اتدور زوجة واهلك لقوا لك بالصفات اللي تبيها , لكنها مطلقة , هل توافق؟

[حبر سري]

السلام عليكم ورحمة الله


طبعا الموضوع واضح من عنوانه

هل ترفض على طول بدون حتى ماتسأل عن اي شي ثاني لايمانك بالمقولة اللي تقول:
لو فيه خير ماعافه الطير

ام ممكن توافق لأن الخطأ ممكن يصدر من غيرها ويمكن هي أساءت الاختيار في المرة الأولى؟

والعكس صحيح , لو تقدّم لج واحد مطلّق....


بصراحة

[بلوتنيوم]

النصيب هو الى يحكم بهذي الامور
وبعدين صعب واحد اهله يدورون له ويجيبون له مطلقة :)

[فارس الكلمة]

ردينا ..؟ :)

ينظر أولاً في أسباب الطلاق .. ثم يقرر الخاطب بعد ذلك ..

[qatar25]

موافق وبشده

صار لي فتره ادور على الثانيه ومب لاقي حد بالمواصفات الي ابيها

[بلوتنيوم]

موافق وبشده

صار لي فتره ادور على الثانيه ومب لاقي حد بالمواصفات الي ابيها


معقولة ؟؟!
شكلك متطلب بقوة :omen2:

[حبر سري]

النصيب هو الى يحكم بهذي الامور
وبعدين صعب واحد اهله يدورون له ويجيبون له مطلقة :)

هو صعب يابلوتنيوم , بس مهب مستحيل , يعني يمكن يقولون له عن بت عمه مثلا وهم عارفين اخلاقها وصفاتها وتكون مطلقة

وبعدين تصور لو واحد يدور وحدة , وهو لقى وحدة بالمواصفات اللي يبيها ومطلقة

هنيه السؤال

ومشكور عالمرور

[حبر سري]

ردينا ..؟ :)

ينظر أولاً في أسباب الطلاق .. ثم يقرر الخاطب بعد ذلك ..

ردينا حق شنو يافارس الكلمة؟

[بعيد النظر]

موافق وبشده

صار لي فتره ادور على الثانيه ومب لاقي حد بالمواصفات الي ابيها




ههههههههه مالك حل


ما اتوقع الاهل يدورون حق ولدهم ..
وحدة مطلقة ! وخصوصا" لو كانت الاولى !

اما لو الثانية اتوقع عادي !

[بـــــــنت النوخـّــــذه]

السلام عليكم ورحمة الله


طبعا الموضوع واضح من عنوانه

هل ترفض على طول بدون حتى ماتسأل عن اي شي ثاني لايمانك بالمقولة اللي تقول:
لو فيه خير ماعافه الطير

ام ممكن توافق لأن الخطأ ممكن يصدر من غيرها ويمكن هي أساءت الاختيار في المرة الأولى؟

والعكس صحيح , لو تقدّم لج واحد مطلّق....


بصراحة


بصراحه اذا حصلت مطلقه وعلى خلق ودين تزوجها 0000000000 الانسان مايعاقب على تجربه انكتب انها تفشل 00000000 اذا الله سبحانه غفور رحيم ابن ادم شديد العقاب على وشهو ؟؟؟؟

اعتقد الافكار المتوارثه اهي السبب بالتردد لدى البعض 000ولكن انا اقول احنا مهب اخير من الرسل والانبياء والصالحين الي تزوجو مطلقات وارامل وبنات ^_^

وعموما الي يبغي يتزوج سواء مطلقه ولا ارمله ولا بنت بس الاهم يتزوج وحده تناسبه من جميع الجوانب واهم شي (مقتنع فيها ومقتنعه فيه) انهم يعيشون على الحلوه والمره 00لان الطلاق وراد في كل الحالات اذا مافي توافق حتى حزه او فتره الخطبه واهم اسبابه عدم الاقتناع وعدم التوافق بين الطرفين 000<<رأي شخصي

[alawy]

والي صارله سنتين يتقدم ويرفضونه وتقدم حق وحده ووافقو عليه بس مطلقه هني شيسوي؟

اقصد يعني شي حس في نفسه

[بلوتنيوم]

والي صارله سنتين يتقدم ويرفضونه وتقدم حق وحده ووافقو عليه بس مطلقه هني شيسوي؟

اقصد يعني شي حس في نفسه

ما يحتاج يحس
بس يراجع نفسه ويسأل ليش يرفضوني :secret:

[حبر سري]

بصراحه اذا حصلت مطلقه وعلى خلق ودين تزوجها 0000000000 الانسان مايعاقب على تجربه انكتب انها تفشل 00000000 اذا الله سبحانه غفور رحيم ابن ادم شديد العقاب على وشهو ؟؟؟؟

اعتقد الافكار المتوارثه اهي السبب بالتردد لدى البعض 000ولكن انا اقول احنا مهب اخير من الرسل والانبياء والصالحين الي تزوجو مطلقات وارامل وبنات ^_^

