استفسار عن الضيافة في الولادة

[toota]

بسم الله الرحمن الرحيم
السلام عليكم خواتي العزيزات
بس يا ليت تساعدوني لان ما عندي خبره
هذي اول ولادة لي وابغي اعرف عن الضيافه في غرفة الولادة
يعني ايش اجيب , ايش اشتري
ايش اضيف ضيوفي اللي بيجوني
يا ليت تساعدوني واذا عندكم اسماء محلات معينه يا ليت ما تبخلون علي
ولكم مني الف تحيه

[أهداب]

هلا اختي

انا اختي ربت من اسيوع جبت لها ضياااااافة روعه من زنجبيل(فطاير -موالح -وسويت) .. وبعد يوصلونه لج للمستشفى .. واذا خلصت ضيافتج وتبين بعد تتصلين عليهم ويوصلونه لج والدفع في المستشفى

وبالنسبه للي تضيف عندج اتكيت للضيافة ..واذا تبين اي استفسار انا موجوده :)

[كازانوفا]

احلى ضيافه انك تحمدي الله على السلامه وبعدين فكري بالناااااس
الله يهونها عليكي يارب وتقر عينك بمولودك ان شالله

[umhend]

اتكيت للضيافه احسن شي اما التضييف معظم محلات التوزيعات الضيافه توصل للمستشفى وعندج
شغل البنات هنا بالمنتدى بعد حلو شغلهم ام شهد او راشد والله يقومج بالسلامه

[shaikha ma]

اذا حبيتي شي سبشل عندج ام نواف تسوي مقبلات ( ميني )
واذا حابه تشوفين الموضوع بتلقينه في توقيعي

والله يقومج بالسلامه

[toota]

مرحبا خواتي
اشكركم جميعا على الردود اللي ان شاء الله استفيد منها قريبا
اختي اهداب وين محل زنجبيل علشان اروح اشوف ايش عندهم .
بس بعد كنت حابه اعرف شلون اضيف ضيوفي
يعني اول اقدم ايش الشاي او الحلو او المالح او العصير يا ليت تعطوني افكار شكرا لكم.

[umhend]

شاي اول شي بعدها القهوة معاها حلوو اذ

[نااااني]

لا والله سنعنا يالبدو او شي القهوى والحلى عقب الشاي مع الفطاير والموالح
والله يهون عليج...

[toota]

شكرا اختي نااااااني
بس على ما اعتقد القهوة تقدم بعد اي شي حلو حتى لو تمره .

[*Lulita*]

الله يهون عليج

[عذبة الأطباع]

الله يهون عليج حبيبتي

بخصوص التوزيعات

افضل اول شي القهوة بعدها العصير والفطاير وبعدهم الشاي والموالح واخر شي بعد قهوة مره ثانيه مع الكافي

احنا جذيه نسوي

وبخصوص المحلات
عندج للفطاير(( فندق لاسيجال - حصة التميمي - ام شهد - ام نواف- جولي بي بشارع السد))

الكافي: (( فندق لاسيجال - كازا- كاكاو - في محل بابراج المانع الدور الثاني))

بنات الخدمه (( الاتيكيت - الضيافه))

ربي يهون عليج ويقومج بالسلامة

[عزتي راس مالي]

خواتي اول شي الي نعرفه اول شي الجاي والموالح وبعدين القهوه والحلووو والله مادري شاقول اتعيبون هااااا
اسالو امهاتكم م............واخر شي العصير والله حتى الجاي والقهوه يبللها معابلللل

[عشووقي]

خليتو موضوع المراه وركزتوا ع الشايوالقهوه

الله يهون عليج حبيبتي

[شيزكيك]

اول شي الله يهون عليك

انا ما اشوف فيها شي اي شي يتقدم قبل بس لو انا بقدم العصير الفرش او الكابتشينو وعقب بوزع الفطاير مع الشاي

وعقب القهوه مع الحلى او الكافي

اتكيت خدمتهم زينه وهم بعد يعرفون سوالف التقديم

[toota]

أشكركم خواتي وفي انتظار المزيد

[Dissney]

حبيبتي انا حجزت الحلويات والميني ساندويتش من لاسيجال روحي هناك وذوقي الموجود بيعجبج واااايد
الشوكليت من لافوندوم عجيييييب
بعطيج كذا اختيار وعاد انتي روحي وجربي وشوفي اسعارهم لان في الغالي وفي المعقول
الشوكليت لاسيجال _ ركن الشوكولاه في السد_ لافوندوم _ كازا هذيلن انا مجربتهم وكلهم حلووين
الحلويات من تشيز كيك وهالسوالف عندج لاسيجال_ توسكانا في شارع ال شافي
السندويتشات والميني ساندويتش لاسيجال_ توسكانا _ ومحل زنجبيل فيه اشياء حلووه من ناحية الموالح والسندويتشات
اممم وعندج شغل البنات في المنتدى من السويتات والسندويتشات مبين شغلهم واااايد حلووو ودامه شغل يت اكيييد بيكون نظيييف
انا عن نفسي خواتي هم اللي بيضيفون الناس الله يخليهم لي :)
لكن الترتيب شنو الاول وشنو الاخر هذا اختصاص امي انا مالي شغل هههههه
بس المعروف الحلوو مع القهوه خاصة الشوكليت
بعده تجي السندويتشات مع العصير او الشاي حسب رغبة الضيفه
واخر شي الموالح مع الشاااي او تقدمين العصير ابرووحه

[toota]

اشكركم خواتي العزيزات
اختي دزني ما قصرتي بس يا ليت تقولين لي وين محل زنجبيل هذا أو حتى رقمه؟
تحياتي للجميع وجزاكم الله الف خير

[ربي سامحني]

اختي الله يهون عليج ان شالله وتقومين بالسلامة
اول شي لازم ترتبين الغرفة ومب شرط بالاشيا الغالية لكن كل شي يكون مرتب ومنسق مثل الملحف ومفرش البيبي واذا حبيتي تسوين توزيعات وتحطين شوية ورود ولو بسيطة
ثاني شي عن الاشخاص اللي بيقومون بالتقديم فيعتمد اذا كان عندج خوات وبيساعدونج في التضييف فبركة اما اذا ماعندج فلازم تطلبين لج من الايتيكيت للضيافة ويعتمد على عدد الساعات اللي يقعدون عندج
والحين نجي عن الاكل
جهزي لج صواني تقديم واطلبي اقل شي 3 اصناف وطبعا حسب ميزانيتج مثل فطاير صغيرة وعندج وايد محلات حلوة تسوي الفطاير مثل اوبرا وتيك اوي وشهد الجزيرة او العربية للفطاير او من البنات اللي في المنتدى
وصينية سويت وعندج توسكانا سويتاتهم لذيذة وراقية عندهم التشيز كيك روعة وبعد حلوة جدا جدا للتقديم

او حتى شهد الجزيرة او اوبرا وعندج البيتي فور من ماسيس والبقلاوة من بحصلي في السد وفي وحدة تعاملت معاها تسوي اشيا وايد حلوة ممكن اعطيج رقمها اذا حبيتي وتوصلج للمستشفى ب30 ريال للتوصيل
الصنف الثالث يكون موالح
وممكن تحطين حلويات مغلفة وراقية وفي صحون راقية وغريبة على الطاولة الصغيرة
طبعا انا من رايي ان تقديم الفطاير او البسكويت اول شي مع الشاي وبعدين الحلويات مع القهوة
او تقدرين تقديم العصاير اول شي وبعدين الشاي والقهوة
وبالتوفيق ان شالله

[toota]

شكرا اختي العزيزة