المساعد الشخصي الرقمي

مشاهدة النسخة كاملة : وداعا للطفره والقادم اشد مرارة الا اذا ....


hemoud123
30-03-2010, 04:40 PM
يجب ان نعرف ونؤمن بان الطفرة التي كانت تعيش فيها الاسره القطريه خاصة والاسره الخليجيه بشكل عام هي طفرة كاذبه ومؤقته كان لابد لها ان تتغير عاجلا ام اجلا .وقد جاءت هذه اللحظه .

عانت الاسره القطريه من سلوكيات خاطئه استغلها التجار والبنوك بجشع غير طبيعي , ومنها الاستدانه لغرض التباهي اما لشراء سياره فارهه او لقضاء عطله مرتفعة التكاليف او بناء منازل مبالغ فيها بحجة انه منزل العمر , الصرف غير الطبيعي على الابناء والبنات بحجة ان عيال فلان ليسوا احسن او خلهم يستمتعون في حياة والديهم , وكل هذا يصب في صالح شركات السياحه والبنوك والمقاولون والتجار ومن سيعاني في النهايه هي الاسره ,

لننظر لدول غنيه جدا مثل بعض دول اوروبا وامريكا , تجد الاب والام يعملون والابن والبنت يعملون بدوام جزئي والكل يؤدي دوره من تنظيف وغسيل وطبخ في البيت الذي لا توجد به خادمه او سائق
من المستحيل ان تجد طفل لم يتم الثانيه عشره ويحمل جهاز بلاك بيري بيده يدفع الاب تكاليفه , من المستحيل ان تجد شاب لازال على كراسي الدراسه ويملك سياره فارهه يدفع الاب تكاليفه ,

سلوكيات خاطئه يجب ان تتغير , والا فلنستعد لايام اكثر عسره واشد مراره , فالاسعار في ازدياد , والكهرباء والماء لن تبقى مجانيه للابد , والتعليم الجيد سيحتاج الى مصاريف و وكل ذلك سيزيد الاعباء على كاهل الاسره.
ايام الطفرة لن تعود ابدا والقادم اشد مراره وقسوة على الاسره القطريه الا اذا احسنا التصرف ,
والخيار لكم
البدع
30-03-2010, 04:45 PM
والله اني اتفق معاك ان الطفرة بدات تتراجع بشكل واضح

محد مبهدلنا في قطر إلا (المظاهر)

لازم بلاك بيري

لازم لاندكلوزر 200 الف (حتى العراوي صار عيب .. لازم جمس طوله 70 متر)

لازم رقم سبشل

لازم بيت ب 2 مليون

لازم خدامة وسائق

لازم مدرس خصوصي

لازم نسافر لندن كل سنة

لازم

لازم
المعارضة
30-03-2010, 04:55 PM
يجب ان نعرف ونؤمن بان الطفرة التي كانت تعيش فيها الاسره القطريه خاصة والاسره الخليجيه بشكل عام هي طفرة كاذبه ومؤقته كان لابد لها ان تتغير عاجلا ام اجلا .وقد جاءت هذه اللحظه .

عانت الاسره القطريه من سلوكيات خاطئه استغلها التجار والبنوك بجشع غير طبيعي , ومنها الاستدانه لغرض التباهي اما لشراء سياره فارهه او لقضاء عطله مرتفعة التكاليف او بناء منازل مبالغ فيها بحجة انه منزل العمر , الصرف غير الطبيعي على الابناء والبنات بحجة ان عيال فلان ليسوا احسن او خلهم يستمتعون في حياة والديهم , وكل هذا يصب في صالح شركات السياحه والبنوك والمقاولون والتجار ومن سيعاني في النهايه هي الاسره ,

لننظر لدول غنيه جدا مثل بعض دول اوروبا وامريكا , تجد الاب والام يعملون والابن والبنت يعملون بدوام جزئي والكل يؤدي دوره من تنظيف وغسيل وطبخ في البيت الذي لا توجد به خادمه او سائق
من المستحيل ان تجد طفل لم يتم الثانيه عشره ويحمل جهاز بلاك بيري بيده يدفع الاب تكاليفه , من المستحيل ان تجد شاب لازال على كراسي الدراسه ويملك سياره فارهه يدفع الاب تكاليفه ,

سلوكيات خاطئه يجب ان تتغير , والا فلنستعد لايام اكثر عسره واشد مراره , فالاسعار في ازدياد , والكهرباء والماء لن تبقى مجانيه للابد , والتعليم الجيد سيحتاج الى مصاريف و وكل ذلك سيزيد الاعباء على كاهل الاسره.
ايام الطفرة لن تعود ابدا والقادم اشد مراره وقسوة على الاسره القطريه الا اذا احسنا التصرف ,
والخيار لكم



