الموت القادم من الشمال

[بوبندر]

اول تحويله على طريق الشمال عند منطقة المسلم راجع الى الدوحه
لزم تشوفون لها حل...يادارة تخطيط المرور..بشكل عاجل..صارت خطره بعد اتمام فتح تحت اول جسر قبل جسردحيل...كل يوم حادث وما في مجال تقطع الشارع راجع الى الدوحه...خاصه الصباح والعصر...:anger1::anger1:

[كازانوفا]

لا حولة ولا قوة الا بالله
ليش ما تتكلم مع ادارة المرور بنفسك
لا تنتظر اذا لهدرجه الموضوع خطيرررررررررررر

[Sharshooooor]

الصراحة خط الشمال القديم كله يخرع
الله يرحمك يا هاشم الساده

ضحية هالشارع وانا بنفسي رحت وشفت الموقع وهو تقاطع الغارية وانت راد للدوحة

صج يعتبر اخطر مكان في الشارع

[كازانوفا]

وليش ساكتين ليش ما تتكلمو مع المسؤولين والا لازم يموت واحد معروف عشان يتحركو:(

[Sharshooooor]

وليش ساكتين ليش ما تتكلمو مع المسؤولين والا لازم يموت واحد معروف عشان يتحركو:(

همهم يخلصون المشروع ويضربون عصفورين بحجر بدل مايتم تعديل المسارات

يعني 4 او 5 وفيات بعد عشان يخلصون من المشروع

بعيد الشر عنكم

[شجرة الدر]

لاحول ولاقوة الابالله ،،

طريق الشمال بكبره يبيله حل ،،

[هذلان]

السلام عليكم


والله اني متاذي اكثر منك .. لكن لا حول ولا قوه الا بالله .

هانت اتوقع بحول الله خلال شهر بالكثير بيفتحون اتجاه واحد من خط الشمال .. يعني بدون تحويلات .

الله المستعان هذا غير وعوره الخط رفعات و نزلات ولا الي عند الخيسه :anger1:

لكن صبر جميل مع هالتحويله و سواقه العمال و النسوان :rolleyes2:

[BIG-VEGA]

ياخي من يوم مانولدنا ... وطريق الشمال يعتبر طريق الموت, التحويلات, الحفر, تكنسل المواتر.....الخ

فصار جزء من الحظاره الوطنيه وموروثة تاريخيه اصيله في قطر :victory:

فانت الحين اتطالب بمحو تراثنا

شالكلام:)

[بوسعد قطر]

اول تحويله على طريق الشمال عند منطقة المسلم راجع الى الدوحه
لزم تشوفون لها حل...يادارة تخطيط المرور..بشكل عاجل..صارت خطره بعد اتمام فتح تحت اول جسر قبل جسردحيل...كل يوم حادث وما في مجال تقطع الشارع راجع الى الدوحه...خاصه الصباح والعصر...:anger1::anger1:

السلام عليكم ورحمة الله وبركاته

وصبحكم الله بالخير جميعا

ومرحبا اخوي بو بندر

بس هذي التحويله خطر على خط الشمال أخوي بندر ؟

أنا يوميا رايح وراجع على خط الشمال والله المستعان اتوقع في اي لحظه يصير لي حادث لا قدر الله وبسبب التحويلات واللفات وسواقه الاجانب .

شارع الشمال بكبره مافيه ذرة أمن وسلامه للطريق خير شر ...

ويقدرون المهندسين بالاشغال والداخليه يصححون الاخطأ بالطريق والشركية التركية مهندسينهم طيبين ومحترمين ومصلين ولو طلبوا منهم تعديل الشارع ما يقولون لهم لا ..


لو لاقدر الله صار حادث لاي شخصيه مهمه كما صار بشارع الوكرة كان وجهوا 20 تهمه لمهندسين اشغال والداخليه والشركه التركية ..

ولنا الله يا اخوي بو بندر

الضرب في البيت حرام ..

