شوارع الدوحة وذالك للااسباب

سوقتهم بطيئة ومايتعدى سرعة ستين واذا طلعت جدامة ازعجك بالهرن

واذا فتحت الاشارة ساعة لين يقوم السيارة واذا تطق لةهرن علشان يفتح

الطريق طنشك وسوى عمرة مايسمع ودايما يسببون الزحمة في الشوارع

ودايما تشوفهم يد على سكان ويد في المسواج


ولهذا ان ضد سواقة الشياب في الدوحة



فهل انت ضد ام مع//////
أنا مع سواقة الشياب ورفض سواقتك أنت شعندك تضرب هرن وين عايش أنت لايكون تفكر نفسك في مصر ولاالأحساء تضرب هرنات .

الشياب هم إللي ربووووك لين سرت شباب وأخذت الرخصة وليش تطلب منعهم ليش ما تطلب من البنات والشباب إللي مخلين الشارع ومشغولين بالبلاك بيري .

ولا شرايك تطلب إن الشياب يدخلون مستشفى الرميله ونفتك منهم .

[Doha Land]

الشيبان إلي علموك السواقة هذا جزاهم، بس الله يصلحك.


سبحان الله .. هذيلا اللي البركة فيهم واللي مفروض نقدم لهم كل الاحترام والتقدير ونعاملهم معاملة تليق فيهم لانهم ببساطة ابائنا وأعمامنا واجدادنا نفكر ان احنا نحجر عليهم ونمنعهم من السواقة بسبب كونهم مزعجين ويعطون أهران ويسوقون اشوي اشوي ؟ هذا يا اخوي اسمه عقوق وماله مسمى آخر .

انه أقول اي شاب يسوق بسرعة ينسحب منه الليسن لمدة سنة عقابا على استهتاره وتسحب سيارته أيضا لمدة شهرين .


الشياب هم البركة وسواقتهم مب مثلنا لاكن سواقتهم على ركادة الله يحفظهم



أنا مع سواقة الشياب ورفض سواقتك أنت شعندك تضرب هرن وين عايش أنت لايكون تفكر نفسك في مصر ولاالأحساء تضرب هرنات .

الشياب هم إللي ربووووك لين سرت شباب وأخذت الرخصة وليش تطلب منعهم ليش ما تطلب من البنات والشباب إللي مخلين الشارع ومشغولين بالبلاك بيري .

ولا شرايك تطلب إن الشياب يدخلون مستشفى الرميله ونفتك منهم .


لـلــه دركـــم ،، كلامكم درر جزاكم الله خير
وعسى الله يبارك في أعمار شيبانا ، ويتغمد روح المتوفي منهم ولا حول ولا قوة إلا بالله .

[ام دجانه]

انا ضد وضد وضد منعهم من السواقة الانسان كل ما كبر زاد قدره وقيمته ،الله يهديك بس

[بن جلبان]

في أمريكــا ،،، الشياب اللي عمرهمـ فوق الـــ 60 سنــه ،، يسحبون منه رخصة السواقــه !

[السهم الكلاسيكي]

حراااااااااااااااااام

انا مب ضد / بس بعضهم يطلعون ويضيعون تدرى تغيرت عليهم الشوارع
عشان جي تلقاه يخفف السرعه يمكن ضايع

:weeping:

شكرا على المرور
و مفروض يخلونهم يسوقون خارج شوارع الدوحة
لو سئلتيهم عن اشارات مااعتقد يعرفونها بعد.

[سوق واقف]

انا مع سواقتهم


فديتهم وفديت رووووووحهم

[rawda]

السلام عليكم قبل كل شي

أخوي يعني من كثر مشاويرهم اللحين ؟

شحلاتهم من البيت أو السوق للمجلس ومن المجلس للبيت

ويوم الجمعه اللي الصبح العالم رقود قبل الصلاه هم من فجر الله خير في سوق الجبره حق الخضره والفواكه والسمك

يمكن صادفك واحد أو اثنين فالطريق كانو من كبار السن

قولي كم واحد صادفت فالشارع من الشباب المستهترين ؟؟

[rawda]

شكرا على المرور
و مفروض يخلونهم يسوقون خارج شوارع الدوحة
لو سئلتيهم عن اشارات مااعتقد يعرفونها بعد.



