آستفسآر.. الله لايهينكم خآصه لموظفين راس غآز

[M!ss Q6R]

السلام عليكم ورحمة الله وبركآته.,,

آشحآلكم اخوآني.. ان شاء الله بخير..

عندي استفسار ويا ريت اللي عنده خبره بالموضوع لا يبخل علي
...


امس كان عندي امتحان تحديد مستوى براس غآز..وبعدين سويت المقآبله..

الحمدالله الامتحان متأكده اني بجيب فيه درجة طيبه لان كآن سهل ولله الحمد..

بس السالفه يوم كنت فالمقابله..

قلت لها اني فالجامعه وحاليا مجمد قيدي..
فقالت لي هل انتي تبين وظيفه قلت لها اي نعم..
قالت لازم اتجيبين ورقة انسحآب نهائي من الجامعه..:omg:

هني انا حسيت ان تعكر مزآجي شووي..
قلت لها طيب بخلي محآضراتي عقب الدوام ان الله كتب..

قالت لاا لازم ورقة انسحاب نهائي..

هل هالقانون ماشي وصحيح..

زين اذا هالشركات تدعم الطلاب عشان يكملون دراستهم..
ليش قالت لي انسحاب نهائي..
انا بدوام وبسوي اللي علي.. اشدخل اجيب لهم ورقة انسحاب نهائي..

انا صج صج محتاجه الوظيفه .. بس مهما كان الواحد يحتاج شهادة جامعيه..

لاحد يقول اضمني الوظيفه وخلي الجامعه وغيرج مب محصل..

بس ابيكم تقولون لي هل هالقانون موجود..؟؟ ان يطلبون سحب نهائي من الجامعه..؟
زين ممكن اتواصل مع حد من الشركة اذا انتوا اتعرفون.. يمشي الموضوع..؟
او يقدر يسآعدني..؟؟

فياريت ما تبخلون علي ..

واللي ماعنده فكره يرفعها بدعووه

والله يفرجها عالجميع..

[M!ss Q6R]

لا اله الا انت سبحانك اني كنت من الظالمين

[قطر501]

الله يوفقج انا الي اعرفه عن هالشركات اذا جاهم واحد وعنده درجة السنير يقولون له بنحطك على درجه الجنير وحنا الي بنطورك لين توصل السنير وهي شي غريب منهم وانتي اختي مجرد قيدك فالجامعة يقولون اكيد هاي بتكمل وبتاخذ السنير وهم هاي مخالف حق قوانينهم بعدين اختي انتي ماتشوفين هاي المؤسسات نقول الي لها في البترول الغاز اذا حطوا اعلان توظيف دائما يطلبون خريجين الثانوية مايطلبون جامعيين

[M!ss Q6R]

الله يوفقج انا الي اعرفه عن هالشركات اذا جاهم واحد وعنده درجة السنير يقولون له بنحطك على درجه الجنير وحنا الي بنطورك لين توصل السنير وهي شي غريب منهم وانتي اختي مجرد قيدك فالجامعة يقولون اكيد هاي بتكمل وبتاخذ السنير وهم هاي مخالف حق قوانينهم بعدين اختي انتي ماتشوفين هاي المؤسسات نقول الي لها في البترول الغاز اذا حطوا اعلان توظيف دائما يطلبون خريجين الثانوية مايطلبون جامعيين

هاي اللي خايفه منه.. حتى لو طلبوا ثانوية.. اعرف ناس هناك يقولون واعدينهم بتطوير
و و و بس لين الحين ما شافوا شي.. بس ليش يبون سحب اوراق من الجامعه..
يعني انا اعرف ان اذا واحد يبي يدرس مثلا تخصص حق الشركه مثلا كميكال انجنيرنق..
الشركه تتكفل فيه..

ويوم سالتها لييش ما يصير.. قالت لانج انتي مسجله الحين طالبه في ادارة العمل..
ولازم تسحبين اوراقج عشان تتسجلين موظفه..

اعرف وايد ناس يشتغلون ويدرسون.. :eek5:

فمب عارفه الصراحه.. خآطري اوصل حق مسووؤل اذا حد يعرف لا يبخل علي

[المرحب]

لا اله الا انت سبحانك اني كنت من الظالمين


ربي يوفقك أختنـــــــــا

[M!ss Q6R]

يوفق الجميع يا رب..

