$ تغيير الديكور $ [الأرشيف] - منتديات شبكة الأسهم القطرية

ضوى

31-03-2010, 05:47 PM

السلام عليكم ورحمة الله وبركاته

اخواني واخواتي الافاضل

بعد مشاورات مع الزوج والعيال واخذ كافة الاراء والأفكار لتجديد ديكور البيت الحالي فقد قررنا فتح الصالة على المطعم على المجلس على المطبخ الداخلي على الممرات الداخلية ليكون كله مكان واحد للاستقبال ان شاء الله ، بالطبع سيكون لاستقبال الحريم فقط ، والموجود حاليا بالطبع صالة مغلقة ومطعم مغلق ومجلس بمغاسله ومطبخ كبير جدا ، تقدر المساحة التقريبية ب200م مربع ، وربما زيادة قليلة في المساحة ، والاكيد ان هناك خطوط كهرباء وعواميد وجسور في حوائط البيت .
المطلوب
منفذ ممتاز لتكسير الحوائط باحترافية بالغة ومهارة في معرفة اماكن العواميد والجسور مع اعلامنا باي مشاكل قد تنتج عن هذا التكسير ومدى جدوى التكسير من عدمه وكذلك عمل التصاميم والديكور اللازم ليكون المكان مؤهلا للاستقبال على ان يكون الديكور ملفتاً للنظر وان يكون التغيير واضحا عند دخول اي شخص للمنزل

اعرف انكم لن تبخلوا علي باارائكم وافكاركم وكذلك لن تبخلوا علي بارقام مصممين ومنفذين لفكرتي في تجديد البيت

بانتظاركم مع الشكر الجزيل لخدماتكم الجلية مقدما

اختكم في الله

ضوى

ضوى

31-03-2010, 07:55 PM

معقولة مافي احد ضليع بهالامور ؟؟

قطرية عسل

31-03-2010, 08:04 PM

مساء الخير

ان شاء الله تتهنين بالتغييرات الجديدة
والله يعينج على ضجة التكسير وروحة وجية العمال .. ولو تأجلين هالشيء لين عطلة
المدارس يكون افضل مجرد رأي :shy:

لو بتجبين لج مصمم بياخذ عليج واااااااااااااااااااااااااااااااااااااااااااااايد
اخذي لج فورمن من برا وقولي له فكرتج وبيسويها وهو بيعرف اكيد مكان
العمود وتوصيلات الكهرباء

ولي زيارة بعد التجديدات

ويا اعضاء لحد يبخل على اختنا ضوى :victory:

وبالتوفيق

وهم قطر

31-03-2010, 08:29 PM

مرحبا اختي ضوى لله يوفقج ويعينج على الصيانه

اختي التكسير شي خطير يمكن خطآ واحد وتكون عواقبه وخيمه في المستقبل مثل عمود رئيسي تشوفونه في زاويه تقولون بسيط ولا بيبات كهرباء

يبيله توزيع عدل ... ولازم تكسرين الارضيه بعد لان سويكات اليتات بتكون في الجدران الي بتكسرونها صح ... فيجب تغيرها للجهه القديمه الي مافيها تكسير

اهم شي خرايط البيت تكون موجوده ويشوفها المقاول قبل لايشتغل عشان يعرف العمدان والكهرباء

وشوفي اي بناي شاطر مش شرط مصمم ولا شركه كبيره عشان مايكونون غاليين وبالتوفيق

بويوسف

31-03-2010, 11:57 PM

اختي ضوى مستعدة تدفعين للمصمم الداخلي ؟

كم العمر البيت ؟

هل تملكون خرائط البيت الهندسية ؟

انتظر الاجابة وبعدها ممكن افيدج او يفيدج باقي الاخوة ..

$saryalia$

01-04-2010, 01:46 AM

في المصممه بدريه (المحيط) في الوكره عند رامز تقريبا

عندها خبره كبيره في عالم التكسير><

بصراحه انا جلست معاها وشفت شغلها ممتااااازه ومعروف انها تشتغل على الخراط وماتكسر لمجرد انها تكسر الا لما تتأكد من كل التفاصيل..

راح اتريحج من العباله كلها وهم اذا عطيتي بيتج اي حد او مب ثقه

احتمال كبير تطلع لج مشاكل في البيت ومشاكل خطيره وهم احتمال تتشلخ عندك الجدران

معليش دفعي اشوي زياده وضمني الشغل العدل والسليم

موفقه

بوحارب

01-04-2010, 01:51 AM

نصيحة

قبل لاتبدين في التكسير خلي مهندس بناء يشوف الطوف اللي بتتكسر

لأنه تكسيرها ممكن يأثر على توازن البيت

مثلا

الدور الثاني معتمد او مركوز على هالطوفة فبالتالي مايصير انتي تشيلين هالطوفة !!

لأنه محد راح يتحمل الثقل اللي فوق

اتمنى اوضحت النقطة وموفقين

الســـهم

01-04-2010, 11:19 AM

نصيحة

قبل لاتبدين في التكسير خلي مهندس بناء يشوف الطوف اللي بتتكسر

لأنه تكسيرها ممكن يأثر على توازن البيت

مثلا

الدور الثاني معتمد او مركوز على هالطوفة فبالتالي مايصير انتي تشيلين هالطوفة !!

لأنه محد راح يتحمل الثقل اللي فوق

اتمنى اوضحت النقطة وموفقين

عفوا اخوي بوحارب ..

مافي سقف او خرسانه تعتمد على طابوق وانا اخوك , السقف مايشيله الا الجسور المربوطة بالاعمده , اذا بيت قايم على طابوق هذا الله يسلمك كيربي ..

اختي ضوى ..

موضوعج مب بهالدرجه من الصعوبة ابدا , ياما ناس كسرت ووسعت وبدون اي مشاكل , كل اللي تحتاجينه راعي صنعه شاطر يعرف وين الطابوق ووين الخرسانه وهذي كلها تنعرف من الطرق عليها , وترى كل اللي بتكسرينه طابوق يعني مب محتاج ذاك المجهود الكبير كلها كم مطرقه ويالله , واذا بيتكم مش قديم فأكيد الكهرباء بتكون جايه من الارض في الطوفه , يعني كل اللي بيصير ان الطوف اللي بيكسرونها اذا فيها سويتشات بينقلونها مكان ثاني ..

الله يوفقج اختي ضوى وزين انج بتوسعين على نفسج وتستغلين الاماكن الميته اللي ماتستخدمينها الا بالسنة حسنة ..

قطرية عسل

01-04-2010, 12:31 PM

عفوا اخوي بوحارب ..

مافي سقف او خرسانه تعتمد على طابوق وانا اخوك , السقف مايشيله الا الجسور المربوطة بالاعمده , اذا بيت قايم على طابوق هذا الله يسلمك كيربي ..

اختي ضوى ..

موضوعج مب بهالدرجه من الصعوبة ابدا , ياما ناس كسرت ووسعت وبدون اي مشاكل , كل اللي تحتاجينه راعي صنعه شاطر يعرف وين الطابوق ووين الخرسانه وهذي كلها تنعرف من الطرق عليها , وترى كل اللي بتكسرينه طابوق يعني مب محتاج ذاك المجهود الكبير كلها كم مطرقه ويالله , واذا بيتكم مش قديم فأكيد الكهرباء بتكون جايه من الارض في الطوفه , يعني كل اللي بيصير ان الطوف اللي بيكسرونها اذا فيها سويتشات بينقلونها مكان ثاني ..

الله يوفقج اختي ضوى وزين انج بتوسعين على نفسج وتستغلين الاماكن الميته اللي ماتستخدمينها الا بالسنة حسنة ..