بالله عليكم هؤلاء مهندسين قطريين ؟

اللي يحرق القلب مركز ام صلال الصحي ليش يزلونه عشان جسر كما تكلفه هذا المركز بعد توسيعه ؟ ومايقدرون يرجعون الجسر الى جنوب المركز ويتفادون ازاله وتقليل الخسارة للدوله لانشاء مركز جديد .. اخرتهم حطوا المركز في الفريج واجرو فلتين .

تدرون بلادنا رايحها فيهم اذا المهندسين والناس اللي اتخطط بهذا الشكل ..

الله يعينا الناس عليهم والمسؤلين وين ما يضربونها عويه ..


والسلام عليكم ورحمة الله وبركاته

وأسف على الاطاله

[السهم الاخضر]

السلام عليكم...... يا جماعة الخير غالباا ما تحصل بعض الاخطاء في طريقة عمل التحويلات في مشاريع اعادة رصف او توسعة الطرق الرئيسيه في قطر مما ينجم عنها بعض الحوادث الخفيفه او الخطيره وتروح فيها ارواح. لكن مو شرط احنا نلوم الشركه المنفذه او القائمين على المشروع من اي جهة كانت ان اغلب الحوادث الي تصير تكون غالباا ما تحدث بسبب الاهمال وعدم الانتباه او السرعه الزايده وخاصه الشباب الله يهديهم ويحفظهم انشالله. لكن في النهايه احنا لازم نقول ونبه ونتكلم ونحاول انوصل صوتنا لاي جهة اذا شفنا اي خطأ ممكن يحدث بسببه حوادث سواء كانت صغيره او كبيره.

[بوسعد قطر]

السلام عليكم...... يا جماعة الخير غالباا ما تحصل بعض الاخطاء في طريقة عمل التحويلات في مشاريع اعادة رصف او توسعة الطرق الرئيسيه في قطر مما ينجم عنها بعض الحوادث الخفيفه او الخطيره وتروح فيها ارواح. لكن مو شرط احنا نلوم الشركه المنفذه او القائمين على المشروع من اي جهة كانت ان اغلب الحوادث الي تصير تكون غالباا ما تحدث بسبب الاهمال وعدم الانتباه او السرعه الزايده وخاصه الشباب الله يهديهم ويحفظهم انشالله. لكن في النهايه احنا لازم نقول ونبه ونتكلم ونحاول انوصل صوتنا لاي جهة اذا شفنا اي خطأ ممكن يحدث بسببه حوادث سواء كانت صغيره او كبيره.

وعليكم السلام ورحمه الله وبركاته

اخوي السهم

ليش ما نشوف هذه الاخطأ في التحويلات في الامارات والسعودية ؟

وانا معاك بان السرعه وعدم الانتباه هو من اسباب الحوادث , ولكنا تعال على خط الشمال وادخل انت وشاحنه معاك في التحويله وانت تمشي 60 تقدر تدخل التحويله بدون ما اتاخر عن الشاحنه الين ما يستعدل الخط ؟

لا يوجد اخوي امن وسلامه للطريق في مشروع خط الشمال وليس العيب من الشركه المنفذة لا والله العيب منا وفينا من اشغال والداخليه ..

روح الصباح الساعه 7 وكذلك الساعه 1 الظهر والساعه 3 على خط الشمال والله اتشوف اشياء غريبه وعجيبه ..


عندك الشاحنات بعد الساعه 2 يسمح لهم الدخول للدوحه وشوف الزحمة من وين من الخريطيات الى اشارة المناصير خط واحد اتقول مسباح شاحنه ورا شاحنه يعني ماعندهم حل للشاحنات ؟

انا اعطيك حل بسيط

خل الشاحنات تدخل وهي راجعه للدوحه تدخل على خط المزروعه وهي رايحه على طريق شبكة المجاري الجديده بالمزروعه وهي قريب من الشحانيه ويكملوا الشارع اللي باقي عليه كم كيلوا مسافه قصير وخل الشاحنات اتروح الصناعيه عن طريق خط سلوى وهنا نفتك من الشاحنات .