أي طفره؟:confused:
hemoud123
30-03-2010, 05:05 PM
أي طفره؟:confused:

لا طال عمرك انا قلت طفره كاذبه يعني وهميه يعني خرطي
انظر حولك وبتعرف ايش اقصد
البيت الشعبي اللي فيه خادمين او ثلاث احيانا وسايق هذي الطفره اللي اقصدها
الفساتين الثلاثه اللي قيمتهم عشرين الف تفصلهم المراه لمناسبه وحده ,هذي الطفره الكاذبه
اللي عنده فلوس والله منعم عليه الله يهنيه , لكن اللي اللي يدين علشان يتظاهر ان عنده , هذا مشكله والله يعينه
ممنوع اللمس
30-03-2010, 05:05 PM
ياخوك اي طفره ولي يسلمك
انت تتكلم عن نسبه بسيطه من الناس
والله اغلب الناس تصيف ببيوتهم ماعندهم شي يسافرون فيه
الناس ديون ويالله يالله دازه نفسها
تلقا الابو يحط راسه قبل لا ينام ويقول يالله تقدرني اعيش عيالي
والبنك من صوب والمصاريف من صوب
عالعموم مشكور عالطرح يالغالي
ممنوع اللمس
30-03-2010, 05:07 PM
انا توني فهمت قصدك
طفره كاذبه بهذي صدقت
الربع خربوها كل واحد راح البنك قال اسحب لي مليون الله لا يهينك
والاخ توه متوظف ما صار له اسبوعين متثبت
وكل هذا علشان يجذب انظار النآس واهو بترول سياره والله ماتوقع عنده
اول الشهر ما ياكل الا في فرايديز ونص الشهر السفير ولو سوا فيها بطران قال شطه زياده خخخ
hemoud123
30-03-2010, 05:12 PM
انا توني فهمت قصدك
طفره كاذبه بهذي صدقت
الربع خربوها كل واحد راح البنك قال اسحب لي مليون الله لا يهينك
والاخ توه متوظف ما صار له اسبوعين متثبت
وكل هذا علشان يجذب انظار النآس واهو بترول سياره والله ماتوقع عنده
اول الشهر ما ياكل الا في فرايديز ونص الشهر السفير ولو سوا فيها بطران قال شطه زياده خخخ

هههههههههههههههه ضحكتني والله
شوف الاجانب شلون عايشين احلى عيشه في البلد , لانهم ما يهتمون بالمظاهر لذلك تلقاه يوفر الكثير ويعلم ابناءه في احسن الجامعات وعلى حسابه الخاص بعد
ممنوع اللمس
30-03-2010, 05:15 PM
اي والله صدقت تلقا الاجنبي راتبه 4.000 ريال ويوفر لين آخر الشهر ويزيد بعد
وعياله اللي بكندا واللي مادري وين يدرس
بس ياخي تلقا الجنز اللي لابسه يقعد عليه 9 سنين مافي مشآكل بصراحه صدق يوفرون بس ياخي يقصرون على نفسهم حيل حيل حيل حيل لدرجة مو طبيعيه
الأصيلة
30-03-2010, 05:24 PM
والله اللي مضيع الناس هي المظاهر الكذابه...
صراحة انا اشوف اللي ماعنده يعيش كانه ملك ويشتري ويتفاخر والديون على راسه..
واغلب اللي منعم الله عليه يعيشون حياة عادية ومش متخرعين من النعمة
ولا يجيبون طاري ماركات ولا شريت ولا بعت...
والله أغلب النساء يشيلون حقائب ماركات من السلف والدين عاد ايش اللي حادكم أشلون تفرحون وتستمتعون
بشي مسبب لكم ديون وهموم...
انا اقول لازم تكون في هالبلد توعيه بهذه القضية
قضية التفاخر والتنافس على الشكليات والمظاهر...
ماعاد ينعرف الغني من الفقير الا بالرصيد البنكي فقط...
وان شاء تعيش قطر واهلها بعز ونعمة دايم الدوم والله لا يغير عليهم بشي والله يكفيهم شر الحاسدين...
مساهم عادي
30-03-2010, 08:35 PM
ذكرتوني بناس من اهل زوجتي واللي دايما تعايرني فيهم انه سفرهم كله على الدرجة اولى والبيزنيس.... وفي الأخير طالبين مني سلف بـ 50 الف !!!! :)
كله فيرست وبيزنيس .. وماعندهم 50 الف؟
المعارضة
30-03-2010, 08:38 PM
لا طال عمرك انا قلت طفره كاذبه يعني وهميه يعني خرطي
انظر حولك وبتعرف ايش اقصد
البيت الشعبي اللي فيه خادمين او ثلاث احيانا وسايق هذي الطفره اللي اقصدها
الفساتين الثلاثه اللي قيمتهم عشرين الف تفصلهم المراه لمناسبه وحده ,هذي الطفره الكاذبه
اللي عنده فلوس والله منعم عليه الله يهنيه , لكن اللي اللي يدين علشان يتظاهر ان عنده , هذا مشكله والله يعينه