انا مع اخوي السهم :victory:

ضوى

01-04-2010, 12:49 PM

مساء الخير

ان شاء الله تتهنين بالتغييرات الجديدة
والله يعينج على ضجة التكسير وروحة وجية العمال .. ولو تأجلين هالشيء لين عطلة
المدارس يكون افضل مجرد رأي :shy:

لو بتجبين لج مصمم بياخذ عليج واااااااااااااااااااااااااااااااااااااااااااااايد
اخذي لج فورمن من برا وقولي له فكرتج وبيسويها وهو بيعرف اكيد مكان
العمود وتوصيلات الكهرباء

ولي زيارة بعد التجديدات

ويا اعضاء لحد يبخل على اختنا ضوى :victory:

وبالتوفيق

ياهلا ومرحبا

اسفرت واانورت واستهلت وامطرت :)

يابعد قلبي والله وحشتيني ، مابغيت اشوفج :shy:

والله تبين الصج ملينا المكان كبير وواسع ومسكر مب حلو كلش ، الحين ابي افتحه على بعض اوسع واشرح ينفعني لاستقبال نسوان الفريج واهلي واهله في وقت واحد من غير لا اخاف انه مافي مكان يسعهم :)

بخصوص التكسير مارح يأثر على اليعال قولي ليش ؟ عندي باب تحت الدرج يدخلنا على غرف النوم وهالمنطقة مسكرة بالكامل يعني بس غرف نوم بعيد عن المكان اللي باكسره ، يعني بيكون المكان معزول ومالنا شغل فيهم وان شاء الله مايتأثرون ، والافضل وهم مش موجودين بالبيت حتى يشتغلون براحتهم الصبح

الصراحة مب عارفة للحين وين اروح لمصمم داخلي ، مقاول عادي مب عارفة محتارة :(

ضوى

01-04-2010, 12:52 PM

مرحبا اختي ضوى لله يوفقج ويعينج على الصيانه

اختي التكسير شي خطير يمكن خطآ واحد وتكون عواقبه وخيمه في المستقبل مثل عمود رئيسي تشوفونه في زاويه تقولون بسيط ولا بيبات كهرباء

يبيله توزيع عدل ... ولازم تكسرين الارضيه بعد لان سويكات اليتات بتكون في الجدران الي بتكسرونها صح ... فيجب تغيرها للجهه القديمه الي مافيها تكسير

اهم شي خرايط البيت تكون موجوده ويشوفها المقاول قبل لايشتغل عشان يعرف العمدان والكهرباء

وشوفي اي بناي شاطر مش شرط مصمم ولا شركه كبيره عشان مايكونون غاليين وبالتوفيق

عندي الخرايط كاملة لتصميم البيت موضح فيها كل شئ وان شاء الله باستعين فيها

عدد الطوف اللي اب ياكسرها يمكن ثلاث طوف رئيسية اللي فيها فيش كهرباء وطوفة واحدة مافيها اي فيش او انابيب من اي نوع ومن ضمن الطوف فيه درايشش تقريبا 2

ان شاء الله باشوف مقاول يرتب لي الامر بس ابيه شاطر :)

شاكرة لك اخوي الكرمي ماقصرت ؟

ضوى

01-04-2010, 12:55 PM

اختي ضوى مستعدة تدفعين للمصمم الداخلي ؟

كم العمر البيت ؟

هل تملكون خرائط البيت الهندسية ؟

انتظر الاجابة وبعدها ممكن افيدج او يفيدج باقي الاخوة ..

اخوي بو يوسف كم ممكن تكون التكلفة تقريبا يعني ؟؟ مع العلم فيه طوفتين فيهم درايش وطوفة صغيرة بدون اي شئ وطوفتين فيهم فيش الكهرباء والتلفزيون ؟

عمر البيت تقريبا 11 سنة بس ماشاء الله مشتغلة عليه من داخل تمام وبنيانه قوي اللهم صلي على محمد بشهادة كل اللي اشتغلوا في البيت .

خرايط البيت الهندسية شنهو المقصود بها ؟ عندي خريطة البيت اللي توضح مساحة كل الغرف وتوصيلات الماي والتلفون
وعندي تصميم جديد للطابق الثاني بجميع التفاصيل مع رسم الدور الاول بالكامل

انتظر افادتك اخوي بو يوسف

ضوى

01-04-2010, 12:57 PM

في المصممه بدريه (المحيط) في الوكره عند رامز تقريبا

عندها خبره كبيره في عالم التكسير><

بصراحه انا جلست معاها وشفت شغلها ممتااااازه ومعروف انها تشتغل على الخراط وماتكسر لمجرد انها تكسر الا لما تتأكد من كل التفاصيل..

راح اتريحج من العباله كلها وهم اذا عطيتي بيتج اي حد او مب ثقه

احتمال كبير تطلع لج مشاكل في البيت ومشاكل خطيره وهم احتمال تتشلخ عندك الجدران

معليش دفعي اشوي زياده وضمني الشغل العدل والسليم

موفقه

عندج رقمها ، باجيبها كاستشارية وباشوف المبلغ اذا يناسبني باتوكل على الله واذا لا باشوف غيرها

ضوى

01-04-2010, 12:58 PM

نصيحة

قبل لاتبدين في التكسير خلي مهندس بناء يشوف الطوف اللي بتتكسر

لأنه تكسيرها ممكن يأثر على توازن البيت

مثلا

الدور الثاني معتمد او مركوز على هالطوفة فبالتالي مايصير انتي تشيلين هالطوفة !!

لأنه محد راح يتحمل الثقل اللي فوق

اتمنى اوضحت النقطة وموفقين

اولا ماعندي دور ثاني للحين ، وبعيدن لو صار تكسير ماظن بيجون صوب الجسور والعواميد حسب فمي البسيط يعين لو بيصير تكسير بيكون في الطوف طابوق يعني ، اشلون ممكن ياثر على توازن البيت

A.L.I

01-04-2010, 01:02 PM

محد يعلم الغيب اختي

ماعندج خرايط البيت

بويوسف

01-04-2010, 01:14 PM

اخوي بو يوسف كم ممكن تكون التكلفة تقريبا يعني ؟؟ مع العلم فيه طوفتين فيهم درايش وطوفة صغيرة بدون اي شئ وطوفتين فيهم فيش الكهرباء والتلفزيون ؟

عمر البيت تقريبا 11 سنة بس ماشاء الله مشتغلة عليه من داخل تمام وبنيانه قوي اللهم صلي على محمد بشهادة كل اللي اشتغلوا في البيت .

خرايط البيت الهندسية شنهو المقصود بها ؟ عندي خريطة البيت اللي توضح مساحة كل الغرف وتوصيلات الماي والتلفون
وعندي تصميم جديد للطابق الثاني بجميع التفاصيل مع رسم الدور الاول بالكامل

انتظر افادتك اخوي بو يوسف

هلا اختي ضوى التكلفة تختلف على نوع التشطيب .. في رخام وفي بورسلان او سيراميك والا باركيه والجبس والاضاءة والاكسسوارات .. يعني صعبة تقيم السعر بدون مانعرف انتي شتبغين بالضبط ..

اذا كانت موجود خرايط البيت الانشائية اللي تحدد اماكن العمدان بيكون افضل عشان مايصير تكسير .. وطبعا ممكن بدون خرايط بس يبغي لها حرص وواحد فاهم ..

اما عن التصميم الداخلي فإذا تبغين واحد زين وفاهم بس سعره تقريبا يمكن يكون بحدود العشرين الف .. رساليني على الخاص بعطيج رقمه ..

ضوى

01-04-2010, 01:16 PM

باحاول انزل خريطة البيت اليوم وانتظر ارائكم

بوحارب

01-04-2010, 05:15 PM

عفوا اخوي بوحارب ..

مافي سقف او خرسانه تعتمد على طابوق وانا اخوك , السقف مايشيله الا الجسور المربوطة بالاعمده , اذا بيت قايم على طابوق هذا الله يسلمك كيربي ..

.

اخوي انه اقصد العمدان اللي بين الطوفة ( الجسور )

اخاف يجي واحد غشيم وياكثرهم اهني في البلاد ويكسر الطوفة مع العمدان وانت عارف العمدان واهميتها في الحمل

واكيد مافيه بيت يقوم على الطابوق في قطر لكن في مصر يقومون لك عمارة على طابوق وبدون اي عمود وهذا كلام مهندس مصري :omg:

اولا ماعندي دور ثاني للحين ، وبعيدن لو صار تكسير ماظن بيجون صوب الجسور والعواميد حسب فمي البسيط يعين لو بيصير تكسير بيكون في الطوف طابوق يعني ، اشلون ممكن ياثر على توازن البيت

يا فاهم انته :nice:

اي شي تختارين واحد ثقة ومايشتغل الا والخريطة قدامة حتى يعرف وش يشيل وايش يحط

وبالتوفيق أن شاء الله :)

ضوى

02-04-2010, 07:15 PM

عفوا اخوي بوحارب ..

مافي سقف او خرسانه تعتمد على طابوق وانا اخوك , السقف مايشيله الا الجسور المربوطة بالاعمده , اذا بيت قايم على طابوق هذا الله يسلمك كيربي ..

اختي ضوى ..

