أسعار خيالية للأيفون وجوجل .. هل هذا صحيح ؟ [الأرشيف]

مشاهدة النسخة كاملة : أسعار خيالية للأيفون وجوجل .. هل هذا صحيح ؟

السكين

29-03-2010, 09:03 PM

السلام عليكم

لاحظت في الفيس بوك وتحديداً في الــ market place .. ناس اجانب اكثرهم مقيمين بالدوحة يعرضوا اجهزة ايفون اصلية على حد ذكرهم باسعار لا تتجاوز 250 دولار !! واقصد هنا الـ 3GS .. وفيه ارقام هواتف وايميلات للاتصال فيهم .. طبعاً الكل يقول جرب واتصل ..انا مالي باللي يقولوه لاني ما عندي خبرة .. حابب اعرف هل فيه حد جرب هالشي ؟؟

نقطة ثانية ..فيه موقع اسمه iofferأيضاً فيه اسعار خيالية وصديقي رح يشتري من عندهم الثري جي اس بسعر 300 دولار واصل الدوحة ..قلت له لو ضبط معاك رح اشتري الجوجل ..وبعدين تذكرت منتدانا ..قلت أستفسر وافيده واستفيد ..يمكن ينضحك علينا .. وخليته يوقف عملية الشراء لحد ما نشوف الردود ..

باختصار سؤالي .. هل هالاجهزة أصلية ؟
هل موقع ioffer مضمون ؟ وأجهزته أصلية ؟

والله يحب المحسنين .. ودمتم بحفظ الرحمن ..ورعايته

السكين

29-03-2010, 10:15 PM

:)

:)

2010

29-03-2010, 10:17 PM

هلااا اخووي

اول شي بخصوص موقع آي اوفر الشباب في المنتديات السعوديه يقولون انه نصب و احتيال

و انا بعد ما ارتحت للموقع...

اما بخصوص الناس الي في الدوحه و يبيعوون برخيص

ف انا جربت و اتصلت في اثنين

الاول طلع لي باكستاني ما يدري شالطبخه

و الرقم الثاني طلع جريده الشرق ..

يعني في ناس فاضيه ما عندها شغل و تستهبل ع العالم

و ناس فااضين بس يفكرون شلوون ينصبوون ع العااالم

السكين

29-03-2010, 10:25 PM

qtrman

30-03-2010, 12:41 AM

اخوووي الكريم انا ماسمعت انا جربت
موقع ioffer
وشلي صار حولت الفلوس1500 ريال
والله ولاشفت شي نصاااااااااابين تحمل بس تطلب منه
والله كريم

STAR

30-03-2010, 04:51 AM

عيل خلوا كيوتل تحجبه ونفتك منهم ومن نصبهم...

السكين

30-03-2010, 09:35 PM

اخوووي الكريم انا ماسمعت انا جربت
موقع ioffer
وشلي صار حولت الفلوس1500 ريال
والله ولاشفت شي نصاااااااااابين تحمل بس تطلب منه
والله كريم

خلاص يا خوي X على هالموقع والله اني كنت على وشك شراء الايفون بسعر 325 دولار مع الشحن وطريقتهم بالبيع نفس طريقة e-bay والوسيط عندهم عن طريق موقع xoom بدل paypal بس بعد كلامك اكيد ما راح أغامر .
اليوم صاحب الموقع ارسل لي رسالة يأكد جديتي بالشراء والموعد للدفع حتى يرسل لي . بس بيني وبينك بعد كلامكم خلاص هونت .

شرايك تعطيني معلومات عن طلب شراءك حتى ارد عليه واقوله سمعت انك نصاب والدليل وين البضاعة رقم كذا وأذكر له بياناتك ؟ وفي حال صديقي استلم بضاعته رح أثق فيك واطلب الايفون منك ؟ ونشوف رده ..
لو حابب ممكن نضرب عصفورين بحجر نتأكد من النصب أو يثبت العكس ويمكن تستعيد أغراضك ؟

airbus

30-03-2010, 09:55 PM

نصب في نصب ليه ايبعونه اكتر من الشركة !!!!!