قصدك الفشخرة على الفاضي
أسد الجزيرة
30-03-2010, 10:37 PM
عندي في الشغل هنود يسولفون عن المصاريف يقولون انه يصرفون في قطر قد الي يصرفونه في الهند و الباقي يجمعونه و رواتبهم فوق 30 الف
البانوش
30-03-2010, 10:51 PM
عندنا ناس عايشة وتاكل في قصور مثل قصور قارون

وعندنا ناس ذابحتها الديون والجوع وبيوتها بيوت بنغال

والحمدللة رب العالمين
Chanel
30-03-2010, 11:22 PM
أنا أقول كلن يمد رجله على قد لحافه
hemoud123
30-03-2010, 11:26 PM
عندي في الشغل هنود يسولفون عن المصاريف يقولون انه يصرفون في قطر قد الي يصرفونه في الهند و الباقي يجمعونه و رواتبهم فوق 30 الف

يعني بالكثير يصرف ثلاثة الاف فقط
الهملة111
30-03-2010, 11:27 PM
لابعد كم شهر بتشوف الناس تارسه البنوك ليتتدين لاجازة الصيف لا وتحصل لبنوك عامله عروضات الصيف الى اوربا واسيا وتقول لاتشيل هم اجازتك الصيفية نحن نتكفل بها بس وقع على الورقة عاد شوف اذا رجع من الاجازة وبدا الخصم الشكاوي ببرنامج وطني الحبيب يطالبون بسقاط الديون
مافيا قطر
30-03-2010, 11:33 PM
الله المستعان والحمد لله على كل حال
بـــــــنت النوخـّــــذه
30-03-2010, 11:56 PM
مره كنت اتابع برنامج اوبرى ومسويه لقاء مع الناس الي كانو والي صارو

بمعنى كانو فقاره وبجدهم وباجتهادهم غنو 000صراحه استعجبت من قوه الاراده الي عندهم والصبر00 الي عجبني فيهم ان كل واحد كان يقول بالفم المليان (انا كنت فغير لاوراي ولا جدامي وعشت بفقر وبارادتي صرت غني)

جيه في بالي حال العرب وبالاخص عندنا خاطري اشوف واحد يعترف نفس اعترافاتهم 00الكل يدعي الوجاهه والثروه اقصد البعض 00 وياريت عاد عارفين قيمه هالنعمه وانها زواله ؟؟

عموما المجتمع الخليجي خاصه مجتمع مظاهر مع مرتبه الشرف ولو تمو على هذا الحل اعتقد بنرجع للزمن الي نحفر في الارض ندور وين النفط يعني لنقطه الصفر 000000000

بس عندي سؤال هل بالضروره الشخص يسافر في الصيف؟؟؟ويتداين بالبنوك؟؟
هل بالضروره الشخص يشتري اشياء لجل عيون الناس؟؟ويتم طول الشهر ماعنده شي؟؟ولا مكون مستقبله؟؟
هل بالضروره نراعي نظره الناس في الامور الماديه؟؟؟

اخر شي بقوله اتعرفون ملكه بريطانيا الملكه اليزابيث --مصورين لها صوره لبداية توليها الحكم وصوره من كمن سنه لاحظو كم عدد السنين ؟؟؟ وفي الصورتين كانت ماسكه نفس الشنطه نفس اللون نفس الماركه بالضبط اهي؟؟؟؟؟؟؟؟؟ وحاطينها بمنتدى من المنتديات القطريه وطايحين اطنازه فيها قلت والله محد متخلف غير العقول الي مغترين بعمرهم ويتطنزون 000
hemoud123
31-03-2010, 12:12 AM
لابعد كم شهر بتشوف الناس تارسه البنوك ليتتدين لاجازة الصيف لا وتحصل لبنوك عامله عروضات الصيف الى اوربا واسيا وتقول لاتشيل هم اجازتك الصيفية نحن نتكفل بها بس وقع على الورقة عاد شوف اذا رجع من الاجازة وبدا الخصم الشكاوي ببرنامج وطني الحبيب يطالبون بسقاط الديون

صدقت
والله للي ما عنده ان الدوحه احلى مكان في الصيف , مجمعات مكيفه وراحه ومهرجانات وخير ربي , والاهم من هذا كله ما فيه حاجه للديون
hemoud123
31-03-2010, 12:29 AM
مره كنت اتابع برنامج اوبرى ومسويه لقاء مع الناس الي كانو والي صارو