وعموما الي يبغي يتزوج سواء مطلقه ولا ارمله ولا بنت بس الاهم يتزوج وحده تناسبه من جميع الجوانب واهم شي (مقتنع فيها ومقتنعه فيه) انهم يعيشون على الحلوه والمره 00لان الطلاق وراد في كلا الحالتين واهم اسبابه عدم الاقتناع وعدم التوافق بين الطرفين 000<<رأي شخصي


مرحبا يابنت النوخذة

كلامج صحيح من ناحية نظرية , بس من ناحية عملية وواقعية يابنت النوخذة , اعتقد ان المحاذير كثيرة , والتررد يزيد في مثل هالحالات , وقد يكون سببها الافكار المتوارثة , لان المطلقة اذا كانت تطلقت بسبب خطأ منها هي , مهما كان , فأكيد انها ممكن تكون مطلقة بخطأ من زوجها , مب شرط هي , لكن ارجع واقول اعتقد انها صعبة يابنت النوخذة

وعلى فكرة في شق ثاني من السؤال ماجاوبتيه :
اذا تقدم لج واحد مطلق , وشراح يكون ردج؟

والسموحة
ومشكورة عالمشاركة يابنت النوخذة

[Bu Rashid]

طبعاٌ موافق اخوي حبر سري
وهم هلي موافقيين ... هذى عز الطلب

المشكلة اخوي اذا واحد متزوج بنت عمه واراد الزواج من ثانيه
محد من الجماعه يروحوووون معه لطلب الزواج والخطبه :weeping:
واهل العروس يقولووون طالما انت جاي تتقدم للبنت جيب هلك وتعال :anger1:

[cristal]

ومن ناحية البنات ماعتقد بيخالفون لان البنات يدورون الستر واهم شي يكون الرجال محترم
تدري فى بعض الحريم مشوهيين

من ناحية النسبة اتوقع نسبة البنات اللى ياخذون مطلق اكثر من الشباب اللى ياخذون مطلقة
والسبب يكون فى اعتقاد بعض الناس ان العيب فى البنت مش الرجال
وان البنت اي زلة تأثر عليها عكس الشاب

:omen2:

[ماريسا]

لو أنا عزباء و طلب إيدي واحد مطلق بعرف نوعه أول شي هل بيقبل يتزوج وحدة مطلقة أو لا و ذيك الساعة أقرر
مابي أخذ واحد تفكيره علي حلال و ع البنات حرام

[إنسان عادي]

السلام عليكم ورحمة الله


طبعا الموضوع واضح من عنوانه

هل ترفض على طول بدون حتى ماتسأل عن اي شي ثاني لايمانك بالمقولة اللي تقول:
لو فيه خير ماعافه الطير

ام ممكن توافق لأن الخطأ ممكن يصدر من غيرها ويمكن هي أساءت الاختيار في المرة الأولى؟

والعكس صحيح , لو تقدّم لج واحد مطلّق....


بصراحة

لو أنا مااوافق .. مب لعيب في المطلقة ولكن أحب أبطل البيبسي بروحي ومااشرب ورى حد !!
لكن اذا كان الواحد مطلق فياخذ مطلقة . تحياتي وتقبل مروري

[عضو مشاكس]

اعضاء المنتدى صايرين اجتماعيين وايد الفترة الاخيرة وخلو الاسهم

موافق لامانع

[جراح]

احذر من اللي طلقت مرتين!

[هبة ريح]

لو تقدم لي واحد مطلق اكيد بشوف شسبب الطلاق

يمكن عدم توفيق او مافي سبب ويمكن السبب فيه

او سبب خارج عن ارادته كتدخل اهله او ماكان مقتنع

لانه ساعات اشوف المطلق فاهم الدنيا اكثر ,,

واي شابه ماتقبل انها تاخذ مطلق لانها تبي واحد
ماكان على علاقه من قبل بمره غيرهاا
بس انا ماشوف ان المطلق فيه شيء
يمكن لانه جرب هالحياهـ بس اهم شيء
انشوف شسبب الطلاق ومو منه من اطراف ثانيه

‘‘‘‘ اكثرت مواضيع الطلاق في المنتدى .. الله يستر على الجميع ويوفقهم ,,,,,""

[دلوليانوز]

بشروط...

[حبر سري]

اعضاء المنتدى صايرين اجتماعيين وايد الفترة الاخيرة وخلو الاسهم

موافق لامانع


ملاحظة حلوة , بس ياريتك املاحظ بعد ان احنا في المنتدى العام اخوي , منتدى الاسهم ترى في مكان ثاني , وصعب اني اكتب موضوع عن الاسهم في المنتدى العام , اتمنى اتكون فهمت السالفة

[ام السعف]

النصيب هو الى يحكم بهذي الامور
وبعدين صعب واحد اهله يدورون له ويجيبون له مطلقة :)

اتفق معاك

[(الفيصل)]

المسائل هذه (لاتؤخذ هكذا) :)
فياما (مطلقات) حالهن أفضل من (أبكار) خلقاً وديناً ونسباً ومالاً وجمالاً
وربما العكس ليس بصحيح

ورأي الشخصي
أن المقبل على الزواج اذا كان (أعزب) أي لم يسبق له الزواج
وكان أمامه خيارين (الاولى مطلقة والثانية بكر ) وبهن ذات المواصفات فالاولى أن يتزوج البكر والاخيرة (افضل بلاشك).