مشكور عالمرور..

[البدع]

اختي

نصيحة لوجه الله

اذا تبين وظيفة فكملي مع راس غاز .. يشهد الله انها احسن شركة .. وعقب ادرسي في اي جامعة ثانية واحصلي على معدل اعلى من 2.5 ... وعقب دوري وظيفة وانتي داخل الشركة ... موضوع يمكن ياخذ وقت ... بس سهالات وانتي داخل الشركة

واذا انتي مب محتاجة فكملي دراستك

والله يوقثك

[Mr.Mohammad]

الدراسة ابدى..لكن حاولي توصلين لمسؤول يمكن يقدر يساعدج..


لكن انصحج ما تنسحبين لكن ماتقدرين عقب ترجعين...


الله يوفقج

[M!ss Q6R]

اختي

نصيحة لوجه الله

اذا تبين وظيفة فكملي مع راس غاز .. يشهد الله انها احسن شركة .. وعقب ادرسي في اي جامعة ثانية واحصلي على معدل اعلى من 2.5 ... وعقب دوري وظيفة وانتي داخل الشركة ... موضوع يمكن ياخذ وقت ... بس سهالات وانتي داخل الشركة

واذا انتي مب محتاجة فكملي دراستك

والله يوقثك

تسلم اخوي عالمرور..وكلآمي منطقي
بس وين ادرس وهم على قولتهم مايصير اتسجل طالبه وموظفه في آدآره العمل..
انا هاي اللي ما استوعبته بس..

[M!ss Q6R]

الدراسة ابدى..لكن حاولي توصلين لمسؤول يمكن يقدر يساعدج..


لكن انصحج ما تنسحبين لكن ماتقدرين عقب ترجعين...


الله يوفقج

مثل كلآم الوالده.. اتقول عقب كم سنه بيقولون نبي جامعيات.. وبييون وبكونون اعلى منج..
آن شاء الله احصل حد يفيدني.. ويعرف مسوؤل اقدر اتواصل معاه بخصوص هالسالفه..
تسلم اخوي ولاهنت

[mohd89]

الله يوفقج أختي وتحصلين اللي في بالج

[روح الاطلس]

نعم اختي هذا قانون

والقانون صدر كالتالي :

يمنع منعا باتا لأي طالب ان يعمل واصلا لما تخصلين امورج معاهم بيقولون روحي هاتي ورقة تثبت انج ماتشتغلين ولا تدرسين ورقة من الجامعه وورقة من ادارة العمل

هذا قانون لا غبار عليه

وماعاد فيه شي اسمه اداوم الصبح وادرس مساء

وبعدين قيدج مجمد هل تتوقعين فيه امل يذوب عنه الجليد :) وانتي تدرين كم سنة بس مسموح يكون مجمد ؟؟ بس سنتين لو ماجبتي توفل خلالها خلاص طرد يعني التجمد مؤقت

فالاحسن ونصيحة روحي الجامعه وسوي انسحاب نهائي وانسي شيء اسمه جامعه ( توجه الدوله الان هو ان يكون المواطن متوقف عند الثانوية والجامعيين الحين خلاص راحت عليهم )

وتمسكي بالوظيفة وعقب سنتين او ثلاث اطلبي من المدير يبعثج دراسة وكثير في راس غاز مبتعثين واعتقد ممكن يبعثونج لاي جامعه تبين مو شرط جامعات المجلس الاعلى نفس قطر للبترول

في ناس في البحرين والاردن ومصر ودول العالم كله على حساب عملهم

ويمكن حتى ماتحتاجين والتوفيق يكون معج وتطلعين سينير من غير شهادة جامعية ولا هم يحزنون

وكلمتي الاخيرة لو انتي في جامعه قطر قدمي انسحاب نهائي واشتغلي ابرك لج يا كثر الجامعيين اللي يتمنون الشغل في راس غاز ولا معطينهم وجه انتي الفرصة جاتج على طبق من ذهب لا تضيعينها بوهم اسمه جامعه قطر وتوفل وايلز وخرابيط

[لمعة الالماس]

يصير تدرسين وتشتغلين اذا عطوج بعثه او تفرغ

لا تسحبين اوراقج من الجامعة اول اسئلي ناس كبار براس غاز وحاولي معاهم

[البدع]

تسلم اخوي عالمرور..وكلآمي منطقي
بس وين ادرس وهم على قولتهم مايصير اتسجل طالبه وموظفه في آدآره العمل..
انا هاي اللي ما استوعبته بس..

واحد من الشباب سواها ...

اشتغل

وراح كمل ساعات برع قطر (الاردن)

ورجع وصار سنير سنتين

راتب . ودراسة

[بوعمير]

السلام عليكم ورحمة الله وبركآته.,,

آشحآلكم اخوآني.. ان شاء الله بخير..

عندي استفسار ويا ريت اللي عنده خبره بالموضوع لا يبخل علي
...


امس كان عندي امتحان تحديد مستوى براس غآز..وبعدين سويت المقآبله..

الحمدالله الامتحان متأكده اني بجيب فيه درجة طيبه لان كآن سهل ولله الحمد..

بس السالفه يوم كنت فالمقابله..

قلت لها اني فالجامعه وحاليا مجمد قيدي..
فقالت لي هل انتي تبين وظيفه قلت لها اي نعم..
قالت لازم اتجيبين ورقة انسحآب نهائي من الجامعه..:omg:

هني انا حسيت ان تعكر مزآجي شووي..
قلت لها طيب بخلي محآضراتي عقب الدوام ان الله كتب..

قالت لاا لازم ورقة انسحاب نهائي..

هل هالقانون ماشي وصحيح..

زين اذا هالشركات تدعم الطلاب عشان يكملون دراستهم..
ليش قالت لي انسحاب نهائي..
انا بدوام وبسوي اللي علي.. اشدخل اجيب لهم ورقة انسحاب نهائي..

انا صج صج محتاجه الوظيفه .. بس مهما كان الواحد يحتاج شهادة جامعيه..

لاحد يقول اضمني الوظيفه وخلي الجامعه وغيرج مب محصل..

بس ابيكم تقولون لي هل هالقانون موجود..؟؟ ان يطلبون سحب نهائي من الجامعه..؟
زين ممكن اتواصل مع حد من الشركة اذا انتوا اتعرفون.. يمشي الموضوع..؟
او يقدر يسآعدني..؟؟

فياريت ما تبخلون علي ..

واللي ماعنده فكره يرفعها بدعووه

والله يفرجها عالجميع..


مرحبا أختي، ياليت توضحي يعني ايش قيد مجمد (للعلم بالشئ فقط)، بالنسبة للعمل في راس غاز لو تحددين الإدارة الي انتي مرشحة للعمل فيه علشان أقدر افيدج، لأن في إدارات تدعم موظفيها وتشجعهم على إكمال الدراسه سواء جنير (للحصول على البكالوريوس ) أو سنير (للحصول على الماجستير)، وفيه إدارات تحطم الموظفين، يعني على حسب متطلبات الإدارة الي انتي مرشحه للعمل فيها وفي النهاية يتعمد على رغبتج ودعم مدير الإدارة لكي، عموماً فرصة إكمال الدراسه لموظفين راس غاز كبيرة جداً خصوصاً إذا كان المدير أجنبي وهذا من واقع خبرة وليس كلام منقول، وأنا الأن أدرس الماجستير في بريطانيا والي شجعني مديري الاجنبي وقبل كنت أعمل في إدارة مديرة قطري وللأسف ما كان يساعد القطريين.

بالنسبة لسؤالج عن الانسحاب النهائي من الجامعه (اليوم او بكره إن شاءالله) بطرشلج على الخاص رقم شخص مسؤل في إدارة الموارد البشرية وتقدرين تسأليه الي في خاطرج.

استخيري موفقه خير إن شاءالله.

[M!ss Q6R]

تسلمون عالمرور والمسآعده..

والله ييسر اللي فيه الخير..

[M!ss Q6R]

مرحبا أختي، ياليت توضحي يعني ايش قيد مجمد (للعلم بالشئ فقط)، بالنسبة للعمل في راس غاز لو تحددين الإدارة الي انتي مرشحة للعمل فيه علشان أقدر افيدج، لأن في إدارات تدعم موظفيها وتشجعهم على إكمال الدراسه سواء جنير (للحصول على البكالوريوس ) أو سنير (للحصول على الماجستير)، وفيه إدارات تحطم الموظفين، يعني على حسب متطلبات الإدارة الي انتي مرشحه للعمل فيها وفي النهاية يتعمد على رغبتج ودعم مدير الإدارة لكي، عموماً فرصة إكمال الدراسه لموظفين راس غاز كبيرة جداً خصوصاً إذا كان المدير أجنبي وهذا من واقع خبرة وليس كلام منقول، وأنا الأن أدرس الماجستير في بريطانيا والي شجعني مديري الاجنبي وقبل كنت أعمل في إدارة مديرة قطري وللأسف ما كان يساعد القطريين.

بالنسبة لسؤالج عن الانسحاب النهائي من الجامعه (اليوم او بكره إن شاءالله) بطرشلج على الخاص رقم شخص مسؤل في إدارة الموارد البشرية وتقدرين تسأليه الي في خاطرج.

استخيري موفقه خير إن شاءالله.


اخوي مجمد قيدي.. يعني اجتزت برنامج التاسيسي.. بس لين الحين ما جبت 5.5 في الايلز..
فقانون الجامعه اني اجيب الدرجه المطلوبه عشان ابتدي تخصص..
والحمدالله يعني جبت مرتين 5.. يعني هآنت وقريب ان شاء الله اجيب 5.5..

يالله بنتظر وبشوف شنو بيردون علي.. والله يقدم اللي فيه الخير

[شعشوع]

اختي نصيحه من اخوج الكبير ..

انا احين موظف ومتخرج من جامعه قطر وصوتي انبح وانا انصح الشباب المتخرجين من الثنويه ..

يا اخوان كملوا دراستكم .. وربي الدوحه مب مثل قبل .. احين خريج الجامعه صعب يحصل شغل كيف الثنويه ؟

شوفي اختي ..
حاولي تجيبين الايلز وتدخلين الجامعه وتخلصينها .. محتاجه شغل وراتب ؟
خلي الأهل يصرفون عليج هالـ 4 سنين وعقبها ان شاء الله بتتوظفين وانتي تقدرين في سنه وحده تصرفين عليهم اللي صرفوه في الـ 4 سنين ..

اللـه يجعلها في ميزان حسنات الوالد ربي يطول بعمره .. هو تكفل بي طول الـ 4 سنين في جامعه قطر .. درست ورصيت على عمري وخذت الشهاده
صحيح كان اللي اخذه قليل لكن حاط في بالي هدف اني اخذ الشهاده مها صار .. وخذتها وتوظفت ولله الحمد .. والوالد لو يطلب ماي عيوني والله تفداه .. لاني مانسى جمايله علي عشان جي احب انصحكم واعدكم مثل اخواني وخواتي ومابي لكم الا الخير لاني مشيت بهالدرب قبل ..

انا الحين ولله الحمد سينير .. واشوف ربعي الي كانوا معاي في المدرسه واقارن بين خريج الجامعه والثنويه ..
فرق كبيير في الراتب !!

دايما انصح واقول شدوا حيلكم ولو ماعندكم دخل .. خلي اهلكم يصرفون عليكم عشان تصرفون عقب عليهم لأبد العمر .. وماظن الدوحه مافيها خير .. الحمد لله الكل عنده خير يخليه يقدر يكمل الجامعه ع الأقل يعني مني ولا مناك .. تقدر تتدبر لو نخلي الدلع والمفوشر شوي بنوصل !!

واذا الأهل عجزانين عن مصاريفج اثناء فتره الدراسه .. قدمي على هيئات ولا شركات يتبنونج اثناء فتره الدراسه .. منها البترول ولا المصرف الإسلامي بشرط تشتغلين عندهم بعد التخرج جميع فتره الكفاله .. يعني درستي 4 سنين على حساب المؤسسه ولا المصرف في جامعه قطر .. تشتغلين عندهم 4 سنين وعقب تقدرين تظهرين اذا تبين تروحين مكان ثاني .. في حلول كثيره اذا اردنا الشهاده بصدق !

ربي يوفقكم أجمعين .. ودمتم بود ..

=)