بمعنى كانو فقاره وبجدهم وباجتهادهم غنو 000صراحه استعجبت من قوه الاراده الي عندهم والصبر00 الي عجبني فيهم ان كل واحد كان يقول بالفم المليان (انا كنت فغير لاوراي ولا جدامي وعشت بفقر وبارادتي صرت غني)

جيه في بالي حال العرب وبالاخص عندنا خاطري اشوف واحد يعترف نفس اعترافاتهم 00الكل يدعي الوجاهه والثروه اقصد البعض 00 وياريت عاد عارفين قيمه هالنعمه وانها زواله ؟؟

عموما المجتمع الخليجي خاصه مجتمع مظاهر مع مرتبه الشرف ولو تمو على هذا الحل اعتقد بنرجع للزمن الي نحفر في الارض ندور وين النفط يعني لنقطه الصفر 000000000

بس عندي سؤال هل بالضروره الشخص يسافر في الصيف؟؟؟ويتداين بالبنوك؟؟
هل بالضروره الشخص يشتري اشياء لجل عيون الناس؟؟ويتم طول الشهر ماعنده شي؟؟ولا مكون مستقبله؟؟
هل بالضروره نراعي نظره الناس في الامور الماديه؟؟؟

اخر شي بقوله اتعرفون ملكه بريطانيا الملكه اليزابيث --مصورين لها صوره لبداية توليها الحكم وصوره من كمن سنه لاحظو كم عدد السنين ؟؟؟ وفي الصورتين كانت ماسكه نفس الشنطه نفس اللون نفس الماركه بالضبط اهي؟؟؟؟؟؟؟؟؟ وحاطينها بمنتدى من المنتديات القطريه وطايحين اطنازه فيها قلت والله محد متخلف غير العقول الي مغترين بعمرهم ويتطنزون 000

مظاهر البذخ والفشخره كثيره وما لها عدد
شفت الصوره اللي تتكلمين عنها , صدقيني كبرت في عيني وعرفت الفرق بينا وبينهم
بالنسبه لسوؤالك الوجيه
اقول ان المشكله في ثقافتنا وعاداتنا , الكل يركز على اللي عتد غيره علشان يكتشف شي غلط وينتقده وينسى نفسه
بالعربي فاضييييييين
الأصيلة
31-03-2010, 12:51 AM
صدقت
والله للي ما عنده ان الدوحه احلى مكان في الصيف , مجمعات مكيفه وراحه ومهرجانات وخير ربي , والاهم من هذا كله ما فيه حاجه للديون

السالفة يا اخوي تفاخر وغيرة ..والا ايش تقول المدرسة والموظفة لزميلاتها في العمل ماسافرت في الصيف...قعدت في قطر وشريت من اللاندمارك وستي سنتر وفيلاجيو..
اهم شي تعلمهم انها سافرت ...
والله استغرب من أصحاب المساكن المتهالكة والسيارت التعبانة من وين لهم يصيفون بأوربا... اللي صراحة مايكفيك شي فيها...
ليه مايصلحون بيوتهم بفلوسهم والا يشترون شي ينفعهم...
هاب الريح
31-03-2010, 02:56 AM
:omg:
اولآ : اخي اختلف مع رايك جملة وتفصيلا ,,,,,,

ثانيآ : تفألو بالخير تجده ,,,,,,,,,,,,,,

ثالثا : لايفسد اختلافي معك في الرأي للود قضية ,,,,,,,,,,
_____________________________________________
اولآ :-
المجتمع القطري بصفة خاصة يا عزيزي او المجتمع الخليجي بصفة عامة لا يمكن مقارنتة مع المجتماعات الاجنبية او الامريكية او,,,,,,,,,,,,,,,,,,,,,,,, بوصفك لها بالتباهي ؟
هل التباهي في نظرك ان رب الاسرة طلب قرض لشراء سيارة او سيارتين للاستعمال الشخصي ليريح ابناءه او اسرتة التي تتكون من اب و ام وابناء وبنات وخوات واحيانآ عمات وخالات ووو........ومقارنتة مع الامريكي او المجتمع الاجنبي اللذي تنقطع مسؤلية الاب بابنائه بعد سن 18 سنة ويصبح مسوؤلا عن نفسة ومن بعدي الطوفان .
هل التباهي في نظرك ؟ ان يطلب ارباب الاسر قروض من البنوك لبناء السكن الكريم لآسرهم التي تتكون بحد ادنى من 6 اشخاص ومقارنتة با لاجنبي اللذي تتكون اسرتة من 2
هل التباهي في نظرك ؟ ان يكون عنده مجلس استدان لفرشة وتعديله ليستقبل ضيوفة واخوانة وابناء عمومته و مقارنتة بالاجنبي اللذي عايش مع نفسة لاعازم ولا معزوم ,,,,,,
هل التباهي في نظرك ؟ ان اسكن واعيش في نفس مستوى الاسر وابناء عمومتي وجيراني,,,,
هل,,, هل ,,,,,,,,,,,,,,
التباهي ياخي بالدين والالتزام اولا وثانيآ بارصدة الملايين وباالاملاك لا بالسيارات و الفساتيين وهذه ضرورات الحياه والضرورات تبيح المحظورات .
_______________________

