الاغاني الي تتغنى قديما <<<موضوع غير شكل هالمره ^_^

[بـــــــنت النوخـّــــذه]

طبعا" ندري ان بعض الاغاني حرام شرعا" ولكن انا اهنيه بصدد القاء الضوء على بعض الاغاني العفويه الي كانت تغى من اجدادنا وجداتنا وهذي فكره جات في بالي اهههه وقلت هيااااااااااا يابنت النوخذه طبقيها في استراحه منتدى الاسهم القطريه :nice:
يلا مستعدين فيكم طرب 00فيكم وناسه اههههه:nice:

1: الاطفال والنوم :

http://www.tawyeen.com/2005WEB/_images/magazeen/toraath/manaz.jpg
http://www.hasanews.com/infimages/myuppic/4a307cbe1318c.jpg
اغاني المهد وتنويم الاطفال هي من الاغاني القديمه التي تغنيها
الامهات لتنويم الطفل او مداعبته و ( تنقيزه ) وهذي الاغنيه تحمل اجمل معاني الحب والموده ..،،،
و كان الطفل قديما يوضع في الارجوحه والتي تسمى في مجتمعنا
( بالمنز )..،،
و المنز يصنع من الخشب ويعلقونه في وسط الحجرة بحباله من جهاته الاربع .. ويغطونه بقطعه من القماش، حيث يكون شكل المنز شرا الخيمه ،،

وكانت المرأه قديما بطبيعتها بسيطه تردد اغاني تهدهد بها الياهل .. وهذه الاغاني جزء مهما من
تراث المجتمع .. وجمع مثل هذه الاغاني في مجتمع كبير مثل مجتمع الامارات انما يحتاج لجهود
جماعيه مخلصه لكي تظهر الى حيز الوجود ،،

ومن اغاني تنويم الطفل . .،،

حبــيـــتــــك حــب المــــــــــال .. والأهــــــــــــــل والغــــــــنـــــــى
حــــــــب الضــــــــــنــــــــــى .. مـــــا حــــــــــــال دونــــــــه دون
حبيتك حب يدعى الملح والسكر .. ويدعى عسى عويدات الثمام قرون
حـــــبــــــــــــيـــــــــــــــــتــك .. لــو تحـــــــبـــنـــــي يـــا وليــــدي
مــن كــــثرة بـــــداك ينــــــون .. وحــبـــــيـــتـــــــــك يـــا وليـــــدي
حــب داخــلـــن مـســــتـداخــل .. ومـغـــروزلــه مــا تراه العـــيـــون

وبعد غنو:

لااله الاالله تحرسك ----------------- في منامك وليلة عرسك
لااله الاالله وانشورة ------------------------عن الشيطان وحضورة
لااله الاالله ومنشرة --------------------عن عين ريال( ر جال) ومرة
لااله الاالله وماشاء الله -------------------- تعمي العيون الحارة
لااله الاالله عليك ------------------------ وعين الله منتظرة اليك
وبعون الله لاشر---------------------------- ولاسوء يقدر عليك

وبعد غنو:

هلو لو يا ميه هلو لووو
هلو لو يا وليدي هلولو

ارقد يا يمه رقدت هنية
رقد الغزلان في البرية

هلولو يا يمه هلولو
هلولو ووو ووووولما يقوم الطفل الصبح يغنون:
صباحك صباحين------------------------ صباح الكحل بالعين
صباح يطرد الفقر------------------------ صباح يوفي الدين
صباحك الصباحي-------------------------- والورد والتفاحي
وعوينتك هالزينة ------------------------ سلابة الارواحي

2) اغاني البنات قديما":http://www.qatargallery.com/pictures/upq/pic/DSC_0031s.jpg

امي يا امي يا ماية ** ولد البحر ما باه
يصبح يكد العومة ** وتقطر على علباه
ابغي وليد عمي ** بخنييرة ورداه
انقص اخطام الصفرا ** وتعلقت عصاه

3) اغاني موعد القفال:http://farm4.static.flickr.com/3336/3189426138_730972d564.jpg

تـوب تـوب يابحـر تـوب تـوب يابحـر هـات عيالنـا من البحــر
تـوب تـوب يابحــر تــوب تــوب يابحـر
ماتخـاف من الله يابحــر ماتخـاف من الله يابحـــر
يانواخذهـم لاتـصلب عليهـم يانواخذهــم لاتصلب عليهـم
ترى حبال الغوص قطعـت إيديهــم
تـوب تـوب يابحــر تــوب تــوب يابحــر
ياليتني فوق الدقـل حمـامــه ياليتني فوق الدقـل حمـامــه
أبشـر ياغــواص بالسـلامــه أبشـر ياغــواص بالسـلامـــه
ياليتني إدهينـه وأدهـن إيديهـم ياليتني إدهينـه وأدهـن إيديهـم
وياليتني خيمـه وأظـلـل عليهـم وياليتني خيمـه وأظـلـل عـليهــم

http://i1.makcdn.com/m002/travel/images/smilies/x1.gif http://i1.makcdn.com/m002/travel/images/smilies/x1.gif <<اتسطربت اههه:shy:
هـذي الأغنيـه يغنونهـا حريم لأول قبل موعـد القفـال بحوالي ثلاثة أو
أربعة أسابيع
يعني ( شهـــر ) يعتبر يوم القفـال يوم مهـم جداََ خاصة عند الأهـالي
اللي لهم عيال ورياييل داشين الغـوص ينتظرون ردتهم الديرة على أحر
من الجمـــر
يبدون الحريم والبنات يغنون هالأغنيه مثل ماذكرت قبل موعد القفال
بشرط يكون عقب المغــرب
بحيث يتجمعون صوب السـِيف وتشرف على الغناء إمرأه قويـه ونشيطه
تتحمل المسؤوليه عن جميع النساء
أما الحريم الباقي يبدون بجمع الحطب وسعف النخل ويستخدمونهـا لأشعـال النـار
وبعدهـا يوقفون على هيئة دائريه متحركـه وينشدون بعض الأناشيد
والأهـازيج اللي أهمهـا توب توب يابحــر



