ليش ماتنقط ديونا [الأرشيف] - منتديات شبكة الأسهم القطرية

نون

03-04-2010, 05:54 PM

تعبنا من كثر دين والهم اراتب مابكفي لين اخر شهر كلن يطلبني حتى ابوي لة مبلغ عندي همي كبير ونفسية ضايقة بتقلون ليش مدينة بقولكم ساعدت زوجي قي اثاث البيت وشريت سيارة نوعها تيوتا فرويل ومتطلبات اخر ليش الاجنبي مستمتع بخير بلادي بلادي انا مب هواحسن سياير لة وحق زوجتة ؤاحس الفلل له وحنا في بيت شعبي ولابعد البورت كبن حق سايق يبغونها داخل البيت يعني فبلادنا ومضيقينا خاطري ااعرف شيخنا مايعرف بهم شعبة يعني لو كانو مايعرفون بحال الشعب شمعنا يعرفون بحال جزر القمر ودارفور وووووووووووووووووووووووووووو فلوس بلادي تروح برع وداخل حق الاجنبي وحنا لنا اللة صدقوني تعبت ونفسية تعبانة متى بيجي علينا دور وبنفرح بخير بلادي متى بيطيح ديني ودين كل موطن تربى على هل الارض ارض جدودنا الي ضحو برواحهم لها متى يارب متى

La Bella

03-04-2010, 05:56 PM

الله كريم والشعب يستأهل كل خير

simsim1963

03-04-2010, 06:23 PM

الحياه تغلى وتطلع الاسعار فوق الا الراتب موقف مكانه ما يتحرك . المشكله يقولون فيه فلوس وايد والميزانيه فايضه بس توظيف ما ميش وزيادة ماميش . شلون يستوي هالشكل ؟؟

ثرية

03-04-2010, 06:27 PM

خل في البدايه ينزلون ترقياتناااااااا الي لين اللحين معلقين ومب عارفين شمصيرنا قالوا يدرسونها شدعوه كل هاي دارسه قالوا بتنزل شهر اربعه مع اعتماد الميزانيه ولا شفنا شي

شدعوه وحقوقناااااااااااااا ضاعت هبااااااااااااءاَ

شـــوق

03-04-2010, 06:27 PM

الله المستعان يانون ،، مب حل ان الامير يقط ديون الشعب بالكامل ،، ممكن بعض الامور لكن مب كلها يعني اللي ماخذ سلفه من البنك مايجوز يجي ويسدد عنه ،، لأنه في ناس غير بينظلمون اللي هم ماخذوا سلفيات ،، لو مثلا القرض حق البيت ينلغي ويصير البيت ملك للشخص هذا معقول !!
انتي ممكن تشوفين بعض الحلول لمشكلتك ،، مثلا تستسمحين من الوالد بالبمبلغ اللي خذتيه منه او يسامحك بنص المبلغ ..
الله يسهل الامور..

بويوسف

03-04-2010, 06:36 PM

ادعي الله .. الدين من اسمه دين .. شي غريب انه احنا نطالب الحكومة باسقاط ديون خاصة فينا ؟ منطقي ان احنا نطالب بحقوق يحصل عليها الاجانب مثل التأمين الصحي والحصول على مبالغ لتعليم اولادنا في المدراس الخاصة .. ومنطقي مطالبتنا باسقاط فوائد قرض السكن الحكومي ..

من الممكن ان نلتمس من الحكومة اذا مارغبت في مساعدة مواطنيها بأن تشتري فوائد الديون ولأن البنوك والمصارف قامت بعملية استغلال ضخمة للمواطنين من خلال زيادة الفوائد بكل كبير وضخم .. فالأولى ان تشتري الحكومة هذه الديون المتضخمة بفعل الفوائد الربوية وتجعلها ديون بقرض حسن ..

بويوسف

03-04-2010, 06:37 PM

هذا لاينفي ان ديننا وواجبنا يحتم علينا مساعدة صاحب الدين الكبير والذي استدان لتعليم ابناءه او لمصاريف علاج او للحصول على سكن يؤويه .. الله يفك دين كل مستضيق يارب ويوسع عليه ويرزقه من الرزق الطيب والحلال ..

abdulla999

03-04-2010, 07:11 PM

الله يفرج الهم والشكوى لغير الله مذلة
ماسمعتي المثل لي يقول عمك اصمخ

بن موسى

03-04-2010, 08:00 PM

ادعي الله .. الدين من اسمه دين .. شي غريب انه احنا نطالب الحكومة باسقاط ديون خاصة فينا ؟ منطقي ان احنا نطالب بحقوق يحصل عليها الاجانب مثل التأمين الصحي والحصول على مبالغ لتعليم اولادنا في المدراس الخاصة .. ومنطقي مطالبتنا باسقاط فوائد قرض السكن الحكومي ..

من الممكن ان نلتمس من الحكومة اذا مارغبت في مساعدة مواطنيها بأن تشتري فوائد الديون ولأن البنوك والمصارف قامت بعملية استغلال ضخمة للمواطنين من خلال زيادة الفوائد بكل كبير وضخم .. فالأولى ان تشتري الحكومة هذه الديون المتضخمة بفعل الفوائد الربوية وتجعلها ديون بقرض حسن ..