ثانيا :- تفألو با.......
99% من المجتمع القطري خريجين جامعيين اللي ماعنده بيت يعطيه الاسكان بيت وبدل تلفون
ورواتب عالية +ارض و قرض ,,,,
فلا داعي ياخي من كلمة التباهي او الخوف الغير محبب

وتقبل تحياتي,,,,,,,,
هاب الريح
31-03-2010, 03:46 AM
السالفة يا اخوي تفاخر وغيرة ..والا ايش تقول المدرسة والموظفة لزميلاتها في العمل ماسافرت في الصيف...قعدت في قطر وشريت من اللاندمارك وستي سنتر وفيلاجيو..
اهم شي تعلمهم انها سافرت ...
والله استغرب من أصحاب المساكن المتهالكة والسيارت التعبانة من وين لهم يصيفون بأوربا... اللي صراحة مايكفيك شي فيها...
ليه مايصلحون بيوتهم بفلوسهم والا يشترون شي ينفعهم...

كل اناء بما فيه ينضح
hemoud123
31-03-2010, 07:13 AM
:omg:
اولآ : اخي اختلف مع رايك جملة وتفصيلا ,,,,,,

ثانيآ : تفألو بالخير تجده ,,,,,,,,,,,,,,

ثالثا : لايفسد اختلافي معك في الرأي للود قضية ,,,,,,,,,,
_____________________________________________
اولآ :-
المجتمع القطري بصفة خاصة يا عزيزي او المجتمع الخليجي بصفة عامة لا يمكن مقارنتة مع المجتماعات الاجنبية او الامريكية او,,,,,,,,,,,,,,,,,,,,,,,, بوصفك لها بالتباهي ؟
هل التباهي في نظرك ان رب الاسرة طلب قرض لشراء سيارة او سيارتين للاستعمال الشخصي ليريح ابناءه او اسرتة التي تتكون من اب و ام وابناء وبنات وخوات واحيانآ عمات وخالات ووو........ومقارنتة مع الامريكي او المجتمع الاجنبي اللذي تنقطع مسؤلية الاب بابنائه بعد سن 18 سنة ويصبح مسوؤلا عن نفسة ومن بعدي الطوفان .
هل التباهي في نظرك ؟ ان يطلب ارباب الاسر قروض من البنوك لبناء السكن الكريم لآسرهم التي تتكون بحد ادنى من 6 اشخاص ومقارنتة با لاجنبي اللذي تتكون اسرتة من 2
هل التباهي في نظرك ؟ ان يكون عنده مجلس استدان لفرشة وتعديله ليستقبل ضيوفة واخوانة وابناء عمومته و مقارنتة بالاجنبي اللذي عايش مع نفسة لاعازم ولا معزوم ,,,,,,
هل التباهي في نظرك ؟ ان اسكن واعيش في نفس مستوى الاسر وابناء عمومتي وجيراني,,,,
هل,,, هل ,,,,,,,,,,,,,,
التباهي ياخي بالدين والالتزام اولا وثانيآ بارصدة الملايين وباالاملاك لا بالسيارات و الفساتيين وهذه ضرورات الحياه والضرورات تبيح المحظورات .
_______________________

ثانيا :- تفألو با.......
99% من المجتمع القطري خريجين جامعيين اللي ماعنده بيت يعطيه الاسكان بيت وبدل تلفون
ورواتب عالية +ارض و قرض ,,,,
فلا داعي ياخي من كلمة التباهي او الخوف الغير محبب