4) اغاني عند تأخر المطر:
http://www.qatargallery.com/arabic/data/media/254/ssfea4.jpg

طق يا مطر طق
بيتنا يديد، مرزامنا حديد
طق يا مطر، طق يا مطر، طق يا مطر طق

شوارع طافحة، والريحة فايحة
طق يا مطر، طق يا مطر، طق يا مطر طق

بواليع مسدودة، والدنيا سودة
طق يا مطر، طق يا مطر، طق يا مطر طق

الكل فرحان، بس آنه الزعلان
طق يا مطر، طق يا مطر، طق يا مطر طق

أعصاب تلفانه، والمره حنانه
طق يا مطر، طق يا مطر، طق يا مطر طق

ماكو دوام، وكل شي تمام
طق يا مطر، طق يا مطر، طق يا مطر طق

حلوى ورهش، إقعد وفرفش
طق يا مطر، طق يا مطر، طق يا مطر طق

السكري ملعون، صك المليون
طق يا مطر، طق يا مطر، طق يا مطر طق

عيش يوبه دنياك، وهد كل شي وراك
طق يا مطر، طق يا مطر، طق يا مطر طق

5) اغاني الحيه بيه:http://up.qatarw.com/get-11-2008-wh_70777078.jpg
الاطفال يرمون (الحيه بيه ) وهي عباره عن سلة صغيره فيها شعير لين نمى اشوي ، يذهبون الاطفال عند البحر يرمونها وهي تنرمي في عيد الاضحى قبل العيد بيومين على ماعتقد او ليلة العيد ولها اغنيه خاصه
http://www.malkiya.net/cover/binjasim/%da7/107.JPG

حيه بيه .. راحت حيه .. و يات حيه .. على درب الحنينيه


يا حيتي حيي بي .. بيت مكة دقي بي


اشربي من ماي زمزم .. و ادعي لديارنا تسلم

حيه بيه .. راحت حيه .. و يات حيه .. على درب الحنينيه

يا رب أعيادنا دوم فرحة عدونا في البحر طابعه
عشيتج وغديتج نهار العيد لا تدعين علي
حيه بيه .. راحت حيه .. و يات حيه .. على درب الحنينيه
يا حيتي غديتج وعشيتج ونهار العيد قطيتج
مع السلامه يا حييتيه .. أمنتج الله و بري ذمتيه

6) اغنيه القرنقعوه:http://www.shamsqatar.com/up3/get-9-2009-at1y8gwr.jpg
قرنقعوه قرعاوه*** عطونا الله يعطيكم
بيت مكة يوديكم *** يوديكم لأهاليكم
يامكة يالمعمورة *** يـأم السلاسل والذهب يانوره
عطونا دحبه ميزان *** يسلم لكم عزيزان
عطونا دحبة ليفة *** يسلم لكم خليفة

7) اغاني البحاره في البحر:اووووووووووووويااااااااااااااامااااااااااااا ااااااااااااااااااااااااااال:nice:
http://www5.0zz0.com/2009/10/17/09/475070614.jpg
النهَّام
يعتبر النهَّام العنصر الرئيس الأول والمغني القائد لجميع أشكال وألوان أغاني الغوص ، إذ بدونه لا يمكن قيام هذه الفنون ، وغالباً ما يكون
النهَّام أحد البحارة ، إلا إذا كان ذا شهرة وقدرة كبيرتين تدفعان أصحاب السفن إلى الاستحواذ عليه لكسب المزيد من البحارة الجيدين .
* المرددون
وهم مجموع البحارة على سفينة الغوص ويقومون بأداء كل نماذج الترديد
وملاحظه الاغاني كثيره للبحاره فكل موقف لهم في البحر له اغنيه 00 بذكر اليامال:nice:


اليامال

(( يامال بدينة )) ، (( ياهي يامال )) ، (( يامال محرقي )) ، (( يامال راكد )) .
وكلمة يامال هي نوع من التعبير الجماعي عما يجيش في صدور البحارة من الوجد والألم والفراق، كتعبير أصحاب اللغة ، قولهم (( ياهي يامال )) ، (( وياشي يامال )) ، معناه كله الأسف والتلهف والحزن، وهذه تتم بواسطة السرد الإلقائي، كل بطريقة سرده ومخالفة أداء نحبه ، بجر المجاديف على نمط واحد بشعر من الزهيري.
هو يامال أوه يا مال ما أخطي أنا خطاك ماأخطي أنا خطاك حبك بالضمير انزاح
(وان شاء الله بخصص موضوع عنهم يستاهلون البحاره ):nice:

8) الحنه --حنه العروس:http://images.multiply.com//common/dot_clear.gif


حـنـاج عيـيـن يــا بـنـيـة حـــنـــاج عــيــيـــن

لـيـن دزوج عـلـى المـعـرس بـــالـــج تـسـتـحـيــن

حـنـاج عيـيـن يــا بـنـيـه حـــنـــاج عــيــيـــن

شـــاف الـهـنـا قـلـبــج ونـلـتـي مــــا تـبـيــن

يـا بنيـه يـا شيخـة النسوان قـدرج رفيـع طـيـب المعـانـي

8) النافله:
يا النافلة يا ام الشحم واللحميا رافعة اللّي عطا واللي رحم

يا أهل الكرم يا أهل الشيـم زيدو العطـاء تزيـد النعـم

المناسبة :

