بعد ما زوجك الوالد متى تزورة في البيت في الاسبوع او الشهر او السنة ! ؟

[صلاتي]

أكد الله الوصية بالوالدين

في كتابه، وجعل ذلك من أصول البر، التي اتفقت عليها الأديان جميعًا، فوصف الله يحيى بقوله: (وبرًا بوالديه، ولم يكن جبارًا شقيًا) (مريم: 14) وكذلك وصف عيسى على لسانه في المهد: (وبرًا بوالدتي ولم يجعلني جبارًا شقيًا) وكذلك جاء القرآن فجعل الأمر ببر الوالدين بعد عبادة الله وحده، بعد التوحيد . . (واعبدوا الله ولا تشركوا به شيئًا وبالوالدين إحسانًا) (النساء: 36) (أن اشكر لي ولوالديك) (لقمان: 14) (وقضى ربك ألا تعبدوا إلا إياه وبالوالدين إحسانًا) (الإسراء: 23) وبخاصة الأم، فهي التي حملت الإنسان كرها ووضعته كرهًا، وتعبت في حمله وتعبت في وضعه، وتعبت في إرضاعه، ولذلك وصى النبي بها ثلاث مرات، وبالأب مرة واحدة

وبعد ما زوجك الوالد متى تزورة في البيت

في كل اسبوع مرة :secret:

في كل شهر مرة :omg:

في الاعياد :shy:

[cristal]

ابوي كل يوم يزور امه وابوه تقريباَ

يصلي العصر ويقعد عند ابوه
وعقب صلاة المغرب يزور امة ماعدا الايام اللي ينشغل فيها مايكون فى الدوحة

:nice:

[ولد العديد]

انا معاهم في نفس البيت بس في ملحق بس كل يوم ادخل عندهم وشوفهم وكلمهم بعد مرات ادخل عندهم شكثر وطول حتى مرات المره تقول لهم اطردوه ههههههه

والله كفايه كل ما شوفهم يدعون لك من قلبهم وتحس انهم مستانسين يوم يشوفونك

الله يخليهم لي

[ام مناير]

الله يجزي كل بار بوالديه الجنة ويوفقه دنيا وآخرة ، اسعدتني الردود السابقة لاني بصراحة عندي تحفظ كبير على بعض الرجال الي من يتزوج ينسى والديه بعد الزواج ، لاني عشت تجربة عجيبة ما كان يسعني امامها الا القول الله يهديك ولد عايش مع امه وابوه بنفس الفيللا لكنه ما يشوفوهم الا كل كم يوم ، وان مر عليهم يكون واقف عند الباب يسلم ويطلع ، الله المستعان والله يهدي الجميع ان شاء الله .

[(الفيصل)]

يعني زيارتهم بالاسبوع كثير !!
:rolleyes2:

للأسف أن (البعض) مايعرف قيمة والديه الا بعد فقدهم !!

جزاكم الله خيرا

[بوحارب]

انه واحد مافكر اطلع من عند الوالد ابداً

يازين الوالد لما يجيني الخيمة ويطلبني اسوي له كرك

وناسة مالها حل

والله يهدي الشباب اللي مايعرفون قيمة والدينهم


تسلم اخوي صلاتي

[مـــــنــاف]

سبحان الله .. الإنسان فـــينا (يهرول) للعـــمل , و(كريم) للمواجيب سواء أكان مدعوا (لحفل زفاف .. أو وليمه .. أو الجلوس مع أصدقائه) .!!

ولـــكنه للأســـف .. يتــــكاسل عن زياره (الوالدين) يوميـــاً .. فما هو الذي يمنعك مــن زيارتك لمنــزل (الخيــر والبركه) يوميــاً ولو لدقائق معدوده , وذلك (طـــــــمعاً) لرضاهم ودعوتــــهم المباركه والصادقه لــــــك .

وبارك الله فيكم , ويجزيكم كــل الخير

[غزلان]

من الى نشوفه ونسمعه يارب ماتصير بالسنه مره

شكرا

[تحداني]

.
.
.. اخي حاليا يسكن معنا في البيت ..
زوجته واعياله معطين للبيت جو ثاني .. عسى الله ما يحرمنا منهم ..
.
.
.
بعد كم يوم ان شاء الله .. سينتقلون لبيتهم الجديد ..
البيت الذي طالما انتظروه بفارغ الصبر ..
صحيح مكانهم راح يبين بشكل غير طبيعي ..
وراح نحزن لانهم راح يروحون .. بس هذه هي الحياه ..
ومن حق زوجته .. تنعم في بيت .. وتعيش حياتها بالطريقه التي ترضيها ..
ويبقى هذا مطلب كل امرأه ..
.
.



ياخوفي تكون زيارتهم مره في الاسبوع .. :(
لان هو معظم يومه في العمل ..
ويرجع البيت تعبان ما عنده وقت حتى لزوجته واعياله ...
يرد البيت على الساعه 7 على طول يتعشى وينام ..


.
.
ولكن نصيحه لكل من بقى امه وابوه على قيد الحاله ..
صلوهم .. فهم جنتكم وناركم .. ورضى رب العالمين من رضاهم ..

.
.



جملكم الله برضى الرحمن

[البحار00]

انا ابوي شبه يومي اشوفه

ااما امي اشوفها كل يوم الصبح قبل لا اطلع من بيتي اروح الدوام امر عليها اتقهوى عندها

لاني ساكن جنبهم

[Most Wanted]

انا تقريبا يوميا امر عليهم من الساعه 7 لين 9 وان صارت ظروف ماقدرت امر لازم اتصل اتطمن عليهم والحمدالله اخواني بعد نفس الشي والله لايغير علينا

[.. ام عبودي ..]

انا خاطري اشوفهم كل يوم

بس والله صعبه

انا اروح لهم فالريكند يوميين

وايام الاجازات يوم وترك ^_^

[ديموور]

ما يعرف قيمة الوالدين الا اللي فقدهم

والحمد لله ما طلعت ولا افكر اطلع بعيد عنهم

يعطيك العافيه

[نمـر]

الحمد لله كل يوم ثلاث مرات بعد صلاة الصبح والعصر وبعد المغرب وإن حسيت إنه ابوي تعبان رقدت عنده والله يخليهم يارب

[مـــــنــاف]

الحمد لله كل يوم ثلاث مرات بعد صلاة الصبح والعصر وبعد المغرب وإن حسيت إنه ابوي تعبان رقدت عنده والله يخليهم يارب


بارك الله فيك , ويجزيك كل الخير , ويكــثّر من أمثالك .

[الرويـس]

معاي في نفس البيت ولله الحمد

ومرات ما اطلع من عندهم الا يوم يقلبون السالفة جد
بعد ما كانت غشمرة ولعب

:p

[وهم قطر]

جزاكم لله خير في بر والدينكم

[شموخ العز]

جزاكم الله خير والله موضوع مهم زياره( الاب والام )مهمه وصدقوني فيها بركه وخير

المفروض حتى لو كنا ساكنين برأأأأ يجب بشكل يومي ان نزورهم

[صلاتي]

جزاكم الله خير والله موضوع مهم زياره( الاب والام )مهمه وصدقوني فيها بركه وخير

المفروض حتى لو كنا ساكنين برأأأأ يجب بشكل يومي ان نزورهم


:nice: :nice: :nice:

[ريمية قطر]

انا اذا بغيت اروح حق الوالد والوالده اتصل على خواتي كلهم عشان انطب عليهم مره وحده

[طماطه]

انا كل يووووم .. واحيانا تجينا ظروف واخليها يوووووووم وترك ..

والله يخليهم لنا يارب ..

[اسعاف]

ولدي جاء البارحة من شهر العسل

وعلى طول في بيتي

لأنه ساكن معاي

لين يشتد عوده ،ويجمع بيزتين، وبعدين يطلع على راحته