يعني قصدك الخطوط السريعه ؟؟

انزين ماحليت المشكله انت هالشكل

خارج الدوحه مافي إلا الخطوط السريعه والمدن اللي خارج الدوحه وهذي وشيبون بها دامهم من سكان الدوحه؟ :tease:

[نجم سهيل]

السلام عليكم

مع اني دومي مسرع .. بس كلنا راضين .. يلف علي حلاله دامه كبير فالسن

اذا ما حشمت الكبير .. من بتحشم ؟

[دلة الرسلان]

انا ضد سواقة شياب في شوارع الدوحة

انا اشوف ان يمنعونهم من السواقة داخل شوارع الدوحة وذالك للااسباب

سوقتهم بطيئة ومايتعدى سرعة ستين واذا طلعت جدامة ازعجك بالهرن

واذا فتحت الاشارة ساعة لين يقوم السيارة واذا تطق لةهرن علشان يفتح

الطريق طنشك وسوى عمرة مايسمع ودايما يسببون الزحمة في الشوارع

ودايما تشوفهم يد على سكان ويد في المسواج


ولهذا ان ضد سواقة الشياب في الدوحة



فهل انت ضد ام مع//////


مع وبقوة شديدة، الا شيبانا حتى دعمتهم لنا مبروكه :)

[خوي الشوق]

البلاد حق الشياب وهم اساس قطر ومتى شفت شيبه يسوق بصراحه احس انه احنا بخير وخلو امريكا عنكم بتطور البلاد هذي مشكلتنا كل من راح امريكا يقول في امريكا وفي امريكا

[Marriott]

في أمريكــا ،،، الشياب اللي عمرهمـ فوق الـــ 60 سنــه ،، يسحبون منه رخصة السواقــه !

طال عمرك ،،

في أمريكا الشيبان لهم إمتيازات خاصة واعطيك امثله بسيطه //

- لهم بطاقات خاصة اسمها ( سنيور كارد ) وهذي بطاقات خصم في أغلب الأماكن .
- لهم الأولوية في تخليص الإجراءات و المعاملات الحكومية .
- لهم الأولوية في ركوب وسائل النقل بأرخص التسعيرات واماكن واسعة وقريبه من الابواب لتسهيل ركوبهم .
- لهم خصومات في المطاعم .
- لهم كونترات خاصة فيهم ولا حد يزاحمهم عليها .

تعال عندنا شنو نعطيهم ؟ أو بمعنى أصح شنو عطيناهم ؟؟ مقارنة باللي عطونا أياه في عز شبابهم إلى ان كبروا في السن وهم يساعدون عيالهم ويزوجونهم ويتحملون عيال عيالهم ، وحنا نرد لهم الجــحود والنكـــران ..

الله أكبر ، هذي أخرتها ؟ نتناقش شلون نمنع أبهاتنا من ابسط حقوقهم ؟؟

الله يهديكم ويردكم لصوابكم ........

[Sugary]

الا تكفووووووووون وسعوا لهم الطريق ولو تضربون لهم التحية فهم يستاهلون والله
ولاحد يزعجهم اذا مروا عليه في الشارع لان الوالد طول الله في عمره للحين يسوق وراااااااافض الدريول يقول ليه شايفيني عاجز فديت روحه وهذا حال اغلبهم فهذا شي يحسسهم بانهم للحين يعتمد عليهم ومو محتاجين حد وهذا بسيييييييييط جدا وتبونا نوقف لهم بعد والله حراااااااام هذولا بركة هالبلاد وخيره جعل ربي مايحرمنا شوفتهم في الشارع

[لاجل QT]

حرااااام.. لين الحين اشوف الشياب الله يحفظهم يوصلون بناتهم الجامعة ..انت ماتدري بظروف الناس ..حل المشكلة لين شفت شايب وسع لة الطريج بالعكس انا استانس لين اشوفهم الله يحفظهم صج بطيئين بس هذيلا هم الاصل ..اشدعوة بنذبحهم بالحيا

[ام السعف]

مع وبقوة شديدة، الا شيبانا حتى دعمتهم لنا مبروكه :)

بالغت يا دلة :(

الشيبة لو وصل لمرحلة انه يدعم من غير حاسية
المفروض ما يتسلم السيارة ،، فلكل عمر زمانه ،،
الا ان راعي الموضوع بالغ أكثر منج في منعهم من السواقة في الشوارع :(

[الحبتور]

شالموضوع ..

الحمدلله والشكر ..

[حدالكلمه]

لييييييش خلهم يطلعون يسوقون -- مب من زين العيال اللي يودونهم ويجيبونهم -- ولا من زيين الدريولية اللي لين نزلوهم في مكان خلوهم وراحوا يهذرون مع ربعهم وخلوا الشايب يحوط برجوله يدورهم ---

الا يازيينهم والله يحفظهم من تهور الشباب

[ROSE]

انا اشوف اخوي لو يمنعونك انت من السواقه افضل

لو الشيبان مااحترمتهم في الشارع ووسعت لهم

وعطيتهم تعظيم سلام بعد من بتحترم ؟


حتى هالشي تبون تمنعونهم منه

الله يعين شيابكم في البيت