عندي مشكله الله يخليكم

[NEMO]

انا عندي مشكله الله يخليكم وماعرفت وين الاقي الحل اللي عنده خبره لايبخل علي لاني محتاره وايد وماعرف وين اروح وماعرف شسوي

المشكله ان انا معاي الضغط (عمري26) من سنتين تقريبآ واكثر بس رفضت اخذ اي علاج كنت خايفة بس ماعرف ليش المهم من كم يوم حسيت ان راسي خلاص بينفجر رحت العيادة وقست الضغط طلعت النتيجه :secret:

http://www6.0zz0.com/2010/04/07/06/294412440.jpg

بعدها امسكوني الدكاتره يبون يعطوني ابرتين ضغط والدكتور قالي لو ماخذيتي الابر يمكن اجيج جلطه في القلب او تنفجر الاوعيه اللي في المخ المهم انا خفت وايد اني اخذ الابره خفت انها تنزل الضغط فجأه قلت لهم لا وطلعت ورجعت البيت ....بعدها بكم يوم راسي عورني مره ثانيه عرفت ان الضغط خفت ورحت طواري حمد حطوني في غرفه جا لي الدكتور وقاس ضغطي طلع بعد مرتفع قالي لي لاتاكلين شي في ملح ولاتعصبين وجذي وصرف لي دوا حبوب هذي هي

http://www6.0zz0.com/2010/04/07/07/669563990.jpg

وعطاني ورقه صفرا وقال لي اخذي موعد ماعرفت شسوي ف الورقه ولاعرفت من وين اخذ لي موعد ولاشي والحبوب اللي عطوني اياها شريطين كل واحد فيه 7 حبات والحين خلصت الشريط الاول وببدا في الثاني ............السؤال اللي محيرني الحين لو خلصت لحبوب شبسوي اروح اشتري نفسها واكمل ... لان يقولون اني لوباخذ موعد في حمد بيكون بعد شهر او اكثر ياليت تقولون لي اذا في حد عنده دكتور خاص يراجع عنده ويكون زين لايبخل علي تراني محتاره وايد :rolleyes2:

[Abo Ahmed]

إختي

سلامات إن شاء الله وما تشوفيين شر.

سوي حجامة عند زوجة الشيخ عقل في سوق واقف، ها الحجامة إسمها حجامة الضغط وتتسوى تقريباً في منطقة الظهر.

أنا أخوي سواها في نص شهر 3 وقاله الشيخ إنه يخلي الأهل يغلوله شعير ويشربه.

انتي ممكن تشوفي المرفقات وتقرري.

ممكن تروحي على موضوع "حد منكم جرب" في قسم الإستراحة" و إن شاء الله تستفيدي وتتعافي.

أخوكم

Abo Ahmed

[الحـ(درب)ـب]

نصائح لعلاج ضغط الدم

1- الحجامة
2- التبرع بالدم
3- الإبتعاد عن الملح الزائد
4- الرياضة واهمها المشي

هذه اشياء معروفه عند اغلب الناس

بس ترى الضغط يصيب الإنسان من حياة اليومية

يعني مشاكل في البيت او مشاكل بالعمل

والحل الأمثل لها:
الإبتعاد عن الشاي والقهوة ( يعني خففو المنبهات )
زيادة الجرعه اليومية للنوم :) يعني لو تنام 6 ساعات خليهم 7 ساعات وبتلاحظ فرق


واهم نصيحة مني شخصيا
انسى ضغط الدم ولاتفكر فيه ( مو كل ماعصبت قلت عندي ضغط )
:)

درب الحب

[عضو قديم]

اعتقد الحبوب هي حبوب مدره للبول (اعزكم الله) لان مديري عنده ضغط وياخذ مثلها

[ودي أكون]

صغيره حبيبتي عالضغط ..


الله يشفيج يالغاليه .. ولاتفكرين وايد ولاتشيلين شي بقلبج .. ترا الدنياا وربي ماتسوى


احنا يمكن شيابنا اغلبهم راحوا وهم يهم الضغط وانفهمهم .. لاتحطون بالكم واتفكرون و..و.. انتو راعيين ضغط بس هم قفل .. ماينفع معاهم الكلام ..

لكن انتي توج حبيبتي عالضغط .. واكيد تقدرين تحاولين مع نفسج .. ابتعدي عن العصبيه حيببتي ..

فلاتحطين شي بقلبج ولاتسمعين لشي واخذي الدنياا براحه .. لان مافي شي يسوي والله ..


وماعليج شر حبيبتي ..

[بوحمد111]

اختي memo

شافاك الله وعافاك وانصحك اختي بزيارة دكتور متخصص وعادة ما يكون في العيادات الخاصه وعلى سبيل المثال مستشفى الأهلي او عيادة الدوحه او مجمع منصور الطبي وان شاء الله بيفيدونك وبيعطونك الدواء المناسب للضغط اللي عندك وانا شخصياُ الحين مستمر على حبوب الضغط من 4 سنين تقريباً وعايش حياتي طبيعيه وان شاء الله تتخلصين من الضغط لأن الاطباء يسمونه القاتل البطيئ الله يطول بعمرك وانصحك اذا صرفوا لك علاج لا تقطعينه واستمري عليه واغلب الدكاتره يقولون اللي عنده الضغط لازم يستمر على العلاج مدى الحياة حاله حال اللي عندهم السكر والله يعينك ويشفيك ان شاء الله

اخوك بوحمد

[ماريسا]

ماتشوفين شر أختي
رفــــــــ للمساعدة ــــــــع

[NEMO]

إختي

سلامات إن شاء الله وما تشوفيين شر.

سوي حجامة عند زوجة الشيخ عقل في سوق واقف، ها الحجامة إسمها حجامة الضغط وتتسوى تقريباً في منطقة الظهر.

أنا أخوي سواها في نص شهر 3 وقاله الشيخ إنه يخلي الأهل يغلوله شعير ويشربه.

انتي ممكن تشوفي المرفقات وتقرري.

ممكن تروحي على موضوع "حد منكم جرب" في قسم الإستراحة" و إن شاء الله تستفيدي وتتعافي.

أخوكم

abo ahmed


صراحه الطب الشعبي يخوف اكثر انا ابي دكتور الله يخليكم ومشكور ع المعلومه وانا ان شاء الله بسأل




نصائح لعلاج ضغط الدم

1- الحجامة
2- التبرع بالدم
3- الإبتعاد عن الملح الزائد
4- الرياضة واهمها المشي

هذه اشياء معروفه عند اغلب الناس

بس ترى الضغط يصيب الإنسان من حياة اليومية

يعني مشاكل في البيت او مشاكل بالعمل

والحل الأمثل لها:
الإبتعاد عن الشاي والقهوة ( يعني خففو المنبهات )
زيادة الجرعه اليومية للنوم :) يعني لو تنام 6 ساعات خليهم 7 ساعات وبتلاحظ فرق


واهم نصيحة مني شخصيا
انسى ضغط الدم ولاتفكر فيه ( مو كل ماعصبت قلت عندي ضغط )
:)

درب الحب



بالنسبة للتبرع بالدم انا فيني فقر دم - والمشاكل الحمد الله ماعندي مشاكل في البيت ولا الشغل اعتقد ان الضغط وراثه لان اهل امي كلهم ضغط -والنوم لو اقولك كم ساعه انام بتستغرب الظهر من 1ونص لخمس ونص وفي الليل من 11 ل6 الصبح يعني تقريبآ 12ساعه في اليوم -






اعتقد الحبوب هي حبوب مدره للبول (اعزكم الله) لان
مديري عنده ضغط وياخذ مثلها

والله مادري بس هو عطاني اياها وانا شريت لي جهاز يقيس الضغط ومن يوم ماخذيتها وانا ضغطي الحمدالله اوكي بس مادري شسوي اكمل عليها بدون ماستشير الدكتور ولا وين اروح اللي عنده ضغط ومجرب دكتور زين لايبخل علي حتى لو عياده خاصه

[ضوى]

اختي الغالية

ضغطج جدا عالي وبشكل غير طبيعي ، وهذ الامر قد يسبب لا قدرالله فشلا كلويا حادا لا يمكن علاجه الا بزراعة الكلى ، الحبوب لتنظيم الضغط ويجب عليك عدم قطعه لحين استقرار الضغط لديك
عليك بشرب الماء كثيرا ، والابتعاد عن التوتر والانفعال ويجب عليك الابتعاد عن المالح من الاكل

انصحك وبقوة الذهاب للدكتورطارق في مستوصف الجزيرة وسوف يعلمك بما يلزم وذلك عن تجربة شخصية لحين موعدك ومتابعتك بشكل دوري مع مستشفى حمد

الله يشفيج ويعافيج يارب

[NEMO]

ثانكس ع الردود والله ماقصرتوا ...........بوحمد ابي اسم دكتور الله يخليك يعني اذا تتعالج عند دكتور يكون زين قولي اسمه

[ضوى]

للعلم فقط للبالغين الشباب الضغط الطبيعي يتراوح بين 120/80 إلى 130/82 مثلا وللبالغين فوق 35 سنة يرتفع قليلا عن 85 التحتاني

عموما الضغط التحتاني هو المهم اذا ارتفع عن 85 يجب الانتباه فهذا ناقوس خطر

[NEMO]

اختي الغالية

ضغطج جدا عالي وبشكل غير طبيعي ، وهذ الامر قد يسبب لا قدرالله فشلا كلويا حادا لا يمكن علاجه الا بزراعة الكلى ، الحبوب لتنظيم الضغط ويجب عليك عدم قطعه لحين استقرار الضغط لديك
عليك بشرب الماء كثيرا ، والابتعاد عن التوتر والانفعال ويجب عليك الابتعاد عن المالح من الاكل

انصحك وبقوة الذهاب للدكتورطارق في مستوصف الجزيرة وسوف يعلمك بما يلزم وذلك عن تجربة شخصية لحين موعدك ومتابعتك بشكل دوري مع مستشفى حمد

الله يشفيج ويعافيج يارب


الله يخليج يارب ..........طيب بموعد ولا اروح على طول ........؟؟؟؟؟ واسمه طارق ايش!!

[ضوى]

الله يخليج يارب ..........طيب بموعد ولا اروح على طول ........؟؟؟؟؟ واسمه طارق ايش!!

شوفي اختي روحي حمد واخذ الموعد اقرب موعد ممكن يعطونك اياه ، وفي نفس الوقت روحي للدكتور طارق بمستوصف الجزيرة هو الوحيد طارق هناك ومعروف ومشهور ، وفيه تجربة شخصية معاه بخصوص الضغط بالضبط ومايحتاج موعد ابدا مافي زحمة عنده اذا بتروحين الصبح او يوم السبت الساعة 9 او 10 وايد مناسب وان شاء الله تطمنينا عليج اختي الغالية

[ضوى]

وعلى فكرة تركيز الحبوب اللي معطينج اياه جدا خفيف يعني ان شاء الله شغلتج مؤقته وماتستمرين عليه شوي شوي ببقلل لج الجرعة ان شاء الله

[جوال 11]

عافاك الله
مرض الضغط يسمى الصامت القاتل ونصيحة لابد من أخذ العلاج وعدم التفريط فيه وهنالك عيادات مسائية في حمد ومواعيدها قريبة ، والنصائح مثل ما ذكرها الأعضاء تخفيف الملح والمشي والحجامة لكن عدم ترك العلاج أبدا حتى لمدة يوم ، وكثير من الناس لا يعلم بانه مصاب بالضغط ونرى حالات كثيرة تحصل لهم جلطات في المخ من عدم معرفتهم أصابتهم بالضغط أو أهمال العلاج

[NEMO]

ان شاء الله بروح لهم بكرا الصبح او اليوم ...............بس انا الدكتوراللي في الطواري قالي بنبدا ب 5 غرام لانها خفيفه قال اذا عطيتج من البدايه اكثر يعني 20 مثلآ قال بيغمى عليج عشان جذي معطيني 5 .......مشكوره وماقصرتي يالغاليه

[NEMO]

عافاك الله
مرض الضغط يسمى الصامت القاتل ونصيحة لابد من أخذ العلاج وعدم التفريط فيه وهنالك عيادات مسائية في حمد ومواعيدها قريبة ، والنصائح مثل ما ذكرها الأعضاء تخفيف الملح والمشي والحجامة لكن عدم ترك العلاج أبدا حتى لمدة يوم ، وكثير من الناس لا يعلم بانه مصاب بالضغط ونرى حالات كثيرة تحصل لهم جلطات في المخ من عدم معرفتهم أصابتهم بالضغط أو أهمال العلاج

انا ان شاء الله بروح للدكتور طارق اللي في الجزيرة مثل ماقالت لي ضوى وان شاءالله خيرلاني صراحه اخاف من مستشفى حمد :weeping: ومشكورين ماقصرتوا

[المبتسم]

يبا خرعتوا البنت,,الصامت القاتل والانفجار والفشل الكلوي!!! شنو ذي!!!

يا nemoمافيج الا العافيه,,,وضغطك مو لهالدرجة خطير,,,والحبوب اللي عندك ماتدل على هالشي

روحي للدكتور طارق واسمعي نصيحته,,واهم شي الراحه النفسيه,,,وترى الزواج الناجح يخفف الضغط!الله يرزقك الزوج الصالح ويشافيك ويعافيك

[NEMO]

يبا خرعتوا البنت,,الصامت القاتل والانفجار والفشل الكلوي!!! شنو ذي!!!

يا nemoمافيج الا العافيه,,,وضغطك مو لهالدرجة خطير,,,والحبوب اللي عندك ماتدل على هالشي

روحي للدكتور طارق واسمعي نصيحته,,واهم شي الراحه النفسيه,,,وترى الزواج الناجح يخفف الضغط!الله يرزقك الزوج الصالح ويشافيك ويعافيك


نو كومنت صراحه ماعرف شقول لك ........... انا كلمت الجزيره قالوا لي ان الدكتور طارق موجود من 4 - 8 وخذت لي موعد اليوم وان شاء الله ان شااااااااااء الله خير

[ضوى]

نو كومنت صراحه ماعرف شقول لك ........... انا كلمت الجزيره قالوا لي ان الدكتور طارق موجود من 4 - 8 وخذت لي موعد اليوم وان شاء الله ان شااااااااااء الله خير

خير مافعلتي ، وان شاء الله نسمع منج اخبار طيبة اليوم بالليل ، لاتنسين تطمنينا عليج

[alfaqeer]

اختي الكريمة Nemo
اسمحيلي ان اقول انكِ لم تحسني الاختيار المناسب للاستشارة, فالمسألة طبية بحتة, ووجهات النظر في الدكاترة تختلف من شخص لآخر, فما يناسبني من طبيب قد لا يناسبك , كما أن المنتدى ليس متخصص في الطب, وقد يكون هناك من يملك معلومات عامة , ولكن ليست كافية لاعتبارها استشارة, لذا أرى ان تلتزمي التواصل مع المتخصصين في هذه المسألة , خاصة انها مسألة خطيرة, وصدقيني انا علمت مترجم في احد المستشفيات الأمريكية والسعودية, وأعلم الكثير عن أكثر الأمراض شيوعا, ولا أتجرأ ان أفتي واقدم استشارة بالرغم من علمي الأكيد في مسائل كثيرة عن الطب لطبيعة عملي , لأن الموضوع خطير فقد تقدم استشارة ومن ثم تكون عواقبها وخيمة, أسأل الله ان يشفيك والمسلمين جميعا من الأمراض ما ظهر منها وما بطن.

ابودحيم

[شبيــه الريح]

ماتشوفين شر والدكتور طارق من افضل من تعالجت معاهم بالنسبه للقولون والبطن وان شاء الله يفيدج

والاهم انج تاخذين عسل ترى العسل الطبيعي علاج ومعاه الحبه السوده وان شاء الله يروح منج

[ANONYMOUS]

يبا خرعتوا البنت,,الصامت القاتل والانفجار والفشل الكلوي!!! شنو ذي!!!

يا nemoمافيج الا العافيه,,,وضغطك مو لهالدرجة خطير,,,والحبوب اللي عندك ماتدل على هالشي

روحي للدكتور طارق واسمعي نصيحته,,واهم شي الراحه النفسيه,,,وترى الزواج الناجح يخفف الضغط!الله يرزقك الزوج الصالح ويشافيك ويعافيك

اسكت

انا تخرعت

الضغط منتشر طبيعي.. ولكن لايجب اهماله.. التواصل مع المستشفيات والدكاتره ولا بأس بالحجامه..

وماعليج شر