مخطيين لصيف 2010 ايهما افضل لأصحاب الخبرة

[زمان الصمت]

السلام عليكم ورحمة الله وبركاته

طبعا الرحلة مكونة من 5 اشخاص اطفال 2 كبار 3 مدة الرحلة 20 يوم

المخطط الأول لندن 10 ايام السكن في ماريوت البارك لين او تقريبا راديسون ماي فير

ومن ثم ديزني لاند علشان خاطر اليهال 3 ايام بفندق الماريوت ايضا ورجعه لباريس وحياة

الشانزليزية 7 ايام طبعا الماريوت ايضا او احتمال الريتز على حسب الحجوزات

وبعدها الدوحه-قطر

المخطط الثاني فينا 7 ايام السكن ماريوت المشاه زيلامسي 4 ايام فندق جراند

ومن ثم ميونخ 9 ايام لو ميريديان ميونخ الي مقابل محطة القطار وبجوار المشاه

ثم ارض الوطن

لأصحاب الخبرة والي مجربين ينصحون ايهما نختار لعل وعسى نصيحتهم فيها خيره

تحياتي

[fa6ma]

شوف روح كل المناطق الي ذكرتها ولا اتكثر بمنطقه اكثر من 4 ايام لانك بتملل

واوروبا وايد عليها اسبوعين

[زمان الصمت]

بل الله يهديك وين اروح لهم كلهم وايد تعب وارهاق خصوصا وان احنا عيله لو شباب بلف اوروبا بلمح

البصر ...

القصد ان هناك مخططين ايهما افضل من وجهة نظر اهل الخبرة والمجربين

[Qatari 1980]

صباح الخير

الصراحه أخوي حيرتنا كل مخطط أحلى من الثاني

لكن أنا يمكن أفضل لندن وديزني لاند وباريس يمكن لأني أحب لندن

لكن بدون مجامله المخططين حلوين ...

[La Bella]

المخطط الاول

[شبح الصمت]

المخطط الاول والله يوفقكم في الرحلة ويحفظكم

وإن شاء تستمتعون فالرحلة يا شبيه نكي

ولا تنسى صوغة سميـك

:shy::shy:

[vip8]

طبعا الثااااااني زيلامسي رووووووووووووعه وميونخ اخلى

[Abu Abboud]

اخوي كم تكلفت المخطط الاول

حق عايله مكونه من 3 انا وام عيالي وبنتي الاصغيره ؟؟؟


وانا مارحت اروبا عامتن بس اشوف المخطط الاول نايس وانا مابطول من 15 يوم فا كم تتوقع التكلفه ؟؟

[قطري !]

زمان الصمت


المخطط الاول في رايي افضل بكثير



لانك راح ترضي ام لعيال ..( شارع اكسفورد ) كله اسواق من اوله الى اخره ..


وراح ترضي عيالك ب ديزني لاند والالعاب اللي فيه ..


وانت الله يعينك .. لا تطلع ايدك من جيبك ...



وعسى الله يستر عليكم انشالله

[أسير الأحلام]

السلام عليكم ورحمة الله وبركاته

طبعا الرحلة مكونة من 5 اشخاص اطفال 2 كبار 3 مدة الرحلة 20 يوم

المخطط الأول لندن 10 ايام السكن في ماريوت البارك لين او تقريبا راديسون ماي فير

ومن ثم ديزني لاند علشان خاطر اليهال 3 ايام بفندق الماريوت ايضا ورجعه لباريس وحياة

الشانزليزية 7 ايام طبعا الماريوت ايضا او احتمال الريتز على حسب الحجوزات

وبعدها الدوحه-قطر

المخطط الثاني فينا 7 ايام السكن ماريوت المشاه زيلامسي 4 ايام فندق جراند

ومن ثم ميونخ 9 ايام لو ميريديان ميونخ الي مقابل محطة القطار وبجوار المشاه

ثم ارض الوطن

لأصحاب الخبرة والي مجربين ينصحون ايهما نختار لعل وعسى نصيحتهم فيها خيره

تحياتي

السلام عليكم ورحمة الله وبركاته ... وبعد ،،،،
بخصوص رحلتكم الله يوفقكم في كل خطوة وأن شاء الله تستمتعون
* في لندن الفنادق الي حددتها فنادق جميلة وموقعها حلو
* في ديزني لآند انصحك بالفنادق الي موجود بالقرية نفسها والي ممكن تروح منها مشي وتستمتع بالحديقة لأن الفنادق الأخرى برع القرية وتحتاج باص ينقلكم كل شوي ولك هذا الرابط أن شاء الله يفيدك :http://arabic.disneylandparis.com/?c=QA-EN#
ونصيحتي تسكن في فندق اسمه :
Diseny's Hotel New York قريب من البوابة الرئيسية للحديقة والسوق الي هناك

* في الشانزليزيه الماريوت سعره مبالغ فيه وغرفه صغير جرب فندق California أو فندق Warwick
* في ميونخ اختيارك جميل جدا

[koketa]

المخطط الثاني لان ديزني زحمه في الصيف

بس لا تحجز لين تشوف ظروف الطيران والبركان

[زمان الصمت]

ننتظر عقب هالبركان وش بيصير احتمال راح يكون هناك مخطط بديل لأوروبا لو استمر الوضع على ماهو عليه

الأن ...

[ضوى]

ميونخ والنمسا احلى من فرنسا ولندن بواااااااااااااااااااااااااااااااايد كفاية الهدوء والنظافة واهل النمسا الطيبين

اجر لك سيارة ولف اوروبا لف ، رحنا ميونخ والنمسا وسويسرا لفينها لف حلوة تجنن اكثر من 25 يوم بس احلى بلاد النمسا الصراحة اهلها وايد جنتل سويسرا طبيعة حلوة ومناطق كثيرة تحسفت انه سفرتنا بس 25 يوم كان خاطري الف المانيا كلها بس ماحصل

شوف اخوي بالنسبة للتكلفة

الفنادق بكل المناطق اللي ذكرتها كلفتني 26 الف ريال واحنا 3 كبار و2 اطفال ، وتأجير السيارة 10 الاف تقريبا ، وتكلفة تقريبا 30 لين 40 الف ، بس حلوة الصراحة تستاهل

[شذى الورد]

انا اشوف المخطط الثاني احلى بوايد :)
بس ميونخ وايد عليها 9 أيام
لو تخلي منها 3 أيام لمدينه الالعاب (( يوروبا بارك ))
اللي في مدينه رست الالمانيه لاتفوتك
ومنها اليهال بيستانسون وحتى الكبار :victory:
ومثل ما قالت اختي ضوى اجر سياره ولف هالدول
تراها متعه مابعدها متعه :nice:
والله يكتبها لنا إن شاء الله السنه
العام أجلناها علشان انفلونزا الخنازير :(
والسنه طلعت لنا سالفه البركان :secret:
تمنياتي لكم بسفره سعيده :)

[جنوب الدوحه]

والله المخطط الثاني عجبني بس رتب له شوي ..

من وجه نظري يا الغالي .. بعد ما تطلع من فينا بتملل في ميونخ لن مافيها شي بيعجب اليهال غير اللوغو بارك ..


انصحك بالتالي واخلي تحديد الايام لك فيننا - زلامسي -بعدين تاخذ لــك يومين في اليوروب بارك عندهم داخل فنادق عجيبه ومن ثم ميونخ باقي الايام وبعدين ترجعون الدوحه ..

الفنادق الي تعجبني في المناطق المذكوره ..

فيينا .. الهلتون

زلامسي .. جراند او سي هوتيل احذا بعض

يوروب بارك .. عندهم 4 فناتق وكل فندق يحمل ثيم خاص فيه شوف موقعهم

ميونخ .. لاميريديان او السوفتيل

وتقبل مروري يا الغالي :)

[qtrose]

نصيحة مني كمجربة ، لا تتنقلون كثير بالسفر وخصوصا اذا

عندكم اطفال ، لأنه راح يكون تعب في تعب .

ما في أحسن من الاستقرار بمنطقة وحدة ، وزلامسي بصراحة

منطقة ترد الروح من جمالها. وجوها بصراحة يجنن ، ما يمر يوم

الا ينزل فيه المطر :victory:. وأكيد فيها برامج حلوة للأطفال مثل

الزحلاقية الصيفية وغيرها .

وبالتوفيق .

[روح الاطلس]

لا تتنقل كثير نصيحه

لانكم بتتلعوزون بشيل الشناط ومعكم اطفال تعب عليهم

حلاتها تقسم العشرين يوم بين منطقتين بس وانا اشوف لندن +باريس حلوو وقراب من بعض
اما لو مامعك اطفال النمسا + المانيا لان هالدول للطبيعه احلى اكثر وتصلح اجواء رومانسيه بين اثنين فقط بدون اطفال

[مهاوي الشمال]

موفقين ان شاء الله في سفرات الصيف

[cavok]

اخوي لا مخطط اول ولا ثاني اقترح عليك تروح l a s vegas واللة روعة من الخيال بس حوالي خمسة ايام ومنها تطير على o r la n d o بفلوريدا

[شعنونة قطر]

المخطط الاول مكلف وحياة مدينه
المخطط الثاني بسيط ورومنسي
افضل لك ولاولادك الاول
وكلن حسب ذوقه

[شعنونة قطر]

اخوي لا مخطط اول ولا ثاني اقترح عليك تروح l a s vegas واللة روعة من الخيال بس حوالي خمسة ايام ومنها تطير على o r la n d o بفلوريدا

اذا فيه امل تغير التخطيط انا بعد انصح وبقوه :nice::nice::nice:

[ali212]

الله يوفقك