اغنية يرددها الأطفال احتفاء بليلة النصف من شعبان

9) العيد:
العايـــــدوه "

يا العايدوه ..يـا العايدوه...عيـدي

عيـدي علينـا بالليالـي عـيـدي

عيدي علينـا مباركيـن وسعيـدي

يالعايدو..يالعايـدو..يـالـعـايـدو

عيدي على محمد بطولـة عمـره

جـدام بيتـه ميلـسـه ودلالــه

جـدام بيتـه بنـت عمـه عـنـده

تلاعبـة بالخـوخـه والرمـانـه

قومي يا لولـوة والبسـي لعلايـة

هنـاج ربـج ساعـدج مـولايـه

وانتي يا شيخـه البسـي الريشـة

يـا شيخـة البنـات يـا غريسـه

طير السعد غنـى علـى الليوانـي

قومي يا حصه والبسي الجز الحمر

يا شيخة النسوان يـا شبـه القمـر

وانتي يا فاطمـة البسـي الريشـه

يـا شيخـة البنـات يـا غريسـة
10) ام الحنايا
الحنايـــــا "

يدفـوهـا عـلـى الـسـيـفام الـــحـــنـــايـــا

يدفوها على السيف

تــيـــر الـمـيـاديــفكـلــهــا صــبــيــان

تيـر الميـاديـف

أم الـــحـــنـــايـــا يدفـوهـا عـلـى الـسـيـف

باسيير وياكم يا رايحين الغوص بـاسـيـيــر ويــاكـــم

وبايير وياكم لين يرت الميداف بـايــيــر ويـــاكـــم

باسيير وياكم يا رايحين الغوص بـاسـيـيــر ويــاكـــم

وباسمع حجاياكم واقعد على الفنّه واســمــع حـجـايـاكــم

يا نوخذاهـم لا تصّلـب عليهـم ترا البحر بارد غصـبٍ عليهـم

تــرا حـبــال الـغــوص قـطــعــت أيـديــهــم

المناسبـــة :

" ام الحنايا " سفينة قطرية ذائعة الصيت يتغنى الناس بمزاياها وبالتعبير عن مشاعرهم

تجاه ذويهم الذين يجوبون على متنها البحار بحثاً عن الرزق ..


واخير العرس:
يا معيريس عين الله تراك -- و القمر والنجوم تمشي وراك 0

وبس ^_^ لادولون مكرر لان انا الي جمعت الصور والمعلومات والي عنده زياده لايبخل :) :shy:

[حليتان*]

اسجل حضوري يا بنت النوخذة

وباجر لي عووودة




الله يعطيج العافية

[بوخالد911]

هلوووووووو


بديت أشك فييج
!!@@!!


شكلج تشتغلين بهيئة المتاحف


لا هنتي للمجهود الكبير

يوالييج 1000 عافية



تحياتي قبل سماع أغنياتي


مسيوو / بوخالد911

[بوحارب]

ماشاء الله عليج

سرد وطرح طيييييب تشكرين علي

المشكلة ان البنوته مالتي تقعد وانه برع البيت ولا كان غنيت لها ههههههههههههههه

اخاف اغني لها بوبكر سالم خخخخخخخخخخخخخخخخخخخ


يسلمو بنت النوخذه على الموضوع التراثي

[سمو الأميرة]

مواضيعج اتذكرني بيدتي


فديتها


تسلميين ياحلوة

[بـــــــنت النوخـّــــذه]

اسجل حضوري يا بنت النوخذة

وباجر لي عووودة




الله يعطيج العافية

الله يعافيك وننتظر دخولك :)

[بـــــــنت النوخـّــــذه]

هلوووووووو


بديت أشك فييج
!!@@!!


شكلج تشتغلين بهيئة المتاحف


لا هنتي للمجهود الكبير

يوالييج 1000 عافية



تحياتي قبل سماع أغنياتي


مسيوو / بوخالد911

اههههههههه لا وين اشتغل اهناك 000:)

والله يعافيك يابو خالد:nice:

[بـــــــنت النوخـّــــذه]

ماشاء الله عليج

سرد وطرح طيييييب تشكرين علي

المشكلة ان البنوته مالتي تقعد وانه برع البيت ولا كان غنيت لها ههههههههههههههه

اخاف اغني لها بوبكر سالم خخخخخخخخخخخخخخخخخخخ


يسلمو بنت النوخذه على الموضوع التراثي

لا غني لها:

صباحك ياوضحى------------------------ صباح الكحل بالعين
صباح يطرد الفقر------------------------ صباح يوفي الدين
صباحك ياوضحى-------------------------- والورد والتفاحي
وعوينتك هالزينة ------------------------ سلابة الارواحي:nice:

[شجرة الدر]

http://up.qatarw.com/get-11-2008-wh_70777078.jpg

حيه بيه .. راحت حيه .. و يات حيه .. على درب الحنينيه

تدرين في الشمال لين الحين يروحون ع البحر ويغنون هالغنيه ،،

يعطيج الف عافيه وووايد عجبني الموضوع ،،

[بـــــــنت النوخـّــــذه]