فعن سالم بن أبي الجعد عن جابر بن عبد الله قال قال لي رسول الله صلى الله عليه وسلم أتزوجت قلت نعم قال بكرا أم ثيبا فقلت ثيبا قال أفلا بكر تلاعبها وتلاعبك

وتعليل ذلك لما فيه من الألفة التامة فإن الثيب قد تكون متعلقة القلب بالزوج الأول فلم تكن محبتها كاملة بخلاف البكر

[حليتان*]

عاادي ...اتزوج مطلقه اذا كانت على خلق ودين وبنت حلال ماعندي مشاكل ...


انت جاوب على سؤالك يا حبر سري

[حبر سري]

انت جاوب على سؤالك يا حبر سري

[quote=حبر سري;5678375]مرحبا يابنت النوخذة

كلامج صحيح من ناحية نظرية , بس من ناحية عملية وواقعية يابنت النوخذة , اعتقد ان المحاذير كثيرة , والتررد يزيد في مثل هالحالات , وقد يكون سببها الافكار المتوارثة , لان المطلقة اذا كانت تطلقت بسبب خطأ منها هي , مهما كان , فأكيد انها ممكن تكون مطلقة بخطأ من زوجها , مب شرط هي , لكن ارجع واقول اعتقد انها صعبة يابنت النوخذة

وعلى فكرة في شق ثاني من السؤال ماجاوبتيه :
اذا تقدم لج واحد مطلق , وشراح يكون ردج؟

والسموحة
ومشكورة عالمشاركة يابنت النوخذة[/quote

[إينشتاين]

الي اعرفه إن المرأه لا تنسى أول رجل وأول علاقة في حياتها، صعب على الرجل أن يرتبط بزوجة وهو ليس متأكد أنها نسيت

الرجل الأول تماماً،، حتى لو كان هناك مشاكل أدت لطلاقها فستبقى تتذكر اللحظات الجميلة مع الزوج السابق.

[الـقـاسـي]

عن نفسي مارضى اتزوج وحده مطلقه ..
مب عشان شي لكن انا اذا بيكون اول زواج لي لاوالله ابي وحده ماتزوجت من قبل ولا شي ..

ابيها تتعود علي انا من البداية .. تتعود على طبايعي على عاداتي ..
انا شدراني اللي قبلي كان معودها على شنو .. بعض الرجاجيل يخربون الحريم ..

[ســـهم]

الي اعرفه إن المرأه لا تنسى أول رجل وأول علاقة في حياتها، صعب على الرجل أن يرتبط بزوجة وهو ليس متأكد أنها نسيت

الرجل الأول تماماً،، حتى لو كان هناك مشاكل أدت لطلاقها فستبقى تتذكر اللحظات الجميلة مع الزوج السابق.


لا اعتقد ذلك صحيح بنسبة 100 %

وان كان كذلك ربما ينسيها الرجل الثاني حتى أهلها :eek5:

بالنسبه لي ليس هناك مانع فالسؤال هذا اخي حبر سري ينم على ان هناك فكره

ان المرأه دائما هي المتسببه في الطلاق وأن الخطأ عليها فقط

مع العلم انه الرجال والنساء كلهم ينتمون الى بني البشر اي انه ليس هناك انسان معصوم

سواء كان رجل او امرأه ولكن اعترف لك اخي الكريم ان صبر المرأه على الرجل ليس كصبر

الرجل على المرأه

لذلك سأوافق وكأنها لم تتزوج بعد وبالعكس ربما تكون افضل من التي لم تتزوج بعد

وذلك لانها اصبحت عندها خبره في الحفاظ على حياتها الاسريه من التفكك ..

[(الفيصل)]

الي اعرفه إن المرأه لا تنسى أول رجل وأول علاقة في حياتها، صعب على الرجل أن يرتبط بزوجة وهو ليس متأكد أنها نسيت

الرجل الأول تماماً،، حتى لو كان هناك مشاكل أدت لطلاقها فستبقى تتذكر اللحظات الجميلة مع الزوج السابق.

ليس بالضرورة
وأحدى المطلقات تُقسم بالله أنها بعدما تزوجت من شخص (ثاني) أكتشفت أنها كأنها لم تتزوج من قبل !! وذلك بلاشك من توفيق الله لها وظفرها بذلك الزوج (الناجح) من (مجاميعه) :) .