موضوعج مب بهالدرجه من الصعوبة ابدا , ياما ناس كسرت ووسعت وبدون اي مشاكل , كل اللي تحتاجينه راعي صنعه شاطر يعرف وين الطابوق ووين الخرسانه وهذي كلها تنعرف من الطرق عليها , وترى كل اللي بتكسرينه طابوق يعني مب محتاج ذاك المجهود الكبير كلها كم مطرقه ويالله , واذا بيتكم مش قديم فأكيد الكهرباء بتكون جايه من الارض في الطوفه , يعني كل اللي بيصير ان الطوف اللي بيكسرونها اذا فيها سويتشات بينقلونها مكان ثاني ..

الله يوفقج اختي ضوى وزين انج بتوسعين على نفسج وتستغلين الاماكن الميته اللي ماتستخدمينها الا بالسنة حسنة ..

الله يفتح عليك اخوي السهم ، بس زي ماقت وين القى راعي الصنعة اللي بيضبط لي الموضوع ، البتي عمره 10 سنين ومتعوب عليه يعني اشراف مضبوط ان شاء الله ،
بخصوص التوسعة ايه والله صدقت المجلس شبه مهجور لانه اغب قعدات الحريم بالصالة اوسع واشرح عشان جذي ابي افتحهم على بعض واوسع المكان اتوقع بيطلع اشرح وايد ان شاء الله

ضوى

03-04-2010, 02:22 AM

هلا اختي ضوى التكلفة تختلف على نوع التشطيب .. في رخام وفي بورسلان او سيراميك والا باركيه والجبس والاضاءة والاكسسوارات .. يعني صعبة تقيم السعر بدون مانعرف انتي شتبغين بالضبط ..

اذا كانت موجود خرايط البيت الانشائية اللي تحدد اماكن العمدان بيكون افضل عشان مايصير تكسير .. وطبعا ممكن بدون خرايط بس يبغي لها حرص وواحد فاهم ..

اما عن التصميم الداخلي فإذا تبغين واحد زين وفاهم بس سعره تقريبا يمكن يكون بحدود العشرين الف .. رساليني على الخاص بعطيج رقمه ..

هلا اخوي بو يوسف

التشطيب باخليه براحتي اهم شئ الحين التكسير والباقي مقدور عليه ، والتصميم الداخلي لقيت لي واحد ينقال له سعيد المغربي بكرة بيجي وبيقول لي وش ممكن اسوي ، لقيت رقمه بموقع ديكور المنزل وان شاء الله باقول لكم بكرة وش صار معاي

تسلم بويوسف ماقصرت

ضوى

04-04-2010, 09:24 AM

للمهتمين فقط

اطلعت على خريطة البيت وعرفت اماكن العمدان بنفسي ، وجاني الاخ سعيد المغربي ، وبيعطيني عرض اسعار خلال يومين واليوم بيجيني مهندس ديكور ثقة ان شاء الله ، واشوف كم بيعطيني سعر وباشوف اتعامل مع من
سعيد المغربي كلامه مريح جدا ، قال لي الجبس اللي بيتك مايبي له تغير حرام جديد ونظيف بس يبي له صبغ واعادة تشكيل بسيطة لتتناسب مع التحدديد اللي بيحطه بعد التكسير ، ونفس الكلام قاله عن السيراميك قالي نظيف وجديد وحرام تغييره وكل اللي راح يسويه انه بيحط نعلات عريضة بين كل قعدة وقعدة يعني زي الحدود او بمعنى دواسة عند كل مدخل من الاماكن اللي بافتحها على بعض ، والصيغ طبعا يبي له تغير ونصحني بالوان فاقعة نوعا ما تناسب الاثاث الحالي لحين تغيره
ان شاء الله لعطاني عرض الاسعار باحطها هنا للي يحب يعرف

تحياتي لكم وماقصرتوا

قطرية عسل

05-04-2010, 07:42 AM

للمهتمين فقط

اطلعت على خريطة البيت وعرفت اماكن العمدان بنفسي ، وجاني الاخ سعيد المغربي ، وبيعطيني عرض اسعار خلال يومين واليوم بيجيني مهندس ديكور ثقة ان شاء الله ، واشوف كم بيعطيني سعر وباشوف اتعامل مع من
سعيد المغربي كلامه مريح جدا ، قال لي الجبس اللي بيتك مايبي له تغير حرام جديد ونظيف بس يبي له صبغ واعادة تشكيل بسيطة لتتناسب مع التحدديد اللي بيحطه بعد التكسير ، ونفس الكلام قاله عن السيراميك قالي نظيف وجديد وحرام تغييره وكل اللي راح يسويه انه بيحط نعلات عريضة بين كل قعدة وقعدة يعني زي الحدود او بمعنى دواسة عند كل مدخل من الاماكن اللي بافتحها على بعض ، والصيغ طبعا يبي له تغير ونصحني بالوان فاقعة نوعا ما تناسب الاثاث الحالي لحين تغيره
ان شاء الله لعطاني عرض الاسعار باحطها هنا للي يحب يعرف

تحياتي لكم وماقصرتوا

من المهتمين :victory:
اهم شيء لا يقصون عليج بسعر مبالغ فيه قعدي لهم قعدة كاسريهم :tease:
وبالتوفيق

:)

ضوى

05-04-2010, 09:21 AM

من المهتمين :victory:
اهم شيء لا يقصون عليج بسعر مبالغ فيه قعدي لهم قعدة كاسريهم :tease:
وبالتوفيق

:)

يسلم قلبهم المهتمين :)

لاتخافين اختج حريصة في هالامور وبو العيال مايقصر وراهم وراهم

راح تكونين اول واحد تنور البيت بعد التعديل ان شاء الله :shy:

شموخ دائم

05-04-2010, 01:24 PM

,

,

بالتوفيق لك اختي الكريمه

متابع لموضوعك واتمنى النتائج تكون مثل ما تحبين ان شاء الله

التغيير بين فترة وفتره مهم جدا وانا دائما اعدل واغير واوسع بشكل سنوي تقريبا

والحمدالله دائما النتيجه مريحه على الاقل نفسيا غيرنا بالبيت وطورنا

ونكون مع الحديث دائما والجميع يعشق التغيير بين فتره وفتره

بالتوفيق لك

,

,

اخوك

شموخ دائم

ضوى

06-04-2010, 06:55 PM

,

,

بالتوفيق لك اختي الكريمه

متابع لموضوعك واتمنى النتائج تكون مثل ما تحبين ان شاء الله

التغيير بين فترة وفتره مهم جدا وانا دائما اعدل واغير واوسع بشكل سنوي تقريبا

والحمدالله دائما النتيجه مريحه على الاقل نفسيا غيرنا بالبيت وطورنا

ونكون مع الحديث دائما والجميع يعشق التغيير بين فتره وفتره

بالتوفيق لك

,

,

اخوك

شموخ دائم

شاكرة متابعتك اخوي شموخ دائم ، ويشرفني هالشئ

بالفعل التجديد مطلوب ويعدل المزاج والنفسية ويارب يصير مثل ماتمنى

اخر المستجدات ان المهندس طلب 35 الف وهذا يتضمن البنود التالية :-

التكسير

الجبس وديكوراته

تمديدات الكهرباء

الصبغ ، ( ترخيم وتعتيق )

السيراميك

اشرايكم ؟ السعر مناسب؟ للحين مارديت عليه

بويوسف

06-04-2010, 07:10 PM

قولي له شلون حسبت ال 35 الف ؟ مانقدر نقول لج سعر زين او لا بدون معرفة المساحات ..

ولكن السعر جيد نوعا ما .. اهم شي تتفقين معاه على وقت محدد والفلوس تكون على دفعات ومايعطى اي مبلغ الا عقب مايخلص مرحلة ..

تفاوضي معاه وكاسريه واعتقد 30 الف بيكون سعر جيد ..