اخي بو يوسف ولماذا الاستغراب اذا كنت لاتملك غير راتبك وهوا يساوي 7 او 10 الاف في الشهر0وتسكن ايجار 5 الاف في الشهر وعندك اولاد وزوجهة وام يبون لهم مصروف اكل وشرب بدون ملبس يكلفك من 2 ايلا 4 الاف ومصاريف للمدارس لاتقل 1500 ريال وقسط لسيارة تاخذهم للمستشفى اولاي مكان اخر 0 وفي نصف الشهر جاك اي ظرف طاري وعندما ذهبت لصدقيك اوقريبك لتستلف منة مايسد حاجتك لقيتة مثلك او اقل منك0 فماذا تفعل 00
بالمقابل يجيك شخص اجنبي ويؤضع على وظيفة يمكن لاصغر طفل من ابناء قطر ان يشغلها0 وهي حذاي للخيل - براتب 72 الف وسكن سوبر دلكس وسيارة وتلفون وعلاج وتذاكر وحتى بترول لسيارته00
فلماذا تستغرب من مطالبتنا لحكومتنا بتسديد ديوننا ولو لمرة واحدة ومن خير بلادنا وليس لها فضل في ذلك0

هدوء 2

03-04-2010, 08:05 PM

بصراحه زهقنا ولاعت جبودنا .......الدين صج هم يعني وين نركد وحنا أهل قطر باالشارع بيوتنا وطاحت واضطرينا ناخذ للبيت دين ...... الحال صار صعب صعب بصراحه صار عندي عادي لو . اسمع بس ف فاعل خير من برع البلد يسقط الدين بصراحه ماتأخرت عنه وايش ماتفسر تفسر

مالي ومال الناس

03-04-2010, 08:24 PM

لأن الشعب شوكته مكسوره .. محد ماسك مناصب إلا هوامير العقارات والتجارة

ولو فيه حد قريب من الشعب وحاس بمعاناته كان غير اشياء .. او .. نصح لهم بالخير

"الله يكتب اللي فيه خير"

بويوسف

03-04-2010, 08:26 PM

اخوي بن موسى الله يفك ضيقة كل مديون .. والله يعين الجميع .. طبعا اسقاط الديون كلها لو صار بيكون شي تاريخي في تاريخ الدولة .. ولكن اضعف الايمان وقد يكون اكثر منطقية واقناعا عند ولاة الامر هو ماتكلمت عنه وهو اسقاط فوائد القروض .. تخيل يعني لو كان الشخص عنده دين مليون ممكن تكون فوائدة اربعمائة الف او حتى نص مليون على المدى الطويل .. اسقاط مثل هذا المبلغ شي ليس بالهين .. بيكون فيه مساعدة كبيرة ..

حتى ديون قرض السكن الحكومي لانطالب باسقاطها بل نتمنى ان تسقط فوائدها لتكون قرضا حسنا للمواطنين ..

بوبندر

03-04-2010, 09:27 PM

في شي خفي....في موضوع الديون:pilot: ماظن محد يسمع
على العموم الحل عندي...يانون:swoon2: اظاهر هاذي نهايتك

كاتم الاسرار

03-04-2010, 09:32 PM

"الله يكتب اللي فيه خير"

بوجسمه

03-04-2010, 09:48 PM

الله يعيني ويعين الجميع ووسع علينا ضيقتنا يارب

لولوهـ

03-04-2010, 10:12 PM

بصراحه انتو في خير بس مب حاسين فيه والله ماتلقون مثل ديرتنا قطر قطر العز بس النعمه تبي حمد وشكر بس الملاحظ ان الناس تبي تعيش اكبر من مستواها يعني الي راتبه 10000 فيه الخير والبركه حمدوا ربكم وعيشوا على قدكم مب الوحده راتبها 10000 وتبي شنطه 4000 وتقول الراتب مايكفي ولا تشتري سياره فورويل ياختي اشتري سياره على قد مايكفي راتبج المشكله مب في الراتب المشكله في عدم القناعه والله لوالشيخ حمد الله يحفظه زود رواتبكم 50000 بعد بتقولون نفس الكلام زبدة الكلام ياناس لاتطالعون فوق عشان ماتنكسرارقبتكم

MP3

03-04-2010, 10:14 PM

خل يقطونها على ابهاتنا الشيبان المتقاعدين الي تدينوا عشان يدرسون عيالهم ويشترون سياره توديهم وتجيبهم

عقب خل يقطون عن الشباب

MP3

03-04-2010, 10:19 PM

بصراحه انتو في خير بس مب حاسين فيه والله ماتلقون مثل ديرتنا قطر قطر العز بس النعمه تبي حمد وشكر بس الملاحظ ان الناس تبي تعيش اكبر من مستواها يعني الي راتبه 10000 فيه الخير والبركه حمدوا ربكم وعيشوا على قدكم مب الوحده راتبها 10000 وتبي شنطه 4000 وتقول الراتب مايكفي ولا تشتري سياره فورويل ياختي اشتري سياره على قد مايكفي راتبج المشكله مب في الراتب المشكله في عدم القناعه والله لوالشيخ حمد الله يحفظه زود رواتبكم 50000 بعد بتقولون نفس الكلام زبدة الكلام ياناس لاتطالعون فوق عشان ماتنكسرارقبتكم

انا برد ممكن.؟

اكيد ممكن

اولا يقولون كلن يرى الناس بعين طبعه

هي ماقالت انا اشتري شنطه ولااشتري كماليات

هي قالت انا شريت سياره والسياره من الأساسيات واعتقد حتى الأثاث ولاتبينها تقعد على الأرض؟

وبعدين مافي فرق بين السياره الفورويل والصالون في سيياير صالون اغلى من الفورويل

واخيرا وليس اخرا من حقها كمواطنه تطالب بحقوقها وطالب بااسقاط الدين الي عليها

يعني يالولوه يابنت البلاد فيج حقد على هل بلادج وماياج الحقد يوم راحت من بلادج لناس من غير بلادج ومن غير دينج وبارده مبرده؟

واخرا النعمه من رب العالمين سواء المعاش مليون ولا ريالين

الحمدلله على كل حال

وللعلم انا ولاريال علي بالبنك ولله الحمد بس ماارضى على هل بلادي!!