[المقاول 1]

غالبا مستحيل الرجل يطلق زوجته بدون سبب وجيه لانه هو من تحمل الديون ليتزوج

لذلك البعد عن المطلقات نعمه وعافيه ولو فيها خير معافها ابوعيالها

الى اذا زوجها اعرف انه شراب صايع وبعد التحقق نعم اتزوجها

[STAR]

والي صارله سنتين يتقدم ويرفضونه وتقدم حق وحده ووافقو عليه بس مطلقه هني شيسوي؟

اقصد يعني شي حس في نفسه

شنو سبب الرفض؟؟؟!!



لو أنا مااوافق .. مب لعيب في المطلقة ولكن أحب أبطل البيبسي بروحي ومااشرب ورى حد !!
لكن اذا كان الواحد مطلق فياخذ مطلقة . تحياتي وتقبل مروري

تشبيه سوقي مع احتراماتي لك...:(

[(الفيصل)]

اتمنى من جميع الاعضاء أن يلتزموا (الادب)
ويحترموا مشاعر المطلقات والارامل
ومن ليس عنده خير كلام (فليصمت)

[المقاول 1]

[quote=(الفيصل);5679991]اتمنى من جميع الاعضاء أن يلتزموا (الادب)
ويحترموا مشاعر المطلقات والارامل
ومن ليس عنده خير كلام (فليصمت)
[/quote

تبي الكلام الصحيح ترى هو الخير الي يعالج مع التشخيص الصادق

تبي المجامله وتخش راسنا في ارمل مثل النعام حاضرين

بس الى يوم الدين مافيه علاج بدون التشخيص الحقيقي

[بن موسى]

عندما اراد الاخ الاصغر للغيهبان ان يتزوج وسأل اخوه وكان يلعب بجريد النخل 0 عن الزوجة المناسبة 0 قال له
احذر من ام الجرس --كثيرة الكلام
احذر من ام الحرس -- ام اولاد من قبلك
احذر عشبة الدار --عاد هذي شفلك حل معها وياكثر الديار وعشوبها في هذا الزمن
وابعد من طريق الفرس -- الهبلة

[امـ حمد]

الرسول صلى الله عليه وسلم تزوج خديجه رضي الله عنها مطلقه وعندها اولاد وبعد اكبر منه

وكل واحد بياخذ نصيبه

[Bu Rashid]

الرسول صلى الله عليه وسلم تزوج خديجه رضي الله عنها مطلقه وعندها اولاد وبعد اكبر منه

وكل واحد بياخذ نصيبه



بارك الله فيك اخت ام حمد

[عبدالمحسن]

وش فيها لو مطلقه !!


بس باقول شي



لو فيه بنتين وكلهم نفس اللي موصافات البنت اللي ابيها وحده بكره والثانيه ثيّب

اكيد بختار البنت


بس لو مالقيت الا مطلقه !! ماراح اتردد




وفي الاخير اذا تبي ترتاح ( دور على راعية الدين )




احترامي

[العديد]

اتمنى من جميع الاعضاء أن يلتزموا (الادب)
ويحترموا مشاعر المطلقات والارامل
ومن ليس عنده خير كلام (فليصمت)


بعض الاعضاء مراهقين تحت السن 18 مايعرفون يعبرون
والبعض مراهق في الكبر لايتقن استخدام الالفاظ

[ثرية]

اهم شي نعرف شنووووووووو سبب الطلاق على اساسه نحكم اذا تصلح او ماتصلح ناخذها حق ولدنااااااااااا
لان المطلقه ادميه وبنت احسسن نااااااااااااس وخلووقه بس الظروف والاختيار السيئ خلاها ضحيه للطلاااااق

[ودي أكون]

عني انا افضل اكون الالى والاخيره ..



في حياة الزوج :)

[ثرية]

الي اعرفه إن المرأه لا تنسى أول رجل وأول علاقة في حياتها، صعب على الرجل أن يرتبط بزوجة وهو ليس متأكد أنها نسيت

الرجل الأول تماماً،، حتى لو كان هناك مشاكل أدت لطلاقها فستبقى تتذكر اللحظات الجميلة مع الزوج السابق.

واذا ماكانت في لحظات حلووووووووووه من الاساس هل بتبقى على ذكراه وبتتتذكره طبعا لا
لان انمسح من ذاكرتها الا ماله وجود اصلا

[ثرية]

لو أنا مااوافق .. مب لعيب في المطلقة ولكن أحب أبطل البيبسي بروحي ومااشرب ورى حد !!
لكن اذا كان الواحد مطلق فياخذ مطلقة . تحياتي وتقبل مروري


اللحين المره يشبهونها بالبيبسي بوريال ونص اللحين للمطلقه يدفعون لها مهر 50 الف
على االاقل شبها بشي سنع سياره مرسيدس مرجعه في الوكاله

[الأصيلة]

موافق وبشده

صار لي فتره ادور على الثانيه ومب لاقي حد بالمواصفات الي ابيها


إن شاء الله بتلقاها بس حط مواصفات معقولة
..
وما يتأخر الرجل بالزواج إلا من حط مواصفات مالها اول ولا آخر...
اخلص النية والله بيرزقك الزوجة والذرية

[بـــــــنت النوخـّــــذه]

ألي مترد من الزواج من مطلقه او ارمله عندي له سؤال:

هل اهي بالاول بتوافق فيك كزوج؟؟؟ لان احتمال ترفضك حتى لوكنت توك ماتزوجت ؟؟

ترى كلن له نظرته في حياته 000000فكل واحد قبل لا يقدم على الفكره يسئل نفسه هالسؤال هل بتوافق عليّ وبترضى بي كزوج اشلها على العين والراس؟؟؟000سواء بنت ولا مطلقه ولا ثيب 000000

[mlson]

اللحين المره يشبهونها بالبيبسي بوريال ونص اللحين للمطلقه يدفعون لها مهر 50 الف
على االاقل شبها بشي سنع سياره مرسيدس مرجعه في الوكاله



ههههههههههههههههههه


والله الحريم فيهم اللي تتمناه كل عين وكل قلب

وفيهم والعياذ بالله وأشهد أن لاإله إلا الله

الخارجه المسترجله الغوغائية الشاذة والعياذ بالله

الله يستر على ولايانا من هالنوعيات من الحريم

والمصيبة انة فية عينات منهم والله يستر عليكم لايعادونكم

[طلعة الروح]

انا افضل واحد ما شم رائحة الزواج من قبل
ومع ذلك في استثناءات بالنسبة للزواج من مطلق

[ام السعف]

بعض الاعضاء مراهقين تحت السن 18 مايعرفون يعبرون
والبعض مراهق في الكبر لايتقن استخدام الالفاظ

اتفق معاك

[STAR]

بعض الاعضاء مراهقين تحت السن 18 مايعرفون يعبرون
والبعض مراهق في الكبر لايتقن استخدام الالفاظ

العديد السالفة مب سالفة مب عارفين يعبرون...او خانهم
التعبير...لا

هم قاصدين للكلام وهاي الشي يرجع للعادات والتقاليد
الموروثة من الجاهلية والخاطئة والنظرة الخاطئة...

اي والله قوطي بيبسي مادري عصير بنص...
والقهر اللي تقولك سيارة..‏!!!‏
شر البلية مايضحك...

[STAR]

ألي مترد من الزواج من مطلقه او ارمله عندي له سؤال:

هل اهي بالاول بتوافق فيك كزوج؟؟؟ لان احتمال ترفضك حتى لوكنت توك ماتزوجت ؟؟

ترى كلن له نظرته في حياته 000000فكل واحد قبل لا يقدم على الفكره يسئل نفسه هالسؤال هل بتوافق عليّ وبترضى بي كزوج اشلها على العين والراس؟؟؟000سواء بنت ولا مطلقه ولا ثيب 000000

:victory:

[بوحارب]

اذا ماعندها ورعان اوافق

واحد من ربعي توه خاطب مطلقة لأنه صفاتها طيبة

يسلمو حبر سري

[HADi]

التكرار يعلم الشطار :)

اعتقد ان التجربه الثانيه في الزواج تكون بنضوج اكثر .. بسبب الخبره

واقصد في الخبره اهي التغلب على المشاكل ..

فالكثير من حديثي الزواج يقعون في مشاكل كثيره واغلبها تكون مشاكل من عدم الخبره في الحياه

فالزوج يفرض رجولته والزوجه العكس .... وللاسف كثرة الطلاق على هالامور ...


فايمكن في الزواج الثاني يكون في تفهم وعقلانيه اكثر

[هدهد سليمان]

وين المشكله في المطلقه .. ليش تكون دائما هي الضحيه .. ليش ما يكون طليقها مب كفوا او من اصحاب السوابق .. يا جماعه والله انها بشر ولها احساس ولا تظلمون المطلقات .. عن نفسي متزوج ولله الحمد لكن ما عندي مانع اتزوج مطلقه !! مب عيب ولا حرام .. والرسول عليه افضل الصلاة والسلام تزوج من مطلقه .. اعتقد انتم مب احسن من ظفر الرسول صلى الله عليه وسلم ..

[بوخالد911]

متااابع........

[نااااني]

موافق وبشده

صار لي فتره ادور على الثانيه ومب لاقي حد بالمواصفات الي ابيها




جعلك ما تلاقيها
لك ولجميع اللي يتزوجون على حريمهم:anger1:

[نااااني]

ما فيها شي المطلقه
اصلا اسباب الطلاق كلها ترجع للرجال وكثرت خيانتهم؟؟؟؟؟؟؟؟؟؟؟؟؟؟

[بـــــــنت النوخـّــــذه]

جعلك ما تلاقيها
لك ولجميع اللي يتزوجون على حريمهم:anger1:

كككككككككككككك
:funny: احسها طالعه من قلب

[بـــــــنت النوخـّــــذه]

ههههههههههههههههههه


والله الحريم فيهم اللي تتمناه كل عين وكل قلب

وفيهم والعياذ بالله وأشهد أن لاإله إلا الله

الخارجه المسترجله الغوغائية الشاذة والعياذ بالله

الله يستر على ولايانا من هالنوعيات من الحريم

والمصيبة انة فية عينات منهم والله يستر عليكم لايعادونكم


صراحه في ناس يستاهلون ال00
000مادري ليش هالعدوانيه على المرأه والنظره التشائميه اعوذ بالله00000

