استفسار عن فيزا الشنغن

[A7med]

السلام عليكم ورحمة الله وبركاته

بغيت استفسر من وين اخذ طلب التقديم وماهو المطلوب ايضا (( كم صوره - الرسوم))

[alnoida]

تاخذ طلب التقديم من سفارة البلد اللى حاب تدخل اوربا من خلالها

تجنب قدر المستطاع اصدار الفيزا من سفارة بلد والدخول من بلد أخر

[Gh2o]

اخوي عندي رقم ريال يعجبك يطلع لك الفيزا بسهوله اذا ودك اتعامل معاه طرش لي مسج عالخاص

[nonah]

ممكن ترسلي رقم الريال وكم ياخذ ويطلع الفيزا بسرعه ولايتاخر مشكور على الموضوع

[قطري33]

اللي عنده رقم ريال بيخلص لي الشنغن يطرشه لي ماعليه امر

[أم علي 2010]

اظن صورتين او ثلاث و ويسوون لك تامين صحي لازم, قريبا يكلف حول 300 ريال انا مسويتها في ال 2008 وحق 3 سنوات عن طريق السفارة الفرنسية وماتاخذ وقت اسبوع تقريبا و موفق اخوي

[خشوف]

ممكن ترسلي رقم الريال وكم ياخذ ويطلع الفيزا بسرعه ولايتاخر

سؤال ثاني صدق السفارة الفرنسية حاطة شروط تعجيزية ومن بينهم المر تصور بدون حجاب لاني اسمع هالايام لزم الاذن طالعه والرحال ببدله ممنوع الغترة؟؟؟

[Chambray]

ممكن ترسلي رقم الريال وكم ياخذ ويطلع الفيزا بسرعه ولايتاخر

سؤال ثاني صدق السفارة الفرنسية حاطة شروط تعجيزية ومن بينهم المر تصور بدون حجاب لاني اسمع هالايام لزم الاذن طالعه والرحال ببدله ممنوع الغترة؟؟؟

صورة بدون حجاب هذا اذا بتسوي اقامه في البلاد
لكن فيزا سياحيه مب مطلوب هذا الشئ فقط خلفيه بيضا واعتقد في بصمه في السفارة

[Vip_7]

هم بياخذون لك صوره هناك وبيخلونك تبص بالسفاره الفرنسيه وأذا تبي الطلب عندهم بعد وسهل أتعبيه بس لاتنسى تاريخ السفر والفندق ضروري وصوره من الحجز

[المعنى88]

اللي ماعنده تأمين صحي ........... شلون ممكن يمشون الفيزا سياحية 3 شهور .....
والأحسن تكون مالتيبول للفيزا يعني لعدة سفرات ........... وأعتقد مندوب من السفارة الفرنسية
قالي قيمتها 475 ريال ........... ولازم فيزا كارد وكشف حساب من البنك وصورة الحجز للفندق
والتذكرة واهم شي تأمين صحي ............


لكن الله يرحم ايام زمان كان قيمتها 225ريال ....... وبدون تأمين صحي ولا حجز فندق

[(العديم)]

السفاره الألمانيه اسرع من السفاره الفرنسيه وتبي صورتين خلفيتهم بيضا +حجزالفندق اتسويه لك السفريات(وهمي) بس علشان اتقدمه حق السفاره يعني عقب تقدر اتضبط الحجز على كيفك +حجز الطياره(نفس الشي)+ التأمين الصحي من قطر للتأمين+اتعبي نموذجين تاخذهم من السفاره واذا اتسوي الفيز الحين اذا انت محدد تاريخ السفر احسن لأن من نص شهر6 ايسير زحمه واذا وياك خدامه اندونيسيه او فلبينيه تاخذ اسبوعين وتروحون وترجعون بالسلامه

[ولد شرق]

عفوا انا توني امسوي في السفارة الفرنسية
والاجراءات من اسهل مايكون:
1-تأمين صحي ( واي موظف في قطر للبترول او الشركات التابعه لها يقدر يستخدم تأمين axa او الكوت)
2- حجز السفريات + فوجر الفنادق
3- اتعبي الطلب
وبعدها تاخذ جوازك واتخلص الاجراءات عندهم
يعني لاتودي لا صوره ولا هم يحزنون
هم بيصورونك وبيخلصونك
والمعامله للأمانه ولا اروع
اما بالنسبة للاطفال فهم مجانا
واتجيب صورهم يعني مايتصورون في السفارة

[سهم طايش]