وتقبل تحياتي,,,,,,,,

حياك الله يا هاب الريح , والاختلاف مسموح ومطلوب والزعل ممنوع ومرفوض
بالنسبه للمقارنه انا حاولت اقارن من ناحية اقتصاديه بحته وبعيد عن اي شي اخر , فرب الاسره القطري مثل الامريكي مثل الفيتنامي هو اللي يعمل ويصرف على الاسره , وين الفرق اذا ؟ الفرق في كيفية الصرف وتديد الضروريات والكماليات
مثل ما اعتبرت انت الفساتين والسيارات الفارهه مثلا من الضروريات , في تلك المجتمعات هذه الاشياء تعتبر في اخر سلم الكماليات , بينما يعتبر توفير المال لتعليم ابنه او بنته الجامعي هو من الضروريات
اخوي
ان يطلب رب الاسره قرض لاكمال بناء منزل يختلف عن طلب قرض لبناء قصر فقطلتتباهى الزوجه ان بيتهم احسن من بيت فلانه وعلانه ومن ثم يعجزون عن ادامته وصيانته ,
اكبر خطأ يا اخي ان اوفر كل ماتحتاجه الاسره والخالات والعمات وكل ذلك عن طريق الاستدانه والصح ان احاول توفير الاهم من كل ذلك بحيث لا ارهق كاهلي وبالتاكيد سبعذروني والا يشربون بحر
اخيرا اقول , نعم انه من التباهي ان احاول ان اسكن في بيت مثل بيت ابن عمي , ببساطه لانه يمكن ان يكون اغنى مني والله موسع عليه , فبنائي بيت اصغر من بيته لن ينقص من قدري وهذي هي المشكله اشوف فلان والزوجه تشوف فلانه , فلانه غيرت اثاث بيتها احنا لازم بغير , فلانه سافرت في الصيف احنا بعد لازم ناخذ قرض ونسافر
والله يا اخوي ان المقارنه بين المجتمعات الغربيه والخليجيه مب في صالحنا شئنا ام ابينا
وتسلم على المرور العطر
الأصيلة
31-03-2010, 07:27 AM
السالفة يا اخوي تفاخر وغيرة ..والا ايش تقول المدرسة والموظفة لزميلاتها في العمل ماسافرت في الصيف...قعدت في قطر وشريت من اللاندمارك وستي سنتر وفيلاجيو..
اهم شي تعلمهم انها سافرت ...
والله استغرب من أصحاب المساكن المتهالكة والسيارت التعبانة من وين لهم يصيفون بأوربا... اللي صراحة مايكفيك شي فيها...
ليه مايصلحون بيوتهم بفلوسهم والا يشترون شي ينفعهم...


أنا يا اخوان ماتكلمت من فراغ ...
وقطر صغيرة وكلنا عيال قرية وكلن يعرف اخيه...
يعني انا اعرف ناس وكثار يسافرون بالدين ويشترون كمالياتهم بالدين ويبدلون أثاث البيت اللي ماصار له سنتين بالدين...
يعني ديونهم مارح تخلص إذا هذا حالهم...
احنا مانتكلم عن الجميع نتكلم عن فئة معينة ...
ومعورين قلوبنا ونتمنى لو انهم يعيشون بدون ديون لأن الدين هم وغم
الدين ممكن للعلاج لشراء سيارة ضروريه ممكن للزواج لإستكمال بيت ...الخ
يعني للضرورة في ظل هذا الغلاء الفاحش
bo_hamad
31-03-2010, 07:28 AM
لا تعليق
hemoud123
31-03-2010, 07:51 AM
أنا يا اخوان ماتكلمت من فراغ ...
وقطر صغيرة وكلنا عيال قرية وكلن يعرف اخيه...
يعني انا اعرف ناس وكثار يسافرون بالدين ويشترون كمالياتهم بالدين ويبدلون أثاث البيت اللي ماصار له سنتين بالدين...
يعني ديونهم مارح تخلص إذا هذا حالهم...
احنا مانتكلم عن الجميع نتكلم عن فئة معينة ...
ومعورين قلوبنا ونتمنى لو انهم يعيشون بدون ديون لأن الدين هم وغم
الدين ممكن للعلاج لشراء سيارة ضروريه ممكن للزواج لإستكمال بيت ...الخ
يعني للضرورة في ظل هذا الغلاء الفاحش

اختي كلامك صحيح ولا يجوز ان ندفن رؤوسنا في المال , هناك تصرفات وسلوكيات كثيؤه خاطئه تتسبب في كسر ظهر رب الاسره ماديا وكلها لدواعي التفاخر والتباهي لاغير
هل من المعقول ان تكلف البنت الجامعيه اسرتها المتوسطة الدخل الفين وثلاثة الاف ريال شهريا جلها يصرف على الملابس ةالميك اب
هل يجوز ان تتحمل اسره متوسطه الدخل مصاريف سيارة الابن الذي لم يكمل دراسته الجامعيه ومصاريف طلعاته مع الشباب وعزايم في المطاعم وبترول سياره واقساط واخر الشهر تجد الاسره انها تدفق ثلاثة الاف واربع الاف وكل ذلك فقط لكي لا يقول الناس ان ولدهم ماعنده سياره
الزوجه التي تكلف الاسره مبلغ وقدره كله يصرف على فساتين لحضور اربع او خمس دعوات زواج في الشهر
اغلبنا يعاني وستزيد المعاناه ان لم تتغيير المفاهيم
كازانوفا
31-03-2010, 08:25 AM
اصبح لازم نسوي حملة لمقاطعة المظااهر هههه
بـــــــنت النوخـّــــذه
31-03-2010, 08:44 AM
السالفة يا اخوي تفاخر وغيرة ..والا ايش تقول المدرسة والموظفة لزميلاتها في العمل ماسافرت في الصيف...قعدت في قطر وشريت من اللاندمارك وستي سنتر وفيلاجيو..
اهم شي تعلمهم انها سافرت ...
والله استغرب من أصحاب المساكن المتهالكة والسيارت التعبانة من وين لهم يصيفون بأوربا... اللي صراحة مايكفيك شي فيها...
ليه مايصلحون بيوتهم بفلوسهم والا يشترون شي ينفعهم...