فيصل 111

31-03-2010, 08:30 AM

النصيحة لا تشتر من هذه المواقع..المواقع الموثوقة غالية بالتأكيد..
فالأحسن خذ جديد من الدوحة وفك عوار راسك..أو شوف لك صيدة من صيدات المنتدى من ربعنا الطيبين:)

Navigator 85

31-03-2010, 09:03 AM

وعندكم الامارات

اخوي خذ له من الامارات واحد من ربعة كان مسافر

من شركة الاتصالات وعندكم شركة دو

والهواتف مفتوحة

واسعارهم حلوة واقل من قطر بوايد

سعر 32 جي بي = 2800 درهم

qtrman

01-04-2010, 01:31 AM

خلاص يا خوي x على هالموقع والله اني كنت على وشك شراء الايفون بسعر 325 دولار مع الشحن وطريقتهم بالبيع نفس طريقة e-bay والوسيط عندهم عن طريق موقع xoom بدل paypal بس بعد كلامك اكيد ما راح أغامر .
اليوم صاحب الموقع ارسل لي رسالة يأكد جديتي بالشراء والموعد للدفع حتى يرسل لي . بس بيني وبينك بعد كلامكم خلاص هونت .

شرايك تعطيني معلومات عن طلب شراءك حتى ارد عليه واقوله سمعت انك نصاب والدليل وين البضاعة رقم كذا وأذكر له بياناتك ؟ وفي حال صديقي استلم بضاعته رح أثق فيك واطلب الايفون منك ؟ ونشوف رده ..
لو حابب ممكن نضرب عصفورين بحجر نتأكد من النصب أو يثبت العكس ويمكن تستعيد أغراضك ؟

اخوي قالي انت سوي حوالة على الويسترن يونيون بأسم اي احد تعرفه في لندن
بس صور لي الفاتورة مال الويسترن يونيون ع اساس يتاكد اني حولت المبلغ وعقب مااستلم البضاعة اروح احول المبلغ باسمه شفت شلون ع هالاساس حوالت المبلغ باسم رفيجي بالدوحة ع اساس انه بلندن ويوم اني طرشت له صورة الوصل والمفروض الى يستلم برقم البطاقة موب بالاسم فالظاهر النصاب عنده ربع في ويسترن يونيون لندن اخذ الفلوس وهي باسم رفيجي
يوم رحت اشتكي بويسترن يونيون الدوحة قالوا هالامور كل يوم تصير مانقدر نسوي شي

مافي لارقم طلب ولا يحزنون

السكين

01-04-2010, 11:09 AM

اخوي قالي انت سوي حوالة على الويسترن يونيون بأسم اي احد تعرفه في لندن
بس صور لي الفاتورة مال الويسترن يونيون ع اساس يتاكد اني حولت المبلغ وعقب مااستلم البضاعة اروح احول المبلغ باسمه شفت شلون ع هالاساس حوالت المبلغ باسم رفيجي بالدوحة ع اساس انه بلندن ويوم اني طرشت له صورة الوصل والمفروض الى يستلم برقم البطاقة موب بالاسم فالظاهر النصاب عنده ربع في ويسترن يونيون لندن اخذ الفلوس وهي باسم رفيجي
يوم رحت اشتكي بويسترن يونيون الدوحة قالوا هالامور كل يوم تصير مانقدر نسوي شي

مافي لارقم طلب ولا يحزنون

اهاااا إتضحت الرؤية .. الحمد لله اني وصديقي ما نوينا ..
عموماً ردك أفادني وأفاد الكثير ..انهم ما يثقوا بأي موقع .
وجزاك الله خير ومعوض بفلوسك .. دفع بلا عنك إن شاء الله .

mohd89

01-04-2010, 11:42 AM

صحيح سعر الايفون 32 جيجا 300 دولار في امريكا

وموجود في موقل ابل

بس لازم توقع معاهم عقد لمدة سنتين

يعني تشغل فيه خدمات على ماضن من عندهم

واذا بتشتريه بدون عقد ومفتوح رسمي بيجيك ارخص من الدوحه بشوي