عن تجربة احسن سفارة هي السفاره الفرنسية و عطوني المدة خمس سنوات فقط يطلبون حجز الفندق و تامين صحي و حجز التذكرة و المهم هو الحظور شخصيا للتبصيم و التصوير و اجراءاتهم سهله جداا جدااا و متعاونين الى اقصى درجة و تاخذ الفيزا جاهزة ثاني يوم0

التأمين الصحي اي مكتب سفريات بيسوية لك مع حجز وهمي للفندق ب120 ريال + حجز التذاكر و انصحكم الابتعاد عن المندوبين

[محمد2]

روح خوي سفريات ريجنسي اللي عند اشارات حمد وهم يسوون كل شي

[q f]

مرحبا اخوي .. انا بقولك شلون تسويها بدون تأمين صحي ولا حجز طيران ولا فندق
الي عليك تاخذ صورتين خلفيه بيضا + 850 ريال وتروح سفريات ريجنسي الي بالسد عند واحد اسمه سمير
وتمر عليه بعد يومين تاخذ فيزتك .. تحياتي

[جوال 11]

روح خوي سفريات ريجنسي اللي عند اشارات حمد وهم يسوون كل شي

هذا هو الحل الصحيح وحاليا السفارة الفرنسية بتفتح في المطار فرع لأستخراج التأشيرة لتسهيل الحصول على اتأشيرة
وبالتوفيق

[مــــلاك]

الفرنسيه هي الافضل والالمانيه بعد يمدحونها ...

الفرنسيه عطوني تقريبا الشنقن لمده 4 سنوات او 5 لاني كنت توني مجدده جوازي

بس كتفصيل ... الافضل تتصل على سفاره البلد الي بتروح له اول شي ...
وتسألهم عن طلباتهم بالضبط لانها تفرق من سفاره لسفاره ...

وترى الامر سهل ...واظن ريجنسي ياخذون عموله قريب ال 700 ريال والله اعلم

[koketa]

السفاره الألمانيه اسرع من السفاره الفرنسيه وتبي صورتين خلفيتهم بيضا +حجزالفندق اتسويه لك السفريات(وهمي) بس علشان اتقدمه حق السفاره يعني عقب تقدر اتضبط الحجز على كيفك +حجز الطياره(نفس الشي)+ التأمين الصحي من قطر للتأمين+اتعبي نموذجين تاخذهم من السفاره واذا اتسوي الفيز الحين اذا انت محدد تاريخ السفر احسن لأن من نص شهر6 ايسير زحمه واذا وياك خدامه اندونيسيه او فلبينيه تاخذ اسبوعين وتروحون وترجعون بالسلامه

ما يحتاج كشف حساب من البنك

[koketa]

عفوا انا توني امسوي في السفارة الفرنسية
والاجراءات من اسهل مايكون:
1-تأمين صحي ( واي موظف في قطر للبترول او الشركات التابعه لها يقدر يستخدم تأمين axa او الكوت)
2- حجز السفريات + فوجر الفنادق
3- اتعبي الطلب
وبعدها تاخذ جوازك واتخلص الاجراءات عندهم
يعني لاتودي لا صوره ولا هم يحزنون
هم بيصورونك وبيخلصونك
والمعامله للأمانه ولا اروع
اما بالنسبة للاطفال فهم مجانا
واتجيب صورهم يعني مايتصورون في السفارة

الاطفال كل الاعمار مجانا

لان سمعت ان الاطفال فوق السبع سنوات بنص السعر

وصور الاطفال الخلفيه بيضاء ولا اي لون

[انا احساس]

واذا بروح سويسرا باي سفاره اسوي الفيزا

[koketa]

السفاره الالمانيه بكم الفيزا عندهم للاطفال والكبار

[بوعلى 1]

السفاره الالمانيه بكم الفيزا عندهم للاطفال والكبار

320 ريال وتخلص في يومين

[koketa]

والاطفال نفس السعر للاقل من عمر 5 سنوات

[simsim1963]

ممكن ترسلي رقم الريال وكم ياخذ ويطلع الفيزا بسرعه ولايتاخر مشكور على الموضوع

[koketa]

الاطفال اقل من 6 سنوات مجانا

الطلبات : حجز الفندق + تأمين صحي + 2 صوره خلفيه بيضاء + التذاكر

القطرين الفيزا تاخذ يومين والخدم من 10 ل 15 يوم

السعر 330 ريال لكل انواع الفيزا

الخدامه لازم ورقه من الكفيل + صوره من فيزا الكفيل

الاقامه 3 شهور بعد العوده من السفر

[ali212]

الله يوفقك