احم فيلاجيو في قسم للماركات وفاتحه فيه شركات معروفه صج يقصون علينا بالاسعار بس غريبه انهم يتفشلون اههههه ومطيحينه من عينهم ؟؟؟؟؟؟؟

عموما اختي الي تكلمتي عنهم من المدرسات او مجتمع الحريم فاقدين اشياء في حياتهم ويحاولون يعوضون هالحرمان بطريقه ثانيه شوفي عاشرت بنات وايد وبكافه المستويات وطلعت بشي واحد الي عايش بخير ومقتنع بكل شي مايتطرق لهذي السوالف ولا يهمهم 00 000وفي امور اهم في حياتنا من المفوشر الي على الطل اسمحيلي 00ونظرتهم سطحيه للامور0حلو الشخص يوسع على عمره ويستانس بس بشرط (ان هذا كله لنفسه مهب لعيون الناس وبعقل)0
hemoud123
31-03-2010, 08:54 AM
اصبح لازم نسوي حملة لمقاطعة المظااهر هههه

ليش لا ؟
ونسميها ( اصرف بواقعيه , تعش متهني)
جوال 11
31-03-2010, 08:57 AM
أوافقك فيما كتبت ونرى بعض المواطنين يركبون سيارات لم تكن معهم سابق ونوعيات مختلفة ، قبل فترة بسيطة تعرفت بشخص قطري درس الماجستير ويدرس الدكتوراه في بريطانيا وبعد عدة شهور كنت أسأله عن أبناءه الذين عادوا من الدوحة وإذا هو يقول أختلف الأبناء عندما أمضوا فترة بسيطة في الدوحة وسألته كيف قال كل منهم يريد هاتف جوال ، ولكن من قبل أمضوا خمس سنوات في بريطانيا ولم يفكروا في الجوال أو غيره من مظاهر الحياة .
Bently
31-03-2010, 09:47 AM
أخوي hemoud123 بختصار أهل قطر يستاهلون كل خير وعليهم بالعافية أنشالله يركبون صواريخ ويروحون القمر أهم شي دامهم ملتزين بالدين والاخلاق والشريعه والعادات والتقاليد أحسن من أنك أتشوف الاجنبي يتمتع بخير أبلادك ساكن في ارقى الفلل وراكب سيارة فراري وغيرهاو في بلاده ماعنده الا أضعوي دام أبلادنا في خير ونعمه الحمدالله على كل حال والله يديمه على هلي أهل قطر
hemoud123
31-03-2010, 10:19 AM
أخوي hemoud123 بختصار أهل قطر يستاهلون كل خير وعليهم بالعافية أنشالله يركبون صواريخ ويروحون القمر أهم شي دامهم ملتزين بالدين والاخلاق والشريعه والعادات والتقاليد أحسن من أنك أتشوف الاجنبي يتمتع بخير أبلادك ساكن في ارقى الفلل وراكب سيارة فراري وغيرهاو في بلاده ماعنده الا أضعوي دام أبلادنا في خير ونعمه الحمدالله على كل حال والله يديمه على هلي أهل قطر

ومن قال انهم مايستاهلون ؟ اللي عنده والله معطيه يستاهل وعليه بالعافيه والله يزيده ان شاء الله
احنا نتكلم عن اللي ما عنده ويتظاهر انه عنده بالديون والسلفيات , ليش ما يعيش على قده
اما بالنسبه للدين الحمد لله ان اهل قطر اهل دين وخيرين , ولكن هل الاسراف من الدين ؟ هلى المباهاه من الدين ؟ هل التقليد الاعمى والمكلف من الدين ؟ لا ما اعتقد
اما بالنسبه للصواريخ وروحة القمر لعلمك ما يروح القمر الا اللي ما في نفسه مكان للزبو والتقليد والتظاهر
ان شاء الله يكونون عيالنا من اللي يروحون القمر في صواريخ في المستقبل
hemoud123
31-03-2010, 10:25 AM
أوافقك فيما كتبت ونرى بعض المواطنين يركبون سيارات لم تكن معهم سابق ونوعيات مختلفة ، قبل فترة بسيطة تعرفت بشخص قطري درس الماجستير ويدرس الدكتوراه في بريطانيا وبعد عدة شهور كنت أسأله عن أبناءه الذين عادوا من الدوحة وإذا هو يقول أختلف الأبناء عندما أمضوا فترة بسيطة في الدوحة وسألته كيف قال كل منهم يريد هاتف جوال ، ولكن من قبل أمضوا خمس سنوات في بريطانيا ولم يفكروا في الجوال أو غيره من مظاهر الحياة .