بوبندر

03-04-2010, 10:35 PM

بصراحه انتو في خير بس مب حاسين فيه والله ماتلقون مثل ديرتنا قطر قطر العز بس النعمه تبي حمد وشكر بس الملاحظ ان الناس تبي تعيش اكبر من مستواها يعني الي راتبه 10000 فيه الخير والبركه حمدوا ربكم وعيشوا على قدكم مب الوحده راتبها 10000 وتبي شنطه 4000 وتقول الراتب مايكفي ولا تشتري سياره فورويل ياختي اشتري سياره على قد مايكفي راتبج المشكله مب في الراتب المشكله في عدم القناعه والله لوالشيخ حمد الله يحفظه زود رواتبكم 50000 بعد بتقولون نفس الكلام زبدة الكلام ياناس لاتطالعون فوق عشان ماتنكسرارقبتكم

كلامك في شي من الواقع....بس ليش بعض الزلامات...مياخذ سنه في البلاد
..وتحصلنها!!!!! راكبه بورش او رنج...بحدود 400 الف...ممكن الجواب عندك

لولوهـ

03-04-2010, 10:39 PM

اخوي كل انسان له وجهة نظر وانا احترمها بس والله مراح تلقون مثل قطر في العز والخير بس النعمه تبي حمد وشكر والله لو انتو عايشين مثل باقي الدول المجاوره الرواتب 1500 ريال مادري شبتسون احمدوا ربكم والله يدوم النعمه وهذي وجهة نظري والله يخلي لنا اميرنا الغالي

لولوهـ

03-04-2010, 10:47 PM

اخوي بوبندر الزلامات انت شوف شنو يشتغلون بعضهم كوفيره كم تاخذ على المكياج اذا الوحده تاخذ عليها 2000 ريال بس مكياج ولا بعضهم التسريحه من 1000 الى 1500 ريال يعني لوعندها خمس في اليوم شوف كم تدخل في الشهر العيب مب في الزلامات العيب فينا الي تدفع وما تتكلم يوم الكوفيرات ارفعوا الاسعار محد تكلم وبناتنا يدفعون لا ويقولون البنات احنا بنات قطر نستحي نتكلم ونفاصل في السعر بصراحه انا وحده مستحيل اسوي شعري 1500 ريال تسريحه الحمد لله عندي عقل انا وحده من الناس الي ماتربحهم

لولوهـ

03-04-2010, 10:49 PM

اخوي بوبندر عرفت من وين يركبون هالسيارات الحين كله من بناتنا الله يهديهم

cristal

03-04-2010, 10:50 PM

مرحبا اختي نون
الله يبعد عنج الهم

فقد قال الرسول صلى الله عليه وسلم لمعاذ ابن جبل: ألا أعلمك دعاء تدعو به لو كان عليك مثل جبل احد دينآ لأدى الله عنك ؟

قل يامعاذ
اللهم مالك الملك تؤتي الملك من تشاء00 وتنزع الملك ممن تشاء00

وتعز من تشاء 00 وتذل من تشاء00بيدك الخير 00إنك على كل شى قدير 00رحمن الدنيا والآخره 00تعطيهما من تشاء 00 وتمنع منهما من تشاء00إرحمني رحمة تغنيني بها عن رحمة من سواك

حاولى اداومين على هالدعاء
وماعندي كلام ازيده على حديث رسول الله

البيان

03-04-2010, 11:14 PM

الله يعينج - ونفس ماقال الشيخ إبن عثيمين الدين هم بالنهار وسهر بالليل

ذيبه مزاجيه

03-04-2010, 11:15 PM

من قال لانهم كوفيرات يشترون رنج وبورش وبي ام ؟؟ من صجج يا لولوه ؟؟؟؟؟؟؟؟؟؟؟؟؟؟
ماعتقد .. ليش هل معقووول يدخلون مليون مثلا ف الشهر
انا اشوف سيارات اغلب اللي يشتغلون كوافيرات .. سياراتهم عاديه جداااااااااااااااااا
وللعلم ان للصالونات مواسم ..

بوحارب

03-04-2010, 11:20 PM

الحكومة كريمة والشعب يستاهل

Arab!an

04-04-2010, 02:23 AM

[size="4"] لأنه في ناس غير بينظلمون اللي هم ماخذوا سلفياتsize]

ما فيها ظلم !

فرق بين الاثنين .. اللي خذ سلفيه عاش في هم وجاته امراض الدنيا النفسيه .. واللي ما اخذ سلفه مرتاح أكثر من الثاني

مافيها ظلم ..

واتمنى اسمع شئ من الايثار عند الناس .. وشيء من الانسانية .. وشيء من الطيبة

اذا حد شاف انسان يعاني ما يقعد يقول هو اللي جنى على نفسه .. !!

اذا انا ما اخذت سلفه شعلي من بنى أدم اذا جاهم الفرج ؟؟ يعني لا اعينهم ولا اخلي حكومتهم اتعينهم ؟!!!

أي منطق هذا اللي احنا عايشين فيه ؟

علبالكم الواحد اللي (هم في الليل وذل في النهار) بيقعد يضحك اذا قطوا عنه الفوائد مثلا ؟ وبيقول ههاي قصيت عليهم ؟؟

خلاص ماعاد فينا ذرة من الاخوة والانسانية ؟

كأنكم تقولون خلوه ان شالله ما يطلع من اللي هو فيه !

لا والمصيبه ان المعارضين يدرون انه واحد من الاثنين ..

1 - تنقط الديون او الفوائد
2- ما تنقط الديون ولا الفوائد وعيشون بفقرهم وذلهم ..

يعني رقم 3 مافي أمل ..

3- يعطون اللي ماتسلفوا سلف ويقطونها عن الجميع

يعني لو كان في أمل بسيط ان رقم 3 بيتحقق كان مع المعترض حق في اعتراضه

bittersweet

04-04-2010, 02:43 AM

لنا الله

الذي لا اله الا هو

في قطر ولا في الصين

ربنا لك الحمد

ما من دابة في الارض ال على الله رزقها.

