مرٍحبآ جميعآ...أهل البحرٍ وٍالحدآق أبي مشوٍرٍتكم ..

[ممنوع اللمس]

السلـآ’ـم عليـكم وٍرٍحـمـة اللّـه وٍبـرٍكـآ’تـه...جمـيعـآ’ـآ’...
والله يا جمآعة الخير انا هاليومين افكر لي بشغله وأبي مشورتكم
أفكر اشتري لي طرآد كامل مع معداته واجيب لي 6 او 7 عمال واخذ لي وانيت قديم
وكل يوم ينزلون البحر واللي ربي يكتبه يبيعون بعضه عالكورنيش والبعض يبيعونه على المحلات او في سوق السمك
مجرد فكره تدور في بالي ومادري ادور مشورتكم
الأسئله اللي في بالي هل لازم تصريح؟ ومن وين اجيبه وكم يكلف لو لازم تصريح
وكم سعر الطراد مع معداته كامله؟ والعمال اهم شي من وين اجيبهم؟
وخاطري اعرف تقريبا كم بيكلفني الموضوع
ولو حد جرب يقولي ربحه شلون
والله يوفقنا ويوفقكم جميعآ’... :nice:

[اشدعوه]

وعليكم السلام ورحمة الله وبركاته

ما ادري هل يعطون تصاريح عمال للبحر الى الحين ؟
لان اخبر وقفوهم
واذا مالك في البحر نصيحة ابعد عنه

تقبل تحياتي

[نايم سهران]

الله يوفقك احس مشروع ممتاز وفي بالي من زمان :nice:

[ممنوع اللمس]

الله يعطيك العافيه اشدعوه وبصراحه مو اي حد يبي يدخل البحر لازم يفهم فيه او انه مثلا يبي يخل مشروع يعرف له الواحد يتعلم خصوصا لو كان راس المال قليل

[ممنوع اللمس]

الله يعطيك العافيه نايم سهران وماقصرت عالرد

[N7eEeS]

العمليه بسيطه بس وين بتحصل (قول)ترخيص طراد صيد لانه موقف من زمان الموجود حاليا ترخيص نزهه.
انت تحتاج 3 هنود فقط لاغير.
الطراد يعتمد بس مايكلفك أكثر من 80 الف نقول 26 قدم ومكاين عدد2 85 او 115 على حسب، والمعدات غزول وخيه وقراقير وماتكلف وايد.
بعض الناس يخلون الهنود يشتغلون على الطراد وياخذون منهم بين 2000-4000 شهريا على حسب.
والله يوفقك

[ممنوع اللمس]

تسلم نحيس عالرد وماقصرت فديت خشمك
الطراد موجود والمعدات كامله وان شاء الله خير

[بن رومي]

تبي اللي يساعدك

شيك عالخاص


بن رومي

[ممنوع اللمس]

كفو بن رومي وماقصرت وبيض الله وجهك

[بوطويشم]

السلام عليكم

بالتوفيق

وعقبال ما نشوفك من أكبر الموزعين في السوق

[Thamer_Qat]

واشلك في البحر واهواله, ورزق الله على السيف
اخوي اهل البحر خلوه من اللي شافوه وانت توك تفكر تشتري وتسوي وتدش البحر!!
ترى هذا بحر مب لعبه
نصيحه شوف لك واحد من ربعك ولد بحر وادخل معاه في شراكه وتعلم منه ولا ترى بتتبهدل وبتتعب وبتخسر لأن هذا بحر مب لعبه

[ممنوع اللمس]

بو طويشم تسلم عالرد وماقصرت فديت خشمك

[ممنوع اللمس]

وشلك بالبحر ههههه هالمثل كان ينقال قبل ايام الغوص وهالسوالف
وانت تقولي بحر مب لعبه انا ما بروح ادور لولو خخخ اهو طراد وكم عامل والسلام عليكم السالفه مو خطره بالدرجه اللي انت متصورها الموضوع من اسهل ما يمكن
اللي واقف في وجهي بس التصريح وشغلات بسيطه
ووتسلم عالرد يالغالي

[وحش قطر]

اسمع تبي الكلام عدل برز لك طراد محترم حق ام الربيان

مكاين 250 على كرف جديد وماجلان وعطة ريس

اما الكنعد والهامور فية خير بس شقى وخساير