((((( محل عبايات للبيع في المنتزه )))))

[كبشينو]

السلام عليكم ورحمه الله وبركاته ...........
الصراحه حصلت محل عبايات في شارع المنتزه للبيع مع السجل وألاسم والديكورات ...
طبعا محل جاهز وفي عامل ... اجاره 10,000 ريال ويبي في 130 الف بس انا متردد والله لان صاحب المحل يقول والله هذا السعر لك انت ولا يجيب لي اكثر من هالسعر لاني محتاج مبلغ ... ومن الصعب تحصل حد يبيع محل عبي بالسعر هاي ونفس الموقع .... اتمنى تفيدوني ياهل الخبره واذا حد عنده استطاعه والقدره انه يشاركني ماعندي مشكله ....
واتمنى اذا في اي استفسار يرسل على الخاص
وجزاكم الله خير

[La Bella]

أحلى شي تبدى من الصفر
تأجر لك محل بالحدود الى تعجبك + ديكور على ذوقك + وأسم على كيفك
أما المحلات الى بالمنتزة ديكوراتهم كلش ماتسوي حتى 50 الف

وبالتوفيق

[كبشينو]

أحلى شي تبدى من الصفر
تأجر لك محل بالحدود الى تعجبك + ديكور على ذوقك + وأسم على كيفك
أما المحلات الى بالمنتزة ديكوراتهم كلش ماتسوي حتى 50 الف

وبالتوفيق
يعطيك العافيه اخوي... بس لا تنسى الموقع له دور وخاصه كله محل عبي وبعدين اكيد له زبائن عكس انك تسوي محل جديد وتدفع خلو بحدود 80 ولا 100 الف وديكور وسالفه وتكون لك زبائن يعني انا اشوف والله مافي فرق حتى لو مافي توفيق تقدر تبيعه والله يجزيك خير اخوي

[La Bella]

أخوي خذ لك لفة بشارع العزيزية التجاري الجديد فوق ال 30 محل للعبايات
ترى أغلب محلات العبايات الي بالمنتزة وسوق فالح راحوو العزيزية وباعو محلاتهم القديمة خلو
وايجارات تبداء من 8000 ريال والمنطقة وايد زينه والأقبال كبير بالمنطقة

[الماسه79]

شوفي اذا قررتي تفتحين لج محل اقدر اوفر لج عبايات بحرينيه بتصاميم روعه وباسعار مختلفه بس طبعا اكيد اقل بوايد من اسعار قطر ... وبوجود هالعامل تقدرين تضبطين العباة وتبيعينها ع الزباين

ناس وايد شغالين ع هالفكره ويدخلون ذهب ...اذا لج خاطر تواصلي معي ع الخاص... وموفقه

[الجادل قطر]

بالتوفيق ان شاء الله

[PLATINUM]

لو فيه خير ماعافه الطير

[qatar-2022]

الله يوفقج

[شمس قطـر]

الله يوفقك

يعطيك العافيه

[بذرة غلااا]

الله يوفقج الغاليه

[jajassim]

سؤال مهم ،، كم صافي الربح في الشهر

[كبشينو]

مشكورين والله يوفق الجميع ان شاء الله دنيا واخره

[الشفق الهادئ]

لو تبي شريك انا بشارك معاك والله يوفق لك ان شاء الله

[شموع قطريه]

تحمل تاخذ لك من محلات المنتزه .. طايحه في جبد اصحابها .. لامواقف عدله ومحلاتهم ضيقه ..واعتقد ان المحلات اللي هناك سوقها ميت ماشوف عندها ناس واذا دخلت واحد من هالمحلات طبوا عليك جنك نازل عليهم من السما ويترجونك تخيط عندهم .. شوف لك محل في منطقه ثانيه احسن من المنتزه عندك العزيزيه - معيذر - شارع السلام في الريان هالمناطق محلاتها ماشي سوقها