مواضيعج اتذكرني بيدتي


فديتها


تسلميين ياحلوة

انا يدتكم اههههههههه والله يعافيج يا ست الأمر:)

[بوعلي2]

جهد تشكرين عليه بصراحه وللامام دائما

[بـــــــنت النوخـّــــذه]

http://up.qatarw.com/get-11-2008-wh_70777078.jpg

حيه بيه .. راحت حيه .. و يات حيه .. على درب الحنينيه

تدرين في الشمال لين الحين يروحون ع البحر ويغنون هالغنيه ،،

يعطيج الف عافيه وووايد عجبني الموضوع ،،

صحيح هل الشمال والخور متمسكين بهذي العاده التراثيه 0000والله يعافيج وانا وايد وايد يعجبني مرورج وتعليقج:shy:

[بـــــــنت النوخـّــــذه]

جهد تشكرين عليه بصراحه وللامام دائما

لاشكر على واجب :nice:بس غير صوره التوقيع مادري اتجيب الضيقه احم وهذا بوحارب شكله زلمه ماشاء الله الاسم غير عن الشكل 0000::

[Al-Jawhara]

أنت روعه ومواضيعج رائعه :victory:

على راسي يا بنت النوخذه صج بنت اصل لا هنتي ولا هانوا هلج :)

تقبلي مروري

[بو خليفه 123]

هلا هلا بـ عجوزتنا الفسكر - كالعاده متألقه ممثلتنا التراثيه الرسميه

بصراحه أنا الحين مريض و لي عوده للتعليق على بعض الاغاني

اما اغنية ام الشحم واللحميه مالها حل - يحسبونها غزل هههه

[بوعلي2]

لاشكر على واجب :nice:بس غير صوره التوقيع مادري اتجيب الضيقه احم وهذا بوحارب شكله زلمه ماشاء الله الاسم غير عن الشكل 0000::


ثنيين شوارما دجاج وواحد بيبسي http://www.qatarshares.com/vb/images/icons/icon10.gif

فمان الله لايصيدني اعقر فيه بااااي :weeping:

[بوغانم995]

طبعاً مالك حل يابنت النوخذه ...... وين : بطه يابطه شيلي الشنطه - شنطه خفيفه مثل الريشه .
ووين : أ قرع قرنقع طلح في الطاسه... صاح على امه يبي قرقاشه.
ووين : أحمدوه القلقاني شل ثوبه ولحقاني....ومو بس هل مره بعد جاي

[شعنونة قطر]

واحوي واحوي ليه يااباه

:shy:

[هند88]

خاطري اسمعج بنتي وهي تغني قرنقعوه قرقاعوه :nice:

خربت التراث كله :p

يعطيج مليون عافيه على الموضوع الحلووو:victory:

[بـــــــنت النوخـّــــذه]

أنت روعه ومواضيعج رائعه :victory:

على راسي يا بنت النوخذه صج بنت اصل لا هنتي ولا هانوا هلج :)

تقبلي مروري

يابعد جبدي يا جوهره المنتدى على هالكلام الحلو ياحلو ^_*

ولازم اتقبل مرورج واحطج على الراس بعد:nice:

[بـــــــنت النوخـّــــذه]

هلا هلا بـ عجوزتنا الفسكر - كالعاده متألقه ممثلتنا التراثيه الرسميه

بصراحه أنا الحين مريض و لي عوده للتعليق على بعض الاغاني

اما اغنية ام الشحم واللحميه مالها حل - يحسبونها غزل هههه

هلا بوليدي بوخليفه 0000

ماتشوف شر يمك عليك باليانسون او عشبه البابونج تنشط الجسم

وننتظر تعليقك :)

[بـــــــنت النوخـّــــذه]

ثنيين شوارما دجاج وواحد بيبسي http://www.qatarshares.com/vb/images/icons/icon10.gif

فمان الله لايصيدني اعقر فيه بااااي :weeping:

اههههههههههههههههه :nice:

[بـــــــنت النوخـّــــذه]

طبعاً مالك حل يابنت النوخذه ...... وين : بطه يابطه شيلي الشنطه - شنطه خفيفه مثل الريشه .
ووين : أ قرع قرنقع طلح في الطاسه... صاح على امه يبي قرقاشه.
ووين : أحمدوه القلقاني شل ثوبه ولحقاني....ومو بس هل مره بعد جاي

اههههههههههههههههههههه

بوغانم شهالاغاني التراثيه كمل فيدنا 00لازم اتنزل الاغاني ومتى يقولونها لان هالمداخلات تخدم الموضوع ^_^00بس اشلون راحت عن بالي اغنيه اقرع اقيرع :rolleyes2:

[بـــــــنت النوخـّــــذه]

واحوي واحوي ليه يااباه

:shy:

اههههههههههههه:funny:

[بـــــــنت النوخـّــــذه]

خاطري اسمعج بنتي وهي تغني قرنقعوه قرقاعوه :nice:

خربت التراث كله :p

يعطيج مليون عافيه على الموضوع الحلووو:victory:

اصلا هند حلاتها بلسان الاطفال وطريقتهم تجنن اهم شي النغمه مضبوطه :nice:والله يخليها لج ومرورج الحلو ياحلو:)

[لــولــو]

يعطيج العافية يا بنت النوحذة الصراحة اتذكر يوم كن صغار ومواضيع مالها حل اتذكر

[شبح الصمت]

ماشاء الله عليـج

مافيـج حيله

أنا قلت لج خلاص أثريـه لازم نحتفظ فيـج

ربـي يحفظـج

وللأمام دوم في مواضيعـج الروعـه والمفيـده

[بـــــــنت النوخـّــــذه]

يعطيج العافية يا بنت النوحذة الصراحة اتذكر يوم كن صغار ومواضيع مالها حل اتذكر

هاشرايج لولو0000000000000 ^_*

اي والله انجدد الماضي ونتذكر هالايام الناس العفويه في ذاك الزمن00:weeping:

[بـــــــنت النوخـّــــذه]

ماشاء الله عليـج

مافيـج حيله

أنا قلت لج خلاص أثريـه لازم نحتفظ فيـج

ربـي يحفظـج

وللأمام دوم في مواضيعـج الروعـه والمفيـده

انا وقلعه الزباره خوات 00000<<<هل تعلم

عموما اخوي شبح الصمت الموضوع ماتزيد حلاته الا بمداخلاتكم :shy:

[شبح الصمت]

جيتك يا قلعـه الزبارة يا عــــزي وكل الفخــر
جيتك مع بنت النوخذه نهديك قلوبنا والشعر
هذه الزبارة كلا يشهد لها من عرب وعـجــم
داراً تنحـمى باروحنا وكلنا نفتخر فيها يا قطر
:shy::shy:

[بو خليفه 123]

هلا بوليدي بوخليفه 0000

ماتشوف شر يمك عليك باليانسون او عشبه البابونج تنشط الجسم

وننتظر تعليقك :)

الله يسلمج بس يالفسكر

اللي يسمعج يقول قاعد عند أم جاسم بـ سوق واقف ولا يدري انه الفرّاش عندنا يخب عليه كبتشينو .:telephone:


حلو الاجيال تتوارث هذي الأغاني من آبائنا , ثم لنا , ثم لعيالنا "جعلني اشوف عيالج" و تسمعينهم يراددونها بالفريج مثل اغاني العيد و القرنقعوه ..


لكن بزران الحين الله يهداهم .. يطق باب البيت يدخل لين نص المجلس ولا حتى يسلم , ياخذ عيديته و ماتشوفين الا غبرته .

قبل كانوا يخلونا نصف طوابير و نغنيها مع بعض .. و اللي يغني و حافظ اكثر ياخذ اكثر .:shy:

[Al-Jawhara]

يابعد جبدي يا جوهره المنتدى على هالكلام الحلو ياحلو ^_*

ولازم اتقبل مرورج واحطج على الراس بعد:nice:


يسلم راسج يا بنت النوخذه :)

[بـــــــنت النوخـّــــذه]

الله يسلمج بس يالفسكر

اللي يسمعج يقول قاعد عند أم جاسم بـ سوق واقف ولا يدري انه الفرّاش عندنا يخب عليه كبتشينو .:telephone:


حلو الاجيال تتوارث هذي الأغاني من آبائنا , ثم لنا , ثم لعيالنا "جعلني اشوف عيالج" و تسمعينهم يراددونها بالفريج مثل اغاني العيد و القرنقعوه ..


لكن بزران الحين الله يهداهم .. يطق باب البيت يدخل لين نص المجلس ولا حتى يسلم , ياخذ عيديته و ماتشوفين الا غبرته .

قبل كانوا يخلونا نصف طوابير و نغنيها مع بعض .. و اللي يغني و حافظ اكثر ياخذ اكثر .:shy:

اهههههههههه مت ضحك على تعليقك اخر شي 00بس اتصدق اني ماعشت القرنقعوه في الفريج عدل واني اعيد على الجيران 00امي الله يحفظها كانت خوافه ماطلعنا بس جيرانه المغربين فقط الطوفه جنب الطوفه او اهلنا وادز معانه شغاله وتمسكنا عدل من يدنا الي يقول بنشرد ولا تهدنا :weeping::weeping: والحين اشوف اليهال عندنا القرنقعوه والي يعايدون بسياره قلت زمن 000

[بوحارب]

لاشكر على واجب :nice:بس غير صوره التوقيع مادري اتجيب الضيقه احم وهذا بوحارب شكله زلمه ماشاء الله الاسم غير عن الشكل 0000::

انه زلمة يالبنغالية :tease:

اقول روحي قشري بصل بس :(

[بـــــــنت النوخـّــــذه]

انه زلمة يالبنغالية :tease:

اقول روحي قشري بصل بس :(

اخخخخخخخخخخخخ اقصد اههههههههههههههه :funny::funny::funny:

يه هاد فيني اشله اشوفك خليت بوعلي الي حاط صورتك في توقيعه وطحت فيني 00يلا اشوف جدامي ناس مايجون الا بالعين الحمره اصلا بوعلي اهو الي مطلع الاشاعه :anger1:

[بـــــــنت النوخـّــــذه]

جيتك يا قلعـه الزبارة يا عــــزي وكل الفخــر
جيتك مع بنت النوخذه نهديك قلوبنا والشعر
هذه الزبارة كلا يشهد لها من عرب وعـجــم
داراً تنحـمى باروحنا وكلنا نفتخر فيها يا قطر
:shy::shy:

:shy::shy::shy::shy::shy::shy:

اووب اووب اوووووووووب لا خلاص لاتعليق اخجلتم تواضعنا00كلك ذوق ترى صدقت عمري رجاء لحد يمدح بنت النوخذه ترى اتشقق ^_^ :shy:

[بوحارب]

^
^
^
^

ياشين بعض الناس لي صدقوا روحهم :(:omen2:



اخخخخخخخخخخخخ اقصد اههههههههههههههه :funny::funny::funny:

يه هاد فيني اشله اشوفك خليت بوعلي الي حاط صورتك في توقيعه وطحت فيني 00يلا اشوف جدامي ناس مايجون الا بالعين الحمره اصلا بوعلي اهو الي مطلع الاشاعه :anger1:


بوعلي عادي بس انتي لاتستهبلين وايد
:anger1:

[بـــــــنت النوخـّــــذه]

^
^
^
^

ياشين بعض الناس لي صدقوا روحهم :(:omen2:





بوعلي عادي بس انتي لاتستهبلين وايد
:anger1:


وليش بوعلي اشفيه زود على بنت النوخذه والله 0وشنهو استهبل ليكون لابسه لبس مهرج وقاعده انطط مايسوى كلمه زلمه قلناها 000:anger1:0بوحارب اقصر الشر يلا شاي كرك وصلحو ابغيه الحين 00:nice::anger1:

[بوحارب]

وليش بوعلي اشفيه زود على بنت النوخذه والله 0وشنهو استهبل ليكون لابسه لبس مهرج وقاعده انطط مايسوى كلمه زلمه قلناها 0000بوحارب اقصر الشر يلا شاي كرك وصلحو ابغيه الحين 00:nice::anger1:

زين خلاص سكتي

بل مب السان



http://up.souqaldoha.com/get-4-2010-9phgyhhe.jpg (http://up.souqaldoha.com)

:)

[بـــــــنت النوخـّــــذه]

زين خلاص سكتي

بل مب السان



http://up.souqaldoha.com/get-4-2010-9phgyhhe.jpg (http://up.souqaldoha.com)

:)


مشكور000 اسمحلي بوحارب ماشرب الكرك عادي اكته <<< اههه حركه نذاله :vampire:
روح شوف تعليقي الاول على ردك الاول اغنيه الاطفال 0000 :nice:

[بوحارب]

لا غني لها:

صباحك ياوضحى------------------------ صباح الكحل بالعين
صباح يطرد الفقر------------------------ صباح يوفي الدين
صباحك ياوضحى-------------------------- والورد والتفاحي
وعوينتك هالزينة ------------------------ سلابة الارواحي:nice:

سلابه الأرواحي :nice:

صح السانج يابنت

بس قلت لج ان البنت ترقد وانه موجود وتقعد وانه مب موجود

ولا ياريت لو اصيدها وهي توها قاعده كان قعدت العوزها ليييييين ماتصيح :secret::(

[بـــــــنت النوخـّــــذه]

سلابه الأرواحي :nice:

صح السانج يابنت

بس قلت لج ان البنت ترقد وانه موجود وتقعد وانه مب موجود

ولا ياريت لو اصيدها وهي توها قاعده كان قعدت العوزها ليييييين ماتصيح :secret::(

:nice::nice::) قرّ فالبيت خلها تشوفك

[حليتان*]

طبعاً مالك حل يابنت النوخذه ...... وين : بطه يابطه شيلي الشنطه - شنطه خفيفه مثل الريشه .
ووين : أ قرع قرنقع طلح في الطاسه... صاح على امه يبي قرقاشه.
ووين : أحمدوه القلقاني شل ثوبه ولحقاني....ومو بس هل مره بعد جاي

هالاغنيه قبل لما كنت اطلع مع ابووي لازم يغنيها لي والى :shy:

لا ويالف ماشاء الله

ويقول ..

احمدو القلقلاني باق فلوسي وخلاني ههههههه :secret:


وبيه بابا بيه ...محمد علي بيه ...يلعب كراتيه :nice:

وبعد في اغنية حلووة ..اممممم

يقولون ماما والشنطة فيها بطة ولعب وحاقات ومادري شنو ..امممممم

اعوذ بالله منك يا بليس ...نسيتها

ااي مام زمنها قايه قايه بعد شويه قايبه لعب وحقات ...قايبه معاها شنطة فيها بطة ووزه بتؤول وك واك واك

[fa6ma]

مشاااااء الله شهالابدااع

روعه روعه

تسلم الايااادي

[بـــــــنت النوخـّــــذه]

هالاغنيه قبل لما كنت اطلع مع ابووي لازم يغنيها لي والى :shy:

لا ويالف ماشاء الله

ويقول ..

احمدو القلقلاني باق فلوسي وخلاني ههههههه :secret:


وبيه بابا بيه ...محمد علي بيه ...يلعب كراتيه :nice:

وبعد في اغنية حلووة ..اممممم

يقولون ماما والشنطة فيها بطة ولعب وحاقات ومادري شنو ..امممممم

اعوذ بالله منك يا بليس ...نسيتها

ااي مام زمنها قايه قايه بعد شويه قايبه لعب وحقات ...قايبه معاها شنطة فيها بطة ووزه بتؤول وك واك واك

اههههههههههههههههههههههههههههههههه

ياصبي موتني ضحك اهههههههههههههههههههههه

لكن اخر وحده هذي اغنيه من التراث الفرعوني العريق وتحيه لشعب مصر 00:nice:

[بـــــــنت النوخـّــــذه]

مشاااااء الله شهالابدااع

روعه روعه

تسلم الايااادي

الابداع بتعليقاتكم اختي اخجلتم تواضعنا :shy:

[بو خليفه 123]

من يذكر اغنية ماما زمنها جايه .. جاايبه معاها لعب و حاجات

فسكر لا تقولين ماكانوا يغنونها لج ايام الثمانينات ؟

[منهم وفيهم]

موضوعج رااااااااااااااااائع تسلم الأيادي يابنت النوخذه
وهذي إضافتي عالموضوع عن أغاني الأول ...
الوالده الله يطول بعمرها لازلت تتغنى بالكثير منها .
بالنسبه لقومة الصبح :
صباحك صباحين------------------------ صباح الكحل بالعين
صباحن يجلي الهم --------------------- صباحن يوفي الدين
صباح يروح النخل---------------------- ويجيب لأمه عذقين
:
:
:
هذي يغنونها اليهال :
شوط شوط يالبطه ولعنبو من حطه
ماحطته الا سويره وسويره راحت البر إتجيب العيش الأحمر
وتحطه في الصواني ..على جيت خوالي
خوالي يادلالي ...ياإمضيعدي وهلالي
ولها تكمله بس مب حافظتها :shy:



وهذا رجال متزوج ثنتين وحده متينه والثانيه معصقله لي راح للمتينه قال:
يامتينه يامتينه يادكاكين المدينه
خششيني ودسسيني عن عصاقل لاتجيني:)

ولا راح للمعصقله قال:
ياعصاقل يامصاقل حبج في القلب صاقل
خششيني ودسسيني عن دبادب لاتجيني :victory:
:
:
:
وآخر إضافه عن الحامل إذا ربت :

تقول:بشروني بالبنيه إظلمت داري عليّه...قلت قوموا يانسوان صكوا بابي عليّه:secret:
بشروني بغلام إشتد حيلي وقام قلت قوموا يانسوان رزوا الصفريّه لو البشاره ساعه.:eek5:
ردت البنت:لاباس يمه لاباس ..أنا حمّالة القفّه وأنا فلاّيت الراس
وأنا ضمّامة إسدودج لاشاعوا إبها الناس.


واسمحيلي عالإطاله

[بـــــــنت النوخـّــــذه]

من يذكر اغنية ماما زمنها جايه .. جاايبه معاها لعب و حاجات

فسكر لا تقولين ماكانوا يغنونها لج ايام الثمانينات ؟

ههههههههههههههههههههههههههههههههههههه ماذكر الذاكره ضعيفه عندي يمك00بس شفت الاغنيه ذاك الفيلم الي بدون الوان والياهل يتمرجح يدزه ابوه ويضحك :shy:

[بـــــــنت النوخـّــــذه]

موضوعج رااااااااااااااااائع تسلم الأيادي يابنت النوخذه
وهذي إضافتي عالموضوع عن أغاني الأول ...
الوالده الله يطول بعمرها لازلت تتغنى بالكثير منها .
بالنسبه لقومة الصبح :
صباحك صباحين------------------------ صباح الكحل بالعين
صباحن يجلي الهم --------------------- صباحن يوفي الدين
صباح يروح النخل---------------------- ويجيب لأمه عذقين
:
:
:
هذي يغنونها اليهال :
شوط شوط يالبطه ولعنبو من حطه
ماحطته الا سويره وسويره راحت البر إتجيب العيش الأحمر
وتحطه في الصواني ..على جيت خوالي
خوالي يادلالي ...ياإمضيعدي وهلالي
ولها تكمله بس مب حافظتها :shy:



وهذا رجال متزوج ثنتين وحده متينه والثانيه معصقله لي راح للمتينه قال:
يامتينه يامتينه يادكاكين المدينه
خششيني ودسسيني عن عصاقل لاتجيني:)

ولا راح للمعصقله قال:
ياعصاقل يامصاقل حبج في القلب صاقل
خششيني ودسسيني عن دبادب لاتجيني :victory:
:
:
:
وآخر إضافه عن الحامل إذا ربت :

تقول:بشروني بالبنيه إظلمت داري عليّه...قلت قوموا يانسوان صكوا بابي عليّه:secret:
بشروني بغلام إشتد حيلي وقام قلت قوموا يانسوان رزوا الصفريّه لو البشاره ساعه.:eek5:
ردت البنت:لاباس يمه لاباس ..أنا حمّالة القفّه وأنا فلاّيت الراس
وأنا ضمّامة إسدودج لاشاعوا إبها الناس.


واسمحيلي عالإطاله

اضافات قيمه 0000سبحان الله حتى الاغاني للمتينه والمعصقله عفويه وبحسن نيه لو بزمانا كان ارفعت قضيه خلع 000اهههه

بس جد جد اضفتي للموضوع معلومات قيمه عن هالاغاني الي تطلع من قلب عفوي وزمن عفوي 000جد اشكرج على هالمداخله ورحم الله والديج000:nice:

[بو خليفه 123]

ابــــــــــــــــدعــــــــــــــــــــت منهم و فيهم

[بـــــــنت النوخـّــــذه]

ابــــــــــــــــدعــــــــــــــــــــت منهم و فيهم

:nice::nice:

[منهم وفيهم]

اضافات قيمه 0000سبحان الله حتى الاغاني للمتينه والمعصقله عفويه وبحسن نيه لو بزمانا كان ارفعت قضيه خلع 000اهههه

بس جد جد اضفتي للموضوع معلومات قيمه عن هالاغاني الي تطلع من قلب عفوي وزمن عفوي 000جد اشكرج على هالمداخله ورحم الله والديج000:nice:

العفو حبيبتي والديج للجنه
ههههههههه أما ترفع عليه قضيه ...بس الريال مسلك أموره يقولون الكيد عند الحريم وانا اقول المكر عند الريايل ولا اشرايج!!!:rolleyes2:

[منهم وفيهم]

ابــــــــــــــــدعــــــــــــــــــــت منهم و فيهم

:shy:شكرا:shy:

[بو خليفه 123]

العفو حبيبتي والديج للجنه
ههههههههه أما ترفع عليه قضيه ...بس الريال مسلك أموره يقولون الكيد عند الحريم وانا اقول المكر عند الريايل ولا اشرايج!!!:rolleyes2:


شكلي انا اللي برفع قضيه :anger1:

[منهم وفيهم]

شكلي انا اللي برفع قضيه :anger1:

:) يالله صباح خير يابوخليفه ليش عاد؟

[بـــــــنت النوخـّــــذه]

:) يالله صباح خير يابوخليفه ليش عاد؟

بوخليفه اشعندك كلامها صح 00الريايل اهم الي يعصبون الحريم ويطلعون اهم براءه ويطيح كل شي فوق راس هالحريم :nice:

[بـــــــنت النوخـّــــذه]

العفو حبيبتي والديج للجنه
ههههههههه أما ترفع عليه قضيه ...بس الريال مسلك أموره يقولون الكيد عند الحريم وانا اقول المكر عند الريايل ولا اشرايج!!!:rolleyes2:

اكيد صووووووووووووووووووووح الكلام 00بس بعضهم الله بالخير :nice:

[بو خليفه 123]

بوخليفه اشعندك كلامها صح 00الريايل اهم الي يعصبون الحريم ويطلعون اهم براءه ويطيح كل شي فوق راس هالحريم :nice:

هذا موضوع ثاني ماله خص بالاغاني التراثيه - افتحي موضوع عن مكر الرجال و بكون مشارك فعّال .. و سوف اقضي عليكم :strong3:

[+qatari+]

آۈۈۈۈۈۈۈۈۈۈۈۈۈب

مۈضۈع عبق آلمآضي ۈآلترآث

يعطيج آلعآفيه على آلطرح آلقيم :victory:

[بـــــــنت النوخـّــــذه]

هذا موضوع ثاني ماله خص بالاغاني التراثيه - افتحي موضوع عن مكر الرجال و بكون مشارك فعّال .. و سوف اقضي عليكم :strong3:

اهههههههههههههههههههه

اي صح الله يذكرك بالشهاده خلك وراي تراني اندمج ساعات ورى الردود وانسى الموضوع الاساسي:shy: اسفه المعذره يا قوم :shy:

[منهم وفيهم]

هذا موضوع ثاني ماله خص بالاغاني التراثيه - افتحي موضوع عن مكر الرجال و بكون مشارك فعّال .. و سوف اقضي عليكم :strong3:

ههههههههههه الله يهداك تراني قصدت الريال ابو مرتين (الدبه والمعصقله) بالمكر والعياره راضي الثنتين لي راح عند الاولى مدحها وذم الثانيه والعكس صحيح take it easy :)

[بـــــــنت النوخـّــــذه]

آۈۈۈۈۈۈۈۈۈۈۈۈۈب

مۈضۈع عبق آلمآضي ۈآلترآث

يعطيج آلعآفيه على آلطرح آلقيم :victory:

الله يعافيك واعجبتي كلمه عبق الماضي :)

[علي الكبيسي]

الصراحة مواضيعج تهبللللللللللللللللللللللللللللللللل
الله يعطيج العافية
ولا تقطعينا من تراثياتج
:victory:

[بـــــــنت النوخـّــــذه]

الصراحة مواضيعج تهبللللللللللللللللللللللللللللللللل
الله يعطيج العافية
ولا تقطعينا من تراثياتج
:victory:

:nice::nice:
المواضيع تزداد روعه بمداخلاتكم :)

[حليتان*]

حمامه نودي نودي ...سلمي على سعودي

سعودي راح المكة يجيب ثوب العكة ...ويحطه في صندوقي

صندوقي ماله مفتاح ...والمفتاح عند الحداد

والحداد يبي فلوس ...والفلوس عند العروس

والعروس تبي عيال .... والعيال يبون حليب

والحليب عند البقر ...والبقر يبي حشيش

والحشيش فووق الجبل ...والجبل يبي مطر

والمطر عند الله


لا اله الا الله ...محمد رسول الله

[بـــــــنت النوخـّــــذه]

حمامه نودي نودي ...سلمي على سعودي

سعودي راح المكة يجيب ثوب العكة ...ويحطه في صندوقي

صندوقي ماله مفتاح ...والمفتاح عند الحداد

والحداد يبي فلوس ...والفلوس عند العروس

والعروس تبي عيال .... والعيال يبون حليب

والحليب عند البقر ...والبقر يبي حشيش

والحشيش فووق الجبل ...والجبل يبي مطر

والمطر عند الله


لا اله الا الله ...محمد رسول الله

اههههههههههههه مادري ليش قبل لا اشوف تعليقك اجهز الابتسامه او الضحكه :eek2::eek2:

اي هالغنيه حلوه وصراحه كنت اغنيها اهههههههههه

[حليتان*]

اههههههههههههه مادري ليش قبل لا اشوف تعليقك اجهز الابتسامه او الضحكه :eek2::eek2:

اي هالغنيه حلوه وصراحه كنت اغنيها اهههههههههه

لا اليوم لا تجهزين الابتسامه او الظحكة


اليوم ان مكتأب:(

وعسا دوم الظحكة والابتسامه على وجوه المسلمين ..

[بـــــــنت النوخـّــــذه]

لا اليوم لا تجهزين الابتسامه او الظحكة


اليوم ان مكتأب:(

وعسا دوم الظحكة والابتسامه على وجوه المسلمين ..



لا تقول مكتئب لان الاكتئاب مرض خطير قول هم ويزول اههههههههههه يلا اضحك تضحك لك الدنيا :)