بس عمك اصمخ وانا اخوك محد يفكر كيف يحل المشكله كلن خايف على الكرسي مع ان الامير ماعنده اي مشكله ...

ويعطيك العافيه واسمحوا لي على الاطاله

[هذلان]

السلام عليكم ورحمة الله وبركاته

وصبحكم الله بالخير جميعا

ومرحبا اخوي بو بندر

بس هذي التحويله خطر على خط الشمال أخوي بندر ؟

أنا يوميا رايح وراجع على خط الشمال والله المستعان اتوقع في اي لحظه يصير لي حادث لا قدر الله وبسبب التحويلات واللفات وسواقه الاجانب .

شارع الشمال بكبره مافيه ذرة أمن وسلامه للطريق خير شر ...

ويقدرون المهندسين بالاشغال والداخليه يصححون الاخطأ بالطريق والشركية التركية مهندسينهم طيبين ومحترمين ومصلين ولو طلبوا منهم تعديل الشارع ما يقولون لهم لا ..


لو لاقدر الله صار حادث لاي شخصيه مهمه كما صار بشارع الوكرة كان وجهوا 20 تهمه لمهندسين اشغال والداخليه والشركه التركية ..

ولنا الله يا اخوي بو بندر

الضرب في البيت حرام ..

بالله عليكم هؤلاء مهندسين قطريين ؟

اللي يحرق القلب مركز ام صلال الصحي ليش يزلونه عشان جسر كما تكلفه هذا المركز بعد توسيعه ؟ ومايقدرون يرجعون الجسر الى جنوب المركز ويتفادون ازاله وتقليل الخسارة للدوله لانشاء مركز جديد .. اخرتهم حطوا المركز في الفريج واجرو فلتين .

تدرون بلادنا رايحها فيهم اذا المهندسين والناس اللي اتخطط بهذا الشكل ..

الله يعينا الناس عليهم والمسؤلين وين ما يضربونها عويه ..


والسلام عليكم ورحمة الله وبركاته

وأسف على الاطاله

ردا على ماضللته باللون الاحمر

انتبه على الجسر المقام على لفه ام عبيريه و شوف الجسر شلون شكله بعد ان تم تعديل مخطط الجسر بسبب وجود بيت الشيخ الي جنوب الجسر (عشان ماينقص جزء من الارض) و الي حاليا بين طوفه الجسر و بين سور البيت مسافه لاتتجاوز ٣ امتار و من الجهه الشماليه محلات تقريبا ٢٠ محل صارو بدون طريق يوصل لهم

ركز في المكان الي ذكرت بتشوف منظر تستغرب منه .

[بوسعد قطر]

ردا على ماضللته باللون الاحمر

انتبه على الجسر المقام على لفه ام عبيريه و شوف الجسر شلون شكله بعد ان تم تعديل مخطط الجسر بسبب وجود بيت الشيخ الي جنوب الجسر (عشان ماينقص جزء من الارض) و الي حاليا بين طوفه الجسر و بين سور البيت مسافه لاتتجاوز ٣ امتار و من الجهه الشماليه محلات تقريبا ٢٠ محل صارو بدون طريق يوصل لهم

ركز في المكان الي ذكرت بتشوف منظر تستغرب منه .

اما موضوع جسر ام عبيريه ترى مصيبه

اعرفه زين واعرف المحلات واعرف بيت الشيخ وليش كنسلوا الاستملاك جزء بسيط من بيت الشيخ حمد بن سلطان ...


طيب تدري لو انا بظهر من ام عبيريه وابغي ارجع للدوحه كيف اظهر اركب للجسر ؟

واذا بغيت استخدم انزين شارع الخدمات وين اروح الجسر مسكر عليه ؟

طيب اذا مفتوح لازم يكون هناك دوار صغير حق اللي يبي يستخدم شارع الخدمات او يبي يرجع للدوحه ترى ماعندهم خبر اشغال الين ما راح واحد من اهل المنطقة وكلمهم ..


يعني ربعك رايحين فيه ما يدرون وين هم فيه ...