[إنسان عادي]

جعلك ما تلاقيها
لك ولجميع اللي يتزوجون على حريمهم:anger1:

:eek5::eek5::eek5:

[سوق واقف]

ليس عيبا أن نأخذ مطلقة

بإذن الله الثانية

[المغروره]

اذا مافيه عيب ودين وخايف الله ليش لا مو كل رجال فيه عيوب
الفعل والصلاه والدين والاخلاق اهم من كل شي
تحيااتي

[وديمة]

يؤسفني بعض الردود التي تدل على مستوى تفكير أصحابها واتمنى من أعضاء المنتدى انتقاء الكلمات اللائقة بمستواهم لان كل رد يعكس مستوى التفكير لصاحبه ولدولته فلنرتقي بتفكيرنا ياجماعه فهذا المنتدى ليس حكرا على اي عضو فكل دول الخليج متتبعين لهذه المواضيع بمنتدنا لأهميته وبالنسبه للموضوع نفسه انأ أرى ليس عيبا الزواج من مطلق او مطلقة وليس هناك داعي لمعرفة أسباب الطلاق فكل ذلك يرجع لعدم توافق مستوى التفكير بين الزوج وزوجته والله يستر على الجميع واحب ارد على الأخت نااااني لايجوز ياأختي الفاضلة أن تحرمي ماأحل الله في كتابه الكريم

[مضارب مستثمر]

السلام عليكم ورحمة الله

اهل زمان في قطر و الخليج ماكانوا يتركون

مطلقه او ارمله,,,,,يدوب تنتهي عدتها الا وتتزوج

كانوا يدركون معاني الحياه صحيح و يبحثون عن الستر

و الاجر العظيم,,,,,,والان اصبح الزواج من مطلقه او مطلق

والارمل او الارمله ,,,,اصبح معياره,,:omg:,,و الله زمان ,,:eek5:,,,,

[تهامي باشا]

عــــــــــــادي

[تهامي باشا]

السلام عليكم ورحمة الله

اهل زمان في قطر و الخليج ماكانوا يتركون

مطلقه او ارمله,,,,,يدوب تنتهي عدتها الا وتتزوج

كانوا يدركون معاني الحياه صحيح و يبحثون عن الستر

و الاجر العظيم,,,,,,والان اصبح الزواج من مطلقه او مطلق

والارمل او الارمله ,,,,اصبح معياره,,:omg:,,و الله زمان ,,:eek5:,,,,


كلامـــــــك صحيـــح لكن الستر والأجر هو السبب الثاني لهذا النوع من الزيجات
السبب الأول كان قلة عدد النســــاء بالنسبة للرجال (بحسب كلام الشيبان)، عشان جي تلاقي سوق الحريم قبل ماشي ولو تطلقت ثلاث مرات
عكس الحين الريال الواحد يجابله اربع حريم

[مساهم عادي]

موافق حتى لوكانت هي الزوجة الأولى لي

[البيان]

في مجتمعنا صعبة صعبة الواحد ياخذ اول وحدة مطلقة بياكلونه الناس بلسانهم - اما الثانية مو مشكلة
لو قلتلي ليه باقولك عادات جرت كذا - وعن نفسي ماعندي مشكلة اخذ اول وحدة مطلقة بس اخوك متزوج

[ام السعف]

السلام عليكم ورحمة الله

اهل زمان في قطر و الخليج ماكانوا يتركون

مطلقه او ارمله,,,,,يدوب تنتهي عدتها الا وتتزوج

كانوا يدركون معاني الحياه صحيح و يبحثون عن الستر

و الاجر العظيم,,,,,,والان اصبح الزواج من مطلقه او مطلق

والارمل او الارمله ,,,,اصبح معياره,,:omg:,,و الله زمان ,,:eek5:,,,,

عقول بعدها ما انضجت تنظر للموضوع نظرة المحتاج الى لعبة مغلفة
متناسين ان الإنسان يختلف كليا عن البضائع المباعة ،،

[بنت^البحرين1]

حسبي الله ونعم الوكيل على كل واحد قاعد مجابل الشاشة ويكتب عالكيبورد ويستهزء في المطلقات او يرميهم بكلام سخيف ... واخص بالذكر اللي كاتب ومشبه المرأة ب" قوطي بيبسي" .. وأعلم ان الدنيا يوم لك ويوم عليك

كل واحد يقعد ويرمي المطلقات بكلام ربي بيراويه وبيشوف عاقبة كلامه القاسي ..

والله العظيم انكم بعيدين كل البعد عن تعاليم الاسلام ... اذا الرسول عليه الصلاة والسلام تزوج من خديجة وهي أم أولاد وهو أصغر منها .. انتوا الحين افضل من خير الخلق ؟؟

الحين شرط كل المطلقات شينات وسيئات خلق ؟؟ انتوا تعلمون الغيب؟؟ كم وحدة تطلقت ظلم وقهر؟؟ وكم وحدة تطلقت بعد ماشافت الموت من الريل اللي خذته ، من اصلا تتمنى انها تحمل لقب مطلقة جدام الناس ؟؟ من ماتبي تكون زوجة والله ساتر عليها ؟؟ حرام عليكم هالكلام والله

لو واحد من هاللي يستهزءون ويرفضون وينتقدون واللي كاتب لو فيها خير ماعافها ابو اعيالها .. اخته والا بنته والا وحده من هله هي المطلقة والله كان حس بنار تكوي قلبه من هالكلام اللي ينكتب ... لكن مقيولة النار ماتحرق الا رجل واطيها .. واللي يده فالماي مب مثل اللي يده فالنار ..

مافي فايدة والله لو نكتب مية سنة جدام بتظل في عقول متحجرة وجاهلة مثل بعض اللي كتبوا اهني

[STAR]

:eek5::eek5::eek5:

ياليت لو حطيت هالايقونات على تشبيهك :eek5:


:secret:

[بدون]

للأسف نظرة المجتمع للمطلقة و للمطلق نظرة سلبية لأن الكل يظن ظن السوء فيهما،، و لكن أظن أن الأهل عندما يجدون الصفات التي تعجبني عند مطلقة فلا بد من أن أسباب طلاقها كانت خارجة عن إرادتها. فمن ضمن شروطي أن تكون إنسانة ملتزمة ،، فهل هذه الإنسانة الملتزمة ستكون أقل شأنا من فتاة متبرجة؟ لا أعتقد!
و أولا و أخيرا يجب على الإنسان أن يستخير قبل كل شأن حتى يهديه الله سبحانه و تعالى إلى الرأي الصواب.

[الوعد2016]

العيب مرات من الرجل وليس من المراءه بنسبه لي بوافق لاني راح اعرف العيب من الرجل
ولكن للاسف عندما تطلق وحده يتم سوال الرجل واهله عن السبب وهنا يتم تكبير الموضوع لصالح الولد صد البنت وبالعكس عن البنت يتم تكبير المكشله ضد الولد
وللاسف بعض الامهات عندما يحدث الطلاق تشوفها بعبادها من بيت لبيت تكبر ضد الطرف الاخر ولكن الله عرف بالعقل والمنطق
واذا بتزوج مطلقه او غير مطلقه فراح يتم السوال عن صفات معينه اذا توافرت فن التى تتوفر فيها الصفات راح يتم القبول بها ختى لو مطلقه
والطلاق مش عيب ولا ينقص من البنت اي شي بالعكس بعضهم اخير من الرجل بالف مره وحفاظ على نفسها واهلها حدث الطلاق

[بدون]

حسبي الله ونعم الوكيل على كل واحد قاعد مجابل الشاشة ويكتب عالكيبورد ويستهزء في المطلقات او يرميهم بكلام سخيف ... واخص بالذكر اللي كاتب ومشبه المرأة ب" قوطي بيبسي" .. وأعلم ان الدنيا يوم لك ويوم عليك

كل واحد يقعد ويرمي المطلقات بكلام ربي بيراويه وبيشوف عاقبة كلامه القاسي ..

والله العظيم انكم بعيدين كل البعد عن تعاليم الاسلام ... اذا الرسول عليه الصلاة والسلام تزوج من خديجة وهي أم أولاد وهو أصغر منها .. انتوا الحين افضل من خير الخلق ؟؟

الحين شرط كل المطلقات شينات وسيئات خلق ؟؟ انتوا تعلمون الغيب؟؟ كم وحدة تطلقت ظلم وقهر؟؟ وكم وحدة تطلقت بعد ماشافت الموت من الريل اللي خذته ، من اصلا تتمنى انها تحمل لقب مطلقة جدام الناس ؟؟ من ماتبي تكون زوجة والله ساتر عليها ؟؟ حرام عليكم هالكلام والله

لو واحد من هاللي يستهزءون ويرفضون وينتقدون واللي كاتب لو فيها خير ماعافها ابو اعيالها .. اخته والا بنته والا وحده من هله هي المطلقة والله كان حس بنار تكوي قلبه من هالكلام اللي ينكتب ... لكن مقيولة النار ماتحرق الا رجل واطيها .. واللي يده فالماي مب مثل اللي يده فالنار ..

