مطلوب بيت شعبي للايجار (بعد طردنا من منزلنا الحالي)

[راعي النيسان]

مرحبا شباب ، اعتقد البعض يعرف سالفتي مع راعية البيت السابق ، وخصوصا انه لما رحت للمحامي اوضح لي بانه القانون يقف بصفها وخصوصا اهي جايبة رخصة هدم وبناء ، مع انه البيت والله العظيم حده جديد ، لكن يالله المستعان شنو قول ؟؟؟ اللهم صبرنا على ما بلانا ... طمع بني آدم

على العموم ياشباب بغيت بيت شعبي في ضواحي معيذر او عين خالد او حتى في الريان او الوكرة او حتى الغرافة /يكون في ثلاث غرف نوم وبسعر انقول 3000 ريال مع اني متحمال وايد على روحي وهذه الايجار فوق طاقتي في الوقت الحالي والله يعلم بظروفي لكن شنو نقول ظروف وتعدي بدل ما انام انا واهلي في الشارع ، الاوله بعنا سيارتنا والحين الله العالم ايش راح نبيع ؟؟؟؟

ارجو الرد علي بصورة عاجلة .. وجزاكم الله خير ...

[bo_hamad]

الله يوفقك اخوي راعي النيسان بس حالياً صعبة تحصل لك بهاي السعر وبالتوفيق

[بويوسف]

الله يوفقك وتحصل بيت .. وان شاءالله اذا لقيت شي مابتأخر عليك ..

الله يفك كربتكم وييسر لكم اولاد الحلال يارب

[راعي النيسان]

تسلمون يالغاليين هذا انا والله منتف روحي وقاعد ادور من كل صوب من الشرق والغرب لكن لاحياة لمن تنادي ... الله يسهل علينا والله ...

[فلان]

يعلم الله يا ولد بلادي لو كان بيدي شي ما قصرت عنك ولا خليتك تسأل و تتعب وتدور بس الله أعلم بالحال و ان شاء الله راح ادورلك ... الله كريم هو الغني فوق الكل

[بسعود]

دور في المكاتب وحط اعلان في الجرايد وادعي ربك بعد كل صلاه واشكر ه وبتحصل اللي تبية

[راعي النيسان]

يعلم الله يا ولد بلادي لو كان بيدي شي ما قصرت عنك ولا خليتك تسأل و تتعب وتدور بس الله أعلم بالحال و ان شاء الله راح ادورلك ... الله كريم هو الغني فوق الكل


جعل ربي يسلمك يالغالي وما تقصر .. يا بو فلان ،،، هيه كل شدة ومردها تزول انشاء الله ... انا انسان الحمد لله اقدم النية بالخير في بداية الموضوع وبعدين التوفيق من الله ، والله يجزاك كل الخير على احساسك بمعانتي ...

يا بوسعود انا لفلفت نص مكاتب العقارات في الدوحة ما لقيت شي ،،، اكثر شي طايحة عندهم الشقق ، واحنا عيال عرب ياخوك ما نعرف نعيش داخل قفص صغير ... والحمد لله هذا احنا ندعي الله ، وانشاء الله الفرج قريب ...

[نديم]

حسبي الله ونعم الوكيل

[الرسام القطري]

أخوي الغالي لاتزعل نفسج أفا عليك بس

ترى والله الله فوق ويشوفك لاتخاف هذا إمتحان من رب العالمين أنا كنت أخس منك والله
بس الحمد الله أنا الحين قاعد أبني بيت وهذا بفضل الله
والحين أنا قاعد في بيت إيجار من واحد من أعضاء المنتدى الله يرحم والديه وماجرلي البيت على 2600 ريال صج آخر الدنيا بس االحمد الله


تبي تفرج عليك والله أنا صادق
صلي ركعتين قبل صلاة الفجر صلاة قيام الليل وأدعي ربك والله بيفرجها إن شاءالله
أخوي أنا مستعد أساعد لاتخاف
حتى لو بمبلغ والله عيوني لك
ترى الدنيا ما فيها شيء والله هذي الأرض سوف تزول والناس أيضا
ولكن الله باقي
...
هل تخاف من الفقر والله رازقا
أنا بدور لك أخوي الغالي وببدأ الإتصالات من الحين
وهذا أميلي sad_550_@hotmail.com :shy:

[راعي النيسان]

أخوي الغالي لاتزعل نفسج أفا عليك بس

ترى والله الله فوق ويشوفك لاتخاف هذا إمتحان من رب العالمين أنا كنت أخس منك والله
بس الحمد الله أنا الحين قاعد أبني بيت وهذا بفضل الله
والحين أنا قاعد في بيت إيجار من واحد من أعضاء المنتدى الله يرحم والديه وماجرلي البيت على 2600 ريال صج آخر الدنيا بس االحمد الله


تبي تفرج عليك والله أنا صادق
صلي ركعتين قبل صلاة الفجر صلاة قيام الليل وأدعي ربك والله بيفرجها إن شاءالله
أخوي أنا مستعد أساعد لاتخاف
حتى لو بمبلغ والله عيوني لك
ترى الدنيا ما فيها شيء والله هذي الأرض سوف تزول والناس أيضا
ولكن الله باقي
...
هل تخاف من الفقر والله رازقا
أنا بدور لك أخوي الغالي وببدأ الإتصالات من الحين
وهذا أميلي sad_550_@hotmail.com :shy:

تسلم يالرسام ،،،، هيه والله انكم كلم وقفتوا معاي ،، وجميلكم هذا ما انساه لكم ،،، والله كل اللي يبسط همي اهي قعدتي في هذا المنتدى .... وصحيح لو قالوا الخير بعده موجود ليت راعية البيت بس تدخل هذا المنتدى وتتعلم حب الاخ المسلم لاخيه ...

ويالرسام مشكور يالغالي مرة وانت اخوي ،وكل واحد يفتخر بانه يكون عنده اخو مثلك ... والله يعطيك ويرزقك من حلاله وخيره ... ومشكور الغالي ولو على المساعدة لا تخاف الحمد لله الدنيا للحين فيها خير والحمد لله ترانا عايشين وبعدنا شاليين روحنا ولو دار الزمان واحتجت فعيال الحلال وايد اولهم انت وباقي الاخوان في هذا المنتدى ... تحياتي لكم ... وخل يكون بينا اتصال يا الرسام ،، انا من صوبي موصي كذا شخص ... وانشاء الله اهو امتحان وبيعدي بس رغم كل اللي امر بيه من ظروف الا اني مازلت مبسوط خصوصا بانه عيال الحلال ما زالوا كثار في هالديرة الطيبة ...