مواصلات كروه

[كلاسيك قطر]

السلام عليكم ورحمه الله وبركاته

شنو رايكم في مواصلات كروه

هي كل شي اوكي والباصات اوكي

بس في مشكله وحده فيهم يوقفون في نص الشارع

انزين ليش مايسووون مواقف خاصه لهم واليوم وانا طالع من السوق في نص الدوار واقف التكسي مال كرووه

شنو سالفتهم

[الوعد2016]

مستثنين في قانون المرور
يعني ايوقت يوقف
وكتوب خلف كروه وقوف متكرر
يعني محذرين الربع
واهم شي اذا صار دهس قالوا الخطاء من البشر مش من السائق يعني مش استثناء قوي
واهم شي التبرع لاثيوبيا باسطول من سيارات وباصات

[بو حسن]

لا ياجماعه ,, كروه مصخوها وايد

اول شي مالهم موقف معين (بالنسبه للباصات) ,, وموقفهم دوم مع مواقف السيارات العاديه ,, هذا ممنوع
وامرور طناش ولا معتبرينها هذي مخالفه صريحه

ثاني شي بعد بالنسبه للباصات مواقفهم كلها غلط ,, مره تحصلهم واقفين بوسط الشارع ومره مع اللفه وحتى مستشفى حمد ما سلم منهم ,, في موقف لهم وانت طالع من الباب الرئيسي تبغي الخروج الى دوار العاب القوى طريق المواقف ذات الطوابق وتبغي تدخل الموقف هذا ماتقدر من هالباصات اللي توقف .. وغير الناس اللي تنزل ناس وتشيل ناس ,, حشه ماصار شارع صار موقف والكل يوقف فيه ,, والمرور مره ثانيه طناش ,,

هذا ما اردت قوله .. ولك من ياصاحب الموضوع الف شكر



الحبيب

[كلاسيك قطر]

اي انا قلت جذي

المفروض يخصوصون مواقف خاصه لهم

[كلاسيك قطر]

للرفع

[خفيف الرووح]

لاحياه لمن تنادي

من اكبر الشركات ماعندها مواقف ولاتنظيم ولا سايقين مثل الناس

وفوق هاي مستثنين من المرور

ود ودك تنزل لواحد تطيح فيه تبكس اذا لف عليك او وقف فجاه علشان مايفكر 100 مره قبل لايعيد الحركه مع غيرك

[كلاسيك قطر]

اي والله

باطو جبدي والله

[الاسمر]

ياجماعة في حد جرب تكاسي المطار ،تقعد على الكرسي تتصور أنك في السودان او احد الدول الله بسمه؟؟؟!!
حرام الأجرة التي يأخذونها، لو تدفع ليموزين في أحد الدول الراقية ما تشوف فرق في الأجرة

[لاجئ عاطفي]

اماكن الانتظار لصاحبة اكبر اسطول في العالم للحين عباره عن لافته حديديه متهالكه وفي بعض الاحيان كراسي مظلله لا تكفي الا اربع اشخاص بالكثير ومهب امظلله بشكل كامل يعني الشمس حارقتك حارقتك بينما في الدول المجاورة مثل دبي امكان مغلقة ومكيفه ... شاطرين في اطول اسطول بس اما الامور الاهم مهب هامتهم

[BIG-VEGA]

مواصلات كروه شركة انشأت لتنجح

باي وسيله كانت