همسه

04-04-2010, 03:00 AM

الشكوى لله

اللهم لك الحمد و الشكر كما ينبغي لجلال وجهك و عظيم سلطان

الـقـاسـي

04-04-2010, 06:52 AM

والله يا اختي مادري شقول من ناحية يدرون مليون فالمية يدرون وعارفين كل شي بس مايندرى بحاشية الامير شنهي الاخبار اللي يوصلونها له ..
مع اني متاكد أن الناس اللي تحسد قطر ومافيها خير لأهل قطر أكثر من الناس اللي فيها خير ..

الوجيه

04-04-2010, 07:37 AM

ما اقوووووول الاالاقربون اولى بالمعرووووووووووووووف..................

وانا اعرف جهه حكوميه فيها اجانب من الجنسيه البنانيه و الفلسطنيه و المصريه اقل واحد يستلم 45 الف و هذا المظلوم فيهم ......... واحنا اذا طالبنا قالوا القطري طماع مب تارس عينه شي ............

ما اقوووووووول الا الله يهدي حكومتنا وتنظرفي موضوع الديووووون ولو مره في العمر
اتمنى صوتي وصوت كل مواطن قطري يوصل للمسئولين .........

الوجبه

04-04-2010, 07:56 AM

مرحبا اختي نون
الله يبعد عنج الهم

فقد قال الرسول صلى الله عليه وسلم لمعاذ ابن جبل: ألا أعلمك دعاء تدعو به لو كان عليك مثل جبل احد دينآ لأدى الله عنك ؟

قل يامعاذ
اللهم مالك الملك تؤتي الملك من تشاء00 وتنزع الملك ممن تشاء00

وتعز من تشاء 00 وتذل من تشاء00بيدك الخير 00إنك على كل شى قدير 00رحمن الدنيا والآخره 00تعطيهما من تشاء 00 وتمنع منهما من تشاء00إرحمني رحمة تغنيني بها عن رحمة من سواك

حاولى اداومين على هالدعاء
وماعندي كلام ازيده على حديث رسول الله

امين يارب العالمين

تهامي باشا

04-04-2010, 08:11 AM

المشكلة إنه أغلب ديون الشعب على سفرات ووناسه وكشخه وخرابيط ... وجزء أقل ديونهم كانت من أجل منزل يأويهم ... أما المديونيات التي كانت لأجل مشاريع تجارية أو صناعية تفيد البلد فلا تكاد تذكر

فالنوع الأول سلفته كانت طيش وصياعه
والثاني ستر على نفسه وأهله
والثالث في سلفته فايده على المجتمع والبلد

شلـــــــون تبون الدوله تساوي بين هالثلاثـــــــــه؟

G0LD

04-04-2010, 08:21 AM

الله كريم

والله يفك كربة كل مسلم

وبالنسبه ل إلغاء الديون أو المساعدات شي مستحيل أصلا

وإذا الغينا ديون الشعب كيف نساعد الدول المنكوبه والدول الي كل وقت وآخر صارت عندهم مشاكل

وإحنا إلي نساعدهم فقط والمنطقه في حروب وبلاوي يعني كل وقت احنا مستعدين نبني ونعطي

لكن المواطن ماله ال راتبه الباقي يعيش به عياله فقط !! يعني خيرنا حق غيرنا !!

يعني قالوها عمك أصمخ !!

طالما هذي الحاشيه موجوده أبشروا بالدمار ماحولكم حد

والله يرزق أميرنا بالبطانه الي تحس ان فيه شعب مظلوم

وعين عذاري تسقي البعيد وتخلي القريب !!

والحمدلله على كل حال

G0LD

04-04-2010, 08:30 AM

المشكلة إنه أغلب ديون الشعب على سفرات ووناسه وكشخه وخرابيط ... وجزء أقل ديونهم كانت من أجل منزل يأويهم ... أما المديونيات التي كانت لأجل مشاريع تجارية أو صناعية تفيد البلد فلا تكاد تذكر

فالنوع الأول سلفته كانت طيش وصياعه
والثاني ستر على نفسه وأهله
والثالث في سلفته فايده على المجتمع والبلد

شلـــــــون تبون الدوله تساوي بين هالثلاثـــــــــه؟

الشعب يستاهل كل خير

ويجب التمتع بخيرات بلده

مايمنع ذلك طالما البلد بخير ونعمه

لكن قليل من يلعب !!

تحياتي

تهامي باشا

04-04-2010, 08:47 AM

^^^^^^
شعبنا يستاهل كل خير ومحد يقدر يقول غير هالكلام
أما التمتع فهناك ما يمنعه إذا كان خارج حدود المعقول والواقع
أعرف شباب أعمارهم على عشرين ومديونياتهم صكت المليون ... هل هذا هو التمتع الواجب اللي تقصده؟
شباب في مقتبل العمر وحديثي زواج ومديونياتهم طافت المليون ... هل يقبل ذلك عقل أو منطق؟
وحالات أكثر وأكثر ما يسعني أذكرها
الموضوع أكبر وأعمق بكثير من إسقاط ديون أو فوايد ... حتى لو أسقطتها راح ترجع مره ثانية مثل ما كانت في أقل من سنة ...
عشان تحل المشكلة عالج الأسباب في البداية ...
عندنا وايد عادات سيئة لازم تتغير

مع كامل احترامي وتقديري

الوجبه

04-04-2010, 08:56 AM

ياباشا .. انت تقول شباب .. يعني صغار ومراهقين .. ليه دخلتهم في حسبتك ؟؟؟ اعتقد اي مراهق المفروض

تكون هناك سيطره من البنك انها ما تعطيه ديون بهذا الحجم .. في الاخير من المستفيد من شاب مراهق

ومستقلته ؟؟؟ احسبها في

بالك وانت تشرب نسكافيه .. يعني لو فيه سيطره من الدوله على البنوك والفوائد من البدايه كان حكمت الناس

وصارت رواتبهم تكفيهم واتزيد .. وصار اللي ياخذ موتر اقساطه واضحه اي تاريخ بتنتهي وهكذا ..

اما شخص عليه ديون ومش عارف متى ينتهي وكل يوم زاد عليه شي والمصرف المركزي خبر خير ..

سوق واقف

04-04-2010, 09:00 AM

أخوي الوجبة :

المشكلة الأكبر الي زادت الديون على الشباب أنه مثلا ياخذ من بنك قطر 600 الف وعقبها بكم شهر يشوف عرض من أحد البنوك مثل بنك الدوحه 100 ضعف الراتب يروح يحول راتبه مع المديونية ولا هامه تقوله حرام الي تسويه راح يسكر ظهرك الدين يقولك بكل برود يا رجل أهم شيء يصفى في يدي 700 الف أو 800 الف بدلع نفسي

وآخرتها مرسيدس بنز وتحصله يدور عند مواقف الاند مارك ...ليس الكل البعض منهم

وما يدري أن شراء المديونية من بنك الى بنك يدفع فوائد بنكية ضخمة جدااا وفي النهاية يكتشف أنه عليه مليونين ثلاثة عادي

تهامي باشا

04-04-2010, 09:01 AM

^^^^^
وانا ما قلت غير هالكلام ( بس انا صج قاعد اشرب نسكافيه انت شدراك)
مب كل واحد قال ابي سلفه عطوه ... لازم يكون في سيطره على الموضوع من البداية
السلفة المقبولة من وجهة نظري :
سلفة السيارة ( في حدود المعقول )
سلفة البيت
سلفة مشروع
لكن السؤال كم نسبة هذي السلف من إجمالي المديونيات ؟؟؟؟؟؟

G0LD

04-04-2010, 09:02 AM

ياباشا .. انت تقول شباب .. يعني صغار ومراهقين .. ليه دخلتهم في حسبتك ؟؟؟ اعتقد اي مراهق المفروض

تكون هناك سيطره من البنك انها ما تعطيه ديون بهذا الحجم .. في الاخير من المستفيد من شاب مراهق

ومستقلته ؟؟؟ احسبها في

بالك وانت تشرب نسكافيه .. يعني لو فيه سيطره من الدوله على البنوك والفوائد من البدايه كان حكمت الناس

وصارت رواتبهم تكفيهم واتزيد .. وصار اللي ياخذ موتر اقساطه واضحه اي تاريخ بتنتهي وهكذا ..

اما شخص عليه ديون ومش عارف متى ينتهي وكل يوم زاد عليه شي والمصرف المركزي خبر خير ..

صدقت وبارك الله فيك

يعني المسؤوليه على المصرف المركزي

يجب علي المصرف المركزي بأن يبلغ البنوك بأن يضع أساسيات ل الي يريد قرض شخصي

منها بأن ينظرون الى العمر ان كان صغير يعطونه مبلغ معين وينتهي ب التاريخ الفلاني

تحياتي وأشكرك على الرد الجميل

G0LD

04-04-2010, 09:04 AM

^^^^^^
شعبنا يستاهل كل خير ومحد يقدر يقول غير هالكلام
أما التمتع فهناك ما يمنعه إذا كان خارج حدود المعقول والواقع
أعرف شباب أعمارهم على عشرين ومديونياتهم صكت المليون ... هل هذا هو التمتع الواجب اللي تقصده؟
شباب في مقتبل العمر وحديثي زواج ومديونياتهم طافت المليون ... هل يقبل ذلك عقل أو منطق؟
وحالات أكثر وأكثر ما يسعني أذكرها
الموضوع أكبر وأعمق بكثير من إسقاط ديون أو فوايد ... حتى لو أسقطتها راح ترجع مره ثانية مثل ما كانت في أقل من سنة ...
عشان تحل المشكلة عالج الأسباب في البداية ...
عندنا وايد عادات سيئة لازم تتغير

مع كامل احترامي وتقديري

هذي الي يعالجها المصرف المركزي هو المتحكم الأول بالبنوك !!

ولاهنت على الرد الطيب :)

تهامي باشا

04-04-2010, 09:12 AM

هذي الي يعالجها المصرف المركزي هو المتحكم الأول بالبنوك !!

ولاهنت على الرد الطيب :)

:nice:

الوجيه

04-04-2010, 09:17 AM

الله كريم

والله يفك كربة كل مسلم

وبالنسبه ل إلغاء الديون أو المساعدات شي مستحيل أصلا

وإذا الغينا ديون الشعب كيف نساعد الدول المنكوبه والدول الي كل وقت وآخر صارت عندهم مشاكل

وإحنا إلي نساعدهم فقط والمنطقه في حروب وبلاوي يعني كل وقت احنا مستعدين نبني ونعطي

لكن المواطن ماله ال راتبه الباقي يعيش به عياله فقط !!

يعني قالوها عمك أصمخ

طالما هذي الحاشيه موجوده أبشروا بالدمار ماحولكم حد

والله يرزق أميرنا بالبطانه الي تحس ان فيه شعب مظلوم

والحمدلله على كل حال

الاقربون اولى بالمعروووووف .... اول ساعد اهل البلد وبعدين الي برع هم الاهم ......

الجزوع

04-04-2010, 09:21 AM

لانهم لو قطوا الديون بيرتاح الشعب وهذا مايتناقض مع هدفهم السامي وهو اذلال المواطن ، والتضييق على اهل قطر بالتالي تضطر المواطنه على العمل الذي لايتم الموافقه عليه الا بخلع النقاب من اجل العمل على تطبيق الاختلاط والتطور الفاسد وغيرها من الامور اللي تندرج تحت هالموضوع ..

G0LD

04-04-2010, 09:21 AM

انتبهوا وهذي كلمه باقولها واقروها لين الآخر حتى لانلوم المواطن وهذي كلمة حق !!

- - - - -

الحين الوافد من الخارج وجاي بعقد عمل لدى الدوله

تعرفون المميزات الي بياخذها ؟

وتعرفون إذا أخذ المميزات مراح يشبك نفسه بديون أكيد !! صح كلامي أو أنا غلطان ؟

الحين لما يوصل هذا الي في بلاده حتى سيكل ماعنده يعطونه كل شي ومنها

* تعديل وضع

* سياره

* منزل

* أمتيازات آخرى

تعرفلون حتى الصابون يوصلهم مجانا !!

حق من حق هذا الكافر الي جاي من بلاد الكفره والله العظيم أنا شفتهم بنفسي في بلادهم

والله انهم حثاله ويعملون في مصانع في بلدهم لكن تعالوا شوفوهم في الشغل كيف

وتجيهم أخبار عن طريق السفاره الي عنده هذي الشهاده يتقدم بطلب لأن دوله غنيه تطلب

تلك المهارات لأن شعبهم غبي وشعبهم كسول ولا يعمل - لاشك الكثير منهم بأن العرب

لايعملون !!

ويجي عندنا هذا وشوفوا كيف تنزل عليه المميزات والدلع والفخفخه وكل شي !!
- - - - - -

المواطن المسلوبه حقوقه المسكين
يجي يتوظف لازم بيشتري سياره حتى مايكون عاله على أهله ولا على واحد من ربعه

تعالوا ودوني وجيبوني !! صح أم لا ؟

طالما توظف وطالما هو قطري وهو الي له الحق بخيرات بلده راح ينتظر راتبه ينزل حتى يقدر ياخذ سلفه من البنك

حق ايش يعني - يبي سياره ويبي يرتاح ك بقية البشر - خلوكم واقعيين شوي أرجوكم

لو معطين هذا المواطن المميزات التي يقتنيها الأجني تتوقعون بيصير الحال كما هو ؟

لا طبعا ومستحيل !!

من كذا لا أحد يلوم الموطن !!

وعين عذاري تسقي البعيد وتخلي القريب :(

الوجيه

04-04-2010, 09:26 AM

مثل احدى القنوات تم تعيين مصري كان بياع في سوبرماركت واهني عينوه مصور براتب 48 الف .....

والله الامر في عجب

تهامي باشا

04-04-2010, 09:28 AM

^^^^^^
بالنسبة لديون المواطن فما راح ازيد على كلامي الأولي شي
أما بالنسبة حق الوافدين .... تعرف الدول الأجنبية شيسوون عشان يتلافون مشكلة الأموال المحولة للخارج؟
تفرض ضريبة معينة على راتب كل أجنبي إذا كان الراتب فوق رقم معين (7000 دولار مثلاً) وذلك حفاظاً على الاستقرار الاقتصادي.
شفت شلون انه في وايد اشيا غلط عندنا ولازم تتصلح

ضوى

04-04-2010, 09:32 AM

السؤال المهم

لو تم تسديد الديون بكاملها بحيث يكون ولاقطري مديون بدرهم واحد هل بنكتفي برواتبنا وماراح نطلب سلفيات من البنوك مرة ثانية ؟؟

برايي تسديد الديون شوي صعبة عالحكومة بس ممكن اسقاط القروض العقارية عن المواطنين الجدد والقدامي وتمليكهم البيت دون شرط او قيد هبة من الدولة للمواطن المستحق

G0LD

04-04-2010, 09:41 AM

السؤال المهم

لو تم تسديد الديون بكاملها بحيث يكون ولاقطري مديون بدرهم واحد هل بنكتفي برواتبنا وماراح نطلب سلفيات من البنوك مرة ثانية ؟؟

برايي تسديد الديون شوي صعبة عالحكومة بس ممكن اسقاط القروض العقارية عن المواطنين الجدد والقدامي وتمليكهم البيت دون شرط او قيد هبة من الدولة للمواطن المستحق

والله إذا تم إسقاط الديون شي جميل جدا

ولكن إسقاط القرض الإسكاني بيكون شي بسيط أصلا يعني من 600 ريال وبعضها

يمكن 2000 ريال وتزيد شوي فقط

لكن اسقاط الديون أعلم بأنها صعبه بس لو أسقطوهات والله أهل قطر يستاهلون

يكفي ان هم من هذه الدوله الغنيه ومايمنع الترفه فيها !!

وإن شاء الله يسقطون القرض الإسكاني والشخصي كذلك :)

تحياتي

الصحراء

04-04-2010, 09:58 AM

اخي بو يوسف ولماذا الاستغراب اذا كنت لاتملك غير راتبك وهوا يساوي 7 او 10 الاف في الشهر0وتسكن ايجار 5 الاف في الشهر وعندك اولاد وزوجهة وام يبون لهم مصروف اكل وشرب بدون ملبس يكلفك من 2 ايلا 4 الاف ومصاريف للمدارس لاتقل 1500 ريال وقسط لسيارة تاخذهم للمستشفى اولاي مكان اخر 0 وفي نصف الشهر جاك اي ظرف طاري وعندما ذهبت لصدقيك اوقريبك لتستلف منة مايسد حاجتك لقيتة مثلك او اقل منك0 فماذا تفعل 00
بالمقابل يجيك شخص اجنبي ويؤضع على وظيفة يمكن لاصغر طفل من ابناء قطر ان يشغلها0 وهي حذاي للخيل - براتب 72 الف وسكن سوبر دلكس وسيارة وتلفون وعلاج وتذاكر وحتى بترول لسيارته00
فلماذا تستغرب من مطالبتنا لحكومتنا بتسديد ديوننا ولو لمرة واحدة ومن خير بلادنا وليس لها فضل في ذلك0

فعلاً اذا حصل وسددت الدولة ديون المواطنين مع ان اغلب المواطنين يطالب بشراء الفوائد فقط فليس لها فضل في ذلك هذا مواطن ويجب أن يتمتع بالخير الذي انعم الله به على البلد واحب ارد على بعض الحاقدين الذين يقولون مثلاً ما حد ضربك على يدك وتاخذ دين اقول له انت محد خذ رايك والدولة لو سددت ديون المواطنين بعد ماراح تاخذ برايك :yawn: وطبعاً هذي اعتبرها فئة ضالة من المواطنين وليس هناك من ما يتمنى الخير للآخر فالذي ليس عليه دين او انه ما ما اضطر للوقوع في شر الدين يحمد الله على ذلك ولا يحسد غيره في شئ هو ما راح يؤثر عليه لامن قريب ولا من بعيد واتفق مع الذين يطالبون باسقاط فوائد الاسكان كونها لا اساس لها فالمعروف في اوساط الناس ان الارض والقرض هبة من الدولة ومادام كذلك فلماذا الفائدة !!!!!!!!!!!!!!!!!!!!! ما ابغي اطول في الكلام لكن بأقول كلمة مهمة جداص يجب تذكرها وهي ان هناك شخصين في الدولة مسئولين كبار وموضوع تسديد او شراء الديون معارضينه وبشده فأنصح بعدم الغوص في بحر الاحلام :D

بوخالد911

04-04-2010, 10:03 AM

امييين

aljaber1

04-04-2010, 10:05 AM

اهم من اسقاط القروض مايضيقون على المواطن
في الوظائف وعلاواته الدوريه ودرجته المستحقه
والله يفرج على المديونيين لانه مافيه امل تندفع لهم
والي متعشم لا يعيش في اوهام يتعب معها اكثر

المرحب

04-04-2010, 10:16 AM

تفائلوا خيراً تجدوه

s o s o

04-04-2010, 10:17 AM

لأن الشعب شوكته مكسوره .. محد ماسك مناصب إلا هوامير العقارات والتجارة

ولو فيه حد قريب من الشعب وحاس بمعاناته كان غير اشياء .. او .. نصح لهم بالخير

"الله يكتب اللي فيه خير"

مافهمت قصدك اي مناصب تقصد اخوي اللي ماسكينها الهوامير ؟؟

هل قصدك انهم ماسكين عصب التجاره في الدوله او قصدك المناصب الحكوميه ؟

عاشق المصرف

04-04-2010, 10:20 AM

مافهمت قصدك اي مناصب تقصد اخوي اللي ماسكينها الهوامير ؟؟

هل قصدك انهم ماسكين عصب التجاره في الدوله او قصدك المناصب الحكوميه ؟

واضحه 2 في واحد عادي ماسكين التجاره + المناصب الحكوميه

وواضحه مافيها كلام :)

عاشق المصرف

04-04-2010, 10:21 AM

لانهم لو قطوا الديون بيرتاح الشعب وهذا مايتناقض مع هدفهم السامي وهو اذلال المواطن ، والتضييق على اهل قطر بالتالي تضطر المواطنه على العمل الذي لايتم الموافقه عليه الا بخلع النقاب من اجل العمل على تطبيق الاختلاط والتطور الفاسد وغيرها من الامور اللي تندرج تحت هالموضوع ..

100% :nice:

s o s o

04-04-2010, 10:23 AM

واضحه 2 في واحد عادي ماسكين التجاره + المناصب الحكوميه

وواضحه مافيها كلام :)

طيب هالـ 2 في واحد اشدخلهم في عدم صدور مكرمة اميريه باسقاط ديون الشعب ؟

عاشق المصرف

04-04-2010, 10:24 AM

انتبهوا وهذي كلمه باقولها واقروها لين الآخر حتى لانلوم المواطن وهذي كلمة حق !!

- - - - -

الحين الوافد من الخارج وجاي بعقد عمل لدى الدوله

تعرفون المميزات الي بياخذها ؟

وتعرفون إذا أخذ المميزات مراح يشبك نفسه بديون أكيد !! صح كلامي أو أنا غلطان ؟

الحين لما يوصل هذا الي في بلاده حتى سيكل ماعنده يعطونه كل شي ومنها

* تعديل وضع

* سياره

* منزل

* أمتيازات آخرى

تعرفلون حتى الصابون يوصلهم مجانا !!

حق من حق هذا الكافر الي جاي من بلاد الكفره والله العظيم أنا شفتهم بنفسي في بلادهم

والله انهم حثاله ويعملون في مصانع في بلدهم لكن تعالوا شوفوهم في الشغل كيف

وتجيهم أخبار عن طريق السفاره الي عنده هذي الشهاده يتقدم بطلب لأن دوله غنيه تطلب

تلك المهارات لأن شعبهم غبي وشعبهم كسول ولا يعمل - لاشك الكثير منهم بأن العرب

لايعملون !!

ويجي عندنا هذا وشوفوا كيف تنزل عليه المميزات والدلع والفخفخه وكل شي !!
- - - - - -

المواطن المسلوبه حقوقه المسكين
يجي يتوظف لازم بيشتري سياره حتى مايكون عاله على أهله ولا على واحد من ربعه

تعالوا ودوني وجيبوني !! صح أم لا ؟

طالما توظف وطالما هو قطري وهو الي له الحق بخيرات بلده راح ينتظر راتبه ينزل حتى يقدر ياخذ سلفه من البنك

حق ايش يعني - يبي سياره ويبي يرتاح ك بقية البشر - خلوكم واقعيين شوي أرجوكم

لو معطين هذا المواطن المميزات التي يقتنيها الأجني تتوقعون بيصير الحال كما هو ؟

لا طبعا ومستحيل !!

من كذا لا أحد يلوم الموطن !!

وعين عذاري تسقي البعيد وتخلي القريب :(

والله إنك جبتها ماشاء الله عليك

وهذا الي حاصل

وصدقت لو اصرفو هذي المميزات عطوها المواطن ماصارت كل هذي

وبيض الله وجهك على الرد القييم وأحييك على غيرتك

شكرا

قطر501

04-04-2010, 10:27 AM

انا اشوف الدين الشخصي الدولة مالها خص فيه ماحد ضرب حد على يده وقال خذ قرض ان شاء الله اعيش على حصير ولا اخذ دين ان شاء الله اركب سيكل ولا اخذ دين ان شاء الله اسكن في خيمة ولا اخذ دين
لين الله يشوف لنا حل مع الاجانب بعدين القطري سوف يتمتع بخير بلاده

s o s o

04-04-2010, 10:34 AM

انا اشوف الدين الشخصي الدولة مالها خص فيه ماحد ضرب حد على يده وقال خذ قرض ان شاء الله اعيش على حصير ولا اخذ دين ان شاء الله اركب سيكل ولا اخذ دين ان شاء الله اسكن في خيمة ولا اخذ دين
لين الله يشوف لنا حل مع الاجانب بعدين القطري سوف يتمتع بخير بلاده

صراحه لاتزعل مني كلامك مش منطقي
مايصير تكلم شعب قاعد يشوف الرفاهيه حواليه يمين ويسار وتقوله عيش على حصير
مافيها لو بغى يعيش في مستوى عالي وبعدين الديون هاذي صحيح ديون شخصيه لكنها ديون شخصيه لافراد من الشعب اللي لهم حق في عوائد الغاز والبترول والسياحه فما فيها شي لوتسددت ديونه من ثروات بلاده ..وين المشكله ؟

G0LD

04-04-2010, 10:39 AM

صراحه لاتزعل مني كلامك مش منطقي
مايصير تكلم شعب قاعد يشوف الرفاهيه حواليه يمين ويسار وتقوله عيش على حصير
مافيها لو بغى يعيش في مستوى عالي وبعدين الديون هاذي صحيح ديون شخصيه لكنها ديون شخصيه لافراد من الشعب اللي لهم حق في عوائد الغاز والبترول والسياحه فما فيها شي لوتسددت ديونه من ثروات بلاده ..وين المشكله ؟

ياسلام الله يكثر من أمثالج يا الشيخه

رد رائع جدا

وين المشكله اذا الشعب تمتع بثروات بلده !!

تحياتي :)

G0LD

04-04-2010, 10:41 AM

والله إنك جبتها ماشاء الله عليك

وهذا الي حاصل

وصدقت لو اصرفو هذي المميزات عطوها المواطن ماصارت كل هذي

وبيض الله وجهك على الرد القييم وأحييك على غيرتك

شكرا

هذا واجب وأقل شي نسويه ل شعب يستاهل كل خير والله يرحم أجدادنا جميعا

لاهنت على الرد الطيب :)

الوجيه

04-04-2010, 10:43 AM

فعلاً اذا حصل وسددت الدولة ديون المواطنين مع ان اغلب المواطنين يطالب بشراء الفوائد فقط فليس لها فضل في ذلك هذا مواطن ويجب أن يتمتع بالخير الذي انعم الله به على البلد واحب ارد على بعض الحاقدين الذين يقولون مثلاً ما حد ضربك على يدك وتاخذ دين اقول له انت محد خذ رايك والدولة لو سددت ديون المواطنين بعد ماراح تاخذ برايك :yawn: وطبعاً هذي اعتبرها فئة ضالة من المواطنين وليس هناك من ما يتمنى الخير للآخر فالذي ليس عليه دين او انه ما ما اضطر للوقوع في شر الدين يحمد الله على ذلك ولا يحسد غيره في شئ هو ما راح يؤثر عليه لامن قريب ولا من بعيد واتفق مع الذين يطالبون باسقاط فوائد الاسكان كونها لا اساس لها فالمعروف في اوساط الناس ان الارض والقرض هبة من الدولة ومادام كذلك فلماذا الفائدة !!!!!!!!!!!!!!!!!!!!! ما ابغي اطول في الكلام لكن بأقول كلمة مهمة جداص يجب تذكرها وهي ان هناك شخصين في الدولة مسئولين كبار وموضوع تسديد او شراء الديون معارضينه وبشده فأنصح بعدم الغوص في بحر الاحلام :d

ها الاثنيين معروووووفين طبعا.. مب هم واقفين في الدروبنا جان الدنيه ابخير بس ما اقوووول الا حسبي الله و نعم الوكيل فيهم ...........

aljaber1

04-04-2010, 10:52 AM

ها الاثنيين معروووووفين طبعا.. مب هم واقفين في الدروبنا جان الدنيه ابخير بس ما اقوووول الا حسبي الله و نعم الوكيل فيهم ...........

متاكد انها من الاثنين ولا يسوونها الكبار وطيح بروس الصغار

مالي ومال الناس

04-04-2010, 06:44 PM

طيب هالـ 2 في واحد اشدخلهم في عدم صدور مكرمة اميريه باسقاط ديون الشعب ؟

إسقاط ديون الشعب مكرمة أميرية طبعاً .. وتخص سمو الأمير شخصياً

النوعيات اللي ذكرتها لهم يد في القرارات التجارية والحكومية بشكل كبير .. وأغلبهم يفكر في مصلحته اما المواطن في 60 نيله