مافي فايدة والله لو نكتب مية سنة جدام بتظل في عقول متحجرة وجاهلة مثل بعض اللي كتبوا اهني

اختي بنت البحرين ،،، اتفق معاج في الرأي بأنه لا يصح لأحد أن يستهزئي بالمطلقات لأنهن بشر مثلنا مرت بهن ظروف قاسية و تحملن الكثير و أنا شفت الكثير من النساء من العائلة أو من الجيران اللي تحملوا الكثير علشان خاطر عيالهم ما يتشتتون و الأب و لا عنده فيها! مسوي العجب في المسكينة، ضرب و إهانات و أشياء أكبر و أكبر ، و الأم المسكينة صابرة. لو هذي الأم تطلقت لكانوا الناس استلموها مثل بعض الردود اللي هنا! بس الله فوق و يشوف و ان شاء الله كل وحدة الله بيجازيها أحسن جزاء و بيعوضها خير! و كذلك الرجال اللي يسترون على زوجاتهم بعد الطلاق،، و الجزاء من جنس العمل.
أما بالنسبة لبعض الأعضاء اللي اكتبوا مثل هالكلام فأعتقد انهم مراهقين ما مروا بتجارب الحياة اللي تخليهم يفكرون مية مرة قبل لا يكتبون ردود جارحة بدون تفكير في غيرهم.
عساج على القوة.

[شموووعة]

:cry2:

[الوعد2016]

من يشبه المطلقه بقوطي ببسي هل يرضى على امه او اخته او احد من اقاربه او ام عياله
للاسف عقليه قوطي الببسي مازالت منتشره

[قناص 787]

شسالفه ايسس فيه:eek5:

[ماريسا]

ما فيها شي المطلقه
اصلا اسباب الطلاق كلها ترجع للرجال وكثرت خيانتهم؟؟؟؟؟؟؟؟؟؟؟؟؟؟

المشكلة المرأة الي تطلب الطلاق بسبب خيانات الزوج بعد ما تسلم من الكلام الخبيث و يقعدون يقولون لها ماتعرف تتمسك بزوجها و ماتحسن التصرف و و و و مادري عبالهم المرة ماتعيش الا تحت ظل الزوج !! وش يحد الوحدة تستحمل خيانات او قلة أدب من شخص المفروض يكن لها أكبر احترام بما إنه تزوجها !!

[eve ~]

ما يمنع اخطب حق اخوي مطلقة اذا اعرف انها زينة وبنت نااس

في بنات تطلقوا وهم صغاار لان رياييلهم علل اشذنبهم :weeping:

وترى اغلب اسباب الطلاق من الرياييل والا الحريم مسااكين يرضون باقل الاشياء وحتى

هالاقل ما يلقوونه :weeping:

[قطرية7]

موافق وبشده

صار لي فتره ادور على الثانيه ومب لاقي حد بالمواصفات الي ابيها


حرررررام عليك:tease:

[قطرية7]

مو عيب ولا حرام اذا مرتاحين حق بعض والله يهدي الي يبي يتزوج زوجه ثانية كلها ايام وكلنا راحلين للدنيا الثانيه فما يسوى تكره زوجتك الاولى وعيالك فيك بسبة زواجك الثاني اقول امسك بيتك وحافظ عليه يمكن الزوجه مو مرتاحه معاك بس ساكته وصابرة ومتحملة ترى انت بايدك كل شي :omen2::tease:

[~~ الدانـه ~~]

ان صلحت الحياه في (الفراش) نجح الزواج


والمطلقه الاقدر على انجاحه لخبرتها السابقه في التعامل مع الرجال

[نجود]

اول شي يعرف سبب الطلاق مثل ماقلو
واذاكان لايوجد سبب من البنيه فليش لا

[fooz55]

والي صارله سنتين يتقدم ويرفضونه وتقدم حق وحده ووافقو عليه بس مطلقه هني شيسوي؟

اقصد يعني شي حس في نفسه

أنا مو فاهمتك يعني شنو [ شي حس في نفسة ] يعني اذا تزوجت بنت بتحس بنفسك امرك عجيب اذا انت ماتبي المطلقة من أساسه ليش تتقدم لها وأنت رافض الفكرة اصلاً ؟؟؟؟؟؟ وبعدين شنو الفرق بين البنت والمطلقة يمكن الله يبارك لك فيها ؟؟؟ ياريت تشيلون الافكار القديمة من راسكم [ افرض لسمح الله اختك بنفس الموقف اللي صار لك شنو بتقول ؟؟ اكيد بتقول اشفيها نصيبها ] اتمنى تكبرون عقولكم أكثر البنت يعني اللي ملاااااااك والمطلقة شيطان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مضارب مستثمر]

المطلقه الاقدر على انجاحه لخبرتها السابقه في التعامل مع الرجال

,,,,,,,,,,,,,:nice:,,,,,,,,,,,,,,,

[سوق واقف]

والي صارله سنتين يتقدم ويرفضونه وتقدم حق وحده ووافقو عليه بس مطلقه هني شيسوي؟

اقصد يعني شي حس في نفسه

ما هو أسباب رفضك

يا خوي كل بيت في ست سبع بنات دور وبإذن الله بتلاقي

[aldahnoon]

بنقبل فيها عادي
و شكرا على الموضوع

[عالم المحيطات]

ان صلحت الحياه في (الفراش) نجح الزواج


والمطلقه الاقدر على انجاحه لخبرتها السابقه في التعامل مع الرجال

مش شرط ... والفراش مش هو الاساس:eek5: