أبي رايكم ضروري

[متفائلــه]

السلام عليكم ورحمة الله وبركاته

أنا محتاره والله وأبي رايكم وخبرتكم :(

انا اول مره بشتغل وجاني عرضين

العرض الاول من الشركة الوطنيه للإيجاره القابضه

والعرض الثاني من جهاز الاحصاء

مب عارفه وش اختار والله وماعندي اي معلومه عن الوطنيه للإيجاره وشكلها شركه خاصه

انا شهادتي ثانويه عامه... اتمنى انكم تفيدوني بكل اللي تعرفونه وشنو الاحسن لي

وخاصه اني ماعرف اي شي عن قوانين الوظايف وماعرف شنو اللي لي وشنو اللي علي

وجزاكم الله خير كل خير :shy:

[الشمريه]

العرض الاول من الشركة الوطنيه للإيجاره القابضه

حطي عليها اكس ولاتفكررررررين ابد حتى الاعدادي ياخذونه

شركه خاصه من 7 الى 3
واحيان تقعدين الى 6 مساء

[هبة ريح]

ابعدي عن الشركات ولو انا بمكانج وخيروني بينهم بختار جهاز الاحصاء والله يوفقج

[Bu Rashid]

انصحك بالعمل في بجهاز الاحصاء الذي يتراسه الشيخ حمد بن جبر ال ثاني
ذو شخصيه عمليه وفكر راقي جداٌ ويحب التطور في العمل

وننتهز هذه الفرصه لنبارك له الترقيه الاخيره بمرتبة وكيل وزاره

[فتى الجود]

خلك مع اللى تبعيتهم للحكومة وابعد عن الشركات

أرشح لك جهاز الأحصاء

وعلى بركة الله

[(الفيصل)]

عليك بالإستخاره بارك الله فيك ووفقك لما يحب ويرضى

فقد أخرج البخاري من حديث جابر بن عبد الله قال: كان رسول الله صلى الله عليه وسلم يعلمنا الاستخارة في الأمور كلها كما يعلمنا السورة من القرآن يقول: "إذا هم أحدكم بالأمر فليركع ركعتين من غير الفريضة ثم ليقل: اللهم إني أستخيرك بعلمك وأستقدرك بقدرتك وأسألك من فضلك العظيم فإنك تقدر ولا أقدر وتعلم ولا أعلم وأنت علام الغيوب، اللهم إن كنت تعلم أن هذا الأمر (وتسمي حاجتك) خير لي في ديني ومعاشي وعاقبة أمري فأقدره لي ويسره لي ثم بارك لي فيه، وإن كنت تعلم أن هذا الأمر (وتسميه) شر لي في ديني ومعاشي وعاقبة أمري فاصرفه عني واصرفني عنه واقدر لي الخير حيث كان ثم رضّني به. فتصلي ركعتين من غير الفريضة (تطوعا) إذا أردت أن تقوم بأمر من الأمور، وتقول هذا الدعاء المذكور في الحديث، وتمضي في حاجتك، فإن كانت خيرا سييسرها الله لك وإن كانت غير ذلك سيصرفها عنك.
والله أعلم.

[تحداني]

.. جهاز الإحصاء ..
تتبع للدوله .. وتأخذين كامل حقوقك الوظيفيه ..
وحقوقك .. كمواطنه

.
.
ابتعدي عن الشركات الخاصه ..
لانها لا تحمل اي نوع من الأمان الوظيفي



الله يوفقك يارب
وينور طريقك .. ويناولك ما تتمنينه ان شاء الله




جملك الله برضى الرحمن

[بـــــــنت النوخـّــــذه]

مثل ماقالو خلج مع العمل الحكومي خصوصا" انج بنت بيكون اضمن واحسن من جميع الجوانب 000000000 سواء ساعات العمل اوالقوانين 00

وبالتوفيق

[(الفيصل)]

فضلاً على (الإستخاره) كاأصل
لاتلتفتين للجانب المادي فقط (كم بيعطوني الخ الخ)

لتسألي عن (طبيعة عملك ومكانه)
ولتحذري (العمل المختلط) فلو كان أحدهما (غير مختلط) فهو الاولى أن يتبع وهو خير لك في دينك ودنياك واخرتك

[المعارضة]

السلام عليكم ورحمة الله وبركاته

أنا محتاره والله وأبي رايكم وخبرتكم :(

انا اول مره بشتغل وجاني عرضين

العرض الاول من الشركة الوطنيه للإيجاره القابضه

والعرض الثاني من جهاز الاحصاء

مب عارفه وش اختار والله وماعندي اي معلومه عن الوطنيه للإيجاره وشكلها شركه خاصه

انا شهادتي ثانويه عامه... اتمنى انكم تفيدوني بكل اللي تعرفونه وشنو الاحسن لي

وخاصه اني ماعرف اي شي عن قوانين الوظايف وماعرف شنو اللي لي وشنو اللي علي

وجزاكم الله خير كل خير :shy:

ايش الوظائف المعروضة والراتب والدوام مكافاة نهاية الخدمة الاجازات يعني شروط العمل

[honey]

جهاز الاحصاء طبعا

[Mr.Mohammad]

اختي شوفي اوقات الدوام و الرواتب طبيعه الوظيفه..لازم بيطرشون لج وصف للوظيفة والتفاصيل و الراتب..وهل تابع لقانون الموارد البشريه بالنسبة للتقاعد اذا شركة خاصه و لا..وعلى هالاساس اتقررين و طبعا الاستخاره..


والله يوفقج ان شاءالله..

[ســـهم]

طبعا الاستخاره مسبقا

مع العلم انني لو كنت بمكانك فسوف اوافق على الوظيفه التي تضمن حقوقي ويشملها نظام التقاعد .

والقصد هنا بالطبع الاحصاء وليست الاجاره .

[мĨSѕ ƒAŞнîợʼn]

جهـــاز الاحصــــاء

لان شغــــل الشركــــات مب مضمـــــون

وبالتوفيــج ان ششاء الله

[دلوليانوز]

الاعلى راتباً

[شـــوق]

بالتوفيق اختي الكريمــــــــــــه..

[بوحسن2009]

الله يرزقج الى فيه الخير ..

[متفائلــه]

أخواني وأخواتي
الشمريه Qataria 3z Bu Rashid فتى الجود بنت النوخده honey سهم شوق الدلوعة دلوليانوز شوق بوحسن 2009

مشكورين والله على الرد وجزاكم الله خير

[متفائلــه]

الفيصل و تحداني الزمن

مشكورين والله على الدعاء والرد وجزاكم الله خير

[متفائلــه]

ايش الوظائف المعروضة والراتب والدوام مكافاة نهاية الخدمة الاجازات يعني شروط العمل

والله ما أستفسرت عن هالامور .. ان شاء الله بسأل عنها اذا رحت لهم

مشكور ع الرد وجزاك الله خير

[متفائلــه]

اختي شوفي اوقات الدوام و الرواتب طبيعه الوظيفه..لازم بيطرشون لج وصف للوظيفة والتفاصيل و الراتب..وهل تابع لقانون الموارد البشريه بالنسبة للتقاعد اذا شركة خاصه و لا..وعلى هالاساس اتقررين و طبعا الاستخاره..


والله يوفقج ان شاءالله..

ليش هو قانون الموارد البشريه مب شامل لجميع الجهات سواء حكوميه ولا لا ؟؟ :(
وشنو هو قانون الموارد البشريه بالنسبه للتقاعد :(

مشكور والله اخوي ع الرد وجزاك الله خير

[متفائلــه]

ما عليكم أمر ممكن حد يحط لي قانون الموارد البشريه أو يفهمني القانون على السريع :(

وشنو هو القانون بالنسبه للتقاعد :(

لاني ما أعرف شي والله :(

[بعيد النظر]

الله يعيينج ويوفقج فـ نفس الوقت ..
هذي مرحلة جديدة فـ حياتج !

واشوف انج تستخيرين وتسالين وايد ..

عشان يوم تداوميين ..
تداوميين وانتي مرتاحة !

[شـــوق]

ما عليكم أمر ممكن حد يحط لي قانون الموارد البشريه أو يفهمني القانون على السريع :(

وشنو هو القانون بالنسبه للتقاعد :(

لاني ما أعرف شي والله :(

الخبر الاكيد عند اختنا( ودي أكون)

ع السريع قانون التقاعد ينخصم من الراتب الاساسي تقريبا 5% شهريا لصندوق التقاعد ،، لما تكملين في الشغل 20 سنه بأذن الله تستحقين تقاعد براتب اساسي كاامل .. ع حسب علمي ..
ان شاء الله اهل الخبره بيفتون في الموضوع..:)

[ديموور]

جهاز الاحصاء طبعاً

احسن من الشركه الوطنيه

واتمنى لج التوفيق

خالص احترامي

[متفائلــه]

الله يعيينج ويوفقج فـ نفس الوقت ..
هذي مرحلة جديدة فـ حياتج !

واشوف انج تستخيرين وتسالين وايد ..

عشان يوم تداوميين ..
تداوميين وانتي مرتاحة !

صح كلامك والله :)
مشكور ع الرد وجزاك الله خير

[متفائلــه]

جهاز الاحصاء طبعاً

احسن من الشركه الوطنيه

واتمنى لج التوفيق

خالص احترامي

مشكور ع الرد :) وجزاك الله خير

[متفائلــه]

الخبر الاكيد عند اختنا( ودي أكون)

ع السريع قانون التقاعد ينخصم من الراتب الاساسي تقريبا 5% شهريا لصندوق التقاعد ،، لما تكملين في الشغل 20 سنه بأذن الله تستحقين تقاعد براتب اساسي كاامل .. ع حسب علمي ..
ان شاء الله اهل الخبره بيفتون في الموضوع..:)

مشكوره اختي شوق
أفدتيني والله .. وان شاء الله بسأل عندهم عن قانون التقاعد :)
جزاج الله خير :)

وياريت اللي يمرعلى موضوعي ويعرف شي عن قانون الموارد البشريه يفيدني :(

[Petroleum]

الاحصاء طبعاً

شركة الاجارة فاشلة و اليوم او بكرة بيشوفون لها صرفة

و في الاخير عليج بالاستخارة

[متفائلــه]

الاحصاء طبعاً

شركة الاجارة فاشلة و اليوم او بكرة بيشوفون لها صرفة

و في الاخير عليج بالاستخارة

خلاص ان شاء الله بختار جهاز الاحصاء :)
مشكور ع الرد اخوي وجزاك الله خير

[ماريسا]

الله يوفقج يالغلا

[ذيبه مزاجيه]

الله يوفقج ان شاء الله ^_^

[متفائلــه]

خواتي دانتيل وردي و ذيبه مزاجيه
مشكورين والله على الرد :)
والله يوفقهم وجزاكم الله خير