انفجار هز السوبر ماركت بلي فيه............................................... ..

[فرانسـ كوفي]

البارح قام التكفخ في السوبر ماركت

كان فيه بنت على ماعتقد عمرها 27 سنه واقفه تنتظر دورها عند المحاسب جدامها ثلاثه على بال مايوصل دورها

المهم احد الزبائن كان شاري اغراض بسيطه بحدود 10 ريال ومالتزم في السرا على طول مر على المحاسب وعطاه عشره ريال وهو ماشي لان اللي واقفين معاهم اغراض كثيره وبيأخرونه

دفع الحساب ومشى

فجأة وبدون سابق انذار سمعنا صوت انفجار هز السوبر ماركت بلي فيه... من الرعب ياتني نفضه.. انواع السب من البنت وشتائم حق المحاسب وياليتها وقفت على جذي ضربته بعلبة شامبو على ويهه وناس قامت تهدي البنت كل السالفه عشان واحد تقدم عليهم في السرا واللي جدام البنت مرتين وريال وماحد فيهم تكلم وهي الرابعه وعفست الدنيا

بذمتكم مو عيب على بنت ناس تصرخ جدام الله وخلقه وتهاوش وتقلل من قيمتها وتصير على كل لسان عشان شي مايستاهل

اكيد اللي حظر متأخر وماشاف بداية الهوشه بيقول احد متحرش فيها والله عيب



بعدين لو شفت واحد واقف وراي ومشترواته اقل بكثير عني وانا تارس العربه من باب الذوق اقوله تفضل انا بأخرك ولو واحد تقدم علي وغراضه اقل مني من الذوق يستأذن ولكن اذا هو ماعنده ذوق ولا ادب ليش اصير مثله ليش ماصير ارقى منه وتركه يحاسب قبلي شلي بيصير شكلي جدام الناس اهم من هذا كله

[ودي أكون]

احس ان انت تفشلت بدالها .. :tooth:




الناس اجناس وانا اختك :whistling:

[المرحب]

ما ذنب المحاسب المسكين

[فرانسـ كوفي]

احس ان انت تفشلت بدالها .. :tooth:




الناس اجناس وانا اختك :whistling:

اي والله انواع الفشيله بصراحه اسلوبها ماله داعي ومافيه شي من الرقه ونعومه حدها خشنه

[بو خليفه 123]

الله يعين الكاشير مسكين مايدري يرضي من ولا من اللي اطبعت على جبهته علامة الشامبو .

اما من ناحية البنت هذي اكيد فيها حاله نفسيه , ناهيك عن ذكر قلة الذوق والحشمه اللي فيها .

[فرانسـ كوفي]

ما ذنب المحاسب المسكين

يات في راسه المسكين :weeping:

[فرانسـ كوفي]

الله يعين الكاشير مسكين مايدري يرضي من ولا من اللي اطبعت على جبهته علامة الشامبو .

اما من ناحية البنت هذي اكيد فيها حاله نفسيه , ناهيك عن ذكر قلة الذوق والحشمه اللي فيها .

اسلوبها مسترجله حتى الصوت مرعب :eek5:

[بو خليفه 123]

اسلوبها مسترجله حتى الصوت مرعب :eek5:

شكلي من اليوم و رايح بوقف بالطابور لو بشتري علوج بو نص :tease:

[رذاذ]

عدل شغلها .. انا عن نفسي ولو في طابور واشوف واحد يبي يتجاوزني ولو شاري بريال واحد اخليه ينتظر ..

شنو الين مته بتم على الفوضى وعدم الاحترام للطابور ..

ينتظر وحاله من حال غيره ولو انا مسوي الحركه بستاذن اولا من الي واقفين ولو واحد منهم رفض بسكت ..

مب تعال وعطه عشر واطلع وانت الى بالجاري تنظر الين بكره .. عدل شغلها لجل يتعلم

[رذاذ]

شكلي من اليوم و رايح بوقف بالطابور لو بشتري علوج بو نص :tease:

ههههه شكلك يا بو خليفه تدخن سيجاير من دون علم هلك

اول نشتريه علوج بونص وناكله عقب السيجاره لجل ما تطلع الريحه وبعد ننصاد :victory::weeping:


فكك الله من شرها:nice:
قول آمين

[محمد افندي]

وين عاد اي سوبر ماركت :s ?

[رذاذ]

اسلوبها مسترجله حتى الصوت مرعب :eek5:


بالعكس الى سوته صح وهذي بنت عن عشره رجال ابصم لهاا بالعشرررر:nice:

[ودي أكون]

اسلوبها مسترجله حتى الصوت مرعب :eek5:


أكيد عيل بطلت حلجك وعيونك :omg:


وحطيت ايدك ع قلبك :rolleyes2:


http://up.arab-x.com/Mar10/ydm37065.jpg

[بو خليفه 123]

ههههه شكلك يا بو خليفه تدخن سيجاير من دون علم هلك

اول نشتريه علوج بونص وناكله عقب السيجاره لجل ما تطلع الريحه وبعد ننصاد :victory::weeping:


فكك الله من شرها:nice:
قول آمين


احييك على تحليلاتك يا طويل العمر .. اللهم آمين و ثبتني على عدم الاقتراب منها (رغم اني غير مدخن)


اما عشان هلي مايصيدوني على قولتك ... يقولك المثل لا تبوق لا تخاف :)

[فرانسـ كوفي]

عدل شغلها .. انا عن نفسي ولو في طابور واشوف واحد يبي يتجاوزني ولو شاري بريال واحد اخليه ينتظر ..

شنو الين مته بتم على الفوضى وعدم الاحترام للطابور ..

ينتظر وحاله من حال غيره ولو انا مسوي الحركه بستاذن اولا من الي واقفين ولو واحد منهم رفض بسكت ..

مب تعال وعطه عشر واطلع وانت الى بالجاري تنظر الين بكره .. عدل شغلها لجل يتعلم

يعني واحد مر ودفع عشره ريال كم تستغرق العمليه تعتقد ساعه كلها جم ثانيه ماتسوى اقلل من نفسي ودخل في مشادات في الكلام مع خلق الله علشان شي مايستاهل

وهو من المفترض مثل ماقلت يستأذن لكن اذا ماعنده ذوق ليش اصير مثله

[فرانسـ كوفي]

وين عاد اي سوبر ماركت :s ?

بعد الاشاره على يمينك قبل الدوار :nice:

[وطن]

اللي هي سوته اكيد غلط انها رفعت صوتها بهالاسلوب اللي انت ذكرته وبعد رفعت ايدها !!

والمحاسب غلطان انه يطوفه بدون ما يستأذن
لازم يحترم الطابور
وهو وظيفته انه يحترم الطابور مو يمشي واحد حتى لو ماعنده الا شي بريال

واللي مر بدووون ذوق بعد غلطان

كلهم غلطانين في النهاية

:)

[فرانسـ كوفي]

أكيد عيل بطلت حلجك وعيونك :omg:


وحطيت ايدك ع قلبك :rolleyes2:


http://up.arab-x.com/Mar10/ydm37065.jpg

:nice:

اه ياقلبي وقف وصرت ماسك قلبي مثل الصوره الرمزيه :nice:

ماحب النوع هذا ويييييييييييييين الرقه والخجل

[فرانسـ كوفي]

اللي هي سوته اكيد غلط انها رفعت صوتها بهالاسلوب اللي انت ذكرته وبعد رفعت ايدها !!

والمحاسب غلطان انه يطوفه بدون ما يستأذن
لازم يحترم الطابور
وهو وظيفته انه يحترم الطابور مو يمشي واحد حتى لو ماعنده الا شي بريال

واللي مر بدووون ذوق بعد غلطان

كلهم غلطانين في النهاية

:)

كلهم غلطانين

بس المحاسب ماله ذنب واحد مر وعطاه عشره ريال والاغراض فيده ومشى وهو مستعيل شلون يقوله استأذن

انا اشوف المحاسب ماله ذنب لان اللي حاسب ماتم ولا ثانيه مجرد سلم واستلم

اما البنيه حرام ينطلق عليها اسم بنيه مفروض ديناصور من الرعب تحلمت فيها :eek5:

[barod]

الغلط على المحاسب ليش يمشيه وفيه ناس تنتظر الطابور خله يتعلم مره ثانيه يمشي على النظام لو هل حركه في الخارج مستحيل يمشيه المحاسب

[ساعي الخير]

هي مثالية وهو مستهتر بحقوق الآخرين .وهنا تبدأ معاناة المثاليين. وبالرغم أني لاأأيد اسلوبها الذي لا يتناسب مع كونها أنثى إلاّ أن الحق معها 100%.

قيل لأحد الزعماء الصهاينة في ستينيات القرن الماضي : متى تعتقد أن العرب قادرون على استرداد فلسطين .قال هذا الصهيوني اللكع: (عندما يحترمون -العرب - الطابور).!

( لاحظوا القياس).!!!!!!!!!!!

[La Bella]

بو عشر ريال كان مفروض يستأذن من الي بالصف كلهم
وهي المفروض ما ترفع صوتها تتكلم بكل أدب وتقول له
line pls
مثل الأجانب

[السهم الكلاسيكي]

في حوار ونقاش وعتاب

لاكن رفع الصوت عند البنات تعتبر ظاهرة دخيلة علينا

ولربما تكون هذي بوية او مسترجلة

فلايوجد عليها حرج.

[عبد الوهاب]

لا لا لا الاخت غلطانه كان لازم تسكت وتخلي الى وراها كلهم ايتجاوزونها،

انا مرة كنت صاف في الطابور في الجمعية ويه واحد وراح سيدة جدامي واعطي المحاسب الاغراض والمحاسب على طول اخذ اغراضة وبدا يحسب له، وقفت المحاسب وكلمت الريال وقلت له اتشوفني واقف اشلون اتجاوزني , تاسف ورجع وراي في الدور ، ووجهت كلامي للمحاسب قلت لة اتشوف الريال جاي بعدي اشلون تحسب لة قبلي وبعد اعتذر وتاسف.
اذا الاخت اسكتت وانا سكت وغيرسكت بتصير السالفة فوضة.
انا بس اعترض على اسلوب البنت المفروض اتكلم باسلوب جدي وسليم ومن غير انفعالات عصبية مع اطراف الموضوع علشان تاخذ حقها باسلوب مقبول من الاخرين . فية بعض الاشخاص قليلين ادب وفية ناس ايتصرفون من غير تفكير علشان جذية لازم انوقف كل واحد عند حدة علشان ما تعتفس المسائل.

الصراحة كفو على البنت انها ما اسكتت عن حقها وانشاء الله مرة ثانية اتكون اكثر موضوعية في المطالبة بحقها.

[وطن]

كلهم غلطانين

بس المحاسب ماله ذنب واحد مر وعطاه عشره ريال والاغراض فيده ومشى وهو مستعيل شلون يقوله استأذن

انا اشوف المحاسب ماله ذنب لان اللي حاسب ماتم ولا ثانيه مجرد سلم واستلم

اما البنيه حرام ينطلق عليها اسم بنيه مفروض ديناصور من الرعب تحلمت فيها :eek5:

اخوي المحاسب غلطان لانه لازم يقيد الغرض في فاتورة
عشان يتسجل في سستم المحل

داشين بقالة ولا السوبرماركت اللي بعد الاشارة وقبل الدوار

:tease:

[قطر501]

من وجهت نظري اذا الشخص بو 10 ريال دز وجهه من غير مايستأذن هذا غير لائق والمحاسب غلطان لكن وطبعا اسلوب البنت مرفوض يعني بدل ماتحط حرتها في المحاسب كان استلمت الشخص بو 10 ريال

[حياة]

سؤال انتوا ترضون على بناتكم اوزوجاتكم او خواتكم لو حد تقدم عليهم وهم صافين بالطابور يتصرفون نفس التصرف ...صراحه انا اشوفه قله ادب وقله دين ان الوحده تهاوش لها رجال لا وترفع الصوت بعد
وين الحيا والله صارت مصخره ...
وحتى لو مااستاذن بعد عيب تتكلم وتصرخ لانه مايجوز هالشي
الله يهدي الجميع انا مره هندي طاف قدامي ونفس الشي عنده شي بسيط والله ولا قلت له شي وانا يمكن عربانتين متروسه ..
الله يهدينا ويااااكم

[رمــش الغلا]

ماشفت شي والله
من كم يوم وحده قطرية عند محطة بترول شهد الجزيرة
اش سوت في باكستاني خلته مايسوى بيزة
وهي في السيارة اتصارخ وعقب انزلت تبي اتطقه
واتقول انا بنت القبايل وانا زوجي ... وانا وانا .... ماكان فيه داعي الصراحه

والله يستر علينا وعليكم

[cristal]

صج قليلة ادب
اشفيهم البنات استخفوا

حتى لو تصرف المحاسب او المشتري غلط
بس مافى داعي اطقة وتصااارخ
الحمد الله والشكر
صج بلشتية

[حنان الدنيا]

البنت غلطانه انها تصارخ ومب عدله منها هالحركه

بس حركه يجي واحد وعنده بس غرضين او ثلاثه بقولك اسمح لي اخوي اسفه

لانه معناته ان لو جاا اثنين وكل واحد معاه غرض والثاني ثلاثه يعني يخلصون قبلي :(

اذا كذا بتصير الدنيا سايبه

ذكرتني بموقف صار معاي بالصين واحنا راحين مجمع نبي نستخدم الدرج المتحرك صدقني بالدور

مافي الا احنا دشينا عرض لانه مو متعودين بس لو تشوفهم بالدور حتى في الباصات

واحنا تقولي على غرض روحوا شوفوا هناك اشلون

[سارا.]

انا ظد حد ياخذ دور بدون استئذان
بس هي زودتها الموقف مايستاهل انها تظرب المسكين

[فارس قطر]

حتى لومعاها حق ماترفع صوتها

لان صوت البنت عورة

لاكن احتمال تكون ماعندها اخلاق و غير متربية في مجتمع يحافظ على عاداتة وتقاليدة.

