الفزعة تكفووون سؤال عن ناقلات

[ينساب]

مساكم الله بثوب الكعبة يااخوان
انا متابع لمنتداكم العامر من 6 اشهر ومكتفي بالمتابعة بدون مشاركة

انا اخوكم من السعودية وحطيت كل اللي وراي واللي قدامي بأسهم ناقلات وشريتها فوق الستين ريال

سؤالي وتكفون ابي اجابات تشفي قلبي المحروق

س/ هل ابيع عند اي ارتداد يوصلها لل 47 ريال وارجع اشتري اذا نزلت واعوض خسارتي بزيادة عدد الاسهم ؟

س/ انتظر ارتفاعها للستين واجمدها لأجل غير معلوم ؟

س/ اذا فيه ارتفاع مرتقب متى تتوقعون بيكون ؟ وبكم

باختصار ابي نصايحكم يااخوان ابي نصيحة اخوية مابي اتوهق اكثر من كذا

ابيع ولا لا على البلاطة

[خسران]

ما انصحك تبيع بخسارة، و الله العالم متى الارتفاع...
الصبر زين، كلنا صابرين :)
بالتوفيق انشاء الله :)

[الـــخـــلـــيـــج]

.



هلا بك اخوي


بأختصار



لا انصحك بالبيع








.

[ينساب]

شكر اخوي خسارن
شكر اخوي الخليج

طيب والحل !! اجمدها ولا ارجع اشتري بعد بالسعر هذا اللي ذبحني قهر ؟

[عليان]

إصبر أخي السائل ولا تبيع والقادم أفضل من اللي راح .

[خسران]

أنا ماني صاحب خبرة كبيرة في الأسهم، بس لو كنت بتجمدها راقب السوق من فترة لأخرى، أعرف ناس اشتروا بغالي و نزل السعر و رجع ارتع و ما تذكرا\وا أسهمهم الا بعد ما نزلت..
في ناس فاهمة في المنتدى فيهم الخير و بيفيدونك انشالله :)

[المخلب]

اذا عندك مبلغ حلو وناوي تعوض الخساره عليك بالدولي .. اسهم مجانيه 100% !! منها تستفيد ومنها انشاء الله تعوض خسارتك المريره

[الشرقاوى1]

لوجه الله

إشترى فى اوقت الحالى حتى توسطن السعر عند 40 - 45 وأنتظر

هذا سهم ذهبى

فلا تبيع بخساره ظاهرية ولكن إستمر فى الشراء فى هذا الوقت العصيب للبورصه ونزل متوسط السعر

[ينساب]

لو شريت بسعر 36 ولا حتى 40 اكون صح ولا غلط ؟
يعني اسوي تجميع للسهم باسعار نازله واعوض بعدد اسهم زيادة ولا اوقف وانتظر ؟ محتار ياجماعة

[المخلب]

ينساب ...

ياهو ... يااخوي ... تبي انت تشتري بس الناقلات !! وله عينك على شئ ثاني ..؟؟

اذا بس الناقلات فخذه على 35 الى 30 !

اما اذا شئ ثاني مالك الا الدولي .. وانت حر ..

[ينساب]

اذا عندك مبلغ حلو وناوي تعوض الخساره عليك بالدولي .. اسهم مجانيه 100% !! منها تستفيد ومنها انشاء الله تعوض خسارتك المريره



احلى مبلغ عندي حاليا عشرة الاف ريال ينفع ؟ :(

راحت المبالغ الحلوة في ناقلات وانا اخوك

[ينساب]

لوجه الله

إشترى فى اوقت الحالى حتى توسطن السعر عند 40 - 45 وأنتظر

هذا سهم ذهبى

فلا تبيع بخساره ظاهرية ولكن إستمر فى الشراء فى هذا الوقت العصيب للبورصه ونزل متوسط السعر


شلون ياخوي احسب توسط السعر عند 40 - 45 ؟

اخوك عليمي

[المخلب]

عشره الاف ريال ,,, تجيبلك تقريبا 21 سهم ! لو بسعر اليوم ..

ومع الاسهم الاضافيه يصيرون 42 سهم !

واذا الله اراد وبعتها على 550 ريال يصير عندك 23 الف ريال !

يعني 13 الف ريال ربح .. صافي

نعمه وانا اخوك !

[إنجاز]

عشره الاف ريال ,,, تجيبلك تقريبا 21 سهم ! لو بسعر اليوم ..

ومع الاسهم الاضافيه يصيرون 42 سهم !

واذا الله اراد وبعتها على 550 ريال يصير عندك 23 الف ريال !

يعني 13 الف ريال ربح .. صافي

نعمه وانا اخوك !

مع الأسهم الإضافية راح ينزل سعر السهم للنص .. يعني على سعر اليوم 230 ويمكن جدا أقل

خبرك متى ممكن يوصل ال 550 ؟

أشوفها صعبة

تحياتي

[KhalidQ]

لو شريت بسعر 36 ولا حتى 40 اكون صح ولا غلط ؟
يعني اسوي تجميع للسهم باسعار نازله واعوض بعدد اسهم زيادة ولا اوقف وانتظر ؟ محتار ياجماعة


على سبيل المثال انت شريت 1000 سهم ب60 ريال
و شريت 1000 سهم ب36 ريال

صارو 2000 سهم 48 ريال
يعني في حالت وصول السهم 48 ريال لا خاسر و لا رابح

وانا اقول لو تنتظر سنة افضل تحصل على 25% في 2007

[الشرقاوى1]

مع الاسهم الاضافيه يصيرون 42 سهم !
واذا الله اراد وبعتها على 550 ريال يصير عندك 23 الف ريال !

ياجماعة الخير

لنكن واقعيين .... مضاربات 2005 الوهمية لن تعود .... فى تقدير عام 2007 سيصل سعره 350 فى أحسن الأحوال

[المخلب]

مع الأسهم الإضافية راح ينزل سعر السهم للنص .. يعني على سعر اليوم 230 ويمكن جدا أقل

خبرك متى ممكن يوصل ال 550 ؟

أشوفها صعبة

تحياتي


بل انت متحطم كلش !

ماقول مستحيل بس بعالم البورصه يقولك اذا اقوى الاسهم طاحت معناها نسكر البورصه ابرك !

بالنسبه للدولي يعتبر من الاسهم الي ماسكه البورصه ! هو والصناعات والاسمنت والاسلاميه للتامين !

ولكن للاسف الخوف هو المسبب الاساسي للانهيار !

لكن اسمعني اخي العزيز .. تشكيل صندوقين من البنك الوطني كان مبادره جيده ولله الحمد ! ولكن نبي تطبيق يعني نبيهم يرفعون السوق .. !

ومااتوقع ينزل السهم الى السعر الي قلته الا اذا تبي المؤشر يصير 5000 نقطه !

[إنجاز]

على سبيل المثال انت شريت 1000 سهم ب60 ريال
و شريت 1000 سهم ب36 ريال

صارو 2000 سهم 48 ريال
يعني في حالت وصول السهم 48 ريال لا خاسر و لا رابح

وانا اقول لو تنتظر سنة افضل تحصل على 25% في 2007

شلون بيحصل 25% في 2007 أخوي ؟ .. مع الشكر

[إنجاز]

بل انت متحطم كلش !

ماقول مستحيل بس بعالم البورصه يقولك اذا اقوى الاسهم طاحت معناها نسكر البورصه ابرك !

بالنسبه للدولي يعتبر من الاسهم الي ماسكه البورصه ! هو والصناعات والاسمنت والاسلاميه للتامين !

ولكن للاسف الخوف هو المسبب الاساسي للانهيار !

لكن اسمعني اخي العزيز .. تشكيل صندوقين من البنك الوطني كان مبادره جيده ولله الحمد ! ولكن نبي تطبيق يعني نبيهم يرفعون السوق .. !

ومااتوقع ينزل السهم الى السعر الي قلته الا اذا تبي المؤشر يصير 5000 نقطه !


شكرا لك أخي الكريم .. وإن شاء الله السوق يتجه للأفضل

بالنسبة لسعر الدولي أخوي هو ما راح ينزل للنص من العرض والطلب .. وإنما اللي أعرفه أن أي شركة عندما تقوم بتوزيع أسهم مجانية يتم تعديل سعر السهم عند التوزيع أوتوماتيكيا بحيث يكون المجموع نفسه..

يعني الدولي اليوم 460 .. لو تم توزيع سهم مجاني وظل على نفس السعر .. ملاك السهم سيكون عندهم ضعف عدد الأسهم ولكن السعر سيتعدل تلقائيا للنص (حسب نسبة الأسهم الموزعة) فيصبح 230 ريال .. وهذا كان قصدي

شكرا لك مرة ثانية أخوي

[المخلب]

العفو .. وتسلم على الشرح

[الصقر10]

السلام عليكم ورحمة الله وبركاته
اخي المخلب اش تنصح اشتري بكره ناقلات ولابروه
عندي مبلغ بسيط وناوي على واحده من الشركتين

[الخليج العربي]

الأخ العزيز / ينساب

نصيحة من القلب لك " اصبر اصبر اصبر " لاتبيع نهائيا
أنا أعرف صديق اشترى ب 60 ريال ولا يفكر ببيعها اطلاقا حتى لو تصير بخمسه ريال أو مئة ريال لأن هدفه استثمار على مدى طويل

وأنا اشتريت ب 46.40 ولا افكر ببيعها ابدا

فسهم ناقلات من الأسهم التي لا تخوف والشركة ستعمل بمطلع 2007 ان شاء الله واتفقت مع شركه عالمية على بناء 8 ناقلات على ما أظن وأجرت عقد شراكة مع شركة الملاحة وعملت اتفاقية مع قناة السويس بخصوص عبور الناقلات
وفوق كل ذلك قطر الأولى بالعالم على مستوى الغاز والدوحة تعتبر عاصمة الغاز العالمي

فاصبر اصبر اصبر ولا تبيع ابدا

فلنفرض انك تملك 1500 سهم نقلات اشتريتها ب 60 ريال = 90000 ريال
فاذا بعتها ب 35 ريال = 52500 ريال

فاذا بعت السهم ب 35 ريال واشتريته ب 30 ريال فستكسب 250 سهم فسيصبح عدد اسهمك 1750 سهم .
لكن هل تضمن بعد بيعك للسهم ب 35 ان ينزل الى 30 ريال قد يرتفع ويصل الى الاربعينات فتكون بدلا من أن تربح 250 سهم خسرت 250 سهم أو أكثر فهنا تكون غامرت

فنصيحتي لك ( اصبر اصبر اصبر ) الخير أمامك باذن الله

فان كان عندك مبلغ زائد فاشتر الآن بناقلات .

فاسأل الله أن يوفقك ( فاصبر فان الصبر مفتاح الفرج )
فانسى سوق الدوحة الفترة الحالية أن كان ليس عندك سيولة تشتري حتى لا تتعب نفسيا والتفت اليه اذا صار المؤشر أخضراً .

[JULY]

انا مع كلاام الاخ الخليج العربي وارى ان رايه سليم ميه في الميه .

وماالك الا انك تشتري يا اخ ينساب في ناقلاات في اسعارها الحاليه على قد ما تقدر حتى تستطيع ان تعدل
سعرك اما العشرة الاف ريال اللي تقول عليها ما اعتقد انها تعدل السعر بشكل واضح واذا تبي نصيحتي
حط العشرة الاف في شركة بروه في سوق الدوحه او دانه غااز في سوق ابو ظبي .

مع تمنياتي بالتوفيق للجميع

[الرشيدي 64]

فسهم ناقلات من الأسهم التي لا تخوف

[ينساب]

الله يجزاكم بالخير جميعا بدون استثناء والله انكم شرحتوا لي اشياء ماكنت افهمها يرحم الاثنين اللي عقبوكم

بننتظر لو سنة واشوف اليوم مع بداية التدوال طمرت على 37 يارب بدون توقف ولا نزول

[المفكر]

اذا عندك فلوس اشتر :deal:

[المخلب]

السلام عليكم ورحمة الله وبركاته
اخي المخلب اش تنصح اشتري بكره ناقلات ولابروه
عندي مبلغ بسيط وناوي على واحده من الشركتين


هلا بالغالي ..

اسمحلي ماانتبهت على ردك ..بسرعه !

اذا تبي رااي الشخصي !

خذلك بروه على 25 ! لان سعر جدا جيد ! وخسايره متواضعه ورباحته مضمونه !! (( يعني ان نزل مابتخسر واجد لان تعويضه سريع ! وان ارتفع فانت ربحان بشكل جذري ! ))

اما الناقلات فخذها من سعر ..35 الى 30 بين هذين السعرين !! ولكن مااتقول ببيعها بعد شهرين او ثلاث بل خذها للاستثمار السنوي !! وخلال السنه ان شفتها ارتفعت بشكل جيد ومربح لك وانت محتاج فلووس خلاص بعها وانت مطمن ! اما لو صبرت ورقدت عليها !! فباذن الله راح تكون اسهم مفيده لك في ازماتك الي لاقدر الله يمكن تجيك باي وقت !

تحياتي لك .. اخوك المخلب ..