نرجوا ارسال هذا المسج لكل من تعرف

[meme_222]

من اجل مصلحه الجميع نرجوا سحب طلبات بيع الاسهم لكي يعود استقرار السوق
الرجاء ارسال الرساله لجميع من تعرف
الرجاء نشر هذه الرساله عن طريق مسجات التلفون

[boabdullah]

من اجل مصلحه الجميع نرجوا سحب طلبات بيع الاسهم لكي يعود استقرار السوق
الرجاء ارسال الرساله لجميع من تعرف
الرجاء نشر هذه الرساله عن طريق مسجات التلفون

رسالتك وصلت ويعطيك ألف عافية على هذا المجهود الطيب

وياهلا :) :)

[بـوصـالـح]

؟؟؟؟؟؟؟؟؟
هذا حل يعني ؟؟؟

[موادع قطر]

اسحبو طلبات البيع.......وتفقو على عدم البيع وبتشوفون النتيجه

ارسلو هذه المسجات

اتفقو على عدم البيع يوم الاحد

[سهم عتيج]

أعتقد ان مثل هالمسجات ربما تزيد الهلع بين الناس بطريقة غير مباشرة,, حيث انها عبارة عن رسالة استغاثة لاغير,, والرابح الأكبر فيها هي كيوتل نفسها,,

وأتمنى من الجميع ان يكون عنده رباطة جأش بحيث اننا نتقبل مثل هذه الامور التي تحدث,, حيث ان البورصة ليست كلها صعود,, وبالتأكيد ليست كلها نزول,, ولكن الشيء المؤكد بأن اقتصاد البلد يبشر بكل خير,, وأعتقد بأن هذه الأسعار سوف تذوب خلال 5 سنوات من الآن خصوصا في الأسهم القوية,, لأن النتائج باذن الله ستكون أكبر بكثير مما نتوقعه,, مما سيدعم الأسهم بقوة,, وهذا الأمر تكرر حدوثه في الماضي,, وتذمر الناس,, ولكن جاء اليوم الذي تحولت فيه خسائر الناس الى أرباح غير متوقعة,,

والله الموفق

[موادع قطر]

ياشباب ليش مانتفق وترسلون مسجات بين بعضكم البعض والي نعرفه ان يوم الاحد الكل يسحب طلبات البيع بعدين انشوف....صدقوني اتفقو اتفقو لمصلحة الجميع خل على الاقل يتساوى العرض والطلب

ترى بعن تعاونو ماذلو



وياريت حد منكم يقول رايه خلنى انسوي شي يشهد لنى التاريخ

[ضايق الصدر]

يالربع لو بتنفع كان انفعت من قبل

[بوخليفة]

ياجماعه
حاليا اللي يعرض هذه الكميات الكبيره هم الكبار وليس الصغار
طبعا الصغار معاهم يعرضون لكن سبب عرض الصغار هو رؤيتهم للعرض الكبير
وبنفس الوقت يشاهدونهناك بعض الصفقات
هنا يفكرون ليش مانعرض يمكن تنباع اسهمنا
لكن صدقوني هذا الشي متوقع من زمان
واعذروني على هذه الكلمه لو كان المستثمرين القطريين واعين لما وقعو بهذا الفخ
شي معروف بالعقل سهم ارتفع من 50 الى 250 ليش اشتريه ب 250 او 240 او حتى 200
يجب ان تفكر قبل الشراء وتنظر لسعر السهم قبل فترة كم كان

[المخلب]

يااخوي طلبك ماااينفع يخسرنا اكثر من ماايفيدنا !


اخسر سعر المسج <<<< وفي الاخير يحذفونه ولا يعبرونه

تبي الحل رح البورصه وناادي باعلى صوتك الكل يسحب طلبات البيع ! :cool:

[الوضع ما يطمن]

من اجل مصلحه الجميع نرجوا سحب طلبات بيع الاسهم لكي يعود استقرار السوق
الرجاء ارسال الرساله لجميع من تعرف
الرجاء نشر هذه الرساله عن طريق مسجات التلفون

ياريال انت من صجك ؟؟؟

يعني مصدق الحين اللي عارضين طلبات البيع اللي مثلي ومثلك ..؟؟

هذييلا هوامير السوق فديت خشمك ... اللي مثلي ومثلك كلن ميود اللي عنده
وحاط يده على قلبه وكل يوم يدعي يالله سلم يالله سلم .. وتعدي هالازمه ... :D


بعدين ماظنتي ذي حل حق الوضع اللي قاعدين نشوفه ...

وانا اتوقع السالفه فيها انها .. خصوصا الاشاعات اللي كانت تطلع قبل دخول الاجانب ..