هناك مب عيب ما يكون عندك سياره او جوال اذا لم تكن بحاجه لها
تصدق في طبيب جراح من الوزن الثقيل الى اليوم ما عنده جوال , ومكتفي بجهاز النداء الالي ويقول انه يؤدي الغرض
علي الكبيسي
31-03-2010, 10:34 AM
يا اخوي لا تراقب هالناس
من راقب الناس مات هماً
اذا شفت من هالامور حاول انك تكون افضل منهم عل وعسى يتعظون ويحاولون يقلدونك
وشكرا على الطرح الرائع
الأصيلة
31-03-2010, 10:41 AM
انا أقول اللي ماعنده ويتدين ترى
منكسر خاطره على نفسه
بحيث يشوف الأجانب يلعبون بالفلوس لعب وهو اصل هالبلد
مب قادر راتبه يجيب له السيارة اللي خاطره فيها مع انه موظف وكبار الموظفين...
اعتقد هالسبب في اللجوء للسلفيات...
السالفه تحتاج قناعة ورضا بكل مقسوم ...
الله يزيد ويبارك ويكفينا شر هالأجانب اللي كلوا خيرات بلادنا...
hemoud123
31-03-2010, 11:08 AM
انا أقول اللي ماعنده ويتدين ترى
منكسر خاطره على نفسه
بحيث يشوف الأجانب يلعبون بالفلوس لعب وهو اصل هالبلد
مب قادر راتبه يجيب له السيارة اللي خاطره فيها مع انه موظف وكبار الموظفين...
اعتقد هالسبب في اللجوء للسلفيات...
السالفه تحتاج قناعة ورضا بكل مقسوم ...
الله يزيد ويبارك ويكفينا شر هالأجانب اللي كلوا خيرات بلادنا...

خلاص خلي اللي هو اصل البلد يروح ويدين علشان منكسر خاطره وبعدين يجي البنك ويكسر راسه

هذا كلام مع كل الاحترام والتقدير لك يا ختي لا يودي ولا يجيب , ولد البلد , اصل البلد بنت البلد , هذا كلام راح وقته ولا ياكل عيش , والا خلي ولد البلد يروح البنك ويطلع بطاقته ويقول انا اصل البلد وعطوني فلوس , تعتقدين بيعطونه ؟ والا بيطلبون له سيارة مستشفى الامراض العقليه ؟
كفانا حنه ورقله , الاجنبي عنده والاجنبي ياخذ , الاجنبي يفعل والاجنبي يترك طيب وبعدين ؟
الاجنبي هذا طموح وذاق المر وطموحه بيوصله ارقى الاماكن , بينما عيالنا معظمهم اقصى طموحه ان ابوه يشتري له كروزر يتسابق فيه ويسوي حادث ويموت
طرحت مره موضوع ليش ما نعلم اولادنا يشتغلون عمل جزئي اثناء دراستهم يستسفيدون خبره ويتعلمون الاعتماد على النفس ويكسبون ماديا
اغلب المشاركات جاءت على هالنسق :
لا ليش ؟ احنا بلادنا فيها خير ونعمه
لا و مادام ابوه حي خله يستانس ويتهنا
وكان العمل عيب او حرام للشاب اللي يدرس
اقول اذا الاجنبي شاف الخير ماله حد وابن البلد ما يدري شسالفه تعتقدين شبيسوي ؟
القرنفل
31-03-2010, 11:45 AM
جزاكم الله خير على هالموضوع الجيد اللي محتاج وقفات كثيرة لتصحيحه ،،،،،، وذكرتوني بمدرسة تسلفت السنة الماضية 200 الف ريال عشان تدرج قاعة عرس بنتها شوفوا لوين وصلت المظاهر الكذابة عندنا ما اقول الا الله يهدينا ويوفقنا لما يحب ويرضى
hemoud123
31-03-2010, 12:05 PM
جزاكم الله خير على هالموضوع الجيد اللي محتاج وقفات كثيرة لتصحيحه ،،،،،، وذكرتوني بمدرسة تسلفت السنة الماضية 200 الف ريال عشان تدرج قاعة عرس بنتها شوفوا لوين وصلت المظاهر الكذابة عندنا ما اقول الا الله يهدينا ويوفقنا لما يحب ويرضى

والله شي يعور القلب
لو حطت في يد بنتها عشرين الف مب احسن من هذي المظاهر الكذابه
الله يكون في عونها