طيب ايش المشكله لو خليت جسر ام عبيريه شمالي المحلات والسعه عوده عندك طيب ليش ماخلوا المدخل الرئيسي بدل ام عبيريه يكون ام العمد وفك الله سعيد ؟

مافيه تخطيط ترى ...




ملاحظه حق اشغال
ترى مافيه محلات غير هذي اللي سكروتها على المسلمين بالمنطقة ام عبيريه .

والبلديه ارفضت تفتح للمحلات التجاريه ابوابها من خلف يعني من شمال المحلات مدري ليش ارفضوا او طنشوا لهم ...


طيب

[هذلان]

يه .. شلون بعد الي يطلع من ام عبيريه و بيروح الدوحه بيركب الجسر ؟؟

يعني تركب الجسر و تروح شمال و ترد من الجسر الي قبل الصنيع و تاخذه و ترد الدوحه ؟

ولا تداركو الموضوع بعد ما كلموهم و صلحو الوضع ؟

[بوسعد قطر]

يه .. شلون بعد الي يطلع من ام عبيريه و بيروح الدوحه بيركب الجسر ؟؟

يعني تركب الجسر و تروح شمال و ترد من الجسر الي قبل الصنيع و تاخذه و ترد الدوحه ؟

ولا تداركو الموضوع بعد ما كلموهم و صلحو الوضع ؟

ههههههههههههههه قلت لك ما يدرون هم وين فيه

لا تم تعديل الوضع واذا عندك راي روح لهم بعد عطهم رايك وفكرتك ترى محتاجين لكم هم .

ولا ابشر بعد بيسون خط ام عبيريه خطين منفصلين بدل خط واحد مظلم وفيه دورين او ثلاث نسيت ..دور عند مدخل ام العمد على ما اعتقد ودور ثاني عند بيت فلان اللي تكلم في الموضوع ودوار عند بين خلف بن منصور

[ماريسا]

لا حول ولا قوة الا بالله

[JN000N]

شارع الشمال مب معتدل الا لما ينقرضون هل الشمال او بعد يفقدون جم واحد ويدخلون موسوعة غينيس ويسمونه خط الموت يعني ادخله وانت ماسك قلبك يا توصل يا يوصلونلك

الله يكون بالعون :(

الله يرحمهم اللي راحو ويحفظ الباقين
أظن لو يحطون مكان كل حادث علامه بينترس الشارع

[الجزوع]

الله يستر على شبابنا وشباب المسلمين كلهم ، يارب اكفينا شر اشغال ، مب خط الشمال بس اغلب الخطوط يبغي لها اعادة نظر . حسبي الله ونعم الوكيل .

[امـ حمد]

الله يستر على الجميع

[بوبندر]

الموضوع اليوم ..مذكور في جريدة الشرق(ومكتوب المصدر منتدا شبكة الاسهم القطريه) ان شاء الله يحرك المسؤلين

[mohd89]

اول تحويله على طريق الشمال عند منطقة المسلم راجع الى الدوحه
لزم تشوفون لها حل...يادارة تخطيط المرور..بشكل عاجل..صارت خطره بعد اتمام فتح تحت اول جسر قبل جسردحيل...كل يوم حادث وما في مجال تقطع الشارع راجع الى الدوحه...خاصه الصباح والعصر...:anger1::anger1:

صحيح اخوي انا كل يوم امر من هالتحويله وبالفعل خطره وحتى اللفه اللي تطلع من الخيسه
نفس الحاله

وعلى فكره هذا غلط كبير .. السيارات اللي جايين من خط الشمال ماشيين على خط اليسار .. وانت تطلع من اللفه على على خط اليسار
والحوادث على خط الشمال بشكل شبه يومي

بس اخر يومين فتحوا الطريق ووسعوا الطريق وانت جاي من جسر الدحيل كان قبل ضييق

انشالله الحل قريب الحين فتحوا الخط تحت الجسر الاول
حتى الشارع الجديد الله بالخير تمشي فوقه السياره تناقز

انشالله يخلصون بسرعه ويفتحون الشوارع بأسرع وقت :(