خليفـة

06-04-2010, 07:11 PM

رضاك يا الله

اختي الكريمة ضوى
مسألة التكسير مسألة مش بسيطة
ولكنها مش مستحيلة

انا من رايي قبل لا تبتدين بأي خطوة .. شوفي لج مهندس من مكتب استشاري محترم
يعاين خرايط البيت وخصوصا المنطقة الي بيكون فيها التكسير

وفي حال ما توفرت كل الخرايط .. روحي للبلدية الي تتبعون لها
واطلبوا الملف مال بيتكم
وخلي ابوا العيال الي يعطيه العافية يحط بطاقته الشخصية وياخذ الملف يصورة بالكامل

ومن الحين اقول لج
فيه اماكن في الدور الارضي بالذات سيستحيل ان يتم تكسيرها
وذك لعدة اسباب منها : قد تتواجد اعمدة مهمة في هالاماكن لحفظ التوازن للمنزل

في النهاية اقول لج :
ان كان مشروع التكسير الي ناويين عليه ضروري جدا جدا
توكلوا على الله وسوي الي قلت لج عليه والي قالوا لج عليه الاخوة الاعضاء ( الخبراء )

وان لم يكن ضروري .. اشتروا راحت بالكم .. ووفروا خردتكم لشيء أهم .. واعتبروا الموضوع مجرد فكرة .. وراحت

بالتوفيق ان شاء الله

اخوج العود / مالكم أمل
:)

ضوى

06-04-2010, 07:19 PM

قولي له شلون حسبت ال 35 الف ؟ مانقدر نقول لج سعر زين او لا بدون معرفة المساحات ..

ولكن السعر جيد نوعا ما .. اهم شي تتفقين معاه على وقت محدد والفلوس تكون على دفعات ومايعطى اي مبلغ الا عقب مايخلص مرحلة ..

تفاوضي معاه وكاسريه واعتقد 30 الف بيكون سعر جيد ..

شوف بو يوسف ، خرايط البيت حاليا مو عندي بس انزل الصور ، يعني عندك المساحات كالتالي :
المجلس : 6*7
المطعم : 7* 5
الصالة : 7*8
والممر الطويل تقريبا 9* 2

هذي هي المساحات

وانا بعد احاول اوصل معاه ل30 الف وان شاء الله يرضى

ضوى

06-04-2010, 07:25 PM

رضاك يا الله

اختي الكريمة ضوى
مسألة التكسير مسألة مش بسيطة
ولكنها مش مستحيلة

انا من رايي قبل لا تبتدين بأي خطوة .. شوفي لج مهندس من مكتب استشاري محترم
يعاين خرايط البيت وخصوصا المنطقة الي بيكون فيها التكسير

وفي حال ما توفرت كل الخرايط .. روحي للبلدية الي تتبعون لها
واطلبوا الملف مال بيتكم
وخلي ابوا العيال الي يعطيه العافية يحط بطاقته الشخصية وياخذ الملف يصورة بالكامل

ومن الحين اقول لج
فيه اماكن في الدور الارضي بالذات سيستحيل ان يتم تكسيرها
وذك لعدة اسباب منها : قد تتواجد اعمدة مهمة في هالاماكن لحفظ التوازن للمنزل

في النهاية اقول لج :
ان كان مشروع التكسير الي ناويين عليه ضروري جدا جدا
توكلوا على الله وسوي الي قلت لج عليه والي قالوا لج عليه الاخوة الاعضاء ( الخبراء )

وان لم يكن ضروري .. اشتروا راحت بالكم .. ووفروا خردتكم لشيء أهم .. واعتبروا الموضوع مجرد فكرة .. وراحت

بالتوفيق ان شاء الله

اخوج العود / مالكم أمل
:)

هلا اخوي :)

تصدق الخرايط كلها عندي والملف كامل موجود عندنا وهذا غلطة زوجي لانه المفروض يسلمه للبلدية لكنه نسى او تكاسل الله العالم
المهم المهندس شاف اماكن العمدان وعرف الموضوع عدل ان شاء الله بس كانت مشكلة الكهرباء والتمديات والحمد لله ان شاء الله الامور مضبوطة

والله ياخوك المشكلة اني اذا حطيت شئ براسي لازم اسويه ماعرف اتردد في شئ متحمسة له
وان شاء الله باراويكم التعديل ، والله ودي احط لكم قبل وبعد التعديل وان شاء الله بانزله في موقع المنزل والديكور :)

ضوى

16-04-2010, 02:16 PM

حبيت احطك بالصورة واخبركم باخر التطورات

المهندس سعيد المغربي طلع اونطجي ، وكان يبغي ياكل حلال كفيله القطري ، اشلون ؟ الله يسلمكم جاب لي العقد وفيه كل اللي ابيه بالتفصيل مع غرامات التاخير ، وكان المبلغ الاجمالي 24 الف ريال ، استغربت وقلت له بس انت قلت لنا مبلغ 33 الف قال شفتي اشلون انا اثق فيكم !! قلت له تثق فينا احنا ؟؟ قال ايه لاني باخلي بايدج 9000 ريال ماتسلميني اياها الا لما يعجبج الشغل كامل طبعا انا وبو عيالي فهمنا الطبخة يعني هو كذب على راعي المحل طلع العقد ب24 ريال وبيحط بجيبه 9000 الاف ريال يعني كذب علينا وعليه ، طبعا ماهجبنا الوضع وكان ودي زوجي يتصل على صاحب المحل ويخبره بالموضوع بس تردد وقال خليه يولي كفاية نقول له توكل على الله هونا عن الموضوع وبالفعل قلنا له خلاص مانبيك لانك اعتبرتنا اغبياء ومانفهم في هالحركات المهم تاسف وطلع من البيت

صديقتي توها نازلة بيت جديد ومغيرة في ديكوارته نفسي تقريبا مدخلة صالات على بعض وفيه اعمدة عندها بعد ، شفت بيتها حلو بعد التعديل سألتها عن الشخص اللي سواه لها عطتني رقمه كلمته جاني واتفقت معاه نفس الشغل اللي كان بيسويه المهندس المخادع ب18 الف ريال وماشاء الله شغالين عندي الحين وباذن الله راح اصور لكم هالتعديلات اول ماتخلص

وهم قطر

16-04-2010, 08:57 PM

على البركه مقدما
توقعت ان المبلغ بيكون 20,000 ريال حسب الامتار الي ذكرتيها

بس هذا السعر 18,000 حلو ومعقول للعمال الي شغالين برا هذي اسعارهم وبالتوفيق

حبين اقترح بالالوان حاولي تدخلين الون الاخضر المشجر لورق الجدران يعطي روح للمكان

وكبري الدرايش الي على الحديقه قد ماتقدرين وليتات السقف تخلينها هلى اقسام مش مفتاح واحد ولا 2

ولو مافي اي ثريات بيكون اجمـــــــل

ضوى

16-04-2010, 09:01 PM

على البركه مقدما
توقعت ان المبلغ بيكون 20,000 ريال حسب الامتار الي ذكرتيها

بس هذا السعر 18,000 حلو ومعقول للعمال الي شغالين برا هذي اسعارهم وبالتوفيق

حبين اقترح بالالوان حاولي تدخلين الون الاخضر المشجر لورق الجدران يعطي روح للمكان

وكبري الدرايش الي على الحديقه قد ماتقدرين وليتات السقف تخلينها هلى اقسام مش مفتاح واحد ولا 2

ولو مافي اي ثريات بيكون اجمـــــــل

شوف اخوي الكريم

بعد التكسير صار المدخل اللي هو كل زجاج والمنيوم مكشوف صرت متوهقة الحين يعني المفروض حتى مانكشف عالحوش اسوي شئ شنهو هذا مدري عندك فكرة ياخوي ؟رسم مثلا عالزجاج ؟؟؟ ستاير مارح تنفع بتضيع المنظر كامل

حاليا عندي ثريات تعتقد اشيلهم واحط بس سبوت لايت؟؟ وايد حلو السبوت لايت عجبني بالصالة عندي بس رايك راح اخذ به لانه فعلا بالسبوت لايت احلى

ضوى

16-04-2010, 09:02 PM

واللي راح احطه عالحوايط صبغ ماراح احط ورق جدران

ضوى

16-04-2010, 09:10 PM

http://up.souqaldoha.com/get-4-2010-putoyogo.JPG (http://up.souqaldoha.com)

http://up.souqaldoha.com/get-4-2010-88x9wkky.JPG (http://up.souqaldoha.com)

http://up.souqaldoha.com/get-4-2010-u54y11xs.JPG (http://up.souqaldoha.com)

http://up.souqaldoha.com/get-4-2010-p4euy81n.JPG (http://up.souqaldoha.com)

http://up.souqaldoha.com/get-4-2010-hwzaki9x.JPG (http://up.souqaldoha.com)

هذا التكسير اللي صار اليوم

شموخ دائم

17-04-2010, 10:21 PM

,

,

ما شاء الله

المكان صار واسع شرح بالتوفيق لكم

والسعر جدا ممتاز الله عطاك على نيتك

راح تواجهين مشكله الكهرباء ومشكله الباب الزجاجي للمدخل

ان شاء الله لكل مشكله حل

بالنسبه للباب عندك خيار استخدام الزجاج المغبش

زي هذا

http://www.pella.com/images/products/entry/GlassZoomIsabella_img.jpg

زجاج مغبش

http://albeet.hawaaworld.com/sites/albeet.hawaaworld.com/files/albeet/fckeditor/%D8%B3%D8%AA%D8%A7%D8%A6%D8%B1-%D8%A7%D8%A8%D9%88%D8%A7%D8%A8-%D9%81%D8%B1%D9%86%D8%B3%D9%8A%D8%A9.jpg

ستائر الشيفون مخصصه للابواب

http://www.almuhands.org/forum/imgcache/82.imgcache

زجاج ملون

http://i119.photobucket.com/albums/o124/JollyGQ/AWF4you/8-footsunburst.jpg

وهذا يسمونه شتر ( زي ستائر المكاتب )

وعندك الطريقه استبدال الزجاج بالفيبر

يعني كل مربع زجاجي في الباب ينشال وينحط نفس مقاسه مربع من الفيبر

وهذي ارخص طريقه طبعا

:)

بالتوفيق لك

وراح اتابع معاكم

عجبني الموضوع

وشكرا لوضع الصور سهلتي علينا الاقتراحات

موفقه يارب

,

,

اخوك

شموخ دائم

Chambray

17-04-2010, 11:00 PM

موفقه اختي ضوى

بويوسف

18-04-2010, 12:24 AM

متابع لاراء الاخوة ..

أم وضحى

18-04-2010, 12:47 AM

ياليت اختي ضوى تعطيني رقم العمال اللي يشتغلون عندج

بعد مايخلصون راح اخذهم

وهم قطر

18-04-2010, 01:39 AM

هلا اختي ماشاء لله بديتي في التكسراتوقع اني اعرف وش الي تبينه شوفي اقترح
الي في الصوره الاولى رقم واحد اذا انج تحبين هذي الحركه مادام الكهرب واصل خلينا نصيده تحطين ليتات في الارض تعرفينها
شكلها دائري وصغيره تحطينها مكان التكسر الي في الارض سهل تركيبها
رقم 2 في الباب جزء بسيط تصكرينه عشان الباب يكون على شكل احلى
رقم 3 لو تكملين تكسرينه لانه جسر بسيط قياسه 20 سم ولاله اي اهميه في الاساسات وبيكون فوقه طابوق يعني عادي لو كسرتيه
رقم 4 بعد عطيه بالمطرقه كملي عليه لين النهايه مافيه اي مشكله
رقم 5 الدريشه نزليها لي تحت خلي بس 40 سم تحت
62238
الصوره هذي اشوف الطافه الي حاط عليها بالاحمر مالها داعي خليها تفتح على الصاله

62239
الصوره هذي اتخيلها بعد ماتخلص تلبسينها خشب عريض بلون بني داكن عروق سود هي والطوفه الثانيه

62240
رقم 6 في هذي الصوره تنزلين الدريشه لي تحت وتصكرين الجزء الي عليه الاحمر

62241
الباب الي على المغاسل هذا تصكرينه يكفي الي على داخل وهندسي في شكل المغاسل خليها تحفه من البيت

62242

وترا اليتات السبورت باحجام ركبي الحجم الكبير وخليه وسط الجلسات متناسق المسافات

والسبورت الحجم الصغير خليه على الاطراف يبعد من الحيط 40 سم عشان يعكس اضاءته على الطوفه بشكل مقوس هذا بعدين بتشوفينه

تراه سر في البنيان واذا قدام الستاره ليت واحد بس خليه بمسافه20 سم وراح نكون متابعين

وهم قطر

18-04-2010, 01:49 AM

بخصوص ان الدرايش مكشوفه اشوف شجر مقابل البيت ولا غلطان اذا مافي اي بيت يطل عليكم خلاص
وبعدين الزجاج الي بتركبينه بيكون عاكس وحاولي تحطين زجاج عسلي عاكس وليت خارجي موجه على الدرايش
ولا راح احد يقدر يشوف لانها تخلي الزجاج يعكس مثل النهاروانا عطيج قرنتي 100% ولا يضيع المنظر

ضوى

18-04-2010, 05:50 PM

,

,

ما شاء الله

المكان صار واسع شرح بالتوفيق لكم

والسعر جدا ممتاز الله عطاك على نيتك

راح تواجهين مشكله الكهرباء ومشكله الباب الزجاجي للمدخل

ان شاء الله لكل مشكله حل

بالتوفيق لك

وراح اتابع معاكم

عجبني الموضوع

وشكرا لوضع الصور سهلتي علينا الاقتراحات

موفقه يارب

,

,

اخوك

شموخ دائم

اخوي الفاضل

الحمد لله انه الموضوع اعجبك :)

المفروض كنت احط الصور قبل وبعد التكسير حتى تشوفون الفرق اشلون كبير

بالنسبة لخطوط الكهربا ابدا ماكانت مشكلة الحمد لله اليوم جا الكهربائي وضبط الامور تمام التمام

بالنسبة للباب الزجاجي ولا فكرة شفتها اقتصادية للاسف تكلف وايد واساسا الديكور بيكلفني ، لذلك فكرت احط ستيار بديكور جميل على الجوانب وصوب باب الدخول وراه بارتشن بشكل جميل منها ارتاح ويرتاحون الحريم اللي بيزورني ، مع انه محد ممكن يطل علينا قدامنا زرع ماشاء الله مغطينا عدل بس اخاف حد من السواق يسقي الزرع والا .. عموما هذي تتدبر اقدر امنعهم بذاك اليوم وباقي الايام انزل الستاير وتكون ساترتنا ان شاء الله

عندي افكار وايد وراح اوافيكم باي مستجدات ان شاء الله وشاكرة لك مرورك الطيب واقتراحاتك الطيبة

ضوى

18-04-2010, 05:51 PM

موفقه اختي ضوى

مشكور ياخوي ماقصرت جزاك الله خير

متابع لاراء الاخوة ..

شاكرة مرورك اخوي بويوسف

ضوى

18-04-2010, 05:54 PM

ياليت اختي ضوى تعطيني رقم العمال اللي يشتغلون عندج

بعد مايخلصون راح اخذهم

ان شاء الله من عيوني ولا يهمج فديتج

وللامانة ماشاء الله تبارك الله شغلهم نظيف مع انه اثاثي موجود بالغرف اذا لاحظتي بس يكسرون وبنفس الوقت يشيلون يعني مايطولون ، بس غبرة من قلب اختنقنا ، الحمد لله غرفنا بعيدة عن المكان بس المطبخ تبهدل كل يوم يتنظف هلكنا

بالتوفيق اختي

ضوى

18-04-2010, 05:58 PM

هلا اختي ماشاء لله بديتي في التكسراتوقع اني اعرف وش الي تبينه شوفي اقترح
الي في الصوره الاولى رقم واحد اذا انج تحبين هذي الحركه مادام الكهرب واصل خلينا نصيده تحطين ليتات في الارض تعرفينها
شكلها دائري وصغيره تحطينها مكان التكسر الي في الارض سهل تركيبها
رقم 2 في الباب جزء بسيط تصكرينه عشان الباب يكون على شكل احلى
رقم 3 لو تكملين تكسرينه لانه جسر بسيط قياسه 20 سم ولاله اي اهميه في الاساسات وبيكون فوقه طابوق يعني عادي لو كسرتيه
رقم 4 بعد عطيه بالمطرقه كملي عليه لين النهايه مافيه اي مشكله
رقم 5 الدريشه نزليها لي تحت خلي بس 40 سم تحت
62238
الصوره هذي اشوف الطافه الي حاط عليها بالاحمر مالها داعي خليها تفتح على الصاله

62239
الصوره هذي اتخيلها بعد ماتخلص تلبسينها خشب عريض بلون بني داكن عروق سود هي والطوفه الثانيه

62240
رقم 6 في هذي الصوره تنزلين الدريشه لي تحت وتصكرين الجزء الي عليه الاحمر

62241
الباب الي على المغاسل هذا تصكرينه يكفي الي على داخل وهندسي في شكل المغاسل خليها تحفه من البيت

62242

وترا اليتات السبورت باحجام ركبي الحجم الكبير وخليه وسط الجلسات متناسق المسافات

والسبورت الحجم الصغير خليه على الاطراف يبعد من الحيط 40 سم عشان يعكس اضاءته على الطوفه بشكل مقوس هذا بعدين بتشوفينه

تراه سر في البنيان واذا قدام الستاره ليت واحد بس خليه بمسافه20 سم وراح نكون متابعين

كل اللي قلته تمام التمام وجاري التنفيذ ، بكرة ان شاء الله راح اقوله عن السبوت لايت في الارضية ، بس انا اشوفها في السقف احلى صح
بالنسبة لباب المغاسل فعلا تشاورت ويا بو عيالي وأيد رايك بهالشئ فشكرا لك
بخصوص السبولايت مافهمت وش تقصد ب20 سم و40 سم ؟

بالنسبة للدريشة اللي تقول نزليها مافهمت ممكن شرح اكثر ؟

بارك الله فيك ماقصرت كلامك افادني كثيرا ونبهني لاشياء كثيرة

شكرا جزيلا

ضوى

18-04-2010, 06:00 PM

بخصوص ان الدرايش مكشوفه اشوف شجر مقابل البيت ولا غلطان اذا مافي اي بيت يطل عليكم خلاص
وبعدين الزجاج الي بتركبينه بيكون عاكس وحاولي تحطين زجاج عسلي عاكس وليت خارجي موجه على الدرايش
ولا راح احد يقدر يشوف لانها تخلي الزجاج يعكس مثل النهاروانا عطيج قرنتي 100% ولا يضيع المنظر

اي ياخوي منت غلطان كله شجر وصاد الحمد لله ومافي اي بيوت قبالنا الحمد لله ، الزجاج مركب وخالص ولا اقدر اغيره ، بس مافهمت شنهي سالفة ليت موجه عالدرايش؟؟ من برع والا من داخل ؟؟؟ ممكن توضيح اكثر ؟

وهم قطر

18-04-2010, 10:06 PM

اهلين بخصوص السبولايت مافهمت وش تقصد ب20 سم و40 سم ؟

يعني تخلين المسافه ارتداده من الحيط 40سم اذا الطوفه مافيها شي
62282

واذا فيه استاره او ممر او باب تخلين السبورت بمسافه 20سم عشان يسفر بهذي الطريقه

62283

والي اقصده اليت الخارجي نفس الي بالصوره من برا عشان يعكس في الزجاج

62284

والدرايش من الداخل ممكن تفصلين هذي الستاير لانها تصلح للصالات من سيدار سهله التنظيف

62285

بالنسبة للدريشة اللي تقول نزليها مافهمت ممكن شرح اكثر ؟

اقترح ان الدرايش لو تنزلينها لين الارض بتكون اشرح ومنظر الحديقه يبين وسلامتج

ضوى

19-04-2010, 11:29 PM

اهلين بخصوص السبولايت مافهمت وش تقصد ب20 سم و40 سم ؟

يعني تخلين المسافه ارتداده من الحيط 40سم اذا الطوفه مافيها شي
62282

واذا فيه استاره او ممر او باب تخلين السبورت بمسافه 20سم عشان يسفر بهذي الطريقه

62283

والي اقصده اليت الخارجي نفس الي بالصوره من برا عشان يعكس في الزجاج

62284

والدرايش من الداخل ممكن تفصلين هذي الستاير لانها تصلح للصالات من سيدار سهله التنظيف

62285

بالنسبة للدريشة اللي تقول نزليها مافهمت ممكن شرح اكثر ؟

اقترح ان الدرايش لو تنزلينها لين الارض بتكون اشرح ومنظر الحديقه يبين وسلامتج

ايه فهمت عليك الحين

بس الدريشة ماقدر انزلها اكثر لانه زرع جدامها ن ونسيت اقولك بخصوص الجسر اللي 20 سم حسب ماقلت لي لانه المقاول خاف وقال انا ماتحمل مسؤولية وبيني وبينك انا بعد خفت وقلت خلاص يبه ماب ياسوي شئ اندم عليه عقب وشفت شكله مو وايد غريب يعني

اخر المستجدات

اليوم سوا البلاستر وبكرة بيبدون في الجبسمبورد وان شاء الله بمعدل شغلهم هذا يبي لهم اسبوع عشر ايام بالكثير اذا الله اراد وعندي كم شغلة اخذ رايكم فيها بس بعد مايخلصون الجبسمبورد يعين استشارات وادري مارح تخذلوني

كويتى1

19-04-2010, 11:39 PM

موفقه اختي ضوى

وهم قطر

20-04-2010, 12:03 AM

ايه فهمت عليك الحين

بس الدريشة ماقدر انزلها اكثر لانه زرع جدامها ن ونسيت اقولك بخصوص الجسر اللي 20 سم حسب ماقلت لي لانه المقاول خاف وقال انا ماتحمل مسؤولية وبيني وبينك انا بعد خفت وقلت خلاص يبه ماب ياسوي شئ اندم عليه عقب وشفت شكله مو وايد غريب يعني

اخر المستجدات

اليوم سوا البلاستر وبكرة بيبدون في الجبسمبورد وان شاء الله بمعدل شغلهم هذا يبي لهم اسبوع عشر ايام بالكثير اذا الله اراد وعندي كم شغلة اخذ رايكم فيها بس بعد مايخلصون الجبسمبورد يعين استشارات وادري مارح تخذلوني

خلصت الاستشارات المجانيه ترا بدينا والحسابه بتحسب كل كلمه ب50 ريال :deal: ههههههههه

في الخدمه لين اخر طابوقه ولين تحطين الفازه على الطاوله

شموخ قطر

20-04-2010, 12:19 AM

ماشالله ضوي صار المكان شرح ووسيع ..الله يهنيج فيه

وانا عندي نفس فكرتج بتوسيع الصاله وان شالله ببتدي

عالاسبوع الجاي ان الله راد.. واستفدت من موضوعج وايد

وماعليج امر ممكن رقم المقاول الي عندج وبأنتظار التكمله

النهائيه .. يعطيج العافيه الغاليه

ضوى

20-04-2010, 08:29 AM

موفقه اختي ضوى

مشكور اخوي ماقصرت

جزاك الله خير

بو خليفه 123

20-04-2010, 11:24 AM

البيت المفتوح على بعضه .. كم اعشق هذا التصميم .

اختي و شريكتي ضوى الفاضله ..

بأمكانك الرجوع الى خرائط المنزل و بنائاً عليها يتم تحديد موقع الاسلاك و مشتقاتها . والمفروض ابو العيال الله يطول بعمره يكون عارف مواقعهم اذا كان مركز على التشطيب أول بأول .

نصيحه من شريكج بخصوص البيت المفتوح .. طبقتها بالطابق الارضي عندي ..

دائماً اي مكان مفتوح على بعضه ضعي بينهم شيء يسد على المكانين و ذلك لأثارة فضول الزائر . مثل نخل صناعي او مشتقاته .

بالتوفيق

اعالي الجنان

20-04-2010, 02:22 PM

داشه ابي افيدج بس ماشاءالله بديت بالهدم ولقيتي لج عمال بسعر طيب
توني مخلصه بيتي بس الله يعينكم عالغبره 3 شهور هدم وتجديد وصبغ وجبس لين هلكت واهلكو عيالي من الصوت المزعج
عالعموم اذا محتاجه صباغ او عمال لتركيب سيرامك اوالجبس علميني وفالج طيب
طبعا اسعارهم ارخص من السوق وشغلهم ممتاز
وتهنيتي بالتجديد الصراحه شعور حلو ومريح يجيج عقب ماتشوفين البيت متجدد
بس دخلتي فبالي ادخل المجلس مع المطعم مع اني توني مجددته بس خلها عقب كم سنه خل اتهنا بالجديد شوي :)

ضوى

20-04-2010, 07:39 PM

خلصت الاستشارات المجانيه ترا بدينا والحسابه بتحسب كل كلمه ب50 ريال :deal: ههههههههه

في الخدمه لين اخر طابوقه ولين تحطين الفازه على الطاوله

ماقصرت الله يجزيك خير على نصايحك وارائك

ان شاء الله باخليكم معاي نقطة بنقطة

ضوى

20-04-2010, 08:32 PM

ماشالله ضوي صار المكان شرح ووسيع ..الله يهنيج فيه

وانا عندي نفس فكرتج بتوسيع الصاله وان شالله ببتدي

عالاسبوع الجاي ان الله راد.. واستفدت من موضوعج وايد

وماعليج امر ممكن رقم المقاول الي عندج وبأنتظار التكمله

النهائيه .. يعطيج العافيه الغاليه

ان شاء الله اختي ولا يهمج ياطرش لج الرقم عالخاص :)

باخليكم في الصورة اول باول لاني طلبت منه ديكورات في السقف حسب الثريات اللي شفتها بدوحة سيتي وان شاء الله بكرة اوضح له المقصود فيه شوية افكار قبل لا يبدي الجبس عالبلاستر مثل سبوت لايت صغار على المداخل من فوق موزع بطريقة عشوائية
بنشوف بكرة ان شاء الله
انتظري الرقم عالخاص اختي

ضوى

20-04-2010, 10:01 PM

البيت المفتوح على بعضه .. كم اعشق هذا التصميم .

اختي و شريكتي ضوى الفاضله ..

بأمكانك الرجوع الى خرائط المنزل و بنائاً عليها يتم تحديد موقع الاسلاك و مشتقاتها . والمفروض ابو العيال الله يطول بعمره يكون عارف مواقعهم اذا كان مركز على التشطيب أول بأول .

نصيحه من شريكج بخصوص البيت المفتوح .. طبقتها بالطابق الارضي عندي ..

دائماً اي مكان مفتوح على بعضه ضعي بينهم شيء يسد على المكانين و ذلك لأثارة فضول الزائر . مثل نخل صناعي او مشتقاته .

بالتوفيق

موضوع التكسير انتهى اخوي الفاضل :)

وراح اخذ بنصايحك القيمة ان شاء الله اثناء اعادة توزيع الاثاث والاكسسوارات والزريعة في الصالات
شاكرة لك مشاركتك

المضعد

21-04-2010, 07:36 AM

http://www.flickr.com/photos/29982421@N07/4089163333/
اهم شي:
خارطة البيت
والمبلغ الي راح تمشين عليه

بو خليفه 123

21-04-2010, 08:54 AM

موضوع التكسير انتهى اخوي الفاضل :)

وراح اخذ بنصايحك القيمة ان شاء الله اثناء اعادة توزيع الاثاث والاكسسوارات والزريعة في الصالات
شاكرة لك مشاركتك

العذر والسموحه اقتبست ردج بشكل سريع .

شاركينا المخطط والديكور الجديد .. و منكم نستفيد

ضوى

21-04-2010, 07:33 PM

داشه ابي افيدج بس ماشاءالله بديت بالهدم ولقيتي لج عمال بسعر طيب
توني مخلصه بيتي بس الله يعينكم عالغبره 3 شهور هدم وتجديد وصبغ وجبس لين هلكت واهلكو عيالي من الصوت المزعج
عالعموم اذا محتاجه صباغ او عمال لتركيب سيرامك اوالجبس علميني وفالج طيب
طبعا اسعارهم ارخص من السوق وشغلهم ممتاز
وتهنيتي بالتجديد الصراحه شعور حلو ومريح يجيج عقب ماتشوفين البيت متجدد
بس دخلتي فبالي ادخل المجلس مع المطعم مع اني توني مجددته بس خلها عقب كم سنه خل اتهنا بالجديد شوي :)

الله يهينج ويسعدج يارب ويبعد عنج العين اللهم امييييييييييييييييييييين:)

3 شهور يا اعالي ؟؟ واااااااااايد ، الغبرة صار لها اسبوع وماذيتني تعبتني والله ، بس عطاني اقصى مدة شهر وان شاء الله قبل اتوقع على الاسبوع الجاي او بداية اللي بعده يكون جاهز اذا الله شاء :shy:
التجديد مريح ويمتع النظر الحين ادش البيت صج تكسير ومخربط البيت منقلب فوق تحت واثاثي مقرطس وخايفة عليه بس شعور انه براح وشرح ومواجهة الزرع الصراحة تجددت نفسيتي واتوقع بيطلع حلو وجذاب ان شاء الله مع اخر اللمسات

ان شاء الله باصور لكم كل التفاصيل بعد مايخلص ان شاء الله :) بس اعالي حطي صور ناخذ افكار في توزيع قطع الاثاث في الصالات :victory:

شاكرة مرورج الحلو

اعالي الجنان

21-04-2010, 11:33 PM

الله يهينج ويسعدج يارب ويبعد عنج العين اللهم امييييييييييييييييييييين:)

3 شهور يا اعالي ؟؟ واااااااااايد ، الغبرة صار لها اسبوع وماذيتني تعبتني والله ، بس عطاني اقصى مدة شهر وان شاء الله قبل اتوقع على الاسبوع الجاي او بداية اللي بعده يكون جاهز اذا الله شاء :shy:
التجديد مريح ويمتع النظر الحين ادش البيت صج تكسير ومخربط البيت منقلب فوق تحت واثاثي مقرطس وخايفة عليه بس شعور انه براح وشرح ومواجهة الزرع الصراحة تجددت نفسيتي واتوقع بيطلع حلو وجذاب ان شاء الله مع اخر اللمسات

ان شاء الله باصور لكم كل التفاصيل بعد مايخلص ان شاء الله :) بس اعالي حطي صور ناخذ افكار في توزيع قطع الاثاث في الصالات :victory:

شاكرة مرورج الحلو

ومن قال يارب
اي والله ضوى 3 شهور اطلعت عيني صارت جذي:eek5:
كنت اخاف استعجلهم ويسون لي اي شغل ومايعجبني عقب فكنت صابره واصبر اللي فالبيت
وعلشان ماخذت شركه معينه اعتمدت على عمال شغلهم ممتاز وارخص من سعر السوق فخذ وقت معاي
ربي يهنيج ويسعدج ويمتع عيونج بالتجديد وهالله هالله بالاذكار عقب مايجهز البيت ترى العين حق لاتسوين مثلي صكوني بعين الله المستعان
الصور بكره ان شاءالله ولايهمج بصور لج اللي سويته بالبيت بس ماعندي صور لقبل الهدم حسافه كان شفتي الفرق
تقريبا باقي لي قطع الديكور انسق المكان به بس قلت عقب ان شاءالله لظروف الولاده
وان كان عندج افكار يلا على ايدج :victory:

ضوى

22-04-2010, 03:37 PM

http://www.flickr.com/photos/29982421@N07/4089163333/
اهم شي:
خارطة البيت
والمبلغ الي راح تمشين عليه

تسلمين الشيخة ماقصرتي

التعديل الجاي ان شاء الله :shy:

شـــوق

22-04-2010, 04:49 PM

بالتوفيق اختي ضوى

الله يهنيج بالتجديدات

متابعــــه..:)

ضوى

22-04-2010, 10:47 PM

العذر والسموحه اقتبست ردج بشكل سريع .

شاركينا المخطط والديكور الجديد .. و منكم نستفيد

ان شاء الله باكون سباقة بهالشئ لهالمنتدى

QAT2020

23-04-2010, 01:42 PM

ماشاء الله على التوسيعات الرائعه ،، والله يهنيكم يارب

اختي ضوى الله يبارك فيج ابي رقم المقاول ورقم المصمم ابي اسوي بيتي بفتح فيه ..

واذا طرشت لج اختي اعالي الجنان الارقام اللي عندها ياليت اطرشينهم لي لاني حاولت اطرش لها على الخاص ولكن الخاص معطل عندها .

وجزاكِ الله خيرا ..

ضوى

23-04-2010, 02:53 PM

بغيت اخذ رايكم
شوفو هالصور

مكان التكسير اللي صار تقريبا 24 متر وعرض 30 سم

برايكم بشنو البسه ؟؟ سيراميك والا بورسلان والا لكم فكرة ثانية ؟؟ الرخام مستبعد لانه ماعجب شريك حياتي وانا محترمة رغبته جدا فشنو تنصحوني ؟؟ انتظر ارائكم

http://up.souqaldoha.com/get-4-2010-4v3fgl3a.JPG (http://up.souqaldoha.com)

http://up.souqaldoha.com/get-4-2010-pev21gbo.JPG (http://up.souqaldoha.com)

http://up.souqaldoha.com/get-4-2010-jwozi959.JPG (http://up.souqaldoha.com)

http://up.souqaldoha.com/get-4-2010-ookjrjtd.JPG (http://up.souqaldoha.com)

مع العلم انه الموجود سيراميك ولونه بيج والصالة غير عن المداخل غير عن المطعم والمجلس بس كله لونه بيج

انتظر ارائكم

Chambray

23-04-2010, 10:28 PM

انصحج بالخشب

وهم قطر

24-04-2010, 12:01 AM

مرحبا بصاحبه الافكار

اقترح بانج تحطين نفس حجم السيراميك والي اشوفه اعتقد 40سم×40سم

بس بلون ثاني والي هو البني ومشتقاته عشان يحدد الجلسات واشوف انه في بابين صح

مش حلو مدخلين على مكان واحد خليه الباب الكبير يكفي يكون رئيسي

واشوف الحديقه يبيلها ترتيب بتطلع فنتستك

ضوى

24-04-2010, 12:29 AM

انصحج بالخشب

الخشب لا اخاف من النمل ويبي له طريقة تنظيف مختلفة

بس شكرا على الاقتراح

ضوى

24-04-2010, 12:34 AM

مرحبا بصاحبه الافكار

اقترح بانج تحطين نفس حجم السيراميك والي اشوفه اعتقد 40سم×40سم

بس بلون ثاني والي هو البني ومشتقاته عشان يحدد الجلسات واشوف انه في بابين صح

مش حلو مدخلين على مكان واحد خليه الباب الكبير يكفي يكون رئيسي

واشوف الحديقه يبيلها ترتيب بتطلع فنتستك

اهلا وسهلا اخوي الكريم

مكان التكسير تقريبا 30 سم بالضبط زايد ناقص شي بسيط ، تعتقد القى سيراميك بهالحجم ؟ 40 بعد زين بس ابيه بلون محايد تماما يعني يبي كانه قاطع للمداخل اتوقع بيكون حلو اللون البني اشوفه حلو ، اشرايك بالسيراميك شبيه الباركيييه لون بني خشبي ؟؟

بخصوص المدخلين ، اليوم اختي اقترحت هالاقتراح وجيت قلته لشريكي وطبعا اعجبه الاقتراح وايد ومن بكرة بنبدأ اغلاق مدخل واحد بالطابوق تماما اذا شفته المدخل اللي عاليمين اللي تبين فيه السيارات :)

بخصوص الحديقة ان شاء الله ناوية عليها نية غير شكل بس اخلص من داخل البيت وابدي في المطبخ وبعدها احول عالحديقة ، الحديقة تجنن مسوينها خارج البيت للاسف داخل البيت كله ليمون ومزروع بشكل عشوائي بس ان شاء الله بنرتبها

ضوى

24-04-2010, 12:05 PM

ومن قال يارب
اي والله ضوى 3 شهور اطلعت عيني صارت جذي:eek5:
كنت اخاف استعجلهم ويسون لي اي شغل ومايعجبني عقب فكنت صابره واصبر اللي فالبيت
وعلشان ماخذت شركه معينه اعتمدت على عمال شغلهم ممتاز وارخص من سعر السوق فخذ وقت معاي
ربي يهنيج ويسعدج ويمتع عيونج بالتجديد وهالله هالله بالاذكار عقب مايجهز البيت ترى العين حق لاتسوين مثلي صكوني بعين الله المستعان
الصور بكره ان شاءالله ولايهمج بصور لج اللي سويته بالبيت بس ماعندي صور لقبل الهدم حسافه كان شفتي الفرق
تقريبا باقي لي قطع الديكور انسق المكان به بس قلت عقب ان شاءالله لظروف الولاده
وان كان عندج افكار يلا على ايدج :victory:

الف الحمد لله عالسلامة وياربي مولود السعادة ان شاء الله

ننتظر الصور يالغالية :)

ضوى

24-04-2010, 06:22 PM

http://up.souqaldoha.com/s_thumbnailer-4-2010/asobwnf8.JPG

هذا السيراميك اللي اخترته للفواصل ، شكل الباركييه عرضه 30 سم وطوله 60 سم ، طلعت علي 45 حبة ل24 متر ب 650 ريال من نابينا ، اشرايكم ؟

ضوى

05-05-2010, 11:44 PM

[COLOR="Navy"][SIZE="4"][B]شوفوا اخر ماوصل له البيت ، الحمد لله الجبس خلص

http://up.souqaldoha.com/get-5-2010-xukiz5kw.JPG (http://up.souqaldoha.com)

http://up.souqaldoha.com/get-5-2010-pw3psw55.JPG (http://up.souqaldoha.com)

http://up.souqaldoha.com/get-5-2010-7ekpgt1b.JPG (http://up.souqaldoha.com)

http://up.souqaldoha.com/get-5-2010-7gaib5s1.JPG (http://up.souqaldoha.com)

http://up.souqaldoha.com/get-5-2010-xzl9oafo.JPG (http://up.souqaldoha.com)

وهم قطر

05-05-2010, 11:55 PM

ياســــــــلام يعطيج الف عافيه على المجهود لله يسعدج فيه

ضوى

06-05-2010, 09:01 AM

ياســــــــلام يعطيج الف عافيه على المجهود لله يسعدج فيه

والله يسعدك يارب

شاكرة مرورك الطيب

bo_hamad

06-05-2010, 09:06 AM

بيتاً عامراً أن شاء الله وبالتوفيج ضوي

ضوى

06-05-2010, 01:00 PM

بيتاً عامراً أن شاء الله وبالتوفيج ضوي

الله يعمر دنياك بالطاعة اللهم اميييييييييييييييييييييين

شاكرة لك اخوي بو حمد

راشد محمد

10-05-2010, 08:56 AM

بيتاً عامراً أن شاء الله وبالتوفيج ضوي

ضوى

10-05-2010, 12:52 PM

شكرا لك اخوي راشد
جزاك الله خير

ضوى

10-05-2010, 07:22 PM

شوفوا المرحلة الاخيرة من الشغل في البيت

هذي مرحلة الصبغ وابي رايكم في الالوان

http://www.gulfup.com/go.php?go=del&cd=b36affecc80edddd8c7cea49af7445cf

http://www.gulfup.com/lives/12735082072.jpg (http://www.gulfup.com/info.htm)

هذا اللون اللي عجبني وان شاء الله راح استقر عليه

http://www.gulfup.com/lives/12735082073.jpg (http://www.gulfup.com/info.htm)

وهذا لون السيراميك

http://www.gulfup.com/lives/12735082074.jpg (http://www.gulfup.com/info.htm)

http://www.gulfup.com/go.php?go=del&cd=317cddff93eede0a4dd35a564596cdb6

http://www.gulfup.com/lives/12735082085.jpg (http://www.gulfup.com/info.htm)

وهذا تشكيلتين لصبغ الجبس نفس اللون بس التشكيلة غير

واحدة عروقها عريضة والثانية الفووم فيها اكثر
http://www.gulfup.com/lives/12735082086.jpg (http://www.gulfup.com/info.htm)

http://www.gulfup.com/lives/12735082087.jpg (http://www.gulfup.com/info.htm)

وهذا الصبغ اللي سواه لي كسنابل حتى اختار

http://www.gulfup.com/lives/12735082088.jpg (http://www.gulfup.com/info.htm)

الاصباغ اخترت من اليمين رقم 2 و3 و5 وكلها من درجات البيج

رايكم يهمني جدا

وهم قطر

11-05-2010, 12:36 AM

اختيار موفق في اللون والدرجه انا الي اشوفه احلى لانها متناسقه مع بعض

http://www.gulfup.com/lives/12735082085.jpg (http://www.gulfup.com/info.htm)

الكورنيش
http://www.gulfup.com/lives/12735082087.jpg (http://www.gulfup.com/info.htm)

انا اختار من اليسار رقم 1 لانه راكب مع الكرنيش نفس العروق
http://www.gulfup.com/lives/12735082088.jpg (http://www.gulfup.com/info.htm)

ضوى

11-05-2010, 12:38 PM

اختيار موفق في اللون والدرجه انا الي اشوفه احلى لانها متناسقه مع بعض

http://www.gulfup.com/lives/12735082085.jpg (http://www.gulfup.com/info.htm)

الكورنيش
http://www.gulfup.com/lives/12735082087.jpg (http://www.gulfup.com/info.htm)

انا اختار من اليسار رقم 1 لانه راكب مع الكرنيش نفس العروق
http://www.gulfup.com/lives/12735082088.jpg (http://www.gulfup.com/info.htm)

هلا اخوي الكريم

انا اخترت رقم واحد من اليسار اللي هو رقم 5 من اليمين :victory: بس للصالة الاولى ، صاروا جذي ثلثا صالات كل صالة اخذت لها لون للتنويع مع ان الالوان مقاربة كثييييييييير

شكرا لك لانه اختيارك يوافق اختياري وسوف اوافيكم بالتفاصيل ان شاء الله في حال ورودها :nice: