بغيتكم بخدمه وياريت ماتخيبون رجاي

[سحايب الروح]

السلام عليكم ورحمة الله وبركاته

بغيت اخواني أأجر لي محلات تجاريه والخدمه اهيه ؟؟؟؟

ابي اعرف الشوارع التجاريه اللي اللحين عليها العين وعليها اقبال كبير واللي يعرف محل ياريت يبلغني عنه

انتظر الرد بسرعه

^

^

اختكم

سحايب الروح

[الرسام القطري]

النشاط ايش ممكن أعرف :deal:

[سحايب الروح]

بغيت محل حلويات

ومحل مستلزمات نسائيه

[الرسام القطري]

أختي العزيزة أذا حلويات ماشيء في كل مكان
الناس الحين تمشي وتاكل عليهم بالعافية أختي أذا لقيتي في شارع الريان شارع آل شافي
والله ذهب الشارع صار حيوي

المرخية اوكي بعد
الوكره اوكي بس للحين مافي ناس

مستلزمات نسائية تبين نصيحتي وانتي وكيفج
أختي أنا تاجر في السوق والحمد الله وعندي محلين وان شاء الله الثالث في الطريق
(((( سوق واقف )) ((تحفة ))((ذهب))((فرصة لاتعوض))
والله هذي نصيحتي لج وبكره بتقولين يا ريت سمعت كلامك وبعدين التأجير عن طريق البلدية
وسعر خاص للقطريين 600 ريال في الشهر :deal:

[سحايب الروح]

تسلم اخوي الرسام على نصيحتك وانا جا فبالي سوق واقف بس ماعرفت من وين ااجر المحل

واللحين بلغتني الله لايهينك :shy:

[سحايب الروح]

بغيت اسأل عن اسواق الغرافه وش رايكم فيها من حيث التأجير

[الرسام القطري]

أسواق الغرافة فاشلة
أنا خذيت محل وسكرته
سوق فاشل لأسف
وصار الإيجار الحين 3800 ريال في الشهر قابل للزيادة :

[الرسام القطري]

أسواق الغرافة فاشلة
أنا خذيت محل وسكرته
سوق فاشل لأسف
وصار الإيجار الحين 3800 ريال في الشهر قابل للزيادة :

قبل لاتفتحين محل سويتي دراسة جدوى للمشروع
أو جذي على الله

[سحايب الروح]

لا والله اخوي ماسويت دراسة جدول,,,,, قلت انا بدخل السوق وبجرب مع ان عندي ناس بس ابي اجرب حظي بنفسي ..... الله المستعان

[الرسام القطري]

أختي العزيزة

لاتورطين نفسج بدون دراسة كل شيء فاشل نصيحة
انتي قولي شنو بالضبط تبين وبسويلج دراسة جدوى
بس عطيني شهر وبعطيج دراسة كاملة
وابي أعرف كم راس المالي

لك كل التوفيق

[سحايب الروح]

تسلم اخوي الرسام
بالنسبه لمحل الحلويات مقدرين له تقريبا 500 الف بويكون شراكه يعني انا بالمال وشخص اخر بالخبره

امابالنسبه لمحل المستلزمات النسائيه مقدرين له 200 الف اكثر شوي او اقل شوي

اذا عندك فكره شلون اقدر انظم اموري وماينلعب علي اكون لك شاكره وجزاك الله الف خير

أنتظر ردك

وذا ع الشهر صبرت اكثر من كذا ماورانا نصبر هالكم يوم ابرك مانندم

وماخاب من استشار

لكم تحياتي

^

^

سحايب الروح

[حمد خالد]

الله يوفقج سحاااااااااااااااااااايب ومن خسر ماربح

[الهدف]

....

قبل لاتفتحين محل سويتي دراسة جدوى للمشروع
أو جذي على الله



لا والله اخوي ماسويت دراسة جدول,,,,, قلت انا بدخل السوق وبجرب مع ان عندي ناس بس ابي اجرب حظي بنفسي ..... الله المستعان


من لم يبدأ بالتخطيط للنجاح ....... فقد خطط وقرر لنفسه الفشل

الله يوفق الجميع لما فيه الخير له في الدنيا والآخره

[قاسم6051]

اختي الكريمه اولا قبل البدى باي مشروع لازم تعرفين ثلاثه اشيا اولا الامكاناتالماديه ثانيا الموقع المناسب ثالثا العماله وهذا اهم بند وبعدين الاداره هل عندك وقت ام لا لادارة هذا النشاط لان المال السايب بيعلم السرقه والله يوفقك

[سحايب الروح]

تسلمون اخواني على ردودكم

حرااااااااااااااااااام عليكم ساعدوني انجح مااحب افكر بالفشل

وبعدين راس المال جاهز العماله بعد جاهزه

وكل رد جاني تقبلته بصدر رحب

^

^

سحايب الروح

[لمت داون111]

السلام عليكم

بعطيج نصيحه من ذهب قالوها لي شياب اول

قبل لاتفكرين بالنجاح فكري بالفشل وتقبلي الفكره لانه لو الله لايقول وفشلتي ولو شي بسيط من راس مالج راح يكون عندج تقبل وماراح تكون هالصدمه لها تأثير نفسي قوي عليج
واذا نجحتي بأذن الله حتي الريال الواحد الفايده بتشوفينه عن مئه ريال لانه طلعتيه من تعبج وعرقج جبينج وبالتوفيق ان شاء الله والله ادعيلج بالخير من قلبي

اخوج لمت داون111

[<<روز>>]

أخوي الرسام انت متأكد من ان الاجار في سوق واقف 600
لان الوالد كان يبي وقالوا له ب4000 وياخذون سنة مقدم

[<<روز>>]

الله يوفقك اختي

[سحايب الروح]

تسلم اخوي لمت داون وفكرة النجاح والفشل بيد الله لكن استبشرا خيرا تجدوه
وتسلم على دعوتك لي ويجازيك خير

[سحايب الروح]

<<روز>>

تسلمين اختي

ومشكوره على مرورج

[الرسام القطري]

أخوي الرسام انت متأكد من ان الاجار في سوق واقف 600
لان الوالد كان يبي وقالوا له ب4000 وياخذون سنة مقدم


الله يطول في عمر الوالد إن شاء الله

أذا كان من أصحاب ذوي الدخل المحدود وعندهم شرط لازم أهو يقعد في المحل
يعني مافي هندي في المحل

هذا شرطهم

[<<روز>>]

مافهمت اخوي الرسام

[فلفل حار]

انزين انه ابي محل شلون يالرسام

ومستعد اقعد فيه بالعصر