[ماريسا]

أكيد من الأدب نعطي مجال للي ما عنده أغراض كثيرة يعني مثلاً عنده شي واحد خلّوه يدفع و يمشي
و تصرف البنت يمكن مو قاصدة تقل أدبها هي يمكن على اعصابها و تبّي تخلص بسرعة و اولريدي قدامها ناس و حسّت ان الكاشير قلل احترامه للي واقفين فبدا منها هالتصرف

[جوال 11]

يعني واحد مر ودفع عشره ريال كم تستغرق العمليه تعتقد ساعه كلها جم ثانيه ماتسوى اقلل من نفسي ودخل في مشادات في الكلام مع خلق الله علشان شي مايستاهل

وهو من المفترض مثل ماقلت يستأذن لكن اذا ماعنده ذوق ليش اصير مثله

يستاهل ما جاه وما نعرف أيش ظروفها ، ليش يستحقر الناس والمحاسب هو السبب لازم ما يقبل يحاسبه قبل الناس والوقت ثمين للناس دقيقة أو نص دقيقة وما أعتقد يسويها في دولة غربية ، وأكلت الحقوق حتى أصحاب الوظائف ما أسلموا منها

[اخت السهم]

وية غبرة تصكها بنت الناس ماتسوى هذي السوالف

اصارخ وخلي الي يسوى ومايسوى يقولون شوفوابنت قطر شتسوى

الله يهديها.

[لاجل QT]

من الرعب ياتني نفضه..
هههههههههههه
ضحكنى هالمقطع

اية علي انا ..ياما تعدونى في الطابور وعااادي ابتسم لهم طيب شاسوي اتهاوش مع العالم طبعا لا..صج يكون ضغط وانتظار ..بس ماتوصل انى اسوي حلبة مصارعة ...الله يهديها فشلتنا

[ماريسا]

يستاهل ما جاه وما نعرف أيش ظروفها ، ليش يستحقر الناس والمحاسب هو السبب لازم ما يقبل يحاسبه قبل الناس والوقت ثمين للناس دقيقة أو نص دقيقة وما أعتقد يسويها في دولة غربية ، وأكلت الحقوق حتى أصحاب الوظائف ما أسلموا منها


صحيح كلامك

[Bo3oof_80]

ان لم تستحي فاصنع ماشأت

[ساراام]

وش علينا من الناس وش على الناس منا

[بوحمد1]

بصراحة ماعندها سالفه انا لو من المحاسب اشتكي عليها

ايه ليش تضربني احنا مش في غابه احنا في بلد القانون والمجتمع الخلوق والظاهر هالبنت محسوبة علينا


وجهة نظر ،،،

[Toomy]

الحين البنات جذي لسانهم شطوله و قليلات ادب الا القلة القليلة اللي تحترم الغير وتجبرهم على احترامها,لو منه جان صفقتها بالغرشة خل تتادب.

[بنت^البحرين1]

هههههههههههههههههههههههههههههههههههههههههههههه .. بس بصراحة اسلوبها وقح .. هي صج كانت محتره ويمكن مستعيلة .. لكن في النهاية انتي بنت ماتطلعين صوتج جدام الرياييل وتخلين نفسج منظرة للكل


ذكرتوني .. بوحدة والله كنها ديناصورة المتوحشة مرة داشة محل بشتري شغلات حريم .. والا اهناك وحدة مع ريلها كاسرت مع الهندي قالها مايصير، وخذ الزيج ورجعه عالرف ،، ابدااااا ماصرفها سحبت الهندي من علباه وصرخت صراخ والله اني وقفت مبققة عيني من الخرعة ، والهندي قام يتنافض ورجع لها الزيج مرة ثانية .. وريلها يقول حق الهندي ليش انت سوي مشكلة خلاص ييب الزيج عطها اياه !!


في حريم والله الانوثة في صوب وهم في صوب

[هتـان قطر]

احس البنت بالغت في اظهار مشاعر الغضب عندها وما كان الامر يستاهل كل اللي سوته



عجبني في كارفور وجود كاشير للسلع البسيطة اللي بدون عربه..يعني عندك غرض

او اثنين لا توقف عند اي محاسب على طول روح للمحاسب المخصص للسلع البسيطة

والمفروض هذا النظام يطبق في كل مكان لانه مهب عدل بعد لو شخص مثلا شاري غرض

واحد بسيط بيتم ينتظر 4 عربات قدامه..!!!

[بوحارب]

انه لو اشوف بنت وراي في الكاشير اخليها تروح قدامي حتى لو كان معاها 10 عربات متروسة

قلبي ما يطاوعني اخليها توقف في السيد :(:no:

مع تحيات الفتى الرومنسي :funny::app:

اخوي بالنسبة حق هالبنت اللي تصارخ قدام الناس اتوقع انه تربيتها فيها خلل شوي :)

[لاجل QT]

:omg:
انه لو اشوف بنت وراي في الكاشير اخليها تروح قدامي حتى لو كان معاها 10 عربات متروسة

قلبي ما يطاوعني اخليها توقف في السيد :(:no:

مع تحيات الفتى الرومنسي :funny::app:

اخوي بالنسبة حق هالبنت اللي تصارخ قدام الناس اتوقع انه تربيتها فيها خلل شوي :)

:omg:

اذا كذي بو حروب عمرك ماراح توصل للكاشير ايها الفتى الرومنسي

[الأصيلة]

كل إناااااء بما فيه ينضخ...

[alrheeb2020]

ههههههه سر البليه مايضحك ..

المحاسب مسكين شنو ذنبه تطبع على يبهته علامة هيد اند شرولدز

[بوحارب]

:omg:

:omg:

اذا كذي بو حروب عمرك ماراح توصل للكاشير ايها الفتى الرومنسي

عادي اهم شي خواتي في الله يوصلون :( خخخخخخخخخخ

[لاجل QT]

عادي اهم شي خواتي في الله يوصلون :( خخخخخخخخخخ


دلنى انت وين في.. اي جمعية تروحها ..بصراحة اموت من الانتظار:weeping:

[غزلان]

افف ماله داعي
بالعكس كم مره طوفت ناس عندهم حاجات بسيطه لو تاخرت كم دقيقه مابيصير شي وكم مره طوفوني زباين لأن عندي حاجات بسيطه بدون ما اطلب منهم من فرج عن مسلم فرج الله عليه يوم القيامه

[نايم سهران]

في بعض البنات يقولون اسلوبها وطريقتها صحيحه خوفي بس لاتطلع هي راعية الشامبو :eek5:

[rayyani4ever]

بعد الاشاره على يمينك قبل الدوار :nice:




اييوووووووااااااااااااا..:nice: عرفته...:nice:


:tease:

[امل الحب]

يمكن تكون بالغت في ردة الفعل .. بس انا نفس هالنوعية يستفزني اي شخص يتجاوزني حتى لو ماعنده شي ..

كل واحد عليه يحترم الدور حتى لو اغراضه اقل.. بس انا اوجه ملاحظتي حق الكاشير واسكر الموضوع ولو استاذني وانا مب راضية اقوله لا وخله يقول الي يبي يقوله .. :)

ومانقدر نحكم لان احنا مانعرف ظروفها .. الله يستر عليها :)

[الزيبق]

الاثنين غلطانين اذا ما كانوا الثلاثه الريال اللي تعدى على العالم والبنت اللي المفروض انها انثى ولا تنسى نفسه والمحاسب من وجهت نظري واعتقد انا بعض المجمعات في اماكن حق اللي بيشتري اقل من عشر قطع

[كبشينو]

المشكله مافيهم صبر

[بو فهد]

يمكن تكون بالغت في ردة الفعل .. بس انا نفس هالنوعية يستفزني اي شخص يتجاوزني حتى لو ماعنده شي ..

كل واحد عليه يحترم الدور حتى لو اغراضه اقل.. بس انا اوجه ملاحظتي حق الكاشير واسكر الموضوع ولو استاذني وانا مب راضية اقوله لا وخله يقول الي يبي يقوله .. :)

ومانقدر نحكم لان احنا مانعرف ظروفها .. الله يستر عليها :)

اي ظروف ترفع صوتها وتضرب الكاشير
وين الحياء وين الاخلاق وين تربية

هل وصل الانحطاط لهذة الدرجة عند البنات

لاحول ولاقوة الابالله

[The Watcher]

طبعاً هذاك اللي جاء وما التزم بالطابور غلطان .. لأنه المفروض يلتزم في الطابور

والبنت غلطانة .. لأنها فصخت الحياء .. اللي الرسول صلى الله عليه وسلم وصانا نحن الرجال فيه .. فما بالك بالحريم

[مشاغب]

لنكن حقانين المفروض الاحترام لوكان شاري بنص ريال ينتضر دوره حاله حال المنتضرين بدور متى راح انتعلم النظام لو ابدوله اوربيه ماياخذ منه لفلوس وراح ايقول له صف بدور . وانا مو معا البنت الي ارفعت صوتها مهما ايكون البنت جنس ناعم ما انخلقلت للخشونه ورفع الصوت وشتم وضرب(( تحياتي للجميع))

[hussein66]

شكلي من اليوم و رايح بوقف بالطابور لو بشتري علوج بو نص :tease:


وأقسم بالله إنك ضحكتني من قلب والله على أسلوبك ههههههه

[hussein66]

شكراُ لطارح الموضوع وفعلا عيب هاللي صار مهما كان
مو حلو الحرمه تطلع صوتها وتصارخ على أي أحد وانا أستحي
كرجل أسوي مثلها وفي شي يمنعني والمفروض حياءها يمنعها
والحيا ما يمنع المسلم من أن يقول الحق أو يأمر بمعروف أوينهي عن
منكر ولكن على المسلم أن يفعل كل ذلك بأدب وحكمة لكن مانقول

إلا الحياء شعبة من الايمان وقد قالوا اذا لم تستحي فاصنع ماتشاء

[بعيد النظر]

عااد كللش الي يسمع الحيين ..
وقتها من ذهب !!


الله يكفينا شر هـ الاشكال

[حدالكلمه]

البنت غلطانة بس بعد اللي يحاسب غلطان وااللي جا بحاسب بعد غلطان

البنت كان بامكانها تحتج بس بأسلوب لبق

وذاك اللي درعم ودفع وطلع كان بامكانه يستأذن من اللي قبله او يرتز ينطر دوره النظام نظام لو مشترياته بريال --

وبعدين ليش المحاسب مب غلطان ؟؟ مب هو اللي يحاسب ؟؟ ماشاف اللي صار قدام عينه ؟؟

[هذلان]

السلام عليكم


قبل فتره كنت في سوبرماركت في الوكره على الشارع اخذ اغراض للعنه .

و كنت شايل الاغراض الي شاريها بيدي بدون سله لانه ماكان فيه و تعبت و انا في السيد واقف و قدامي حول ٦ اشخاص (اغلبيه الي في المحل هنود البياعين و الزباين)
شوي ولا هندي يختل من بعيد :nice:
و يدخل في نص السيد وصار قبل الاول (وكل الي موجودين هنود و وسعوله برضى موظف الكاشير لانه انتبه له) و معاه غرض واحد بس .
طبعا لو مستاذن كان مشا الحال لو موظف الكاشير استاذن من الموجودين كان مشا الحال .

ناديته قلت له ليش تروح قدام ارجع ورى قالي انا معاي غرض واحد قلت له ولو ارجع ورى و رفض .. بربر هو و الهنود الي واقفين شوي و الي اتوقعه انهم قالوله ماعليك منه خلك في مكانك :anger1:
قلت له مب مشكله و اشل عمري و اروح اول واحد قلت له انا تشوفني شايل بلاوي في يدي و تعبان :victory:
الغريبه ان موظف الكاشير قالي مايصير ؟؟ و ليش تسوي هالشي هو عنده غرض واحد بس ،، قلت له لو انه مستاذن ماعندي مشكله او على الاقل انت لو انك منبهنا و مستاذن كان معليش و انا شايل اغراض كثيره و مافيه عندكم لا سله ولا ترولي .
قالي الهندي الاي كان متجاوز خلاص برجع .. قلت له تروح اخر واحد
و هذا الي صار و طبعا رديت مكاني الي هو قدام هذا .

خلاصه الموضوع ،، الموضوع هذا يصير ولكن المفروض احترام الاشخاص الموجودي و استاذانهم اذا محد منهم بادر و طوفك بسبب انع اغراضك قليله
و البنت صاحبه القصه كان المفروض ماتعلي صوتها ولا تلفت الانتباه تروح اول وحده و تنزل اغراضها على السير و خلاص

[£عبدالعزيز£]

على قولة عبدالعزيز الانصاري

انتي انثى ؟ :telephone:

http://www.you-tube.com/watch?v=o9tSMUCPAcY

http://www.you-tube.com/watch?v=60vJeTn_Rho&feature=related

http://www.you-tube.com/watch?v=SRspQp83WZQ&feature=related


شيلوا - بين يو تيوب

[اناقه]

ان لم تستحي فاصنع ما شئت

انا معاك ان اسلوبها في التعبير عن غضبها كان غلط 100 % لان عيب صووت البنت يطلع بهالطريقة و تتصرف جذي و تهين راعي الكاشير

كان بامكانها تعترض بس باسلوب راقي

على سبيل المثال تقول : لو سمحت اخوي احنا ننتظر قبلك يا ليت تمسك الطابور لان احنا بعد مستعجلين

والله الرجال بنفسه بيستحي لكن اذا ما انحرج فهذا حرام الواحد يتنزل و يتكلم معاه

و الغلط هني على الكاشير المفروض ما يرضى انه يمشي شخص حتى لو شاري بريال الا عقب ما يستاذن من اللي ينتظرون قبله

و على شان الجمعية تتفادى هالمشاكل خل يحطون لوحه يطلبون فيها من العالم انهم يلتزمون بالدور في الدفع

[شـعـشـبـونـه]

تصرفات الشخص تعكس الجو الي تربى فيه :)

[alq80]

أحتقر هذة النوعية من البشر
1- الذي لايحترم الاخرين (من تعدى الدور )
2- بنت تصدح بصوتها (اوووف جدا احتقرها )
يجب أن نقتدى بقصة الامام الجليل أحمد بن حنبل كان يعذب ويجلد ويطوفون بة في شوارع بغداد فخرجت إمراءة وقالت عيبا عليكم تعذيب شيخ كبير فقال لها الشيخ بل العيب والحرام خروج صوتك للعلن يا إمرءاة
لاحول ولاقوة الا بالله اللهم عافنا من ماسمعنا

[qtrose]

التربية والبيئة الي هي جات منها تلعب دور !!! :(

[ضوى]

اسلوب شوارعي للاسف

ولو كنت مكانها راح امتعظ واتضايق ولوصلت للمحاسب راح اقوله انك اخطات ولو تكرر هالشئ راح ابلغ الادارة وانتهى الموضوع

اما اسلوب العنترة والتفرعن فهذا ليس من طبع النساء المحترمات

[جرح الزمان]

الحياء شعبه من شعب الايمان

وممكن نستمتع بمثل هالاوقات بالاستغفار والتسبيح

الله يهدينا ويهديها

[البانوش]

فجأة وبدون سابق انذار سمعنا صوت انفجار هز السوبر ماركت بلي فيه... من الرعب ياتني نفضه.. انواع السب من البنت وشتائم حق المحاسب وياليتها وقفت على جذي ضربته بعلبة شامبو على ويهه وناس قامت تهدي البنت كل السالفه عشان واحد تقدم عليهم في السرا واللي جدام البنت مرتين وريال وماحد فيهم تكلم وهي الرابعه وعفست الدنيا



الاحترام ونظام
مطلوب من الجميع


لاكن اخلاق البعض في ردة الفعل تجعلة امام الاخرين انسان تافة
ومنحط تربويا
عسى الله يهديها

[قناص الخليج]

زمن حياء البنت ولى الى غير رجعه

الله يرحم

[بدون]

زمن حياء البنت ولى الى غير رجعه

الله يرحم

لا اتفق معك أخي قناص الخليج في ذلك. هي لا تعبر سوى عن نفسها و بناتنا و لله الحمد و المنه أدب و أخلاق و احترام و تربية. و يمكننا أن نستشعر من ردود معظم البنات ههنا من أن هذا التصرف مستنكر من الجميع تقريباً، أما بالنسبة للشاب الذي تجاوز الدور فهو أيضاً أخطأ باستهتاره و عدم احترامه للآخرين، و هذا التصرف لا يُعد تصرفاً سائداً ،، كما أخطأ البائع بقبوله خدمة الزبون المتجاوز و هو أيضا ليس النمط السائد حيث أصبح الباعة الآن ينبهون على أهمية الالتزام بطابور الجمعية بس هذا شكله خايف من الشباب القطريين :nice:
إذاً مثل ما يقولون المصريين: الدنيا لسه بخير ،،
و الأثنين يبي لهم درس في الأدب ،،:)
نسأل الله لهما الهداية و الستر. آمين يا رب العالمين

[HIGHNESS]

انتوا تتناقشون في شنو بالضبط ؟؟؟ الي مايوقف في الدور ولا البنت اللي طلع صوتها ؟؟؟
البنت اللي صرخت اسلوبها اكيد خطأ ... بس ياليت نركز على اسلوبها الغلط في هذا الموقف ونترك تربيتها ودينها غيره ونعتها بالفاظ مهب حلوه لانه احنا مانعرف البنت شنو طبيعة اخلاقها...
وبعدين شهالسوبرماركت .. اي واحد ياخذ غرض يقط فلوس ويطلع !!!!
ياليتك بعد ركزت ياصاحب الموضوع على المحاسب والريال اللي عدى الدور مو بس البنت ..
عن نفسي مااسمح لاي احد يتعداني سواء عنده غرض ولاغرضين وماله خص الذوق في الموضوع .. الموضوع كله احترام الناس الواقفه .. اذا استأذن مني وسمحت له يمكن الي وراي مايرضون يعني مالي حق اسمح له يمر ...

[سحـابة خيـر]

اذا لم تستحي اصنع ماشئت

حتى لو مايصير هالاسلوب يطلع منها "عييييب"

سوت هالحرب عشان 10 ريال وعالماشي

ماعندها سالفه

[cl63]

العيب على الرجال انه مااحترام الناس الي واقفه والمفروض انه ا استاذن من البنت اعتقد مراح ترفض
والعيب على البنت انها ماتتصرف هذا التصرف الغير لائق
والمحاسب غلطان انه قدم الرجال وحاسبه:anger1::anger1::anger1:

[اناقه]

تصرفات الشخص تعكس الجو الي تربى فيه :)

اتفق معاج 100%

[eXpert*]

ان لم تستحي فأفعل ما شئت
نسأل الله السلامة

[نورالهدى]

استأذن والا ما إستأذن
الموضوع بنت طلع صوتها بأي شكل من الاشكال
واضربت المحاسب بالشامبو
تدرون هذه فيها قضيه
تعدت على موظف ومالها حق
مايصير اتمد يدها على حد
ولو كل اللي حولها خطأ لازم هي تحشم نفسها
الله يهديها

[مستر بن]

بعد الاشاره على يمينك قبل الدوار :nice:




ههههههههههه

[بنت ابوها 19]

بال لو اانا بالجمعيه بطلع على طول
موقف يفشل بصراحه ماحب احظر مثل هل المواقف السخيفه
واخي ماتخيل نفسي

[Rashid554]

الزبون غلطان لانه ماحترم الطابور
الكاشير غلطان لانه قبل تخريب الدور
الزبونه غلطانه لانها رفعت صوتها
والغلط بالترتيب من الزبون بالاول والكاشير ثانياً وختاماً بالزبونه مع انها صاحبة حق

[فارس قطر333]

المشكله هو ما احترم الموجودين وهي في نفس الوقت غلطانه المفروض ما يطلع منها هالتصرف

في الاول والاخير هي بنت يعني عيب عليها

[كيلو حديد]

قليلة حيا

[عين قطر]

غصبا علي ضحكت .. بس عيب عليها اللي سوته

[Mr.Mohammad]

اخــوووواني المشكـــلة مش في انه الشخص تجاوز الطـابور..اللي اهم ليش البنت ترفع صـوتها جدام خلق الله..بتمـــــــــوت..؟!!!!

حتى لو بتموت خلها تموت وهي بإحتـــــرامهـا..هــــــــذي بنت فيها نقص ،، فيهــا كبت..

صـدقـــــوني البنت المحترمه ماتسوي سـواتها..خير ياطير واحد قط 10 وهو رايح..وحتى لـو عطلها في اسلـوب للكلام..

انا بحكم اني لي احتكاك بالـزباين و البيع و الشـرا..البنت اللي مش محترمه ما اتعامل معاها اساسا و الوقحه في الكلام اسفـهها مارد عليها..مش مسـأله عنـاد او تأديب.. في النهايه هي بنت الله يستر عليها لاهي من اهلي ولا بناسبها..بس هالاشكـال الافضـل تتحاشى اتعامل معاها..


الله يبعدهم عنـا..


يعطيك العافيه اخـوي صاحب الموضوع..واسمح لي ع الاطــــــاله

[فتوون]

قلة آدب بصرآحه !!

[مشتاقة لقطر]

الله يهديها بس هالشيينرفز الا في حال الاستئذان

[لولوتي]

ذكرني الموضوع بوحده في صيدلية المستشفى،،، واقفه ويا الرياييل تنتظر دورها،،،
وهي وحده بروحها،،، والرياييل ما شاء الله كانوا مجموعه،،،
قال لها الصيدلاني تعالي من الدريشه الثانيه المخصصه للنساء،،،
وبس ما وعيت الا وهي تصرررررخ وتقول:- ليش اتقول لي روحي ذاك الصوب انا عاجبني هالوضع :secret:
طبعاً الموقف مختلف ولكن تصرف الفتاتين غير لائق :rolleyes2:

وهذي الاخت كانت سرحانه يوم ان الرجال حاسب وقط العشر وراح :rolleyes2:
يعني ليش ما تكلمت ويا الريال اللي ابتدأ بالغلط وتعدا الكل؟؟؟

طبعا عن نفسي ما اعتبر من حقي اني اعطي الدور لغيري بمزاجي ولأني قادره اصبر،،،
لا،،، لابد اني اراعي الناس اللي منتظره وراي،،، واذا ما عندهم مانع،،، اعطيه الدور :)

وما انسى اني احيانا اتعرض لنفس الموقف واكون ماخذه غرض او اثنين،،، والقى روح التسامح و بكل بساطه في البعض اللي يطلبون مني اني اتجدمهم :)

بس في مواقف مرت عليّ وعليت فيها صوتي وااااايد وللأسف ندمت لأنه مب من طبعي ابدا ابدا،،،
لكنها كانت مواقف في غاية الصعوبه وكان الصراخ بدون وعي :shy: